من عرفتك بدء عمري ..زاد النبض في صدري ..سرقت بضحكتك عمري الفصل العاشر 10 - بقلم أسرار العيون

سلطان : امممم انتي تحبين ؟!
الكل رفع راسه منصدم من سؤال سلطان الجريء
جنى توترت ومو عارفه ترد ناظرت في لمى الي ظلت مصدومه ليش يسألها هذا السؤال
الكل ينتظر الاجابة تنهدت وناظرت في اختها سريع وقالت بتردد: لاا
نزلت راسها بألم وحزن على نصيبها
سلطان :اهاا
مشعل :ممكن نعرف سبب هذا السؤال الجريء والمحرج والمفاجئ
سلطان :ما عندي سبب بس ماعندي سؤال وخطر هذا في بالي
مشعل :اهاا شكلك متأثر كثير بأمريكاء
الكل :ههههههههه
رنيم :اوكي اوكي يلا نشوف دور مين الحين
طلال (انا وحنين قولي انا وحنين يلااااا )
رنيم :صقر يسأل حنين
طلال بقهر (لييييش مو اناا)
صقر ناظرها بنظراته المعتادة الي توتر حنين
صقر : هه شنو شعورك وانتي جالسة مع ناس مو مثل طبقتك ؟!
قالها باستهزاء وسخريه
حنين ما انصدمت لانها خلاص عرفته زين بس ما اخبي عنكم انها انجرحت
سديم عصبت ليش يسألها هذا السوال :صقررر !
ناظرها بقوة يعني ما لك دخل سكتي
طلال وده يقوم ويضربه ضرب بس مشكلته مايقدر يضرب صقر مو لانه خايف منه لا لانه اكبر منه
حنين بلعت ريقها وقالت :شعوري مثل لما اجلس مع الناس الي من نفس طبقتي
الكل انصدم من جوابها بس انعجبوا فيه اما صقر ما عجبه لانه مستحيل ينزل مستواه لمستواها
صقر وقف استغرب الكل
جراح :وين رايح ؟؟
صقر بكل غرور :ما احب اجلس مع ناس يفكروني من نفس مستواهم
وراح يمشي بكل غرور وتارك الكل مصدوم وخايف على مشاعر حنين الي انجرحت
حنين مسكت نفسها وقالت :رنيم يلا كملي
رنيم بتوتر ومنحرجه من حنين :اوكي
جراح :اسف بس انا بقوم بعد
وراح بسرعه وراء صقر
مشعل :كملي رنيم
رنيم :هاا اوكي
وكملوا لعب
*****
جراح :صقرر صقررر انتظر
وقف صقر بس ما دار له
جراح بقهر :ليش تتصرف كذا مع البنت
صقر :هذا هو تعاملي وتصرفاتي مع الناس الي مثلها
جراح :لا انت مو كذا انا اعرفك من كنت في اول ابتدائي انت مو كذا
صقر :ليش هو على كيفك مو كذا
جراح :بسببها ؟!
صقر عرف يقصد من دار راسه وصار يناظر في بوابة حديقته :لاا
جراح :ليش تكذب
صقر عصب :قلت لك لااا مو بسببها
جراح :اجل شنو الي غيرك تراء هذي البنت يتيمه ومالها احد غيركم هذي امانه لا تعاملها بهذي الطريقه هي تحتاجكم معها
صقر :جراح ممكن تسكر عن الموضوع
جراح تنهد وسكت
*
*
*
نزلت البرواز على الكمدينه وابتسمت :ااه ياليتك تحس فيني يا ريان ياليت تحس بقلبي الي يحبك
رجعت ذاكرتها قبل سنه ونص
لما زارهم ريان لبيتهم في السعودية
سياف :امجاد روحي جيبي العصير
امجاد :اوكي
دخل سياف وصار يسولف مع ريان
سياف :اخبار الدراسة
ريان تنهد :تمااام بس تعب انت خلصت و فتكيت ورجعت لبلدك واهلك
سياف :يلااا هونها وتهون الحين بقى لك كم سنه وتخلص ؟
ريان :تقريبا سنتين
سياف :الله يعينك تدري حمد لله ان صاحبتك في بريطانيا مو هنا
ريان :ليش يعني ؟
سياف :علشان اشوف غلاتي عندك تذكرني ولا لا تجي تزورني ايام الاجازات ولا لا
ريان :هههههههه لا ولوو
طق الباب وراح سياف له
في نفس الوقت الي انفتح الباب رفع راسه ريان وامجاد بعد والتقت عينهم لمدة ثواني بسيطة بس كانت بالنسبة لامجاد انها سنين واحلا لحظات حياتها
رجعت لواقعها وتنهدت بحزن

