رواية من اجل حفيدتي الفصل السابع عشر 17 - بقلم هاجر خالد

رواية من اجل حفيدتي الفصل السابع عشر17والاخير ـ الحق عمر يا بابا .................................................................................... الدكتور : تمام تقدر تمشي لما المحلول يخلص . حسن : هي حصلها كدا ليه. الدكتور بتوضيح : الدوا اللي كانت بتاخده بعد الحادثه كان قوي وفي فيتامينات تساعدها تعوض اللي فقدته وكان يقوي بنيتها ، لكن هي وقفته والظاهر إن بقالها فتره فا دا أدى إن حصلها ضعف وكمان قلة اكل .

ـ بص حسن لهاجر بضيق بعدين قال للدكتور : تمام يادكتور شكرا. الدكتور : العفو ، الف سلامه عليها. الجد سليم بلوم : ينفع كدا ياهاجر. هاجر: sorry ياجدو مكنتش احسب هيحصل كدا. زينب : بعد كدا هتابعك لأن انتِ طلعتي بتضحكي عليا كل ما أسألك تقوليلي ايوا اخدته ياخالتو . هاجر : خلاص بقا يازوزو اخره مره. عمر : الف سلامه عليكي. هاجر : الله يسلمك ياعمر .

ـ اطمن شريف ونديم ومروان على هاجر برضو ، قعدت شويه في المستشفي وبعد ما المحلول خلص نزلوا كلهم وروحوا ، طول الوقت دا حسن ماكنش بيكلمها وكان مضياق منها ، بعد ماروحوا قعدو كلهم مع بعض شويه بعدين كل واحد راح على بيته و............... ـ حسن كان طالع من بيت الجد سليم عشان يروح شقه بس وقفته هاجر وقالت : حساك مقموص مني ياحسن . بصلها حسن بعدها قال : حاسه!! هاجر : لا بصراحه متأكدة انت مش طايقني من ساعة ماكنا في المستشفى.

حسن : روحي نامي يا هاجر . هاجر : في ايه ياحسن بجد بقا . حسن : تعرفي ان احنا علاطول كنا بتتخانق بسبب إنك مهمله في نفسك ومش بتحبي تاخدي علاج ولا حتى بتهتمي بتعبك . هاجر : مش فاكره بس انا لما لقيت نفسي كويسه وقفت العلاج ، متوقعتش يحصل حاجه. حسن : و أهو حصل..... متشغليش دماغك تاني بقا ممكن . هاجر : حاضر............. يعني مش زعلان خلاص ؟ ابتسملها حسن وقال : لا خلاص ، وانا من امتى بعرف ازعل منك يعني . هاجر : ماشي.......

هروح انام انا بقا تصبح على خير . حسن : وانتِ من أهل الخير . .................................................................................... " عند هارون ومازن " هارون : مالك اتصدمت كدا ليه. مازن : لا متصدمتش ولا حاجه ، بس كدا إحنا ممكن نتضر ، واكيد هيعرفوا إن أنت اللي عملت كدا . هارون : هو أنا اهبل ولا ايه ، انا هكلف ناس تانيه خالص بالموضوع دا وكمان مش انا اللي هتعامل معاهم ، يعني في وسيط بينا ، مفيش داعي للقلق.

مازن : تمام يا هارون ، هتنفذ امتى . هارون بخبث : لسه مش عارف اكيد لما اقرر هقولك . مازن : تمام. ( خلص مازن مع هارون ونزل ماكنش عارف يعمل ايه غير إنه يرن على حسن عشان يفهمه وبالفعل رن عليه وقاله كل اللي حصل و......... حسن بصدمه : يعني إيه يامازن الكلام دا هو فاكر إيه يعني . مازن : اهدى ياحسن ، انا بس عاوزك تخلي بالك الايام دي لأن هارون شكله مش هيسكت .

