من عرفتك بدء عمري ..زاد النبض في صدري ..سرقت بضحكتك عمري الفصل الثامن عشر 18 - بقلم أسرار العيون

يضيق الكون في عيني واشوفك في خيالي كون
أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر
أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر
أحبك لذة السكر أحبك ريحة الليمون
أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
أنا لا جيتك الاول بلا ثاني بلا عاشر
حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر

سلطان :جنى انااا ...
بلع ريقة وغمض عينه وقال :احبك
رفعت راسها بصدمه والدموع تجمعت من عينها من قهر وغيرة وحسرة وانكسار امتلكها
سلطان :انا احبك من زماااان وكنت انتظر اليوم الي اعترف لك فيه عشان اخطبك اذا كنتي تبادليني الشعور ادري انك مصدومه بس انا مو قادر اخبي اكثر يكفي السنين الي راحت وانا كاتم شعوري اتجاهك
رفع راسه وانصدم من دموعها
سلطان بخوف :جنى فيك شي ؟!
لمى بغيرة وكره وحقد وانانيه : بس انا ما احبك
وسع عينه بصدمه وقال :أيــش ؟!!
لمى بقسوة :قلت مااا احبببك تفهم ولا لا وبعدين انت كيف تتجرا وتقولها لي مااابي اسمعها مرة ثانيه منك اصلا انا اكرهك ولا اطيق شوفتك
سلطان :انتي تمزحين مو قولي انك تمزحي ارجووك !
لمى :صدق انك مثيرر للشفقة اقولك ما احبك تقول لي تمزحين انت ماتفهم
سلطان :بس انا كنت حاس انك تحبيني
لمى :احساسك غلط وبعدين اسمعني زين مابي اسمع منك هذي الكلمه مرة ثانيه لانك قرفتني لو ما بقى رجال في العالم غيرك ماحبيتك فااااااااااااااهم
سلطان بصدمه من كلامها الي جرحه وجرح كبريائه تراجع على وراء بخطوات مو متوازنة وطلع بسرعه من المطبخ
نزلت دموعها ومسحتهم بسرعه لما دخلت جنى الغرفة
جنى : لمى فيك شي من جيتي من بيت خالي ابو سلطان وانتي في غرفتك ولا حتى سولفتي معاي
رفعت راس اختها الي كانت منزلته وانصدمت من احمرار عينها وانفها
جنى بصدمه :شفيك ليه تبكين ؟؟!
لمى بعدت ايد اختها بقسوة
جنى :لمى صار شي في احد زعلك قولي لي ؟!ّ
ناظرتها بحقد اول مرة تناظرها كذا
جنى :لمى ليه تناظريني كذا انا سويت شي لك !!
لمى جات بتتكلم بس وقفو بسرعه لما سمعوا صوت صرخة من تحت
جنى بخوف :شنوا صاير
وراحت تركض تحت و وراها لمى
جنى ناظرت في امها وقالت :يمه شنوو فيه ؟!
ام جنى ببكي :ولد خالكم سلطااان ماااات
جنى بصدمه وهي تهز راسها بلا :أيــــــش !!
لمى جلست على الكنب بصدمه وتهز راسها بلا
جنى والدموع :يمه انتـ ـ ـي متـأكدة
هزت راسها بأية بألم وحسرة على شبابه
جنى :لا لا لاااا
وبدت تبكي
اما لمى لما استوعبت صرخت بقوة :لاااااااااااا سلطااااان ما ماتتت ماااامات
ناظرتها امها بشك بس جنى بسرعه اخذتها وركبتها فوق عشان امها لا تكتشف
في الغرفة
لمى بصراخ :اناااااااااااا الي مووووته اناااااااا آآآآآآآآآآآه سلطااااااااان ساااااامحني
جنى وهي تبكي وتهدي في اختها وهي مو فاهمه شنو تقول :لمى لا تقولي كذا
لمى ناظرت جنى وقالت بقهر :اكرهـــــــــــــــــــــــك اكرررررهك يااااجنى انت السبب انتي السبب
جنى بصدمه :لمى انتي شنو تقولين ؟!!
لمى :آآآآآآآآه آآآآآآآآآآآآآآآآآآآآآآآه اهئ اهئ
جنى وقفت بصدمه شنو قاعد يصير تحس انها في دوامه مو قادرة تطلع منها