*
*
*
جلست وراء الباب ونزلت دموعها بدون لا تشعر مسحتها وراحت عند النافذة فتحتها واندفع لها الهواء نزلت دموعها مرة ثانيه وهي تذكر ذكرياتهم مع بعض وضحكهم و زعلهم ورضاهم وحتى عراكهم مع بعض وغيرتهم على بعض
تنهدت وناظرت السماء :ياترى شنوو تسوي الحين يا اسامه انت فرحان ولا حزين سرحان ولا ولهان مازلت تحبني ولا كرهتني ما زلت تفكر فيني ولا نسيتني ما زلت تذكر ذكرياتنا ولا حرقتهم بقهر مازالت دموعك تنزل بسببي ولا توقفت ياترى شنو تسوي الحين يا اسامه

*
*
*
:جراح
جراح :هلا
صقر :تتوقع ....انهاا مااتـ ـت
جراح :متى راح تنساها يا صقر متى راح تبتدي من جديد
صقر :ما اقدر لاني احبها احبها ياجراح احبها من صدق
جراح :اوكي والحين شنو بتسوي مشكلتك مو ذاكر اسمها الكامل
صقر :انا قلت للمسؤول عن هذا الموضوع اذا مالقها لنهاية هذا الشهر فهو مطرود
انصدم جراح :انت مجنون ليش تطردة هو ماله ذنب
صقر :هذا هو قراري
جراح تنهد وناظر في الحديقة وابتسم :للحين محافظ عليها
صقر ناظر الحديقة وقال :اكييد لانا رجلها داست هذا المكان ولانها قالت
:صقرر هذا المكان احلا مكاان في العالم
ابتسم صقر لما تذكر كلماتها البريئة والصادقة
جراح تأسف على حالت صديقة الي مو قادر يسوي شي له
جراح :صقر
صقر:هلا
جراح :تتوقع هي تذكرك ولا نستك .. لا تنسى ان عمرها كان 5 سنوات لما جات بيتكم
رجعت ذاكرت صقر وراء 13 سنه
دق جرس البيت ودخل منه مرة ورجال وبنوته صغيرة تجنن
ابو صقر وهو يكلم الرجال: لاتخاف راح احسبها في مقام بتي رانيا و سديم وراح احطها في عيوني
:والله مو عارف كيف ارد لك المعروف
ابو صقر :لا ولو احنا اخواان لا تنسى
ام البنت تكلم ام صقر :امانه يا نورة حافظي عليها
ام صقر :لاتخافي بتك بعيوني
ام البنت :مادري كيف اشكرك
ام صقر ابتسمت وقالت :مايحتاج تشكريني
وراحت للبنوته الصغيرة وقالت لها :شنو اسمك حبيبتي
ابتسمت لها وقالت : ........
ام صقر :وااو اسمك واجد حلو ..اممم تبين تروحي تلعبي مع اولادي
هزت راسها بالموافقه
نادت على طلال ورانيا ومشعل وسديم
جاو كلهم وصاروا حولها يسألونها شنو اسمك ومنو انتي ومن وين وكم عمرك
صارت تناظرهم ببراءتها الحلوة وتبتسم لهم
ام صقر :يلا روحي العبي معهم
هزت راسها بلا
استغربوا منها كلهم بس تفاجأوا لما شافوها ابتسمت فجأة وراحت تركض اتجاه الدرج الي نزل منه صقر
البنت :انا ابي العب مع هدا
صقر استغرب بس بعدين ابتسم ونزل لمستواها وقال :تبين تلعبي معي انا
هزت راسها بأي
ابتسم لها ومسك ايدها وركبها معه لغرفته دخلت الغرفة وصار يسولف معها ويلعب
البنت :يووو نثيت ماماا وباباا (يوو نسيت ماما وبابا )
بسرعه نزلت وصارت تدور على امها تجمعت الدموع في عينها لما ما شافت امها ولا ابوها
نزل صقر وشافها تبكي راح لها بسرعه وحضنها وصار يهديها مرت الايام والاسابيع والشهور وعلاقتهم كل مالها تزيد ولا تحب تلعب الا معاه
ويوم من الايام رجع صقر من المدرسة وشافها جالسة عند عتبت الباب ابتسم لانها كل يوم تجلس تنتظرة يرجع راح لها وحضنها وباسها وقال :يلا ندخل
البنت هزت راسها بفرح ولما جوو بيدخلو
انرمت كورة على راس البنت
صقر خاف عليها وبسرعه دار يشوف منو
كانوا شلت اطفال من عمر صقر الي عمرة 13
عصب صقر وراح يتعارك معهم
طلع بسرعه طلال وراح مع اخوه يتعارك طلع ابوهم وبسرعه فككهم
راحت البنت لصقر وطلال تطمن عليهم
البنت وهي تبكي :انتووو بخيـ ـر؟!
ابتسموا لها وهزوا راسهم
