تحميل رواية من الذي أحبه بقلم لولو وائل pdf

رواية من الذي أحبه الجزء الحادي والعشرون 21 بقلم لولو وائل

من الذي أحبهرواية من الذي أحبه الحلقة الحادية والعشرون

=في ظرف 24 ساعه امي لو مخرجتش من السجن كل واحد فيكو هيترحم على حبيبه القلب

=مرام مش وقته الهزار انتى شايفه ان ده وقت مناسب ان انتى تهزري

=مين قال ان انا بهزر مش يمكن اطلع بتكلم جد

=حلوه منك حلوه منك يا بنت خالتي ومقبوله اتفقتى مع امك علينا امتى يا مرام

=اقولك الصدق ولا اكذب

=مش فارقه فى كلتا الحالتين مش هصدقك

=يبقى اسمع بقى هو انا اه كدبت عليك في حاجات بس مش كل اللي حكيته كان كدب يعني قصه موت ابويا وقصه موت اهل فريد ويوسف كانت حقيقه مكدبتش فيها اللي انا كدبت فيه هو ان انا قولتلك ان انا هحاول انساك وان انا مش هحبك بس انا بصراحه كنت بحاول انتهز الفرصه وفي نفس الوقت انت عارف دي امي مقدرش اسيبها مهما عملت

=مقبوله منك بس احنا مش هنطلع حد يا مرام

=لا ما انتوا لازم تطلعوها عشان لو مطلعتش متزعلش على حبيبه القلب انا قولتلك اهو عشان ابقى معاك على النور اللهم بلغت اللهم فاشهد

=مرام فوقي اللي انتى بتعمليه ده غلط انتى عارفه ان امك خطر ومش هتسيبك انتى كمان وممكن تموتك زى ماقتلت اختك هتفضلي تثقي فيها كده

=لا ما هي امي مقتلتهاش لوحدها وانا كان لازم اتدخل اصل ميار غبيه مبتبصش غير تحت رجليها وكمان انانيه عشان هي اتجوزت الى هي بتحبه ومش عايزاني اتجوز اللي انا بحبه عشان كده ده كان لازم يحصل فيها كده كانت لازم تموت

صدم مراد بسبب ما استمعه من مرام=انت بتتكلمي جد ولا بتهزري انتى قتلتى اختك انا مش مصدق والله العظيم مش مصدق انتى ازاي تعملي كده

=تصدق في الاول هي كانت صعبانه عليا بس هى اللي اجبرتني على ده غبيه وانانيه وحسيت ان ده كان احسن ليها ولينا

ردت مراد بعصبيه=احسن ليها وليكم انتى مريضه انتى استحاله تكوني طبيعيه انتى قتلتى اختك ونسيتي حتى عيالها الى يتمتيهم مفكرتيش في عيالها الى انتى المفروض تبقي خالتهم ولا جوزها واختك اللي من لحمك ودمك تعملي فيها كده انتى استحاله تكوني بني ادمه انتى لازم تكوني جنب امك في السجن انا مش هسيبك يا مرام مش هسيب حق ميار

=من غير رغي كتير هتطلع امي ولا تترحم عليهم

=لو انا طلعت امك هتسيبيني انا وروح في حالنا وهتسيبي بقيه البنات

=بقيه البنات هسيبهم اه لكن روح دى حسبه تانيه

=ولو قولتك يا بنت خالتي ان المكالمه دي مسجله هتعملي ايه

=وانا ايه اللي يخليني اصدقك مش يمكن بتقول كده عشان تخوفني

=متصدقيش انتى حره

=طب انت مش خايف ان انا ممكن اعمل حاجه للبنات دي بسبب التسجيل اللي معاك اللي انت بتقول عليه ده

=مرام انتى عبيطه ولا انتى شكلك كده انتى بتهددينا في وسط مكانا ورجلتنا اللي حواليكى بصي وراكي كده

نظرت مرام خلفها وجدت رجل امامها وضربها على راسها حتى سقطت وفقدت الوعي وامره اسر بربط مرام ولا يجعلها تهرب ابدا حتى تاتي الشرطه وتأخذها