حسن : مش عارف اعمل إيه يامازن بجد مش عارف ، انا خايف عليها اوي مش مستعد اخسرها مش هقدر . مازن بمواساه : عارف ياحسن وحاسس بيك ، انت بس أهدى وحاول ركز معاها الفتره دي ومتسيبهاش لوحدها ، وانا اول مايحصل جديد هكلمك. حسن : تمام يا مازن. مازن : ومتقلقش انا كل حاجه حصلت متسجله لهارون فا اي حاجه هيعملها ، هيشرف في القسم وابقى قابلني لو طلع . حسن : كويس جدا دا ، وانا هحاول على قد مااقدر أأمن هاجر الفتره دي .

مازن : تمام يامعلم ومتقلقش....... هسيبك بقا تنام يلا مع السلامه. حسن : سلام . ( عدى على اليوم دا اسبوعين كانت الدنيا ماشيه تمام ، ومفيش اي حاجه حصلت من ناحية هارون وحسن كان مستغرب وقلقان مش عارف هارون بيخطط لإيه ، بس كان بيتعامل عادي ومش بيحسس هاجر ولا العيله بأي حاجه ، لغايه ما جه اليوم اللي محدش عامل حسابه ولا متوقعه و.............. " في منزل الجد سليم "

هاجر : جدو انا هنزل النهارده عشان اروح الكليه زي ما اتفقنا ، عشان اشوف الدنيا ماشيه ازاي . الجد سليم : ماشي ياحبيبتي ، مين هيجي معاكي ؟؟ هاجر : عمر مستنيني تحت ، انا نازله بقا . الجد سليم : خلي بالك من نفسك. هاجر : حاضر باي . ـ نزلت هاجر لعمر وطلعوا بالعربيه راحوا الجامعه ،وهاجر عرفت كل التفاصيل اللي محتاجها وعرفت هتعمل ايه عشان ترتب نفسها ترجع الجامعه تاني ، بس وهما راجعين في الطريق كان في زي حركه غريبه

هما حاسين بيها فقالت هاجر: عمر العربيه دي ماشيه ورانا من ساعة ما طلعنا من الكليه، انا خايفه. ـ قال عمر عشان يطمنها لانه حس بنفس الحاجه : لا يابنتي ماشيه ورانا ايه بس مفيش الكلام دا . هاجر : طب سرع شويه يا عمر . عمر : حاضر ، متقلقيش مفيش حاجه. ـ بدأ عمر يمشي أسرع ، العربيه اللي بتراقبهم خدت بالها ، بدأت تسرع وراهم اكتر وبقت تزنق على عربيه عمر لدرجه إنه كان هيخبط في العربيات التانيه ،

فقالت هاجر بخوف : عمر في إيه ، انا قولتلك ماشيين ورانا مصدقتنيش ياعمر ، اسرع اكتر ارجوك. عمر : بس اهدي اهدي مفيش حاجه . هاجر بصوت باكي : لا انت مش شايف احنا ممكن نتقلب ارجوك اتصرف ، كلم جدو أو حسن . عمر : اهدي انا هتوهم ، هدخل في شارع جانبي ومش هيلحقونا. هاجر بتوتر : يلا والنبي ياعمر .

ـ بدأ عمر يزيد من سرعته اكتر كل دا تحت عياط هاجر وخوفها الشديد ، وبالفعل دخل في شارع جانبي مقطوع بس العربيه كانت ماشيه وراه برضو ، زاد عمر من السرعه اكتر ، بس العربيه كسرت عليه ونزل منها 4 رجال شكلهم غريب وراحوا ناحية عربية عمر ، نزل عمر من العربيه وقال بصوت عالي وزعيق : انتم مين وايه اللي انتو بتعملوه دا . واحد من الاربع رجال قال : اركن انت على جنبك عشان متتاذيش ، احنا عاوزينها هي .