ابتسمت لهم وحضنتهم مع بعض
ضحكوا على براءتها الحلوة
بعد مرور سنه في يوم عيد ميلاد البنت
كانوا الكل محظرين لها مفاجأة ولما دخلت البيت مع سديم وام صقر الي طلعتهم تمشيهم صرخووو كلهم
: كـــــــــــــل عاااااااااااااااام وانتـــــــــــــــــي بألــــــــــــــــــف بخيرررررررر
ضحكت وراحت في الوسط وصارت تناظر فيهم بحب وهفت الشموع وصاروا ياكلون من الكيكة
طق الجرس ودخلوا شخصين استفقدتهم البنت كثير
دارت البنت ومن شافتهم راحت لهم و حضنتهم بحب واشتياق وبالبكيء طبعا
ام البنت وهي تبكي :اشتقت لك يااا نوووور عيني
ابو البنت :خلاص ياحبيبتي راح ترجعي معنا
فرحت البنت وحضنتهم بس لما تذكرت انها راح تترك صقر رجعت تبكي
ام البنت :شفيك حبيبتي ليش تبكين ؟؟!
البنت :مابي اترك صقر عادي ناخذة معنا
ابتسم لها ابو البنت وقال :لا حبيبتي ما نقدر
ناظرت في صقر الي تغيرت الوانه لما عرف انها بتتركه
هزت راسها بلا : اجل مابي اروح
ابو البنت:لا تسوين كذا بابا مايصير انتي اشتقتي لنا مو خلاص تعالي معنا
هزت راسها بلا وراحت ومسكت يد صقر بأيدها الثنتين وقالت :انا ابي صقر
صقر والدمعه في عينه :روحي يا ..... روحي
البنت :لا ماااابي ارووووووووووح
صقر عصب عليها عشان تتركه وتروح لاهلها :قلتـــــ لكـ رووووووووووووووووحي ياااااا .............
خافت منه لما عصب ونزلت دموعها اكثر تركت ايده وراحت لامها وابوها وهي منزلة راسها
ام البنت :حبيبتي اذا قدرنا راح نجيبك هنا تلعبي معه
البنت : .........
ابو البنت :خلاص مسحيي دمووعك اوعدك تشوفيه وتلعبي معه بعد
البنت : .........
سكتوا ابوها وامها وراحوا لابو صقر وام صقر يتشكرونهم و طلعوا الكل يودعون البنت بالبكي والحزن انها بتتركهم بعد ماتعلقوو فيها اما صقر فما طلع وجلس على الكنب بحزن
البنت ودعتهم وركبت السيارة بحزن كانت تتمنى تشوفة اخر مرة قبل لا تمشي
صقر لما سمع صوت السيارة انها تمشي راح يركض وطلع براء وصار يركض وراء السيارة ويناديها بألم وبالبكي
البنت انتبهت وقالت لابوها يوقف السيارة نزلت من السيارة وراحت تركض لصقر وحضنته وبكت وبكى وبعدها قال :اوعدك ياا ..... اذا كبرنا راح تكوني انتي عروستي
ابتسمت بفرح وقالت له :وعد
ابتسم وقال :وعد يا رووح صقر انتي
ابتسمت وباسته على خدة وراحت تركب السيارة
ابتسم لها وصار يناظر في السيارة لين اختفت ونزلت دمعته بحزن ومن ذاك اليوم ما شافها ولا سمع ولا خبر عنها
*
*
*
بعد ما خلصوا اللعب الكل قام يتمشى
سديم بأحراج :حنين انا اسفه على الي سواه صقر
حنين ابتسمت :لا عادي اصلا انا عرفت اخوك خلاص
سديم باستغراب :كيف عرفتيه ؟!
تذكرت حنين الكف الي عطاه اياه صقر ونزلت راسها :لا بس عرفته من تصرفاته معكم
تنهدت بحزن سديم
حنين :فيك شي سديم ؟
سديم تذكرت كلام جراح ونزلت دموعها
حنين بخوف :حبيبتي سديم شفيك خوفتيني ؟
سديم :حنيـ ـن شكلـ ـي حبيـ ـتـ
حنين بصدمه :حبيتي !!ههههه اوكي وليه تبكين
سديم :ليه تضحكي ..انا خايفه من هذا الحب
حنين كرهت الحب لانه بسببه فرقها بين اعز صديقاتها تنهدت وقالت :ليه خايفه ؟
سديم :لانه شكله بيخطب يعني حب من طرف واحد
حنين :قصدك جراح
سديم بسرحان :أيـه ..هااااا كيف عرفتي <<توها تستوعب
حنين :ههههه واضح لانه هو الي جاب طار الخطبه اليوم ومن اليوم تغيرت ملامحك
وغمزت لها
سديم بخجل :هاا
حنين :هههههه تراء ما يناسب لك الخجل
سديم بقهر :يااااااا نحسه
وصارت تركض وراها تبي تضربها

