من عرفتك بدء عمري ..زاد النبض في صدري ..سرقت بضحكتك عمري الفصل الرابع والعشرون 24 - بقلم أسرار العيون

في بيت اسرار

اسرار :حنين شنو فيك من يوم عقد نوف وانتي سرحانه

حنين :عرفني

اسرار :شنو ؟! ومنو هذا الي عرفك ؟!

حنين ناظرت في اسرار وكأنها توها تستوعب وقالت :صقر عرفني عرف اني انا الي رميت عليه الاسكريم يااااربي كيف اناظر فيه الحين

شهقت اسرار وقالت :كيف عرفك ؟!

حنين :مدري بس شكله يعرفني من زمان بس ساكت يااااربي كيف اروح بيتهم الحين

اسرار :انتي ماغلطتي هو الي غلط عليك وبعدين لاتخافي ما راح يقدر يسوي لك شي

حنين : اوكي اتركينا من سيرته وخلينا ندردش سوا مابي اضيع ولا ثانيه

اسرار ابتسمت وقالت:ولا انا افف لو في طائرة على الاقل الظهر كان احسن مو من فجر الله كأنا حراميه هاربين

حنين :هههههه اوكي كلميني عن بريطانيا كيف شكلها

عدلت جلستها اسرار وصارت تقول لها بالتفصيل على بريطانيا و ورتها بعض الصور الي صورتها في بريطانيا

__________________

تقلبت مليووون مرة بس ماقدرت تبعده عن تفكيرها صايرة هاليومين اغلب تفكيرها معه ولا قادرة تهدء كرهت نفسها انها تفكر بواحد مغرور وترك حبيبته بسهولة

:اففف اففف خلاااااااااااااااص اطلع من مخي اطلع ليش دايما افكر فيك حرااام عليك

جلست تفكر وتفكر ولا قدرت تنام وطلعت الشمس تعلن يوم جديد

غفت عينها لمدة ساعتين من التعب وبعدها سمعت صوت جوالها المزعج

اخذت جواها بأنزعاج وشافت الاسم *المغرور*

شهقت وعدلت جلستها ناظرت في الساعه و وسعت عينها بصدمه تأخرت كثير الحين ما راح اسلم من محاظراته

جات بترد بس سكت جوالها تهندة براحه وبسرعه قامت تجهز وتوجهت للمستشفى

___________________

في المطار

حضنتها بقوة وصارت تبكي ومو قادرة تسكت

اسرار ببكي :خلاص حنين هدي

حنين :مـ ـاااقـ در مـ ـاااقدر

سديم :خلاص والله بكيتوني

العنود وهي تمسح دموعها :بنااات هدووو

حور ببكي :بفتقدك ياااادووووبة

اسرار حضنتهم بألم ماتبي تفارقهم بس لازم تكمل مشوارها

سلمى وهي تمسح دموعها :يلا حبيبتي اسرار صار لازم تروحي

مسحت دموعها وناظرتهم وابتسمت وقالت :بشتااااق لكم

الكل :وحناا اكثر

ابتسمت بألم وناظرت حنين وقالت :انتبهي لنفسك حنين

حنين ببكي :انتـ ـي الي انتبهي على نفسـ ـك

اسرار ماقدرت تستحمل وحضنت حنين بقوة وبكت وبعدها بعدت بصعوبة ومسحت دموعها ودعتهم ببتسامه حلوووة وراحت وهي تلوح بأيدها لهم

ابتسموا لها وهم يشوفوها تختفي من قدامهم

الهنوف :خلاص حنين قطعتي قلبي

حنين :بشتـ ـااق لهـ ـاا

سديم :كلنا بنشتاق لها

حنين :اسفة صايرة حساسه واجد

________________

في الشركة

طق الباب ودخل رفع راسه يبي يشوف منو ذا الي يدخل بدون لا يأذن له بس لما شافه ابتسم وقال :هلا جراح

ابتسم له وقال :هلا فيك

صقر غمز له وقال :كيف الخطوبة

ابتسم بألم :حمد لله بخير

صقر :فيك شي

جراح :لا ليش

صقر :مدري بس احسك تعبان ومهموم قولي يمكن اقدر اساعدك

جراح (كيف راح تساعدني يعني راح تعطيني اختك ):لا مافيني شي لا تخاف

صقر :معني مو مقتنع بس بمشيها لك هذي المرة

رجع يناظر في الملفات ويحوس فيها

جراح : شفتها ؟؟!

