رواية ملحمة .. إرث سليمان الفصل الخامس والأربعون 45 - بقلم Hend_AlBoor

فـي زلـزالٍ احـدثـهُ الـمـنـافـقـيـن
و مـا بـيـن انـقـاض انـفـسـهـم بـحـثـوا
فــ وجـــدوا كـبـريـائـي

حسام : بااااااعي لجججج لتركعيهاااا لاااا انزززل اعررررف شسوووي بيييييج

القرين يضرب بوكسيات من الجامه  : لتصييييح لككك دنعل ابوك لابو .. شتسوووي يعني انزل يلااا اذا رجاااال انزززل

قرين حسام : دمشي منا نعال يلاا جر منا

القرين يعبرله من الجامه و ينام عليه دك بوكسيات و عض و قرين مهند يفازع ..

قرين مها كاعد بالكشنات الخلفيه : اغبياء

استاذ مهند ( 30 سنة حنطاوي البشرة بعيون بنية .. قصير القامة .. معتدل الجسد .. معلم انكليزي)

  : ع كيفج ع كيفج ست

القرين يوكف و رجله ع وجه قرين حسام .. يمد راسه من فوك كشن الصدر بوجه استاذ مهند : تفففففففف عليك يا سگط بلا غيرة

يمامة : بقيت صافنه ع المعلم و ردة فعله عبالك اني الي تجاوزت مو هو .. عفت الباب و مشيت ( القرين ينسحب تلقائيا وراها يتهدد و يتفل و هو يشوف السيارة مشت) الطريق كله ابجي كمت ماعرف وين اخلي رجلي اريد بس اوصل للبيت

القرين : لججج ليييش و انزع الحذاااء و دككك ع حلگه و انعل والديه شبييييج جباااانه هذاا لووو جن تشعلييين جددده لان بي اذية ااااالي .. اررررجعي شگگيييي

حذيفه : طلعت من البيت داجيب الخبز نسيته بالسيارة شفت يمامة تبجي تخبلت وصلت يمي

شبييج .. منوو وياااج .. يماااامة

القرين : حساااام واحد عُربي وجهه طووويل ايهاطوووله .. و رافع شعره تلث مترات ليفوووگ صاااير هرررم

حذيفة : و لا عبالك داحجي فاتت من يمي معبالك شافتني رحت جريتها من ايدها

احااااجيييييج ياهووو المبجيييج

القرين : دجاووووبي خرررب بيييج لووو مليك تخرطيلة كووولشي

يمامة : محسيت الا ايد سحبتني

شكووو

حذيفة يصرخ : شبيبيييييج منووو ويااااج ياااا ابن قناااادر

يمامة : اني اشهك و ابجي

محد .. عووفني لخااطر الله

سحبت ايدي و طبيت للبيت بسرعة .. القرين يدك و يلطم خبصني .. همزين ماكو احد بالبيت بس سمعت صوت خالتي بغرفتها .. صعدت ركض اختنكت اول مطبيت للغرفه كعدت و ايديه ع وجهي و اعيط بالبجي ..
القرين يفتر بالغرفه و يتهدد .. راسي خدر من البجي مددت بهدومي و شالي .. و اتذكر الموقف و ابجي

حسام : شفتهاا شفتهاا اشلون شايله خشمهاا

استاذ مهند : دعوفها خلي تولي تلگيها الله اعلم شنو و جاية تبيع ثگل براسك

ست مها : عيب عيب هالحجي ما فوك هو متجاوز ع معلمة يعني زميلتك المفروض تحاسبه مو توكف وياه و تذم شرفها

حسام : ست مها انتي معليج

ست مها : ليش معلية هي معلمة و اني معلمة من تتجاوز عليها تتجاوز علية ما اقبل ع هيج تصرف و انت قللت ادبك

استاذ مهند : ست ماكو داعي تتعصبين

ست مها : هااا اني هم راح تذم شرفي حتى تبرر خطاءكم ..

استاذ مهند : لا العفو ست

ست مها : شخليتو و العفو و هذا انت عندك شهادة هسة هو بلا شهاده و نكول تهون مو انت مثقف

حسام : شتقصدين ست؟؟

ست مها : اقصددد الي افتهمته ززين لازم تعرف مقامك و ما الك فضل عليها البنية صاعده بفلوسها

استاذ مهند : استهدوا بالله متسوا متسوا كافي

غدير : وصلت للبيت كبل بدلت و نزلت صبيت الاكل امي طابخته ..

