من عرفتك بدء عمري ..زاد النبض في صدري ..سرقت بضحكتك عمري الفصل الثامن 8 - بقلم أسرار العيون

طلعت من الغرفة مستغربة وين اختفت حنين

وصارت تفكر بس وقفت لما اصطدمت بالطوف

رفعت راسها وانتبهت انه مو طوف نفس الشخص الي تصقع فيه دائما بلعت ريقها هذي ثالث مرة يصير فيها كذا مع نفس الشخص

هذي المرة ماقدر يكتم ضحكته :هههههههههه شكله القدر كاتب لنا الصدمات هذي

حمر وجها وسرعة دقات قلبها من ضحكته

راحت بسرعه عنه بس وقفت لما سمعته يناديها

:انتظرررري

وقفت بس ما دارت

جراح نزل راسه وقال :ممكن اعرف اسمك ؟

دارت له بصدمه وقالت بجرأة ماتدري من وين جات :صدق ما تستحي فكرتك محترم طلعت ولاشي !

وسع عينه بصدمه هو مو قصده شي بس يبي يعرف من هذي الي سهرته طول الليل وهو يفكر فيها

راحت عنه بقهرر

*****

مسكت خدها بصدمه ورفعت عينها الي امتلت دموع

صقر لما شاف دموعها قسى اكثر وهذا الغريب في صقر

صقر بعصبيه :لا تفكرين بدموعك هذي راح اتأسف لك ولا تفكري لأنك امانه عندنا يعني برأف بك اسمعي يا بنت الناس ان شفتك هنا مرررة ثانيه ما تلومين الا نفسك وقد حذر من انذر والحين روووحي عن وجهي يااا كـــذااابه ...

قامت حنين من الارض وراحت تركض وهي تبكي وتبكي هي متألمة من فقدان ابوها وامها ويعاملها كذا هذا ما في قلبه رحمه قلبه صخرر

بس فجأة صقعت بشخص وهي تبكي رفعت عينها والتقت عينه الخايفة بعينها الحزينة

طلال بخوف :حنين شفيك ؟؟!! احد مضايقك حنين ردي علي

حنين اكتفت بالبكاء الي عور قلب طلال حضنها بسرعه لا شعوريا ما يقدر يستحمل دموعها ما يقدر يشوفها تبكي

صارت تبكي على صدره بألم تبحث عن الحنان الي فقدته قبل 6ايام تقريبا

*****

عنده وقف بصدمه من الي سواه لهدرجة صرت قاسي يا صقر حتى على اليتيمة تنهد ولف بيمشي بس حس بأحد يسحب طرف من جاكيته لف بشوف من وانصدم من الطفلة الي قدامه نزل لمستواها وقال :شنوو جيبك هنا ؟

الطفلة ببرائه :ثيت وثفت هدا باب متوح وثفت فيه ثهووور واااثد

(جيت وشفت هذا الباب مفتوح وشفت زهوور واااجد) <<الترجمه هههه

صقر بصدمه :بس انا ما شفت احد هنا !

الطفلة :لأني تلعت ورحت بتيب حموود (لأني طلعت ورحت بجيب حموود)

صقر وقف مصدوم يعني هو ظلمها دخل اصابعه في شعره من التوتر وتنهد لف للطفه وقال :حبيبتي سمر روحي للماما

سمر :بث انا ابي ادخل حتيته (بس انا ابي ادخل الحديقة )

صقر عصب :سمررر قلت لك روحي للماما

سمر خافت وراحت وراح وراها احمد

صقر جلس عند عتبة الباب وهو يلوم نفسه كيف سواء فيها كذا رفع ايده وناظرها كيف تجرأت وضربت بنت اففف شنووو سويت انا

راحت تبكي لامها لان صقر عصب عليها

ام رعد :شفيك حبيبتي ؟؟

سمر :ثقر عثب علييي (صقر عصب علي )

ام رعد: الله يهديه ليش شنوا سويتي

سمر ببراءة :ماثويت ثي (ماسويت شي )

ام صقر :الله يهديك يا صقر فشلتني مع الناس سامحيني يا ام رعد صقر عصبي وما يتحمل شي

ام رعد :لا عادي ما صار شي بس ولدك عشان يعقل لازم تزوجينه

طبعا اشواق ومرام كانوا موجودين ومندمجين مع المسلسل ويضحكون من سمعوا كلام ام رعد كل وحدة عدلت روحها وصارت تناظر في ام صقر ببراءة

ام صقر ناظرتهم باستغراب كيف كانوا يضحكون ومندمجين في المسلسل والحين على طووول سكتوا

**

تمنت ان احساسها يكون غلط بس للاسف سمعت صوته وهو يقول :كل هذا فيني تصدقيني توني اعرف !!