=ايه رايك يا اسر نعذبها شويه ولا نسجنها على طول

=حلوه فكره نعذبها دي بس اكيد مش احنا اللي هنعمل كده احنا نوصى البنات

=احنا هنخلي اميره تعملها خريطه في وشها

=تفكير منطقي وسليم

=يعني مش هتبلغ خلاص

=هنبلغ بس انت عارف لازم تتظبط الاول

=اذا كان كده ماشي

عندما استعادت مرام وعيها وجدت نفسها مقيده ووجدت أمامها البنات ينظرون إليها بغضب

نظرت لها روح بغضب وقالت=متخيلتش انه يطلع منك كل ده ده انا صدقت الى انتى قولتية وصدقت زعلك قولت انك اتبهدلتى كثير اوي يطلع منك كل ده بجد انا مبقتش فاهمه انتى ليه بتعملي كده

=عشان انتى حراميه يا روح سرقت مني مراد انا كنت راجعه على انه هو هيخطبني كنت مبسوطه بكده وفجاه لقيته بيحب واحده ثانيه وسابني وكل اللي انا كنت مخططاله وكان نفسي يحصل انتهى وحبي راح كنت عايزاني اعمل ايه كنت عايزاني اخليكي تكسبي واعيش انا كده مستحيل

=وانتى وصلتى لايه دلوقتي هل دلوقتي مراد معاكي وكل اللي انتى بتعمليه اصلا ليه فايده حتى اختك مسلمتش منك حسبي الله ونعم الوكيل فيكى حسبي الله ونعم الوكيل فيكى

وأجابت اميرة=تعرفي يا مرام انا محروق دمي من ساعه ما شفتك ونفسي امسكك اضربك وتقريبا ربنا حققلي الامنيه دي ان أنا اشوفك قدامي متربطه وكمان غلطانه تعاليلي بقى

وانهالت عليها اميرة بضرب بسبب غضبها الكبير منها لانها احزنت اختها وصديقه اختها وهي لا تحب ان احد يحزنهم وهي كانت لا تحبها من اول ما راتها في خطبه اختها وكانت تعلم ان هذه الفتاه ليست جيده

كانت سلمى تضحك بشدة=اميره انت بتعملي ايه

=باخد حقكم

=واحنا حقنا هيتاخد بقرص الخدود

=يعني انتى سبتى كل اللي انا عملته والضرب والتلطيش ده كله مشوفتيش غير انا في الاخر كنت بقرصها من خدودها

=انتى بجد فظيعه انتى ضحكتيني اوي بصراحه انا اول مره اشوف حد بيضرب قدامي واضحك

=طب ابعدي بقى من قدامي عشان مضربكيش انتى كمان

وذهبت سلمى مسرعه الى روح وتركت اميره تكمل في ضرب مرام على راحتها

ذهب مراد الى اسر واخبره انه سوف يذهب الى قسم الشرطه لانه يريد ان يرى سوزان

=هتستفاد اى لما تشوفها

=عايزه اطلع عصبيتى مش هسيبها الا لما ادمرها زي ما دمرت حيات غيرها

=يا ابني خاف على امك واختك وسيبها بقى لحد ما نجمع بقيت الادله ونخلص منها

=اسر احنا في يوم وليله حياتنا اتشقلبت من تجمعنا كلنا في المستشفى لكل واحد بقى في حته مستخبين خوف بسببها انا خايف على البنات وخايف على اهلي كل ده بسببها هي نفسي الاقي بقيه الادله

=طب تيجي بدل ما نروح عند سوزان نروح بيتها

=وانا كنت هروح بس مش دلوقتي

=وليه احنا فيها تعالى نروح وندور وان شاء الله نلاقي ادله عليها كتير وهننتقم منها وناخذ حقنه كلنا

=ماشي يلا بينا

وخارج اسر ومراد الى سياره اسر وركبوا وانطلق اسر الى منزل سوزان وبعد فتره وصل اسر ومراد الى المنزل كان منزل في حي فقير في حاره شعبيه ولكن كان منفرد ودورا واحدا

=متهزرش هو ده بيتها

=هى اللي عملت في نفسها كده كانت عايشه في الفيلا ومعها فلوس هى الى وصلت نفسها للحاله دي صرفت كل الفلوس وصرفت كل حاجه مرضيتش حتى انها تكبرها او تدي فرصه لجوزها انه يكبرها اديك شوفت نهايتها كانت فين عايشه في المكان ده وفي نفس المكان ده قتلت جوزها انا مش عارف ازاي هي قدرت توصل انها تقتل جوزها

