رواية ملكتي قلبي الفصل التاسع عشر 19 - بقلم نور الشمس

حاول علاء يقنعني
..ليال مهما يكون ابوج من خوفه وحرصه عليچ بعدين هوه شمعرفه هوه انقله الكلام عن لسانچ حبيبتي خلي گلبچ كبير وحاولي تبدين وياه صفحه جديده مو حلوه ابوج بالحياة وانتي محاسه بالنعمه
تعرفين اني الهذا عمري واتمنى لو اشوف والدي يوم واحد اتمنى احس بحنانه عشت عمري ومحد خلاني احس بنقص بس النقص بروحي الأب نعمه

..علاء انت تعرف باحساسي بوقتها تعرف شنو حسيت لو انت بمكانه تصدگني لو تصدگ الحچي الي انگال

..حبيبتي اني مثلچ هم انضلمت والظلم الي وگع عليه اكثر منچ تعرفين ليش اني عمري كله عشته ومجبت حچايه الهم ولا النفسي بالعكس يفتخرون بيه واعرف هالشي كلش زين وهمه يعرفون اذا نريد نفكر نگول انتي مراهقه طفله واني واعي وكبير المفروض ميصدگون انو اني اقشمرج ويعرفون كلش زين شنو انتي بالنسبه الي الكلام هواي والأحساس صعب ترجمته مع كل هذا اني سامحتهم لأن اتذكر جميلهم عليه اكثر من جرحهم والحياة لازم نماشيها مره نزعل مره نسامح المهم الگلوب تنضف حبيبتي عمر الحقد ميدمر غير صاحبه بعدين الصار كله من صالحنه لو ماتغريد وسوالفها البايخه چان مو هسه انتي بحضني
ضحكت ..أي اضحكي فدوه الهالضحكه لچ اني عندي اهم شي ميزعلن هالعيون اذا الي خاطر عندچ انطي الوالدج فرصه يشرحلچ ويفهمچ موقفه
..الخاطرك بس
..حبيبتي وهذا اعتبره تقدير الي نامي هسه ارتاحي وباجر اني اعزمه ع العشه واخليكم براحتكم تحچون حته اني ماادخل بينكم
..علاء مااعرف شلون اجازيك
..شتجازين ولچ احنه مابينه هالشغلات بعدين تعرفين شلون تجازيني
..ههههه انت تفكيرك وين واني وين
..ليش انتي وين تفكيرچ
.مااعرف اريد فدشي افرحك بي مو بهيج شغلات وبس لا اريد اردلك جزء من معروفك
..ليال لتزعليني منچ اني من اشوفچ مرتاحه عندي احلى راحه انتي بعدج متعرفين شگد الج حب بگلبي
..حضنته حيل وخليت راسي على صدره گمت اسمع دگات گلبه واحس بأنفاسه احساس كلش حلوو اني هذا الأمان بالنسبه الي انت وبس يارب بس هوه عندي احفضه الي ولتفرقنه سرحت واني بحضنه واحس بأضلاعي تشابگن من حضنته شويه وانتبهت على صوته
..ليال تعرفين هالحضنه شنو تعنيلي حچيتها وصوتي هادئ وانفاسي سريعه
..جاوبته بنفس الهدوء شنوو تعني
..تعنيلي حياة تعرفين هسه اني احس نفسي بالجنه اي والله حضنچ بالنسبه الي جنه لچ احساسي وياچ غير اني وياچ كلي اختلف مو نفسي علاء مااعرف جوه ذني الأربع حياطين احس روحي غير انتي نعمه وهذي النعمه يتوجب عليه احمد الله واشكره عليها الف مره باليوم واعتبره قليل
..علاء ينقصنه شي
..خليت عيني بعينها وبقيت حاضنها شنوو
..ينقصنه طفل
..ابتسمتلها امنيتي بطفل خاصتا وانتي امه بس ياروحي مااريد اتعبچ واحس بعدچ مو گد مسؤليته وانتي تدرسين واهم شي مستقبلچ  هم مااعرف بس احس هواي عليچ الحمل بهذي الفتره واذا ع الطفل انتي طفلتي وخليني ادللچ وتشبعين مني دلال بعدها يجي الطفل وين يروح اذا ربي قاسملنه يصير
..علاء انت وحيد وماما حيل ملهوفه للطفل احس بيها بس هيه متريد تضغط علينه واذا ع الدراسه ماما تساعدني بتربيته والحمل فتره وتعدي اصلا اكو ازغر مني وعدهم اطفال ويدرسون شنو المشكله 
..حبيبتي گتلچ امنيتي يصير عندي طفل خاصتا انتي امه بس اني مأجل الموضوع علمودچ اذا انتي عاجبج نجرب نسوي ليش لا بس توعديني تهتمين بأكلج وصحتچ بس مو بالسهوله المتصورتها ليال الطفل يرادله اهتمام وانتي هسه رابع اعدادي مو صعبه عليچ ليش تتسرعين
..اكيد اوعدك اهتم بكلشي وماما راح تهم بي واني انشغل بدراستي 
..لعد من اليوم نلغي الأحتياطات وان شاءالله خير المهم ماما بعد يومين تجي من العمره لازم نحضر الجيتها اكيد الأهل والأصدقاء حيهنوها بالعمره ويجون يباركون
..ان شاءالله من باجر نبدي نحضر

