رواية ملفات الداخليه الفصل السابع 7 - بقلم الحساب مغلق

وطلعنا وراسن اخذنا تكسي ورحنا لبكك كه اول شي استاجرنا فندق وطلعنا ندور بيوت اجار عدي فلوس وراتب برواز والذهب يكفي مال سنه اجار والمنطقه رخيصه لكينابيت صغير مشتمل طالع من بيت جبير استاجرنا ابو البيت مبين مرتاح سالنا شكد اجاره وكال باللي يرضيكم اريد استاجره لان عديدبيت ثاني بجقور زوجه ثانيه وردت عائله وي زوجتي حتى متبقى وحدها منعرف عمله لحد هسه وكال اني 3ايام هنا و3ايام هناك كيفنا وكعدنا البيت مرتب وحلو وموثث برواز جانت حايره بسالفه شغلها والنقله والرجال تكفل بهالشي هم ونقلها بلمح البصر والمصادفه الغريبه كانت انه ابو مهند الرجال ابو البيت كان عريف هم عسكري هم عسكري وين اروح منكم ويييين  مضت الايام وبرواز داومت واني بقيت لان مدرسه الثانويه حيل بعيده تعلمت هالبيت وهالسوالف والطبخ تقربت من زوجه العريف وصرنا صديقات وبيوم من الايام هجم حرامي عليهم واني متدربه عالسلاح من جنت اروح لبيت الدواعش ولزمن الحرامي وردت ارمي عليه لو ما المنطقه جرته من ايدي
ام مهند- ناز انتي ماكو منج بميت رجال ليش مفكرتي تتطوعين بالجيش
- شنو شون يصير
- يصير بالمقر او استطبابات
- يقبلون اتمنى اتطوع واحارب داعش
- اني اليوم ابو مهند يجي واكوله
- اي عفيه الله يخليج
- تدللي اصلا الوطن يحتاجج انتي سبعه
- شكرافرحت وجنت متحمسه احارب وياهم الدواعش بس كون يقبلون مجنت متوقعه انه يقبلون يتطوعون بنات بصفوف الجيش بس الضاهر بكركوك يصير واجه العريف وكعدت وي برواز خافت عليه وكامت تصيح وراها قنعتها انه بالجيش مو احارب داعش  كوه قنعت اتفق ابو مهند ويايه وكال باجر نازل جقور ترافقيني كيفت لبست بنطرون وبدي بس مو حصر وتوجهت ويا من الصبح جنت طايره واتمنى تصير سجلت تطوعي وانقبلت بعدما عرفو اني ماعلمه عالسلاح وبدو ينطونا دروس ويايه 6من البنات اني المتفوقه بينهن كمت اقضي كل نهاري بالقنص ليل ونهار بالقنص في حين البنات ويايه يرتاحون او ميداومن جان الدوام يومين ب3ايام كمت اداوم الاسبوع كله وي العريف صرت قناصه ماهره ونزلوني مهارات وي 4ولد شباب وربحت جنت ملقبه ب {ذات الجوشن} جنت مكيفه طايره احس محد يكدر ياذيني مثل قبل ورجعو دخلوني مهارات على شباب 9وهم فزتهم كضيت اول شهر كله دوام وبهالشهر ضبطت القنص بصوره عجيبه جان العريف بنفسه يبدي اعجابه محد يعرفني باسم ناز بالمقر مر شهر 2والعريف كلش تعلم عليه وكمت البس عسكري والم شعري بعدما كصيته كانما ولد وانقلنا بمقر  جديد بعربلر كان مقر للتدريب وتدربت عال رمايه والقنص والهجوم افضل تدريب جنت دائما بالصداره المقر الجديد محد يعرف بيه بنيه واني وجهي ابد ممسويته قررت التحق بالجيش بحدود كركوك بتازه تحديدا لمحاربه داعش العريف رفض وتوسلت  بي ورفض رفض قاطع وهنا بده حديثي ويا