وبنتها وكمان مرام تساعدها على كده انا بجد مش فاهم دماغهم كانت فين

=مغيبين يا صاحبي والله مغيبين هيجي وقت وهيصحوا وهيتصدموا صدمه عمرهم

=تعالي ندخل يمكن نلاقي حاجه

=يلا

وكان سوف يذهبوا ولكن اوقفهم شخص قبل الدخول

=هو انتم جايين تسكنوا هنا يا بهوات ولا ايه

رد اسر=لا مش جايين نسكن هنا احنا كنا جايين عشان ناخد حاجه من شقه واحده قريبتنا كانت بعتنا ان احنا نعدي على بيتها هنا وناخد منه حاجات ونمشي

=قرايبتكو مين يا باشا البيت مقفول بقاله كتير صاحب البيت قفله بيقولوا ريحته وحشه اوي وما حدش حتى قادر ان هو يعيش فيه

=ريحته وحشه من ايه

=والله مش عارف هو جه من كام يوم وكان صاحب البيت جه مع ناس عشان ياجروا البيت دخلوا لقوا البيت ريحته وحشت تقولش مقبره ريحته كانت بشعه جدا فراح الناس مشيت وريحه البيت زي ما هي دورنا على مصدر الريحه بس ملقيناش اي حاجه

=طب هو احنا ينفع ندخل هنشوف بس حاجه بسرعه وهنمشي

=مش هتستحمل ريحه يا بيه الريحه جوه صعبه اوي

=هنجرب لو مستحملناش هنخرج على طول وانت بس تراقبلنا الوضع عشان صاحب البيت ميجيش عقبال ما ندخل بس هنشوف حاجه وهنخرج على طول مش هنطول

=ماشي يا بهوات بس ايه المقابل

=يا عم هنديك اللي انت عايزه هنديك الفلوس اللي انت عايزها بس استنى بس شويه ندخل نشوف اللي احنا عايزينه وهنخرج على طول

=ماشي ربنا معاكم

وبداوا بالدخول وعندما فتحوا باب المنزل خرجت رائحه كريهه للغايه لم يتحملوها ابدا وظل مراد واسر يسعلون كثيرا وتغطيه انفهم وذهبوا الى الداخل

=مراد انا مش قادر الريحه بشعه اوى

=انا عايز اعرف هو ايه اللي حصل في البيت ده خلي ريحته تبقى صعبه اوي كده

=احنا كده مش هنقدر ندور على اي حاجه احنا كده هنفطس

=حاول معلش شويه صغيرين وهنخرج احنا محتاجين الادله دى

=ماشي حاضر

وبدأو يبحثون وكل منهم دخل الى غرفه وبدا بالتفتيش بها جيدا والنظر في كل مكان وكان يبحثون في الادراج وفي كل مكان اكثر من مره حتى نادى مراد على اسر

=بص انا لقيت ايه

=ده ايه ده

=دي يا سيدي ورق بيثبت الديون اللي عليهم وده ورق ثاني بيثبت اختفاء جوزها بس ان ليه شايف ان التاريخ اللي موجود هنا جديد مش قديم

=قصدك ايه

=قصدي ان التاريخ المكتوب يثبت ان جوزها ميت من قريب مش من بعيد بس مرام قالتلي ان هو مات من وهي صغيره

=كده في حلقه ناقصه يا صاحبي يبقى كده مرام كدبت عليك وممكن تكون كمان اشتركت مع امها في قتل ابوها

=انا كده بدات اشك في حاجه كبيره معقول يكون مخطوف وبيتعذب هنا وقتلوه

=احنا لازم نواجها ونعرف منها كل حاجه

=تعالى نبص بصه في المطبخ كده يمكن تكون حاطه ورقه هنا ولا هنا في ستات بتحب تخبي حاجات في المطبخ

=ماشي تعالى ربنا يستر

وكانوا يبحثون في كل مكان في المطبخ وينزلون في كل مكان ووجد اسر USB ووضعها معه وظلو يبحثون ايضا مره اخرى الى ان وجدوا باب في المطبخ لم يروه من قبل

=ده باب سري ولا باب خلفي للبيت ده

=انا لما شوفت البيت اصلا ما كانش ليه فاتحه من ورا ممكن يكون باب سري يكونش مخبيه فيه حاجه

=وارد والله يحصل ده تعالي نفتح ونشوف هنلاقي جواه اى

=اقسم بالله انا قلقان انا حاسس ان احنا داخلين في الجو مش بتاعنا

=بلاش نضيع وقت كتير في الكلام يا اسر خلينا نخلص

وفتح مراد الباب وازدادت الرائحه وزاد سعالهم وصدم مراد واسر مما راوه

وقال اسر بصدمة=دى جثة ابوها !!!

