رواية ملفات الداخليه الفصل الثاني 2 - بقلم الحساب مغلق

ناز_ لا اله الا الله سيدي داكولك والدتي مريضه واحنا صارلنا 9ساعات بره وعفناها متخربطه ومدترد وحتخبل عليها اني واختي بس طمنني عليها وهاهي عمي اشمرني سنه بالسجن
سيدار- قطبت حاجبي وكفت لج انتي ششايفه روحج حتنجبين وتحجين عدل لو نطببج جوه
ناز- كعدت كعدي برواز كعدت جانت ترجف وتفرك بايدها برواز كلش رقيقه وترجف من اي شي بسيط يمسها وتبجي راسن الولد المحقق كلها كعدي
عمران- اباوعلها ماتت بجي تقربت منها طيتها مي هاج مي شربي شويه جري نفس
برواز- عفيه الله يخليك عمو روحو على ماما
عمران-عموو!!تنهدت مبتسم باوعت لسيدار
سيدار- تعال عمو اكعد تعال سولفينا يمه احجي طلعتي روحي من شوكت تشتغلين
- صار خمس اشهر
  - ها يعني تعترفين
- بشنو اعترف يالله سيدي ليش مدوخً روحك روح اسال الناس بمنطقتنا يعرفونا كلهم
- اندكت الباب تفضل
- سيدي الدكتوره جتي يكدرون يجون يفحصوهم
- ييله اخذهم
- برواز- باوعت اناز دمعت عيني
- سيدار/ ها مو تكولون احنا بنات شو الوجوه صفرت
- سيدي اختي كلش خجوله همست منصيه اذا تريد بس اني افحصً
- عمران- هي دكتوره مره
- ناز- هي من امي تخجل باوعتها تباوعلي بعيون دامعه
- سيدار- عيني فضنها اريد اكمل تحقيق اخذذهم
- ناز/ برواز الله يخليج امشي دنروح لامي ممرتاحه ابد رحنا للدكتوره
- سيدار/ باوعت لعمران طبعا وياهم مدام خافو دك تلفونهم جريته الوو
- الو منو انت وين ناز وبرواز عفيه بسرعه
- انتي منو
- يمعود فضني امهم ماتت
- شنووو باوعت لعمران وكفت انغلق التلفون مخلص  شحن  باوعت لعمران ولك عمران هاي تكول امهم ماتت
- ناز- رجعنا بعد الفحص واسمع الضابط يحجي سمعت يكوله امهم ماتت دخلت ركض اريد احجي انشل حلكي باوعني قاطب حاجبه نزل ايده منصي
- الشرطي- سيدي سليم
- ناز-على غفله رجع الصوت صحت اميييييي
- سيدار- فزيت باوعتلها خزرتها اش اهداي هذا امر الله
- لاااا الله لا ينطيك ركضت عليه خنكته وخرمشته الولد اللي بصفه اجه ركض عليه سحبني عنه اني رجعت عليه اريد املخه امي ماتت صدك هاي لا مومعقول  صدك لو يتشاقون ردت اتخبل جريت السلاح من خصره وجهته عليه
- سيدار- صفنت رفعت ايدي جانت ترجف وتبجي بحركه
- باوعت بعينها اشرت لعمران يعوفها اي حركه غلط اروح وره الشمس  اختها وكعت وخلوها الولد عالكرسي بعدها موجهه السلاح عليها جانت ترجف ووجهه احمر وعيونها مليانه دمع بقيت اباوع بعينها ---/ هداي روحج بعدنا ممتاكدين احجي وياها على كيفي موجهه السلاح عليه وترجف ايدها تقربت خطوه وبقيت احجي وياها لتخافين هسه تطلعين تلكيها يجوز مبيها شي
- ناز/ مماتت امي لا مستحيل
- اي مميته تقربت خطوه لخ بخطوه ثانيه سريعه جريته السلاح قوي وشمرته بعيد عنها وكتفت ايدها صاحت تبجي منهاره وقرفصت جسمها بالكاع تصيح حاوطتها بايدي اهدي اهدي كلاص مي يحيي بسع
- حاضر سيدي
- اذكري الله باوعت بعينها غمضت وتبجي برجفه شسويت اني كل السويته عملي بس من وره عملي تاخرو على امهم وراحت بيها بقيت محاوطها كافي كافي تنهدت شسوي ياالله باوعت بعينها ثكل جسمها واغمى عليها شلتها وخليتها عالقنفه وراها صحيناها كعدت ودموعها تجري بهدوء نضراتها ماانساها دزينا على احد وياهم
- عمران- اختها تخربطت اثناء هجوم ناز على سيدار ركضت عليها وخليتها عالكرسي كرهت سيدار حاير من ورانا راحت امهم بس هاي عملنا شنسوي يعني  صحيناهم بمي كعدو دزينا وياهم سياره وصلتهم
- سيدار- عمران لو اني لو انت تروح
- عمران- روح انت
- لا ماريد عمي دكعد راحه احنا شعلينا هي هاي مجريات عملنا لتضل تاكل راسي لااول ولا اخر ناس تموت امهم