- ناز- سيدي لازم تعرف شنو ماضيي اللي اطلب منك هالطلب
- اسمعج بنتي دخلتي بيتي كموجره ودافعتي عن عرضي برغم وجود الحارس بالبيت بس جنتي اجدر منه ولزمتي السارق ومر شهرين وانتي صرت مني اكفا المحاربين هنا وانتي اي شهاده جيش ماعدج متطوعه بس افضل من ابو الشهاده  ايا كان ماضيج اني اتشرف بكون انتي الحاضر والمستقبل البلد يتشرف بيج
- سيدي اني تاذيت حيل من قبل الدواعش وقررت انتقم منهم
- شون
- سيدي  عملت كمخبره ولزموني بصراحه جاووش الارهابي كان القاء القبض عليه بامكانياتي
- هه ممستغرب منهالشي اللي داشوفه كدامي بطله
- بعدها خطفوني وفخخوني والحمد لله كدرت افلت منها بقدره قادر تنهدت من ذاك اليوم حلفت انتقم منهم وانتقم لبنات بلدي
- نصيت واسي وذبيت القلم  شنو تردين تصيرين هناك مقاتله
- رفعت راسي مبتسمه قناص بس برواز ماريد تعرف اني بتازه كولها خفر وخلص
- ماشي تنهدت اني خايف عليج
- لتخاف سيدي بصراحه كنت احن من والدي عليه نعم العريف ومحضوضين الجيش بامرتك
- ممم ناز ياذات الجوشن عدي 30جندي حيغادرون المقر لتازه اليوم بليل اذا تردين جهزي روحج ترحين وياهم ابتسمت وضربت التحبه
- حاضر سيدي مديت ايدي تصافحت ويا طلعت وكللي فخر بانجازي من وفاة والدتي واني كل يوم اسئل روحي ليش عايشه وماعدي اي هدف بالدنيا من لزمو جاووش جنت طايره اكثر من الملازم سيدار جهزت اغراضي لبست القناع وتهيات اتصلت ببرواز ودعتها بس مكتلها وين رايحه  وصار وكت مغادرتي سلمت عالعربف وطلعت وياهم بالسيارات طايره سلاحي بيدي وشهاده امهر القناصين  بجيبي ولقبي ذو الجوشن ---
- سيدار- وره يومين تفرغت ومريت لبيت خاله وتوقعتها موجوده انصدمت من عرفت انها سافرت وخالها كال ميعرف وين راحو عمران ضرب الباب مال السياره
- عمران- غبيه غبيه يالله هالبنيه شكد شايله غباء
- سيدار- شنو يعني وين يرحون لزمت كلبي عمران خسرناهم تدري
- اعرف بس احنا مقصرنا تنهدت شافو الويلات مننا
- الضروف ترتبت ماجان قصدي ااذيها والله شاهد
- ولا اني تنهدت ولا اني  سيدار اني بعد اختك كرهت الدنيا بس من شفت هالبنيه ومن وراها امهم راحت حلفت تكون مسووليتي وبمرور الوكت حبيتها بس عملي حكم على حبنا ينتهي كان دائما يوقف حاجز بيننا عملي
- اني هم مثلك من مصيبه لمصيبه موتت امها وراها التحاقها بداعش وراها مخبره وراها خطفها دائما جنت ابين الها اني مستغلها ومفضل عملي عليها تنهدت دائما اخذلها دائما حتى من سمعت المكالمه وي الخاطفين كنت بارد وغليظ القلب بس لازم اتصرف هيج حتى ميلزموني من ايدي التوجعني  اخخخخ خسرناهم عمران وكلشي انتهى
- للاسف
- مر شهرين وناز وبرواز ماكو بيت جدهم فارغ مريت لوالدها بالسجن سالته اذا عده اقارب ونطيته وجبه غداء توب اكد انه متعرف احد تروحله بس بشاطرلو وشاطرلو كصينا  فرع فرع ملكيناهم ايسنا رجعت لحياتي بس دائما تزورني كطيف
