من عرفتك بدء عمري ..زاد النبض في صدري ..سرقت بضحكتك عمري الفصل التاسع عشر 19 - بقلم أسرار العيون

كان يبي يسمع أي شي يعطيه امل ان سلطان عايش دخل غرفة الدكتور راكان
راكان وقف :هلا رعد شفيك ؟!
رعد :راكان الله يخليك تأكد من اسم ولد عمي تأكد هو الي مات ولا لا
راكان :معني مو المسؤول عن حالة سلطان بس راح اتأكد لك
اتصل راكان على الدكتور المسؤول وبعد دقايق من المحادثة صرخ راكان بغضب :كيف تغلط هذي الغلطة كيف تلخبط بينهم انت مجنووون هذا فيها فصل من المستشفى انت صاااااحي
سكر بغضب وناظر في رعد بأحراج وقال :انا اسف يا رعد بس صار لخبطة في الملفاات والاسماء والحين تأكدت ان ولد عمك عايش وما فيه الا كل خير و اليوم راح يفتح عينه وتقدروا تشوفوه
رعد بفرح :الله يبشرك بالخير الله يبشرك بالخيرررر انا كنت حاس انه ما مات كنت حااااس الحين عن اذنكم ببشر الاهل تلاقيهم ميتين من البكي
ابتسم له راكان وطلع رعد بسرعه وخبر الكل الي كلهم حضروا المستشفى والي نايم جلسوه

*
*
*
*
*
*
*
*
*
*

في المطار الكل يودع اسرار
ريم وهي تمسح دموعها :انتبهي على نفسك حبيبتي
ابتسمت لها بطيبه وحضنتها وقالت :يلاااا عاااد لا تبكين وبعدين كلها 3 ايام وراجعه لكم
ريم :ولوو بنشتاق لك
ابتسمت وبعدت عنها وحضنت شهد الي صارت توصيها وما قصرت معها
وبعدها امجاد
اسرار :يلا شباب اشوفكم على خير
الشباب :انتبهي لنفسك
ابتسمت وصارت عيونها تدور على شخص ما حظر
فهد :تدورين على احد
اسرار: هاا لا ... يلاا بنات صار لازم ارووح الحين
ودعوها وراحت بابتسامه دارت لهم ولوحت بأيدها ودارت تكمل مشي
كان يناظرها من بعيد ويبتسم ويقول في قلبه (توصلي بالسلامة يا اسرار )
وقفت ودارت لأخر مرة تتمنى تشوفه بس للأسف خاب ظنها لانها ما شافت احد
ركبت الطيارة تحس تبي بسرعه توصل مو قادرة تتحمل
غمضت عينها واقلعت الطائرة عائدة للسعودية لارض الوطن

*
*
*
*
*
*
*
*
في المستشفى
ام سلطان :ووووينه ولدي وييييينـــه اببببببي اشوووووووووفة
رعد :الحين راح تدخلي بس مو الكل يدخل يعني بس اثنين
رنيم :انا بدخل انا ابي اشووفة
دخلو ام سلطان ورنيم لسلطان الي مو قادرين يصدقون انه ما راح
برا عند جنى ولمى
كانت تناظر فيها بحزن والم ودها تروح لها وتحضنها وتقول سامحيني يا اختي وتوامي ساااااامحيني فضلت جرحك على جرحي سااااامحي انانيتي
بس جنى ما صارت تناظر فيها من قالت لها كل شي
جنى (مو مصدقة انه عايش وبقدر اعترف له بكل مشاعري ياااااربي مو مصدقة انه يحبني بعد يوووة انا بشنو افكر صدق غبيه اصلا كل شي انتهى خلاص كيف بقبل بحبه واختي تحبه وتتمناه كيف باخذة وهو الشخص الي انجرحنا انا واختي بسببه كيف بنسا الي صار ..وانا ليش افكر كذا ليش افكر انها بتتألم وخايفه عليها وهي الي جرحتني والمتني بدون لاتفكر وتقول اني اختها يوووووووة خلااااااااااااص ماااابي افكر تعبت والله تعبت ابي ارتاااااااااح )

