من عرفتك بدء عمري ..زاد النبض في صدري ..سرقت بضحكتك عمري الفصل السابع وأربعون 47 - بقلم أسرار العيون

من جلست وهي تبكي لما تذكرت احداث الامس

ناظر فيها بسخرية وقال :لاتسوين فيها الانسانه المظلومة وقومي جهزي

بعد ساعة ونص تقلع الطيارة

قامت من السرير بأنكسار وناظرت فيه بألم وتوجهت لغرفتها

صقر :ماشفتي شي للحين

:طيـــب بس قولي لي ليش قالبه علي

رانيا :لا صدق ماتدري ليش

محمد :والله مدري ... لاتقولي انه بسبب الي صار في السوق

دارت وجها عنه

محمد وسع عينه بدهشه وقال :بسبب السوووق !! .... طيب يعني شنو

كنتي تبيني اسوي ؟

رانيا :تصرفة بكل برود ولا كأني زوجتك

محمد :يعني كنتي تبيني اضربة مثلا

رانيا :اوكي لاتضربة بس عصب تكلم قول شي مو رايح تتكلم بكل برود

محمد :اوكي الحين انتهى الشي شنو تبين اسوي

رانيا :ابي اشوية غيرة منك بس اشوي

محمد :رانيا اسمعيني مو معناتا اني ما اغار عليك يعني اني ما احبك

بالعكس انا ما ابي اضايقك من هذا الشي

رانيا :بس انا ما راح اضايق من هذا الشي

محمد :صاحبي كان يغار على زوجته لحد الجنوون بس تدرين شنو كانت

نتيجت غيرته الطلاق وانا مابي يصير لنا مثله

رانيا :الغيرة شي حلوو يحسس الزوجة بأهميتها بس الشي اذا زاد عن حده

ينقلب ضده وصاحبك هذا الي صار معك ...بس يعني مو لدرجة إن واحد

يغازل زوجتك وانت ساكت واذا كلمته تكلمه بكل برود ولا كأنه شي

صاير

تنهد محمد وقال :اناا اسف يا رانيا ماكنت ابي اضايقك بشي ولاتوقعت

بتصرفي هذا راح اضايقك

رانيا :انا مابي اعتذار انا ابي اشوف شوية غيرة منك

ابتسم وقال :ابشري بطلع على حقيقتي من اليوم

ابتسمت وقالت :بنشوف

يوم جديد

نزلت الطائرة لارض الوطن ونزلت منها حنين وصقر

كان واقف يستقبلهم ومن شاف صقر تقدم له بسرعه

من شافه ابتسم وتوجه له وحضنه وقال :اخبااارك يالمعرس

جراح :ههههه بخير وانت

صقر :ماشي الحال

جراح فهم عليه وقال :يلا نمشي

في بيت ابو صقر

كانت جالسه في الصالة وسرحانه

سديم (غريبة مر 3 اياام ولا رسل شي ...يوووة شفيني اصلا احسن لي )

انفتح الباب ودخلت حنين

رفعت راسها ومن شافتها صرخت بقوة وركضت لها وحضنتها وقالت :

وحشتيييييييييييييييييييني حنووووون

حنين :وانتــي بعد

سديم : مووو مصدقة واخيرا رجعتوا

صقر :وانا ما وحشتك

سديم :هههههه لا

خزر فيها وقال :ماسمعت شنو قلتي

سديم :هههه امزح امزح

صقر :طيب وين ابوي وامي

سديم :مو هناا

صقر :اهاا اوكي انا طالع وصليها لجناحنا

سديم :اوكي ..يلا حنوون برويك جناحك الاثاث انا الي اخترته اكييد

بيعجبك

جراح :شفيك ليش كذا وجهك

صقر :مافيني شي

جراح :صقر انا اعرفك زين من المطار و وجهك متغير

صقر :مافيني شي ياجراح بس مو راضي اتقبلها

جراح :يعني للحين تفكر فيها

صقر تنهد وقال :اخذت قراري ما راح اتوقف عن البحث عنها

جراح :انت الحين واحد متزوج انساها خلاص

صقر :وانت نسيت الي نت تبيها

دار وجهه وقال : راح انساها

صقر :وتقدر

جراح :مو بيدي هذا الشي بيد زوجتي

صقر :نفس الشي انا بس زوجتي ماتقدر تنسيني اياها

جراح :انت للحين تبحث عنها ولا وقفت الامور

صقر :كلمتهم وانا في باريس انهم يكملون البحث عنها

جراح :ممكن اسألك سوال

صقر :اسأل

جراح :انت ماحسيت بأي شعور اتجاها

سكتت فترة وباعد عينه عن جراح وقال :لا

رفع حاجب وقال :متأكد

ناظر فيه صقر وقال :ليش شاك فيني مثلا

جراح :انا اعرفك زين وقلبي يقول انك معجب فيها حتى لو ماحبيتها

صقر :غير الموضوع جراح ما ابي اذكرها بشي

في بريطانيا

كانت واقفة تنتظر المصعد يوصل عشان تروح الجامعه وسرحانه في

اسامه وفي وين نام هذي اليومين

حست بشخص واقف بجنبها رفعت راسها وناظرت في الشخص الواقف

بجنبها وشهقت وقالت :اسااامه !! ..شنوو الي جابك هنا

اسامه ابتسم لها وقال :انا ساكن هنا

اسرار :شنوو وين ؟؟!

