رواية ملفات الداخليه الفصل الرابع 4 - بقلم الحساب مغلق

سيدار- صدك تحجين كل هذا من جوه راسج تعاي كعدي
- كعدت باوعتله شكد راح انسجن
- ليش هيج متدرين شسويتي بروحج خليت ايدي على راسي
- شيصير خلي يصير باوعته بطرف عيني مديت ايدي اسجنني فضها
- خزرتها شنو هالغرور البيج على شنو
- مثل حقارتك
- كومي كدامي
- وين
- تنهدت باعي اريد تجريهم شعدج معلومات تنطيني
- وراها اطلع ماانسجن
- باوعتها اكدر اساعج  اذا طلبتي مني
- مراح اطلب اسجنني وخلص درت وجهي
- كركوك محتاجتج
- احجي اللي تريده لتضل تلف وتدور
- تتعاونين ويانه تكونين مثل ماعدهم عدنا
- ممم اوك واذا شكو بيه
- انتبهي وميشكون
- خوش اشوف شاكدر اسوي تنهدت باوع وهسه شكولهم اكولهم مااكلها
- اي كوليلهم ااا خلنشوف شندبر الهم ممم كوليلهم البزونه اكلت منها ولعبت نفسه مااكلها وراح ارجع السماعه واحجي اللي ينفعني
- اوك بقيت اباوع بعينه وهو هم بقه يتامل عيوني وكال
- ليش هيج سويتي خزرتها
- اكرهك من وراك
- موكتلج ميت مره هذا عملي
- انسانيه ماكو حتى معتذرت
- تنهدت درت وجهي طيني رقمج
- طلعت التلفون هذا سجله ورجع التلفون باوع بالجنطه
- خوش فلوس عدج
- اي ينطوني هواي
- زين بس هاي العمليات كتل مكاتله
- انت اول واحد
- بعدني مميت تره نصيت طلعت فوني هذا رقمي اذا دكيت عليج ردي
- اي
- يله امشي ابد متبينين ابد فاهمه التلفون بيناتنا يضل بشكل يومي
- اوك اني ادري اخر هذا الطريق موتي بس اساسا اني ميته منصيه واحجي
- محد يكدر يدوسلج على طرف وانتي بحمايه الشرطه
- هه امي ماتت من وره هالشي
- باوعتها ودرت عيني عنها مراح توثقين بيه مو
- ابد
- ماشي تردين اخلي غيري يلزم هاي العمليه
- لا مبيه حيل انعامل وي غير واحد انت تفهم زين
- ابتسمت ماشي 
- هسه المطلوب
- ماكو يبقى الحال على ماهو عليه اول شي عنوان البيت وثاني شي ارقام كل سياراتهم واي كلمه اي معلومه تفيدنا احتمال اخلي لاقطه
- لالا ماريد خاف انلكف
- ماشي الغي اللاقطه والدج وياهم كلتي
- اي
- باوعت بعينها
- لتخاف والدي اكرهه مالي اي علاقه بي غير الفلوس واللي يغلط يتعاقب باوعتله رافعه حاجبي
- حتعاقبيني قطبت حاجبي
- مااعرف بقيت اباوع بعينه بجمود
- خليت ايدي بجيبي تره الجاي صعب اريد تقوين روحج
- عادي بس خايفه على اختي برطمت غرغرت عيني نصيت
- شحده اليكرب منها
- احنا مالنا سند
- واحناا وين رحنا صحت بيها شوفي هالطريق من دخلتي بعد انتهت لو بيها لو عليها ولتتوقعين اذا طلعتي منهم يعوفوج عايشه يكتلوج
- اعرف بس ليجون يم اختي
- هاي شنو من اولها بجي واني كلت قويه
- باوعتله بطرف عيني مسحت دموعي
- اختي نقطه ظعفي
- كل واحد عده نقطه ضعف مو بس انتي تره اني امي نقطه ضعفي
- باوعتله بطرف عيني ودرت وجهي
- سيدار- ناز همست والله عبالي تكذبين جنتي
- اششش كافي لتفتح الموضوع تره اكتلك
- ماشي يله انطيج المعلومات وانتي طيني المعلومات اكو رسام جوه يرسم عالوصف
