رواية ملاك الشيخ جراح الفصل الثاني والثلاثون 32 - بقلم ~yaqeen.hassan~

يا ضَعيفَ الجُفونِ أضعَفتَ قَلبًا
كَانَ قَبلَ الهَوَى قَوِيًا مليّا
لا تُحارِبْ بناظِرَيكَ فُؤَادِي
فضَعيفانِ يَغلِبانِ قَوِيّا .

لتنسون قبل القراءة تدوسون على النجمة وعلقو على الفقرات 💕

#الكاتبة : yaqeen. Hassan
#مـلاك _ الـشيـخ _ جـراح
#البارت_ الثاني والثلاثون

نغم : واكف يحضر جنطتة واني ضايجة _ يعني ضروري تروح

علي : اي بوية عملية جبيرة واذا نجحت على ايدي  شايفة شون يصير الي مقام وسمعة

نغم : بس...

علي : نغمم لابس ولاشي سمعة الدكتور من يفتح عيادة ومن يشتغل على نفسة ويعرف نفسة للناس انة مفتحت عيادة  لخاطرج ولخاطر امي  لهذا لازم ابني مكانتي وبروحاتي لبغداد متدرين مكانتي شون تنبني ويجوز يجي يوم ويستدعوني للخارج علمود عمليات تخيلي النجاح اللي رح اوصلة

نغم : اني مو ضد نجاحك بالعكس افرح هواي من اشوفك هيج بس اخذني وياك على الاقل

علي : صدكييني لو اكدر اخذج بس وين اخليج  يعني انة شغلي طول اليوم بالمستشفى اذا اخليج بالشقة اخاف والله  اخاف  واحد من اصدقاء جراح يجي او جاسر لان الشقة مو بس الي 

ماطول هنة اسبوع  ونص تقريبا  وارجع

نغم : هزيت راسي ورحت حضنتة  صرت ماتحمل فراكة بعد سفرتنا لبغداد لان تعلقت بي هواي وتونسنة لابعد حد 

وعشنا احلى الايام

وهسة حيروح لبغداد علمود شغلة

كمل الجنطة وتقرب باسني براسي وبشفتي وحضني وطلع طلعت وراه جان  جاسر توة طالع من غرفتة

جاسر : وين عمو

علي : لبغداد

جاسر : اي الله جابك اريد اريد اروح بس مابية اسوق

علي : يا حيوان فوك ميكول اسوق بدالك

جاسر : والله عمي راسي مسطور مابية حيل اعتبرني مموجود 

علي : دمشي بدل بساع حتاخر

نغم : نزلنة لكينة بدربنة جراح حاضن ملاك ويبوس براسها

علي : هاااا هاااا خيررر خيررر سالمينن غانميين  ولكمم شو انتو مستهترين كبال الناسس

جراح : خير اليصيبك عمي شكو مرتي ترا

علي : وخر عنها لا انعنعك تنعتنع طايح الحض

جراح : لا والله  الرايح والجاي صاير ينعنع بية ترا ماعدكم شي يمي مرتي واني حرررررر

علي : وخر وخر منهة بينكم عشر امتار تضل لحدما تزوجون ترا وعلي افصخكم

نغم : متت ضحك عليهم وكف بنصهم يبعدهم وجراح طنكر

خطية شانين الحرب ضدة هالايام كل ما يتقرب لملاك يشتغلون تهديدات بي

نزل جاسر وطلعو هوة وعلي وراحو

رحت للمطبخ كعدت اكلب بفوني  ضايجة

شوية وفاتتلي مريم مخطوف لونها

_  شبيج

مريم : اخوج برا روحيلة

نغم : فاروق شجابة وشبي وجهج

مريم : روحي هسة وبعدين اكلج طلعت نغم واني غميت رورحي من تذكرتت الفشلة

طلعت للحديقة ارشها احنة الصبح كلها بالداومات يعني نطلع للحديقة بدون حجاب عادي

ندكت الباب رحت لبست شالي وفتحتهة

_ منوو عمو

الحارس : عمي اخو نغم

مريم : خلي يفوت

الحارس : تفضل عمي تفضل

مريم : فات فاروق توة ديسلم جان يصفن علية اني همات الغباء وصل عندي مرحلة

فاروق : العفو خوية

مريم : كالها ودار وجهة اني كلت شبي هذا

_ شبيك درت وجهك فوت هسة تجي نغم

فاروق : احم باوعي لروحج

مريم : باوعت لروحي وريتني مباوعت جنت لابسة دشداشة نص ردن وجوة الركبة بشوية وسيقاني طالعات وزنودي وعود اني لابسة شال ياربي كون محد يعيش هالموقف ركضت قوي للبيت ولوني مخطوف راحتلة نغم واني اغم بروحي

يالله غبية غبية

شوية وفاتت نغم

_ شراد منج

نغم : شمدريني مدري شبي عركان وتعبان مبين نطاني علاكة الملابس وراح بساع

مريم : خرببب لج لو تدرين شصار

نغم : شصار. 

