من عرفتك بدء عمري ..زاد النبض في صدري ..سرقت بضحكتك عمري الفصل التاسع 9 - بقلم أسرار العيون

البارت التاسع

رنيم :بنات خلونا نسوي اكشن

لمى :اممم مثل شنو ؟

رنيم :فكرو معاي

حنين :انتو عندكم دبابات مو ؟

سديم :ايه

حنين :اجل خلونا نلعب بالدبابات

جنى :فكرة حلووة

سديم :هاا بنات كلكم موافقين

الكل :ايييه

سديم:اوكي بخبر طلال يجهز لنا

اتصلت سديم وخلته اسبكر

:هلا بخووي الغالي

طلال :بسرررعه خلصي شنو تبين باين من اولها مصلحه

سديم :ودنا احنا البنات نركب الدبابات

طلال: الحين ؟!

سديم :ايييه عفيه اخووي

:اوكي اشوي ويكونو جاهزين

سكرت منه وبسرعه تجهزوا

وليد :شنو عندك؟

طلال :البنات يبون اجهز لهم الدبابات

ماجد :شرايكم احنا بعد نسوق الدبابات

مشعل :فكرة حلووة وخلونا نسوي سباق مع البنات

وليد :هههههه اكيد بنفوز احنا

رعد :اوكي خلاص قوموا نجهز كلنا

*****

وقفت بصدمه وقالت: شنوووووووووووووو انتي شنو تقولين!!

حور بحزن :في اليوم الي سافرتي فيه صار الحادث ..مات ابوها وامها في غيبوبة

جلست بصدمه وكلام حور يتردد في اذنها قالت بخوف :وهي الحين كيفها ؟

حور :الحمد الله بخير هي تسكن الحين مع سديم وامس راحوا مزرعتهم

سديم ودموعها تنزل :انا لازم ارجع السعودية

الكل التفت لها بصدمه

حور :انتي شنو تقولين ؟!

اسرار :لازم اكون معها

حور :وتتركين دراستك !

اسرار :باخذ اجازة اسبوعين

حور :مادري شنو اقول لك

اسرار :خلاص حور اكلمك بعدين

حور :اوكي حبيبتي انتبهي على نفسك وانا بتصل لحنين بقول لها انك اتصلتي

اسرار :اوكي مع سلامه

حور :الله يسلمك

الكل التفت لاسرار

امجاد :اسرار من صدقك بترجعين السعودية ؟!

شهد :اسرار شفيك من كلمتي البنت وانتي مو على بعضك ؟؟!

ريم :حبيبتي اسرار شنو فيك ؟؟

ريان كان يناظر فيها وينتظر الاجابه

اسرار ودموعها على خديها :صديقتي ابوها مات وامها في غيبوبة هي مالها احد في هذي الدنياء انا خايفه عليهااا هذي اختي الي ما ولدتها امي

ريم تأثرت وقالت :حبيبتي خلاص يكفي بكي الحين اتصلي لها وطمني عليها

اسرار :هي الحين مو ساكنه في بيتهم ولا عندها جوال ولا عندي رقم صديقتي الثانيه انا لازم ارجع لازم اشوفها

فهد :بس كذا بكون تعب عليك وراح تتأخري في الدروس

اسرار :اهم شي عندي صديقتي

شهد :سوي الي تحسينه صحيح يا اسرار

اسرار سرحت في حنين وحالها الحين

******

سديم :حنون شرايك تركبي معي

حنين ببتسامه: اوكي

لمى :جنووي معاي

جنى ببتسامه لاختها :اوووكي

رنيم :رجاًء انا ما ابي احد معي

مشعل :شرايك رنووم تصيري معاي

رنيم بفرحه :اوووكي

مرام :توك ماتبين احد معاك

رنيم :لا شعولي عادي

مشعل :نعم شنو قلتي ؟!

رنيم :ههههه امزح قصدي مشعل <<محد يدلعه

اشواق :مرام معاي

الجوري :نوفه معاي

نواف : لا نوف معاي انا

رعد :نعم شقلت ؟!

