من عرفتك بدء عمري ..زاد النبض في صدري ..سرقت بضحكتك عمري الفصل الثالث والعشرون 23 - بقلم أسرار العيون

البارت الثالث والعشرون

الجوري :بس يانوف قطعتي قلبي

نوف :مااابيه مااااابيه

سديم بحزن :اجل اذا سألك الشيخ قولي لا مو موافقة

نوف : بس ابووي

مرام :ما راح يقدر يقول شي صدقيني

نوف :لا ماقدر ماااقدر

اشواق :اجل بتاخذيه

نوف زادت بكي رانيا عطت اشواق نظرة يعني زين كذا زيتينها

حنين :نوف خلاص لاتبكي اذا كان هذا خير لك راح تاخذيه بس اذا كان لا ما راح تاخذيه حرااام عليك قطعتي قلوبناا

سديم :نوف كلام حنين صدق اذا كان خير لك بتاخذيه لاتبكي

نوف ضلت تبكي ولا ردت عليهم

*

*

*

*

*

*

*

نواف بتوتر :رعد الشيخ وصل

رعد :انا بدخل الحين وانت سو الي قلت لك عليه

نواف :اوكي

الشيخ :هل انتي موافقة على ..................

: نعم

وبدت الزغاااريط تتعالا وصارت ملك لجراح

نزل راسه بأنكسار وصار الكل يسلم عليه

اما عند الحريم الكل يبارك لملك الي تحقق حلمها وصارت لجراح الي قلبه مع سديم

*

*

*

*

*

*

*

*

الشيخ صار يكتب بالدفتر و يسئل بعض الاسئلة لفارس

نواف دخل ونظرة على فارس بحقد

ابو رعد يكلم رعد :شنو الي جيبه هذا

رعد ابتسم وقال :مدري

جلس نواف ونظراته ما باعدها عن فارس

فارس (شفيه ذا يناظر كذا استغفر الله )

الشيخ :بسم الله نبدأ

وقف بسرعه نواف بشكل ملحوظ والكل التفت له

نواف :هذا الزواج ما راح يتم

فارس بعصبيه :ومنو انت عشان تحدد

نواف :انا ولد عمها و اولا من الغريب وخاصة اذا كانت البنت رافضته

ناظر الشيخ بـ ابو رعد وقال :شنو قاعد يصير يا ابو رعد

ابو رعد ناظر في نواف بقهر وقال :السموحه يا شيخ هذا جاهل ومو عارف شنو يقول

نواف :اذا مو متأكدين اسألوا البنت تبي منو ولد عمها ولا الغريب

ابو فارس عصب وقام وقال :شكله مالنا نصيب هنا

ابو رعد بأحراج :لا يا ابو فارس انتو نصيبكم هنا وحنا الي نطلع وانتو الي تبقون

نواف :بس البنت مو موافقة واكييد ياعمي انت ما راح تغصبها على شي ماتبيه

ابو رعد رص على اسنانه وقال :اطلع برا بيتي

نواف ناظر في الشيخ وقال :تقدر تسألها عن رايها وهو الي بحدد كل شي

الشيخ :ممكن اشوف البنت واسألها عن رايها

ابو رعد بأحراج :ايه اكيد تفضل

راحت تركض تخبرهم الي قال لها مشعل وبسرعه نشرت الخبر للبنات

نوف :شنوووو

رنيم :الحين اذا سـألك الشيخ لازم ترفضي ولا راح تحطمي كل الي سواه نواف وما بتقدري تاخذيه

نوف بفرح :يعني بكون لنواف

الجوري :ترا انا اخته استحي على وجهك

مرام :وانا بعد

استحت نوف ونزلت راسها وجاها خبر ان الشيخ يبي يشوفها نزلت بخوف وشافت ابوها الي عطاها تهديد اذا قالت انها مو موافقه

الشيخ :هل انتي موافقه على فارس ...........

بلعت ريقها وناظرت في ابوها بس باعدت بسرعه نظرها لانها لو طولت النظر يمكن توافق وتخرب كل شي سواه نواف

نوف : لا مو موافقة

الشيخ ناظر في ابو رعد وبعدها رد يسئل نوف

:انتي موافقة على نواف ............

رفعت راسها بسرعه تحس انها في حلم

نوف :ايه موافقة

الشيخ ابتسم وقال :اجل على بركة الله

ابو رعد انقهر بس ماقدر يتكلم اما عند الرجال كانوا ينتظرون الرد بأحر من الجمر

دخل الشيخ وهو مبتسم وقال :مبروك يا ..