- ماشي نزلنا واخذو مني كل المعلومات  ووصف ورسمو الرسمه يعني مقارب لشكله  بس مو بالضبط طلعت من المركز وره ساعه  ونص وصلت للبيت مالتنا جنت كلش مرتاحه نفسدالوكت خايفه انلكف  انصلو بيه من الخليه الو
- الو شو مسمعنا خبر
- اوف حضي البزون اكل منها  ولعبت نفسه
- والبزون شجابه
- مو خليناها بالمطبخ ديخلوها بالماعون وي استكانات الجاي وطلعت البزون هناك ومقبل ياكلها بعد
- اها خوش دباعي لتسوين شي باجر تعالي عدنا تعليمات جديده تغييرات بالخطه
- اي الصبح اجي سديته الخط ورجع دك الو
- الو هلو شونج ناز
- منو
- اني شبيج مخزنتي رقمي
- ها سيد ضابط سيدار
- ممم اي شونج
- الحمد لله
- سولفيلي شسويتي شكتيلهم
- مثل مكلت
- باعي باجر حيتراقب خطج بس بليل وره ال12تنشال الرقابه
- اوك تنهدت
- لتخافين
- مخايفه على روحي
- لج بابا برواز ماعليها شي
- اول شي هددوني بيها
- معليج منهم عمران تكفل حمايتها وبعد مكالولج شي
- لا بس كتلهم البزونه لعبت بيها ولعبت نفسه ياكل منها
- عاشت ايدج تنهدت ناز باعي اي خطا ترحين تسعه باسود انتبهي ملامح وجهج وحركاتج اي ارتباك ماريد
- ماشي الله كريم
- جنت نايمه
- ممدده توني انام
- مم وحدج لو اختج يمج
- لا وحدي
- اكدر ادخل بخصوصياتج
- لا
- مجرد سوال لان هم لازم اعرف كلشي عنج
- اسال
- والدج شوكت تزوج على امج
- قبل 10سنين جنت صف سادس
- ممم وراها سافر سوريا
- احنا اصلا جننا بسوريا وتزوج وحده سوريه
- ها
- اي وعافنا بعد التهى بروحه وكمت كل فتره اطلب منه فلوس برواز وماما ميقبلون بس اني اصر واروح عليه بالبدايه جان ينطيني شي معقول بس وراها كام كومه ينطيني بالهبل
- امممم براس الزواجه فلوس المكاريد
- اي صح الله المنتقم الجبار
- تدعين على ابوج
- اي اكره الضلم
- تنهدت هم رجعنا
- منو يمك يله اترخص باجر من الصبح اروحلهم دزو عليه
- ها ماشي الله يحفضج ديري بالج
- اوك  باي
- هلاو
- برواز- دخلت للغرفه سمعتها تحجي ويامن تحجين نزنز
- حبيبتي بروزه تعاي مشتاقتلج حضنتها خايفه عليها
- شنو هالاحضان لالا اليوم رضا
- هه ماكو شي اشتاقيتلج من الصبح مشفتج
- اذا جريتيها بنومه مرتبه للضحى
- اي صح باوعت بعينها شونج بالمدرسه ا
- اخبببل
- هههه مكيفه
- كلش الحمد لله
- ديري بالج على روحج
- ليش
- هيج بس دااكولج ماعدي غيرج
- صدك اليوم اجه خالو مقداد خطيه جاب 150عباله ماعدنا كتله ممحتاجين رجعتها اله
- خطيه تنهدت باوعت لبرواز حبيبتي تلمست شعرها
- شبيج اليوم ليش هيج تحاجيني
- ماكو شي مشتاقه لامي
- باجر نزورها
- لا عدي شغل
- اني هم عدي والله اقريلها الفاتحه هسه ترتاحين دمعت عيني وي دمعتها
- محتاجه لحضنها ولسوالفها لعيونها الخايفه عليه كبرت من وكت برواز
- ناز اني شايفتج جبل لتنهدين كدامي اني الرقيقه وانتي القويه ابقي هيج منج اخذ قوتي
- احنا ثنيناتنا سباع وحده تقوي اللخ جسدين بروح وحده
- اي ناز مثل ماما جانت تكول انتو توامه الا 4سنين هههه
- اي الله يرحمها بجيت متحملت بعد حضنتني برواز وبجينا لاول مره احس البيت يبجي ويانا البيت محتاج لروحها لضحكتها لسوالفها كل منضوج شغلت اغاني كومو نركص تتونسون
