رواية ملفات الداخليه الفصل السادس 6 - بقلم الحساب مغلق

سيدار- اي والله باوعتلها الحمايه باجر حيعوفوكم باوعت لعمران ومحقق عمران يوصلكم ويرجعكم بطريقه ماريد اعتراض بيت عمران قريب عليكم
- ناز- هاهي ماشي ممنونه منكم
- سيدار- هه متتجازين ناز ممصدك لزمت جاووش وترقيت صرت ملازم بمساعدتج
- ناز- استحقيتها عن جداره
- مشكور
- عمران- زعلانه جنها برواز متباوعلي ابد ومن اوديها واجيبها متحجي ولا تباوعني ابد عايفها براحتها لان كالت اتضايق من واحد يلح عليه عيني مشلتها منها وهي تباوع على سيدار وناز ومن عرفت باللي سوته ناز تخبلت الحمد لله عدت سلامات
- برواز  -وكفت باوعت لناز اني ماابقه هنا بعد اخاف عليج كومي
- ماكو شي بعد كلشي انتهى
- شينهي بابا دوله زمره ميتقارشون وياهم شورطج
- برواز هاي شبيج
- تجين او اروح وحدي
- ماعوفج
- سيدار- هاي شنو صلو على محمد ماكو شي تره والله
- عمران- برواز اهدي وكعدي خل افهمج
- برواز- شتفهمني اني هسه عرفت ليش دتلح هالملحه عليه علمود ناز تصير جاسوسه الكم ومن يخطفوها وياذًوها تشيلون ايدكم
- سيدار- وكفت شحده الي يقربلها
- برواز- هذا حجي يفيدكم ناز كومي نطلع من هالمنطقه
- ولج وين نولي
- اي مكان حتكومبن لولا
- باجر نطلع
- كمت اصيح هسه تكومين لا وروح امي تكعدين الصبح متلكيني
- سيدار- تنهدت نترخص احنا ناز عود خابريني من تتفاهمين وياها طلعنا وسدينا الباب
- عمران- باوعت لسيدار حقها بكل كلمه
- يابه هسه اني قابل عايفهم سوتها قصه
- مااعرف شكولك دمشي يله طلعنا من بيتهم   تونا نطلع من الفرع شحطت سياره بباب بيتهم باوعتها من المرايه الاماميه شفتهم مسحلين نزلو يرمون عالبيت ركضت رجعت عمرررا الحك طلعنا اسلحتنا واشتغلناهم كتلنا كم واحد انتبهت على عمران تصوب  بايده  انهزمو البقيه البيت تنخب ركضت جوه لكيت ناز وبرواز بزويه البيت يصرخون ويبجًون بمجرد ان شافتني برواز- كمزت عليه شمرت الطبلات كتلك متكدرلهم جان رحنا بيها انت متفكر بس بمصلحتك ترقيت من وره هالشغله بالخير عليك هم كتلت امنا وهم تريد تكتلنا شنو حشرات كدامك
- سيدار- نصيت باوعت لناز منصيه راسها ومخليته بينه رجلها تقربت منها ناز باعيني ناز همست
- ناز- عفته وكمت من يمه رحت لبرواز اللي جانت تلم الغراض وطلعت الفلوس
- برواز- يله ناز
- وين نروح
- كاع الله وسيعه امشي ويايه
- اي همست
- عمران- برواز ماعوفج تروحين
- انت بالذات مااسمع حسك ولا تقرب النا شفتونا بنات استضعفتونا انت مالكم ذره شرف  اطلعو برررره صيحت بعلو صوتي منين جتني الجراءه والقوه مااعرف ناز صافنه عليه طلعو من يمنا عمران وسيدار وراحو احنا بدينازنحضر الجنط وكوه اجر بناز اخر حجايه  كلتها الها تره اعوفج ومتلكيلي اثر وافقت تي اندكت الباب وطلعت
- ناز- منوو
- اني فتحي
- تقربت يم الباب منو انت اندفرت الباب وسلاح براسي اصعدي بالسياره منو انت
- اصعديي بعدين تعرفين
- عرفت منو وصعدت ركض خاف ياذونً اختي
- برواز- طلعت وراها ملكيتها طفل جان بالشارع سالته كلي الصار تخبلت وكمت الطم خابرت عمران بس اصيح
- عمران- اهدي فهميني شنوووووو سيدار ارجع ناز خطفوها
- سيدار- لا ياالله لا ياربي مااعرف شكد مشيت بالضبط ثواني وصرنا يم بيتهم صياح وعياط برواز خلاني اتهستر طلعت ركض للمركز جهزت سيارتين تفتر بمنطقتهم اكيد مراحو بعيد توهم اخذوها