ـ رزع عمر باب العربيه وراح ناحية الراجل اللي بيتكلم وقال بعصبيه وصوت عالي وهو بيزق الراجل: انت شكلك مجنون صح ، مين دي اللي عاوز تاخدها ، انا ممكن ادف***نك مكانك لو ممشتش . قال واحد تاني منهم : دي أوامر ومش هنمشي من غيرها . ـ ضربه عمر بالبوكس وقال بعصيبه : أوامر مين انت مجنون يلا دا انا.............

وقبا ما يكمل كلامه ضربه واحد من الاربع على دماغه ، وقع عمر في الأرض دماغه كانت بتن** زف فانزلت هاجر من العربيه وجريت عليه فقال عمر وهو بيزعق عشان ترجع مكانها وتقفل على نفسها العربيه : ارجعي ياهاجر مكانك ارجعي .

ـ بس هاجر ملحقتش اول ما نزلت من العربيه ادخها واحد من الرجاله اللي باعتهم هارون ، هاجر فضلت تصرخ ، عمر حط ايده على دماغه وقام رايح نايحتها ، واحد منهم ضربه ، وقع عمر على الأرض كان دايخ ودماغه بتن* زف جامد اوي ، هاجر بتصرخ ومش عارفه تفلت منهم وبتنادي على عمر . هاجر بصراخ وعياط : ياعمر قوم ياعمر بالله عليك قوووووم.

ـ بس عمر كان اغشي عليه من الضرب غير جرح اللي في رأسه ، الرجل اللي كان مكتف هاجر عشان تمشي دخلها العربيه وقفل عليها بسرعه ، هاجر من كتر عياطها وتوترها نفسها راح واغمى عليها ، مشيت العربيه اللي هاجر كانت فيها ، عمر كان واقع في الأرض والد*م حواليه ومفيش اي حد في الشارع ينقذه لان الشارع مقطوع ومحدش بيمشي فيه اوي حتى لو الصبح الا ناس قليله .

.................................................................................. ـ هاجر فاقت لقت نفسها في مكان زي مخزن نوره بسيط والباب مقفول ، فقالت بعياط وهي تخبط على الباب : حد يفتحلي........ طلعوني ، حد يرد عليا . ـ رد عليها صوت غليظ من برا بيقول : اقعدي مكانك واسكتي لحد مانشوف هنعمل معاكي إيه. هاجر بعياط : ممكن تخرجني و عاوزه اطمن على عمر والنبي طلعني . ـ الرجل

من برا بصوت عالي افزعها : قولتلك اقعدي ساكته مش ناقصين وجع دماغ فاهمه . هاجر بصوت يرتجف من البكاء: لو سمحت مشيني ارجوك ، انا معرفش انتم عايزين مني ايه ، طلعني . ( بس للاسف محدش رد عليها ، يأست هاجر وراحت قعدت في ركن في المخزن وقعدت تعيط و..... ......... …………………………………………….…………………............. ـ في منزل الجد سليم كان قاعد مروان بيصلح حاجات مع الجد سليم ، بس موبياله رن وكان

رقم غريب فقال الجد سليم : شوف موبايلك يا مروان. مروان : دا رقم غريب ياجدو فكك. الجد سليم : رد يابني يمكن في حاجه مهمه . ـ قال مروان وهو بيمسك موبايله عشان يرد : حاضر . ألو مين معايا . ـ ممرض من المستشفي اللي اتنقل ليها عمر : حضرتك صاحب الموبايل دا في ناس لقيتها مرمي في شارع مقطوع وكان متبهدل خالص وهو في المستشفى دلوقتي . مروان بخضه : ايه!!! عمر حصله ايه ومستشفى إيه دي . الممرض : مستشفى ********.

ـ قفل مروان المكالمه ومكانش مستوعب بس قال بصوت مهزوز : عمر في المستشفي ياجدو . الحق عمر يابابا. ـ جه عبدالله بسرعه عليه وقالت بخضه : في ايه ماله عمر . ـ قال مروان وهو بيتحرك ناحية الباب : عمر في المستشفي يابابا . عبدالله: استنى يامروان أنا جاي معاك يابني استنى .