مريم : سولفتلها

نغم : عزاا بعينج هههههههههههههههههه يمةةة متتتت هههههههههههه

مريم : كبر لفج شكو تضحكين

نغم : هههههههه يمة واني اكول اخوية شبي دوخن ثاري من سيقانج وزنودج

مريم : نغممممم لتخبليني سكتي الله ياخذج

نغم : ههههههه ضحكتيني رغم ضوجتي يلة لتضوجين اصلا فاروق مو بالة ينسى بساع واخوية يستحرم

مريم : اهيي اهيي فشلةة والله فشلةة لو بابا وماما يدرون يشروني على الحبل

نغم : ههههههه مو شر انما ذبح صلخ جلد

مريم : كافي خلي اروح اني حتخبل عليج هنا

_________

ملاك : سمعت صوت موبايلي يدك باوعت مكتوب

" غثيثي " عادي واذا مو شرط اسمي حبيبي وعمري اسم مميز اسمي فتحتة

وحجيت بدلع وتعنوص_ الوووووو

جراح : شتعلت عشيرتج كم مرا كتلج لتتنعوصين

ملاك : ههههه تمام يابة لتعصب

جراح : بدلي اليوم العصر نطلع

ملاك : وين

جراح : معليج بس بدلي

ملاك : هاا تمام ابدل ليش لا بس كلت لجاسر.

جراح : خرة بجاسر شعلية بي اني تحسسيني خطيبي واستئذن منة قبل لا اطلع

ملاك : لا شبيك بس ماكدر اطلع بدون ما اكولة

جراح : استغفر الله روحي انتي كليلة واذا موافق تبدلين غصبن عليج فاهمة يلة باي

ملاك : سسدة بوجهة يا هاي شبيهم والله خبلوني

دكيت على جاسر  جاوبني_ جسوري

جاسر : ها حبيبي

ملاك : احم رح نطلع اني وجراح

جاسر : وين

ملاك : ماعرف

جاسر : ههههه يول صح انة شاد وياه بس ترا مرتة انتي روحي وياه بدون متستاذنين ترا اشاقة وياكم

ملاك : ههههه هوة يكلي اني خاطب جاسر حتى استاذن منة

جاسر : ههههه دروحي يالفاهية روحي

ملاك : طلعت من غرفتة رحت بدلت

من خلصت دكيت علي كالي نزلي نزلت رحت ركبت بالسيارة وياه

جراح : همم شعندج خير وين

ملاك : شنو وين غير انتة كلت نروح

جراح : قصدي على الحمرة وعيونج المن بلة كليلي

ملاك : ممم الكك غير

جراح : ها المفروض اصدكج

ملاك : لعد ليش متصدكني

جراح : مسحيها

ملاك : جر كلينسة وحطها كبالي اخذتهة بضوجة لان اعرف رح نتعارك مسحتها ودرت وجهي ضايجة مشت السيارة وماعرف وين رحنا

بس من شفت من بعيد ديلاب الهوى فتحت عيوني باوع علي بتسم وباوعلي

_ صدككك حنرووح

جراح : اي بس بما ان انتي مطنكرة بطلت خلاص نرجع

ملاك : لا يمة لااا مزعلانة والله امسحلك كل المكياج بس كمل الطريق

جراح : لهالدرجة فرحتي

ملاك : اي والله تذكر اخر مرة شوكت رحنا قبل سنننييين

جراح : كلشي بخاطرج وبكلبج بس كولي ويصير جوة ليدج

ملاك : حتى لو للمريخ

جراح: اتعاون وية ناسا واخذ صاروخ ونطير بي انة وياج

ملاك : ههههههه خوش لعد امشي يلة

جراح : ههههه بس رح نموت اول وتالي منوصل

ملاك : ههههه لا خلاص لعد خلينة على ديلاب الهوة

_ وصلنة المدينة مال الالعاب نزلت طايرة فرح لزمت ايدة وفتنا من اول موصلنة بدينة نركب العاب جنت طايرة فرح ركبة هواي العاب ومنها ديلاب الهوى