…..

رواية من الذي أحبه الجزء الثاني والعشرون 22 بقلم لولو وائل

من الذي أحبهرواية من الذي أحبه الحلقة الثانية والعشرون

وقال اسر بصدمة=دى جثة ابوها !!!

=انا مبقتش فاهم حاجه ومش قادر اقف اكتر من كده هموت من الريحه تعالى نخرج ونبلغ

وخرجا الاثنين إلى الخارج وقام مراد بالاتصال بوليد

=الو يا مراد اى الاخبار

= وليد فى حاجه كبيره حصلت

= فى اى يا مراد

= احنا روحنا انا وأسر لبيت سوزان ولقينا جثه جوزها تقريبا باين لسه ميت من قريب

= انا جاى حالا

واغلق وليد الهاتف مع مراد وكان مراد لازال تحت تأثير الصدمة واقترب أسر من مراد ووضع يده على كتفه=أهدى يا صحبى كل ده هيعدى إن شاء الله

= انا مش مصدق والله إلى بيحصل كل مادا احس انى غبى وبنت ال كدبت عليا انا مش هسكتلها المرادى

= اهدى طيب لحد ما وليد يجى وبعدين هنشوف هنعمل معاها اى

= مش هسيبك يا مرام والله مهسيبك

وبعد قليل من الوقت اتى وليد وامر قواته بدخول الى المنزل وذهب الى مراد واسر

= انتو جيتو هنا ليه

=جينا علشان ندور على دليل

=انت كنت عارف بالجريمة دى

= كنت عارف ان جوزها مات بس كنت عارف أنه من زمان مش من قريب انا اتصدمت لما شوفت جثته قدامى

= حصل خير كويس انك بلغت لازم نعرف هو مات ازاى وده شغل الطب الشرعى بقى وممكن يفيدنا فى قضية سوزان

= اتمنى اخلص منها

واتى رجل كبير فى العمر يظهر عليه التعب وتفاجأ بما يحصل وذهب ليعرف السبب

= السلام عليكم و رحمة الله وبركاته

= عليكم السلام ورحمة الله وبركاته

= هو ممكن اعرف اى إلى بيحصل فى بيتى ده

اجابه وليد= انت صاحب البيت

= ايوه انا مين حضرتك

اجابه مراد= ده الظابط المسئول عن القضيه

= قضية اى يا بيه

اجابه مراد= فى ريحه بشعه فى البيت ده وناس اشتكت من ده علشان كدا جينا نشوف فى اى وطلع فى جثه

= اى جثه جت منين دى

=ركز معايا انا يا…

= اسمى ربيع ياسعادة الباشا

= بص يا عم ربيع مين اخر حد كان عايش فى البيت ده

= كانت ست وبناتها وجوزها

= احكيلكى عنهم يا عم ربيع

=كانو عايشين ومكنوش بيدفعوا ايجار خالص كل لما اروح اطلب فلوس كل اخر شهر مكنوش بيدونى حاجه وبيقولولى استنى علينا شويه وكنت بستنى ومحدش من الجيران كان بيحبهم خالص وكان بيشتكو من صوتهم كل يوم ومشاكلهم لحد ماجيت فى يوم قولت خلاص هخرجهم لأنى مش بستفاد منهم بحاجه وروحت واقعدت اخبط محدش فتح ولما دخلت ملقتش حد خالص فى البيت هربو ومعرفتش عنهم اى حاجه خالص

= مشيو امتى بالظبط

= من شهر كدا يابيه

= بس باين أن الجثه من كام يوم مش من كتير

= انا معرفش هى جت منين

= طب انت بعد ما مشيت مغيرتش كالون الشقه

= لا سبته زى ما هو قولت اكيد مش هيرجعو تانى علشان ميدفعوش حاجه

=لو مخبى حاجه يعم ربيع قول

= لا يا بيه هخبى اى بس

= لو طلعت مخبى حاجه وليك يد أو بتتستر هتزعل اوى

= ان شاء الله ميحصلش زعل يا بيه

= ماشى يا عم ربيع أمشى انت

ذهب ربيع ولكن كان هناك شك بدخل مراد

= الراجل ده بيكدب انا حاسس بكده

= وانا كمان شاكك برضو بس الشك مش هيفيد بحاجه لازم إثبات

= الموضوع كل مادا بيكبر منا

= هتتحل إن شاء الله

= يارب

أنهى وليد عمله وذهب وذهب مراد واسر أيضا وتوجهو الى المنزل الذى به الفتيات

= بيت مين ده يا صحبى

= ده بيت امى

= اهلها قصدك

= لا ده بتاعها هى محدش يعرف عنه حاجه غيرى انا وهى وبس كانت سيباهولى اتجوز فيه علشان ابويا ميعملش حاجه ليا ولا لعروستى