- كافي الله يخليج تتعذب لدمعتنا نجازيها بتربيتها وتعبها علينا صارتنا ام واب
- اي والله
- ناز حبيبتي تره لبسج موحلو ابد
- اي اعرف من باجر البس مستر
- تتحجبين
- لالا عوفيني براحتي
- شعرج حلو والشباب تطمع بيج
- اتحجب بس موهسه
- اوك براحتج يله حروح انام قفلت الباب بس لتطفين الضوه مال منور اخاف عفيه من الضلمه
- لعد تعاي ننام فد غرفه
- حبيبي نسيتي هي غرفه وحده وفاصليها بعازل وارتاح هناك واصلا احس روحي نايم فد غرفه وياج
- ماشي على راحتج تصبحين على خير
- وانتي من اهله عفتها ورحت تمددت صافنه هاي شبيها تذكرت ماما وبقيت ابجي بحركه دك التلفون اهو هم عمران الوو
- الو
- نعم سيد عمران تفضل بنتره
- شبي صوتج
- مابي شي
- ليش باجيه
- لا رجعت ابجي مبيه شي
- برواز ليش تبجين اكو شي
- لا
- شبيج لعد مشتاقه لامج
- اي شهكت بحركه
- اوف الله يعينج برواز اني بباب  البيت
- شنو ليش شعدك
- بس خليت غرض يم الباب اتمنى تاخذي
- اخاف اطلع وشنو هالغرض
- اني واكف بالباب خليته جوه الباب محد اكو ولتفتحين الباب بس اخذي ورجعي
- شنوه
- تعاي وشوفي تنهدت
- ماشي بقيت السماعه على اذني ورحت طلعت شفت ضوايات السياره من جوه الباب جيس احمر سحبته لزم ايدي من جوه الباب فزيت خرعتني حجيتها بالتلفون بهمس
- لتخافين مني بس دااسااعدج تجري
- شنو بالجيس همست بالسماعه وهو وره الباب واكف
- فتحي
- ليش جبت هديه وشون عرفت
- من الهويه مالتج تنهدت كل عام وانتي بخير
- شكرا محد عايدني غيرك
- كل سنه راح اعايدج
- ليش همست خليت راسي عالباب جانت بابنا صغيره مال شقه ارضيه -- ليش هلكد محاوطني
- تنهدت من صرت سبب دمعتج صرتي مسووليتي
- مو انت هم مالك ذنب
- عوفيني هيج مرتاح الله يخليج ماضايقج
- ماشي بس اي شي تره ماحاجيك بعد
- انتضر انتي التبادرين
- شنو قصدك
- عوفيها للوكت
- ماشي تنهدت
- مراح تفتحين الباب اشوفج
- لا
- ليش
- اخاف
- فتحي الجيس
- اوك فتحته ولكيت لعابه من القماش وشعرها صوفي جانت طويله وكلش حلوه شهكت الله تخبل حضنتها
- ههه عجبتج
- اي احب اللعابات ليش جبت لعابه صغيره اني
- بعيوني اشوفج طفله
- ماشي شكرا جزيلا هههه
- مداصدك
- شنو
- ضحكتج
- مو مزاجي اليوم زين تره مودائما هالمزاج احتمال لو جاي البارحه جان انطردت
- فتحي الباب
- لا ماافتحها
- اوك لعد حروح ومن اروح فتحيها
- ليش بعد
- موجبت كيكه
- هاا
- وصار ساعه معلوكه الشموع حتخلص
- ههه فتحت الباب باوعتله مبتسمه نسيت حتى الحجاب شفت الكيكه خليت ايدي على وجهي اضحك ابتسم ودخل ورد الباب خاف احد يشوفنا اني صافنا على الكيكه
- هبي بيرث دي تو يو هبي بيرث دي تو يو برواز يله نفخي الشموع
- نفختها اضحك باوعتله انت منين طلعتلي
- كل عام وانتي بخير تنهدت كصي الكيكه طلعت سجينه بلاستك
- هاي شنو عالواكف
- اي يله كصيها لالا كلبي السجيننه وتمني امنيه
- كلبتها وتمنيت وكصيتها
- شنو تمنيتي
- تلاشت ملامحي نصيت احس بامان مثل قبل
- صفنت فتحت عيني ماراح اعوفج لتخافين واني موجود
- دمعت عيني انت ليش هلكد مهتم