- تنهدت اني رايح وياهم
- متروح لازمك  قابل كعدت صافن اتذكر كل تفصيل من حضنتها وباوعت بعيونها من لزمت السلاح وهددتني بيه بيني وبين الموت شعره كملت دوام رجعت للبيت
- عمران - وره ساعه رحت للبيت اخذت العنوان من صهيب اللي وداهم جان مليان رياجيل وصياحهم واصل للشارع وجع كلبي ساعدت الرياجيل ومن سالوني منو انت كتلهم اني اعرف الحجيه جنت اساعدها دائما بالمسواك ضلو صافنين عليه ترتيبي ولبسي مو مال مسواك ومخضر غلست مردت اعوفهم بالذات البنيه الصغيره تانيب الضمير قتلني 3ايام اني وياهم وياهم شيحتاجون شي للفاتحه بالسياره عالسريع كانت جدا بسيطه الفاتحه ومبينين من الصرف امكانيتهم ضعيفه جدا كملت الفاتحه ورجعت قررت ماعوفهم عرفت من خوالهممن جانو يحجون ان البنات الاثنين تربويات ومتخرجين بس تعيينهم مطالع
- ناز-للاسف ماكو شي يوصف حالتنا فعلا ضياع حاقده عالشرطه وعالوالد وعلى كلشي برواز هدات واني احس نار بكلبي والدتي بعده 50سنه وتموت ليش بسبب انفجار الزائده وتاخيرنا وتجرثم الدم من رجعنا لكينا الجيران ملتمه فقدنا من اخذوها من البيت اخذو روحي وياها همزين برواز جانت مغمى عليها والدكتور مهدي ماتركها ضل ينطيها ادويه مهدئه بس اني ردت اموت صوتي من الصياح راح كلبي جنه جمره عالضابط الحقير احس روحي جزء من عقلي طار وره الاسبوع الاول برواز التزمت بصلاتها وتحجبت واربع وعشرين ساعه تقره قران واني بالعكس صرت مثا المخبله وشرسه اكره كل الناس وياهو الياحجيني نترت بي رجعت للشغل وكمت مادير بال غير منطقه مو غير منطقه شغل قليل جدا -- خلتسولفلكم برواز وبعدين اكمللكم
- برواز- المحقق عمران معافنا خطيه كان دائما يجي ويوكف بالباب يجيب مسواك واذا مقبلت يضل يتوسل تركت الشغل لان كمت اخاف يتكرر الصار بيه قبل صار عدي رعب من الشارع اندكت الباب -- منو
- اني اني عمران
- جيت فتحت الباب شويه تفضل
- هاي شويه مسواك جنت اباوع بالكع لان نضراي صايره تاذيها وخاف عبالها اتودد الها قصدي موشريف
- منريد مو ميت مره كتلك ماريد صدقه
- هاي مو صدقه والله انتو خواتي والشرطه بخدمه الشعب
- دمعت عيني بس هالمره من وراكم امي راحت
- والله هذا طبيعه عملنا والله العضيم موقصدي لو متاكدين جان دقيقه مبقيناكم تره ضميري ياكل بيه حيل متاذي منهالشغله رفعت عيني بعينها ادري مراح تسامحوني بس هاي امر الله اخذي المسواك الله يخليج ويستر عليج
- اخذته وسديت الباب اسمعه يحمد الله  ويشكره
- اووف الحمد لله والشكر ربي اني راتبي كلش زين وماعدي احدكمت اتسوك مسواك اسبوعي الهم هالاكدر عليه برواز الصغيره مكامت تطلع للشغل وحتى تحجبت  مضبوط يعني مو تطلع شعرها مثل قبل بس تخاف من كل الناس طلبت رقمها اكثر من مره وطيتها رقمي وابد متصلت ابد عفتها براحتها بس لازم الكالها حل
- ناز- مرت الايام واني حقدي يزيد على الضابط سيدار لان عمران معافنا ابد الا ذاك الحقير اللي هو سبب المصيبه شكد توسلت بي بس يدز احد عليها للبيت بلكن نلحك مقبل الله ينتقم منه رجعت للبيت لكيت كهرباء ماكو والدنيا تصمط احنا الوحيدين اللي مساحبين خط مولده مكدرت بعد المي يصمط وخلص لا مي لا كهرباء صرت نار لبست هدومي ورحت لبيت ابويه ادك الباب محد يفتح اكو زروف صغيره بالباب كمت اباوع شفت اكو ناس يباعون عالباب وميفتحوها صفنت هاي ليش ضليت ادك بالباب ماكو رد جانت دنيا مغرب صارت ضلمه بقيت واكفه تقريبا ساعه وياهو اللي يفوت يكلي عمي البيت فارغ مبي احد اكولهم اي اي روح مالك دخل شفتها ضلمت والفرع فارغ تشلبهت عالباب كمزت للبيت دخلت منصيه على كيفي ردت اشوف شنو فلمهم وصلت للباب الداخليه مالتهم واسمع سحب الاقسام يم راسي التفتت شفت اربعه ملتحين وموجهين اسلحتهم عليه واني لا بسه بنطرون وبدي حصر رفعت ايدي ليفوك واحد منهم سالني