*
*
نوف :ليه قلت كذا قدام الكل
نواف :تراء الكل يعرف بحبنا لبعض وان احنا لبعض فليه اكتم سؤالي
نوف سرحت وبعدها قالت :وليه سألت هذا السؤال انت عارف ان رعد مايقدر يسوي شي لانا في النهاية الموافقة لازم من ابوي و من ابوك
نواف :على الاقل نحس إنا في احد معنا وبعدين شفتي الكل يبينا لبعض
نوف :انا خايفة ان احلامنا تتحطم بسبب مشاكلهم
نواف حط صبعه على فمها وقال :ما ابي اسمع هذا الكلام مرة ثانيه اوكي
نوف :اوكي
سحبها نواف وحضنها وهي انصدمت وبسرعه بعدت :نواااف شنو تفقنا
نواف بكل برائه :ايش ؟
نوف بقهر :اتفقنا انك ما تلمسني
نواف :افف متى اتزوجك وبعدها ما تقدري تقولي شي
نوف انحرجت وبسرعه راحت داخل اما نواف ضحك عليها

***
طلال مسك ماجد وبدء يضرب فيه :ليش سألتني هذا السؤال اتوقع انت اكثر واحد تعرف اجابته
ماجد :ههههههههههه خلاص خلاص والله اخر مرة توبه ما بعيدها
وليد :شنو تسون هنا
طلال :ولا شي
وليد :اهاا اجل تعالوا بقول لكم
ماجد :شنوو ؟
وليد :لقيت بنت شكلها مو هينه بس مو علي متفاخرة واجد بنسبها
طلال :ليه بنت من هي ؟
وليد :مادري مو راضيه تقول
ماجد :هههههه وانت ما راح تترك المغازل
وليد :ما اقدر هذا الشي يجري في عروقي
طلال :ههههههه انت يبيلك زواج عشان تترك هذي الاشياء
وليد :لا والله مابي بلا زواج بلا بطيخ خلني استانس اشوي وبعدها لكل حادثيا حديث
ماجد :اوووه من متى الحكم
وليد :احم احم اجل شنو تفكرني
طلال :اقول ماجد لا تكثر اخاف يصدق
ماجد :ههههههههه
وليد :صدق نحوس

**
:هههههههه من صدق
:والله بس شكله خطيرر بس ممو اخطر مني
:اقول انتبهي لحالك حنا منبي فضائح وانتي عارفه عيلتنا ومكانتها في المجتمع
:ادري ادري لا تخافين ما قلت له أي شي يخص عني بس تصدقين ودي اشوفه
:لا اقول لا تشوفينه ولا يشوفك بلييز
:اوكي على الاقل اسمع صوته مليت وانا اكلمه على الاميل بس
:بلا غباء لا تورطين نفسك خليك من بعيد لبعيد وبعدين تعالي انتي متى بتتركي هذي الحركات
:والله مدري بس انا اتسلا لا اكثر ولا اقل يعني كله اكلم بنات بنات خلنا نغير اشوي
:صدق انك مجنونه اقول لا احد يسمعك ويذبحك هنا
:ادري ادري بس لا يروح بالك بعيد انا ما اكلم عشان احب انا بس اتسلا وانتي تعرفي احب من مايحتاج اقول
:ادري كيف ما ادري اقول خلينا نسكر عن هذا الموضوع
:أي والله

