رواية ملاك الشيخ جراح الفصل الحادي والثلاثون 31 - بقلم ~yaqeen.hassan~

‌‎جاءت تغني والغرور لباسها.
إني أنا الأولى وكلهُن ورائي
فسألتها .. من هُن أصلاً ؟ لا أرى.
سواكِ .. قالت ..فتنتي وبهائي...

اعتذر البارحة جنت طالعة 💕

لتنسون التصويت والتعليق على الفقرات قبل لتبدون القراءة 💕

Yaqeen hassan#
#ملاك الشيخ جراح
#بارت الواحد والثلاثون

كعدت الصبح  باوعت الساعة ب9 جاسر ماكو  ستغربت شعجب مكعدوني كمت رحت لغرفتي فرشت سنوني وغسلت لبست شالي ونزلت على الدرج توني لمحت خالت جراح سمية ووياهة نوران  واكفة تبجي وكبالهن عمة وجراح ..

جاني  شعور ان استمع للي ديحجو وصدك وكفت اسمع شنو ديحجون

سمية : هيج وليدي هيج تكسرها لعد هية نتضرتك طول هالسنين تالي تكسرها هيج

جراح : عمة انة ماكسر احد ولا مواعد احد يايوم انة جيت وكتلج انة رايد  نوران

نوران :  والله انتة بعرس  عمك علي كتلي بس تمر فترة واخطبج

جراح : شاللج اللله ولججج انتي شووو تجذبين عينك عينك منين جايبة هالافلام  خليني ساكت وماريد احجي الصار بعرس عمي علي حفاضا عليج

سمية :  يمة انتة ليش خطبت بت عمك شو بنياتنة هياتهن ويخبلن  هاي انتة اشو مكابلها وكاعد بنفس البيت  شنو التغير بحياتك

جراح : خالة  عذريني هالشي خاص بية انة اريد بت عمي ومحد الة حق يتدخل وانة من قبل حاجي وية امي وكايللها انة منتضرها تكبر واتزوجها هاي يمة ع
غلطان انة بكلمة كلتهة

الام : لا يمة صح حجيك

جراح : اذا خلاص خالة اذا تعتبريني مثل ابنج والي معزة عندج هالموضوع ينسد رجاء وماريدة ينفتح  وخلي المهر يعدي على خير لان اذا صار شي احملكم الكم المسؤلية

ملاك : بعد حجية سكت وتقرب للدرج ديصعد وشافني خزرني وصعد يمي جر ايدي لغرفتة فوتنني وسد الباب

جراح : جنتي تتسمعين علينة

ملاك : مو اتسمع جنت اريد انزل وسمعتكم ومكدرت انزل لان خالاتك يهجمن علية

جراح : لتعيديهة لهالحركة بعد ماشييي

ملاك : اوكي _ حجيت ببرود باوعلي وخزرني اكثر 

_ كافي تخزر ادري عيونك حلوة من تخزر 

باوعلي وضل صافن ضحكت بوجهة 

جراح : تحجين صدك

ملاك : اي والله 

جراح : ههههههههههه خرب حضج 

ملاك : لتغلط عليةةةة ماااا

جراح : دطلعي يلة قبل ليجونة

ملاك : لاول مرا سويتلة حركة بلساني وطلعت اركض 

نزلت جوة وبدو الكرايب يجون تريكت بسرعة وصعدت لغرفتي اريد احضر اشيائي حتى اروح للصالون 

فاتت نوران للغرفة وسدت الباب 

_ شكو شكو نوران محتاجة شي

نوران : جاية احجي كلمتين وطالعة

باعيلي زين وتذكري كلامي فرحتج هسة وفرحتة رح اطلعها من عيونكم واخليكم اصيحون الويل ومحد ينقذكم وخصيصا انتي رح اخليج تمشين ووتلفتين من الخوف والرعب واخلي جراح يباوع عليج وايدي مربطة وصدكيني بوكتها محد ينقذج غير الموت