نواف :ههههه لا امزح

نوف ابتسمت بخجل وراحت للجوري

اما الشباب كل واحد بروحه

طلال مد بوزه :انا بعد ابي اسوق

ماجد :لا ما يحتاج شوف ايدك للحين ما تحسنت

طلال :لا ابي اسوق

صقر :خلاص طلال لا تصير بزر

تأفف طلال وراح على جنب <<صار الحكم

طلال :يلا استعدو وكل واحد ينتبه لنفسه زين <<كان يقصد حنين

طلال : 1 2 3 انطلااااااااااااق

الكل طار بالدبابات وصار الكل يتنافس

حنين كانت ضاغطة على خصر سديم من الخوف :سديم اشوي اشوي

سديم وهي تضحك :ههههههه لا تبينهم يفوزو علينا

حنين :يااربي شلي خلاني اكون معك

سديم :هههههههههه يووووووبــــــــــــي

صقر بستغراب وهو يسرع قرب من جراح وقال :شفيك تطالع هناك

جراح :هاا

صقر :الطريق سيده مو يمين

جراح :ههههههه ايه ادري

رعد :ههههههههااااي شكلي بطوفكم

صقر :هذا وجهي اذا طفتني

وزاد السرعه

جنى تصارخ من الخوف :لمـــى يا مجنوووونه هدي السرعه اشوي

لمى :عيشي الحياة يا اختي

جنى :ماتوقع ان بعيش اذا ظليتي بهذي السرعه

نواف :نووف راح اطوفك

نوف :ما تقدر

نواف :تحدي يعني

نوف :يب يب

نواف غمز لها وقال :اوكي

نوف تجمدت مكانها من غمزته

الجوري :نوف يامجنونه راح تموتيني مو وقته تسرحين وتخجلين

نوف :هااا ااوووه سووري

سلطان :هههههههااااي انا ثاني وااحد

مشعل :احنا وراك ما راح تقدر

سلطان :ههههههااااي بنشوف

رنيم :من يضحك اولا يبكي اخيرا زيـــد السرررعه يا مشعل

مشعل :اووووكي

مرام :اشواق و وجع زيدي السرعه احنا اخر ناس

اشواق :لالا كذا زين

مرام: راح تخسرينا يا غبيه

اشواق :نخسر ولا نموت

مرام: انا الهبله الي خليتك انتي الي تسوقين ...ززززززيدي السرررررعه

اشواق بدلع :مااااااابـــــــــي

ماجد وهو يحاول يطوف وليد :والله لأطوفك

وليد :ما تقدر يا لحبيب

ماجد :بنشووف

وزاد الكل سرعته لين و صلوا كلهم خط النهاية

طلال راح لهم يركض وصفرر :دائما صقر في البداية

سلطان بقهر :كنت بطوفه لو مو الهبل مشعل قام بصقعني

طلال :خلاص راحت عليك

صقر :اصلا معروف إنا انا الي بفوز

حنين بهمس :مغروور

سمعتها سديم وضحكت عليها

طلال :افرح يا سلطان على الاقل انت الثاني مو مثل بعض الناس و وجه نظره لماجد

ماجد :نعم شنوو في أي اعتراض على الاقل انا الخامس مو مثل اختك السابعه

سديم وهي تتخصر :نعم استاذ ماجد لو بس ما كانت معي حنين كنت طفتك

حنين انحرجت خاصة انها ملاحظة نظرات طلال لها وبتسامته الي تخجلها

رعد :اول مرة اصير الثالث

جراح :اخس بس كنت بصير الاول بس يالله المركز الرابع حلوو

مشعل :انا الي كنت بصير المركز الاول بس الي معي هبله

رنيم :نعم نعم شنوو قلت يا استاذ مشعل مو انت الي صرت بدعم في سلطان وتركت السباق

مشعل :والله اخوك الي مفكر نفسه اسرع واحد في العالم قلت خلني اكسر راسه

رنيم : يعني تعترف إنك السبب في خسارتنا

مشعل :لا ما اعترف

رنيم :لا تعترف

مشعل :قلت لا ما اعترف

سلطان :بـــــــــس وانتو ما تغيرتو للحين بزران

مشعل :بزران في عينك ما تشوف عضلاتي وصار يستعرض عضلاته

رنيم : امااعاد انت وعضلاتك المنسمين

