من عرفتك بدء عمري ..زاد النبض في صدري ..سرقت بضحكتك عمري الفصل الثامن وأربعون 48 - بقلم أسرار العيون

قبل 6 ساعات

في الحديقة

جراح :اقول صقر

صقر:هلا

جراح :وش ناوي تسوي الحين مع زوجتك

صقر :راح اطلقها طبعا من اشوف حـ ...

جراح :شفيك

صقر :هذاا الي واقف عند الشجرة

ناظر جراح مكان مايناظرة صقر وقال :شفيه

صقر :هذاا هوو هذاا هووو

جراح بأستغراب :هوومن

صقر بغضب :هذا الي خانتني معه هذاا هووو حبيبهاااا

جراح بصدمه :صـدق

صقر :هذي المرة ما راح يفلت مني

قام له بسرعه وركض بأتجاهه ولحق به جراح

دار راسه ومن شاف صقر متوجه له والنار تطلع من عينه ركض بسرعه

لانه واثق ان مسكه صقر ما راح يرحمه ابدا

صقر بصراخ :وووووقــــــــــــف ووووقــــــــــــــــــــــــف

صار يركض وراه بسرعه و معه جراح

لين قدروا يمسكوة بسرعه ورماه على الارض ونقض عليه

جراح :صقر خلااص بعد عنه بتموت الرجال

صقر :هذاا يستاااهل الموووت

جراح :انزين خلنا ناخذه مكان وسوو فيه الي تبي

صقر سحبه بقوة من قميصة وركبه السيارة وتوجهوا لمكان بعيد

بعد نص ساعه

وصلوا ورماه على الارض وتقرب منه وقال :من متــــى تعرف حنين

تكــــلم

بتوتر :انـ ـاا انااا

صقر بعصبيه اكبر :بسرررررعه تكلم

:ماااعرف احد بهذا الاسم

صقر :لااااتكـــــذب تكلم ولا رااااح يكووون هذا اخر يوم في حيااااتك

:والله مووو منــــي انا عبد مأمووور مابييييدي شي

صقر بأستغراب :شنوو تقصد

بتوتر :مووو منـــــي اصلا انا ما اعرف شي ولا اعرف هذي الي اسمها

حنـ ـين بس هي جبببرتني

صقر :من الي جبرك تكلــــم

:نـ هـى

صقر :من ؟!

:نهـى نهـــــى

وسع عينه بصدمه وقال :شنوو تقصد ؟! ....يعني انت ماتعرف حنين و

نهى هي الي خلتك تسوي هذا كله

هز راسه بخوف بأيه

صقر تراجع للوراء خطوات وصار يناظر حولة بحيرة كيف كيييف بس

انا ظلمتها ضربتها حرمتها من الاكل سبيتها واخر شي اكتشف انها صدق

مظــــــلومه

جراح :انت تعرف وش معنى الكلام الي تقولة

هز راسه بأيه

جراح :ابيك الحين تقول لنا القصه كامله

:شنوو راح اسوي ...اتصل لالا ما راح اتصل بس ...هو راح يخطب

بس هو يحبني ليش راح ياخذ غيرري ......ايه اكييد لاني ما وافقت انه

يتقدم لي الحين ولاني ما كلمته ....لازم اكلمه ايه لاااازم

مسكت الجوال وبتردد اتصلت

كان جالس يناظر في الجوال من سبوعين تقريبا من خبرتهم رنيم بأنهم

بيخطبوا له بس للحين ما اتصلت

سلطان بقهرر :طيب يا جنى ولا اهتميتي بأني راح اخذ وحده غيرك

بس انـ ...

قطع تفكيرة رنة الجوال ناظر فيه و وسع عينه بفرح وانتظر اشوي ورد

بجمود :الوو

جنى :هلا سلطان

سلطان :منو معااي

وسعت عينها بصدمه وقالت :سلطان انا ادري انك تعرف منو انا

سلطان :اوكي شنوو تبين الحين

جنى :ليش تكلمني بهذي الطريقة

سلطان :والله انتي الي تبين يصير كذا مو انتي الي رفضتي الزواج مني

جنى :انا مارفضت انا بس قلت لك عطني وقت لين احس إن اختي مـ ..

سلطان :جنى يكفي انا راح اتزوجك ولا راح اتزوج اختك وبعدين لمتى

راح ننتظر ...كل الي سوته فينا وتبيني انتظر رضاها

جنى :اناا موو قصدي كذا بس ...

