رواية ملكتي قلبي الفصل الثامن عشر 18 - بقلم نور الشمس

..ليال ليال
وينچ

ليال..
من حاجاني ع الرقم ضوجني حيل انوب يگلي الوقت امتحاناتج من تنشغلين احاچيها ضجت والشيطان وسوسلي يجوز صح اني مشغوله بالدراسه عنه كلشي يسون الوياه ويوهسنه وضجت من بروده وهوه يحاجيني بس من گلي الرقم الصديق غيث ماصدگت وهو تركني وطلع بدون مايسمع مني وياكدلي كلامه
اني منا غيرتي مو طبيعيه وهذا من حقي اني طفله والوياه اشكال اسمع عنهن وكلشي يوصلني
وهوه هم حلوو وشخصيته تجذب وحيل نازك ويهتم بمضهره واعرف كلش زين هواي يتمنن منه كلمه گلت يجوز صح حچاها وبعدين قشمرني بقصة صديق غيث
حسيت بضعف يعني اني ماعندي غيره التجأله لو زعلت وين اروح ابويه مااحاچي وهوه راح يستغل صعفي اني لازم اطلع حته يعرف قيمتي
لميت ملابسي ورحت البيت جدوو بالوقت الي بي ماما مشغوله طلعت اني وجنطتي الي نزلتها على كيف وبهداوه
وگلت اريد اعذبه حته بعد ميعيدها حته لو بالشقه
علاء ..
صعدت دورت الغرفه مابيها الحمام ماكو رحت المكتبي مموجوده رجعت للغرفه فتحت الكنتور ملابسها اكثرهن ماكوو
ضجت وين راحت هاي
فكرت تروح الأبوها مستحيل
نزلت جوه امي گالت
..ها ماما وين ليال خو مو مريضه
..يوم ليال ماخذه ملابسها وطالعه
..عزه العزاني وين راحت اشو مشفتها
..مااعرف يووم هذا المحيرني وين طلعت
مستحيل تروح ابيت عقيل 
خليت ايدي على راسي بالله هذي مو خبله
اني صوچي ورطت نفسي وي زعطوطه
..لك شمسويلها انت
..ممسوي شي لگت رقم بسترتي گتلها بنيه انطته الي ضحكت وياها شويه انوب گتلها الصح ولد صديق غيث يريد يقدم موعد عملية زوجته ورادني اساعده واردله خبر
..صوجك ليش تكلها لبنيه متعرفها
..لا والله حبيت اتونس على غيرتها وحچيتلها الحقيقه وطلعت عبالي عقلت وكبرت طلعت اني غلطان
..دكلها لعد وين نلكاها هسه
..مااعرف يوم مااعرف هوه منو عدها غيرنه
..اخاف عد صديقاتها
..بلكي صدگ حته ومحمد اكسرها صديقاتها شنوو تروح تبات يمهم  يوم خليني افكر اخخ يارب والله اجيت تعبان ومالي خلگ هالسوالف بالله هذي شنو احاچيها ضاربها معاركها حته تزعل
ماعرفت طبعي ماعرفتني شنو اني

ضليت افتر بالبيت شويه واجاني محمد اخوها
گلي جدي يريدك تقيس ضغطه كتله صار جاي
شويه والحگك
..لاجدوو گال هسه
..من گلي جدو يريدك هسه اعرفه جدي مو من النوع الي يلح عرفت ليال يمهم گتله يلله جاي

..السلام عليكم
..هلا علاء وعليكم السلام
..هلا بيك يابه شلونچ بيبي شخباركم
..الحمدلله بخير تعال اگعد
..يابه ليال يمكم واحد باوع بوجه الثاني وغمزولي اشرولي ع الغرفه
..عفتهم رحتلها
..هاي انتي هنا واني گلبت الدنيا عليج
..على شنو تگلب الدنيا هوه اني منيلي احد
..اها ماعندچ احد
..لا ماعندي
..لعد اني شنوو
..أنت مزاعلتك ومااحچي وياك
..لچ لتصيرين زعطوطه كل مااكول كبرت ترجعين تصغرين شبيچ ليال
..لتگول عليه زعطوطه اني مو زعطوطه ولاصغيره
..العفوو يابه اني الصغير بس گليلي شلون تطلعين من البيت بدون علمي لا وماخذه الملابس هم وعايفه امي هم ممبلغتها مو بعينج احنه ست ليال متحجين
..مااحجي وياك روح احجي وي الخاتون من هسه مو تريدها وكت الشده ها اها هسه انت بشده
..ضحكت اي والله شده من شده لچ گلبي راد يوگف من ملگيتج بالغرفه گلت وين اروح اليوم
..روح الصاحبتك الحبابه
..لج لتتخبلين مو حچيتلج الصدگ تعرفين كلش زين احنه عدنه اهم شي الصراحه واني گتلچ اني صريح وياج بكلشي بعد ليش تصدگين صيري عاقله وارجعي وياي وبطلي خبالاتچ واتصرفي بعقل كبري ياعيني
..بشرط
..لا وردتي شروط هم أمري خاتون گولي
..اتصل بالرقم يمي وتسمعني صوته ولد لو بنت
..لچ شگله عيب والله هسه يفرح عباله كملت شغلته
..ماعندي غير هالشرط
..اخ منچ والنبي تعبان وجاي اتعبيني بس شسوي اتحمل اتصلت على مصطفى
..الوو شلونك دكتور
..هلا بيك علاء الحمدلله انت شلونك
..والله لوني مخربط هههه رايدك بخدمه ابو الشباب
..گول ادلل
..علاقتك حلوه وي دكتور مهند مسؤل التخدير اريد منك تحاول يقدم موعد المريضه ميساء علي لأن حيل متضايقه والولد زوجها ممتمكن يسوي خاص اعتبرها الوجه الله وتحصل اجرين اجر المريض واجري
..تدلل احاول بس انت  شكوو
..هههههه بعدين نسولف واگع بالسين والجيم اني
..ههههههه الله يساعدك انتضر شويه واردلك الجواب
تشكرت منه وسديته
..ليال بس اذا بقيتي هيج تزعليني منج لج ماعندج ثقه بيه
..عندي ثقه بيك بس ماعندي ثقه بيهن
..بعدج على نفس عنادج نشوف تاليها
شويه وخابرني مصطفى گلي گله هذي الأربعاء تسويها
..رحم الله والديك الف رحمه ال اهلك
..الله يسلمك علاء مبين انت فلمك محترك
..لك مفحم مو بس محترگ
..هههههههههههه الله يساعدك
..مع السلامه
..الله وياك حبيبي

