رواية ملحمة .. إرث سليمان الفصل الثاني والأربعون 42 - بقلم Hend_AlBoor

لـم اعــرف لـ الـهـزيـمـة مـفــهــومـا
فـ إمـا ان انـــتــــصـر أو ان اثــــــور و أُحـدث إنـقـلابــا

يمامة : احس البيت راح ينهدم لزمت الحايط عبالك لازمة سعفه .. شنو بس اني احس بيها

اشهد ان لا اله الاااااااا الله ..

مازن : حسيت بهزة خفيفه عبالي ضغطي متخلخل جان تشتد طلعت ركض ..

زلزززاااااال ..

يمامة : دنهش هبط جوا و المارد تحول دخان و ارتفع ..

القرين : لجججج اركضيييي

يمامة : بقيت لازمة الحايط طلعوا غدير و مازن يتصارخون نزلوا .. ثواني يلا استوعبت انو الديصير بالواقع مو عالم الجن .. رجع مازن يركض

مازن : موبااااايلي ياااالله ..

اخذته و طلعت و الفوك يهتز عبالك واكف ع شعراية .. جربت يمامة من ايدها متيبسة بمكانها

شكوووو واااكفة خررررب بيج هي مال قووة ايمان هسةةةة لججج زلززززاااال

يمامة : يركض بية هو يطفر درجات و اني ويا مادري اشلون سوينا الدرج درجايتين ..

خطف روش كدامي يركض

روش : غضضضضب .. ااااانه غضضضضب

كمت اتعثر يوليس سحبه و طار .. مالكيت روحي الا بنص الشارع ..

استغفر الله استغفر الله .. رحمتك الهي

جوا اخف الهزة .. باوعت كل العالم برا رياجيل و نسوان .. ع بعد مسافة قليلة بيت خالهم درت وجهي راسا من شفت حذيفة

حذيفة : واكفين برا طلعوا بيت عمتي يركضون .. من شفت مازن يجر بيها عبالي صار بيها شي .. وكفت تتلفت حولها و تنزل ببلوزها ع بجامتها لان كصير

يمامة : فشلت من منظرنا ممستور كاشفات روسنا ..

مااازن اشلون تطلعنا برااا

مازن : لج غير زلزال دباعي العالم كلها طلعت مو بس احنا

(بصوت عالي ) هااا حذيفةةةةة اشلووووونك .. تعاااالوا تعااالوا

غدير ختلت ورا امي لان طلعت بالبيجامة و بلوز مازن ..

يمامة : صكيت سنوني عليه ..

ماازن شدتسووي ..

مشيت ع السريع للبيت و هو يصيح ورايا خطفت غدير من يمي ركض للبيت ..

مازن : اهوووو و العالم بيا حال هسة و تباوع عليجن امهااات عطوب ..

درت ع امي
خو هاي بنت عمتي اتخيلها بيوم القيامة مو كل الناس مصاليخ واكفة و هي النشاز الوحيد بجفنها متلفلفة ..

حذيفة : رجعت للبيت اشرت لمازن بيدي ..

ام غدير : امشي هدئت الكاع

مازن : ما امشي كاعد بالشارع زين ساعة الساعة ترجع ..

ام غدير : ع راحتك

مازن : راحت امي ..

بس اسمعيي اذا وكع عليجن البيت مازن ماكوو ززززين مموجود ما اطلع وحده ..

اتلفت حولي كلها برا ..
هاي النسوان كلها برا العالم بيا حال و هن بيا حال

غدير : غير يحجون يكولون اكو هزة جان لبسنا شي براسه خير اشكد عيب يالله

يمامة : وكفنا بالطرمة كامت تدردم

يمعودة هسة هذا الهامج قابل شتسوين اذا كالوا

غدير : ع الاقل امشط شعري .. دشوفي مكفوووش

يمامة : غدير كل عقلج هو منو باوع

غدير : هفففف حتى بالهزات ماعندي حظ هسة شتكول الناس؟

يمامة : الحمدلله عدت ع خير

غدير : اني ما اطلع منا لشهرين تلاثة

يمامة : ليش شصاير ..؟

غدير : حتى الناس ينسون عطوبي هاي

يمامة : لزمت شعرها بيدينها اثنينهن و نفشته .. طبت خالتي جوا

غدير : يمة وييين طابة هسة ترجع ..