گعدنه الصبح هوه راح داوم ويجي بنص الدوام واني كملت تنضيف البيت ورحت وقت الغده يم جدو وبيبي
حضرتلهم الغده الي طابخته بيبي وغسلت المواعين ونضفتلهم البيت واجه علاء سلم وگعد شويه صبيتله من الغده كملنه ورحنه نمنه ساعه
گعدنه العصر رحنه للسوگ اشتريت الي ملابس حلوه اخاف يجون ضيوف واشتريلنه حوائج التقديم
وحلويات وكرزات ورجعنه للبيت
هوه صعد قبلي واني بقيت اعزل الغراض الي جبناهم
شويه واندگت الباب
انتضرت علاء ينزل يفتحه نزل گلي اكيد هذا عقيل
اجه
مااعرف شصار بيه من سمعت باسمه اكوو اشتياق واكو جرح واكو لهفه واكو عتب احساس بداخلي مااعرف اوصله من فتحله الباب شفت عيونه تدور عليه طلعتله بدون مااحس رجليني الأخذتني اله مو عقلي گلبي احس دگاته بدت تسرع عيوني صبن دموعهن كلشي عندي اختلف الأعرفه ماكو حقد ولا اكو كره اكو لهفه وشوگ وعتب العتب الي بگلبي كلش هواي عتب بنت انجرحت من اقرب شخص الها عتب لأن حسيت بخوف من الشخص الي تعتبره كل بنت هوه امانها الأب امان وخيمه هوه الي يأمن بناته من الخوف اني وياه عشت بخوف بگد العتب الي بگلبي اكو لهفه الحضنه
صح البشر خطاء بس خطأ عن خطأ يختلف
صح الأنسان الله منعم علي بالنسيان بس اكو اشياء صعب تنسي شنو انسه انسه خوفي منه انسه جسمي الي تكسر بسبب زوجته الي متعاقبت على فعلتها وبالعكس صدگوها وخلونه تحت الأمر الواقع صح نيتها چانت تريد تفرقنه وتكرهنه احنه الأثنين اني وعلاء بس الي صار من ربي الله سبحانه وتعالى كان اقوى منها ومن الكل الحمدلله يمكن الشي الصحيح الي بحياتي هوه زواجي من علاء بس ماتمنيته بهالطريقه
من شافني هوه هم بچه وشفت دموعه نزلن حضني واني ماگدرت احضنه بقيت جامده وبس عيوني يدمعن
علاء گله عمي فوتو جوه اتفاهموو اني اترككم بين مااجيب العشه واجي
طلع علاء وبقينه وحدنه اكو غصه بگلبي اريد العتب يطلع اريد ارتاح مااكدر گلي بابا احچي شنو عندچ گولي
گتله
..چنت اتوقع أنظلم من كل شخص الأ تلاثه انتم امان بالنسبه الي أنت وماما وعلاء بس أنت مابقيت وياهم واول واحد ظلمتني وياخوفي يجي يوم واشوف غيرك هم يظلمني
دنگ  بابا حقچ بس السمعته مو شويه والأعرفه علاء رايدچ وانتي طفله وجنت مأمن عليج يمه بس من اجيتي زعلانه منه ومو سبب مهم للزعله الحچيتي بعدها صارت المشكله شكيت بالي صار صح والردته كله علمودچ
..بابا الي صار صار الحمدلله اني هسه مرتاحه وي علاء بس انت مانصفتني حته من شفتني شلون مأذيتني زوجتك ماحاچيتها ولا اخذتلي حقي جان ابالك السوته صح لأن اني عار بالنسبه الك
..لتگولين هالكلمه مره ثانيه انتي بنتي وروحي من الدنيا واذا على تغريد مستعد اطلقها
..وتزوج وهم تجيب زوجة اب لخواني وتعذبهم مشكلتك بابا متعرف تصرف صح تغريد انت انطيتها مجال واتغاضيت هواي عن اخطائها اني ماعندي شي وياها هيه ابيتها واني ابيتي بس جنت اتمنى حالي حال البنات اعيش بأسره بيها حنيه صح ماما وعلاء مقصرو بشي بس احس بالنقص من افكر بيك وبأخواني اتمنى عايشه وياهم اكثر اتمنى زواجنه صار مو بالطريقه الي صارت اتمنيت هواي اشياء وانت مساعدتني على تحقيقهن
حضني بابا والله جاي اتعذب على السويته بيج وحرماني منج اكبر عقوبه الي حرمتيني من شوفتچ وانتي تعرفين شنو انتي بالنسبه الي انتي مو بس بنتي انتي الذكرى الوحيده الي من محبوبتي
..بابا بس ماحافضت عليها الذكرى شنو ابالك هسه امي راضيه عنك لو مراضيه
..مدام انتي مراضيه اكيد هيه مراضيه بابا اني جايج ومعترف بكل اخطائي وطالب منج السماح واريد منچ بس كلمه وحده مسامحتك بس هالكلمه تريحني وتخفف اوجاعي لچ انتي اول فرحه الي انتي ثمرة حبنه صح چنت شاب طايش من صرتي چنت زغير والبعمري ممتزوجين بس افرح بشوفتج وعمري ماحسبتج ورطه الي بالعكس چنت اشوف امچ بعيونچ امچ الي گلبي مشاف غيرها
هسه جايج واريد منچ كلمه اذا گلتيها اني اسعد انسان بالكون واذا لا وهذا من حقچ تبقين انتي بنتي الي گلبي كله الج تبقين انتي الغاليه بنت الغاليه بس بعمري مراح ازعجج واحاول مااشوفچ وجهي
..من گال هيچ گلبي احسه انجله گتله مسامحتك واحسها طلعت من گلبي حضني وضليت ابچي على بچيه اسمع شهگاته واحس بحضنه الدافي
جنت بکلبي اگول الحمدلله رجعلي بابا عبالك جان مسافر وهسه يلله شفته بقينه على نفس الحضنه الحد مااجانه علاء
..گال الحمدلله الله ليفرقكم
..اثنينه جاوبنه امين
بعدها التحق بابا بس بقينه نتواصل واكدتله يبدي صفحه جديده وي تغريد ويحاول يوگفها عد حدها بس ميتركهاوصيته يهتملها اكثر مرات احس تغريد ضحيه احس بابا ظلمها بزواجه منطاها الحب الكافي ولا اهتملها يمكن من كبرت وتزوجت وعرفت شنوو نوع العلاقه بين الرجال والمرأه حسيت بيها وحاولت اخلي بابا يهتملها حته يريحها ويرتاح
اخواني ربي يحفظهم كبروو  يعني احمد ثاني متوسط
ومحمد اول مباقيلهم شكم سنه ويصيرون احلى شباب
بعد يوم من راضاني والدي اجت ماما من العمره
علاء جاب طلي وانذبح جوه رجلها وجانو الأهل والأقارب كلها موجوده
والحمدلله الفرحه ماليه البيت
صار على جيتها عشرين يوم وبعد ناس تروح وناس تجي واني وحدي اتعب من التقديم والتنضيف والتحضير بهذي الفتره بديت ادوخ بس ابالي من التعب وقلة النوم هيچ تأثر
اصعد باليل الغرفتي ميته تعب
علاء..حبيبي شبيچ ليش وجهج اصفر جاي اتعبين
..مااعرف يمكن لأن ممتعوده كله من ماما ودلالها
..هههههه يلله فتره وتعدي تعالي يمي مشتاقلج
مااتعبچ بس تنامين بحضني
..تعبك راحه حبيبي
..غمزتلها اكيد راحه وراحه من راحه هم
..هههههه والله انت كلشي تاخذه بغير قصد هذي نيتك اني نيتي غير
..هيه واضحه انتي گلتي راحه اني شعليه ههههه
..يبوو اله تخجلني يلله ترتاح
..اموت ع اليخجل اني يايابه وردن الخدود اگرطهن گرط