( نزل مروان بسرعه هو وعبدالله والجد سليم وزينب وراحوا المستشفي اللي عمر فيها ، سألوا عليه وطلعوا لاوضه بتاعته لاقوه على السرير إيده رجله متجبسين ودماغه ملفوفه و..... ـ دخل عبدالله والجد سليم ومروان وزينب بسرعه الاوضه عند عمر جريوا عليه فقال عبدالله : عمر حبيبي إيه اللي حصلك ،مين عمل فيك كدا ، وهاجر هاجر فين . عمر بتعب : اخدوها........ اخدو هاجر يابابا. الجد سليم بخضه : مين اللي أحدها حصل ايه يابني فهمنا .

ـ عمر ماكنش عارف يتكلم ولا كان شايف بس حكالهم كل حاجه حصلت لغاية ما اغمى عليه وخدوا هاجر . ـ قال مروان وهو بيطلع موبايله : انا هكلم حسن لازم يعرف اللي حصل . الجد سليم بحزن : هتكوني روحتي فين ياهاجر بس ، ربنا يرجعلك ليا بخير يارب . زينب بدموع : يارب يابابا يارب تبقا بخير . ـ كلم مروان حسن وحكاله اللي حصل ، حسن نزل جري من الشركه وراحلهم على المستشفى ، دخل اوضة عمر ، وراح

ناحية عشان يطمن عليه فقال: انا اسف ياعمر اللي حصلكم دا بسببي انا اسف . عمر بتعب : هاجر ياحسن . حسن : هترجع..... هرجعها إن شاء الله محدش هيقدر يقرب منها تاني . الجد سليم : هتعمل إيه ياحسن . حسن : عمل كتير ياجدو ، انا همشي ، وهاجر هترجع البيت النهارده . الجد سليم : خلي بالك على نفسك ياحسن انا مش مستعد اخسركم يابني . حسن : متقلقش ياجدو كل دا هينتهي النهارده. ـ طلع حسن من الاوضه ونزل من المستشفى بسرعه وغضب ،

ركب عربيته ورن على مازن : انت فين يامازن تعالى على المخزن ، هاجر اتخطفت . ـ كان قاعد مازن على كرسي مكتبه فقام بسرعه وقال بخضه : إيه حصل امتى دا وازاي . حسن : مش وقته يامازن تعالى بسرعه انا مش ههدي غير لما هاجر تبقى موجوده في البيت النهارده . ـ اخد مازن مفاتيح عربيته من على المكتب وطلع بسرعه وهو بيقول : هاجر هترجع البيت النهارده ، وهارون هيشرف التخشيبه خلاص كدا جاب آخره معانا ، انا مسافة السكه وابقى عندك .

ـ راح حسن على المحزن وكلم سعيد يجيله على هناك يمكن يعرف منه أي معلومه ، وبعد وقت قصير وصل مازن وسعيد ، دخلو المخزن وبدأ حسن يوجهه كلامه لسعيد فقال : انا عاوز اعرف منك معلومات عن كل الناس اللي هارون بيتعامل معاهم عشان ينفذوا الخطط بتاعته ، واياك تكتب عليا في حرف هدف****نك مكانك ، فاهم. سعيد بخوف : فاهم ياباشا انا هقولك كل حاجه . حسن : يلا أنجز .

سعيد : هارون في الحاجات اللي زي دي مش بيتعامل بنفسه مع حد وش لوش ، بيبقا في وسيط بينهم هو اللي بيكلفنا بكل حاجه هارون عاوزها . حسن : مين الوسيط دا . سعيد بتردد : دا شاكر كان زميلي في الشغل وعلاطول هارون بيكلفه والحاجات اللي فيها خط*ف ، سر**قه والحاجات دي ، بس بالله عليك ياباشا ماتجيب سيرتي في الموضوع لأن محدش يعرف حوار شاكر دا غيري . حسن : وانا اضمن منين إنك مش بتكدب .

