رواية ملفات الداخليه الفصل الثالث 3 - بقلم الحساب مغلق

ناز- توضفت برواز وباجر تداوم اني استلمت اول عمليه انه اجيب اخبار نقيب من كركوك وكان بيته بشاطرلو واهل  النقيب طالبين خدامه فجننا دارسين فكره اشتغل خدامه مده اسبوع حتى اجيب اكثر قدر من الاخبار وبالفعل رحت وقدمت وقبلوني  عملت بالبيت ومن انضف المكتب خليت سماعات مثل مكلولي المنضمه وطلعت من المكتب بليل وردني اتصال انه كملت مهمتي طلعي من البيت طلعت ورجعت للبيتنا ونمت جنت تعبانه جدا جنت خايفه من العمل نفس الوكت حاقده عالعسكر كلهم نمت كعدتني الصبح ناز اني حروح للدوام ادعيلي
- الله وياج ويسهلح امورج
- رجعت نمت
- سيدار- بقت ببالي ناز وشون انهارت ضميري حيل يانبني عمران متركهم حتى مسواك معافهم محتاجين كل اسبوع نتسوك مره عليه ومره عليه بس كتله لتكولهم مني ابد ولتجيب طاريي اساله عن ناز يكولي ابد ماشوفها كل مااجي انام اتذكر من انهارت وضميتها بحضني ومن خلت عينها بعيني ورافعه السلاح بوجهي  بس اني شنو ذنبي هاي طبيعه عملي طز زز توني انام ورن تلفوني رديت الوو
- الو سيدي الحك نقيب فيصل انخطف
- شنوو وين الحرس
- مااعرف سيدي خطفو واهله حالتهم حاله
- جايكم لبست ورجعت للمركز هاي المهنه لازم واحد ينسى الراحه بيها  ضلينازننتضر اتصال من الخاطفين اتصلو بعد ساعه يردون فديه مبلغ مالي جبير كلش بعد يومين التسليم وبالفعل تم جمع المال ودزينا بيد  الفلاح اللي يتبرع هو يودي بسبب معزه النقيب عده وصلت الفديه وكعدنا حققنا وي الفلاح بعدها وردنا اتصال انه النقيب شمروه بال يولو من وصلنا اله جان مكسر ومضرب لحكنا عليه الحمد لله  رجعت حققت وياه محصلت نتيجه مشاف اي وجه منهم نفس الفلاح رجعت للبيت نمت
- برواز -داومت وكلي حيويه وممصدكه بروحي كمل دوامي صح شوي تعبانه بس الفرح ماليني احس عمري ب6سنين بطريق الرجعه دك تلفوني الو
- عمران- هلو برواز شونج بالدوام
- الحمد لله
- رجعتي
- بعدني بالطريق ليش اكو شي
- جنت امشي بسيارتي بالشارع وقريب عالمدرسه كلتلي بعدني مشيت بفرع المدرسه شفته فتت من يمها هلو برواز سديت التلفون
- نزلت التلفون هلو سيدي
- تفضلي اوصلج باوعتلها مبتسم
- لا شكرا روح الله وياك درت وجهي وبقيت امشي وهو يمشي ورايه لحد مو صلت للبيت طلع كبل ًوراح هذا شون وياه ماريد اشوفه بعد فتت تعبانه كنت جانت نازمحضره الاكل تغديت ونمت هي موموجوده
- ناز- كمت اروح بشكل يومي المغرب ساعه ينطون دروس عالجهاد اني هالشي كله مو بجيبي المهم احصل فلوس وانتقم منه العمليه الجايه تجسس على المركز عدهم سجين ميعرفون بي باي سجن كلولي ترحين للمركز لغرفه الضابط  وتخلين السماعه بس شون ادخل لازم اثر تهمه او تبليغ اقر تهمه مترهم  ادبرلي واحد ابلغ عليه كعدو يتناقشون منين يجيبون هالواحد وشنو التهمه قررو الواحد همه يدبرو اقدم عليه شكوه وبعدها يستدعوه وهالواحد يعتذر واني اتنازل وفعلا صار الصبح بالعشره الصبح رحت للمركز قدمت شكوه على شخص سرق مني قطعه ذهب دخلت اخذو الشكوى وراها دخلني لغرفه الضابط جان موموجود  خليت السماعات شوي ودخل عمران وهو وياه جنت كاعده
- عمران- ولك ادري انت خبل تجي من المستشفى لهنا غير تروح ترتاح