سلطان :جنى من الاخر تبيني ولا لا

جنى :شنو هالسوال انت عارف اني ابيك

سلطان :اجل خلاص بكرة بخلي امي تتصل وتخطبك لي وننتهي من

هذا الموضوع

جنى :بس ...

سلطان :جنــــــى

جنى :اوكي اوكي خلاص سوو الي تبيه

سلطان بفرحه مخفيه :اجل خلاص بكرة راح اكلم امي

جنى :اوكي راح اسكر الحين

سلطان :اوك باي

صقر وقف بقهر وهجم عليه مرة ثانيه بس جراح بسرعه باعده عنه

صقر :هذا الـ .... خلاني ظالم

جراح :اوكي خلاص اهدء الحين امد ربك انك عرفت الحقيقة

صقر :انقلع مااااابي اشوووف وجهك وحساب نهى عندي

طلع بسرعه وصار يركض بخوف

جراح :اهدء اهدء كل شي راح ينحل

صقر :لازم اروح لحنين لازم اخليها تسامحني على الي سويته فيها

جراح :تحبها

رفع راسه بسرعه له وقال :وش هالكلام جراح

جراح :صقر ماتلاحظ تصرفاتك من شفته لحقته وكان ودك تقتله لو كنت

مو مهتم فيها كنت ما راح تهتم اذا كانت تحب شخص او لا

صقر :انا بس حاسس بالذنب لاني ظلمتها

جراح :وشنو عن حبيبتك

صقر :راح اوقف البحث عنها وراح ابدي حياتي من جديد مع زوجتي

جراح :هذا الي كان لازم يصير من البداية

صقر :راح اتصل الحين والقي البحث عنها

رن جوال صقر وناظر فيه وقال :هذا هوو سبقني واتصل

صقر :الوو

:ياطويل العمر عندي لك خبر

صقر :شنوو

:لقينا البنت الي تبحث عنها

صقر :أيـش ؟!!

رن جوال صقر وناظر فيه وقال :هذا هوو سبقني واتصل

صقر :الوو

:ياطويل العمر عندي لك خبر

صقر :شنوو

:لقينا البنت الي تبحث عنها

صقر :أيـش ؟!!

:البنـ ...

صقر :لاتقول شي دقيقة وبكون في الشركة وابيك تجي لي المكتب

:حاظر طال عمرك

سكر صقر وهو مصدوم لما قرر يبدي من جديد لقوها واخيرا

جراح :شنو صاير ليش وجهك تغير

صقر :لقوها ..لقوهااا

جراح بصدمه :أيـش ...شنو ناوي تسوي الحين ؟ّ!

