رواية من اجل حفيدتي الفصل الثاني عشر 12 - بقلم هاجر خالد

رواية من اجل حفيدتي الفصل الثاني عشر12 افتح الباب ياحسن شكل خالك جه. حسن: حاضر جاي اهو. راح حسن يفتح الباب وزينب والجد سليم كانو قاعدين ، وهاجر كانت في اوضتها بتلبس ، فتح سليم حسن الباب و...... عبدالله حضن حسن وسلم عليه: واد ياحسن عامل . حسن بادله الحضن وقال: الحمدلله ياخالو وحشتني اوي يامعلم والله كل دي غيبه. عبدالله: اعمل ايه بقا ماكنتش عارف انزل خالص ، بس الحمدلله اهو جيت وهقعد معاكم حبه حلوين.

حسن: تنورنا ياخالو والله تعالى ادخل ، جدو وماما قاعدين في الصالون . ـ دخل عبدالله يسلم على زينب والجد سليم ، وحسن قفل الباب ودخل نسي إن اولاد عبدالله واقفين برا ، فاراح فتح وقال بأسف: معلش يا رجاله والله نسيتكم ،وحشتوني. ـ قال مروان ابن عبدالله الصغير وهو بيسلم على حسن: ياعم مقبوله منك دخلني بقا. حسن: ادخل دي ماما قرفانا كل شويه مروان مروان انت عاملها إيه يابني. مروان : انا مليش غيرو زوزو والله.......

يازوزو انا جيت . زينب جت تسلم عليه بفرحه : مروان حبيبي عامل إيه. مروان : الحمد لله يا زوزو وحشتيني اوي. زينب : وانت كمان ياحبيبي والله. "عند حسن برا" ( سلم على شريف و ونديم وسلم عليهم ودخلهم وكان فاضل عمر سلم عليه برضو و دخلو كلهم قعدو في الصالون و........ عبدالله: هي فين هاجر . زينب : هدخل اناديها اهو. ـ زينب كانت جايه تقوم بس هاجر كانت طلعت من اوضتها وجت : انا جيت...... ازيك ياخالو. ـ قام عبدالله

حضنها وكان هيعيط فقال : حبيبتي وحشتيني اوي يا هاجر أنا اسف اني ماكنتش معاكي لما فوقتي بس الدنيا كانت متلغبطه معايا خالص بجد أنا...... هاجر : متتاسفش ياخالو انا مش زعلانه..... جدو قالي إنك مش بتعرف تنزل اوي. ـ عبدالله بيمسح دموعه وبيقول : بس خلاص جيتلك وهقعد معاكي حبه حلوين. هاجر: دا انا يابختي والله. ضحك عبدالله وقال : يابكاشه..... تعالي اعرفك على العيال دي . قال حسن بهزار : يابختك يابنتي إنك مش فاكره العيال دي.

مروان بهزار : شوفي إبنك يازوزو عشان مزعلوش. حسن : بس يالا. نديم : بس انتو الاتنين وسعولي كدا . راح نديم يسلم على هاجر وقال بابتسامه : انا نديم الوسطاني ، ودا عمر الكبير ، وشريف يعني بعد عمر كدا ، ودا مروان الصغير . هاجر: ازيكم مبسوطه إني شوفتكم اوي بجد. عمر : ليكي واحشه ياهاجر بجد . هاجر : شكرا . مروان : احنا لازم نسهر النهارده كلنا زي ماكنا بنعمل زمان. حسن: سيبولي الموضوع دا انا هجهز لكم القعده فوق ونطلع بعد الغداء.

زينب : طيب كفايه كلام ويلا عشان الغداء جاهز . بعدين بصت لمروان وقالت : عملتلك ورق عنب عارفه إنك بتحبه . مروان : مش قولتلكم مليش غير زوزو..... يلا عل السفره ياجماعه متسنين إيه. ضحك الكل على مروان وقامو اتجهوا للسفره وقعدوا بدأوا في الاكل و.......... ـ قال مروان وهي بيدوق ورق العنب: تسلم ايديك يا زوزو الورق عنب تحفههه. زينب: بالهنا والشفا ياحبيبي. عمر : اكيد هاجر اللي عامله المكرونه البشاميل. هاجر: ايوا عرفت منين.

عمر : انتي معروفه في العيله إنك احلى واحده تعمل مكرونه. ـ حطتله هاجر في الطبق بتاعه وقالت: طب دوق وقولي إيه رأيك. شريف : عامله إيه دلوقتي ياهاجر رجعتي كليتك ولا لسه. هاجر: لا لسه بس جدو قالي إني هنزل قريب إن شاء الله. الجد سليم: ايوا تشد حيلها شويه وتبدأ تنزل . عمر : لو احتاجتي اي مساعده في الكليه قوليلي . هاجر: شكرا ياعمر لو احتاجتك حاجه هقولك اكيد. نديم : انا رأي نقعد في مصر ومنرجعش ألمانيا تاني.