- لتساليني اي شي بس لتخافين وايدشي تخابرين حسبيني اللي تردي اخ اب ام صديق همست حبيب اوزوج
- هزيت راسي اخ وصديق
- بعيوني اخليج
- زين ليش
- حتى ضميري يرتاح اريد ارجع البسمه لشفافج باوعت لشفافها ودرت وجهي
- ماشي راح اقبل صداقتك
- جريت شعرها تره انتي بدون حجاب
- عزززه يله روح
- بيباي غمزتلها
- الله وياك اخذت الغراض وطبيت طايره من الفرح باجر اتريك كيكه ههه باوعت مكتوب كل عام وانتي بخير ست برواز
- رحت نمت طايره فرح كعدتزالصبح بدلت وتريكت بالكيكه ومن دااطلع لكيت عمران واكف ومرتجي عالباب مال السياره لابس نضارات شمسيه ولبسه العسكري ضليت صافنه
- صباح الخير اليوم صار عمرج 19سنه
- شنو شجابك
- بعد اخوج يوديج ويجيبج
- لا عفيه روح لتخليني اندم
- ليش ليش شمسويلج هو على طريقي اذبج واروح للمركز
- لا ماريد اكلفك
- حتى لو متجين اضل يوميه اوديج واجيبج امشي وراج بالسياره
- بكيفك سوي اليعجبك نترت بي
- شبيج شوًمو على بعضج همست تقربت منها
- مبيه شي اضوج واحد يلح
- هو اني الح ضوجي شكد متكدرين عفتها وصعدت بالسياره وهي تمشي وامشي وراها لحد موصلت جننا متفقين المركز اني احميها لبرواز  ناز خلولها حمايه بدون متدري لان ترتبك والبيت هم عليه حمايه من الجوارين منتسبين بالجيش واستغلينا هالشي والله الموفق
- ناز- كعدت الصبح استغربت لكيت كيكه اكلت وشربت جاي دك تلفوني الو
- صباح الخير
- هلاو صباح النور سيد سيدار
- ها جاهزه
- هسه ابدل واروح
- يله توكلي على الله لتخافين احنا بضهرج
- تنهدت الله كريم باي
-  ناز  ناز اوكفي
- نعم سيدي
- لااله الا الله
- محمد رسول الله
- الله وياج
- طلعت من البيت ورحت الهم طبعا هالمره مو مثل كل مره جنت مرتبكه اول شي حفضت رقمين للسياره بعدها حسبت كم نفر جانت عيوني تراقب وعيون الرجال اللي دائما ينطيني الخطط هم تراقبني
- ابوًمحمد- شبيج اليوم عليمن تدورين
- اابابا مشفته
- مم الوالدطلع باجر بليل يجي
- وين راح
- مالج شغل سمعي
- نعم
- اليوم تبلشين بشغله جديده البارحه عبر اللاقطه افتهمنا انه سيدار الضابط مال تحقيق رقو وصارملازم
- اي
- وسلطه ملازم تفيدنا بالسيطرات
- المطلوب مني شنو كلتها بثقه
- المطلوب مختصر مفيد تخلي يحبج
- شون اني اكرهه من وراه ماتت امي
- ميخالف حيحبج بحيث نكدر ناثر عليه بيج نخطفج على اساس ونكوله نكتلها اذا مسويتلنا فلان شغله وصلت الفكره
- اي تنهدت بسيطه
- هاي الف دولار روحي تجهزي تجهيزات تبين انج مره من صدك وجذبي بفتره قصيره اريد بخلال شهر لان السجين العدهم لازم يطلع خلال شهر خارج القطر
- ماشي
- شهو واحد ناز
- اي اي صار معلوم
- يله روحي واليوم المغرب اخابر اعرف الاخبار لو اخابر ب12
- ااااني انام ب11 ووشوي  نومي ثكيل خاف ماحس
- ماشي اخابر ب9
- اوك
- رجعت للبيت وبدلت ورتبت روحي حتى خاف احد ديراقب من عدهم اكيد يراقبون طلعت رحت للمركز دكيت باب مكتبه
- ادخل
- اول مدخلت خليت اصبعي على حلكي اشش اشرتله اطلع
- كمزت من مكاني طلعت من الغرفه اخذتها وصعدنا فوك  ها بشري