يمةةة .. يماااامة

طب مازن ..

مازن : ميت جووع اويلي شنو هالريحة الطيبة راح اتخربط

غدير : دغسل و اكعد سمي باسم الله

ام غدير : ها يمة جيتو

مازن : لا .. مووولاتي احنا ربعج اتخذنا اشكال صغارج و كعدناا

ام غدير : اوي مالي خلگك

مازن : وين يمامة؟

غدير : خلي اصعد اشوفها

مازن : اخاف بعدها مرجعت

غدير : لا شدعوة تبقى للـ 2 و شفت حذاءها يعني جاية ..

صعدت دكيت باب غرفتها و فتحتها

يمامة .. نايمة ..؟

مردت اكيد نايمة .. نزلت

مازن : ها وينها الخاتون

غدير : خطية نايمة بهدومها من التعب

مازن : اكعدي اكلي متت جوع ..

فكرت يمامة متسويها اول مترجع تصلي و تنزل تاكل .. نايمة بهدومها معناها حتى صلاة ماصلت هاي مو يمامة ..

كملت اكل و صعدت .. رحت دكيت الباب و طبيت سمعتها تشهك اول مطبيت سوت نفسها نايمة .. رحت كعدت يمها

لتسوين نفسج نايمة .. شبيج؟

يمامة : ضميت وجهي بيدي ..

مابية بس تعبانة من دوام

مازن : ماتكدرين تجذبين ع اخوج .. احجيلي

القرين : اني احجيلك حسام ابو وجه البصطال اتجاوز عليها

يمامة : مازن مابية

مازن : كامت تبجي گلبي صار نار ..

يمامة منو وياج لتخافين ماكبرها اذا اكو شي احجي حتى اساعدج

يمامة : كعدت ع حيلي و اشهك بالبجي

اليوم سايق الخط تجاوز علية

طفر من مكانه وجهه صار دم

مازن : لييييش يتجاوووز دنعل ابو لابو منين مطلع

يمامة : اكعد فدوة اني ماريد مشاكل

مازن : دفهميني

يمامة : مو كلت ما اكبرها اذا تحلها باعصاب و تهور ما احجي

مسح راسه بيدي وكعد .. احسه كعد ع اعصابه

مازن : لا ماسوي مشاكل اطمني .. احجي

يمامة : حجيتله كولشي صار و اني ابجي ..

بدون عركات فدوة ترا سمعتي بالمدرسة تنتهي راسا الناس يكولون عدها شي ويا السايق و اخوها كتله

قرين مازن : و انت ساكت يالطلي مسويت شي

القرين : يا مسويت غير مردته مرد بالكتل اخخخ لو بية قوة و الزم الادمي

مازن : لا لا اطمني هذا مو رجال حتى اتواجه ويا و اكتله .. ابن القندرة تهدد ع بنية و هذا العار الكاعد يمه النثية ..

يمامة : سكت بقى يفكر .. شي من قهري خف و اني احجيله كمت امسح بدموعي

مازن : تنزلين من الخط ..

يمامة : ماشي

مازن : اريدج تجيبيلي رقم السيارة مالته .. هي شنو نوعها

يمامة : ستاركس بيضة شراح تسوي

مازن : يصير خير .. كومي بدلي و غسلي وجهج و انزلي اكلي ..

يمامة : تمام ..

مازن : طلعت من غرفتها ..

والله لادفعه ثمن دموعج هالسگط .. ولد النعال شاوفها ع نياتها يردون يذلوها بسمعتها و يجيبوها لدربهم .. عبالك مافهم هيج نماذج وصخة ..!

يمامة : رحت ثاني يوم سيارة كراوي .. دكت علية مها

صباح الخير

ست مها : صباح النور عيوني يمامة دننتظرج وينج؟

يمامة : تركت الخط  ..

ست مها : ياا و اشلون راح تروحين

يمامة : الله يسهل .. سلمت عليه و قفلت خط نزلت براس شارع الي يودي للعرب ماكو سيارات و المسافة فوك نص ساعه مشي بقيت واكفه دك هورن وراية التفتت خط مدرسة ديطب .. اشرلي السايق رحت صعدت .. سملت و كعدت يم المعلمات ..