الكل تحمد لهم سلامة سلطان الي طوول الوقت نايم وللحين مافتح عينه

يوم جديد
فتح عينه بصعووبة وارهاق وردد :مااي ..مـ ـاااي
ام سلطان بفرحه :حمد لله على سلامتك ولدي
وقامت تصب له موية
رنيم :يااااانحيـــــــس ليش سويت كذا خوفتنا عليك
ابو سلطان :حمد لله على سلامتك ..خوفتنا عليك
ابتسم لهم وقال : سلامتكم من الخووف حقكم علي انا اسف
حضنته امه وقالت :لا تسوي كذا مرة ثانيه والله بموووت
سلطان :بسم الله عليك يمه لا تقولي كذا تزعليني منك
رنيم :يووووة يمه خلاص مسحي دموعك شوفيه مافيه الأالخير
ام سلطان :يمه ليش سرعت بقوة وسويت كذا بحالك
سكت ودار وجهه وعلامات وجهه كلها تغيرت
ابو سلطان : مو وقته هـ السوال اهم شي انه بخير الحين وبصحه وعاافيه
يلا خلوه يرتاح بعد ساعه كلهم بكونو هنا
سلطان :لا عاادي يبه انا مو تعبان سولفوا معي
ابتسموا له وصاروا يسولفون لين جو العيلة كلهم

*
*
*
*
*
*
*
فتحت عينها بإزعاج من صوت الراكبين صحت وشافت الكل ينزل بسرعه اخذت شنطتها ونزلت من الطائرة
ابتسمت لما تنفست هواء وطنها وصارت تمشي لين شافت اخوها باستقبالها راحت تركض له بفرح وحضنته معنها بس شهر بس حست بالغربة هناك واشتاقت لكل شي هنا
سالم :حمد لله على سلامتك اسوور
اسرار :ههههه الله يسلمك يلا بسرررعه ودني البيت اشتقت لامي وابووي كثيرررر

*
*
*
*
*
*
*
*

شافه يمشي متوجه لمكتبه راح له بسرعه وقال :رعد رعد
رعد دار وابتسم :هلا براكان
راكان :هلا بيك زوود
رعد :امر بقيت شي
راكان :كنت ابي اسألك عن موضوعي
ابتسم وقال :خبرت عمي وقال انه يبي يشوفك بس تعرف على الي صار تأجل الموضوع ودام الحين الكل تطمن تقدر تقابلة اليوم في بيتهم هو عطاني موعد لك
راكان :متى الموعد
رعد : بعد صلاة المغرب ان شاء الله
راكان ابتسم وقال :ما تقصر مشكووور
رعد :العفوو ما سويت شي
راكان ابتسم وتباعد عن رعد وصار يمشي واختفت ابتسامته الي كان مبينها لرعد وبدت على وجهه بس ملامح الضيق والحزن