=الله يرحمها مش عارف كانت عايشه مع ابوك ازاى دى

= ربنا رحمها من عيشتها معاه حقيقى

= يلا ندخل بقى

وذهبوا الى الداخل وتوجه مراد الى مرام ولكن أخذ معه اميره فقط

=ازيك يا مرام عجبتك الاقامه هنا

= لو البت دى تسيبنى فى حالى هبقى زى الفل

= عمتلها اى يا اميره

= طلعت كل إلى جوايا فيها بذمتك مش كده بقت احلى

= بكتير

= عايز اى يا مراد

= بصى يا مرام لو مجتيش معايا دغرى وقولتى الحقيقه هندمك

= حقيقة اى

= بلاش استهبال انا على أخرى لو مقولتيش كل حاجه هخلى اميره تزود الجرعه اى رايك

= منا قولتلك كل حاجه ومكدبتش فى حاجه وقولتلك كدا فى التليفون

= انتى كدابه وانا عرفت كل حاجه ولقينا جثة ابوكى

ردت بصدمة= جثة مين ازاى

= بلاش استعباط

= والله العظيم ابدا انا مكنتش اعرف انه عايش

= ده إلى هو ازاى يعنى مش كنتى معاه فى المستشفى لما مات زى ما حكيتى طلع عايش ازاى بقى

= معرفش والله

= هتقولى الحقيقه ولا

= منا بقول الحقيقه معرفش ازاى ده حصل

= مرام انا على أخرى اقسم بالله قولى كل حاجه ولو كدبتى هتزعلى منى جامد

= انا كل إلى قولتهولك كان حقيقى والله ولما كنت فى المستشفى الدكتور قالى أنهم هيغسلو ويدفنو ساعتها انا مدخلتش معاهم اصلا كنت بره ومعيش رقم حد اكلمه لحد لحد ما اتدفن وبعد كده عرفت اتواصل مع تيته بالعافيه لحد ما رزحت عندها وقعدت عندها ممكن يكون بقى بدلو الجثه جوه او الدكتور ضحك عليا لكن انا والله مكنتش عارفه ان ابويا لسه عايش

=وانا اصدقك ازاي مش قادر اصدقك

=والله العظيم ما بكدب عليك انا مكنتش اعرف ان هو عايش انا لو بكدب عليك مكنتش قولتلك ان انا برضو كان ليا يد في قتل ميار بس انا والله ما اعرف ان ابويا عايش اثبتلك ازاي طيب

=لو هنفترض انك بتقولي الحقيقه دلوقتي احنا لازم نشوف الدكتور اللي كان معاكي ساعه حالة ابوكي لازم نشوفو و نعرف منه كل حاجه

=حضرتك انا لما شوفت الدكتور ده كان عندي 10 سنين يعني من سنين انا دلوقتي عندي 28 سنه يعني ممكن يكون مشي او طلع معاش او مات هنلاقيه ازاي

=هنروح ونسال المهم نلاقيه لان كده الموضوع بيكبر منا يا مرام لو مخبيه حاجه قوليها دلوقتي انا على اخري ومش عايز اعملك حاجه

=والله العظيم انا قولتلك كل حاجه انا فعلا والله معرف ان هو عايش

=طيب قوليلي مكان المستشفى فين وهتيجي معايا واياكى تعملي حاجه كده او كده عشان انتى عارفه انك هتزعلي اوي لو عملتى اى حركه غدر وطبعا لازم تيجي معايا علشان انت الوحيده اللي عارفه شكله

=حاضر

بدا مراد بفك مرام وخرج من الغرفه معه مرام واميره ولم يتحدث مع احد وتوجه الى سياره اسر الذي قد اخذ منه مفتاحها لكي يذهب دون الرد على اسئلتهم