صقر رفع راسه وابتسم بحزن :لا

جراح :مو ناوي تكمل حياتك بدونها

رجع ناظر الملفات وصار يوقع فيهم وقال :لا

جراح :خلااااص صقر انساها ايأس انك تشوفها وكمل حياتك

صقر ناظره وقال بقهر : ماراااااح تحس فيني انا ماقدر انساها حتى لو كملت حياتي وبعدين كيف تقول لي ايأس دامها عايشة وتتنفس نفس الهواء الي اتنفسه ما راح ايأس

جراح بعصبيه :ساااعات تخليني اتمنى لو انها ماااتت

صقر :جراااااااااااااااح

جرا قام بقهر وطلع مايبي يشوف صديقة يهدم حياته بسبب حب طفولة صار له سنين يدور عليها ولا يأس لاكن حالته تسو من سيء الى اسواء

__________________

في المستشفى

رعد :لا روحي كملي نوم بعد

دينا :انا اسفه

رعد :هنا في مرضا يموتو في كل لحظة وانتي وظيفتك تنقذينهم مو تنامي

دينا نزلت راسها وقالت :اسفه

رعد :شنو بيفيدني اسفك هذا اذا كنتي تبين تكوني دكتورة لازم تلتزمين هذي اخر مرة لك مرة ثانيه بتصرف معك تصرف ثاني

دينا (انت السبب الي ماخليتني انام وجااي تلومني الحين)

رعد :والحين تجهزي عندنا عملية خطيرة ورم في الدماغ ولازم نساعد المريض ابيك في حلول 5 دقايق تكوني في غرفة العمليات

رفعت راسها وابتسمت واخيرا بتبدء عملها الحقيقي كادكتورة

رعد رفع حاجب وقال :في انسان بموت وانتي تبتسمين وليش واقفة للحين تحركي بسرعه

دينا :حاظر

وراحت بسرعه تجهز

_________________

دخلت بيت ابو صقر ركبت بسرعه لمشعل وفتحت الباب

مشعل رفع راسه وقال :في شي اسمه استأذان قبل الدخول

رنيم :ومن متى انا اطق الباب المهم انا ملااااانه

مشعل :شنو اسوي لك

رنيم :شرايك نسوي مغلب للبنات او نسوي جريمه

مشعل :جرررريمه !!

رنيم :قصدي نسوي شي خطيررر

مشعل :انقلعي عن وجهي مافي راسك عقل

رنيم :اوووف والله ملانه

مشعل حقرها ورجع يكتب في دفتره الصغير

رنيم بفضول :شنو تكتب

مشعل :مالك دخل

رنيم :يلااا روني

مشعل :قلت لك ما لك دخل وبعدين يلاط لعب برا غرفتي

رنيم : ماراح اطلع لين تروني الي تكتبه

مشعل :ما راح ارويكي شي

رنيم سحبت الدفتر من عنده وصار يركض وراها عشان ياخذ الدفتر من عندها

مشعل بعصبيه :ريموووو هاااتي الدفتر

رنيم طلعت لسانها وقالت :ماااابي

مشعل :اوكي ارووويك انا

واخيرا قدر يمسكها بس تعرقف وطاح وطيحها معه وصارت فوقة

فتح عينه بألم وناظرها وفتح عينه بصدمه و بدت مشاعرة تزيد (لا لا لا تحمل تحمل ليش ليش يا مشاعري تزيدين تكفين وقفي ماقدر استحمل اكثر)

وبدء يرتجف بشكل ملحوظ

ناظرته رنيم بأستغراب وقالت :فيك شي ؟؟تعوورت؟؟

مشعل غمض عينه مايبي يشوفها وقال وهو راص على اسنانه :قووومي عني

رنيم انتبهت لنفسها وقامت :سوووري

مشعل فتح عينه وناظرها وارتجافة ماهدئ

رنيم ناظرت فيه بأستغراب وقالت :شنو فيك مشعل ليه ترجف كذا

مشعل :طلعي برااا

رنيم :هااا

مشعل :قلت لــك طلعــــي براااااااااااااااااااااااااااااا

خافت رنيم وتراجعت على وراء وهي تشوف احمرار وجهه وارتجافه الي ماهدئ طلعت بسرعه برا مصدومه من الي يصير له ولا عارفة شنو السبب