- ماريد عمي الترقيه حصلتها بشلعان الكلب لل3عود اطلع واروح اشبع راح--- بدخلتي للمكتب صارت بوجهي ناز ضليت صافن نضرتها تحجي الحقد اللي بداخل كلبها سكتت كلشي محجيت اتجهت وره المكتب وكعدت تنهدت درت عيني عنها
- عمران- شونج ست ناز شنو خو ماكو شي
- ناز- الحمد لله لا ماكو بس داقدم شكوى باوعت لسيدار بطرف عيني ودرت وجهي
- سيدار- سحبت ورقه وقلم  ونطيتها لعمران تفضلي احجي شنو الشكوى كلها بجمود
- تنهدت اكو واحد باك مني قطعه ذهب
- تعرفي
- اي
- ممم شنو اسمه عرفان
- شغله
- يشتغل بكال من جنت اتسوك منه وكع من ايدي سوار عبالي مواكع ومن رجعت  كلي مو يمي
- يجوز مو يمه
- متاكده مثل مجنت متاكده امي بيها شي باوعت بعينه بحقد
- باوعت بعيونها نصيت تنهدت انداريت على عمران دز تبليغ للولدهمست تفضلي ست ناز روحي واحنا من يجي الولد ندز عليج
- ممم ماشي مديت ايدي لعمران وكف صافحني وعفت المكتب وطلعت من دون ماباوع لسيدار
- سيدار- خليت ايدي على وجهي فركت وجهي اوووف رجعت استندت عالكرسي مصدكت شوي شلتها من بالي رجعت شفتها حجيتها بداخلي تنهدت باوعت لعمران صافن عليه شبيك لك
- سلامت الاهل خويه شبيك صفنت وتتنهد واوف خو ميوجعك شي
- لا هيج يله كوم كوم عدنه شغل كملت شغلي واجه المسوين البلاغ عليه واعترف انه اخذ القطعه ودزينا عليها واجتي دخلت بلبس كلش حصر قطبت حاجبي من شفتها صفنت عليها مجانت هيج تلبس هيج امهم جانت مسيطره عليها شو استهترت وراها شعليه كعدت
- نعم استاذ طلبتوني باوعت لعمران
- عمران- اي اجه الولد هسه يجيبو اي اجه هذا الباك منج
- اي هو باوعت عالولد ودرت وجهي
- سيدار- عفت عمران يحجي مبين مطايقه مني حجايه بقيت اتامل شكلها ولبسها وجسمها
- عمران- يابه الولد يكول انه مجان مصدك هايدالقطعه مالتج
- ناز- اعتقد وصفتها الك وكتلك هاي مالتي
- اي صح بس مااعرف اني اسف
- اوك سيدي اني اتنازل عالقضيه هلي يرجع خطيه
- عمران- مم ماشي تفضلي هنا وقعي عالتنازل
- وقعت واخذت الذهب وكمت دااطلع رجعت سلمت على عمران وطلعت
- سيدار- اكولك بعد موديتلهم مسواك
- عمران- لا مو توضفت اختها وهي هم دتشتغل وبرواز تنهدت كالت اذا وصلت المسواك للباب بعد اذبه بالشارع وصراحه اخاف منها
- مممم والله همه يخوفن بس لابسه لبس طايح حضه
- اي استهترت وره مماتت امها
- ماشي كوم ورانا قضايا بكد رحمه الله
- يله
- ناز- رجعت من المركز رحت كبل للبيت جانو ديبيضو -- هاي شنو حتشغلون الضوايات حتى الناس تدري انتو هنا
- اي نعم والدج حيجي من الشام
- والدي يشتغل وي داعش شكد حلو
- سويتي الكلتالج عليه
- اي
- بس ردت اكولج شغله تدرين اذا احد انتبه اوكلتي لاحد شحيصير بيج وباختج
- اولا اني منتبهه مو غبيه ثانيا اختي مالها دخل فاهم
- اني حذرتج بعد وشغله ثانيه اللي يدخل بهالشغله ميطلع منها بعد الا يوقع معاملته يم رب العالمين وصراحه انتي فايدتنا هواي  لبسج وجسمج جايبلنا معلومات ويبعد عننا الشبهه ووالدج ممعترض ابد
- نضرته خلتني انرعب واني والدي بايعنا من تزوج السوريه ضليت صافنه اني شسويت صوت سياره كطع سلسه افكاري
- اجه اسماعيل اشر للجنود اللي ويا وراحو يستقبلو بقيت بمكاني اباوع عليهم شون يسلمون عليها اباوع على ابويه ضلمنا هواي وحيل اذانا باوعلي وابتسم تقدم اتجاهي