غمضت عيونها بقوووه وعضت شفايفها السفلية وبعدها دارت وابتسمت له وقلت :لا لا كنت اقصد واحد ثاني

ريان رفع حاجب: اهاا يعني كنت مفكر تقصديني

اسرار ضحكت بتوتر :ههههه لا ما اقصدك

جاء فهد وصار يناظرهم باستغراب : يا جماعه في شي

ريان حقراه وهو يناظر في عين اسرار

بلعت ريقها وقامت وقالت :هلا فهد تفضل اجلس

ريان ناظرها كيف بتغير الموضوع

فهد ابتسم لها وقال :تسلمين

جلس وطلبوا لهم كوفي بعد دقائق من الصمت جات بنت شكلها استرالية وصارت تسولف مع ريان الي ابتسم لها مجامله

ناظرت اسرار فيها باستحقار وقالت (هذي ما تستحي تلبس كذا وبعدين شفيها اشوي وتجلس في حضنه )

كانت البنت لابسه شورت يوصل لفوق فخذها اشوي وبلوزة مزلطة ونص البطن طالع

ما تدري ليش منقهرررة منها لفت وناظرت في فهد الي كان يناظرها من زماان وسرحان

ضغطت بين حواجبها باستغراب وقالت :فيك شي فهد ؟!

انتبه لنفسه وقال :هااا لا ما فيني شي

اسرار ابتسمت له ودارت وجها

امجاد بقهر تناظر البنت وقالت بهمس سمعها ريان :وبعدين يعني ما بتروح هذي

رفع عينه لها وابتسم

اما امجاد تجمدت مكانها من ابتسامته وقالت :عن اذنكم بروح الحمام

اسرار انتظريني بروح معك

لما راحوا اشوي وقال ريان للبنت تروح راحت البنت والتفت ريان لفهد الي كان يناظر الجهة الي راحت منها اسرار وقال باستغراب :شفيك تناظرها كذا ؟!!

فهد لفت له وتنهد وقال :تصدق ما دري ليش اذا شفت هذي البنت قلبي يطق ...شكلي حبيتها

وسع عينه بصدمه وقال :ما اعتقد فيها شي ينحب

فهد باستغراب :انت شفيك عليها البنت ما سوت لك شي ومن جات وانت ما تتكلم معها الا بتعاركها ؟!!

طنش كلامه ريان وقال :الحين قولي شنو حبيت فيها ؟!

فهد هدأ وسند ظهرة على الكرسي وقال :كــــل شــي

ريان بقهر لف وجهه ولا يدري ليش منقهر

*****

حست على نفسها وبعدت بسرعه ومسحت دموعها وقالت :اسفه ما حسيت على نفسي

طلال وهو متخدر منها :هاا.. لا عادي اهم شي انك هديتي

ابتسمت في وجهه وراحت

طلال من شاف ابتسامتها جلس على الارض من طقات قلبه الي مو راضيه تهدأ

قرب منه ماجد وقال :شفيك جالس على الارض ؟!

طلال :هااا لا ولاشي

ماجد عرف و صار يضحك بقووة :هههههههههه هههههههههههههههههههه

طلال :ليش تضحك ؟؟

ماجد :خلاص عرفتك اذا صرت كذا اعرف انك شفتها توك

طلال ابتسم وقال بحزن :كانت تبكي

ماجد جلس جنبه باستغراب :ليش ؟

طلال :ما دري

ماجد :يمكن تذكرت امها وابوها

طلال :يمكن معنى بكائها ما كأن على ابوها وامها انا حاس ان احد ضايقها

ماجد سكت ولا عرف شنو يقول

*****

دخلت داخل وركبت للجناح غسلت وجها ولبست لحجاب علشان بتنزل بس دخلت سديم

سديم بخوف :وين كنتي ؟؟

حنين :كنت اتمشى براء اشوي

سديم :اوكي تعالي نروح المطبخ انتي ما تغديتي

حنين :لا مو مشتهيه

سديم :لا راح تاكلي وغصب عنك ...