*
*
*
*
*
*
*
*
*
دينا وهي تكلم جوال :اسيل وينك للحين ما جيتي
اسيل :انا الحين في المستشفى اشوي واكون عندك
دينا :اوكي يلا انتظرك بااي
سكرت ورفعت راسها شافت رعد عوت بوزها بملل
ناظرها رعد وقال :الحقيني للغرفة
دخلت معه ولبس البالطو الابيض ناظرها وقال : وين المريضة اسيل للحين ماجت
دينا :الحين تكون وصلت
انطق الباب ودخلت اسيل
رفع راسه لها بس ملامح وجهه مو مثل الي في قلبه كان يتظاهر بالجمود وعدم الاهتمام
اسيل :السلام عليكم
رعد ودينا :وعليكم السلام
رعد :تفضلي جلسي
جلست وناظرت في دينا وابتسمت ورجعت تناظر في رعد بدون اهتمام للي صار
رعد :طبعا مثل ما سمعت انك ما تبين تتنومين في المستشفى فأنا ضبطت لك مواعيد لازم تجينها بس يطلب منك انك تبيتي في المستشفى يوم يعني بكون يومين في الاسبوع راح تنامي هنا و يوم بتجي عشان نشوف التحاليل ولازم تداومي على الادوية الي بنعطيك اياها واذا حسيتي بألم لازم تجين بسرعه ومثل ما سمعت انك ما تبين احد من عيلتك يعرف عن الموضوع
هزت راسها بأيه
رعد :معني ما افضل هذا الشي بس هذا الشي يخصك
اسيل :شنو هي الايام الي بنام هنا
رعد :بكون يوم الاثنين والخميس والايام الي بتكون بس فحوصات هو السبت ....الحين لازم نسوي لك بعض التحاليل وبعطيك الأدوية وبكرة الاثنين لازم تجين من الساعه 1 الظهر وخروجك بكون 1 الظهر
اسيل :ممكن طلب
رعد :تفضلي
اسيل :ابي الدكتورة دينا هي الي تكون مشرفة على حالتي والتحاليل وكل شي
رعد عصب وقال :الشي هذا مو على كيفك واذا موعاجبك روحي شوفي مستشفى ثاني يقبل بالي تبينه
اسيل عصبت وقالت :حتى اخر طلب اطلبه منك ترفضه
ناظر في عينها وهي دارت راسها عنه ما تبي تشوف نظراته الي تحس انها تخنقها
رعد : دكتورة دينا ممكن تتركينا اشوي
اسيل بسرعه دارت وقالت :لا لاتطلعي
رعد ناظر في اسيل ورد ناظر في دينا وقال :اتوقع سمعتي شنو قلت
اسيل :انا مااابيها تطلع وبعدين تبي تقول شي قوله قدامها مو هي جايه تتعلم منك فلازم تسمع كل الي بتقولة
رعد بدء يفقد اعصابه ناظر في دينا نظره خلتها تفهم قصده وتطلع بسرعه
اسيل :ليه خليتها تطلع
رعد :اسيل
تجمدت مكانها وناظرت في عينه الي واضح منها الاشتياق بعدت نظراتها بسرعه وقالت :دكتور رعد ارجوووك انا هنا اتعالج مابي اسمع أي شي يسد النفس
رعد :انا احبك يا اسيل وما نسيتك
بسرعه رفعت راسها بصدمه وقالت :انا هناااا مريضة الي تعرفها من زمااان ماااتت
رعد :انتي مو فاهمه شي
دارت راسها له وناظرت في عينه وقالت بعصبيه :شنوووو الي مو فاهمته انك رحت وخطبت غيري رحت وخليتني جثة بلا روووح شنوووو تبيني افهم
رعد :انا احبك يا اسيـــــل
وقفت بسرعه وقالت :بس بس بــــــس خلاااااااص تعبت من كذبك الي وصلني للموووت تدري تدري اني انتحرت والسبب انت لو لا ربي اعطاني عمر اصلح فيه خطأي لأكنت مت وانا مذنبه تدري صحيت من الغيبووبة وقالو لي ان ابوي مات ماااااااااات والسبب انا الي نسيت ديني واهلي عشااانك مااات وهو زعلان مني كل مرة اناظر في خواتي واخواني اشوف الوم والقهر يتمتهم وخليتهم يعيشوا في حرمااان مو قاااادرة لليوم اناظر في امي من خجلي لليوووم مو قاااااااادرة اسامح نفسي والحين تجي وتقول لي انتي فاهمه غلط للحين تتجرا وتقول لي انك تحبني للحيــــــــــــــــــــــــــن انااا خلاص عفتك ياااا رعد عفتــــــــــــك
وطلعت وسكرت الباب بقوة من قهرها من حزنها من كل شي
اما رعد جلس بصدمه على الكرسي وكلامها للحين يردد في ذهنه يحس قتلها وهي حيه مو قادر يصدق الي سمعه منها صدمه قوووية على قلبه ماكان يدري على الي يصير معها كان يفكر انه هو بس الي كان منجرح كان يبي يقول لها انه فسخ خطوبته وانه دور عليها من زمان يبي يخطبها بس هم غيروا عنوان بيتهم وهي غيرت رقمها كان يبي يقول لها انه اشتاااق لها حيييييييل وانه ما يقدر يعيش بدونها انه مات وهو حي انه مل من هذي الحياة انه تمنى المووت مليوووووون مرة ولا انه يعيش بحياة اسيل مو فيها
شافتها طالعه وتركض ركضت وراها بس ما قدرت توقفها لانها كانت اسرع منها وخرجت برا المستشفى رجعت ودخلت داخل وانصدمت من منظر رعد الي اول مرة تشوفة كذا من توظفه في هذا المستشفى تحس انه صار ضعيف وانه محتاج احد بس هي ما تقدر تدخل بينهم ولا تواسيه لانها بالنسبه له بس دكتورة تتعلم عنده
دينا :دكتور رعد
رفع راسه وشافها
دينا : دكتور اسيل طلعت والمفروض نسوي لها تحاليل ونعطيها ادوية
رعد بهدوء غرريب :اخذي تحاليل المرة الي راحت وجيبيها لي وانا بوصف الادوية لها و وصليها لها
دينا :اوكي
دارت بتمشي بس وقفت ودارت له وقال :دكتور رعد
رفع راسه وناظرها
دينا :صحيح الموضوع ما يخصني بس من معرفتي بأسيل ونظراتها لك ....اممممم اسيل محتاجتك وللحين احسها تحبك
وسع عدسة عينه بصدمه وقال :وانتي شنو عرفك بالموضوع ؟!
دينا :اسيل قالت لي ...عن اذنك
طلعت وخلته مصدووم يعني اسيل للحين تحبني ولا هذا بس احساس تحس فيه دينا