ست بيداء ( 44 سنة)  : تعين جديد بمدرسة المعدان ؟

يمامة : اي

ست بيداء : مو عدهم خط ليش هيج عايفيج وحدج الطريق مو مال عبريات

يمامة : تركته

ست بيداء : ليش يمة ضايقج حسام مو

استاذ محسن ( 40 سنة) : بدون متحجي ست هذا حسام اكبر ساقط ماعرف اشلون راضين عليه معلميهم

ست بيداء : ادري ليش ميغيروا لازكين بهذا الزعطوط هو حتى ميعرف يحجي .. عيني ابو روان ناخذها ويانا ميصير هيج تبقى البنية صغيرة و الدنيا مو خوش

ابو روان (33 سنة .. سايق الخط) : والله يا ست ردتهم المعلمين الجدد بخطي بس بيتهم مو ع طريقي ..

ست بيداء : يوو اي بالجهة الخ احنا .. زين نشيلها منا

ابو روان : منا سهلة بعيني

يمامة : بقوا الطريق كله يحجون عليه و اني العبرة خانگتني بالموت لازمة دموعي .. وداهن لمدرستهم و رجع وصلني لمدرستي

كعدت بالادارة وحدي بعدهم مجايين اهل المدينة بس معلمين العرب .. كمت ابجي ع وضعي سمعت اصواتهم وصلوا مسحت دموعي ..

ست هاجر : اشلون صفنتيني ع نذالته .. اشلوون ركع من عيني هذا الخ طوله شبر

ست مها : دكولي ..

صبااح الخير ظل بالي يمج الله لا يوفقك حسام

ست هاجر : اشكد نذل ع سوايته اتعجب لان ساكته انتي

يمامة : صباح النور .. شبيدي يعني .. الله فوگاه

ست هاجر : و العار الاخ .. اكولج مها معلمين البقية عرفوا

ست مها : ايي من كلتله يمامة نزلت من الخط استاذ ساري كال شكو شصاير .. و مهند مخلة شي محجاه هو و حسام

ست هاجر : و اضربهم ع حلوكهم شبيج

ست مها : وج عيني حجيت بس هم رياجيل شيفيد

هاجر باستهزاء : رياجيل .. ايه خية

يمامة : رحت للصف الظاهر المجتمع ابشع من ما تصورت .. ع الاقل من اشوف وجوه طلابي ارتاح .. لا نفاق لا غيبة لا حقد .. بقيت من الادارة للصف ما احجي اي حرف احس نفسيتي اندمرت .. نص الدرس الخامس و بدت الهوسة مابية حتى اصيح بيهم .. تعبانة نفسيتي عفتهم

القرين : عيني ست هسة اني ضابط شياطيني دضبطي شياطينج مو خبلو شياطيني .. هذولا بشر؟؟

يمامة : درت ع الصف باوعت عليهم ملتهين يهوسون و ناس تضرب ناس بقيت صافنه دقايق و سكتوا لان شافوني اباوع عليهم و مصحت ..

كملتوا هوسة ؟

الطلاب : نعمممم ست

يمامة : يلا انتبهوا ع السبورة ..

للدرس الرابع اجاني استاذ علي من معلمين العرب يكمز ..

استاذ علي : هاي شصاير ست شنو هالمهزلة اشلوون يعوفوج وحدج تروحين و تجين وين غيرتهم؟؟

ست مها : شفت بلا استاذ يوكفون ويا واحد مهتلف ضد زميلتهم و هي انسانة محترمه والله لو منها الشينة اني ما اقبلها

استاذ علي : سمعت من ساري اتخبلت .. اكوله لمهند اتركوا الخط دنعل ابو لابو مرضعه ..

ست مها : اي والله و احنا منريده لان هذا اذا سكتنا عليه يدوسنا كلنا

استاذ علي : ميقبل مهند يكول مرتاحين ستاركس و تبريد

ست مها : ياااا .. اني انزل معلية بي

يمامة : لا ست تتبهذلين متطب سيارة لهنا .. خليج و سدوا الموضوع ماريد تكبر المشكلة ..

استاذ علي : و انتي اشلون ست لعد مو بهذلة انتي بتنا منقبلها اذا معلمين المدينة يرضوها ..

يمامة : طلع يركض و متعصب .. باوعت ع مها

ماريدها تكبر

ست مها : خلللل تكبر وج دخلي ينعلون جده هو من العرب اليمهم يعرفوا شنو من زبالة

يمامة : اجا علي يهتف وياه ساري و مهند .. طبوا للادارة

استاذ علي : اني اكولك غلطان زززين حتى اذا شالت النعال و ضربته غلطان هو مايرفع صوته ع مرة ..