سكتت اشوي وهي تشوف خد حنين الاحمر

سديم بخوف: حنين شفيه خدك كذاا احمر ؟!!!

حنين تورطت ومو عارفة شنو تقول :ااا.....هذاا...

سكتت وهي متوترة

سديم بخوف :ليش سكتي مين الي سواء فيك كذا ؟؟؟!!!

حنين :لا لا ...ما احد سووا فيني كذا انا وانا امشي ما انتبهت وصقعت في الباب

سديم بشك :بس هذي مو ضربة باب هذي ضربة يد؟!

بلعت ريقها وقالت :ههههه لا انا خفت انها تبين فحطيت ميك اب شكله صار غامق

سديم سكتت معنها مو مقتنعة تنهدت وقالت :اوكي يلا عشان تآكلين شي

راحت معها واكلت لين قالت :بس خلاص شبعت

سديم :معنى انا مو مقتنعة بس يلا

دخلوا البنات وقالو :انتو هنا وحنا ندور عليكم

سديم :الدبه ما اكلت شي

جنى :بالعافية حبيبتي اكلي زين

ابتسمت لهم وقالت :لا تخافي سديم ما قصرت خلتني اكل لين انفجرت

الجوري :هههههههه هذي بعد سديم ما تتوصى

نوف :اقول بنات شرايكم نسبح

لمى :أي والله فكره حلووة

اشواق :ايه ايه خلونا نسبح

مرام: هاا حنين بتسبحي

حنين بخجل :انا ما اعرف اسبح

اشواق بغرور :في احد في هذا الزمن ما يعرف يسبح

انحرجت حنين ونزلت راسها

ناظرتها سديم بغضب وقالت :شنو فيها الي ما تعرف تسبح ؟!

جنى بقهر من اشواق وغرورها قالت لحنين :ماعليك حنين انا اعلمك

حنين ابتسمت لها بتشكر

دخلت عليهم وهي تصرخ :اخوووووووووي جااااء اخوووووي جااااء

لفو البنات لها

سديم بفرح :سلطان جاء ؟

رنيم بفرح اكبر :ايييييه توه الحين هو عند الرجال

الجوري حضنت رنيم وقالت :الحمد الله على سلامته

رنيم بفرحه :الله يسلمك

نوف راحت وحضنتها والكل صار يتحمد لها على سلامته

وقفت وهي حاطه ايدها على قلبها وراحت بسرعه لأختها وقالت :أجاااء أجاااااء جنى مو مصدقة احس قلبي بيطلع من مكانه

جنى وهي واقفه متجمدة من سمعة انه جاء وقلبها ما وقف عن الطق

نزلت دمعتها هي فرح او حزن ما تعرف بس الي تعرفه ان حبيبها سلطان أجاء انتبهت على اختها الي حاضنتنها عصت على ايدها بقهرر وبعدت اختها وتبسمت لها وقالت :خلينا نتحمد لرنيم السلامة

هزت بفرح راسها وراحوا لها كان هذا كله تحت انظار حنين الي شكت انهم ثنتيهم يحبون هذا الشخص الي جاء

حنين (ياااربي يكون احساااسي خطأ كيف خوات يحبو نفس الشخص يااااااربي يكون احساسي خطأ والله راح يتعذبوا اذا كان احساسي صحيح )

راحوا البنات كلهم للصالة لانا سلطان بيدخل ويسلم على امه ونسوان عمامة

دخل وقام الكل له حضنته بسرعه امه وهي تبكي من الفرح حضنها باشتياق وباس راسها طبعا البنات كانوا لابسين عباءاتهم ومتلثمين