^
^
^
^
^
^

سديم وقفت بصدمه وقالت :انت شنووو تقوووول
طلال والدموع تنزل على خده جلس بصدمه على الكنب وقال :لا سلطان ما مااات ما ماااات
صقر :لا حول ولا قوة الا بالله العلي العظيم
مشعل :توه جاني اتصال من رنيم وهي تصرخ وتبكي ورحت المستشفى وتأكدت من الخبر
حنين حطت ايدها على فمها بصدمه وصارت تهدي في سديم الي صارت تبكي
صقر :مو وقت البكي الحين ..قوموا وتجهزوا راح نروح بيت عمي ابو سلطان الحين رينم محتاجه وقفتكم معها
سديم ببكي :كيف مات ؟!
مشعل :حادث
حنين :إنا لله وإنا اليه لا راجعون
ام سديم :بسرعه قوووموا يلااا
مسحو دموعهم وتوجهوا لبيت ابو سلطان

^
^
^
^
^
في بيت ابو سلطان اعتلاه الصراخ والبكي
امس كان معهم ومساوين له عزيمه لانه رجع واليوم راح
رنيم :سلطاااااااااااااااااان لييييش رحت يااااخووووووووووووي ليـــــــــش
سديم وهي تبكي :بس يارنيم بس ما يصير الي تسوينه بنفسك
رنيم :مـ ـاااالي غيرررررة يااااسديم ماااااااااالي غيرررررة
حنين صارت تبكي ما استحملت موقف رنيم تذكرت نفسها قبل شهر تقريبا تذكرت فراقها مع اغلا اثنين
جنى كانت تبكي مو قادرة تمسك نفسها صارت تذكر ذكرياتها ندمت انها ما اعترفت له حتى لو كان يحب لمى او لمى تحبه كان المفروض تقولة ولا تكتم مشاعرها
اما لمى كانت ساكته و منصدمه من الي صار وبس تناظر في الي رايح والي راجع ومو مصدقة للحين ان سلطان مات تذكرت كلامها القاسي الي قالته له تذكرت كيف جرحته جرح ما يبرا تذكرت نظرته المنكسرة وصارت بس تردد انا السبب انا السبب

في مجلس الرجال
ابو صقر :خلاص يا بو سلطان قووي نفسك ما يصير الي تسويه انت رجال مؤمن لازم تكون اقوى من كذا
ابو سلطان :ولدي الوحيد راح راح وانا ما شبعت منه راح قبلي يا عبد الرحمن
نزل راسه ونزلت دمعته صعبه يفارق ولده الوحيد صعبه
اما الشباب الي تنزل دموعه بهدو والي ماسكنهم والي مقوي نفسه
رعد :لا سلطان ما مات صدقوني
صقر: تعوذ من ابليس يا رعد هذا غضاء وقدر
رعد وقف
صقر :وين ؟
رعد :بروح المستشفى
صقر :ليش
مشا رعد ولا رد على صقر

^
^
^
^
^
^

جلست من النوم بفرح واخذت لها دش سريع ولبست ملابسها وجهزت شنطتها الي حطت فيها بعض اغراضها لانها بترجع بعد 3 ايام ناظرت من النافذة وابتسمت بنشاط ناظرت ساعتها وشافت انه باقي على طيران الطيارة 6 ساعات
طلعت وسوت لها فطور وصارت تآكل والابتسامة ما فارقت وجها
طلع وناظرها ضحك بس راحت ضحكته وهو يحس بأنه راح يفقدها ويفقد شقاوتها معه
حست بأحد يناظرها رفعت راسها وشافته وقالت :مطول
ريان :احم سويتي لي معك فطور
اسرار :ترا والله انا مو امك ولا اختك ولا زوجتك
بلع ريقة من كلمتها الثالثة وما حس على نفسه انه ابتسم
اسرار وسعت عينها وقالت :مافي شي يستدعي للابتسامه
ريان :لا يكون حرام بعد ابتسم
عوت بوزها ورجعت تاكل
ريان :المفروض تسرعين ترا المطار يبعد عن هنا ساعه ونص وغير زحمة الطريق يعني بعد ساعتين توصلين وعلى ما تودعين الشله وننزل الاغراض بخلص الوقت
اسرار وهي تاكل :كلهم بجون معي المطار يعني بودعهم هناك ليش انت ما بتجي المطار معهم ؟
ريان :وليش اجي اصلا يوم السعد لما بتطلعي من هنا وتخليني اخذ راحتي
اسرار :حتى في اخر يوم لي هنا تعاملني كذا عاملني بطيبة على الاقل بس اليوم
ريان :ليش انتي مو ناوية ترجعي هنا ؟!ّ
اسرار قامت من الطاولة الي كانت في منتصف المطبخ وقالت :لا برجع اكييد بس يعني 3 ايام ما بتشوفني يعني ممكن اموت
ريان بتسرع :بسم الله عليك ليه تقولي كذا
رفعت راسها بصدمه
ريان توتر وقال :مو انتي قلتي اعاملك بطيب لانه اخر يوم
اسرار :هاا ..ايه
ريان :يلا اسرعي بقاء 5 ساعات
اسرار :لهدرجة مستعجل على فراقي
ريان :هههه يب يب
اسرار بقهر :ما بتتغير
وراحت غرفتها تجهز نفسها
ريان وهو يكلم نفسه :مدري ليه احس اني بشتاااق لك
بعدها استوعب وصار يضرب فمه بأيده :شنوو اقول انا صدق جنيت
طلع و وقف عند المصعد ينتظر وصوله ابتسم لما تذكر الي صار في المصعد
بس اختفت ابتسامته لما فتح المصعد وطلعت منها امجاد
ريان وسع عينه وبسرعه دار وصار ملازق الي وراء الطوف طبعا هي ما انتبهت لانها كاانت تحوس في شنطتها
صار يدور على جوالة لازم يقول لاسرار عشان تشيل اغراضه
ريان اتصل على اسرار بس ماترد :اففف شفيها ذي بعد ماترد
شاف امجاد وهي تطق الجرس
ريان :ياااربي لازم اتصرف
اتصل على امجاد الي انصدمت من شافت رقمه ابتسمت وبسرعه ردت
امجاد :الوو
ريان :هلا امجاد انا ريان
امجاد بفرح :ايه اهلين
ريان :مشغولة انتي الحين
امجاد ناظرت باب شقة اسرار وقالت :لا
ريان :ممكن اقابلك
امجاد بفرح وشوي وتطير :ايه ايه عادي بس وين
ريان :الكافتيريا الي متعودين نروحها
امجاد وهي تتجه للمصعد وتضغط على الزر عشان يجي :اوكي دقايق واكون عندك
ريان :اوكي باي
سكر وناظر في باب الشقة بقهر ورطته بدون لا تدري