ماجد :تراء يا شباب ما راح يخلصون خلونا نمشي عنهم

الكل مشى وضل مشعل ورنيم يتعاركوا

بقول لكم مراكزهم

الصقر الاول

سلطان الثاني

رعد الثالث

جراح الرابع <<كان ممكن يصير الثاني او الثالث بس بسبب سديم الي دهورته

ماجد الخامس

مشعل ورنيم السادس

سديم وحنين السابع

وليد الثامن

نواف التاسع

لمى وجنى العاشر

نوف والجوري الحادي عشر

والمركز الاخير طبعا اشواق ونور الي ما سكتوا من العراك

*****

دخلت الشقه بهدو غريب

راحت على طول غرفتها وسكرت الباب وبدت تبكي كانت حاسه ان حنين فيها شي

دخل وراها وصار يناظرها لين دخلت الغرفة تنهد وسكر الباب مو متعود عليها الهدوء

بعد دقايق

طلعت وراحت المطبخ وهي تكلم بالجوال راح و وقف وراها وعرف انها جالسه تحجز للرجعه

لما خلصة المكالمه دارت وانصدمت من وجودة تراجعت اشوي على وراء لانا المسافه كانت صغيرة مرة

اسرار :شنو تسوي هنا

رفع حاجب :ليش لايكون مطبخك وانا مادري

اسرار حقرته ومشت من جنبه بس وقفت لانه مسك ايدها دارت له بصدمه

ريان انتبه لنفسه وقال :اسف بس كنت بسألك انتي من جدك بترجعي ؟؟!

اسرار :ايه بعد اسبوع سفري

انصدم وقال :والجامعه

اسرار :اتصلت لهم واخذت اجازة لمدة اسبوعين

ريان :اوكي سوي الي تبينه اصلا مايهمني

انقهرت منه وقالت :اجل ليش تسألني ومسوي لي فيها تحقيق ؟

ريان :بس كذا مزاج

اسرار :لا والله

ريان دار لها وقال :أي والله

اسرار انقهرت وراحت لغرفتها

ضحك ريان يحب لما ينرفزها

****

بين سوالفهم وضحكتهم ابتسمت وانا احس انه صار لي اهل بس راحت ابتسامتي لما تذكرتها

حنين :سديم

سديم :هلا

حنين :مافي خبر عن اسرار ؟

سديم :والله مادري

حنين تنهدت وسرحت في اسرار بس صحت من سرحانها على صوت جوالها الي للحين ماتعودت عليه

حنين :الوو

حور :حنووون يادوبة وحشتيني

حنين فرحت لما عرفت انها حور طلعت من الصاله بسبب الزعاج

وهي تتمشى عند الزهور :حور قولي لي شخباركم والله اشتقت لكم ؟؟

حور :واحنا اكثر صحيح حنين عندي لك خبر حلوو

حنين :شنوو ؟؟

حور :احزري من الي اتصل لي اليوم

حنين بصدمه :اسرار !؟

حور :اييييه

حنين بفرحه قفزت وقالت :متى ؟؟ وشخبارها ؟؟ وليش ما اتصلت لي ؟؟

حور :اشوي اشوي علي بقول لك كل شي

كان عابر وانتبه لها ضحك بسخرية وقرب لها وقال :ماخذة راحتك بقووه

حنين نزلت الجوال وناظرت فيه بصمت

صقر :تكلمين من ؟

ضغطت بين حواجبها باستغراب شدخله اكلم منو بس رديت عليه عشان يروح :صديقتي

صقر ناظر فيها نظرات غريبة ومشى

تنهدت حنين براحه بعد الخوف وردت للجوال :الوو حور كملي ..الووو حور شفيك ساكته ...الوووووو

حور :هاا ..ايه شنو كنا نقول

حنين استغربت منها بس الي يهمها الحين اسرار :يلا قولي لي متى اتصلت وكيفها هي

حور :هي بخير الحمد لله اتصلت قبل 3 ساعات اتصلت لك بس ما تردين

حنين :ايه نسيته داخل

حور :سألت عنك ؟

حنين :شنو قلتي لها

حور بحزن :قلت لها الي صار مع ابوك وامك

تنهدت حنين بحزن وقالت :شنو قالت ؟

حور :انصدمت وقالت انها راح ترجع

حنين بصدمه :ليييش ؟

حور :تبي تشوفك وشكلها مقتنعة وراح تنزل

حنين :ودارستها ؟!