مروان : وانا كمان ادعم نديم . الجد سليم: ياريت ياولاد والله . عبدالله: بقالي كتير بفكر في الموضوع دا إن شاء الله نستقر هنا قريب. ( قعدو ياكلو في جو لذيذ ويتكلمو وبعد الغداء زينب عملت الشاي ودخلوا قعدو مع بعض في الصالون و....... ـ مروان قاعد جمب هاجر بيوريها حاجه في الموبايل فقالت : انت عندك كان سنه يابني على كل دا. مروان : 19 . هاجر : لسه طفل يعني. مروان : حوش ال 21 سنه اللي مقوينك قلبك.

هاجر: بس فكك انت البنت صاحبتك دي حلوه ابقى عرفني عليها. مروان : بس كدا...... دا لسه في حاجات كتير عاوز احيكهالك. هاجر: احكي يلا . حسن: انا جهزت القعده فوق على الروف يلا بينا... هاجر : يلا . ( طلع حسن و نديم وعمر وشريف ومروان وهاجر ، وزينب والجد سليم وعبد الله قعدو تحت مع بعض و...... مروان : بقالنا كتير مقعدناش القعده دي بجد. حسن: ايوا سنتين تقريبا. ـ كان شريف ونديم كلامهم قليل وبيسمعو اكتر فامالت

هاجر على مروان وقالت : هو شريف ونديم مش بيتكلمو معانا ليه هما زعلانين من حاجه . مروان بهمس لهاجر : لا متاخديش في بالك هما كدا جد شويه ملهومش في الهيء والميء بتاعنا دا ، زي ما انتي شايفه وشهم يقطع الخميره من البيت. شريف : سمعتك ياحيوان. مروان : بفهم البنت بدل ما انتم قاعدين شبه بتوع المخابرات كدا. نديم : انت عارف انا لو فايقلك كنت نفختك . مروان : انا في حماية جدو زوزو محدش يقدر يعملي حاجه.

عمر : بطلو بقا مش ناقصين وجع دماغ احنا طالعين نقعد مع بعض مش نتخانق. إيه رأيكم نخرج بكرا كلنا؟؟ هاجر: موافقه . حسن: لأ مش هبقا فاضي بكرا خليها يوم تاني. هاجر:خلاص انا هنزل معاهم بكرا. بص حسن لهاجر وقال: والله!!! هاجر: مجرد فكره . مروان لحسن : خلاص انت تخلص شغلك وننزل كلنا..... هاا اتفقنا؟! حسن : تمام هشوف . هاجر : تعالو نلعب . شريف : نلعب إيه؟ هاجر : imposter ، لعبه لذيذه شوفت كذا فيديو لحد بيلعبها وعجبتني.

مروان : اشطا يلا بينا. ( جابو اللعبه وبدأو يمررو الموبايل عليهم وكلهم عرفوا الكلمه ماعدا واحد بس هو اللي هيبقا imposter و...... هاجر : يلا نبدا أسأله نقول كلمه بتعبر عن الشيء اللي طلع...... أبدا يا عمر. عمر : اممم ماشي....... في منها اشكال كتير. مروان : في منها احجام كتير برضو . شريف : الوان. نديم : صعبتوها عليا بس ماشي..... بتبقا فيها رسومات مختلفه.

ـ جه الدور على حسن ومكانش عارف يخمن ايه الكلمه من الحاجات اللي قالوها لانه imposter فقال حسن بسرعه: زراير. بصت هاجر لحسن وقالت بضحك : خلاص ياحسن انت imposter ملقتش غير زراير اللي تقولها. حسن: حسيت الكلمه فيها كدا ما انتم مش بتقولو حاجه مفهومه. مروان : هي اللعبه كدا. هاجر: خلاص نلعب حاجه تانيه. نديم : لا انا out بقا هموت وانام. شريف: وانا كمان هنزل انام. هاجر: لا ياجماعه بلاش رخامه لسه بدري .

مروان : فكك منهم خلينا نكمل احنا لعب دول مش بتوع سهر دول. نديم : اسكت يالا....... انا نازل ياجماعه تصبحو على خير. الجميع: وانت من اهل الخير. (نزل نديم وشريف الشقه بتاعتهم وكان عبد الله برضو موجود في الشقه ونايم لانهم تعبانين من السفر ، زينب راحت على شقتها ، الجد سليم اخد الدواء بتاعه ونام ، هاجر ومروان وعمر وحسن كانو قاعدين مع بعض فوق و...... After 2 hours حسن: انا فصلت خلاص يلا ننزل الساعه 12. هاجر: وانا برضو .

مروان : ايه ياجماعه دا لسه بدري . عمر : بدري ايه يابني يلا ننزل ،جدو سليم هيصحينا بكرا بدري اكيد . مروان: ليه ؟! حسن: انت نسيت لما بنتجمع كلنا بنصحى بدري عشان نفطر سوا. مروان : نسيت خالص الحوار دا . هاجر: يلا بقا كل واحد بيته . مروان: انا هنزل ابات عند زوزو. حسن: على بيتك ياحبيبي معندناش مكان . مروان: حبيبي ياحسن كنت عارف انك عاوزني ابات معاكم انا هنزل لزوزو بقا سلام. حسن: لازقه مش ممكن .

( نزل حسن وهاجر وعمر بعد مروان وكل واحد دخل شقته ونامو عشان يستعدو ليومهم بكرا ياترى ممكن يحصل إيه.......