*
*
*
*
*
*
*
الكل دخل ماعدا ثنتين ظلوا واقفين عند الباب
جنى بهدوء :دخلي انتي يا لمى
لمى بسرعه ناظرتها بصدمه
جنى :انتي عندك فرصة الحين عشان يحبك انا بكون البنت الي ما تحبه بس انتي لازم تخليه يحبك
لمى بصدمه :جنى انتي شنووو تقولين
جنى : كذا احسن لنا حنا الثنتين انا بنساه بس انتي يا اختي ما تقدري تعيش بدونه انا الحين كرهني واكييد حاقد علي اخذيها فرصة وتقربي له
لمى بعصبيه :بس انا الي قلت الكلام له مو انتي و ......
قاطعتها وقالت :لمى خلااااااااااص دخلي انتي انا مابي شي من هذا الحب مليت وابي ارتاح مااابي اتعب اكثر من كذا روحي انتي يا لمى
لمى :بس انا راح اقول له كل شي
ناظرت فيها وقالت :لا لاتقولي شي خلاص انااا مابي شي منه انتي كملي مشوارك ودام سلطان بخير انا بخير
نزلت راسها وقالت :حافظي عليه زييين يا لمى لا تجرحيه وحاولي تبدين من نقطة الصفر و وعد مني اذا خليتيه يحبك انا راح اسامحك وانسا كل الي صار
لمى والدموع تجمعت في عينها :سااااااامحيني يا اختي سااااااااااااامحيني
جنى والي لازالت منزلة راسها :دخلي الحين لا يفتقدونا واذا سألو عني قولي لهم اني رحت للكافتيريا الي في المستشفى
لمى :ما راح اسامح نفسي ياجنى ماااا راح اسامح نفسي
دخلت داخل ورفعت راسها جنى ونزلت دموعها الي كانت ماسكتنهم من البداية
جنى :الله يهديك ويوفقك يا لمى .....سااامحني يا سلطان ما قدر اعترف لك مرة ثانيه شكله مكتوب علي الشقي
دخلت لمى وطاحت عينها على سلطان الي كان يبتسم لرنيم الي تمزح معه
سديم :لمى وين جنى
من سمع اسمها دار يشوفها
لمى :راحت الكافتيريا
ضغط على ايده بقهر وقال في قلبه (لهدرجة ما تبين تشوفيني يا جنى وانا الي صارت كذا حالتي والسبب انتي آآآآآه ياجنى جرحتيني جرح مقدر انساااه )
لمى ناظرته بألم وقالت له :حمد لله على السلام سلطان
ناظر فيها وقال :الله يسلمك
رنيم :متى قالو بطلعوك ؟
سلطان :يمكن بعد 3 ايام
ام رعد :يلا بنات مشينا خلووه يرتاح يلا سلطان ما تشوف شر
سلطان :الشر مايجيك مرة عمي
ام صقر :يلا بنات حنا بعد بنمشي الله يقومه لك بالسلامة يا ام سلطان
ام سلطان :الله يسلمك ما تقصروا
وقاموا الباقي ومشوا بعد بس رنيم الي مارضت تروح مع امها وابوها الي تعبو من الكلام معها
دخل صقر ورعد و طلال و ماجد و وليد و مشعل ومحمد اما رنيم طلعت عشان يأخذوا راحتهم
صقر :سلامااااات يالغالي ماااتشوف شر
سلطان :الشر مايجيك
وليد :الله يهديك خوووفتنا
سلطان :ههههه ابي اشوف غلاتي عندكم
ماجد :ها ها ها بااايخ وقفت قلوبناا وتقول تشوف غلاتك
طلال :ههههههه حرااام عليكم اكلتووه كأنه السبب الله يهدي هذا الدكتور الي غلط بالملفات والاسم
محمد :سمعت ان عمي يبي يشتكي عليه
رعد :ايه بس انا كلمته والرجال اعتذر واشوي ويبكي لانه متغرب من بلدة عشان يشتغل والحين يطلع من الوظيفة فتعاطف معه عمي ولا راح يشتكي بس طبعا ما قصر في الكلام والتهديد
مشعل :بس صحيح كيف صار الحادث
تنهد بحزن وقال :كنت مسرع ولا انتبهت للشاحنة الي طلعت من الافه
طلال :اخر الاصابات ان شاء الله
ماجد :هههههه حبيت هذي انا اسمع اخر الاحزان مو اخر الاصابات
صقر :تستظرفون حضراتكم كل واحد مسوي في نفسه نكته
رعد :ههههههههه
سلطان :صدق وين جراح غرريبة ما شوفة معكم
صقر : حتى انا لي كم يوم ما اتصل علي ولا انا اتصلت عليه وشكله بعد ما يدري عن الي صار معك
طلال :يوووة ذكرتوني بتصل لأسامه اكييييد ما يدري انك للحين عايش
سلطان :هههههه وصلتو الخبر لأسامه
ماجد :بعد هذا موت لازم الكل يعرف منا ولا بينصدم من الغريب
طلال تباعد واتصل على اسامه
جلس من النوم على صوت جواله رفعه بدون لا يناظر الاسم
طلال :هلا اسامه
ناظر الاسم بسرعه يبي يعرف منو هذا الي يعرف اسمه ابتسم لما شاف اسم طلال :هلا طلال
طلال :بقول لك ابشارة
اسامه :شنو ؟؟
طلال :سلطان طلع عايش بس صارت اشويت لخبطة
اسامه :احلف
طلال :والله
اسامه :ههههه الله يقربل بليسه خرعنااا سلم لي عليه وتحمد له بالسلامة بدل عني
طلال :يوصل يلا الحين بسكر فمان الله
اسامه :فمان الكريم
قام من السرير بفرح من هذي البشارة وقف وهو يحس بالهدوء في الشقة بعد المزعجة اسرار ابتسم لما تذكرها بس بعدها اختفت الابتسامة وسرح لبعيد للي حبها وسرقت قلبه وبعدها تركته سرح بالي كانت قربه بس هو كان يظنها بعيدة سرح بذكرياتهم وايامهم :آآآآآآه ياااادنيااا جمعتيني مع وحدة لها الاسم نفسه آآآه ماكنت اقدر انطقه لاني لو نطقته احسه بيفضح حبي المدفون بس نطقته حسيت ان اضلاعي طلعت من مكانها آآآه يا اسرار ليه تركتيني هاجرت لهنا بس عشان انساك بس شكله مافي فايدة لاني احس اني اتذكرك اكثر من اني انساك