حور :راح تاخذ اجازة سبوعين

حنين :عندك رقمها ؟

حور :ايه ..يوو نسيت ما اقول لها انك عندك جوال

حنين :اوكي عادي عطيني رقمها الحين

حور :اوكي دقيقة بس اطلعه .......هذا هو سجلي عندك ........

حنين :اوكي شكرا حور يلا باي

حور :العفو باي

تنهدت بعد ما سكرت ودارت بتدخل ابتسمت لما شافت سديم جايه لها

سديم :حنين مين الي متصل

حنين بفرح :هذي حور تقول ان اسرار اتصلت لها اليوم

سديم بفرح :صـــــدق شخبااارها و ليش توها تتصل ؟؟

حنين :والله هي بخير الحمد لله ما دري المهم انها اتصلت

سديم :ايه انزين يلا ندخل

حنين :يلا

*****

جلست من النوم بسبب ضوء الشمس فتحت عينها ولقت امها تفتح الستار

بصوت تعباان :يمه

دارت لها وابتسمت وقالت :يلااا قوومي بسك نووم انتي ماتشبعين

ابتسمت بتعب وقالت :الساعه كم ؟؟

قربت منها وقالت: الساعة 2 الظهر سكتت اشوي وهي تشوف اصفرار بشرت بنتها وبياض شفاتها

قالت بخوف :اسيل حبيبتي شنو فيك ليش كذاا وجهك مصفر ؟؟!!

اسيل بتعب :مافيني شي

ام اسيل :شنو مافيك شي انتي لازم تروحي المستشفى اليوم فاااهمه

اسيل :يمه هذا بس ارهاق صدقيني

ام اسيل :لا لا قلبي مو طمني لازم تروحين لازم

اسيل ابتسمت وقالت :ان شاء الله بس مو اليوم راح اروح بكرة

ام اسيل :ليش؟؟

اسيل :لانا ودي انام

ام :اسيل :بس اوعديني تروحي

اسيل :اوكي اوعدك اني ارووح بس قولي لي وين كنتوا امس

ام اسيل :رحت بيت خالتك اجلس معها اشوي والباقي كل واحد طلع

اسيل بتعب :اوكي يمه ابي اناام الحين

ام اسيل بحزن عليها :اوكي اخذي راحتك حبيبتي وبكرة روحي للمستشفى

ابتسمت اسيل لامها وتغطت بالشرشف

************

رنيم :بنااات

التفت لها الكل باستغراب

رنيم :شرايكم نلعب جرئه وصراحه مع الشباب ؟

الكل :لاااااااااااا <<عارفين ان الفضايح بتطلع لو لعبوها

رنيم :اففف منكم يا اغبياااء راح تعرفوا فضائح الشباب

البنات بدوء يفكرون ويتشاورون واخيرا :اوكـــي كلنا موافقين

رنيم :يـــــــــس ..بروح اقول للشباب

حنين بهمس :سديم

سديم :هلا

حنين :الحين رنيم ما تتحجب منهم كلهم ؟؟!

سديم :يب يب الكل تعود عليها خلاص حتى صديق صقر اخوي مثل اخته

****

رنيم :هاااااااي شباااب

بعض الشباب :هاياات

رنيم :شباب شرايكم تلعبو معنا جرئه صراحه ؟؟

الكل :لااااااااا <<خخ نفس الشي

رنيم :يا اذكياء ما تبون تعرفون فضايح البنات ؟

الكل بدء يفكر بعدها :اووووكي كلنا موافقين <<عرفت تلعبها صح

رنيم :يــــــس اجل قومو نلعب براء عند الجلسة

الكل قام وراحت رنيم وخبرت البنات وقاموا لبسوا عبيهم وتلثموا

(طبعا رنيم تلبس لبس محتشم لانا جراح موجود يعني شي طويل بس ما تتحجب لانها متعودة عليه من كانت صغيرة)

******

في مكاان ثاني كان جالس عند البحر يتأمله بحزن :آآآه يا بحر من هذي الدنياء الي فرقتنا اشتقت لها يا بحر بس شنو بيدي آآآآآآه ودي اشوفها ودي اشوفها لو نظرة حتى لو ما قدرت اكلمها بس ابي اشوفها اشتقت لها حيييييل حييييييييييييل

******

رنيم :انا الي راح ادور القرشة ...يلا نبدأ

دورتها رنيم واول ثنين هم ..