ام غدير : لتطبن خليجن انتن .. اني ما علية شي

غدير : معلية شي شنو .. قابل الهزة گرايبج؟!

مازن : رحت يم الباب مديت راسي ..

لتطبن جوا هسة نشروها بالفيس كايلين ترجع بتردد اقوة

غدير : سترك ربي شنو نبات بالطرمة بهالبرد .. ولك امي طبت

مازن : ما عليها شي كلش كلش الاسياد يشيلوها و يركضون بيها انتي منو يشيلج

غدير : رجع كعد كبال الباب ع مسافه

دستوور .. ماريد احد يشيلني عيني

يمامة : درت دادور شي اكعد عليه ظهر مليك بوجهي مباشرة .. شهكت من الخوف

غدير : شكووو ... ابووو برررريص

يمامة : لازمة صدري .. استقراري جان ع شعراية و كطعها

ايي .. اي ابو .. بريص ساعة السودة

مليك : فتحت عيوني زايد

شكرا ..

يمامة : صفنت ..

ذاكــــــــــــــرة ..

مليك : علمت انه عندما ياتي هذا اليوم لا مجال لاقناعك في البقاء

لـ تعلمي .. ان لك في داخلي مشاعر تفوق عشق بشري
يمامة ( تلتفت عليه بنظرة دهشه و استغراب )

: بس ...! انت جـ .. اني ..

مليك : كيف السبيل لـ اكون انسي .. اسألك في الله دليني ..

عـــــــــــودة ..

نسيت كولشي صار اخر مرة من شفت وجهه الهادئ و هو مستند ع الحايط اتذكرت .. ارتبكت منه شحت بنظري عنه

عفوا ..

غدير : درت ع حس يمامة ..

ها

يمامة : هيج دا ادور شي اكعد حيلي انهد

غدير : راح اروح ركض اجيب كراسي و اجي خليج

مليك : لا زلتي تخافين بعد كل الذي مررتي به ؟؟ رقة حواء ..

يمامة : نزلت ايدي .. و التفتت عليه

الف مرة كلتلك لتظهر هيج

مليك : طبع ..

يمامة : وخرت من كدامه درت داروح جرني من ايدي .. جمدت و درت عليه مصدومة

مليك : شعرها طار كله بوجهي من اندارت .. كل سيطره ع نفسي فقدتها ع ريحته ..

كأنك خمر ..

يمامة : سحبني عليه بقوة .. يبس دمي و هو ساكن بقى

مليك : هل هو الاحساس ذاته عندما امسك بك ذلك الادمي؟

يمامة : بلعت ريقي حتى الادمي نسيته يا مسكه ..؟ بقى مخلي وجهه بوجهي ماتقربت هيج من مخلوق قبل ..
هدني اول ما طلعت غدير .. كمت اخذ نفس ..

غدير : هاج اكعدي ..

يمامة : اختفى .. اباوع ع غدير و بالي مو يمها .. من هذا وجهه انگلب الصبح ..

اديان : هلو بنات .. الحمدلله ع سلامتج يمامة

يمامة : فتحت الباب فززتني عبالي حذيفة .. طبت بوستني هي و امها

الله يسلمج

ام حذيفة : اشلون شغلتي بالنا عليج حتى حذيفة كمنا منشوف يطلع من الصبح يدور لليل هو و مازن

يمامة : الله يريح بالكم .. الغلط مني مكدرت اتواصل ويا مازن او غدير

ام حذيفة : المهم انتي بخير يمة

يمامة : تسلمين

اشوي سولفن ويا غدير و رجعن لبيتهم ..