*
*
*
*
*
*
*
*
حضنت امها من شافتها وقالت :اشتقت لك اشتقت لك يمه
ام اسرار :وانا اكثرر يا حبيبتي شخبارك في بريطانيا ان شاء الله مرتاحه
اسرار ابتسمت :الحمد لله مرتاحه
ام اسرار :وشخبار الدراسة هناك
اسرار :حلوو بس فيها صعوبة
ام اسرار :والله فتقدنا المرجوجة اسرار
اسرار :هههههه وانا بعد فتقدت صراخكم علي صحيح يمه شخبار حنين ان شاء الله بخير انتي تتواصلي معها ؟
ام اسرار :ايه بس مو دايما هي بخير الحمد لله
اسرار :ابي اروح لها الحين
ام اسرار :الحين !!
اسرار: ايه خير البر عاجلاُ
سالم :ههههههه ما عرفتك صرتي تقولي حكم
اسرار :افا عليك بس الحين ياااخوووي الغالي وصلني لحنين
سالم :دامه اول يوم لك هنا بنفذ بس بعدها لا
اسرار :هههههه اجل بستغلك اليوم استغلال
سالم :نصابه حياة عمرك
اسرار :هههههه بسم الله علي يلا اقول قوم وصلني
سالم :يلا انا انتظرك في السيارة
*
*
*
*
*
*
*
*
في بيت ابو صقر
في غرفة سديم
سديم :والله للحين مو مصدقة الي صار
حنين :الحمد لله انه بخير وهذا اهم شي
سديم :مدري كيف يفكر هذا الدكتور قهرني والله
حنين :الله يهديه وقف قلوبنا كلنا .......سديم
سديم :هلا
حنين : ما لاحظتي ان جنى ولمى متغيرين مررة
سديم :ايه لاحظت بس قلت يمكن متزاعلين من بعض
حنين :مدري ليه احس ان الشي اكبر من كذا
سديم : الله اعلم ان شاء الله ما فيهم الاكل خير
حنين :ان شاء الله
طقت الباب ودخلت
ميري :مدام حنين في وحدة تحت في يبي انتا
حنين :مين ؟
ميري :مافي يعرف انا
حنين ابتسمت وقالت :اوكي الحين بنزل
طلعت ميري ولفت بسرعه حنين لسديم وقالت :غررريبة منو الي يبيني هذي اول مرة
سديم :والله عندي فضول قوي اعرف من يلا يلا خلينا ننزل بسرعه
قاموا وتوجهوا للمجلس وفتحوا الباب بس ما عرفوا مين لانها كانت عاطيتنهم ظهرها
سديم وهي تهمس لحنين :منو ذي
اما حنين فكانت ساكته وبس تناظر البنت وبهمس خفيف :اسرار