نواف بلع ريقه بخوف خايف ظنه يخيب ويخرب كل الي سواه

كمل الشيخ وهو يلاحظ ملامح التوتر على وجه الاثنين وقال :احنا ناخذ على الي يقولة الشرع وهو راي البنت هو المهم وبما ان البنت وافقة على ولد عمها فراح نكتب كتابهم ومبروك للجميع منك المال ومنها المال

نواف ماستوعب الي سمعه وصار يناظر في رعد وكأنه يبيه يأكد له الخبر

رعد حضنه وقال :مبروووك لك اختي

نواف بفرح :الله يبااارك فيك

راح بحب راس عمه بس صداه بقهر عذرة وقال مع الايام بيتقبل

خرج ابو فارس وفارس مقهورين من البيت

اما عند البنات الكل صرخ من الفرحه وحضن نوف الي مستوعبه انها صارت لنواف حلم حيااتها

*

*

*

*

*

جلس بتعب يحس ايامه بدون اسرار ولاشي

اخذ له دش سريع وبعدها اخذ جاكيته وكتابه والنظارة الشمسية وطلع من الشقة

صار يمشي ويناظر الناس ابتسم وهو يذكرها بكل شي ناظر الحافلة وضحك لما تذكر انها مشت عنها وصارت تركض وراء الحافلة

ناظر في ثنين يبوسون بعض وضحك لما تذكر شهقتها وعينها الي بتطلع من مكانها ناظر في اثنين مثل العصابات وتذكر اليوم الي كانت بتنخطف فيه وصار كل ما شاف شي تذكرها وابتسم

*

*

*

*

*

*

*

*

*

حنين :يلا سديم انا بروح الحين اكيييد الاخت اسرار تنتظرني

سديم :اوكي بس صحيح متى هي بتروح

حنين :بعد بكرة الفجر

سديم :بشتاااق لها الدوبة بكرة لازم تجون بيتنا ونودعهم

حنين :اكيييد الحين يلا باااي

سديم :باااي

طلعت حنين وهي تحوس في شنطتها عشان بطلع الجوال بس انصدمت في احد وطاحت الشنطة من ايدها

رفعت راسها وانصدمت انه صقر بس ماتدري ليش طق قلبها بسرعه كذا نزلت راسها بسرعه وقالت :اسفة

صقر :انتبهي مرة ثانيه وانتي تمشين مو مثل الاسكريم

رفعت راسها على طول له و وسعت عدسة عينها بصدمه يعني هو عرفني

مشا عنها صقر وهي ظلت واقفه لين صحاها صوت جوالها

دخل المجلس وهو يشوف الكل يسلم على نواف استغرب وقال :شنو صاير ؟

وليد :نواف خطب نوف واخيرا

صقر بصدمه :بس مو الي خاطبها واحد ثاني وبعدين كيف ؟؟!!

ماجد :اجلس اجلس بس اقول لك كل الي صار بس انت وين كنت ؟

صقر :اليوم كان عقد جراح

ماجد :اهاا اوكي المهم اسمع

وقال له كل شي صار

*

*

*

*

*

*

*

*

*

عند البنات

رنيم :واااي مو مصدقة الي صار

اشواق :فديت الرومنسيون انا

مرام :آآآه ودي بواحد مثل نواف يحارب الكل بس عشان ياخذني

نوف :لا حبيبتي مافي مثل حبيبي اثنين

الجوري :فديت اخوووي وخطيبته

احمرت خدين نوف من الخجل

مرام :ترا ما يناسب توك الجرأة والحين مستحيه

الكل :ههههههههههههههههه

سديم :صحيح الجوري متى العقد

الجوري :مدري بس يمكن بعد يومين

رانيا :وااااي وناااسه

الجوري ابتسمت بعدم اهتمام يمكن لانا للحين تملك شي في قلبها للي جرحها

*

*

*

*

ركبت السيارة بسرحان وبالها مع صقر الي عارفها من زمان

اسرار :حنين شفيك

حنين :هااا لا ولاشي

في يوم جديد

اسرار :اوكي خلاص اجل الساعه 9 ونص بنكون موجودين بس هاا لا احد يشككها في الموضوع

سديم :اوكي لاتخافي تعالي انتي عيد ميلادك بكرة لانا الفرق بينكم يوم مو

اسرار ابتسمت :يب يب

سديم :يعني عيد ميلادك بكون كله في الطيارة

اسرار :الله يعين

سديم :اوكي حبيبتي انا بقوم اجهز للبارتي يلا بااااي

اسرار :باااي

*

*

*

*

*

*

*

*

:شنووو يعني مابتروح للبنت

جراح :يمه قلت لك مالي خلق حتى على هذا بتغصبيني عليه خلاص كفااايه اخذت الي ما ابيها

ام جراح حزنت عليه فكرت انها بتسعده بس اكتشفت العكس

طلعت وخلته على راحته ماتبي تغصبه مرة ثانيه

رما نفسه على السرير بألم :آآآآآآه يا سديم ادري جرحتك ودي اداوي جروحك يااا روحي انتي

اما عند سديم

كانت تناظر في زاوية معينه وسرحانه فيها فكرها بعيد تحس بألم في قلبها بس تبي تسأله سؤال واحد ليش قلت لي احبك وانت تبي غيري