صقر :طبعا راح اروح واعرف شنو تسوي الحين

جراح :قصدك اذا كانت تزوجت او لا

صقر :مو شرط انا ابي اعرف كييف عايشه الحين

جراح :صقر انصحك انسى موضوعها ولاتروح تعرف أي شي عنها

انت راح تبدي من جديد مع زوجتك لاتخلي هذا الشي يهدمه وخاصه انك

ظلمة زوجتك

ناظر فيه صقر وتنهد وقال :مقدر بحثت عنها اكثر من 4 سنوات ما راح

اترك الموضوع يمشي كذا

جراح :واذا كانت مو متزوجه راح تتزوجها

سكت صقر فترة وبعدها قال :سبق و وعدتها بهذا الشي

جراح :انت مجنون تفكر انها تذكرك اصلا ....اصلا زين اذا كانت تذكر

انها كانت عايشة معكم فكر زين كان عمرها 5 سنوات اكيييد ماتذكرك

وعايشة حياتها وانت الوحيد العاشق هنا

صقر :جراح ارجوووك انا مصمم اعرف كيف تعيش الحين

جراح :استغفر الله طيب سو الي تبيه بس تذكر قبل انك متزوج ولازم

تطلعها من حياتك

صقر :انا رايح الحين

جراح :اووك

تقلبت على السرير بقهر وهي تذكر كلامه لها

مشعل :راح ابدي بكرة اشتغل في شركة ابوي و .... وعشان انساك راح

اكلم امي عشان تخطب لي

رنيم :لااا لااااا اكيييد ما راح يسويها بس هو يقول كذا عشان يحرني يفكر

اني بهتم ...ايه مايقدر يسويها بس .... لو سواها صدق شنو راح يصير

فيني ....يووووة شفيني بديت اخرف وشنو فيها لو خطب ...بس انا

صايرة اشتااق له كثيييير ....لا اكيييد هذا بسبب اني متعوده كل يوم

اشوفه ايه اكييد بسبب كذا ...آآآآآآآآآآآآآآآآآآآآآآآآآآخ والله مووووو عااااارفة

وش اسوووووي اهئ اهئ

كان رامي نفسه على السرير ويناظر السقف بسرحان

آآآآه يارنيم ليش حبيتك انتي من بين الكل ...والله اشتقت لك اشتقت لك

حيييييييل

من درت بالحقيقة ودموعها ما وقفت عن النزول ماقدرت تروح بيت

اهلها لانا راكان منعها ولانها ماحبت تضايق امها وابوها الي فرحوا لها

من كل قلبهم

تقدم لها بهدوء وقال :ارجووووك يكفي بكــــي

الجوري :انت كسرت قلبي مثل ما سوا صاحبك ...ماتختلفون بشي

تعلقوا الناس فيكم بعدها تجرحونهم ولا كأنه شي صاير

نزل راسه بحزن وقال :بس هو ندمان ويبيك ...وحاول معي كثيييير

عشان اتزوجك وبعدها ترجعي له ....الجوري انا حبيتك وكان المفروض

ما احبك ولا اخليك تحبيني بس ....ماقدرت والله ماااقدرت حبيتك غصب

عني

الجوري :وجرحتني بعد غصب عنك ؟؟!!

ناظر فيها بحزن وقال :ادري غلطت بس كيف اصلح غلطتي

الجوري :طلقني

ناظر فيها بسرعه وقال :ليش تقولي كذا

الجوري :بس انت كنت حاسب من البدايه انك راح تطلقني

راكان :ماتوقعت انها بتكون صعبه علي ....الجوري لك حريت االاختيار

تبيني او تبين ناصر الي ينتظر رجعتك له اليوم قبل بكرة

ناظرت فيه بألم وقالت :كيف ارجع لانسان جرحني وحطمني ولا صدقني

وكيف تبيني اجلس مع انسان تزوجني لمصلحة صاحبه ...انا ماابي ولا

واحد منكم ماااااااااااااااااااااااااابيكم

غمض عينه بألم وتقرب لها وقال :انتي متأكدة

ناظرت فيه والدموع تنزل من عينها وقالت :ليتني ماعرفتك ولاحبيتك

ليتني ظليت في بيت ابوي ..... اكرهك اكرررررررررررررهــــــــــك

تقرب لها بسرعه وحضنها وهي صارت تبكي وتصرخ بأنهيار شديد

وتضرب بقبضة كفها على صدره وتردد كلمتها :اكررررررهـــك

وصل للشركة ودخل مكتبه بسرعه وطلب يشوفه بسرعه

طق الباب ودخل

صقر :بسرعه عطني جميع المعلومات عنها

: _____________

نرجع لحنين وحور

ناظرت في عينها تنتظر الكلام الي بتقولة

حور :قتل اخي

حنين :أيـــش

حور :قتل اخي انا اكرهه واكره هذا البيت

حنين بصدمه :حور انا مو فاهمه الي تقوليه

حور :صقر وكل اخي يبحث عن شخص وعطاه فرصه يلاقيه خلال

شهر .....اخوي ماقدر يعثر على هذا الشخص وبعد الشهر .......طرده

من الشغل نزلت دموعها وكملت :طلع منهار من الشركه والهم معه

هو الي يصرف علينا بعد ابوي الي صار مايقدر يشتغل شي ...صار

يمشي في الشوارع ومو عارف وين يروح وكيف يخبرنا بسبب تفكيرة

وسرحانه صدمته سيارة

غمصت عينها بقوة ونزلت دموعها اكثر

:ماات مااات من ذاك اليوم وانا ابي انتقم لااخوي

حنين :وانتي الحين تكرهي هذا البيت كله حتى سديم !

حور :انا ما اكره سديم هي مالها ذنب بس اكره صقر كنت راح اوقفك

يوم العقد بس ماعرفت شنو اقول لك

حنين بحزن :حبيبتي حور اخوك ما مات بسبب احد ..انا ما اقول هذا

الكلام لان صقر زوجي لا انا اقول كذا لان ذاك اليوم كان يوم اخوك

حتى لو ماطرده صقر من الشغل كان راح يموت يمكن كان راح يسرح

بشي ثاني وراح تصدمه السيارة هذا هو قدرة

حور :لا صقر هو الي قتله

حنين :حور انتي اقوى من كذا وانتي عارفة ان اخوك اكييد مايبيك تسوي

شي غلط هو راح ياخذ حقه من عند رب العالمين اذا كان له حق

حور :بس ...