ملاك : كلامها رعبني حسيت صدك حتسوي هيج لان مبينة جدية لابعد درجة سويت روحي ممهتمة_ سوي اللي تريدي ميهمنيي انيي ماشييي

نوران: نشوف شوكت يهمج

ملاك : طلعت من الغرفة واني كعدت على القنفة واحس كلبي كام ياذيني شنو قصدهة خفت والله من تهديدهة 

كمت وكلت قابل شحتسوي خلاص لتفكرين بالموضوع رجعت اكمل شغلاتي لميت كلشي لحد ما جتني نور بدلنة ورحنة للصالون اني وياها لان الباقين كلهم ملتهين 

من ال10 دخلنة لل3 يلة خلصنة لان جانن عدها هواي عرايس دكينة على جاسر واجة واجة اخذنة بالطريق ندارلي

جاسر : شو اشوف وجهج

ملاك : بتسمت ورفعت الشال 

جاسر : اللهم صلي على محمد والله محمد ولج شطالعة تخبلين

ملاك : صدك حلوة

جاسر : تموتين والله هذا جراح حيطلعلنة اليوم مجلوط

ملاك : ههههههه حبيببي انتة شنو انتة هم طالع تخبل يلة بلكت نلكالك عروسة 

جاسر : صارت بيهة عرايس بطلت ماريد

ملاك : ضحكت وباوعت نور تباوعلة ضايجة لزمت ايدهة وبتسمت عاد ضحكتلي اعرف بداخلها هواي اشياء بس اتمنى هية تجي تحجيلي ماريد اضغط عليهةوصلنة البيت وشفت الشارع مكلوب بالناس والسيارات 

جاسر : خرب يومك جراح لام العشاير كلها بلة هسة انة حتى حجي ماعرف احجي 

ملاك : ههههه انتة بعد ولي امري حير بيهم

جاسر : لا جدي وياي يعني نقسمنة نصين انة وجدي وعمي عامر والباقين من جهة العريس

ملاك :بتسمت وصارت غصة بداخلي تمنيت بابا عايش ترحمتلة 

ونزلنة تلكوني بالباب نغم ومريم وبيبي وعمة بالهلاهل والجكليت رحت للغرفة لبست الفستان جان هذا  للعقد

رادوني البس سيت بس اني عاندت مقبلت الة هذا لان احسهة عيب مال السيت 

تسريحتي جانت نازلة اغلبها مبينة طول شعري مكياجي سوتة وردي وبسيط حتى يرهم وية الفستان اللاخ 

كملت كلشي ورشيت عطر وطلعنة للاستقبال ضليت واكفة واسلم على وحدة وحدة لحد ما حلكي صا بي تشنج من التبوس 

باوعت خالات جراح وبناتهم حاقدات وحتى عمة تباوعلي بنضرات تتاسف لان نضراتهم كلش مو حلوة 

بس مهتميت تذكرت كلامة ذاك اليوم اهخخ شون جان حلو

 داحجي وية نور جان تفوت بنية ووياهة عدة تصوير كامرة واضوية وهالاشياء سئلن عليهة جان تكوللهن

سمر : اني مصورة استاذ جراح هوة دزني حتى اصورهم واصور العروس 

ملاك : ضليت مصدومة شيصور احنة بالمهر يعني نصور بالموبايل متوقعت ان يجيب مصورة بس حتى تصور 

كومتني ووخرنة الكراسي اللي نكعد عليها اني وياه ووكفت ورا الكوشة وبديت اسوي لقطات 

صدك فرحت بداخلي لان حيضلن ذكرى حلوة وتمنيت يشوفني هوة بهالفستان   

  خلصنة اللقطات وكعدت وهنا بدة الصوت مال الشيخ يحجي جان مصطفى فاتح كامرة النة نسمع ونشوف ويصور بالختلة باوعت كاعدين جراح وبصفة عمو وعمو عبدالله وبصفة شيوخ معكلين ومنا اصدقائة ومناك هم ومن جهة مصطفى جانو جدو وجاسر وعمو عامر وهم اكو ناس 