*
*
*
*
*
*
*
*
في بريطانيا
اخذ له شور سريع ولبس راح للمطبخ وسوا لنفسه كوفي وشربه بسرعه وطلع من الشقة ركب المصعد وابتسم لما تذكر الي صار فيه نزل من المصعد وصار يمشي متوجه لمحطة الباصات وقف فجأة ودار بس مالقا احد تذكر كيف كانت تمشي وراه وتشهق لما تشوف مناظر اول مرة تشوفها ولما تصقع فيه وهي سرحانه ضحك على نفسه مو قادر يبعدها عن باله وصل لمحطة الباصات وركب الباص جلس في مكانه دار وناظر مكانها كان فاضي تخيلها جالسه وتناظر في الشوارع وبعدها تدور تناظر فيه بسرحان ابتسم بس بسرعه حاول يبعدها عن باله وصل للجامعه
دخل وقابل فهد في طريقة قلب وجهه عنه هذا الانسان ما يبلعه ما يدري ليش
فهد :هلاااااااا رياااان شخبارك
ريان (اسامه ):بخير وانت
فهد :تماام احسك متغير اليوم
ريان :لا متغير ولا شي
فهد :احسك من تشوفني تقلب لا يكون مضايقك بشي وانا مادري
ريان : لا بس الحين ممكن تخليني اروح لانا محاضرتي تبدء الحين
فهد :اوك ولا يهمك
وتباعد عن طريقة من مشا ريان قلب وجه فهد من طيب لشخص حقود ما يحب أي احد يكرة كل الي حولة
فهد :والله لأخليك تندم يا ريان ما اكون فهد اذا ما خليتك تبوس رجلي ندم