غدير : شبيج مو ع بعضج!

يمامة : لا .. مابية دايخة من الهزة ..

غدير : عافتني و راحت جوا

وووين .. يمااامة

ركضت وراها صعدت فوك ..

شبيج مسمعتي مازن كال راح ترجع

يمامة : عادي مراح يوكع البيت

طبيت بغرفتي ركض ع الفون .. فتحته و ابحث

القرين : هوووففف صدك جذب كلت اندفنا .. شدتسوين؟ احاجيج؟؟

يمامة : عوفني عوفني ..

خلة راسه يم راسي و يباوع بالفون ..

القرين : طرد الجن؟ منين تطرديهم

يمامة : بحثت ع طريقة ابعد الجن المسلم .. عفت الفون و درت عليه

من الغرفة .. من حياتي .. من الااامة

القرين : اي لتصيحين يمج داسمع ..

يمامة : تخبلت كعدت ع الجرباية منهارة .. اذا يعشق الجن معناها ياذي .. هذا كله غلط .. غلط هذا

القرين : حذرتج كلتلج اتجاهلي حالتج و ابتعدي ع الاقل جان ما التقيتي بمليك

يمامة : ما اكدر احجبه ميأثر بي شي لان مسلم .. ورطة هاي ورطة تفهم شنو ورطة

القرين : عاد انتي خليتي نفسج بيها مو اني ها

يمامة : منمت الليل كله .. قلق و ارق توتر باي لحظة خفت لا يظهر .. نزلت الصبح راسي صاير طبل ..

روش : يا صباح الجمال و السعادة .. يا ذات الوجه الذي ينعش القلب

يمامة : باوعت عليه بطرف عيني اني هلكانه من السهر و التفكير ..

روش : فتاتي عيناك ذابلتان محمرتان

يمامة : من الكيف

رحت للمطبخ شمرت جسمي ع الكرسي ..

روش : ماذا ؟ مالذي تعنيه .. هيييه فتاتي

غدير : صباحوو

يمامة : صباح النور

غدير : هاي شبيج .. عيونج طابات ليجوا

يمامة : منمت غدير منمت اتمنى اشلعهن و ارتاح ..من الالم راسي راح ينفجر

تسقط عينا روش ع الارض تتدرحج لتصل لقدمي يمامة ..

روش : اعطيك عيناي عزيزتي

يمامة : يا ربي .. رحمتك راح اتخبل

غدير : هسة تتريكين و يهدا الالم

يمامة : ماريد ماعندي نفس ابد ..

اجه شال عيونه و گام يكدرهن ع عيوني بوجهي واكف خنكني ..

القرين : ابتعد يا رجل ..

روش : و ما شائنك انت ؟

القرين : ادري شدتسوي صاحي انت صاحي مو اختنگنا

روش : هييييي لا علاقة لك

القرين : ابن الطراگ عيونك بالطول شدتقيس .. دروووح مناااا

يدفعه بعيد عن يمامة ..

روش : اترفع عنك باخلاقي ايها الشيطان المنافق

القرين : ايباااااه من الك هالادب

يمامة : دحس عيونه بمحجرهن رفع راسه و خشمه و مشه ..

لو باقين يتعاركون اكثر اعيط ..

القرين : هذا من استهتارج مكعدتي راحة الا ظهرتي نفسج ..

يمامة : يووووو

غدير : عاطت طفرت عليها

اسم الله اشبيج ..؟

يمامة : لزمت راسي راسا ..

راسي .. موتني

غدير : هسة اروح اجيبلج بندول بس اكلي شي و لو اشوي ..

يمامة : ولج اي فدوة انقذيني باي شي ..

راحت تركض فوك .. غمضت و رجعت راسي ليورا ع الكرسي ماحس شايله راس عيالك شايلة جبل .. اريد اغفى .. حسيت بشي بارد ينزل من راسي .. خدر خفيف كولشي .. ارتخى لدرجة اريد انام .. فتحت عيوني و سديتها .. فتحتها كلها

مليك : هل هذا جيد؟

ماذا .. تكلمي مابك

يمامة : شنو

مليك : قد يتسبب السهر ضرر في عظام جمجمتك ..