اشر على الشقة المقابله لها وقال :هنااا

ناظرت في المكان الي اشر عليه وضحكت وقالت :من متى

اسامه :اممم من يومين

اسرار :وليش ما قلت لي

اسامه :حبيت اسويها مفاجأة لك

اسرار :اهاا يعني

اسامه :اممم

اسرار :شفيك

اسامه :ولاشي

ابتسمت له ودخلت المصعد ودخل معها

وصلوا لمحطة الباصات وركبوا نفس اماكنهم ناظرت فيه وابتسمت

تذكرت ايام ريان

ابتسم لها وترك مكانه وجلس بجنبها

اسرار :ليش تركت مكانك

اسامه :ريان هو الي كان يجلس هناك بس اسامه يبي يجلس بجنب اسرار

ابتسمت بخجل وقالت :يعني ريان مو انت

اسامه :لا انا اسامه حبيب اسرار

دخل المستشفى وتوجه لغرفته فتحها وانصدم من الي كانت جالسه على

مكتبه

رعد :ديناا !

دينا : امم منو انت

ابتسم وقال :انتي الي منو وليش جالسه في مكتبي

دينا :انا مساعدت الدكتور رعد

رعد :وانا الدكتور رعد

دينا :اووه اسفة ماكنت ادري هذا اول يوم لي

ضحك رعد على تمثيلها الي ذكرة بأول يوم لها هنا وقال :اوكي ممكن

تقومي الحين

وقفت وتباعدت عن مكانه

رعد :هلا بيك دكتورة دينا مرة ثانيه معنا

ابتسمت وقالت :مشكور دكتور ...عن اذنك

طلعت دينا ودخلت على طول اسيل

اسيل :اشوفك مستانس

رفع راسه وابتسم لما شافها وقال :تبيني عبووس يعني

اسيل :اكييد لا ...ناديتها دينا بدون كلمة دكتورة

رعد بأستغراب :انا ! متى

اسيل :اول ما دخلت الغرفة وشفتها

رعد :ما اذكر بس انتي كنتي عند الباب يعني

اسيل :ايه شكلك ماحسيت على نفسك وانت تناديها بأسمها

رعد :اسيل انا ما اذكر وحتى لو قلت يمكن كانت من صدمتي

اسيل :لهدرجة رجعتها اسعدتك

رعد :اسيـــل شفيك انا بس ماكنت ابيها تدمر حلمها بسببي

اسيل :كانت راح تشتغل في مستشفى ثاني وما راح تدمر حلمها بس انت

اصريت انها ترجع هنا وتشتغل معك

رعد :لانها كانت تبي تشتغل في هذي المستشفى

اسيل :وليش رجعت معك كانت تقدر تكون مع غيرك

رعد :يوووة اسيل شفيك ليش تفكرين بشكل سلبي مو هذي الانسانه الي

رجعتنا لبعض وساعدتك ايام ضعفك والمك وسمعت لك ونصحتك

اسيل :انا ما انكر هذا بس ابيك تبعد انت عنها عشان لايخرب شي بينا

تنهد رعد وقال :اوكي الحين انتي ليش جيتي هنا

اسيل :يعني مو فرحان بجيتي

رعد توجه لها وقال :شفيك اليوم !!

