رواية من اجل حفيدتي الفصل السادس عشر 16 - بقلم هاجر خالد

رواية من اجل حفيدتي الفصل السادس عشر16 إيه نخطفها!!!! ..................... …………….………….….….... ……....................... هارون بيتكلم في الموبايل: جدع يا سعيد ، الفلوس هتتحولك ، وجهز نفسك عشان هحتاجك في شغل تاني ، يلا اقفل دلوقتي . ـ قفل هارون مع سعيد ، في اللحظه دي دخل مازن قعد في الكرسي المقابل لهارون وقال : صباح الخير ، إيه الحاجه المهمه اللي جايبني عشانها؟

هارون : بما إنك بقيت شريكي ، وعدونا واحد ، فالمفروض تعرف أنا بعمل إيه . بص هارون لمازن بتركيز بعدها قال : انا بعت حد لحسن في الشركه يعمل شو كدا ويهلل إن حسن نصاب والشغل دا يعني عشان نضربله اسم الشركه . ـ أتصدم مازن لأن حسن لسه محاكلوش حاجه بس بين عكس كدا وقال بتصنع الشر : حلو اوي دا يا هارون كدا بقا نبدأ نلعبها صح . هارون : كنت متوقع تتفاجأ شويه ، دا كان صاحبك يعني .

مازن ببرود مصتنع: كان بقا يا هارون ، دلوقتي هو عدوي وبس. هارون : كدا انت تبقا شريكي صح. اخبار الورق ايه اللي طلبته منك . مازن بجديه : يومين بالظبط وهيبقا جاهز . هارون : تمام يامازن . انا عندي اجتماع دلوقتي ، تعالى احضره لو حابب. مازن : تمام يلا . .................................................................................... " عند حسن في المخزن" سعيد : كدا انا عملت اللي اتفقنا عليه.

حسن: تمام ، بس لسه دورك مخلصش . سعيد : إيه المطلوب تاني. حسن: انت خلاص دلوقتي بقيت شغال معايا ، يعني المطلوب منك إن أي حاجه هارون يقولهالك تنفذها ضدي ابقا عارفها ، تحركات هارون تبقى عندي ، وطبعا غير إنك هتقولو انك بتعمل كل حاجه هو بيكلفك بيها والدنيا ماشيه زي الفل. سعيد بتوتر : بس....... بس هارون لو هعرف هيأذيني وانا مش حمله. حسن بجديه : متقلقش طول ما انت معايا ومش بتلعب من ورايا ، اضمنلك إن مفيش حد هيأذيك .

ها اتفقنا كدا؟ سعيد : ماشي اتفقنا . .................................................................................... " في منزل الجد سليم " شريف : في الاير بودز بتاعتي . هاجر : مش عارفه...... شوف كدا يمكن اللي مروان لابسها دي . ـ بص شريف لمروان لقاها معاه فعلا فقال بصوت عالي خض هاجر ومروان : انت يا زفت. ـ خلع مروان الاير بودز من ودانه وقال بخضه : ايه في ايه؟!!

قال شريف وهو بياخدها منه : انت رخم يالا بتاخدها ليه فين بتاعتك. مروان : باظت ياشريف ، وبعدين هو أنا خدت ايه يعني دي معفنه . شريف : معفنه!!!! انت عارف دي بكام ؟؟ هاجر بفضول : بكام ؟؟ مروان : بس انتِ دلوقتي. شريف : متلمسش حاجتي تاني فاهم . مروان : ياعم اتنيل . هاجر لمروان : انا رأي تسكت لأن شكلك هتتعجن دلوقتي . شريف : اول مره تقولي حاجه صح يا هاجر ، اسمع كلامها بقا . هاجر : ممكن خلاص بقا كفايه خناق.......

و حد فيكم ينزل معايا اجيب طلبات من تحت . ـ قالت هاجر كلامها وقبل ماحد يرد كان عمر دخل من الباب وسبقهم في الرد وقال: انا هاجي معاكي . قال مروان وهو بيبص لشريف: ياريت تاخدو الكائن دا معاكم . شريف : يابني هنفخك يابني. قالت زينب من المطبخ : بطلوا خناق وحد يجي يساعدني . ـ اتحرك مروان ناحية المطبخ وهو بيقول : جايلك يا زوزو اهو. هاجر: يلا بينا ياعمر ننزل إحنا. عمر : يلا.

.................................................................................... " عند حسن في الشركه " ـ قاعد حسن بيخلص شغل ، موبايله التاني رن وكان مازن ، فرد حسن وقال : ألو....... إيه يامازن إيه الاخبار . مازن بعصبيه: انت ليه مقولتليش اللي حصل معاك امبارح . حسن : كنت هقولك يامازن ، بس امبارح اتسحلت في كذا حاجه معرفتش اكلمك. ثواني انت عرفت منين؟!!

مازن : هارون قالي النهارده ، وكمان قالي بعد ماخلصت معاه الاجتماع أنه في حاجه مخططلها ليك هيقولي عليها النهارده . حسن : حاجه ايه دي؟!! مازن : مش عارف بس اكيد لما يعرفني هقولك . المهم دلوقتي انت عملت ايه مع الراجل اللي هارون باعته دا . حسن : ولا حاجه ، اخدته المخزن عملت معاه الواجب بعدها اتفقت معاه إنه يكلم هارون يقوله إن الدنيا ماشيه تمام . مازن : وبعدين .