___________________

سديم :خلينا نركب غرفتي

حنين :لا بروح لغرفتي ابي انااام تعبااانه حدي

سديم :اووك

راحت سديم للمطبخ اما حنين توجهت للدرج وقت فجأة وهي تناظر باشخص الي نازل من الدرج

من شافها طق قلبه بسرعه وقال :هلا حنين اخباارك

نزلت راسها بخجل وقالت :بخير الحمد لله وانت اخبارك ؟

طلال بصوت نزيل :من شفتك صرت بخير

حنين :هاا قلت شي

طلال :هههه ولا شي يلا عن اذنك انا طالع واذا بغيتي شي انا بالخدمة

ابتسمت بأحراج :تسلم ماتقصر

طلع برا البيت ولا كان وده يطلع من شافها هو لازم يكلم ابوه مايقدر يكون بعيد عنها كذا يبي دايما يكون بجنبها

____________________

كان يمشي في شوارع بريطانيا بهدوء وفجأة نزل الثلج بهدوئة المعتاد رفع راسه وصار يناظر الثلج الي يتساقط ابتسم ابتسامه النبلا على قولة اسرار

اما في مكان ثاني في نفس البلد نزلت من الطيارة فرحانه واخيرا وصلت لبريطانيا بسلام

طلعت برا المطار وصارت تناظر الثلج الي يتساقط ابتسمت وهي تتخيل اسامه بجنبها ويناظر هذا المنظر معها صحت من سرحانها على صوت امجاد الي تركض وتناديها

دارت لها وابتسمت وراحت تركض لها وحضنتها

امجاد :وحشتيني ياااااادوووووبة

اسرار :ههههه ليش الكل يقول عني دووبة والله اني غزال

امجاد :اوووك يالواثفة تعالي نروح الكل ينتظرك

اسرار :يلا

__________________

يوم عقد الجوري

الكل كان حولها وفرحان لها لانها تستاهل كل خير والي جاها مو سهل مرتين تركت

رانيا حضنتها بقووووة وقالت :احبببببك ياااامجنووونه

الجوري :خنقتيني

الكل :هههههههههه

حنين :حرااام عليك رانيا موتي البنت

رانيا :والله فرحااانه مووت لها

نوف :سمعت من رعد انه واحد خوووش رجال وماينعاب وانه مثل الذهب طيب وحبوب والكل يحبه في المستشفى

الجوري :كانووو كثير مثله بس يطلعوا على حقيقتهم اذا عاشرتيهم

رنيم :ليه متشائمه انتي كذا خليكي متفائله

الجوري ابتسمت لهم وسرحت لبعيد

جابو الدفتر لها ووقعت والكل صار يزغرط بفرح والي يحضنها

بعد نص ساعه جاء نواف وقال ان المعرس يبي يشوف الجوري

طبعا توترت الجوري والكل صار يعطيها نصائح قبل لا تدخل وكأن هذي اول مرة تنخطب ويصير معها هذا الموقف والكل وصلها لين الباب

دخلت بعد تردد كبيررررر وهي منزلة راسها شافت جزمته السوداء الي تلمع (اكرمكم الله) تجمدت مكانها لما حست انه وقف وتقرب لها باس جبينها بهدوء وقال :مبرووك

بتوتر والكلمه بصعوبة تخرج :الله يبـ ـااارك فيـ ـك

ابتسم ومسك ايدها وجلسها جنبه

الجوري (يوووة هذا جريء من اول يوم يمسك ايدي ويبوس راسي ياااربي سااااعدني )

راكان الي كان متوتر ويمكن اكثر منها لانه جالس مع زوجة صاحبه السابقة بس مخفي توترة بجرئته