گتلها الحمدلله رهمت بس هسه ترحين گبلي واقررلج عقوبه بس تسمعين صوته ويطلع ولد مو بنت يموسوسه بالله ماعرفتيني معرفتي اني شنوو لچ اني قبل ممسويها اسويها هسه وهذا الگمر يمي
..لمن اتأكد عود عاقبني
..اشوف خبالچ وين يودينا
يلله روحي قبلي للبيت وجنطتج اني اجيبها
..لا والله مااتحرك قبل لتخابر يمي
..ليال كافي خبال وروحي اني راح اتصل ع الولد لتلحين
..مااا مااروح
..لا اله الا الله اريد الصبر  اتصلت بالرقم مرحبا
..اهلا دكتور يامية هلا
..حبيبي علمود الموضوع الكلفتني بي ابلغك انو العمليه حتكون يوم الأربعاء الجاي
..رحم الله والديك دكتور جدا ممنون منك ربي يحفظك ويسهل امرك
..رحم الله والديك تسلم
..مع السلامه
..الله وياك دكتور ربي يحرسك ويحميك

..بعد ست ليال گولي شعندچ خزرتها روحي الغرفتچ وانتضري العقوبه
..اي عقوبه اني حاضره المهم ارتاحيت رحتله ركض بسته
..والله خبله وخبلتيني وياج

طلعت گعدت يم جدي وبيبي
الجد ..علاء شعندك وي لوله
..حبيبي يابه والله ماعندي شي تدلل عليه
..حقها تدلل عينك عليها وليدي اني ماارضه عليها
..انت وياها على راسي يابه بس وصيها عليه خو مو بس وياي انتو تشدوون
ضحك لا والله وصيتها عليك 
..هيه حبابه وورده لولايتي بس مرات تكض هههه
راحت هيه قبلي ولحگتها
لگيت امي مكمله العشه يوم تتعشون
..يوم ليش اتعبين نفسچ شكو علينه احنه نتعشه ارتاحي حبيبتي كافي خدمه خدمتي لما مليتي
..حبيبي ماما شمسويه الكم راحتي من اشوفكم تاكلون اكلي وتشبعون
..ربي يحفظچ يالغاليه عندي ألج مفاجأه بس الخاتون بنتج طيرتها واخرتني ماگلتها الچ
..شنوو هيه
..سجلتلچ عمره ترحين تعمرين وباقي الرحلتكم اسبوعين
..ياروحي أنت احله مفاجأه ربي يحفظك ويوفقك حبيبي
..ياروحي أنتي شمااسويلچ قليل
كملنه عشه وصعدنه لگيت ليال طالعه من الحمام وتنشف شعرها اي ياليال شمتوقعه شنوو العقوبه
..مممم مااعرف انت وطيبة گلبك
..ماكو طيبه انتي خليتي طيبه
..لا حباب لتخوفني وراي امتحانات
..الخاطر ذني العيون راح اخففها الليله جمعه يعني باچر اجازه يعني شنوو يعني ماكو نوم للصبح
وشنو اگلچ تنفذين
..صار ماكو نوم ماكو نوم تدلل انت ياحبيبي
..الله شگد حلوو من اسمعها وهيه طالعه من گلبچ
..حبيبي
..لچ لتلحين اذوب اني
..ياحبيبي
..لا اليوم ناويه عليه فدوه الهالوجه الحلوو تعالي يمي

مرت الأيام وصار وقت الأمتحانات وانشغلت حيل بالقرايه وهوه هم يقره يحضر للدراسات وماما راحت  للعمره وماأگلكم على اكلنه كله من بره وكله طلبات
صار اخر يوم الي للأمتحانات وعلاء گلي عندي وياج موضوع مهم لازم نسولف بي
استغربت شنووالموضوع الي هيچ يخليه مهتم
گلي ابوچ يريد يشوفچ ويطلب السماح منچ اني بس سمعت منه انهاريت گمت ابجي مشتاقتله صح بس مجروحه وجرحي كلش چبير
مو بهالسهوله اسامح
حاول يقنعني وگلي الخيار خيارج
وابوج مستعد يطلگ تغريد بس كون تسامحي
مااعرف شجاوب وشنو احجي حته تفكير معرفت افكر

يتبع ...