يمامة : شال ايديه من راسي .. ابسط شي لازم اسوي اتجاهل الصار و اكون طبيعية. .. لزمت راسي

شكرا ..

مليك : الشكرلله

علمت من يوليس ما فعلتيه .. لا تتدخلي بعمل خالتك بعد ذلك ..

يمامة : رفعت راسي عليه

شعليك مليك .. هذا شي بعالمي راجع لي

مليك : و ما الفرق لقد كنت في عالمنا و بهذا العناد ذاته

يمامة : اشوف بشر متاذي ما اعينه

مليك : ابتعدي فقط

يمامة : و حتى اذا ما اشوفكم و تمر بية هيج حالات ما ابتعد عود شتكدر تسوي؟

مليك : اهدم الارض التي تحتك .. هل فهمتي و ان لم تكوني تريني ..

يمامة : بقيت صافنة .. شنو مخلوقين من شر. .. حتى اذا مسلمين نفس الافكار

غدير : هاج هاج هذا كولش زين بكته من مازن

يمامة : طبت غدير نلصمت ..

تسلمين عيوني ..

شربت العلاج ع ريقي من القهر ..

بقيت افتر بالبيت انظف و اذا ماكو شي بس افتر من التوتر و ميته نعاس اذا نمت ماكعد لليل .. سويت الغدا ويا غدير اجه مازن و كعدنا ناكل .. الجن يفترون

مازن : لعد وين امي؟

غدير : نامت كالت لحد يكعدني

مازن : صدك فتحوا باب تعيينات الكم ..

غدير : الله عليك اشوكت ..

مازن صارلها اسبوع اليوم واحد سولفلي رايح مقدم يكولج طالبين الفين درجة و المقدمين خمسة الالاف

غدير : كتلت كل امل بية

مازن : و اني شعلية قابل اني وزير التربية

غدير : يمعود كلاوات ..

يمامة : حتى لو نقدم غدير

غدير : شتقدمين يكولج خمسة الالاف مقدمين يعنوج و يعينوتي ع شنو بنات السلطان ..

مازن : يمكن عطوبج عدهن حظ و تتعينين ليش تيئسين

غدير : دسكت مازن

يمامة : احنا نقدم و الله يسهل حتى اذا مطلعت اسمائنا شخسرانات؟

مازن : دنطني المقدسات الاربعه استنسخهن العصر حتى باجر اوديجن الصبح

غدير : يا مقدسات

مازن : الجنسية و جماعتها

غدير : و وين نروح نقدم

مازن : بشيب اهلي الخلفوج و بلوني ولج غير بنقابة المعلمين

غدير : ايباااا ليش عدنا نقابة

مازن : اوفففف منك لساني بالمووت ضابطه .. حضري المستمسكات و انتي ساكته

غدير : اي اي افتهمنا ..

يمامة : غدير اذا مطلعت اسمائنا مو تبجين مثل كل مرة

غدير : لا يمعودة كبرت .. هاي اخر مرة اذا مطلع اسمي اشتغل عند امي

يمامة : انصدمت عفت الاكل و باوعت عليها

اسم الله شتشتغلين عدها ..؟

غدير : أااا جن ... واحد من اسياد .. خدام حتى اذا سميغل المهم اشتغل

يوليس : مكتفين بروش عزيزتي

يمامة : ضحكت و دنگت راسي .. حتى بهذا الشغل ماعدها حظ .. باوعت ع يوليس

متنفع واسطة ..

يوليس : تنفع و والدتها السيدة .. لكنني استقيل ان فعلت ..

غدير : واسطتيش منين نجيب واسطة هسة تلكين الالفين درجة كلها نباكت كلمن و ربعه

مازن : واسطتنا الله ..