استاذ مهند : صح وياك استاذ بس هي هم غلطانه هي فورت دمه

يمامة : شسويت حتى فورت دمه

استاذ مهند : يعني ست ميصير هيج هو اشتكى متسلمين و متسولفين وياه و تنزلين تركعين باب سيارته .. حقه ينقهر

ست هاجر : يا استاذ شنو هالحجي ..؟

يمامة : كمت وكفت كلامه استفزني حيل ..

استاذ اني داصعد اسلم و انزل اسلم لو يريد اخصه بالسلام مثلا .. و بعدين ليش اسولف ويا بصفته منو و شنو .. اني اختك انت تقبل اختك تسولف ويا سايق خط و خصوصا واحد مثله

راسا دنگ راسه من كلتله اختك .. دك بگلبي الـ حاجي عليه من كالتلي مها .. احجي و عيوني غرنگن

حلال لحم الناس و لحمنا حرام مو .. اني متاكده لو مسولفه ويا و ضاحكه لاول الناس تذمني انت

استاذ علي : هوو هذاا حجييي مهند هذاا حجي .. حرامات والله

يمامة : طلع استاذ علي و طلع ورا مهند .. ساري طول الوكفه مدنك راسه .. بقيت اباوع عليهن و القهر ينخرني .. التفتت ع ساري يباوع علية .. كعدت طلعت اكلينكس من الجنطة .. طلع من الادارة

ست هاجر : شفتي هذا مقتنع بكلامه اخاف مخبل و عينوا سوا فحص لو لا؟

ست مها : مو اكولج عار .. و انتي لتبجين هذولا العرب دمهم حار شوفي الا يحشون رجليه .. انتي متعرفين طبيعه العلاقات بين القرى

يمامة : الله يستر

ست مها : عليج اي .. الله لا يستر ع حسام و امثاله .. باعي ولج لتصيرين هيج .. خليج قوية و يلا كومي  .. و انتي هجور يلا دكي الجرس راح يفوت وقته ..

يمامة : رحت للدرس اول مطبيت ..

التلاميذ : سسسست هذا ضربني .. سسست دكوليله يدفع بجنطتي

سسسست هذا باك قلمي .. سسست هذا ميكعد كل اشوي يكوم بالباب يوكف .. سسست سسست ... القرناء يكمزون

القرين : اكععععععد لككككك ..

يروح يجر بذاناتهم و يكعدهم راشديات

يمامة : كاااااافي .. جلوس ..

سكتوا و كعدوا .. كمت اقريهم قراءة تحضير لموضوع باجر ..

ست هاجر : يلا ست حضريهم و صفيهم دنحلهم ..

يمامة : ضموا الكتب و البسوا الجنط و اكعدوا يلا اعقل سرا يطلع اول شي .. زين

رحت امسح السبورة جان تنشمر قندرة طاحت بالسبورة يم راسي .. عطت و درت بسرعه ..

تلاميذ : سسست هذااا عبووودي الخبببل

يمامة : اباوع ع عبودي بتك حذاء بس اشروا عليه طلع يركض من الصف ..

هذا وين راح؟

التلاميذ : براا المدرسة ست

يمامة : عزاااا بعدهم محالين .. هاي اشلون عاف جنطته و تك حذاءه ..

يعدني ممكملة حجي الصف كله طلع يهرول ورا يريدون يلزموا و يصيحون عبودي انهزم .. اباوع ع الصفوف كلها طلعت تركض ورا عبودي طلع برا المدرسة ..

المدير : عووووفووووا ولكمممممم عووفووووو ..

ست مها : هذا انقلاب هاي شكو ..

يمامة : اشكد عيب طلع من الصف ابن استاذ صالح ..

داحجي وياها جان يجي ابو

استاذ صالح : اي يا ست غير تلزمي ميصير هيج ..

ست مها : خية و ابنك شيلزمه بعد ذيب ع كولتك ..

استاذ علي : احلى حلة صارت بتاريخ المدرسة بفضل عبودي كلهم آووت بوقت واحد .. صااالح روح شوف ابنك اخاف جعصوا بالشارع ..