وره يومين خالتي سألتني
..ليال ماما شگد فاتتلچ اني منتبها عليچ انتي تعبانه هالايام ومتغيره حيل
..گتلها موعدها المفروض قبل دعش يوم بس عادي  مرات تتخربط
..لا ماما هواي صار امشي نروح للمستشفى حته ان شاءالله يطلع الي ابالي صح ونفاجأ علاء بدوامه
..تحمست للفكره بدلت واتمكيجت واهتميت بنفسي حيل لأن اعرف اكو فضول يشوفوني زوجة الدكتور علاء ورحنه
حللت وانتضرت شويه شافتني الي اسمها مرام شگد اكرها
..اها اليوم المدام هنا نورتي خو ماكو شي التفتت على ماما شلونچ خاله صحتج احوالج عمره مقبوله وربي يويميه ارد اجيج بس ماكو فرغه
..حبيبتي يتقبل صالح اعمالچ سؤالج كافي
بگلبي گلت هذي منيلها صالح الأعمال شوف شلون لبسها قصير وضييگ وتتنعوص عابت
التفتت الي اي مدام الدكتور يدري بيج هنا
..گتلها لا محبيت ازعجه اني من اكمل اروحله
..اها على راحتچ
شويه وصاحو اسمي رحت واحس گلبي يريد يوگف خايفه مااعرف فرحانه مااعرف خوفي الفرحه متم ويطلع موصح الي ابالي
من وصلت گلتلي مبروك احس نفسي طرت حضنت ماما وهيه بوستني وگلتلي يلله روحي العلاء بشري