ركبنا واني حضنتت ايدة وضليت اتنفس لهوى بعمق

جراح : متوقعتج هيج شجاعة مخفتي من ولا لعبة

ملاك : خفت ترا بس ما صرخت حتى لا تبطل وترجعني

جراح : اي عفية لان لو عايطة جان رجعتلج كتل سحل صلخ

ملاك : هههههههه اهون عليك _ باوعتلة بزعل

جراح : اههخ تهون علية نفسي وانتي متهونين

ملاك : بتسمت وبستة بخدة ضل يفتر وهوة يتحارش ويهز العربة واني الزمة قوي وماكدر اعيط لان يبطل ونرجع

نزلنة بعدها رحنة اكو مول قريب

فتنة بي ورحت لمحل كلة دباديب واشياء كيوت وكلاصات عليه رسومات كيوت

فتت بي وضليت اختار وهوة يكول تم وتدللي وبعيوني تالي طلعنة من المول بعلاليك بكد راسي هههه

وراها رحنة لمطعم 

قريب على الشط يمكن نفس المطعم اللي كالت علي نغم

جان كعدة عربية وهيج الميوز كصار يصيرن تتربعين وكبالج الميز الصغير وعلي دلة وفناجينها

نزعنا الاحذية وكعدنا هوة راح يطلب ورجع

_ شطلبت

جراح : يوصل وتشوفين

ملاك : ممم شي مميز

جراح : اي طبعا الج المميز

ملاك : همم جراحح

جراح : عيونة

ملاك : احبك _ كلتها بكل جوارحي حسيت صدك محتاجة اكولها الة لان يستاهلهة باوعت علي صافن علية ومبتسم

جراح : عيديهة بلة

ملاك : احبك

جراح : متاكدة

ملاك : اي والله طالعة من كل كلبي

جراح : الوقت الغلط كلتيها لو بالبيت جان عرفت شتصرف

ملاك : هوة لهالسبب كلتها هنا هههه

جراح : اهخ ياصبر كلبي

ملاك : اههخ كلها هاي الي

جراح : تستاهلين ماي عيوني

ملاك : لتخجلني كافي

جراح : فدوا اروح لليخجل انة

ملاك : بتسمت وهوة هم شوية ونزلو الاكل باوعت جان تمن اصفر على برتقالي وعلي لحم ووياه مركة هم اعتقد يحطوها فوكا

ووياهن زلاطة وطرشي ولبن

_ هاي الي

جراح : اي لعد لابوية

ملاك : وشياكلة هذا

جراح؛ ملاحضج هواي ضعفانة ييحتاجلج اكل ثكيل

ملاك : اي والله هاي الناقصة سمني وسويني دبة

جراح : مستحيل تصيرين دبة لان انتي قالب جسمج ضعيف لهذا الة حد ويوكف من السمن بس انتي وجهج مصفر وضعفانةكلش لهذا يحتاجلج غذاء

ملاك : عود شون عرفت اني ضعفانة

جراح : اغلب صورج عندي وتقريبا كلهن لهذا اشوف فرق بينهن وبينج هسة

ملاك : شون تاخذهن

جراح : ميصعب علية شي صدكيني

ملاك : انتة داهية والله

جراح : ههه شعبالج لعد

ملاك : بدينة ناكل ومد ايدة سوالي لكمة تذكرت نغم هم عمو علي هيج مسويلهة اكلتها وحجيت _ هوة انتو لو عمو متعلم منك هالسالفة لو انتة معلمة لان نغم سولفتلي  بوكتها على الحركة هاي

جراح : ههه عمج ميعرف شي عن النسوان وممعاشرهن اذا حجة وية وحدة يحجي وياها مثل ميحجي وية مريم
لهذا ورة الخطوبة باسبوع جنت احجي وبا ودك موبايلة كتلة ها الحب كالي لا صارلي اسبوع محاجي وياها

اني ضليت مصدوم وطلع عمج كلشي ميعرف ضليت اعلمة كم شغلة تفرح للبنات ويحبنها ولحد مصار هيج وتزوج

ملاك : ضيقت عيوني بشك _ وانتة شمعرفك باالسوالف اللي تحبها النسوان

جراح : انة مو بشر مثالي هم مريت بعلاقات وكتلج حاولت انساج لان جنتي بعمر صغير
فجنت شبه مايس منج لكيت بدربي كم بنية والتودد منهن لهذا كلت ليش لا وبوكتها جنت شاب بعدني بس كببرت وتغير كلشي

ملاك : عود صدك بشغلك هم اكو بنات

جراح : ههه بالشغل تلكين نص البنات يمي وصاحبي يسميني دلالة لان يلكن اي حجة ويتقربن يمي ويسولفن وانة ماعرف ارد احد لهذا شسوي اسولف وياهن