يمامة : اجاني خط مدرستي الخ طلعت وياهم .. يوصلهم كلهم يلا اني اخر شي

حسام بصوت ناصي : و شنو هاي خلك نعال تحرك عليك علي و غير علي

مهند : يمعود مخلة حجي علينا عارية و ماعدهم غيره و كذا اكلوا وجوهنا

حسام : ميخالف يمامة .. اني سولفت كلشي لسايق خط هذيج المدرسة .. شوف هسة مو الحجي علينا .. دخلي ارجعها للخط و تشوف الحجي شلون ينگلب

استاذ مهند : مافهمت شلون يعني

حسام : هسة انا متجاوز عليها و ماستحي و عار .. من نرجعها للخط راسا ينگال ها شلون تجاوز عليها و رجعت اكيد اكو شي بيناتهم .. بهالشي اثبتلكم هي زحفتلي

استاذ ساري : لا زحفتلك و لا ابد اقنع نفسك .. عوف البنية متريد ترجع لو تريد جان اجتي اليوم ويانا ..

استاذ مهند : ساري انت خليك ساكت ما بين منك موقف ويانا

تفكيرك مضبوط حسام و اني بنفسي ارجعها حتى اذا تنزلتها يهون بس المهم الحجي ينگلب عليها

ست هاجر : اشبيهم يبشبشون؟

ست مها : مجلس ابليس مجلسهم هذا ..

ست هاجر : و هذا ساري عود رزن اشبي مبين منه موقف لا كال لا حجى

ست مها : اشمدريني ميريد يتحارب غير يتهموا بالبنية .. فخلي ساكت احسن

ابو روان : ست يمامة

يمامة : بلي

ابو روان : اليوم حجيت ويا حسام .. يكول هي تجاوزت علية و زحفلتي و من هالحجي

يمامة : احس گلبي انعصر .. عيوني كامن يوجعني و اني ساكته و اسمعله

حسبي الله ..

وصلني لباب البيت نزلت .. روحي مكبوته من الكلام .. يعني واجهت ابليس عادي مو هيج الالم .. من تنضرب بنية بسمعتها و شرفها عذاب اكبر .. احس روحي ماتحمل كل هذا ..

غدير : طبت يمامة تمسح بعيونها ..

(بهمس ) يماامة .. تعاي اسمعي هاي متزوجة جني

يمامة : غدير لازكه اباب غرفه خالتي .. خليت جنطتي ع الكرسي بالصاله و رحت عليها

شنوو ..

غدير : اشش نصي صوتج .. سمعي هاي

يمامة : اسمع بنية تبجي ..

(بهمس ) شسمع اجيت ع النص احجي شكو

غدير ( بهمس و رعب) : متزوجها جن و جاي تريد تتخلص منه ..

يمامة : تحجي و تضرب ع خدودها .. فتحت الباب و طبيت غدير صارت هوا فوك الدرج شردت ..

ام غدير : يمامة خير .. و تالي ماعرف اشتغل يعني مو عالم كاعده ..

روش : دعيها مولاتي ليتها تندرج في صفوفنا للعمل .. سيكون عمل مقدس بالنسبة لي

يمامة : سديت الباب اباوع ع البنية جبيرة اشوي ..

اشلون اتزوجج؟

سكتت مردت بقت تباوع ع خالتي و تفرك بيديها

ام غدير : و انتي تصنطين عليه يمامة .. يمااامة

يمامة : ما اصنطت الجن سولفلي ..

روش .. دنهش : ماااذاا

دنهش : روش انت النمام لها ايها الاخرق

روش : خاااااب كمممم من الصبح اني مگابل وجهك المنحط اشوكت نمنمت الها ..

دنهش : بلى انت النمام هنا

روش : يوليس اسكته لطفا .. و الا اجيبه بدفرة اخلي خشمه بمكان حلگه

يوليس : اخرسا فـ لنفهم

ام غدير : يا جن

يمامة : اباوع ع البنية كعدت كبالها ع القنفة ..

اني اشتغل ويا خالتي .. احجيلي بالتفصيل

ام غدير : اانـ

يوليس : دعيها مولاتي .. دعيها الان

جلنار ( 32 سنة منفصله .. بيضا بعيون سواء و شعر اسود متوسطة الطول ممتلئة الجسد قليلا)
: مادري بدت حلم ..

الاحـــــلام ..