- عمران- رحت لبيتهم القديم دخلت غرفتها طلعت اللعابه واخذتها وطلعت بيها ريحتها مفاركت بالي وخوفي دائما يصير بيها شي  مرت الشهرين بصعوبه
-  سيدار- اوضاع البلد تازمت داعش وصل لتازه ودخل احياء كركوك   وسيطر عليها  الفريق الركن بالتعاون مع البشمركه نزلنا تازه بقينا هناك بعد نحارب استشهدو منه هواي اني وعمران متفاركنا دقيقه  فوجي استشهد منه 2من اصل 30 اليوم بليل حررنا اطراف تازه عمران ضل بكك كه وبدينا نتقدم المقر مالتنا بي شاشه سينمائيه قبل وصول الفوج الجديد يعرفونازعلى مهاراتهم حتى احنا الملازمين نوزعهم عالخطوط دخلنا لقاعه الشاشه وبده المعرف يحجي اول واحد مقاتل واسمه عمر ابو سمره وواحد وره الثاني لحد ماوصل وكال ذو الجوشن قناص فاز بالمهارات على اقرانه والصور مالته ملثم الغريب بالموضوع من  كال ذو الجوشن بينوها على صدر القناص الكلاده مال جوسن نفس كلادتي اللي لبستها الها زركه واني مسويها توصاه يعني استحاله منها 2 معقوله هيح الصدف طلعنا من المعرض وبليل وصل الفوج الجديد وزعناهم وي الافواج البقيه حسب مهاراتهم جان عدي فضول اشوف ذو الجوشن نزل ملثم بالقناع ولد طويل ضعيف الملازم اول امره يصعد للمناره مال مقر لان قرينه ينتضره حتى يرتاح واحد يلزم الثاني القناصه اخاف يتجراون يوصلون للمقر  الدواعش يقنصوهم 
- سيدار- وزعت الفوج وبقيت منه 2يمي والباقي حول المقر جننا من نتقدم نضرب ونقاتل وراها نرد للمقر الاكل اللي يوصل  يوزعو الولد والقناصه يتناوبون واحد ياكل والثاني يراقب
- ناز-غرف المناره بيها حمام ودرج اني وولد اسمه سايدن شاب من دهوك منتسب بالجيش مو متطوع  جدا ممتاز بالقنص بس ميوصلي مو غرور بس ثقه وكت الاكل يصعدوه اسمع الاوامر باللاسلكي ولحد هسه قنصت 13داعشي  ماانزع قناعي غير بالحمام حتى وكت الاكل مانزعه وبضهريه من الضهريات صار هجوم  عالمقر وكت نومتي سايدن كتل هواي منهم تصوب صاحني كمزت وضليت ارميهم كتلتهم كلهم ركضت على سايدن صحت عالولد باللاسلكي صعدولي والطبيب وياهم  داوو جرحه وره شوي صعد شاب رفعت راسي وشفت المفاجاه سيدار جانت عيونه كلها قلق منصي على سايدن طلعو الطلقه  من زنده وشدو اله بقيت اباوع عليه دمعت عيني جنت مشتاقتله حيل تذكرت ايام التدريب وشكد جننا نضحك عالدواعش من نسمعهم باللاقطه نسيت نفسي رفع نضره بعيني وكف مد ايده
- سيدار- باوعت لصدر المقاتل ابتسمت ذو الجوشن موو مديت ايدي اصافحه علومك وصلت لشاطرلو وجقور
- خشنت صوتي تربيتكم سيدي مو احسن منكم
- سيدار- ارتاح ارتاح تنهدت اباوع من شباك المناره التفتت عليه بس فد سوال
- وكفت اامر سيدي
- هاي منيلك الجوشن منين مشتري قطبت حاجبي بس لا عرفني بقيت اباوع بعينه تقرب مني قاطب حاجبه