يمامة .. غدير : و نعم بالله

كملت شغلي ويا غدير و صعدت ركض بس اريد انام احس جسمي منتهي .. كعدت بالليل نزلت اتعشيت وياهم هالايام خالتي صايرة متاكل ويانا .. الظاهر شغلها كثران

غدير : يمامة ترا اخذت مستمسكاتج من غرفتج و انطيتهن لمازن

صدك مكلتولي اشلونه الكباب؟

يمامة : عاشت ايدج

مازن : عاشت ايد اليوتيوب

غدير : ليش تخليني اغلط و احنا ع الاكل

يمامة : عووفي يتشاقه

غدير : مغثة

يوليس : ابتعد دنهش انت تعلم انها ترانا و قد علمت ما فعلته و ان كررت ستخبر السيده و لن يكون موقفنا جيدا

دنهش : اجل اجل و ما الذي تفعله ان علمت مولاتك؟

يوليس : تغيرنا و لا نعلم الى اين يذهبون بنا ..

دنهش : و هل تخاف ايها القائد

يوليس يمسكه من رقبته : لا اخاف و لكنك لا تعلم مالذي سنواجهه ايها الاحمق .. فقد حذرتك فان لم تكف ساقتلك بدلا منها

يمامة : كملنا شغلنا و صعدنا .. شفت يوليس خانك دنهش وكفت .. غدير طبت لغرفتها ..

بهمس و غضب : شتسوي هنا دنهش

دنهش : اتركني انت .. مالذي حشر انفك انتِ

يمامة : دفع يوليس و اجه علية يتهدد .. من غضبي فقدت ضربته بوكس وكع بالكاع

دنهش : تبا لك من اين لك بهذه القوة

يمامة : رحت عليه ..

مو انت لو تؤمن بالله جان عرفت .. صار ضربتين الاخيرة تقضي عليك قسما عظما بس اشوف خيالك فوك ..

عفته و رحت طبيت للغرفة ..

دنهش يمسح بفمه و انفه : ايتها الملعونة .. ماذا دهاك لماذا لم تفعل شيئا

يوليس : لا اواجه بشري في هذا المنزل .. و ان كانت عدوا لي فقد اشتركت معي في نفس الهدف ..

دنهش : هل تقف معها ضدي .. لماذا تدافع لروش اذن

يوليس : روش لا يجلب المتاعب

روش ع الدرج ديصعد : لانني محبوب .. كيف لك ان تقارن نفسك بي ..!

يمامة : طلعنا ثاني يوم الصبح .. حذيفه ظهره علينا مدري شديخلي بصندوك السيارة

مازن : صباح الخير مولانا

حذيفة : صباح النور .. وين رايحين؟

مازن : والله علمود هاي التعيينات كلنا يقدمن بلكي يطلع اسم وحده منهن

حذيفة : ان شاء الله خير .. ديلا اوصلكم

مازن : لا تسلم مانريد ناخرك هسة ناخذ تكسي منا

حذيفة : شنو هالحجي؟! دصعدو اصعدو

يمامة : وكفنا صفح ع مسافه و مازن واكف يحجي ويا .. بس سمعنا اصعدو غدير زرفت صفحتي بيدها ..

شكوو

غدير : وج دباااعي يحظي راح يكتل روحه حتى يوصلنا ..

يمامة : عادي مو ابن خالج

غدير : ايييه الدم يحن .. دبطلي مصدك شاف وجهج الرجال

يمامة : باوعتلها صفح ..