جلنار تجلس في حديقه لا يوجد فيها سوا خضارة العشب الهادئ .. تتامل بابتسامه بسيطة .. يقترب منها رجل

ليش كاعده وحدج

جلنار تلتفت نحوه : و لا شي مكان حلو كلت اريح روحي المكبوته هنا

مامير ( جن مائي اسمر الوجه بعيون زرقاء .. طويل القامة معتدل الجسد) : و شنو الخانگج

جلنار : الناس .. المجتمع .. الدنيا

مامير يجلس بجانبها : ليش يعذبوج؟

جلنار : ضرب اللسان اقسى من ضرب السيف .. بالالم بالاثر .. جروحه مالها علاج

مامير : ايابااا كل هذا زين ليش انتي انسانه رقيقة حلوة و نقية ..

جلنار : لان مطلقة .. اذن سيئة .. منبوذة .. عديمة اخلاق شرف .. اما الجمال فهو معزز لكل هاي الصفات يعني زاد همي هم

مامير : و لا ايهمج مادام انتي واثقه من داخلج نقية ليش تنقهرين .. لـيـ...

جلنااااار .. جنوووو اكعدي السااااعه 9

جلنار : هذا اول يوم بعدها الاحلام توالت بحضوره ..

يمامة : من وصفته عرفت هيئته من شعب الماء ..

و معرفتي جن

جلنار : عبالي ملاك لان شكله ميوحي انو جن .. اشكالهم بشعه حسب ما اعرف

روش : من البشع ايتها الفاسقة

يوليس : روش

روش : انها تصفنا بالبشاعة يا رجل لا تجعلني اظهر لها فتفقد وعيها من جمالي .. اتركني هيا اتركني

القرين : اذا ظهرت لها تتاكد انو هي متزوجة ملاك مو جن و تطلع منا و هي فرحانة

روش : اخررررس

القرين : خرسك البين زين عليمن تصيح

روش يصرخ : عليك انت انت

القرين : لتصييييح

روش : علييييييييييييييييك

يرن هاتف جلنار ..

جلنار : امي دتتصل لازم اروح اخوية رح يجي .. اجي ع مجالي خالة عود اتصل بيج

ام غدير : ع راحتج عيوني و شلغتج سهلة مثل مكلتلج. .. غديررر وصلي البنية .. غدووورة

غدير تنزل من الدرج و تدردم : الا اني الااا يعني فد يوم اريدج تطلبين مني اوصل انسان صاحي ممسكون ..

صااار صاااار يمةةة نزززلت

طلعت وياها للباب ..

ام غدير : ليش تتدخلين

يمامة : عوفيها علية

ام غدير : نعممم .. يمامة لتخليـ...

يمامة : لتخافين اجرة الفك الج و بعدين مراح اسوي مشاكل اعتبري عمل مشترك

روش : الم اقلكم سنعمل معا يوما ما .. انني اتنبأ .. الآن قد علمت قدرتي

ام غدير : هذا جن يمامة و الله اعلم شنو قدرته

يمامة : اشرت ع الي كبالي ..

و هذولا شنو ..؟

ام غدير : غير هذولا غير

يمامة : لتخافين .. شفت الاكثر اني ..

روش : ماذا رأيتي؟

يمامة : الحارس بالمقبرة من تحول ضبع

روش : اجل اجل المقبور حاليا ..

دنهش : لا انصح بترك العمل لها سيدتي

يمامة : اتقربت منه ..

بشنو تنصح؟  مسمعت

روش مد راسه بنصنه ..

روش عاقد حاجبيه استغرابا و دهشة : مالذي يدور بينكما هاا ..

يمامة : عفتهم و طلعت اخذت جنطتي و دفتري و صعدت ..

روش يضع وجهه بوجه دنهش ..

دنهش : ابتعد انت لا يدور الذي يدور براسك المنحرف ..

روش : انا المنحرف ام ااااانت الم تكن تمارس مع ابـ... نننمممنننممنااا

يغلق دنهش بيديه ..

دنهش : كفى حسنا حسنااا .. لا شي يدور بيننا عزيزي

ام غدير تباوع ع يوليس : يعني ليش يدزولي وين ماكو جن طايح حظه ..

مازن : ها يمامة شلونج اليوم .. شصار خوما حجى هذا النعل

يمامة : داطب للغرفة جان يصيحني مازن

الحمدلله .. لا كلها صارت ضدهم

مازن : هاا .. جبتي رقم سيارته

يمامة : لا مشفته اليوم ..

مازن : دبدلي و تعالي اتغدي ويانا ..