بعد عن امه وحضنته رنيم بشووق وبعدها وسلم على عمته و نسوان عمامة وبعدين ناظر في البنات وقال (هي اكييد معهم يا الله شكثر اشتقت لها )

صار يناظر في البنات يبحث عنها وفجأة وقف عينه على وحدة وقال (هذي هي هذي هي )بس بسرعه بعد عينه عنها عشان لا ينتبه احد وسلم عليهم من بعيد والكل رد عليه السلام

لاحظ وجوود وحدة زايده وقال :شكلكم كثرتو يا بنات

ناظرت سديم لحنين وابتسمت وقالت :هذي بت صديق ابوي وصديقتي عايشه معنا

سلطان استغرب بس قال بعدين بيعرف السالفه سلم على الكل وطلع

جلسوا البنات يسولفون

سديم باستغراب :لمى شفيك ساكته مو عادتك ؟

لمى :هاا لا ولاشي

جنى بهمس :شفيك ؟

لمى :ناظر فيني يا جنى ناظر فيني !

جنى كانت منتبه للموقف بس قالت لنفسها انها تهيأت

لمى :شكله يحبني يا جنى يحبني مثل ما انا احبه

جنى ابتسمت بحزن وقالت :الله يوفقكم

وقفت جنى وناظرو فيها البنات باستغراب

الجوري :وين بتروحي يا جنى

جنى (لازم انساه لازم خلاص هو مو لي ) ابتسمت لهم وقالت :نسيتو إنا قررنا نسبح رايحه بلبس

الكل :ايييييه صح

وقام الكل يلبس ويتجهز

لبسوا البنات وراحوا للبركه وطبوا فيها وحدة وراء الثانية

حنين كانت خاايفة مرررة

نوف :حنووون لا تخافي هذي المنطقة مو غزيرة تقدري تنزلي فيها

ابتسمت حنين لها ونزلت بس ما تحركت من مكانها كانت خايفه تروح الغزير

قربت منها سديم وجنى

سديم :شرايك نعلمك السباحه ؟

جنى :تراء انا وسديم اكثر ثنتين نعرف السباحه

حنين ابتسمت :صحيح اوكي علموني

جنى مسكت يدها و اليد الثانيه سديم وصاروا يعلمونها

رنيم صارت تتقلب ببراعة و مرام معها

اشواق كانت تناظر في حنين راحت وقربت منهم

اشواق :اكييد تعبتو خلاص انا بعلمها

جنى :لا عادي ما تعبنا

حنين :لا صار لكم ساعه تعلموني خلوني اتعلم من اشواق بعد

وابتسمت لها

ردت لها اشواق الابتسامه ما تدري ليش بدت تحبها

سديم :اوكي بس انتبهي لها

اشواق :من عيوني الثنتين

سديم :تسلم عيونك

اشواق :يلا امسكيني وحاولي تمدي رجليك

وبدت تعلمها

رنيم ولمى ونور والجوري صارو يلعبون بالكورة وجنى وسديم صاروا يتقلبون على الماي

************

في مكان ثاني في بيت متواضع طاحت من على السرير ببكي يقطع القلب من شدة الالم وقفت بصعووبة وبعدها طاحت مرة ثانيه وهي ماسكه بطنها وتصرخ من الالم اغمى عليها وبعد فترة فتحت عينها قامت بصعوبة من على الارض ورمت نفسها على السرير مسكت بطنها بألم وقالت ببكى :يمه يمـــــــــه يمـــــــــــــــــــــــــه

بس محد رد عليها ضلت تبكي وتبكي لــيــــن نامت بتعب

***********

اشواق :يلا حاولي الحين بدون لا امسك ايدك

حنين بخوف :لالالا احس بعدني ما اعرف

اشواق :اوكي انتي حاولي

حنين بخوف :بس ..