بدو يحجون الشيوخ اللي جراح عازمهم وحجة عمو وطلبني وصارت هاي المراسيم ومنه وصل للمهر فتحنة عيونة كلنة من المبلغ 

متوقعت ولا مرة ان يكون هيح مبلغ يعني ضليت صافنة والنتسوان كامن يمدحن بجراح ويحجن بي 

المهر جان 20 ب30 ممار علينة هيج مهر قبل اكثر اكثر شي جان ال15 مقدم و20 مؤخر 

خلصو الحجي هذا وكالو حيعقد الشيخ 

طبعا الديوان عدنا مفصول عن البيت يعني ممتصل بي لهذا اجوي فاتو للبيت بالهول بس الشيخ وعمامي وجراح وجاسر ومصطفى وذولة القرابة كعدت يم باب الاستقبال والشيخ جان ورة الباب وجراح كاعد بصفة والمصورة وكفت تصور 

حطيت رجلية بالمي والياس وبايدي هيل وهاي الاشياء والقران مفتوح كبالي 

لحضة حلوة جانت مخفت ولا رجفت بالعكس جنت فرحانة لان  اعرف محد حيصوني ويحبني بكدة واعرف حيرجع مثل قبل نفس المعاملة مالتة نفس الحب

بدة الشيخ يحجي ويردد للطلب واني بدت تاخذني الذكريات لذيج ايامنة كل كعدة حلوة كعدناها وكل حضنة وبوسة منة 

حجية بذيج اليللة وكلمة احبج من ينطقها  

صحيت على صوتة هوة يسالني وهنا جاوبت "نعم انتَ وكيلي " 

وصوتة هوة هم جاوب صارت طشار الجكليت والهلاهل ضحكت ونزلت دمعة من عيني ماعرف على شنو بس دمعة فرح كمت وكلها تباركلي وتبوس

رحت للغرفة ابدل وكفت فجا استوعب الصار صرت مرتة هسة اي مرتة 

بتسمت ونزعت البدلة ولببست الوردية

 فاتت نور تعدلي التسريحة 

نور : فرحتي بيكم متنوصف والله ممصدكة تزوجتو والله شفت بالكامرة جراح من وافقتي بتسم وتنفس براحة عبالك جان منتضر هاللحضة سنين 

ملاك : نور فرحانةةة احساسي مينوصف والله احس هيج مشاعري دتلعب جوبي والله

نور : حقها عمي خلي تدك دبكة هم وين تلكين مثل اخوية 

ملاك : ننننن سخيفة

نور : يلة امشي نطلع 

ملاك : طلعنة للهول وشغلن الديجي ووكامن يردحن كلهن جانو اغلبهم فرحانين ووالباقين وجوهم تكص السيف 

وهنة يركصن كالن حيفوت 

بتسمت واني انتضرة يفوت وهمات خجلت من الفستان اول مرا البس هيج شي كبال رجال مستحية هواي 

فات والهلاهل والجكليت فاتن قبلة جان لابس لبس عربي دشداشة وشماغ وعكال جرتة بيبي وعمة وكامن يركصن وهوة مبتسم عيني سارت على طولة 

   شون طالع يخبل ركزت بابسط تفاصيلة حتة دكمة الدشداشة شفتهة شون مرتبة رفع عينة وباوعلي وضل صافن مصدوم من نضراتة توترت دنجت راسي 

اجة يمي هاي اني جنت واكفة

تقرب يمي وابتسامتة ما راحت عن وجهة تقرب باس راسي بوسة طويلة  

وخر مني ونزل ايدة لخصري قربني علي وضل لازمنني منة 

ضلت شوية يركصن ويهوسن الة جان يجيبون الحلقات لبسني الحلقة  واني هم لبستة وهلاهل واغاني تردح 