راكان :اخباارك

الجوري :بخيـ ـر

راكان ابتسم وقال :وانا بخير بعد

انحرجت لانها ماسئلته عن حاله

راكان :راح اعذرك هذي المرة لانك متوترة بس مرة ثانيه لا ...ممكن اخذ رقم موبايلك الحين

الجوري هزت راسها بأيه واخذت جواله وكتبته له ورنة على جوالها عشان يجيها الرقم

راكان ابتسم وقال :اوكي اتركك الحين وبجي بكرة ان شاء بس مابيك مثل اليوم بس منزلة راسك وساكته

هزت راسها

راكان :يلا مع سلامه

وطلع وهي واخيرا قدرت تتنفس

راحت وفتحت الباب عشان بتطلع بس انرعبت من الي طاحو على الارض وهم البنات

ناظرتهم بصدمه

اما هم ابتسموا لها لين بانت ضروسهم وقاموا بسرعه يهربون عنها اما هي ضحكة على اشكالهم

__________________

بعد مرور شهر من احداث روتينيه على الابطال وبعض المصادفات وبعض المشاعر الي وضحت لهم

دخلت بسرعه غرفتها وسكرت الباب وتسندت عليه وصارت تتنفس بسرعه حطت ايدها على قلبها وقالت :غبيه غبيه غبيه

جلست على السرير وهي ماسكه قلبها الي يسرع في طقاته :ليش انت ياصقر حبيتك وانت اكثر واحد تكرهني اففف ليش تصير مواقف بااايخه معاك انت بالذات

تذكرت الموقف الي صار قبل ثواني

في المطبخ

حنين وهي تكلم نفسها :راح يكون عصير برتقال حلوو ..اكييد دامه من ايدي

صارت تعصر البرتقال وبعدها مسكت الكاس بفرح صعدت الدرج ونظرها في الكاس ببتسامه حلوة

وفجأة

طاااااااااااح

صقعت في شخص ورتدت لورء بس هو سحبها لقدام وصقعت فيه مرة ثانيه وانسكب العصير على قميصة

رفعت راسها بسرعه بصدمه وزادت صدمتها لما شافت انه صقر

صقر بعصبيه :انتـــــي عميــــــه

حنين بتوتر :انااا اسـ ـفـ ـ هـ

صقر :وانتي ماعندك غير الاعتذار هذي ثاني مرة

حنين نزلت راسها بأحراج وتوتر وخوف

صقر بعداها بيدة بقرف و دار رجع لغرفته

من راح راحت تركض لغرفتها بخوف

حنين :اففف كرهت نفسي من حبيته وانا بس افكر فيه واسرح ليش حبيته انا عارفة نهاية هذا الحب ابتسمت بسخرية وهي تذكر ردت فعله لما كلمه ابوه عشان يتزوجني

صقر بعصبيه :مستحيـــــــــــــــــــــل ياااا يبـــه لو تكون اخرررر بنت في العالم ما راح اتزوجها

ابو صقر :ليش شنو فيها البنت

صقر :كذا انا ما احبها ولا اواطنها

ابو صقر :صقر ابيك تاخذ وقت وتفكر على مهلك

صقر:لايبه ما يحتاج تعطيني وقت للتفكير لاني مصمم على الي قلته

ابو صقر :انا باسكر عن الموضع الحين بس برجع وافتحه معك مرة ثانيه

*

*

*

*

*

*

دخلت بيت خالها ابو سلطان بفرح هي جايه اصلا له مو لرنيم

سلطان من شافها داخله البيت ابتسم و وقف وقال :هلا ببت عمتي اخباارك لمى ؟

لمى ببتسامه :تمام وانت

سلطان :من شفتك صرت تمام

لمى ابتسمت بخجل وقالت: تسلم ..اممم وين رنيم

سلطان رفع حاجب وقال :يعني تبيني اصدق انك جايه لرنيم

تخصرت لمى وقالت :ليش عندك شك

سلطان :شكوك بعد مو شك واحد اعترفي انك جايه تشوفيني ومابقول شي

لمى :هههههههه واااثق الاخ

سلطان :طبعا مو انا سلطان

لمى :هههههههه

*

*

*

*

*

*

*

في مكان بعيييييييد ومظلم

:اسمعوووني زين ابيكم تجيبوا لي كل المعلومات عنه و وين يسكن ابي بكرة كل المعلومات عندي فااااهمين