- ناز- وصلنا لهيكل وفوتو السياره اتصلو بالمركز بسيدار
- الو
- الو منو
- احنا الخطفنا حبيبتك
- تنهدت المطلوب
- جاووش يطلع انسلمك ناز
- ميطلع خلوها يمكم لا حبيبتي ولا وابد
- ناز - انصدمت من سمعته هيج كال نصيت جان ملثمين عيني تعذبت كل انواع التعذيب ضرب وجوع وعطش وجر شعر وخوف
- عمران- برواز امشي ويايه
- مااطلع اذا متجيبولي اختي
- امشي ويايه اكولج جريتها من ايدها جانت فاقده ومنهاره وصلتها لبيتي و4حمايه بالباب وامي يمها ونطينها مهدا وطلعت لسيدار للمركز بشر
- ماكو خابرو رادو كصه بكصه
- جاووش مو
- اي
- شحنسوي البنيه راحت
- اسكت اسكت لتحجي حتخبل لزمت واسي افتر بالغرفه باوعت من شباك المركز عالشارع الخارجي صافن ربي حلها من يمك هذا قاتل هواي عالم وهالبنيه بريئه
- عمران- سيدار خاف يسوولها شي
- اشششششش البيه مكفيني تنهدت رحت صعدت للعريف -- احترامي سيدي
- تفضل سيدار
- سيدي كولي شسوي
- كلشي متسوي سيدار تحمل
- سيدي خطيبتي مااكدر غيرتي تاكل بيه نصيت
- ابني انت ملازم وهالمهنه تحتاجلها القوي اذا طلعنا لجاووش كلشي متكدر تسوي بعد اصبر
- هزيت راسي ماشي سيدي
- ناز- حسيت ذبو عليه مي ودخلت مره جثيثه نزعتني بقتني بالملابس الداخليه انتهيت عرفت رحت بيها طلعت من الكيس الاسود محزم وبي مثل الديناميت عرفته هذا حزام ناسف ولبستني فوكاه الهدومي مالتي --- اي حركه منج تنزعي ينفجر بيج فهمتي
- هزيت راسي اي خلص اليوم ثاني يوم الصبح نطوني مي جنت ميته عطش من شربت الكلاص كله وره شوي حسيت روحي تفكيري مو متزن اللي دااسمعه صدى بس وشيكلولي انفذ غير مسووله عن تصرفات جسمي كلولي توصلين لغرفه العريف وتفجرين روحج مااكدر ارد بس اسمع الكلمه وانفذ ذبوني بسياره بباب المركز كوه امشي من التعذيب والضرب وصلت لباب المركز وكفت
- سيدار- جنت واكف يم الشباك الصبح مرحت للبيت قبل يوم مكدرت بس الوب ه سديسوولها تعذبت بحيث جرحت ايدي بكزيزه ومحاس على روحي من كد معصرت بيها واني اباوع من الشباك لمحت هياتها اي يمكن هي نزلت ركض وكفت كدامها دمعت عيني -- ناز شسوولج وجهه مدمى مضرب وشفافها مشككه
- ناز- اشرتلي على بطنها عرفت ملبسيها حزام صحت بالموضفين والشرطه اطلعوووووو مبقه ولا واحد ونزل العريف هم وطلعو باوعني ونزل راسه وطلع عمران-مااطلع اني ابقى وياك
- عمراان روح بروح اختي
- مااطلع دااكولك لو تذبحني لو سوه نموت لو سوه نعيش
- سيدار- ماكو مجال للمناقشه تباوعلي بتعب بحزن بالم بعتب اي بعتب  -- ناز لتخافين راح نفككه
- ناز- مااكدر ارد كوه واكفه رجعني عالحايط
- انتجي عمران طيني الكتر
- هاك بسم الله الرحمن الوحين
- سيدار- فتحت دكم قميصها جانت متبين اي تاثير فتحت دكمتين بين صدرها بالحماله --- عمران اططططلع راح اكفر
- طالع والله نصيت سيدار لترتبك مو اول مره تفتح حزام
- اي اي بس رووووح اباع عالجوشنراللي بصدرها كلادتي ربي بجاه الجوشن نجينا
- طلعت من المركز واني ارجف اعصابي حتنهار افكر ببرواز اذا تفجر الحزام يمكن تقتلني خلاص يارب توفيقك يارب يارب
- سيدار- باوعت بعينها بلعت ريك تلمست وجهه ناز همست بقيت لازم وجهه ناز احجي شي قبل مابلش
- ناز - مااكدر بس ساكته مااكدر احرك فكي بس اباوع من غير جسمي متكسر  واتالم