- هاك هاي الارقام سجلتها من رجعت وعددهم 11 وواحد بيهم اسمه ابو مصعب هذا ابد ميطلع كم مره سمعتهم يكولون ودي الريوك لابو مصعب
- لا بربج بس لا هذا ابو مصعب المهم بعد شرادو منج شي جديد
- اسكت وخليها باوعت بعينه
- شكو فتحت عبني
- رادو مني اجيبك للدرب
- خخهههههه قويه والله
- كالو اذا حبج نكدر ماثر عليك بيه صدك مبروك الترقيه
- خههه لا هاي كذب تمويه يعني يردون ملازم
- اي لان يردون يدخلون واحد عن طريق السيطره مدري غراض ويكولون هاي سلطه الملازم وفوك
- جنت واثق منهالشي
- هسه شحنسوي حرجع افوت للغرفه وترجعين تدكين الباب وتسلمين وشوفيني شطارتج
- ماشي دخل الغرفه وكعد شويه ودكيت الباب  وكال ادخل  -- شوك سيدي
- اهلا انسه ناز شون حضرتج ها شو هنا اليوم
- والله استاذ ردت اخذ من وكتك عشر دقايق
- ليش  --هالحجي احجي وعيني بعينها مبتسم وهي كلسا تجيها الضحكه واني هم اضحك لضحكتها واشرلها باصبعي اشش ضلينا نسولف على اساس انه هي دتزحفلي واني متعجب المهم اخر شي عود اخذت رقمي نضرات عيوننا والضحك خلتنا نصفن واحد بوجه  الثاني بقينا لحضات سكوت بعدها وعيوننا اللي تحجي     بعد بعيونها شويه حقد وعيوني تتوسل مسامحتها كاعد واهز برجلي هاي عادتي بسداليوم اكثر من كل مره  خوفي عليها ومشاعر مجهوله مااعرفها شنو اصلها حيرتني جريت باكيت الجكاير ادخن باوعتها بطرف عيني اشرتلها هاهي انتهى  اللقاء
- ناز- حركه ايده خلتني احس للواقع بقيت صافنه عليه من اباوع بعينه اتذكر شكل امي من دخلت البيت وشفتها نفس الوكت احس يتوسل مسامحتي بعيونه واحس امان اللي محتاجته كمت من اشرلي-- من رخصتك سيدي
- ااهلا وسهلا بيج ست ناز نورتينا
- طلعت من المكتب لحكني وطلع ورايه على اطراف اصابعه --  ناز-ها وين
- باعي تنهدت باوعت بعينها نزعت الجوشن  رجنت لابسه بركبتي هاج لبسي هذا يحفضج
- ليش
- لتخافين ماكو شي تنهدت بس لبسي اني ارتاح
- شعجب تخاف عليه
- تنهدت درت عيني عنها انتي فرد من افراد الشعب والشرطه في خدمه الشعب
- ممم ماشي اترخص لبست الجوشن وطلعت ً
- بقيت اراقبها دخيلك ربي احفضها رجعت دخلت للمكتب خليت اللاسق عاللاقطه كملت المهمه ومن اريد افتح الصوت غير يجي الافندي عاد ها اللهم صل على محمد وال محمد
- عمران- شبيك لك
- بابا انت وينك لو ذاكرلي لفه كباب هم احسلي
- مو داوصل الخاتون متقبل تصعد
- لا بربك هههه تقهر
- يله بشر شسويت
- مسوينا شي سمعناهم على اساس دتزحفلي وكذا يله تعال هاي جانا تبليغ
- جيت ياالله يامدبر
- ناز- وصلت للبيت وجعت نمت ردت ارتاح اتصلو بيه من الخليه الو
- الو
- عاشت ايدج شغلج منضم بهداوه بس شنو ناصبه علينا
- الليش بكت طن هوه من كال هيج
- اطلبي منهً موعد نهايه اللقاء هسه شون حترجعين تشوفي
- مم لا خلي اخابره وخليدهو يطلب الموعد انتو مو تردون يحبني عوفوها عليه
- ماشي ماعدنا غير الشهر ناز
- ايد اعرف
- فد سوال
- جواب
- اختج شنو عملها
- ليش تسال اختي مالها دخل  مالكم شغل بيها
- معلمه
- مو
- شون عرفت
- هيج وصلتنا اخبار شنو رايج تشتغل ويانا
- مممتفيدك جبانه ووجهه مفضوح وتروح تبلغ عوفها