ملاك : تحسسني ملك جمال وكلها ملتمة عليك

جراح : ليش ما استاهل اكون ملك جمال

ملاك : لا تستاهل بس يعني شون

جراح : جفصتي بيها يلة صلحيها

ملاك : هههههه لا والله مو هيج لتحور كلامي يعني قصدي شون  شسمة باوع

جراح : اووه صار بيهة شسمة وشيسمو خلاص عمي سدي الموضوع انة اجلح املح راضي وساكت

ملاك : هههههههه مدام انتة راضي خلاص لعد

__________

جاسر : طلعنة بطريق طويل من البصرة لبغداد

        راودتني هواي ذكريات بالي واولهن

                          " نور "

شنو مصيري وياها لشوكت حضل ااذيهة بتصرفاتي شوكت تخمد نار كلبي تجاها

بس اكون بعيد عنها احس نار تاكل كلبي

وبس اتقربلهة اتمنى اكتلها بمكانها

اتمنى ابتعد واقترب منا بنفس الوقت
ويمكن هذا اصعب المراحل اللي يمر بيها الانسان

يتمنى شي وميريدة بنفس الوقت

اتمنى اخذها لحضني اتمنى اعيش وياها ذيج اللحضات الابتسامة اللي تنرسم على خدها من اكلها احبج

خجلها وهدوءها تجذبني الها وتخليني غصب عني اتاملها

مرضها واللي صار بيهة جان حطام بالنسبة الي جان  حرك على البطيئ

رجع كلبي يدك الهة بفترة العلاج بس بس بلحضة صحيت وكلت تخلت عنك

وعافتك وتالي كصت شعرها حسيت بحقد لازم انتقم لازم ااذيهة

واذيتها وتندمت كد شعر راسي  واني اشوفهة ممهتمة وتمثل اللا مبالاه

واخر محادثة بيناتنة جانت سهم وخترق كلبي

جنت بالديوانية يم عمو فاتت بهدوء كالعادة مينسمع اله صوت

نور : عموو اريد احجي وياك

علي : احجي يلة

نور : وحدنة

جاسر : مبينت ان انة شبيت بنار بداخلي صار عدهة خصوصية هسة ست نور

طلعو يم الباب مكدرت اضل كاعد لازم اعرف شتريد تكول وليش عمو علي

وكفت ورة الباب واسمع حديثهم

نور : ولد وياي بالكلية اليوم عترفلي وكالي اريد رقم واحد من اهلج مكدرت انطي رقم بابا وجدو لان خفت ميفتهموني كلت انتة تتفهمني نطيتة رقمك فاذا دك عليك رقم هذا هوة

علي : يامرحلة هوة

نور :  هوة تخرج ذيج السنة وتعين السنة هاي واحة كال اريد اخطبج

علي : انتي شنو رايج بي

نور : ماعرف بكيفكم

عليي : يعني اذا خوش ولد توافقيز

نور : اشوف بابا جراح راها اقرر

علي : يصير خير وعفية عليج من كلتيلي  يلة رح اروح انة

نور : الله  وياك علاوي

جاسر : هة شنو تتوقعون شعوري

حبيبتك الي تخلت عنك علمود دراستها هسة بكل عين صلفة جاية تناقش ويية عمهة على خطبة

طلعت وهية شافتني بس منصدمت

_ مبروك مقدما ست نور

نور : الله يبارك بيك يوم الالك

جاسر : حتوافقين

نور  : اذا خوش ولد ليش لا

. جاسر : وهم تبيعي باقرب فرصة لو علمود دراستج

نور : انة مابعت ولا حبيع بس اويلي على الناس الانانية اللي تفكر بس بروحها وبغيرتها وتحطم الشخص المقابل.

جاسر : هههههه هسة صرت انة محطم مو

نور : انة مكلت انتة وتذكر حجيك شكلت بيوم الكصيت شعري تذكرة وعيدة واني كتلك الله يوفقك وية اللي تستاهلك

وروح اختار وحدة عود متبيعك ووتخلى عن دراستها لاجلك ياشيخ..

جاسر : مشاعر مخربطة تمر علية بكل ثانية مشاعر ماكدر اثبتها مثل الرياح متثبت ومتعرف وين حتروح

صحيت على الواقع واحنة واصلين بغداد الساعة جانت ب5 العصر رحنة للمستشفى وانة رحت وياه على الواهس 

كتدت بالمكتب وهوة لو يروح لو يجو بالاخير من دنطلع تونة

نفتحت الباب وفاتت بنية  تبجي تقربت يم عمو علي و حضنتة  .........

يتبع.....

__________________

اتمنى يعجبكم البارت 💕

وانتضروني بارت جديد

احبكم 💕

#الكاتبة : yaqeen. Hassan
#مـلاك _ الـشيـخ _ جـراح