اشواق :لا بس ولاشي انا بكون قريبه منك

حنين تشجعت وقالت :اوكي

اشواق تركت ايد حنين

حنين صارت تسبح اشوي فرحت انها عرفت بس فجأة

اشواق :حنين حاولي انك ما تتباعدي

حنين صارت كل ما جالها تتباعد بسبب حركتها العكسية

اشواق بخوف :حنين على الجهه الثاني

حنين بدت تتعب وصارت تناظر المكان تبي تشوف شي تتمسك في بس هي في الوسط وما حست على نفسها وصارت تقاووم بس مافي فايدة

اشواق لما شافت انها بدت تغرق راحت لها بسرعه بس ما وصلت الا حنين في قاع البركة صرخة صرخة التف الكل لها

سديم بخووف :اشواق وين حنين؟؟؟؟؟؟!

اشواق :الحقوووووو علي حنين غرقت

الكل فتح عينه وغطست بسرعه سديم وجنى لها وصاروا يحاولو يخرجوها بس انصدموا لما انتبهوا إنا قميص حنين عالق بالدرج حق البركة حاولت سديم تفكه بس ما قدرت و النفس بدء ينقطع منهم طلعت سديم وجنى ورجعوا مرة ثانيه لها وحاولوا يسحبونها بس ما قدروا

طلعوا بسرعه وسديم بتبكي مو قادرين ينقذوها طلعت بسرعه وصارت تصرخ عشان احد يجي يساعدهم

كان مار وسمع الصراخ دخل بسرعه وشاف سديم قدامه

قال بخوف :شفيك ؟

سديم تبكي وتصارخ :طلال حنين بتموووت غرقت ومو قادرين نطلعها

راح بسرعه بيرمي نفسه بس مسكته سديم وقالت :كيف تنقذها وايدك مكسورة

تورط طلال وصار يدور حول نفسه بسرعه طلع براء وشاف صقر مار ناداه بسرعه وجاء

صقر بخوف :شفيك ؟

طلال :حنين غرقت وانا ما اقدر اساعـ ....

ما كمل لانا صقر بسرعه ركض وفسخ بلوزته ورمى نفسه في البركة

عند حنين الي بدت تحس بالموت صارت تشوف المكان كله اسود وتشوف واحد جاي لها قالت بهمس :يبه جيت تا خذني معك

بسرعه سحبها وحضنها وصار يحاول يطلع بس انتبه لقميصها الي شابكه مع الدرج بسرعه حاول يفكها بس ما قدر ما ستحمل لانه بدء يحس ان النفس بخلص من عنده وحنين من زمان غرقانه سحب قميصها بسرعه ونمزع وطلع بسرعه وسحبها لخارج المسبح بدء يضغط على صدرها عشان يطلع الماي بس ما في فايدة لانا حنين من زمان غرقانه ما في غير حل واحد

الكل انصدم وفتح فمه من حركة صقر وطلال واقف مصدوم يبي يمنعه بس هو يسوي كذا عشان ينقذ حياتها

لما حس انها اوتعت بعد شفايفه عن شفايفها

فتحت عينها وهي تكح شافته فوقها انحرجت لما شافته مو لابس بلوزة وخصلات شعرة مغطيه اشوي من عينه وجسمه الي يتساقط منه الماي انتبهت انها مو لابسه حجاب وجزء من كتفها مكشوف بسبب صقر لما حاول يسحبها

تباعد عنها واخذ بلوزته وقال :اذا كنتي ما تعرفي تسبحي فلا تسبحي مرة ثانيه ومشى عنها تاركها مصدومة ودموعها تنزل على خدها قرب منها طلال وقال :انتي بخير ؟

هزت راسها بخجل

طلال :لا تبكي هو من خوفه عليك امسحي دموعك

وقف طلال ومشى وقلبه مجروح من حركت اخوه كان يتمنى هو الي انقذها بس هو كان عاجز عن انقاذها انقهر وراح يمشي في المزرعه

دخل الصاله وركب فوق غير ملابسه ومشط شعره ناظر نفسه في المرايا ونزلت عينه لشفايفه وقال :لا انا سويت كذا بس عشان انقذها

كانت تناظر حنين بقهر معنها مالها دخل

اشواق :مرام شفيك هو سواء كذا عشان انها غرقت

مرام بقهر :بس

اشواق :الحين خلينا ننسى الي سواه ونروح نطمأن على حنين

تنهدت ومشت معها

اشواق :حنين انا اسفه انا السبب كان المفروض اسمع لكلامك لما قلتي انك لاسى ما عرفتي