=ده رايح فين ده

=محدش يتكلم مع مراد دلوقتي وسيبوه براحته الصدمات اللي احنا

عمالين ناخدها تخلي الواحد ميفكرش اساسا ويمشي ورا اي خيط عشان يوصل لاي حاجه

=وايه اللي حصل يا اسر انتوا عرفتوا ايه تاني

=ابو مرام طلع عايش او مش عايش هو كان بيتعذب وموتوه في البيت وسابوه يعفن المواضيع بدات تكبر منا وكل ماده بنخش في دوامه والواحد مش لاقي حل لاي حاجه

=بس مرام قالت ان ابوها ميت من وهي عندها 10 سنين عايش ازاي

=مش عارف والله انا مبقيتش مصدق البنت دي حاسه البنت دي بتحور علينا وعارفه حاجات كتيره ومش عايزه تتكلم عماله تلعب بينا يمين وشمال حتى صاحب البيت هناك باين عليه برده كان بيحور قدامنا وهو بيتكلم معانا وعارف حاجات مش عايز يقولها والحاجات دي هتوديه في داهيه

=احنا هنسيب مراد كده

=هو كده كده هيرجع تاني سيبيه يمشي ورا الخيط اللي هو شايف ان هو ممكن يوصله لحاجه يمكن يوصل الله اعلم

=انا بدات اقلق

=وانا والله يا سلمى بدات اقلق مش عارفه المواضيع دي هتخلص امتى

= كله هيعدي ان شاء الله خير خير

وتوجهوا مرام ومراد واميره الى المستشفى التي كانت بها اميره وهي صغيره وذهبوا بالداخل لكي يبحثوا عن الطبيب

=الدكتور اسمه ايه

=سيف عبد السلام

=متاكده يا مرام

=على حسب ما افتكر اه

ذهب مراد لكي يتساءل عن وجود هذا الطبيب وتفاجئه بوجوده بالفعل وقالت لهم السكرتيره عن مكان مكتبه وذهبوا اليه

قالت اميره=يا لهوي الدكتور لسه موجود فى المستشفى لحد دلوقتي غريبه

=ولا غريبه ولا حاجه المهم بس نطلع منه بفايده وميكدبش علينا

وتوجهوا الى غرفه الطبيب وقالت له مرام انها هو الطبيب واقتحم مراد المكان بقوه واغلق الباب من الداخل بالمفتاح

=انت ازاي تدخل كده انت مين

=تعرف مين البنت اللي واقفه جنبى دي

=لا وانا اعرفها منين مين دي

=هقولك انا بقى من دي فاكر من 18سنه كان في بنت صغيره جايلك بتعيط لما نقلت ابوها وخرجتلها وقولتلها البقاء لله ابوكى مات وهى مكنتش معاها اى حد خالص ولا قريب ولا غريب افتكرت ولا لسه

بدت عليه علامات التوتر والخوف لانه تذكر بالفعل هذا اليوم المشؤوم الذي بسببه خالف القسم=انا مش فاهم حاجه مش فاكر حاجه

=خليك معايا دغري من غير مشاكل عشان ما اروحش ابلغ عنك لان انا معايا شاهد دلوقتي في ايدي وكمان معانا الورقه اللي عملت بيها التصريح ودفنت بيها انت تعتبر دفنت جثه مش بتاعة ابوها لان جثه ابوها الحقيقيه ظهرت فانت هتبقى معايا على الدوغرى وتقولنا الحقيقه ولا تخسر شغلك

=ماشي انا هتكلم واقول كل حاجه بس مش علشان خايف منك ولا خوف من الورقه اللي معاك ولا اخايف من بنت عشان اليوم ده خسرني قسمى كادكتور وخسرني كل حاجه مكنتش طايق اليوم ده ولا طايق اللي انا عملته وكنت عارف ان هيجي اليوم الموضوع ده هيتعرف وان حد هيجيلي عشان يعرف الموضوع ده واهو اليوم ده جه وانا هعرفك كل حاجه اليوم ده فعلا ابوها جالي وكان فعلا غرقان في دمه وحاولنا ننقذه بس كانت حالته خطر جدا جتلنا ست كبيره وهددتني بعيالي ومراتي اللي معرفش اصلا هي وصلتلهم ازاي وقالتلي ان انا اروح ابلغ البنت الصغيره اللي واقفه بره ان ابوها مات وان انا لازم انقذ الراجل ده باي شكل انا قولتلها انا دي إرادة ربنا يعني ممكن يموت هنقذه ازاي مسمعتش منى و قالتلي اتصرف لو حصله حاجه هتموت حد من عيالي عملت اللي هي قالته وروحت قلتلها ان ابوها مات فعلا وغيرت الجثه وابوها كان فعلا بين الحياه والموت بس شاء ربنا انه يعيش حالته بدات تتحسن واحده واحده مسابتهوش حتى تحت الاجهزه او حتى انه يتعالج جت خدته وقالتلي وهددتني لو حد عرف اي حاجه عن الموضوع ده هتقتل عيالي ومراتي من ساعتها انا معرفش حاجه عن الراجل ده وكنت عايز اقول بصراحه مكنتش عايز اكدب بس كنت خايف مش عايز اخسر عيالي ولا عايز اخسر مراتي غصب عني