يمامة : صليت و اتغديت و صعدت نمت اشوي .. مر اليوم عادي .. كاعده بالليل اكتب خطة بالي انشغل بموضوع جلنار .. اشلون يتزوج الجن البشرية ..

القرين : يكدرون فديري بالج

يمامة : لا ميكدرون لو يكدرون جان قضوا علينا ..

القرين : شيقضي عليج انتي لا إنسي يكدرلج و لا جن .. عزازيل هججتي من عرينه

يمامة : هذا الفالح بي تحشر روحك و تجفص بالحجي احد طلب رأيك

لميت غراضي و نمت .. احس روحي مقبوضه كلما اتذكر الصار .. جنت اتلهف للمدرسه هسة متملخة .. ليش يذمني كدام ابو روان اني مسويتله شي ليش يأذيني هيج ..

كعدت الفجر صليت .. الدنيا مطر الليل كله اشوي وكفت الصبح بدلت و طلعت صعدت عبرية .. نزلت براس الشارع انتظر خط ابو روان ماكو اتذكرت اخذت رقم ست بيداء .. دكيت عليها

صباح الخير ست .. وين انتو

ست بيداء : صباح النور عيوني .. اشوي و نوصل للمدرسة اتاخرتي عبالنا متداومون لان مدرستكم طريقها مينطلع ..

يمامة : يلا عادي ادبر حالي .. الله وياج

كملت كلامها .. هستوني سديت خط دكت مها

الو صباح الخير

ست مها : عيوني يمامة صباح النور انتي وين بسلا رحتي

يمامة : اي

ست مها : يوو خررب ولج ليش رحتي بيوم المطر منداوم معلمات المدينة لان طين منكدر ننزل بس الرياجيل يكدرون ..

يمامة : مادري محد كالي ..

ست مها : يلا مدام وصلتي الحمدلله

يمامة : اجتي ع لساني اكوللها اني بالشارع واكفه بس فشلت احجيها ودعتني سديت خط .. الدنيا كامت تمطر خفيف

بقيت اتلفت بس سيارات ع الشارع العام و سيطرة جيش ..  كمت امشي بطيء و ابجي

حسام يضحك : لك هاي منووو شوف شووف

مهند : عوفها لا تشيلها خل تنجوي حتى ترجع بس اكوللها ارجعي

حسام : افا عليك تعلمني شلون ادرب البنات .. والله لاذلها

ساري : صدك تحجون شيلها بابة الدنيا مطر و هاي بنية والله عيب من الله مو بس من الناس

مهند : ما عليها شي ساري مينخاف عليها تدبر راسها مثل البارحة .. شحجيتلك البارحه ع الفيس اسمع من اخوك و شيل الي ابالك احسنلك متفيد ..

ساري : مهنددد

حسام : باعوا باعوا راح ادك هورن من افوت من يمها ..

يمامة : كمت امسح بدموعي حسيت بنسمه هوا دافيه لمستني .. جان يفوت من يمي الخط و دك هورن .. رفعت راسي و وكفت بعد مابية من هدماني و قهري بهاي اللحظة اريد اوكع ..

شفت مليك كدامي ع بعد مسافه واكف بنص الشارع رفع ايده و السيارة دتروح عليه .. رجعت خطوة ليورا و وكفت

مستحيل ..

يرفع يديه لترتفع السياره عن مسارها سنتيمترا ثم تستدير باتجاه يمامة .. تصطدم بالارض بقوة و تتدحرج بسرعة كبيرة لتصبح حطام حتى تصل عند يمامة و تقف كخردة يرتفع منها الدخان المتصاعد ..

يمامة : گلبي يدك سريع مصدومة من الصار .. نزلت عيني ع السيارة حسام ينزف و يباوع علية مد ايده ..

يتقدم مليك مسرعا باتجاهها ..

حـمـلـة
الـفـن لـيـس احـتـكـاراً
و ذلك بـدعـم كـل انـسـان خـط قلـمـه لـيـبـدع
فـ كـمـا بـدؤوا مـن الـصـفـر .. نحـن بـدءنـا

اقـرؤوا قـصـة مـا الـوگ انـا لـغـيـرك
للـكـاتـبـة Noor-AlZubeidi

ادعـمـوا كـل مبـدع فـلا تعـلم الـسـعـادة الـتـي تنـالك لانـك اسـعـدت كـاتـب بـدعـمـك