حنين ابتسمت لها وقالت :لا مو ذنبك انا كان المفروض اتبع تعليماتك بس للأسف نسيتها

ابتسمت لها بتشكر

والكل راح يغير ملابسه

سديم :حنين متأكدة ما تبين تروحين المستشفى ؟؟

حنين :للمرة المليوون اقولك انا بخير ما يحتاج

سديم :متأكدة ؟

حنين :ايه

******

على العشاء

الكل جالس ياكل ويسولف بهدوء

حنين تكلم سديم :بس يا سديم بتخليني دوبة على هذا الاكل الي تحطي لي

سديم :اكلي عشان تتقوين بعدين بقولون البنات إن انا ما اهتميت فيك

حنين :لا انا بقول لهم انك مهتمه فيني كثيرر

سديم :هههههه اوكي خلاص

الجوري :اشوي اشوي يا رنيم بتغصين

رنيم :ما عندي وقت بروح لسلطوني

الجوري :اهم شي مدلعته بعد

رنيم :هذا لو يسمعني بيزنطني ما يحب ادلعه كذا

لمى :سمعتي جني

جنى وهي تناظر في الصحن وسرحانه

ضربتها لمى على خفيف في كوعها وقالت :شفيك انتي اليوم كل سرحانه ؟

جنى :هااا لا ما فيني شي .... شنو كنتي تقولين

لمى :لا ولاشي بس تعالي تتوقعي سلطان يحبني ؟؟

جنى سكتت وردت تناظر الصحن

اشواق :خلاص انسي

مرام :مو قادرة انسى مو قادرة وبعدين تعالي انتي كيف قدرتي تنسي

اشواق بحزن :ما نسيت بس ما قدر اسوي شي وبعدين لا تنسين تراء هو سواء كذا عشان ينقذها

مرام: ادري بس ... اوكي خلاص غيري الموضوع

نوف :اقول سدووم متى بترجع رانيا

سديم :اتوقع توصل بكرة

نوف :راح تجي هنا

سديم :يب بتجي على طول هنا واااي اشتقت لها

نوف :ترجع بالسلامة انشاء الله

سديم :امييين

في مجلس الرجال

ابو سلطان بفرحه :اكل عدل اكييد هناك هامل نفسك

سلطان ببتسامته المميزة :انشاء الله

ابو صقر ببتسامه : الله يخليه لك وتشوف اولادة انشاء الله

ابو سلطان :امييين يااارب ..ها يبه جاهز نزوجك

سلطان ابتسم وسكت والكل صار يصرخ :اوووه اوووووووووه

سلطان : هههههه خلاص شفيكم انا ما بعرس الا اذا عرس صقر

رفع عينه وابتسم له

مشعل بمزح :عز الله ماتزوجت

الكل ضحك بس صقر كان سرحان لبعيد للمكان الي موجودة فيه قلبه وحياته

*****

:الووو

:الوووو حوووور اخبااارك يادوبة وحشتيني

حور بصدمه :اسرار !!

اسرار :اخبارك واخبار البنات ليش جوالاتكم مقفله وليش بيت حنين ما يردون ؟؟

حور : لا احنا جوالاتنا تشتغل

اسرار :يوو شكله من عندي ..صحيح ما قلتي لي شخباركم وشخبار حنين اشتقت لها

حور :كلنا بخير

اسرار :حمد الله انزين ليش بيت حنين ما يرفعوه ؟؟

حور سكتت فترة وزاد من خوف اسرار

اسرار :حور شفيك ساكته ...حنيـــن فيهااا شي

حور بدت تدمع دموعها :اسرار ..حنينـ .....

اسرار زاد خوفها :حووور شفيها حنين ؟؟!!

نهاية البارت

توقعاتكم

سلطان منو يحب ؟؟

صقر شنو قصته ؟؟

الشخصية الجديدة منو هي ؟؟

اسرار شنو بتسوي بعد ماتعرف بالي صار لحنتين ؟؟

اشواق ومرام وغيرتهم شنو نهايتها ؟؟

سديم وجراح هل راح يحبو بعض ؟؟

توقعااااااااااتكم تسرنـــــــــــي