 وراها نطتنة نور السجينة حتى نكص الكيكة لزمهة خليت ايدي فوكاهة وهاي المصورة واكفة فوك راسنة تصور حتة بدون مننتبه الهة 

 باوعت لايدة يم ايدي اجيت اضحك على فرق اللون وخصيصا ايدة دائما  القميص يكف الردان لهذا ايدة ماخذة لون الشمس ومسمرة بس تضل حلوة واحبها لان بيها دمارات والمحابس مزينتها بطريقة فخمة 

كصينة الكيكة وخلتهن بماعون وجيت اريد اوكلة قربت الشوكة يم حلكة وهوة هم سحت وتسرسحت يم عيونة باوعلي بنضرة بيهة كل كلمات الغزل والحبب

خلاني انسى الشوكة وكلشي بحيث محسيت غير اني مخلية الكيكة على شواربة وصارت كلها كريمة 

ضحك وطلع كلينس ومسحها 

وكلها كامت تضحك واني من فشلتي طمست شربتة وهوة شربني بس هالمرة ركزت 

جابو الذهب 

بدة لبسني ويتعمد يطخ ايدة بركبتي او بخدي لبسني الذهب كامل وكعدنا عود يعني نسولف بس هية العيون كلها علينة 

وين واحد يكدر يسولف ضليت مدنجة راسي وايدة هوة تتحرك على خصري بحيث نار شبت بية من الخجل 

 مد ايدة الثانية ولزم ايدي صار قريب علية بتسم وباوعلي وغصب عني صرت اباوعلة بتسم وهمس 

_ مبروك ملاكي

ملاك : ملاكيي اهخخ اخر مرة كالي هالكلمة قبل سنيييين جان عندي يوم عيد من يكولهة الي بتسم وعينة بعيني 

_ الله يبارك بيك_ بتسم وميل راسة يتاملني

جراح : طالعة اميرة وملاك بمعنى الكلمة متخيلت بيوم تكونين بهالجمال وين اضمج عن عيون الناس كليلي

ملاك : بتسمت وهيج احس فراشات بطني تدك جوبي مو تركص 

دنجت راسي حرت شجاوبة ليش هوة بقة حجي ينحجي

جراح : ‌‌‎أنتي أول واخر اختيار. سأختاركِ رغم الالم رغم التعب.. ساختار قربكِ وأن قسى الحال ومال.. ساختار قلبكِ وأن اتعبتني الايام وارهقتني الاحلام .. ساختار قربكِ وأن عشتها وحيداً .. في كل مره ساعيد الاختيار وتبقي أنتي الأول والأخير...

ملاك : يحجي واني كلبي يدك بقوة معرفت شنو احجي او اجاوبة شي صعب والله

نزلت دمعة مني وهوة مد ايدة يمسحها 

جراح : دامني اتنفس ماريد دمعة تنزل من عينج ووعد ما اخلفة واخذي من شيخ جراح اصونج واحفضج واخليج ترفعين راسج وانتي تمشين 

 السنين اللي فاتت من عمري وانة انتضرج خلتني احس بقيمة كل لحضة انتي كبالي وتباوعيلي بيهة 

احبج وربي يخليج الي وميحرمني منج 

ملاك : شهكت بهدوء ودنجت راسي ودموعي تنزل خليت ايدي على حلكي تقرب حضني وهوة يهمس

جراح : اششش اشش لتبجين كم مرة كايلج دمعتج تنزل مثل السهم بكلبي لتبجين

ملاك: كلهن كامن يهلهلن ستوعبت وضعنة، رفعت راسي واني ميتة خجل 

الجدة : حبهاااا ولككك حبهاااا لتخاف منيي حبها

ملاك : ضحكت على وصف ببيبي كامن يهوسن وياهة حبها وحبها 

ضحك بهدوء وتقرب مني طبع قبلة دافية على خدي وباسني براسي وبساع كام وكال حطلع طلع واني بعدني تحت تاثير صدمة من كلامة وحجية وبوستة ولمسة ايدة 