=مبلغتش ليه

=بقولك عيالى تحت ايديها ومراتي انا لو كنت عملت اي حركه كنت هخسرهم

=ماشي انا هسيبك عشان بس انت كنت متهدد بس متعرفش تساعدنا باي حاجه سمعتها مثلا بتكلم حد كده او كده عرفتها منها حاجه كده او كده في فتره ما كانت بتيجي المستشفى هنا

=كانت على طول بتكلم واحد في التليفون اسمه ربيع كان في حد تاني برضو بتكلمه اسمه حسين بس دول الي انا كنت ملاحظ انها بتكلمهم باستمرار بس معرفش حد تانى

=طب ربيع وعارفينه حسين مين

اجابته مرام=حسين ده يبقى الاسم التاني لابو يوسف وفريد

…..

رواية من الذي أحبه الجزء الثالث والعشرون 23 بقلم لولو وائل

من الذي أحبهرواية من الذي أحبه الحلقة الثانية والعشرون

اجابته مرام=حسين ده يبقى الاسم التاني لابو يوسف وفريد

=اسم تانى ازاى معلش هو مش اسمه منصور مين حسين ده

=ده اسم محدش يعرفه غير ماما وانا عرفته بصدفه ومامتك كمان تعرف الاسم ده

=امى تعرفه ومقالتليش ليه

= لما سألت امى نفس السؤال قالتلى أن ده سر ومش عايز حد يعرفه خالص

اجاباتها اميرة=اى السر فى اسم حسين ده اصلا وكمان اى جاب حسين لمنصور معلش

=عندك حق يا اميرة بس مين بقى إلى هيعرفنا سر الاسم ده

= هى مش قالتلك مامتك

= لا مامته متعرفش سر الاسم إلى تعرفه امى وبس

=ده على اساس لو روحت لامك وسألتها هتقولى حاجه

=خلاص يبقى مرام هى إلى تروح وتسألها

=مش هتقولى حاجه انتو ناسين انى السبب فى حبسها

= وهتبقى السبب فى خروجها

=نعم ده إلى هو ازاى

=بصى يا مرام انا كدا كدا مش واثق فيكى اصلا بس عارف أنه يجى منك برضو

= بمعنى

= بمعنى انك هتساعدينا نعرف كل الاسرار إلى امك مخبيها ومنها سر حسين برضو

قاطعته اميرة= انت بتقول اى انت كمان انت مش شوفت عملت اى معانا لما هربنها معانا هددتكم وانت هتثق ازاى أنها هتساعدنا

= احنا املنا الاخير فيها

= انا ممكن اساعدك بس بشرط

= شرط اى

=تفسخ خطوبتك من روح وتكتب عليا وقتى

=نعم انتى هبله اكيد انت مش هتوافق على كده يا مراد

=خلينا نرجع البيت وبعدها نشوف

=مراد متهزرش اكيد انت مش هتفكر وهترفض

=مش هنفضل نتكلم هنا يا اميره يلا نمشى وبعدها نتكلم

وتوجهوا جميعا الخارج وركبو السياره وعادو إلى المنزل

وبعد دقائق وصولو وخرجت اميره من السياره وهى غاضبه وتوجهت الى المنزل فى غضب شديد رأتها روح وظلت تنادى عليها ولكن لم تتلقى الرد منها

= فى اى يا مراد مالها اميره

= انا هروح اشوفها

= من غير ما تيجى يا مراد بيه عايزه تعرفى يا روح مالى هقولك مالى

قاطعها مراد =تعالى يا اميرة نتكلم جوا

أجابت اميرة بغضب=لا هنتكلم قدام الكل لأن مش هشوف اختى بتتكسر قدامى وافضل ساكته

= فى اى يا اميرة فهمينى انا قلقت

= هقولك فى اى مراد عايز مرام تساعدنا نعرف كل حاجه من امها ومرام قالت هتساعدنا بس بشرط أن مراد يفركش معاكى ويتجوزها وهو مرفضش حتى