- سيدار - كعدت على ركبي وبديت افتح الدكم نزعتها القميص ارجف الوضع الجنت بي ابد مو بحاله جسمها بديت افك بالوايرات واقطع اباوع بعينها دموعها تجري وتفز وي كل صوت قطع تغمض عينها  همست باذنها راح افكه ثقي بيه
- هزيت واسي اي
- كملت تقطيه وايرات احس العرك حتى بين اصابع ايدي من التوتر عيونها مدمعه وبعيني وكلسا تغمضها من اريد اقطع الواير اول مره اكون بهالضعف تدمرت كملت اخر واير اخاف اقطعه لو شغلي صح لو يتفجر بقت ايدي ترجف وهي مغمضه شفافها ترجف صحت يارب وقطعته فتحت عيني الحمد لله نزعتها الحزام وخليته على كيفي
- ناز- كعدت بالكع اشهك مااكدر احرك جسمي بسداشهك وابجي
- سيدار- تقربت منها على كيفي حضنتها نامت على صدري كمت اهزها مثل الطفل كاعد بالكع وحاضنها بيدي اعصابي تلفت جريت قميصها ولبستها جانت متكدر تحرك اطرافها بس تكدر تمشي مااعرف صدمه ناطيها شي حملتها وطلعتها من المبنى صحت عمرررران
- عيوني خويه
- الحك شيل الحزام طيني سويجك حوديها لبيتك
- ماشي روح وجاي وراك طلعنا الحزام ومشطنا المكتب كله  دزيت سياره وره سيدار خاف احد يتعرضلهم
- سيدار- وصل البيت عمران دخلت وخليتها عالقنفه جانت ترجف صحت على ام عمران -- خاله فدوه بطانيه
- ام عمران- اطلع يمه اني هسه اسبحها مي دافي  اخذتها وكعدتهازعالكرسي جوه الدوش نزعتها جانت فاقده مجرد فاتحه عينها محاسه باي شي كملت غسلها لبستها من هدومي ونشفت راسها ومسحت وجهه جان كله كدمات
- سيدار- كاعد الوب اهز برجلي خايف سوولها شي اخاف تقربو منها -- هسه غير تطلع عاااد
- ام عمران- سيدار ماما البنيه البيها مكفيها خل ترتاح
- خاله بس خل احاجيها واولي
- ناز- من طلعت حسيت روحي احسن وممصدكه طلعت من كل هذا وبالي يم برواز -- خاله عفيه وين اختي
- تعاي شوفيها نايمه هسه انتي تنامين يمها بس تعاي حاجي سيدار ورجعي نامي
- خوش التفتت شفته ورايه
- سيدار- تخبل الدشداشه عليها -- تعاي
- ها مبيه حيل تره
- ميخالف سوال واحد
- شنوو واباوعله بحقد لحد هسه كلامه باذني يرن من كله خلوها يمكم ضحه بيه واي مساومه مساوم حجايه برواز صح اهم شي عدهم لزمي المجرم ورقو اني لا شي --- شنو تريد
- سيدار- ناز باوعت بعينها ااا خومسوولج شي
- لا بس تعذيب وضرب مديت ايدي باوع عله ايدي وغطه وجهه بايده -- اني مبيوعه من ماتت امي تره
- رفعت راسي قطبت حاجبي شنوو
- تنهدت جنت كاعده عالكرسي مجرد سمعت الالوًمالتك امنت كلت مراح يعوفني ههه جنت غلطانه ميطلع خلوها يمكم  مااعرفها
- سيدار- نصيت راسي من فشلتي مراح تفهمني لو اشرح منا للصبح-- ناز والله هاي طبيعه عملي
- ماريد اسمع اي حجي
- ماشي تنهدت المهم محد سوالج شي باوعتها بعيون اريد جواب حتخبل
- لا محد اخذ عذريتي هذا التقصده بس انطوني عبره مااثق باي احد اريد انام منايمه
- روحي اخذي راحتج  تمددت عالقنفه اني هم وطفيت الضوه
- ناز- رحت نمت يم برواز نفس الجربايه لزمت ايدها ونمت
- برواز- حسيت راسي مسطور انتبهت اني وين تذكرت كلشي حسيت ايد لازمه ايدي التفتت شفتها ناز حبيبتي بجيت واباوعها نايمه بعمق تلمست خدها ووجهها عفتها نايمه كمت على كيفي وغطيتها لبست حجابي وطلعت اغسل وجهي من رفعت راسي بالمرايه شفت عمران فزيت