- سيدار- والله العضيم نفس النضره بداخلي تنهدت مجاوبتني
- اشتريته سيدي
- منين ضحكت اني مسوي توصاه
- مااعرف سيدي اشتريته من ابو فضيات بكك كه وكالي مستعمل - ردت اخربطهاعليه
- اكدر اشوفه
- تفضل نزعته
- من شفته تخبلت هذا اسمي هذا مالتي بقيت ساكت دمعت عيني معقوله احتاجت فلوس لدرجه باعت الفضه -- ممكن احتفظ بي
- العفو سيدي همست كدامك بس كلبي راح ويا
- شكرا تنهدت باوعت من الشباك يله اترخص سايدن ديربالك ماعدنا بس قناصين اثنين

- صار سيدي
- عفيه وليدي باوعت لذو الجوشن نصيت ونزلت رجعت اتذكر ايامها وسوالفها نضرات الخوف بعينها دمعتها  اني بيا حال ظلت تفتر براسي ذكرياتها صار سنه من تفاركنا بلا وداع لا وحاقده عليه
- ناز- اكيد تذكر الدعاء اني شون نسيته بقيت اباوعلها اطراف شعره مشيب مزيده حسن تذكرت كل لحضه واحساس مولم حسيته وياه امي والتفخيخ والبيعه الباعني بيها تجدد الحقد بداخلي قضى على الاشتياق بلمحه ذكرى اندار شافني اباوع عليه نزل من المناره اباوع عليه شنو هالصدفه الحقيره
- سيدار- الحمد لله اجوي بمكان سايدن قناصه 2بنفس اليوم من البيشمركه
- ناز- نادو عليه من اللاسلكي ذو الجوشن انزل ارتاح حيصعد بمكانك 2ارتاح يومين  كيفت لان تعبانه ومشبعانه نوم نزلت راسن طبيت للمقر صار بوجهي سيدار
- سيدار- ها ابتسمت اخذ راحتك انزع القناع
- خشنت صوتي لا خلي مرتاح بي
- قطبت حاجبي اخذ راحتك يمكن وجهه مشىه او مشبوه المهم ديسوي شغله بالمطلوب وافضل واحنه عيونه عليه دخل نام
- ناز- فتت ونمت وغطيت وجهي ممصدكه لكيت فرش لليل يله كعدت اكو غرفه مسويها مطبخ رحت كلبت بالغراض جانو الجنود نايمين جانت ساعه 3بليل بس القناصه يلزمون دوريات ضليت ادور على الاكل لكيت موز وتفاح اخذت وكعدت اكل ممصدكه طلعت جو تازه يجنن كعدت على حجاره جبيره اباوع هالنجوم والسما مبتسمه هنا مكاني هذا الجنت اتمنى اصير بس مجان على بالي
- سيدار- حسيت على صوت الطكطكه بالمطبخ باوعت من الشباك شفت ذو الجوشن اني منا شاك بي ضليت اراقبه من بعيد جان دياكل ويباوع عالسما مبتسم رفع القناع ونزعه مطول شعره مثل الكاري ضهره عليه متفاجا من حركاته الدنيا ضلمه وقليل ضوه مال كمر بقيت اراقبه مشفت منه شي بس يتامل تقربت منه اشوف مشكلته ليش مينزع القناع توني خطوتين والثالثه دست على بطل نايلون فارغ
- ناز- حسيت بصوت راسن لبست القناع التفتت شفت سيدار خفك كلبي وكفت وضربت تحيه احترامي سيدي
- ذو الجوشن شمكعدك هالوكت
- العفو سيدي جعت
- ههه تنهدت وكفت يمه متطوع انت مو
- نعم سيدي
- اهلك وين منين انت
- من كك كه اجاوب بحذر ماريد اغلط بشي
- ممم انت قناص ماهر واصل سيطك لجقور
- الحمد لله سيدي التوفيق من الله
- الحمد لله بارك الله بيك
- مشكور سيدي دخلت نمت اتهزم من عيونه مبين شاك