اتكلم مازن بسرعه وقال : مش بيكدب ياحسن لأن فعلاً هارون قالي إنه مش بيتعامل بنفسه بيبقا في وسيط في كل الحوارات دي . حسن بص لسعيد وقال : تمام ، انا عاوز اعرف عنوان شاكر دا دلوقتي ، ياإما تيجي معايا بنفسك . سعيد : لا يا باشا الله يرضى عليك ، ابعدني عن الموضع دا ، انا هقولك العنوان وتروح انت . حسن : اخلص قول . سعيد : العنوان ************** بس بالله عليك ياباشا ماحد يعرف إن انا اللي قولتلك . ـ حسن هو بيلبس الچاكيت

بتاعه وهيطلع من المحزن : قولتلك قبل كدا طول ما انت ماشي عدل معايا متقلقش......... تقدر تروح دلوقتي ، واي وقت ارن عليك فيه الاقيك قدامي ، فاهم . ـ سعيد وهو بيطلع بسرعه من المحزن: فاهم يا باشا فاهم . حسن لمازن : يلا بينا على بيت شاكر دا . مازن : بعد ما نخلص موضوع شاكر هطلع على القسم اسلم كل تسجيلات هارون . ـ قال حسن وهو بيركب العربيه هو مازن: تمام يلا .

ـ بدأ حسن في طريقه لبيت شاكر وبعد 20 دقيقه وصل البيت وطلع الدور اللي سعيد قاله عليه وهو كان الدور الاخير على سطع عماره ، خبط على الأوضه اللي موجوده ، بعدها فتح شاكر وقال : أيوا يا باشاوات في حاجه؟ ـ قابله حسن ببوكس في وشه وهو بيقول بغضب : ايوا فيه . ـ شاكر وهو حاطط ايده على وشه مكان الضربه وبيقول بخوف : في ايه انت مين. حسن : مش مهم انا مين ، فين هاجر يالا. شاكر بكدب : هاجر مين ، انتم جايين ترموا بلاكم عليا .

ـ قابله حسن ببوكس تاني وهو بيقول بغضب اكبر : انت هتسطعبط يالا...... هاجر اللي هارون كلفك تبعت ناس يخطفوها ، هي فين انطق. شاكر وهو مصمم ميتكلمش : قولتلك معرفش ، انا محدش كلفني بحاجه . ـ مسكه مازن من لايقه قميصه وشد وراه ناحية السور وزقه كاتهديد ليه إنه يوقعه وقال بغضب : هتقول هي فين ولا تحب صورتك تنزل في صفحة الوفيات . شاكر بتوتر وخوف : قولتلك معرفش . ـ مازن وهو بيضغط عليه اكتر ناحية السور : خلاص يبقا انت اللي اخترت .

ـ مازن ماكنش هيعمل كدا بس هو كان بيخوفه ، وشاكر خاف فعلا ، وقال بسرعه : خلاص يا باشا هقول والله هقول . ـ شده مازن من ناحية السور ورماه على كرسي كان محطوط وقال ببرود: ماكان من الاول كان لازم نتعصبك عليك يعني ، يلا لخص وقول. شاكر وهو بيبلع ريقه بخوف : هاجر في محزن من بتوع هارون باشا ، المخزن اللي جمب شركته القديم في الصحراوي . حسن : انت عارف المكان . شاكر بتردد وخوف : ايوا..... ايوا ياباشا. ـ مسكه حسن

من هدمه ومش بيه عشان ينزل: طيب ياحلو تعالى معانا بقا . ـ نزل حسن ومازن ومعاهم شاكر ، ركبوا العربيه وطلعوا على مكان المخزن اللي قالهم عليه شاكر وبعد ساعه بالظبط وصلوا فقال حسن لشاكر : هو دا المخزن يالا . شاكر : ايوا ياباشا هو . حسن : تمام انزل. ـ نزل حسن ومازن وشاكر من العربيه ، حسن طلع مسد**س من العربيه ومسك شاكر وحطه على دماغه فقال شاكر بخوف : ايه دا ياباشا هتعمل ايه ، انا عملت كل اللي حاجه قولتهالي .