- عمران- اسم الله همست شون صرتي ابتسمت ابتسامه خفيفه خايف منها بعدني برواز- الحمد لله باوعتله بحقد كعدت عالقنفه وكعد كدامي نصيت وبعدني تعبانه من الرجفه -- شون رجعتوها
- رجعناها وخلص
- مم اشكرك
- كمت من مكاني كعدت بصفها تلفتت خاف امي تجي تنهدت برواز باوعتلي يمه فدوه لصفاء عيونج همست بداخلي
- ها
- تنهدت مااعرف شكولج تبقين يمنا هنا كم يوم ترتاحون
- ماعدي غير حل
- ماشي ابتسمت
- زين وانتو شون خاف ياذوكم
- احنا عدنا حمايه وهالاسبوع كله منداوم والحمايه بالباب ابتسمت ووالدتي يمنا تبقى اخاف ماعدج ثقه
- ماشي
- اني كلش باوعتني وضاعت الكلمات درت وجهي اتنهدت اني معجب بيج واريدج على سنه الله ورسوله
- باوعتله نصيت موافقه مكسوره حسيت روحي وبحاجه لرجال
- شنوو صدك فرحتيني ابتسمت يوووم
- ها يمه
- يمه هاي البنيه الكتلج عليها خطبيلياها هههه
- -امي- اني حسيت اي يمه تتدلل الباجر امشيلك لخوالها
- لا خاله عفيه حاف يندلون الدواعش بيتهم ويكتلوهم
- عمران- مم قبلتي علمود هالسالفه
- برواز- اي محد يحمينا غيركم  دمعت عيني
- اذا تردين مااتزوجج وتبقين بحمايتنا
- مترهم وين تبات تنهدت اني موافقه  شسوي مالي ضهر ولا سند
- اني اريد من داخل كلبج تقبلين
- ماواعدك بحب لو اكذب عليك طيني مجال بصراحه اني معجبه بيك  جنت بس اخر احداث عرفت غايتكم ومدام كدرتو ترجعون اختي معناها تكدرون تحمونا
- ناز- سمعتهم يحجون دخلت الهول مستحيل اخليها ترتبط بيهم ننهزم احسن شي من هالمنطقه قطعت كلامهم-- برواز مو همه رجعوني الدواعش دزوني مفخخه بحزام للمركز وسيدار باعني بجاووش راسا ماقبل  يطلعه وحتى متساوم وياهم  ومناقش كلهم شتسوون سوو
- برواز- فتحت عيني كلهااباوع حال اختي كدمات وجهه حضنتها ابجي ناز خو ماتقربو منج
- ناز - هزيت واسي لا صافنه على عمران منصي راسي وشابك اصابع ايده يهز برجله  برواز خلي نسافر
- اي حبيبي نطلع باجر من الصبح نروح بكك كه نقلت اوراقي هناك عن طريق النت والمديره ساعدتني
- غراضنا بالبيت
- الفلوس والذهب كلها جبتها والملابس عوفيها تولي
- ماشي
- نروح بكه كك ارخص واحسن واامن  محد يعرفنا هناك
- ماشي  احاجيها همس وماريد عمران يسمع شي لا مكاننا ولا اي شي دخلنا الغرفه وبدلنا
- سيدار- التهيت مكدرت ارجع للبيت بالمركز بتت لان  ناطي انذار خاف يصير شي ثاني  اتصلت بعمران جان مخنوك وكال راح يطلعون باجر يرحون بيت خالهم جنت متوقع هالشي لان مراح تتفهم طبيعه عملي سكتت وسلمت امري لاالله الصبح رجعت من المركز لبيت عمران دكيت الباب وفتحلي عمران تعال يمعود شورطني وانعجبت بيها انعجنت بكلبي
- سيدار- عمران لتجلب يعني شنسويلهم
- عمران- هاهي شبيدي قابل اسحل روحي
- سيدار- السلام عليكم شون صرتي ناز متباوع بوجهي ومترد ها متحضرين حتطلعون مترد
- برواز- اي رايحين بيت خالي
- سيدار- يله لعد اوصلكم
- برواز- احنا نروح
- سيدار- لاماكو انتو بحمايتنا احنا نوديكم يله السياره بالباب
- ناز- باوعت لبرواز اشرتلي اسكتي صعدنا وعينه تراقبني من الجامه خايف احسه ونضره توسل هم بيها وصلنا لبيت خالي دلتهم برواز جنت بعدني حيل مابيه احجي  تاثير الحبوب حيل اذاني ذبونا لبيت خالي طبينا وراها راحو سلمت على خالي وره شوي طلعنا خالي ميعرف شصار رجال هلى كد حاله خطيه بلغنا بنقلتنا لبكك كه