حنين :لا بس ولا شي اتركي هذي الافكار وادعي لاخوك بالرحمه ...

حور

حور :هلا

حنين :ابي اسألك اذا ابوك مايقدر يشتغل الحين واخوك مات الله يرحمه

...انتوا كيف تقدروا تدبروا امركم

حور :الناس الطيبه للحين موجوده في شخص ما اعرف من بس هو من

توفى اخوي وهو دائما متكفل بكل شي حتى إن مانحس بشي ناقص

حنين :الحمد لله

حور :انا اسفه حنين ضايقتك معي وخاصة انه زوجك

حنين :لاتقولي كذا وبعدين انا الي لزمة عليك عشان تقولي

حور :الله لايحرمنا منك

ابتسمت لها وناظرت في البنات الي منذمجين في الفلم وابتسمت لهم

بحب

:طال عمرك المعلومات الي عندي تقول إن قبل 5 شهور تقريبا صار

مع ابوها وامها حادث الابو مات والام في غيبوبه وهي مالها احد في هذي

الدنيا غيرهم عشان كذا صديق ابوها اخذها معهم عشان تعيش وهي الحين

تعيش في بيتـ ......

سكت وهو يناظر بموقع البيت بصدمه

صقر بتوتر :لييييييش سكت كمل

رفع راسه وناظر في صقر وقال :هي تعيش الحين في بيتكم

صقر بأستغراب:أيـــش ....ههههههه انت وش تقوول محد عايش معنا في

البيـ ......

سكت بصدمه و وسع عينه وتذكر

الاسم

العين

الشعر

الضحكة

الدموع

الناي الي هداها اياه في صغرها

وطقات قلبه كل ما شافها خاصه اول يوم شافها تسارعت طقاته بشكل

مرعب

ارتجفت ايده وعينه صارت تدور بالمكان وقال :حنـيـن !

جلس على الكرسي بأنهيار وهو يذكر وش سواء معها من اول ما جات

نظرات الاحتقار

الكلام الجارح

ضربها

شتمها

اخذ اغلا ماعندها غصب عنها

حط ايده على راسه وقال :اطـــلع

طلع الرجال وهو مصدوم ومو عارف كيف يعلق على الي شافه

دخل جراح على طول ولما شاف حال صقر وقف قلبه من الخوف عليه

توجه له بسرعه وقال :صقررر شفيــــــــــك !!!

صقر بصدمه :هي نفسـ ـهاا !

جراح :من هي

صقر :طفلتي حنيـن هي نفسها زوجتـ ـي حنيـ ـن

وسع عينه بصدمه وقال :أيــــــــــش !!

صقر :ضربتهـ اا شتمتـ ـهااا ظلمتـ ـ ـهااا .... 5 شهور وهي عندنا

وانااا ابحث عنهااا كانت قدااامي كل يووم اشوفها وكل يوم ارمي عليها كلااام اقسى من الي قبله بس كيــف كيــــــــــــــــــــــــــــــــــــــــــــــــ ـف

وقف وصااار يرمي كل شي على المكتب بأنهيااار وكسر كل شي قدامه

ويصرخ بقهر وانهيااار كيـــف

حاول يمسكه جراح بس ماقدر

طاح على الارض بأنهيار ونزلت دموعه وقال :حبيتها مرة ثانيه ورفضة

هذا الحب بضربي لها قلت يمكن اكرها كذا بس كل مرة اقسي عليها اكثر

احبهاا اكثر ....سحبتها من شعرها ..تفلت عليها ..رفستها ..عذبتها

وعيشتها بخوف بس عشان لا احبها وفي الاخير طلعت هي نفسهاااا !!

نزل جراح لمستواه وقال :عندك فرصة تقدر تصلح كل شي

هز راسه بلا وقال :ما راااح تسااااامحني ما راح تسااااااااااااامحنيـــــــــي

وبدء يبكي مثل الاطفال بأنهيار

اما جراح فما قدر يسوي شي كان متفاجئ كيف صقر القوي ضعف كذا

فجأة

كانت تضحك وتسولف مع البنات ولا تدري إن في انساان بكى والسبب

حبه لها

صقر :حنيــــــــــــــــــــــــــــــــــــــــــــــ ــــــــــــــــــــــــــــــــن

نهاية البارت