حسن : بس يالا ، انا هدخل بيك ليهم كدا عشان اعرف اخد هاجر ، ولو حصل اي عوق منهم اتشاهد على روحك . ـ بلع شاكر ريقه بخوف ، فقال مازن : يلا حسن مش عاوزين نضيع وقت . ـ راح حسن وهو ماسك شاكر ومازن ماشي قدامهم ، وصلوا عند المخزن ، مازن زق الباب برجله فقام الرجال اللي كانوا قاعدين قدام باب الاوضه اللي هاجر محبوسه فيها ، وراحوا ناحية حسن ومازن وهما بيطلعوا المسد**سات من جيوبهم فقال حسن : ارجع منك ليه ، بدل ما افرتك دماغه .

ـ قال شاكر بزعيق لرجالة هارون : اسمعوا الكلام وارجعوا وسيبوا السلا**ح دا مجنون ويعملها . واحد من الرجال لشاكر : انت مجنون دا هارون بيه يموتنا فيها . قال حسن باستهزاء : لا ماهو مش هيلحق . بعدين بص لمازن وقال : خد منهم المفتاح وافتح الباب يامازن . ـ اخد مازن المفتاح منهم بعد ماشاكر قالهم يسييوا المفتاح ، فتح مازن الباب لقى هاجر قاعده في ركن ضامه رجليها وقاعده بتعيط فنادى عليها وقال : هاجر.... هاجر تعالي .

ـ بصت هاجر قدامها لقت مازن قامت تجري ناحية وقالتب بعياط : مازن انت جيت ازاي انا كنت خايفه اوي وفين حسن ، انا خوفت يعملوا فيا حاجه انا عاوزه اروح لجدو . قال مازن وهو بيطمنها : بس اهدي خلاص هتروحي ، حسن برا وهنروح كلنا متخافيش . هاجر وهي بتمسح دموعها : بجد طب يلا بينا ، وكمان وديني لعمر ،انا قلقانه عليه اوي . مازن : تعالي نطلع الاول وهتروحي ليه المستشفى .

ـ طلعت هاجر هي ومازن ، وحسن اول ماشافها ساب شاكر لمازن ، وجري عليها وهي خضنته جامد وقعدت تعيط: كنت متاكده إنك مش هتسيبني ياحسن ، انا كنت خايفه اوي. طبطب حسن عليها وقال : متخافيش ياحبيبتي انتِ معايا دلوقتي الحمدلله ،وهنرجع البيت ، محدش هيقدر يقرب منك تاني ، متخافيش . هاجر : انا عاوزه اروح لعمر وجدو . حسن : حاضر هنروح دلوقتي . مازن وهو ماسك شاكر : هنستنى بس كام دقيقه البوليس جاي في السكه . ـ شاكر وهو

بيحاول يفلت من ايد مازن : ايه بوليس ايه يا باشا متفقناش على كدا . ـ طلع اللي كانوا خاطفين هاجر يجروا من المكان اول ما سمعوا إن البوليس جاي بس ياخساره ملحقوش اول ماطلعوا لقوا الظابط في وشهم وبالفعل تم القبض عليهم وعلى شاكر ، وطلع هاجر ومازن وحسن من المكان وركبوا العربيه فقال حسن : انت بلغت ازاي يابني وامتى .