- ماشي  يله انتي مكفيه هسه بلغينا باخرالاخبار
- ماشي مع السلامه شمرت التلفون اريد اصيح بعلو صوتي خايفه على اختي نمت خايفه وره كم ساعه كعدت دكو عليه يردون شسورار طلعت التهي احس من ما كاعده كملت شغلي ورجعت المغرب للبيت برواز تصلح بالدفاتر-/ شونج ياعسل
- هلا نزنز شونج انتي
- الحمد لله تغديتي
- اي اكلت وانتي
- اني هم تعاي اكلي كيكه
- صدك كل عام وانتي بخير طلعت من جنتي هديتها ساعه
- الله تخبل شكرا ناز
- عفوا حبيبي ومنو جاب الكيكه البارحه
- ااني اشتريتها لروحي
- ها ماشي دك تلفوني  من الخليه الو
- الو ناز
- نعم
- تعاي حالا
- اي هسه اجي اني حرجع اطلع
- وين
- هسه عدي شغل باي
- باي
- وصلت للخليه ودخلت كلولي انه جتهم اخبار بوصول رئيس اركان كركوك ولازم اخلي عبوه لاصقه باحد سيارته علمود تصير زعزعه بالامن عدهم  اذا انكتل
- شون راح اخليها
- وفق خطه مدروسه حنوصلج ب2بليل يم الباب راح تحجين وي الحرس انه انتي مهزومه من بيتكم لان زوج امج يريد يعتدي عليج واحنا نقوم بالواجب
- شون
- يجي واحد منا يخلي العبوه بعدين يطلع من وره السياره ويجرج ويخليج بسيارته على انه هذا زوج امج
- واذا جلبو بينا ودافعو عني
- عود اكولهم ميدخلون مالج شغل انتي عليج تلهين الاربع حراس
- ماشي شوكت هاي العمليه
- ب12امرلج عالشارع اوكف تطلعين تلبسين حجاب وجلباب موهيج
- اوك
- يله روحي رجعت للبيت اخابر على سيدار محصلته حاولت ابد محصلت شنو سالفته دزيت رساله بالتفاصيل بس كون يشوفها
- سيدار- والدتي صعد الضغط عدها ركضت بيها للمستشفى ونسيت تلفوني لاول مره تصير عدي لل1ونص يله رجعت لكيت ناز حاركه التلفون عليه قريت الرساله بس معرفت المكان وين بس اندل بيت الرئيس الركن وين صعدت السياره ميت خوف على ناز باقصى سرعتي وعفت السياره بفرع من الفروع ورحت مشي شفتها من بعيد نزلت راحت يم الحرس الفرع كان اضلم كلش نزلت حاجتهم التمو عليها انتبهت ولد زحف ثواني وابتعد من يم السياره وره شويه اجه يمشي سريع نفس مكاتبه بالخطه والحرس مقبلو ينطوها البنيه تعاركو وياه ودفعو وواحد منهم ضربه رجع الولد ويباوع لناز كلسا تاكدت انه صعد السياره وراح
- ناز - شكرا جسمي يرتعش اباوع للسياره وينك سيدار الله ياخذك شون اكوللهم عالسياره --
- سيدار- تقربت منها ومن الولد  جان ضهرها عليه والولد يتوسلون بيها تفوت للملحق مال بيت ترتاح وكلسا واحد داك على صدره ويكولها بحمايتي هاي غيرتنا العراقيه اجيت من وراهم جنت لابس عسكري ملحكت انزع من شغله لشغله صحتها -- ناز همست
- التفتت مخروعه سيدي اشرت عالسياره ابجي
- شش جريتها ورايه انداريت عالحرس  تنهدت خويه هاي عمليه ارهابيه والبنيه مخبره عدنا بالداخليه
- الحرس- لا بربك كمزنا عالسياره
- سيدار- وين وين وخرو عيني اني افككها بس جيبولي كترات وراقبو الفرع خاف احد يجي
- الحرس- ماشي
- ناز- سيدي خاف تنفجر بجيت من الخوف محاسه بهيج شي قبل
- اني اعرف افككها لتخافين اهداي فوتي جوه هسه جايج نمت جوه السياره وفككتها شغله شغله اخذت مني نص ساعه  بهال نص ساعه بالي يم ناز اكيد ماتت خوف