 تقربن البنات وجرني وبدينة نركص ذبينة لحم ومن فرحتي مهتميت لاي احد وضليت اركص  

بالساعتين احنة نركص تالي صارت ب7 وزعو عشة والناس راحت ولكرابة هم اغلبهم راح وتوزعو ناس تبدل وناس تاكل شوية وفاتو للاستقبال جراح والمصورة جان يسولف وياها وياشر بالهوة باوعلي وبتسم جتي يمي هية

سمر : يلة ملوكة تعاي نطكلكم صور اوكفي يم الباب

ملاك : وكفت هناك وشغلت اغنية مال ادخلي عمري بخطواتك اليمين 

صورت فديو دخوليتي عود فتت امشي الاستقبال جان فارغ بس البنات وكفن بالباب يباوعن وسايحات فتت وهية تصور اجة يمي باسني براسي وفرني كبالة  

بعدين ضلت تكللنة على لقطات واحنة نسويهة كومةسوينة لقطات واني البنات مكيفات واكفا بالباب يضحكن 

عاد اخر لقطة كالتلة بوسها اني فتحت عيوني على وسعهااا وباوع علي هوة احسة تكهرب خزرني بسرعة وبحرك سريعة لزمني من كتافي وداري صار ضهري على صدرة همس بصو ناصي

جراح : شتعلت عشيرتججج كم مرة كتلج لتفتحين عينج كبالي

ملاك : ايي شبيك شسوي اني 

جراح : لا كلشي مسويتي انة اسويت

ملاك :طنكرت عاد المصورة ضحكت ونزلت الكامرة

سمر : يلة خليها على العرس هاي اللقطة اني اروح 

جراح : مشكورة خوية ماقصرتي هسة واحد من الولد يوصلج

سمر : لا اني اروح بتكسي

جراح : لا صدك جذب ولدنة كومة هسة اصيح واحد منهم

ملاك؛ طلع وهية تقربت علية

سمر : الف مبروك ونشالله باقرب وقت تزوجون واجي اصوركم هم

ملاك : الله يبارك بيج حبيبتي شكرا على الصور ومبينات حلوات من هسة

سمر : والله انتو حليتوهن ونشالله 3 ايام او 4يكملن

ملاك : حبيبتي انتي مشكورة _ طلعت هية وواني رحت للغرفة مال بيبي وجدو ابدل  توني دافتح السحاب جان تنفتح الباب ويفوت جراح 

ضليت مصدومة شديصير شو هاي صايرة هيتة كلسع طاب وطالع ماكو احد 

فات مبتسم سد الباب وتقرب نزل ايدي اللي لازمة بيها السحاب تقرب مني وجرني لحضنة حضني قوي ويتنفس بشعري بادلتة ولفيت ايدي على خصررة ضلينة هيج وقت طويل 

هدأت انفاسي وتمنيت انام بهاللحضة وبحضنة 

بعدني وحضن وجهي بكفوف ايدة  

جراح : صارلي منتضر هاللحضة 11 سنة من ذاك اليوم لحد هاللحضة 

واخيرا حصلتهة بعد تعب وصبر تدرين لحد هسة ممستوعب احس روحي بحلم

ملاك : صرت احس روحي عاجزة كبالة ماعرف شحجي كلامة ميخلي الواحد يحجي اصلا

_ اني اللي داحس روحي بحلم متوقعت تسوي كل هذا

جراح : هذا قليل بحقج صدكيني

ملاك : اني ممسوية شي  شنو مسويتلك

جراح :  خليتيني  ابتعد عن هواي طرق

جنت بفترة مراهقتي شفت اشكال الوان مخدرات وشرب كل اشياء التعصي الله

وجنت توني مكتشف حبج  واني امشي بهالطريق صرتي كبالي منعتيني عن كل محرمات الحياه

وبفضلج وصلت لهالحال اسست شغلي تذكرين من مرة كلتيلي اريد اتزوج واحد هيج معروف وناجح