مازن : انا ليا ظابط صحبي كنت حكيله الحوار من الاول خالص ومفهمه كل حاجه هنعملها عشان يبقا معايا على الخط ، واول ماعرفت إن هاجر اتخطفت كلمته وكنت فاتح المكالمه طول الوقت عشان كدا هو سمع كل حاجه وعرف المكان وجه . حسن : اخويا يامازن بجد تسلم دماغك . هاجر : ممكن نروح عند جدو بقا . حسن : هنروح بس تبطلي عياط بقا ممكن . ـ قالت هاجر وهي بتمسح دموعها : ممكن.

ـ ابتسم لها حسن وطلع بالعربيه، ووصلوا المستشفي عند عمر ، واول ما هاجر دخلت الغرفه العيله طلعت تجري عليها وقعدو يطمنوا عليها ، بعدها راحت ناحية عمر وقالت بدموع : أنا اسفه ياعمر بجد ، كل دا بسببي . عمر رغم تعبه قال بهزار : بس ياعبيطه المهم إنك بخير دلوقتي ومعانا. مروان بهزار : ياعيني يا عمر دا انت اتخرشمت خالص . شريف بهزار هو الآخر : مبقاش نافع خلاص ادشمل . نديم : ياعيني عليك ياعمر ماكنش يومك .

قال حسن وهو بيبص لعمر : بس يالا انت هو ، هو اه مبقاش باين من الجبس بس هيبقا كويس إن شاء الله . عمر : ماتشوف احفادك ياجدو . الجد سليم : بس يالا انت وهو سيبوا الواد في اللي هو فيه هو مش ناقص . هاجر : سيبك منهم ياعمر خف انت بس عشان اعملك مكرونه بشاميل اعوضك بيها عن اللي حصلك دا . نديم : ابسط ياعم هيتعملك مكرونه بشاميل اهو . زينب : اهو النق دا اللي دشمل الولد كدا . الجد سليم : يلا كلوا على برا سيبوه يرتاح شويه يلا .

( طلع الكل برا الاوضه بعد ما عمر اخد دواء ونام ، قعدت عمر في المستشفى اسبوع بعدها طلع ، وبعد شهر فك الجبس ، هارون اتحبس بعد ما مازن بعت كل التسجيلات اللي معاه والورق وكل حاجه تودي هارون في داهيه للبوليس وكمان شاكر اعترف على كل حاجه هارون كان بيعملها ويكلفه بيها ، شركات هارون وكل شغل الشمال باظ بعد ما اتحبس ، رجعت عيلة الجد سليم لحياتها الطبيعه من غير خوف وقلق ، عبدالله وأولاده خلا نقله شغلهم مصر واستقروا هنا ، وفي يوم كانت قاعده العيله مع بعضها بعد الغداء ، حسن كان مقرر إنه يتكلم مع الجد سليم انه يخطب هاجر و.........

حسن : انا عاوز اقول حاجه . الجد سليم : قول ياحسن في حاجه ولا إيه. حسن : لا ياجدو متقلقش بس انا....... انا.... الجد سليم : قول ياحسن بتقطع ليه . قال حسن بسرعه مره واحده : انا عاوز أخطب هاجر . ـ اتفاجأت هاجر وقالت بعد ما كله بصلها بفرحه : هاجر مين . حسن : مش ناقصه غباء ارجوكي انا ماصدقت . الجد سليم : بس ناخد رأيها الاول...... انتِ إيه رأيك ياهاجر . ـ سكتت هاجر شويه بعدها قالت بتوتر : موافقه .

ـ زرغطت زينب وحضنت هاجر ، شريف وعمر ونديم ومروان قاموا حضنوا حسن وباركلوه وعبدالله والجد سليم كمان ، والعيله كلها كانت فرحانه ، راح وقف حسن وقف جمب هاجر وقالها بهمس : بحبك على فكره. هاجر بفرحه: وانا كمان ياقلبظ . قال حسن وهو بيبصلها بيأس: تاني يا هاجر . تمت