بعدج ع هالتفكير تلكي مرتبط من قبل ليجون هنا

غدير تهز براسها : صح صح وداعت جام الباب التفلش

يمامة : دتحجي جان يصير مليك وراية .. سكتت

مليك : يمكنك ان لا تذهبي

مازن : يلا تعالن تعاااالن مثل الدجاجات واكفات بالشمس

غدير : امشي يالله خليهن خطوات خير

يمامة : رحنا صعدنا بالسيارة هو بقى بمكانه ساكن .. حركت السيارة بالظاهر كاعدين اثنين ليورا بس الواقع اربعه اختنكت .. شكو كاعدين بنصنا

مازن : افتح الجامة يم غدير ترا نفسها تلعب من السيارة

حذيفة : ماشي ماشي

مازن : شلتي جيس وياج

غدير : التفت عليها فتحت عيوني حيل .. بس حركت شفايفي .. فضحتنااا احد اشتكى من يمك تحجي

مازن : لج بابة تروحين تردين من راسج و ننفضح اكثر .. دسكتي

غدير : كمت ابجي الا اشوي .. ديير ددير

قرين غدير : دوخر مجال لازك بية

القرين : دروح بجتفها شكو طالع

قرين : لعد انت شكو طالع

يمامة : وديت وجهي ع الجامه كمت اتنهد هلكد ما وتروني .. لا اله الا الله .. تعااال انت هنااا

القرين : ماجي اني عاجبني النص زين .. روووح يم الجامه

قرين غدير : تففف عليك ..

يمامة : لما فضت انذبحت كعد قرينها يم الجامة و امطلع راسه كله .. عبالك محبوس ..!

القرين : هو محبوس لعد شنو اشوكت طلعت غدير حتى يطلع

يمامة : همين عدكم احاسيس

القرين : لعد مو مخلوقات

يمامة : انت بالذات عديم الاحساس ما اصنفك من المخلوقات اصلا

القرين : باعي هستوني خلصت من غثيث .. تجين انتي تستفزيني اطفر من السيارة ززززين

يمامة : صفرت دماغي ..

التفتت ليكدام عيون حذيفة بالمراية صارت بعيني .. شحت عنه نظري .. خلص الهوا .. احس اختنكت ..

حرك ايده و شغل المسجل .. لحن قديم من التسعينات تحسي .. رائد جورج!!!!

رائـــد : سـمـعـنـي كـلـمـة .. بـيـها معـانـي
و انـظـرلـي نـظـرة .. هـزت كيـانـي
لا لا يـا گلـبـي ابـعـدنـي عـنـه مـن حـب الاول يكـفـينـي الـ شفنـا
مـحـتـار انــا مـحـتـار خـايـف اضـوك النار تـجــويــنـي اتــلــوعــنــي اتــخــلــيــنــي انـــدم ثـانـي

يمامة : سرحت ويا اللحن و الاغنيـة .. باوعـت ليـكـدام جـان ميـباوع .. رفـع عـيونه ويـة الـمقطع
رائـــــد : تـسـئـلـنــي الـنــاس عـل شـاغــل بــالــي
مــن نــظـرة و كـلـمـة غـيـرت احـوالـي
اشـعـر تـذوب الـروح
لـمـا يـمـر و يـروح
افـرح و انـا الـمجـروح
و اعـيـش بـعـالم ثـانـي

يمامة : احس سخنت عبالك عيونه دتحجيهن .. يلمعن .. التفتت ع الجامة روحي تبعثرت .. طبينا بطسة قوية انركع راسي بالجامة اني منا جسمي حيله مهدود ..

مازن : الله .. يمعود صدك جذب ماناقصني غير سبحة و ينضبط الجوبي

حذيقة : اسف ما انتبهت الها

مازن : شكبرها اني بعيد شفتها .. يلتفت ع يمامة و غدير .. خوما اكو اصابات ..

اباوع ع غدير خربانه ضحك ..

ها حجية نكته .. طسة .. اريد افتهم

اشرتلي بيدها عود دير ..

غدير بهمس و ضحك : يمامة .. ولج

يمامة جرتني من ايدي و عيونها يدمعن من الضحك : ها شبيج تخبلتي

غدير : لو شامرة طوبة والله لاجيب كول براسي ع هالطسة

يمامة : طلع صوتها من الضحك حتى اني كمت اضحك ع ضحكها

مازن : اشكد فطيره شبيج ..

يمامة : نزلنا نمشي بشارع النقابة ماكو احد بس بنية و ولد وياها واكفين بالباب ..