- ابو ناز- شونج بابا
- بخير الحمد لله
- البقيه بحياتج مكدرت اجي اشوفكم جنت بحلب
- غرغرت عيني  عافنه بامس حاجتنه اله عدنا اب  عايفنه ومحقق عمران دقيقه معافنه وهو غريب سببه كان بس تانيب الضمير طلعت من البيت بعد مكدرت رجعت لبيتنا برواز جانت نايمه تمددت بفراشي
- برواز- جنت غافيه ودك تلفوني فزيت باوعت عالساعه ب11ونص منوهاي محقق عمران صدك ميستحي -- الوو
- الو شونج برواز شنو نايمه نصيت صوتي مجرد صوتها ونعومته واحساسي انه هي جانت نايمه خلاني اتاثر
- اي نايمه كمت اغفي واني احاجي
- بعد وكت شعجب من هسه ماكو رد بس صوت نفس الو الو ههه نمتي ماشي راح احاجيج انتي ونايمه الو ممم برواز اني معجب بيج ومااعرف شون اتقرب منج بعد ومااعرف شون اجذب انتباهج  انتي دائما مبتعده عني احس تكرهيني لان جنت سبب بوفاة والدتج تنهدت صوتج يعجبني وشكلج احبه طولج ونعومتج ونزاكتج حساسه مترفه بشكل هدوءج معذبني اتمنى ارجع الابتسامه لوجهج  اريد اكون قريب منج لدرجه اعرف كلشي عن يومج وداخل كلبج بس موقفي ضعيف ااه اولا ارمل ثانيا اكبر منج 11سنه ومستحيل تقبلين بيه اتمنى تخليلي مكان بكلبج اني من شفتج لحد الان ماانام الا افكر بيج حتى بوكت اكون باثاره عفوا منج اتخيلج انتي اتخيل ذبلان وجهج وذوبان  شفتج اتخيل روحي  ابوسج همست بستها عن طريق السماعه ومغمض عيني متخيل روحي دابوسها ومتخيل روحي تسمعني جنت مرتاح كلش
- برواز- من داانكلب حسيت بحراره التلفون على اذني فتحت عيني تذكرت انه اني رديت على عمران ومااتذكر سديته بهالاثناء خليت اذني عالتلفون  سمعته باسني ويتنهد بصوره سريعه -- شدسوي همست 
- احمم الو
- الو بصوت ناصي
- شجنت دتسوي
- مداسوي شي انتي مسديتي
- وليش مسديته انت همست
- لاعيب
- سيد عمران شتريد داك عليه بهالليل تره اني مو من ذني البنات
- ادري بيج انتي اعقل بنيه شفتها
- انت دتحسسني بالعكس
- اسف تنهدت واذا ردتج بالحلال
-  سكتت مصدومه  وراها جاوبت مااكدر ارتبط بشخص جان سبب من اسباب وفاه والدتي حتى وان كان بدون ميقصد
- سكتت مختنك
- تصبح على خير
- وانتي من اهل الخير سدته بقيت صافن شون حتقرب منها اني وحدي والاحساس جان يخبل شون لو وياها هاي شون اجيبها للدرب بله نمت واني ممرتاح
- سيدار- عيونها مفاركت مخيلتي لبسها خلاني اضوج منها بس شون انزل نفسي واحاجيها هاي عرمه ومن ماتت امها توحشت بالزايد اووي كلبي خلصان اني متونس هنا يم هاي خليني عايش حياتي شللي بالقيل والقال بعد شهر عدي سفره لاربيل شهر متحمس للفكره كلش شوي ارتاح
- ناز- اتصلو بيه من الخليه ونطوني تعليمات انه اجي من الصبح ثاني يوم رحتلهم والدي جان كاعد وي زوجته
- حاجاني الرجال اللي دائما اخذ منه الاوامروكال
- انتي اليوم مهمتج صعبه وهي القتل
- شنو المن اكتل
- اليوم تنفذين انتقامج وتقتلين ضابط المركز
- شون اكتله مااكدر مااعرف استعمل السلاح
- اكو هواي طرق  اني عرفت انه انتي نوعا ما شاغله تفكيره وصراحه لازم نسوي بلبله بالمركز نطلع صاحبنه هذا الضابط كلش دقيقً ليقبل برشوه ولا غير شي يبيع وطنيات
- شوون شون قصدك مفتهمت وضح اكثر