نزلت دمعتها بهدوء مسحتها بقهر وقامت تجهز لعيد ميلاد حنين

*

*

*

*

*

*

*

*

*

كان صوت خطواته المتوازنة والهادئة توجه لغرفة 210 ناظر بالباب وبعدها فتحه اشوي لقاها نايمه بهدووء ابتسم بحب وقرب منها تنهد وقال بصوت مسموع: ساااامحيني يا اسيل ادري قاسيتي كثيرررر والسبب انا ودي احضنك واخفف عنك وجعك ودي لو ترجع الايام لأوقف في وجه ابوي وارفض إجباره علي بالزواج واختارك انتي حتى لو اطريت اني اهرب معك ...اليوم يا اسيل ابوي كان بيغصب اختي انها تاخذ الي ماتبيه تذكرت اليوم الي تركتك فيه غصبا عني ورحت لوحدة ما ابيها ما بقيت يصير لاختي مثل الي صار لي اسيل والله اني احبك للحين ولا نسيتك ولا يوم وكنت دايما افكر فيك ياليتك تسامحيني ونقضي اخر ايام عمرنا مع بعض ما ابي اخسرك مرة ثانيه يا اسيل حتى لو رفضتيني بظل وراك لين تقبلي الرجوع لي قلبي للحين مثل ماهو حني علي اشوي لاني مقدر اعيش بدونك

قرب منها ببوس راسها بس تراجع وطلع برا الغرفة

نزلت دمعتها بهدوء وفتحت عينها وقالت :ياليت اقدر يا رعد ياليــــــت بس انت مو بس جرحتني انت قتلت ابوي

*

*

*

*

*

في الليل

نوف :نواف خلاص بروح بيت عمي عبد الرحمن

نواف :قلت لك ماتروحي الا اذا بستيني وبعدين ترا انا زوجك

ابتسمت على اخر كلمه كانت تتمنى من زمااان تسمعها منه واخيرا صارت له بعد معاناة كبيرة :نواف

نواف :لبييييه

نوف :شنو قال ابوك لما عرف

نواف :هههههه يعني شنو تتوقعين عصب و عطاني محاضرة من الي مايحبها قلبك ويعني بعض التهزيئات بس ايام ويهدئون اهم شي صرنا مع بعض

ابتسمت وبسرعه حضنته وباست شفته بخفه

تجمد مكانه وصار يرمش عينه بسرعه

نوف: ههههه شكلك حلووو كذا

نواف :اجل بوسيني كل يوم وبصير شكلي كذا

نوف :هههه يصير خير الحين يلا قوم وصلني لبيت عمي تأخرت

نواف :اوكي حبيبي انتظرك في السيارة

*

*

*

*

*

*

*

*

حنين وهي تدخل من باب المجلس بس دايرة وجها وتكلم اسرار

فجأة انفقعت اشياء وتناثرت عليها بجميع الاوان وشموع في كل مكان وكيكة كبيرة في الوسطة ومكتوب عليها كل عااام وانتي بالف الف خير

و بالونات في كل مكان ونجم الليل في وسط الكيكة دمعة عينها وحضنت كل الموجودين من شلتها وبنات عيلة سديم

بعد نص ساعه صار الكل يأكل وسولف ويضحك

الهنوف :اسووور كان ودنا نسوي لك بعد بس انتي بتكوني مسافرة عشان كذا من الحين اقول لك كل عام وانتي بخير

اسرار :وانتي بخيرررر حبيبتي

والكل صار يقول لاسرار بعد

اسرار :حنين شفيك ساكته

حنين :لا ولاشي بس ودي ازور امي اليوم

اسرار :خلاص نروح نزورها انا بعد ودي ازورها قبل لا اسافر

حنين فرحت وقامت بسرعه وراحوا للمستشفى

اسرار :ادخلي انتي اول وبعدها بدخل

ابتسمت حنين ودخلت

وصارت تسولف لامها مثل كل يوم وبعدها دخلت اسرار الي ماتحملت وبكت وصارت حنين هي الي تسكتها

*

*

*

*

*

*

عند ريان او نقول اسامه

بدر :ريان خفف اشوي على فهد ادري انك ما تحبه بس ماله داعي تبين له

اسامه :انا احس ان وراه مصيبه وجهه مو وجه خير ابد وبعدين حتى انت ماتحبه

بدر :ادري بس انا ما ابين له اما انت غيرر

اسامه :اقول وين فيصل صاير مختفي هذي الايام

بدر :طالع مع الاخت ريم

اسامه :ليش مايخطبها ويفك حاله

بدر :اذا نزلوا السنه بيخطبو

فهد :اهلين شباب

بدر :هلا هلا بيك فهد تفضل

جلس وناظر في اسامه وقال :اقول ريان سمعت اشاعات تقول انك ولد ناس نعمه وخير هل هذا الكلام صحيح ولا لا

اسامه ناظرة وقال :انت قلتها اشاعات جاي تسألني ليش

فهد :لانا مو كل اشاعه كانت كذبه

اسامه :احس الجو خنقه انا بروح اتمشى عن اذنك بدر

فهد انقهر من تصرفات ريان اتجاهه بس هو مصمما انه ينتقم من غرورة

نهاية البارت

توقعاااتكم

هل نهاية جراح وسديم هي هذي ولا لا ؟؟

شرايكم بنواف وموقفه ؟؟

اسيل هل بتسامح رعد ؟؟

حنين شنو بتسوي بعد ماكتشفت ان صقر يعرفها من سالفة الاسكريم ؟؟