- ناز- الحديقه ضلمه واني ارجف الحرس داخل البيت خوفا من ان تنفجر لاول مره كعدت اندعي من كل كلبي انه ميصير شي بي لان مااتحمل عذاب الضمير
- سيدار- كملت وطلعت من جوه السياره وفتت للحديقه باوعتلها ترجف وتبجي -- همست ناز
- نا ز- انداريت شفت بيده الوايرات والعبوه ركضت عليه ابجي الحمد لله  الحمد لله
- اشش حضنتها بدون ماحس على روحي كافي كافي يله انتي سباعيه لو ماانتي ويانا جان رئيس راح بيها
- دفنت راسي بصدره وطلعت خوفي بالبجي  قوه حضنته وبقوه حضنته اني ارتاحيت واامنت
- كمت امسد على شعرها ناز طريقنا طويل اريد اشوف الرئيس مالتهم وادري اذا لزمتهم مراح ينطوني اي معلومه حتى لوو عذبتهم تنهدت اصبري ويانه
- اي
- اريد اكبر قدر من المعلومات هال11واحد ميفيدوني اكدر القي القبض  عليهم بس اريد جبيرهم
- اي
- انتضري اسبوع وكلشي ينتهي حاضنها واحجي وياها وحتى اذا محصلنا معلومات بيتهم مراقب القي القبض عليهم اسبوع بس ناز
- ماشي دفعته على كيفي مد ايده مسح دموعي بعدت ايده على كيفي باوعت بعينه
- يله اوصلج
- اي
- امشي
- صعدت السياره ودك تلفونها الو
- الو ها طلعتي
- اي واحد منهم حيوصلني لبيت خالتي عساس همست حتى تمشي عليهم اباوع لسيدار يضحك
- يله انتضر مكالمتج
- بس ارجع اخابرك
- ماشي
- ناز- بس لا برواز كاعده تملخني
- سيدار- اسف مرديت والدتي تخربطت وديتها مستشفى
- وهسه وين عفتها
- بالبيت
- وحدها
- لا عدها ممرضه ووحده من خواتي جتي يمها
- ممم الله يحفضلكياها
- تسلمين باوعت بعينها اذا تردين تعاي للبيت انتي ماعدج خاالات
- لا بس خوال
- تجين يمنا فد يوم
- لاماريد سكتت ودرت وجهي رجعت للبيت وكبل نمت مخابرت حتى عليهم
- الصبح كعدتني برواز كالت اني حروح تعاي قفلي الباب ورايه كمت قفلتها ورجعت نمت
- برواز- طلعت من البيت كالعاده واكف بالباب باوعلي ودار وجهه وصعد بالسياره جان مبين عليه ضايج واني ماريد يلح ضل يمشي ورايه علكيفه كملت الفرع اخر شي ضجت انداريت عليه فتحت باب السياره وصعدت درت وجهي عالشباك
- عمران- ابتسمت ودرت وجهي عنها شكد عناديه وصلتها للمدرسه ورجعت للمركز سيدار جان نار كبره لك شبيك شكو
- يعني البارحه ب-9اجه اتصال لناز ومحد كلي هاي غير رقابه مخلين انتووو
- اي صح هو الولد كال ب9اطلع
- بدلوووو كمت اصيح خلو واحد ل12 تره والله اكلب الدنيا عليكم
- ماشي اعصابك شنو الصار
- حجيتله كلشي ضل صافن
- خويه هديداللعب خلي نقبض عليهم تره البنيه حتروح من ادينا
- متاكد ابو عمر جاووش وياهم لان كالت واحد منهم اسمه ابو مصعب واللي اكبر من ابو مصعب منووو
- جاووش
- ها اها لازم الزمه والنقيب عادل اخذت اذنه  اوووف بس الزمه بس الزمه ودم العقيد سالم ميروح هدر وتراب كركوك ميروح هدر لعد ينكتل بدم بارد ومحد ياخذ بثاره ميصرف هيج حجي عدي
- سيدار انت واحد وهمه الاف
- ميهمني بالنفكير السليم احصل اللي اريده
- خايف عالبنيه فوك ضليمتها وموتته امها خاف يصير عليها شي
- لتخاف بركبتي بس خل الزمه لجاووش