رنيم :يلا يا مشعل اسئل حنين

مشعل :احم احم اممم حنين

رفعت راسها :هلا

مشعل :انتي مرتاحه معنا ؟

حنين ابتسمت وقالت :ايه مرتاحه

مشعل رد لها الابتسامه

رنيم :اوكي يلا

ودارت مرة ثانيه القرشة

رنيم :ماجد اسئل طلال

ماجد :هههههه وين بتفلت مني

طلال :اخلص علي شنو سوالك بلا هذي المقدمااات

ماجد :انت تحب ؟

الكل انصدم لانهم يعرفوا ان طلال ما يحب

طلال تورط بس لازم يجاوب ناظر في حنين نظرة سريعه وبعدها قال :ايه

الكل :اووووووه

مشعل صفر :يا عيني على اخوي العشقان

الكل :ههههههه

طلال :خلاص عاد يلا رنيم دوريها

رنيم دارت القرشة وصار الدور على ..

رنيم :يلا صقر اسئل جراح

صقر ناظر في جراح وقال :شفيك اليومين هذي متغير ؟

جراح تورط وقال :غير السوال

صقر :لاا انا ابي هذا السوال

جراح بلع ريقة وقال :لا بس ناوي اخطب وجالس افكر في الموضوع

صقر بصدمه :وليش ماقلت لي ؟

جراح :لاني للحين متردد

رعد :ليش تتردد اخطب يا شيخ خلنا نفرح فيك

سلطان :أي والله لا تتردد

جراح اكتفى ببتسامه بس هي كانت مصدومه وتبي تبكي بس مسكت نفسها

رنيم :اوكي خلونا نشوف دور من الحين

طلال في قلبه (انا وحنين قولي انا وحنين )

رنيم :نواف يسئل رعد

نواف على طول :اذا تقدمت لنوف توافق ؟؟

الكل :ههههههههههههه

رعد ببتسامه :اكيد ليش لا

نواف :هههههه حمد لله

نوف انقلب وجها الوان ونزلت راسها لانا الكل يناظر فيها ببتسامه

رنيم دارت القرشة :سلطان يسأل جنى

جنى توترت وناظرت في لمى الي منقهره لانها مو هي

جنى نزلت راسها تنتظر سوال سلطان

سلطان : ........

الكل رفع راسه منصدم من سوال سلطان الجريء

جنى توترت وموعارفه ترد ناظرت في لمى الي ظلت مصدومه ليش يسألها هذا السوال

*

*

*

:غريبة وين راح هذا ؟؟

سمعت صوت حركه خافت واخذت معها عصا وراحت وراء الباب

دخل وهو حده تعبان يبي ينام بس ما حس الا بعصا على راسه

صرخ بألم :اااااااااااااااااااااااااااه

اسرار حطت ايدها على فمها بصدمه وقالت :اوووبس سووووري مو قصدي فكرتك حرااامي

ريان بعصبيه :وانتي ماتتاكدين اذا كان حرامي او لا على طول تضربين

اسرار عصبت: لاااه تبيه يخطفني ويخلص وانا واقفه اتأكد اذا كان حرامي او لا

ريان :من زينك علشان يخطفك

اسرار عطته رفسه في رجله :علشان تثمن كلامك قبل لا تقوله

وراحت تمشي

ريان كان ماسك رجله بألم ويصرخ عليها عشان ترجع بس ما ردت عليه

ريان :ااااخ رجلي هذي مو رفسة بنت ااااخ راح تشوووفي يا اسرار ااااخ رجلي

اسرار كانت متسنده على الباب ضحكت عليه وبعدها ابتسمت ولا تعرف سبب ابتسامتها

نهاية البارت

توقعاتكم

شنو سوال سلطان ؟؟

شنو فيها بطلتنا الجديدة اسيل ؟؟

منو الشخصية الي كانت عند البحر ؟؟ومنو المقصود بالكلام ؟؟؟

جراح راح يخطب منو ؟؟

تحياااااتي لكم