حسن : بس كدا ، هارون قاله إنه لسه هيكلفه بحاجات تانيه عشان يضر بيها الشركه. مازن : طب انت ضامن إن الراجل دا ميروحش يحكي لهارون كل حاجه. حسن : لا متقلقش انا ظبطته وكمان هو هيخاف يقول لهارون ، لأن لو هارون عرف إنه اتكشف ممكن يق** تله فيها . مازن : ركز كويس ياحسن اليومين دول ، وانا اي حاجه هارون ناوي عليها هقولك عشان تبقا عامل حسابك ، ومتقلقش انا معايا كام تسجيل ليه هيوديه ورا الشمس .

حسن بإمتنان: اخويا يامازن والله مش عارف اقولك ايه بجد شكرا. مازن : بس يالا عبط ، روح كمل شغلك يلا وانا اهو مروح البيت بعدها اروح على الشركه . حسن : ماشي خلي بالك على نفسك. مازن : ماشي وانت كمان...... مع السلامه . حسن: سلام. .................................................................................... " عند هاجر وعمر في السوبر ماركت " عمر : خلاص كدا ولا لسه فاضل حاجه .

هاجر : لا كدا تمام ، جبنا الخضار والجبن وجبنا التوابل و....... يالهوي. عمر بخضه : إيه في إيه!!! هاجر : نسينا الخيار. عمر : يابنتي بقا يابنتي كل الخضه دي على الخيار . هاجر : ايوا دا اهم حاجه ، يلا نجيبه . ( راحت هاجر جابت الخيار ودفعوا حساب الحاجه وروحوا البيت ، مروان وهاجر كانوا بيساعدو زينب في المطبخ ، الجد سليم وعبدالله ك قاعدين يلعبوا طاوله في البلكونه ، عمر وشريف ونديم كانوا قاعدين معاهم و........

زينب : روحي ياهاجر رني على حسن عشان يجي خلاص قربت اخلص الغداء . ـ جايه هاجر تطلع من المطبخ عشان ترن عليه بس لقت حسن جه فقال : أنا جيت يازوزو خلاص . زينب : حمد الله على السلامه يا حبيبي..... روحي غير هدومك يلا الغداء قرب يخلص . حسن : هوا انا جعان اوي اصلا.

( راح حسن يغير هدومه ، زينب خلصت الغداء وهاجر حضرت السفره هي ومروان ، والعيله اتجمعت على السفره وبدأو يتغدوا ، بعد الغداء دخل الولاد كلهم قعدو مع بعض في البلكونه ، الجد سليم وعبدالله وزينب كانوا بيتفرجوا على التلفزيون و.......... عمر : احنا مدينا الاجازه بتاعتنا شويه لغاية مانشوف موضوع إننا نستقر مصر . هاجر بفرحه : أحلف. ضحك عمر وقال : أيوا والله. هاجر : دا خبر حلو اوي بجد .

مروان لهاجر : طب بمناسبة الخبر دا ، انا شوفت كيسه اتكمرت في الأوضه شكلها حلويات ، انا عاوزها. هاجر : اتكمرت!!!! انتم متأكدين أنه كان معاكم في ألمانيا. عمر : الصراحه لأ ، شكله عيل بيئه. نديم : بيئه ياما . مروان : والله اتلميتوا عليا دلوقتي . بعدين بص لهاجر وقال : قومي يابنتي هاتي الحلويات دي نشوف بتقول إيه. قالت هاجر وهي بتقوم : انا كدا كدا كنت جيباها عشان لما نسهر سوا.

( قامت هاجر جابت الحلويات وجت قعدت معاهم ، وقعدوا كلهم يتكلمو مع بعض ويهزروا ويعملوا TikTok ) مروان : ماكنتش متخيل إن شريف و نديم يعملوا تيك توك بصراحه. حسن : ولا أنا يابني والله . نديم : ليه ياجماعه بس . هاجر : بصراحه ياجماعه شكلكم جد اوي ساعات بخاف منكم . مروان : ساعات!!!! شريف بهزار : بس انت . مروان : حاضر يا رجوله . ـ بيكلموا كلامهم بس هاجر سكتت ، حست بتعب فجأة ، حسن لاحظ دا فقال : انتِ كويسه .

بصتله هاجر وقالت بابتسامه: انا تمام بس هقوم اجيب مياه. قامت هاجر طلعت من البلكونه بس...... بس اختل توازنها ووقعت اغمى عليها . ـ قاموا كلهم بخضه جريوا عليها بيحاولوا يفوقوها و....... ………………………………………………………………………………......... " عند هارون ومازن " ـ مازن وهارون قاعدين في المكان بتاع هارون اللي بيجتمع فيه فقال هارون : عندي طريقه نقدر نلوي بيها دراع حسن وسليم وتخليهم ينفذوا كل إللي إحنا عاوزينه. مازن : طريقة إيه دي؟!

هارون بشر : نخطف حفيدته هاجر. مازن بصدمه حاول يخفيها : إيه نخطفها!!!!!