^
^
^
^
^
صارت الساعه 2 الليل البعض رجع بيتهم والبعض ضلوا في بيت ابو سلطان
اما جنى ولمى رجعوا لانهم مو قادرين يجلسوا اكثر ودهم يبكون بأعلاء شي ويصرخوا كتموا كثير ويبون يفرقوا الي في قلبهم كل وحدة دخلت غرفتها وصارت تبكي
عند جنى بدت تمسح دموعها وقالت :اكييييد لمى محتاجتني اكثر انا اعرف عن حبها له بس هي ما تعرف لازم اوقف معها واساعدها
طلعت من غرفتها ودخلت غرفة لمى وشافتها جالسه على السرير ولامه نفسها وتبكي بحرقة
جنى حضنتها وقالت :بس بس يا اختي حرااام الي تسوية في نفسك انتي اقوى من كذا
ناظرتها لمى بعتب جنى ما قدرت تتحمل نظرات اختها الي مو فاهمه سببها
جنى :لمى قولي لي شنوو فيك ؟؟
لمى بدت تتكلم بصراخ :كله منك كله منك تدرين شنو قال لي امس لما شفته في بيتهم تدرييين
جنى باستغراب :شنو ؟
لمى ودموعها تنزل :كان مفكرني انتي سألني انتي جنى تدرين شنو قلت
جنى ودموعها بدت تنزل على حال اختها
كملت :قلت له ايه انا جنى
وسعت عينها بصدمه بس ما تكلمت تبي تسمع كل شي
لمى :وتدرين شنو قال لي قال انا احبك يا جنى من زمااااان احبك من زماااااااان وكان يبي يعرف شعورك اتجاهه ....وضحكت بسخرية :هه قلت له انا ما احبك وانا اصلا اكرهك ولا تقول لي كذا مرة ثانيه لانك قرفتني ولو ما بقى رجال في العالم كله الا انت ما اخذتك ...رفعت راسها وشافت عيون جنى المصدومة والي مو قادرة تتكلم من الصدمه
كملت وقالت :جنى ..انا ادري انك تحبيه قبل لا تدرين انتي اني احبه ادري من زماااااااان بس سكت وقلت بعترف لك قبل لا تعترفي لي لاني اعرف انك لو عرفتي اني احبه راح تبعدي عنه وتتركيه لي تدرين كيف عرفت انك تحبيه سمعتك لما كنا في متوسط سمعتك وانتي تكلمي دانيا عنه وعن حبك له نزلت دموع لمى وقالت :بس انا عماني الحقد والأنانية والغيرة اخترت انك تتعذبي ولا اني اتعذب معني كنت شاكة من زماااان انه يحبك كان ينطق بأسمك اكثر مني وكان يبتسم لك اكثر مني تدرين لو يرجع فيني الزمن لأعيد الي سويته مرة ثانيه بس بدون الي سويته امس بدون لا اجرحه
غمضت بألم من كلامها عندها عذابي ولا عذابها وعندها دموعي وجروحي ولا دموعه وجروحه تعذبت سنين وانا ساكته وكاتمه كتمت مشاعري اتجاهه عشانها بكيت كثيررر والسبب اني مو قادرة انسا حبي له وكنت اوقف دائما معها في كل شي معنا جرحي ينزف دم آآآآه قتلتيني يا اختي وتوأمي قتلتيني وقتلتي سلطان معي
لمى :منصدمه موو ههه خلاص كل شي انتهى وسلطان راح
ما تحملت اكثر وأعطتها كف عشان تصحى وصرخت بأقوى ما عندها :قتلتيـــــــــــــــــــني يااااااااااااختي وتوأأأأأأمي قتلتيـــــــــــــــــــني وقتلتي سلطاااااااااااااان حراااااااااااام عليك ضحيت كثير عشانك كتمت عشانك انجرحت عشانك وبكيت آآآآآآآه يا توأأأمي آآآآآآآآه وسويتي فيني كنتي تدرين قبل لا ادري بحبك له ومع هذا قلتي لي كنتي تتكلمي كثير قدامي عنه ولا المك قلبك وانتي عارفة اني احبه والحين جايه تكذبــــــــــي عليــــه انك انا جرحتيــــه يا اختي جرحتيييييييييه
بدت تبكي وبكت لمى وهي تحس إن الكف صحاحها من الي سوته صارت تصارخ بألم عذبت اثنين وقتلتهم
قامت جنى والدموع على خدها وقالت : ما راح اسامحك مو على الي سويتيه فيني لا انا ما راح اسامحك على الي سويتيه في سلطااان ماارااااااااااااااح اسااااااااااااااامحك
وطلعت بسرعه وتركت لمى بدموعها وحزنها وحسرتها على خسارتها لاختها