مرام ..بقيت اراقب هذي شعدها وصيت وحده من الموضفات تعرفلي شجاي تسوي عرفت هيه حامل انقهرت وزاد كرهي وغيرتي منها صارله شگد من تزوج بس مجاي اگدر اعوفه احبه مااعرف هواي اكو غيره يتمنون مني كلمه بس ميجي ابالي وگلبي غيره بقيت اراقبها شلون فرحانه
ورحت قريب الغرفته اراقب شفتها دخلت

ليال ..
رحت الغرفته ركض ودي اطير مديت راسي
مرحبا دكتور چان مدنگ ويكتب رفع راسه مستغرب
. مراحب هاي شنوو اليوم الشمس نازله بعيادتي لچ نورچ ليحرگنه على كيفچ ويانه يحليوه
..هههه اخذني بالغزل ونسيني الأجيت اگوله گاملي واجه يحضني
.حبيبي اليوم شعجب خير خو ماكو شي
..ماكو بس اكو شخص تعبني واجيت اتأكد التعب منه لو منين
..رفع حاجبه ومنوو هذا الشخص بس لا اني
..لا هوه اعتقد شبيهك يطلع
. لچ منوو احچي تره دخت وحدچ اجيتي شنوو توني انتبهت ليش طالعه وحدچ
..مو وحدي ولتطلعنه من الموضوع اشرت على بطني الشخص هذا ابنك
..بربچ
..ضحكت وداعت عيونك الزيتوني الي احبهن
..لج وحده وحده خبر مثل هذا وغزل مااتحمل وحده منهن كافي حضنتها وبستها الف الحمدلله ربي يتمم على خير احلى خبر سمعته من اليوم تهتمين بنفسج ويلله تعالي اطلب اجازه ونطلع سوه اليوم شنو تردين يجرالج
طلعنه وشفت امي باركتلي وبوستها وحسيت بدموعها يردن ينزلن
..ها يوم مااريد اشوفهن فدوه
..ههههه مو بيدي يوم هنه ينزلن وحدهن تعرف كلش زين هذا چنت اشوفه حلم
..الحمدلله الله حققه ولو انتضرتي هواي بس الحمدلله حصير اب واني عمري ٣٣سنه
طلعنه واحنه حيل فرحانين

مرام .
كل الي صار شفته بعيني محد حاس بالنار الي حاستها ولازم اطلع قهري بيكم حته علاء حقدت علي مراح افوتها الكم