****
مشعل :اوهووووه علينا
رنيم :شفــيك؟!
مشعل :في بنت مو راضيه تتركني في حالي اقول لها خلاص الي بينا انتهى تقول لا ما انتهى
رنيم :ههههههه هذا الي يبي التعب لنفسه
مشعل :اوووه انتي الحين راح تساعديني ولا كيف
رنيم :ولوو كم شعوول عندي
مشعل بعصبيه :قلت لك الف مرة قولي مشعل ماني بزر وبعدين حسستيني بأني طفل
رنيم :اوووه انت ما احد يدلعك ولا يقول لك كلمه حلوة مالت عليك انت بس تبي الهواش
مشعل :كأنك طولتيها وهي قصيرة
رنيم :لا والله بعد بساعده ويكلمني بهذي الطريقة لاكن احسن خلها تأذيك عشان تتعلم مرة ثانيه كيف تكلمني
مشعل تورط :هاا تعالي وين رايحه اوكي اوكي انا اسف بس فكيني منها
رنيم رجعت له :بس بشرط
مشعل :بدت المصلحه
رنيم :خلصني موافق ولا لا
مشعل :موافق شنو شرطك
رنيم قربت منه وهمست بأذنه
مشعل بصدمه :شنو شنو لا والله
رنيم :والله هذا هو شرطي
مشعل :انتي مجنونه تبين تسوقين سيارة في الطريق
رنيم :اييه
مشعل :وكيف ان شاء الله بخليك
رنيم :اتنكر بزي رجال وسوق
فتح عينه وقال :شنوووووووووووو
رنيم :آآه اذني
مشعل :اقول روحي عمرك ما نقذتيني منها
رنيم :والله انت الخسران
وراحت عنه
مشعل :والحين شنو بسوي مع هذي الانسانه

*
*
يوم مشرق وجديد قامت بطلتنا بكل نشاط اخذت لها دش ولبست

واخذت كتبها وطلعت من الغرفة
شافته يشرب كابتشينو
اسرار :انت الي مسوي الكابتشينو
ريان :لا شريته
اسرار :وليش ما شريت لي
ريان :وانا شدخلني فيك
اسرار :صدق انك اناني
ريان :نعم شنو قلتي ماسمعت
اسرار :والله المشكله مشكلة اذنك انا ماني عايدة كلمتي
ريان ضحك باستهزاء :اصبحنا واصبح الملك لله
اسرار :تحنطب على كيفك انت الي بديت
ريان :لا حوووول تدورين الهواش دواره
اسرار :انا!!
ريان حقرها واخذ الكتب ومشى
اسرار :ياااا انت تعال انا اكلمك لا تحقرني وتعطيني ظهرك
ريان حقرها ومشى اما هي فركضت وراه بسرعه
ومثل العادة مشى وهي وراه ناظرت الناس من حولها للحين مو متعودة على الوضع فجأة اصطدمت بريان
:آآآخ ليش وقفت
رفعت راسها وشافت انهم واقفين عند محطة الباص وقفت بجنب ريان ينتظرون وصول الباص ناظرت فيه وسرحت
ناظرها بطرف عينه وقال :لمتى بظلين تناظريني
اسرار توها صاحية على نفسها :هااا ...احم
وبعد دقايق وصل الباص وركبت وراحت على طول لمكانها وهو لمكانه
دارت راسها لريان وبعدها على طول فرت راسها عنه حطت ايدها على قلبها وقالت (شفيك يا قلبي وشفيك يا عقلي ليش اناظر فيه كثير افف ليش هو حلوو كذا يووو شنو صار فيني ليش احسه حلو وانا مو طايقته ولا احبه )
اما ريان فكان سرحان ويناظر الناس وفكرة بعيد بعيـــد

في احد المستشفيات
كان واقف قبال النافذة الي في مكتبه
دخل عليه فجأه ويصرخ ويقول :راكااااااااان يالدب
دار وشاف صديق الطفولة حضنه بسرعه وقال :واخيرا رجعت للبلد
:ههههه ايه
راكان : سنتين يالظالم ماتسأل ولا تتصل
:هذي السنتين ياخوي كنت احاول انساها
راكان :ونسيتها ؟
:لا ياليت اقدر
راكان :اجل ليش طلقتها ؟!
تنهد بحزن :لحظة غضب هدمت لي حياتي
راكان بحزن :كان المفروض تتفاهم معها وما تتسرع
:مو وقت اللوم الحين الي صار صار وما اقدر اغير شي
راكان :ليش ماترجع لها
:انت ناسي اني طلقتها بثلاث يعني ما اقدر الا اذا ....
راكان :الا اذا ايش ؟
:الا اذا هي تزوجت وتطلقت كذا يقول الشرع
راكان :وانت تتوقع اصلا هي بتوافق ترجع لك واصلا تتوقع انها تزوجت او تطلقت مرة ثانيه
تنهد بحزن ونزل راسه
راكان :الحين اتركنا من هذي السالفة الي تضيق الخلق وقولي شخبارك ؟
ابتسم له وصار يسولف عن كل شي صار معه