- من خليتي السماعات كان يتكلم وي محقق عمران عنج ويكوله شاغله تفكيري اريد انام وياها واعوفها اتونس كم يوم
- ايا حقييير يانذل كللي شون اكتله
- لتستعجلين المساله يرادلها دراسه انتي حتروحين تتشكري على وكفته من رجع قطعه الذهب والبنات ديسوون كيك مخلين بس السم تنطيه الكيك وتطلعين متشكره وتخلص مهمتج
- ممم زين الجندي عرفتو وينه
- اي دزينه احد سال عليه الضابط سيدار وكلهم مو بهذا المركز  مااعرف وين ومن طلع المرسول الدزيناه كال للمحقق عمران انه مسجون بسجن بمنطقه الصوب الصغير لو ماانتي منكدر نوصل هالانجاز واتعابج تاخذيها ومرضيه انشاء الله بس ينكتل الضابط
- ممم ماشي
- هاي الكيك جاهز وتروحين بوجهج للمركز  اجه اليوم اللي تنفذين بي انتقامج
- ماشي مع السلامه طلعت وكلبي يدك سريع اريد اشوفه يتاذه فوك ماحرمني من امي يريد يحرمني من شرفي شكد حقير وصلت المركز وفتت دكيت الباب --
- سيدار- تفضل
- دخلت شافني انصدم وكف
- انصدمت من شفتها لا وتبتسم  بلعت ريك تفضلي دخلي
- خاف ااخرك عن عملك
- لاماعدي شي عمران بعد مجاي  نبلش فد نص ساعه
- ممم خوش ممكن اخذ هالنص ساعه
- لالا هاي مو هي --اي عادي تنهدت كلبي يدك سريع هم متفاجا وهم فرحان -- اويلي هاي شنو الريحه
- ههه هاي كيكه سويتها بيدي اشكرك بيها عالوكفه الوكفتها ويايه لو ماانت ميرجع الذهب
- مممم هذا عملي باوعتها مبتسم -- هواي متغيره اليوم دكيت عالشرطي اللي بالباب جايات 2
- الشرطي- نعم سيدي
- سيدار- فتحت الجيس واو منضرها رهيب
- اي هه -- بده الخوف يسيطر عليه  جابو الجاي وقدملي واحد اخذ قطعه راد ياكلها حسيت كلبي حيوكف قربها لحلكه حموت ارجف ركضت جريتها من حلكه
- سيدار- انصدمت بحركتها قطبت حاجبي هاي-شن--
- سديت حلكه واشرتله بالايد اللخ على حلكي  اشش مااعرف شداسوي بس مااكدر اقتل بشر
- من تقربت ركض خلت ايدها على حلكي خترعت فتحت عيني كلها اشرتلي اشش سكتت ابتعدت على كيفها رجعت وره الميز وطلعت السماعه والواير تخبلت بقيت صافن عليها خزرتها تقربت يمها وجريتها من ايدها وصعدتها فوك ولزكت شريط شفاف عالسماعه حتى مينسمع شي ومتنلكف ايا كانت الجهه اللي وراها
- من سحبني فوك كلت هاهي رحت ومتت وصلنا للطابق ال2دخلني بغرفه كلها فايلات وسد الباب خله ايده عالباب اني انلزكت بالباب اباوعله بحقد
- منو وراج انتي احجيي
- محد
- شنو محد شنو السماعه مخليتها تتونسين بيها
- يجوز اسمع بيها شون تريد تنام ويايه وتعوفني
- شنو قطبت حاجبي شدتخربطين
- مداخربط مو انت تكول لعمران اريد اتونس وياها واعوفها
- ههه مخبله هاي اللي  سمع وكلج يريد تنفذين انتقامج وشال ماعون الكيك وشمره  تردين تسمميني
- اي  سيدار-خنكنتها مخنزر عينه وتعترفين
- اي اعترف لان كتلت امي دمعت عبني
- بعدت ايدي عنها تنهدت هذا عملي
- ممم اني هم هذا صار عملي
- اذا مراح تحجين اسجنج
- فكرت ببرواز خفت عليها وتعبت من شغلي مو  مال كتل اني وارهاب تعببب لا راح احجي
- سمعيني
- اني اشتغل بخليه نائمه دواعش
- شنوووووو فتحت عيني باوعت لجسمها
- اي والنقيب من ورايه خطفو واخذو فديته واللي جوي سالوً عالمسجون الداعشي همً من ورايه وعرفو هو بيا سجن واحتمال باجر يطلعو او يرشون واحد من اللي بالسجن