*
*
*
*
*
*
*
*
*
:اسرار
دارت بسرعه لها ونزلت دموعها فرح حزن شوق وكل شي راحت بسرعه تركض وحضنت حنين الي للحين ما استوعبت
اسرار وهي تبكي :اشتقت لك حنووون والله انصدمت لما دريت عن ابوك وامك ولا قدرت اصبر ولا اجيك ساااااامحيني ساااااااامحيني ماقدرت اوقف معك لما كنتي محتاجتني
حنين لما استوعبت صرخت وزادت في حضن اسرار وبكي قالت :اسراااااااااااااااار مووووو مصدقة والله مو مصدقة انك قدامي انا مو في حلم مووو قولو لي اني مو في حلم
سديم وهي تمسح دموعها :مو في حلم حبيبتي هذي اسرار قدامك
صرخت مرة ثانيه بألم :آآآآآآآآآآآآه يااااا اسراااار راح ابووووي يا اسرار رااااااااح وتركني وامي مو راضيه تجلس وتحضني وتخفف وجع وحدتي موووو قاااادرة يا اسرااار اصدق راحوو وتركوووني وحدي ماعندي احد يااااا اسرار والله اني ابكي كل يوم آآآآآآآآه والله الوحدة تألم القلب آآآه آآآآآآه آآآآآآآآآآآآآآه
اسرار وهي تبكي :انا معك يااحنين معك لا تبكين قطعتي قلبي بسك بكي
سديم ما تحملت وحضنتهم هم الثنتين وكملت بكي معهم
بعد 5 دقايق هدئوا وصاروا كل وحدة تسأل عن اخبارها وشنوا مسوية
اسرار :وااااو رحتو مزرعه اكيييد استانستو
حنين :اييه حلوووة كثير المزرعة ولعبنا وحتى بنات عم سديم حلووين وطيبين مرررة
اسرار :والله جاني فضول اتعرف عليهم
سديم :خلاص قريب تشوفينهم ..الا صحيح كم يوم بظلي هنا
اسرار بحزن :3 اياام بس
سديم :يوووة مرة قصيرة الفترة
حنين :ليه بس 3 ايام
اسرار :لاني لازم ارجع للجامعه ولا راح يفوتني اشياء كثيرة خاصة ان الحين مو اجازة ولو تحسبوا الروحة والجيه
حنين :اهااا
سديم :يوووة نسيت اضيفك اسووور سوووري
اسرار :لاعااادي
سديم : لا ولو لازم نضيفك ثواني اروح وارجع
اسرار :اخذي راحتك
طلعت سديم وناظرت حنين بأسرار وقالت :نسيتيه
التفتت لها اسرار وهي مو فاهمه قصدها :شنو تقصدين
حنين :الي رحتي بريطانيا عشان تنسيه
اسرار فهمت عليها وابتسمت بخفيف وقالت :اكذب عليك لو اقول لك اني نسيته احس اني اذكره اكثر خاصة إنا ما عندي شي هناك غير الدراسة فطول وقتي افكر بس فيه
حنين :اجل ليه بتكاملي هناك
اسرار :لانا نفسيتي تكون احسن
حنين : قولي لي شنو سويتي هناك و شرايك بالسكن بروحك مايخوف ؟
اسرار ابتسمت لما تذكرت ريان وين تخاف وهو معها :ماسويت شي بس انضميت لشلة بنات واولاد
حنين :اولاد !!!
اسرار :ايه بس مو يعني اني مرة فالتها معهم يعني في احترام بينا واخوه اما عن السكن فحلوو ولا خايفة ولا ملانه
حنين :اها اجل زين
سكتت اسرار اشوي وبعدها قالت :تصدقي انا خايفة اني احب مرة ثانيه
حنين :ليش ؟
اسرار صارت تكلم حنين عن ريان وقالت لها كل شي عدا انها تسكن معه لانها عارفة ردت فعل حنين وهي عارفة اصلا انه غلط الي تسوية
حنين :يعني لهدرجة يشبه
اسرار :في المواصفات ايه وحتى في تنرفزه لي لانه كان يحب مرة ينرفزني والحين هذا بعد يحب ينرفزني بس شكلا مادري لاني ماشفته
حنين :انتي حبيتيه لانه يشبه الي كنتي تحبيه ولا حبيتيه لانه هو نفسه لشخصيته ولشكله ولكل شي
اسرار :لا انا ماحبيته بس خايفه احبه ....صدق انه وسيم وحلوو كثيرر بس مو عشان كذا احساس داخلي يجذبني له بدون أي سبب مقنع
حنين :اوكي بسألك سؤال لو اسامه الي حبيتيه له نسختين النسخه الاوله هو والنسخه الثانيه الي قابلتيه في بريطانيا انتي حبيتي اسامه من كل قلبك ومو قادرة تنسينه بس يطلع لك شخص نفسه بالضبط راح تحبيه ولا لا قلبك بس مع الي اخذه ؟
ابتسمت اسرار وقالت :اكييد لا حتى لو كان مثله بالضبط لانا قلبي واحساسي وكل مشاعري صارت لشخص ثاني فصعبه اني احب شخص ثاني لانه يشبه الشخص الي حبيته حتى لو قلبي حبه احساسي ما راح يحبه
ابتسمت حنين وقالت :اجل في حل واحد من الاثنين اما انه يكون هو نفسه اسامه وهذا مستحيل او ان احساسك تحول لشخص ثاني بدون لا تحسين
سكتت اسرار وهي تفكر في كلام حنين وبعدها دخلت سديم بالعصيرات والاكل