اسيل :مافيني شي ...انا رايحه تبي شي

مسكها من ذراعها وقربها له وقال :اسيل حبيبتي انتي حبي الاول والاخير

لا تفكري إن في يوم راح احب غيرك او اناظر في غيرك

حضنته اسيل وقالت :اتمنى ماتنسى كلامك هذا

سديم :حنين شفيك كأنك تعباانه

ابتسمت لها وقالت :الطيارة تعبتني والمشوار كان طويل

سديم :متأكدة مافي سبب ثاني

حنين :لا مافي أي سبب ثاني ...انتي الحين قولي لي شخبارك سمعت انه

تزوج

تنهدت وقالت :صفحه وانطوت وما ابي اذكرها الله يسعده مع الي اخذها

حنين :هو الخسران وانا متأكدة انه راح يجي لك الشخص الي يستاهلك

وينسيك اياه

ابتسمت لها وحضنتها وقالت :رحت عرسه يا حنين وشفته معها بكيت

ومحد كان بجنبي يهديني وانتي سافرتي وماكنت اقدر اتصل لك

حنين :انا اسفة لاني اهملتك ولا اتصلت اطمأن عليك

ابتسمت سديم وقالت :لا تتأسفي

طلال :خلنا نروح المستشفى يا ماجد انت تعباان حيل

ماجد بتعب :ما يحتاج للمستشفى راح تنزل الحرارة اذا احذت حمام دافي

طلال :انا افضل انك تروح صار لك كذا يوم تعباان

ماجد :خلنا مني والحين قولي ...مارحت تشوف اخوك

تنهد طلال وقال :ومو قادر اشوفه ولا ابي اشوفه

ماجد :طلال انت لازم ترجع علاقتك مع اخوك مثل قبل واحسن لاتخلي

هذي البنت تغيركم على بعض

طلال :الله كريم

دخل جناحه وهو تعبان انتبه لوجودها كانت تنظر في التلفزيون وسرحانه

صقر :سرحانه فيه

دارت وناظرت فيه بدون لاتتكلم

صقر :حطي لي العشاء

حنين :بس انا ماسويت

صقر :أيــش شنوو يعني مااسويتي

حنين :عمي كان عازمنا على العشاء بس انت تأخرت ..اذا تبي بنزل

اجيب لك من العشاء

تقرب لها بسرعه ومسكها من شعرها بقوة وقال :سمعــي مرة ثااانيه اجي

وما الاقي عشاء ماتلومين الانفسك

نزلت دموعها بقهر وقالت :بس انا اتصلت لك عشان اخبرك وانت الي

مارديت علي

صقر :اكيييييد ما راح ارد على وحدة قليلة شرف

حنين :يكفـي يكفـــي لاتقول عني كذا

ضحك بسخرية وقال :بس انت كذا

ورماها على الارض ودخل الغرفة وقفل الباب

صارت تبكي تبي يمر يوم واحد ماتنزل فيها دموعها بس مو لاقيه حتى

زيارة لامها ماقدرت تروح

دخلت الغرفة الثانيه وتمددت على الارض وتغطت بالحاف وسرحت

بحياتها المحزنه

يوم جديد

:كيـــف يعني رجعوا مع بعض !

:انا اسف استاذة نهى بس شكلها الخطة مانجحت

ضغطت على كفها بقهر وقالت :ماااايصيـــر ماااااايصييير سويت كل شي

عشان تخرب علاقتهم ويطلقها بس كيف كذا طبيعين ولا كأنه شي صار

سارة :نهى شيليه من راسك تراه حتى لو طلقها ما راح ياخذك

ناظرت فيها بقهر وقالت :ومن الي قال لك انه ما راح ياخذني واذا ما

اخذني ما راح اخلي احد ياخذه غيري

سارة :يعني شنوو بتسوين بتقتلينه مثلا

ناظرت فيها بسرعه وابتسمت وقالت :وليش لا

وسعت عينها بصدمه وقالت :بس كذا ما راح تربحين شي

نهى :لا ياحلووة مو هو الي راح ينقتل

سارة :اجل منوو

ردت على الجوال بنعاس وقالت :الوو

:للحين نااايمه !

سديم :حنين حراام عليك توها الساعه 1 الظهر

حنين :توها !!! ...السموحه اختي فكرتها الساعه 4 العصر

ضحكت وقالت :خلصي وش تبين

حنين :شرايك نعزم البنات عندنا الليلة

سديم :والله فكرة خلاص انتي اتصلي لهم وقولي لهم يجون على الساعه 8

حنين :اوووكي يلا باي وانتي قومي يلااا

سديم :اووكي بااي

ناظرت في الجوال كانت تنتظر رسالة منه بس غريبه الحين هذا رابع يوم

ما رسل شي

سديم :يووووة شفيني يمكن مل وما راح يتصل خلاص بس شفيني ابي

اشوف رساله منه صدق غبيـــه

في بريطانيا

امجاد :اسرار

اسرار :هلا

امجاد :ممكن اسألك سوال

اسرار :ايه تفضلي

امجاد :اممم لاتفهميني غلط بس ...ابي اعرف اذا كان بينك وبين ريان

شي

اسرار بغباء :منو ريان

امجاد :اسرار شفيك

انتبهت لنفسها وضحكت ترقع السالفة وقالت :ههههه امزح معك شنوو هذا

التفكير امجاد

امجاد :مادري بس نظراتكم لبعض مو عادية .....اسرار اذا بينكم شي

خبريني لاتخبين علي وبعدها انصدم

سكتت اسرار وناظرت في عينها مو عارفة شنو تقول تكذب ولا تقول

الحقيقة من الحين عشان لاتنصدم بعدين

امجاد :شنو ؟

ناظرت حولها بتوتر وضغطت على ايدها وقالت :لا مابـ ..