وعندة شركات وهاي السوالف  لخاطرج صرت بهالمكان ووصلت

هذني كلهن  بوجودج بحياتي صارن

ملاك : كلامك مداكدر اجاوبك علي

جراح : نضرتج تكفي  صدكيني

ملاك : حباب كافي والله مااعرف اجاوبك واردك

جراح : خلاص كافي حجي نسوي افعال

ملاك : تقرب مني باسني خلاني ادوخ حسيت روحي طرت ماعرف شعور حلو واحساس مفرح ندمج هواي بالبوسة لحد ما حتاجيت النفس بتعد وهوة نضرات عينة تحجي حبة

ضليت اتاملهن  وهوة نضراتة تنتقل بين وجهي وشفايفي

جراح : هسة ضكت طعم الكرز على اصولة

ملاك : بتسمت ورفعت نفسي بستة بخدة ماعرف ليش بس حتاجيت اشكرة على حجية والسوا كلة وهوة حسيتة تخربطت احوالة بالبوسة هاي

جراح : لتعمين على روحج امشي طلعي كبالي

ملاك : دابدل اني انتة اطلع

جراح : خربطتي احوالي يلةانة طالع احبج

ملاك : باسني براسي وطلع  واني ابتسم بفرح حسيت فرحة غمرت كلبي فرحة مسايعتني

بدلت  وصعدت لغرفتي طبيت سبحت 

وطلعت شمرت روحي على الجرباية رجلية  تموتني رفعت ايدي وباوعت لاصبعي  الحلقة مزينتة بتسمت

وراها كمت لان جوعانة نزلت جوة باوعت جاسر وخليل بالمطبخ

تقرب جاسر باسني  بخدي_

جاسر  : مبروك يروحي انتي

ملاك : الله يبارك بيك _ باوعت لخليل _ ها خلول متطكها هلهولة تزوجت يول

خليل : الف مبروك  ملوك والله بدون صوفي  تحرم علية  الهلاهل 

ملاك؛ اووي شنو هالحب يول

خليل : بعد ضلعي هذا ماعيش بدونة

ملاك   : نشالله يرجعون باقرب وقت مابقة عشة جوعانة

جاسر، : هاج هاي لفتي ماريدها شبعت

ملاك : لا اكلها اكو يمكن

خليل : دخذيهة هاي ثالث ماعون ياكلة

ملاك : يااا واني اكول منو مخلصهن

جاسر : هههه حيوانات معليكن انتو جدي مشتري

ملاك : هههه _ كعدت على المميز اكل  فاتو هواي كلسع طابين طالعين بالاخير فات جراح جان جاسر كاعد بصففي ومحاوطني بايدة واني اكل

خزرني جراح

جاسر : هيي هيي شكو تخزر

جراح : شعليك انتة

جاسر : شنو شعلية نجب لك  ترا بعدها اختي   

جراح : بس هية مرتي همات يعني احضنها ابوسها كبالك وغصبت عليك ترضة

جاسر : دتقرب منها صدكني اخذها واهج ببهة بليلة ضلمه

جراح : وانة اطلعك من جوة الكاع وادفنك بمكانك

جاسر : اي عود من تموتني اخذها وتهنى بيهة

جراح  : اي اتهنى بيهة ليش لا

ملاك : ياااااا هاي شبيكم صدك تحجون صار بيهة موت وقتل اني اروح انام احسن

جاسر : اذا تحارش بيج بس رمشيلي اجي انعنع عصا بيبي على ضلوعة

ملاك : نشاللله ههههههه _ باوعلي جراح رافع حاجبة معاجبة بتسمت وغمزتلة وصعدت لغرفتي

مددت واني مبتسمة من نضراتة وكلامة غمضت عيني واني اتخيل حياتي الجاية وياه

شون حتكون.... 

يتبع.....

____________

بارت برعاية فراشات بطن ملاك تدك جوبي ودبك 😂💕

انتضروني ببارت جديد 💕