*
*
*
يوم جديد
سديم :بنااات يلا جلسوا صارت الساعه 8 الصباح يلااا اليوم اخر يوم في المزرعه بكرة الصباح بنطلع يلاااااااا عااااااااااااااد
رنيم :اوهوووه سديم خلينا ننام
مرام: حرااام عليك منمنا الا بعد اذان الفجر
سديم :والله هذي مشكلتكم محد طقكم على ايدكم وقال لكم سهروا
نوف :سديم بس 5 دقايق بس 5 دقايق
سديم :ولا ثانيه يلا قومووووو
حنين فتحت عينها وابتسمت وقالت :صباح الخير
سديم ببتسامه :صباح النور والفل والعطور ايه هذي الي تريح الواحد من على الصبح مو انتووو تعلموا قول
الجوري بتمسخر :اقول حنين متى تبدء دروسك عشان تعلمينا
حنين :ههههه في أي وقت تبينه حبيبتي
رنيم :خلااااااااااااااااص سكتوووووو الي بيتكلم يطلع برااااء
سديم :هــــــــــــــي انتتتتي بدل لا تصرخين قومي ولا راح تجيك امك وانتي عارفه شنو تسوي
رنيم من سمعت اسم امها فزت بسررعه وراحت للحمام
الكل :هههههههههههههههه ههههههههههههه

********

على طاولة الطعام
ام صقر صارت تناظر في البنات باستغراب وتناظر روسهم الي بطيح على صحونهم
ام صقر :هوو شفيكم ؟؟
ام احمد (ام جنى ولمى) :هذا السهر والي يسويه
ناظرت سديم فيهم وانفجرت من الضحك :هههههههههههههههههه
الكل ناظر فيها بتوعد انهم ما بيتركونها
حنين ابتسمت وقامت
سديم :وووين ؟
حنين :الحمد لله شبعت
سديم :وين شبعتي صحنك مليان
حنين جت بترد بس ردت عليها ام صقر :حبيبتي سديم لا تغصبين عليها هي للحين مو متعودة على اكل الطبقة العاليه
الكل انصدم من ام صقر وناظرو في حنين الي تغير وجها
حنين بحزن :عن اذنكم
سديم :يمـــــــه شنو هذا الكلام
وقامت بسرعه وراء حنين وقام الكل
ام رعد :الله يهديك يا ام صقر شلزمة هالكلام
ام صقر سكتت وقامت عنهم
****
سديم وهي تركض وراء حنين :حنيـــــــــــــــن حنيـــن
حنين وقفت ودارت لسديم وابتسمت لها :هلا شفيك تركضين
سديم بأحراج :اسفة على الي قالته امي
حنين :لا عادي
الجوري :انت بخير حنين
حنين :هههههه شفيكم
رنيم :فديت الضحكه ما فينا شي حبيبتي
مرام :بنات ملااااانه حدي خلونا نسوي شي
جنى :العقل المدبر هنا خليها تفكر لنا في شي نسويه
رنيم :تقصديني انا اكيييد انا العقل المدبر
نوف :اقول بلا ثقة زايدة وقولي لنا شنو نسوي ترى اليوم اخر يوم
رنيم :امممم خلوني افكر شرايكم في لعبت الاختباء
لمى :الاختباء!
رنيم :ايه كلنا نتخبى و وحدة تدور علينا واخر وحدة تكون الفايزة شرايكم
اشواق :اممم كأنها لعبت اطفال
جنى :اهم شي نستانس
لمى :أي والله
رنيم :لازم اعد عشان نعرف مين الي راح تصيدنا
نوف :اوكي بدي
رنيم صارت تعد :الجوري انتي الي راح تدورين علينا
الجوري :اففف اوكي يلا بعد للعشرة 1 2 3 ...
الكل صار يركض ويختبأ في أي مكان ما تقدر تشوفهم فيه
الجوري : 9 10 اناااا جيــــــــــــــــــــــــــــــــــــت
نهاية البارت