مازن جان كلتله يروح يمكن نتاخر

مازن : لا هو بس فايل تنطي و نطلع

غدير : يعني يمكن الرجال عنده شغل

مازن : امشن و اسكتن بوَم

السلام عليكم

مجهول : و عليكم السلام

مازن : شنو ماكو اليوم تقديم

مجهول : بلي بس سدوا الباب كالوا هايهية خلص الوقت اصلا جان اخر يوم

غدير : خرب بالحظ .. فدواتك ربي تعبت

يمامة : كولي يالله

مازن : عمي شنو هو جنبر و عزلوا خلص الوقت عالم جاية تقدم و اذا اخر يوم

المجهول : والله حجيت ويا الشرطي ماقبل يفتحها ميتفاهم

مازن : يا شرطي هذا ..

رحت يم الباب و صحت الله بالخير .. اجه الشرطي ضخم من ورا الباب بدون ميفتحها

الشرطي : عيوني التقديم انتهى

مازن : الباب ناصية شفت الموظفين

ابو الغيرة الموظفين موجودين مراح يصير شي اذا استلمو كم فايل

الشرطي : اعتذر عيوني ميصير

مازن : يا عمي هسة قابل راح يتسجل ع الفايل توقيت استلامه .. و هذني بنات خطية دسويها لله

الشرطي : ارجعو

مازن : مبين قافل رجعت من يمة

من خرب بشاربك ..

غدير : هااا

مازن : ارجعن عيني التقديم منتهي اليوم

غدير : ما ارجع زين والا اكعد بالباب تعبت

مازن : هاي اشلون ورطة .. متحجين درويشة

يمامة : والله مادري ..

اباوع الولد و اخته مشوا .. بقينا واكفين اجه شايب ويا بنته من بعيد و رجع ويا الولد و اخته

الحجي : هاي ليش رجعوكم؟

مازن : والله حجي قهر بقهر هذا بلدنا

الحجي : اني احجي ويا بلكي الله يهدي

الله بالخير عمي

الشرطي : هلا حجي ..

الحجي : وليدي هاي بناتنا و هن خواتك بشاربك خطية

الشرطي : والله يا عمي التقديم انسد

الحجي : هن فايلات يسلمنهن و يروحن ماكو تعب و لا حساب ..

الشرطي : دقيقه ..

يروح ع شباك الغرفة يحجي ويا موظف و يرجع يفتح الباب ..

الحجي : الله يحفظك و يحفظلك الوالدة .. يلا يلا بنياتي بسرعة

يمامة : طبينا ع السريع مثل الحراميات احنا بس اربع بنات ..
وكفنا يم الشباك اني و غدير ..

الموظف : الفايلات كاملة

غدير : اي استاذ

الموظف يستلم الفايلات منهن يفتحهن و شمر تلاثة بصفحه و واحد بصفحة .

: هايهية عيني اتوكلوا و الله كريم ..

يمامة : طلعنا من النقابة نمشي بالشارع كدامنا حذيفة واكف يم سيارته

: ان شاء الله خير

غدير : من هذا العارض الصار و لا اتأمل خير هاي كلاوات ..

مازن : لعد شكو اتربعتي اباب النقابة ماروح و ماروح

غدير : انت مشفت اشلون عازلين جبل فايلات وحد و منا مجموعة فايلات هو اصلا الموظف ديعين حسب التعليمات اكيد

مازن : اي الجبل الفقرة و المجموعة اصحاب المعارف مسنودين

يمامة : كولو يالله يمكن هاي هيج ديعزل حسب الشهادة

غدير : اشكد جان عندي امل كتلوا .. استغفر الله

يمامة : رجعنا بسيارته .. مازن ملتهي يسولف وياه ع الوضع .. حسيت شي نزل ع السيارة بحيث كمز جسمي من الصوت ..

القرين : شكوووو هاي شسويتي هالمرة ..؟

الموسيـقار رائـد جـورج ☟