:نعم

:تقدرون تروحوا الحين

محمد :ابي اعرف ليش تبي تعرف عنه كل شي

فهد :مايصير تنتقم من احد بدون لاتعرف عنه شي

محمد :وشنو ناوي تسوي فيه ؟

فهد :اول ابي اعرف كل شي عنه وبعدين ابي اتأكد من شي وبعدها ببدا

محمد :وشنو هذا الي تبي تعرفه عنه

فهد سكت وصار يفكر ويفكر في الي يبي يعرفة

*

*

*

*

*

*

*

اسرار :امجاد وين شهد وريم

امجاد :مدري يمكن عندهم محاظرة الحين

اسرار :اممم امجاد

امجاد :هلا

اسرار :انتي ماعترفتي لريان بحبك

امجاد بحزن :خايفة يا اسرار خااايفة اخسر صداقته واخسر حبي

اسرار :ليش انتي مو واثقة انه يحبك

امجاد :مدري ..ايه صح في يوم عزمني على الكوفي بس انا وهو تتوقعين كان بقول لي شي

اسرار سكتت فترة ورجعت ناظرت فيها وقالت بحزن :اتمنى ينجح حبك

ابتسمت لها امجاد بأمتنان

من يوم ودعتہ

و اانا أعيش ذڪراهہ

ما فيہ لحظه عشتها ما طريتہ

[ يا نعمة النسيان ] خليني انساهہ

- اانا تعبت

اتجاهلہ وما نسيتہ هَ !

*

*

*

*

*

*

*

دخل غرفتها وشافها واقفة عند النافذة وتناظر الي رايح والي راجع

رعد :شخبارك اليوم

دارت له وابتسمت بألم : مثل كل يوم

رعد :اسيل ممكن اكلمك في موضوعنا

اسيل رجعت دارت تناظر النافذة وقالت :انت للحين مصر انك تتكلم عن هذا الموضوع

رعد :اسيل عطيني فرصة

اسيل :ما يحتاج

رعد :ابي افهم بس ليييش

اسيل دارت له بعصبيه وقالت :تبي تهم ليش ! اوكي انا بترك الي صار في الماضي بس ليش تبينا نستمر وانا بقى لي اقل من سنه

رعد :ماتقدري تحددي كم بقى لك من عمر رب العالمين هو وحدة من يعرف هذا الشي

اسيل :حتى لو ماعرفت متى بس اعرف اني بموت

رعد :كلنا بنموت وكلنا مانعرف متى موتنا

اسيل :بس انا مريضة ومرضي يزيدني الم كل يوم تبي تعيش مع وجدة مريضة

رعد :انا من 3 سنوات وانا اعيش مع المرضا شنو بتفرق معي

اسيل :ما شاء الله عليك ترد علي بأشياء مقدر اناقشك فيها

رعد :لاني دكتور

اسيل ابتسمت وقالت :حققت حلمك يا دكتور رعد بس انا ماقدرت احققه

سكت رعد وهو يناظر عينها الي كلها الام وحزن

رعد :انا بخليك تفكرين بالموضوع زين واذا عرفتي الاجابة الي انتي تبينها ردي علي

ابتسمت له وهزت راسها بالموافقة

ابتسم وطلع وهو يدعوا من كل قلبه انها توافق على رجوعهم لبعض

*

*

*

*

*

*

*

*

حطت القلوس وناظرت نفسها وابتسمت على جمالها نزلت بسرعه تحت لما عرفت انه ينتظرها في المجلس دخلت ببتسامه حلوة وقالت :اسفة طولت عليك

راكان :لا عاادي حبيبتي

الجوري :اخبارك واخبار مرضاك

راكان :بخير بس يشتكون مني كثيرر

الجوري :لييش

راكان :لاني اسرح كثير

الجوري :وليش تسرح كثير

راكان :بسببك

استحت الجوري ونزلت راسها بفرح

ماقدرت تكره او تصير جامده معه تصرفاته وطيبته تخلي الشخص غصب يحبه

بس شنو مشاعر راكان للجوري هذا هو الي ماتعرفه الجوري وانه بس يسوي واجبه اتجاه صاحبه واخوه