*
*
*
*
*
*
*
طلع من الغرفة وشافها تشرب بالكوفي الي شرته من كافتيريا المستشفى
مشعل :اشوي اشوي مو طاير
رنيم بقهر منه :وانت شاعليك مني
مشعل :اوك بكيفك انا نصحتك
رنيم سكتت اشوي ودارت له وقالت :صحيح شنو صار في البنت الي مو راضيه تتركك
مشعل من تذكر كلامها ارتبك :هااا ايه لا خلاص صارت ما تتصل لي
رنيم :احم احم قلت لك حلها عندي صحيــــح لازم الحين تنفذ شرطي
مشعل :لا والله ما بنفذة انتي الي سحبتي الجوال مني يعني مو مني
رنيم :صدق نحيس ولا تستحق
مشعل :انا بروح البيت تبين اوصلك
رنيم :لا مشكوور بجلس مع اخووووي الغالي
مشعل :جلسي معه لين تشبعي يلا بااااي
رنيم :انتظر لحظة
مشعل :شنوو
رنيم تقربت منه وقالت :فيك شي ؟؟
مشعل :لا ليه تسألي
رنيم :مدري احسك متغير علي كثيررر
مشعل سرح اشوي وبعدها قال :ما فيني شي بس تعبان وابي انام
رنيم :اوكي بس انت شفت حبك الي تبي تحبه وتعيش معه قصة حب حلووة
مشعل رفع راسه وناظر في عينها وبعدها بعدها عنها وقال :لا
رنيم :قلت لك هذا وجهي اذا شفت وصحيح لا تنسى اتفاقنا الي يخسر التحدي ينفذ 3 شروط للثاني
مشعل :ما نسيت وانتي الي بتنفذي الشروط وبتشوفي
رنيم :اوووك بنشوف

نهاية البارت
توقعاااتكم
شنو صلة اسامه في طلال والشباب الباقي ؟؟وليش غير اسمه ؟؟
سلطان هل بيكتشف ان الي قالت له الكلام هي لمى مو جنى ؟؟
وهل بحب لمى ولا لا ؟؟
اسيل هل بتسامح رعد وبترجع له ولا نهايتهم غير ؟؟
فهد وانتقامه شنو بسوي ؟؟
وبس
تحيااااتي لكم