- من انتي
- ااني بت اسماعيل صاحب البيت قطب حاجبه متعجب يباوع على لبسي باوع لصاحبه متعجب نزلو الاسلحه واخذوا جنتي فتشوها وجتي مره فتشتني وفوتتني لبستني دشداشه غركت بيها وكالت لبسي هذا وكعدي لبست حجاب وكعدت الرجال ابو لحيه اسمه ابو محمد كعد كدامي وكال
- انتي بنت اسماعيل اتصلنا بي كال انطوها شكد متريد
- تنهدت اباوع بوجوهم ذوله دواعش بس كركوك مسيطرين عليها شنو السالفه بقيت اتصفن
- اختي انتي اطلعتي على اسرار مكان مفروض تعرفيها انتي لو مابنت اسماعيل نقتلج لان راح توشين بينا فاما تعملين ويانا اما نحجزج هنا  وبعد متشوفين شمس
- شنو طبيعه عملكم قطبت حاجبي  شون تردوني افيدكم
- احنا خلايا نائمه اذا ردتي تعملين فراح تعملين كعيون النا نبعثج الى اماكن تجسسين النا اخبار وانتي شابه وماشاء الله عليج وجهج محبوب وتكدرين تجذبين الرجل باسلوب احنا اللي نعلمج عليه
- اي اي اجيبلكم اخبار يعني
- ايدبالضبط
- اخبار منو
- مسوولين بالدوله بالجيش
- فتحت عيني وروح الانتقام تسري بدمي اي موافقه
- شنو اللي هلاج توافقين بهالسرعه
- مم اني والدتي ماتت قبل 3اسابيع وبسبب الشرطه حجيتلهم كل الموضوع حسيت الرجال فرح
- اذا احسن وسيله تنفذين انتقامج
- ماشي ابتسمت براحه راح اخليك تعوف الشرطه بارادتك وتتمنى انك ممنولد سيد سيدار طلعت منهم ونطوني مبلغ 2000دولار وراسن سحبت خط كهرباء واشتريتلي كم شغله الي ولبرواز
- برواز- منيلج فلوس
- بابا طاني
- رحتيله
- اي  رحت تنهدت مبتسمه
- شبيج فرحانه
- لا هيج يرادلنا سبلت هنا
- شنوو منين فلوس
- مالج دخل من بابا
- مممم الله يخليلج بابا عفتها ورحت اقره قران نمنا وثاني الصبح اندكت الباب
- منو
- اني يمه اني
- فتحت الباب لكيت مره بالباب وياها المحقق عمران باوعت متعجبه  --- تفضلي خاله
- بمه اني ام عمران ممكن احاجيج حجايتين
- تفضلو طبو جوه هي وعمران ابتسملي ونصه
- عمران- شونج برواز اني اريد احاجيج بموضوع واعرف مراح تنطيني مجال لذلك جبت والدتي وجيت
- تفضل اسمعك كلتها بجمود
- خويه انتي مو متخرجه من المعهد
- اي
- ليش منتوضفين
- خليت فايلي بكل مكان مطلعت تعييني
- اني عدي واسطه وراسن يعينوج لازم تقبلين لان تعبتيني اني عذاب الضمير كلش اذاني اني هاي امي اشرت على والدتي اذا صار بيها نفس مصار بامج اني ماابقه عايش بعد
- اني حاليا جسد بلا روح نصيت دمعت عيني
- خويه لازم تلتهين واني ثقي بالله ماعوفكم بعد انتو خواتي واحنا ظلمناكم
- هزيت راسي اي باوعتله المطلوب مني شنو
- المطلوب تفضلي ويايه علمود سالفه التعيين ومن باجر حتداومين
- صفنت اوك بس طيني مجال البس
- تفضلي
- دخلت لبست الجبه الجابتها ناز البارحه الجديده وطلعت وخابرت ناز كتلها كلشي كالت  روحي رحت وياهم ووقعت وباجر اداوم كمعلمه ممصدكه
- تقربت منها ممكن تلفونج
- ليش شخبصتني بيه
- حتى اطمئن عليج بعدج ممرتاحتلي اني ماريد شي بس ابري ذمتي ليش هالعصبيه
- ماشي هاك اخذه اسفه نترت بيك
- تنهدت تعودت باوعت بعينها هي هم باوعتلي اول مره انتبه عيونها سود ووسيعه وبياضها صااافي ابتسمت الله يستر عليج
- شكرا نصيت نضرته كلها حنان نفس نضره امي ياالله شون مشتاقتلها اخذ الرقم واخذ امه وراح جنت طايره من الفرح لكون حداوم لزمت صوره ماما حبيبتي روحي تعينت وصرت معلمه تتذكرين جتي تكوليلي جتي ست برواز ومتصيحيلي غير ست برواز ادري انتي هسه فرحانه لحماسي مشتاقتلج يوم والله مشتاقتلج