^
^
^
^
^
اكذب عليك ان كاني قلت ناسيك
والا بعد حاولت ياروحي انساك
تعيش فيني مثل ما اعيش أنا فيك
حبك حياتي واعرف الموت فرقاك
أنا وقلبي ياهوى البال بيديك
وشلون اعيش ايام عمري بلياك
لا تصدق اني قادر انسى واجافيك
مهما حصل صعب اني انساك و أسلاك
ماتدري إني هايم وميت فيك
ماتدري ان غايه سروري رضاك
اغليك من قلبي ومن روحي اغليك
وافراح عمري تكتمل في ملقاك
كلك حلى سبحان منهو مسويك
يا مجملك في عين قلبي ومحلاك
وزود على حسنك طبوع (ن) تحليك
تفرقك عن هذا وهذا وذاك
يكفيك مني يا هوى البال يكفيك
اني محال انساك لو قلت بنساك

قام من الكرسي وراح اشوي بعيد
:الوو
:الوو اسامه
اسامه: اهلين بالقاطع
: ............
اسامه بخوف :طلال شنو فيك ؟!
طلال :اساامه ...سلطاان مات
اسامه بصدمه :شنووو ؟؟ انت متأكد
طلال :ايه
اسامه :إنا لله وإنا اليه لراجعون ..كيف كيف مات ؟
طلال :حادث
اسامه : لا حول و لا قوة الا بالله العلي العظيم ..شنو بيدي اسوي ياخووي قولي
طلال :آآآه يا اسامه مو قادر اصدق كان معنا امس عمي مسوي عزومه بمناسبة جيته والحين راح وكأنه حفل وداعه
اسامه : ولا انا مو مصدق كلمني قبل كم يوم آآآه من هذي الدنيا الي تفرق بين احباب
طلال :انا بسكر الحين واتصل لك بعدين
اسامه :اوكي
تنهد بحزن ورجع مكانه
امجاد :فيك شي ريان
رفع راسه لها وابتسم وقال :لا ما فيني شي بس ..صاحبي عطاك عمره
انصدمت :الله يرحمه ..عظم الله اجرك
ريان :اسف امجاد لما طلبت منك نطلع صار كذا
امجاد بابتسامه :لا عااادي
ريان :يلا بوصلك
امجاد :اوك
<<<<<<<<<<معقوووووولة ريااان هو نفسه اسااااامه !!!!!!!!

نهاااية البارت
معقولة اسامه هو نفسه ريان ؟! وهل راح يكتشفوا اسرار و ريان ولا لا ؟؟
جنى هل بتسامح لمى ولا ما راح تنسا الي سوته ؟؟
اسرار هل بترجع لابريطانيا ولا بصير لها شي ولا بترجع ؟؟
تحياااااتي لكم