:احنا نحب بعض

التفتوا لمكان الصوت

امجاد :رياان !

تقدم اسامه وقال :انا احب اسرار وهي تحبني

ناظرت في اسرار بسرعه وبصدمه قالت :كيــف ...بس انتوا ..

ريان :هذي سالفة طويلة ولازم الكل يعرفها

ناظرت اسرار بحزن لامجاد الي دمعة عينها بعدم تصديق

اسامه :اسرار خبري الكل إني ابي اكلمهم خلهم يجون هنا

قامت بحزن وراحت تنادي عليهم

اسامه :امجاد

رفعت راسها ونزلت دمعتها على عينها

اسامه :انا اسف كنت اعرف بمشاعرك اتجاهي من البدايه بس اذا سمعتي

القصة الحين بتعذريني

حظر الكل وناظر في اسامه ينتظروه يتكلم

اسامه :اول شي ابي اخبركم إن اسمي الحقيقي مو ريان

الكل ناظر في بعض بصدمه

اسامه :اسمي الحقيقي اسامه عبد الله ال ....

الكل وسع عينه لما عرفوا من عيلة من يكون

اسامه :انا اسف إني خبيت عليكم الشي الي ابيكم تعرفوة والاهم بالنسبه لي

ناظر في اسرار وقال :انا واسرار نحب بعض

:أيــــش

اسامه كمل :مو تونا نحب بعض ...احنا نحب بعض ما يقارب ثلاث سنين

رفعت راسها امجاد بصدمه وناظرت فيهم وهي مو قادرة تفهم شنو يقصد

وكيف

بدء اسامه يقص عليهم القصة من البداية لهذا اليوم

اسامه :اذا كانت المرة الاولة الي تعرفت عليها على اسرار فالمرة الثانيه

قدر

بدر :ليش توك تخبرنا

اسامه :كانت عندي ظروف اصعب مما تتوقعون

فيصل :صحيح اني مصدوم بس والله فرحت لكم كثييير

شهد ناظرت في امجاد الي طول الوقت منزلة راسها وقالت :الله يوفقكم

ريم ابتسمت وقالت :اتمنى لكم السعادة

ابتسم لهم وقال :تسلمون ...انا ناوي اتقدم لاسرار الحين وقدام الكل

الكل ناظر فيه وفي اسرار

اما اسرار على طول ناظرت في الي قدامها

امجاد

رفعت راسها بسرعه ونزلت دمعتها بألم وقامت بسرعه تركض بألم

اسرار :امجااااد

عضت على شفايفها بحيرة وناظرت في اسامه وبعدها لحقت بأمجاد

شهد :كان اجلت تقدمك لاسرار اشوي

ولحقت بهم

بدر :مثل ماتوقعت امجاد تحبك

اسامه تنهد بضيق وقال :حبيت انها تعرف إن قلبي مايقدر يميل لاحد غير

اسرار

فيصل :بس طريقتك اذتها

ناظر اسامه ببدر وقال :بدر

ناظر فيه

اسامه :انا ادري انك تحبها

فيصل بصدمه :بدر تحب امجاد !!

بدر :احم ... انت كيف عرفت انا ماخبرت احد

اسامه :عيونك فاضحتك

بدر :شنوا لفايدة وهي تحبك انت

اسامه :بس انا مستحيل احبها ..الحين فرصتك تعترف لها

بدر :الله كريم

تجمعوا البنات في بيت ابو صقر وصاروا يسولفوا ويضحكوا سوا

ناظرت فيها وقالت لها بدون لا احد يسمعها

:حور

حور :هلا حنين

حنين :ممكن اكلمك بمضوع

حور:شنو هو

حنين :انا كل مرة الاحظ نظراتك لهذا البيت غريبة وخاصة ......لصقر

باعدت عينها عن حنين وقالت :لا عاادي ما اشوف انا فيها شي نظراتي

حنين :حوور انتي صديقتي ابي تقولي لي الصدق

حور :قلت لك مافي شي

حنين :يعني ازعل منك

حور :اسفة حنين بس مقدر اقول

حنين :ليش

حور :انا اسفه

حنين :حوور ارجووووك

ناظرت في عينها وقالت :انا ..

ناظرت في عينها تنتظر الكلام الي بتقولة

وسعت عينها بصدمه من الكلام الي قالته وقالت :وانتــي

نهاية البارت

شنو قالت حور لحنين

وشنو بصير لحنين من نهى

صقر وحنين شنو بصير معهم

توقعاتكم