نظر اسر لمراد بغضب= الكلام الى بتقولو اميره صح يا مراد انطق

=اه إلى قالته صح

=وانت اكيد مش هتوافق على كلام مرام صح

=مش عارف

إجابته روح بضيق وحزن= يعنى اى معرفش هتتجوزها ولا لا يا مراد رد

نظر مراد أرضا =هتجوزها يا روح مفيش حل غير ده

=براڤو عليك يا مراد بجد براڨو وانا إلى قولت انك شخص مختلف عن أدهم بس طلعت غلطانه كلكو زى بعض

=ياروح افهمينى ده الحل الوحيد علشان نخلص من سوزان

= ممكن نشوف حل تانى غير ده

=حل زى اى سوزان مش هتثق فى حد فينا خالص وانتى عارفه وحلنا الوحيد مرام

=انا مش موافقه على الجوازه دى

وتركته وذهبت وهى حزينه وتوجه أسر الى مرام

= انتى يابنتى مينفعش تعملى حاجه لوجه الله

=الفرصه بتيجى مره واحده بس

=فرصه ايه انت ضيعتي كل حاجه وبعدتى اتنين بيحبوا بعض عشان خاطر انانيتك عشان خاطر بس تبقي معاه وانتى عارفه ان هو مش بيحبك قفلي على الموضوع ده حاولي تعملي حاجه صح حاجه واحده بس

=مش هقدر اسيبه انا عملت كل حاجه عشان يبقى معايا عملت كل حاجه غلط عشان يبقى معايا وما صدقت لقيت الفرصه تيجي انت دلوقتي عايز تضيعها من ايدي استحاله اضيعها

=وانا مش هسمح ان الجواز تتم يا مرام ولا انا ولا اميره ولا سلمى ولا روح وهنحاول نلاقي حل غيرك

=وروني هتعملوا ايه

توجه اسر الى الخارج ولكن اصطحب اميره معه

=احكيلي دلوقتي كل حاجه حصلت لما كنت في المستشفى احنا لازم نلاقي حل

حكت اميره كل ما قاله الطبيب وما حدث بالكامل

=بس هو ده كل اللي قاله وكمان قال بقى ان اكتر اتنين كانت بتكلمهم سوزان هم حسين وربيع ومراد طلع يعرف مين ربيع بس حسين ده بقى بيقولوا ان هو يبقى ابو فريد ويوسف بس ده مش اسمه الحقيقي ده اسم تاني ليه اسمه الحقيقي منصور انا مش عارفه ايه وجه الشبه ما بين الاسمين او ازاي اصلا يبقوا الاسمين يبقو اسم شخص وهما مش مرتبطين ببعض خالص بس هو ده اللي اتقال

=عم ربيع والله كنت متاكد ان الراجل ده بيكدب

=طالما انت كمان تعرف مين عم ربيع خلاص يبقى احنا لازم دلوقتي نروح لعم ربيع ونتكلم معاه يمكن نوصل منه بحاجه

=ماشي تعالي اركبي انتى هتيجي معايا

ركبو السياره وتحرك اسر الى مكان منزل سوزان وبعد قليل من الوقت وصل الى واجهته ونزل هو واميره الى المكان المنشود

=اى المكان ده معقول كانت ساكنه هنا

=مش وقتو دلوقتي احنا عايزين دلوقتي نلاقي عم ربيع عشان نعرف منه كل حاجه

=اسال الجيران والناس اللي في الشارع يمكن يعرف عنه حاجه

وبالفعل بدا اميره واسر ان يتساءلوا بعض الناس عن اين يسكن ربيع ووجدوا مكانه بالفعل وتوجهوا الى منزله

=قبل ما تخبط خليك هادي وبلاش عصبيه

ترك اسر على الباب الى ان فتح له ربيع وصدم عندما رااه امامه

=اهلا وسهلا يا بيه شرفتنا والله كنت محتاج حاجه او عايز حاجه

=عم ربيع من غير لف ولا دوران انا عايز اعرف كل حاجه اللي كانت بينك وبين سوزان

=سوزان مين يا بيه انا معرفش حد بالاسم ده

=عم ربيع انا دلوقتي عرفت ان انت ليك علاقه بيها ويمكن كمان يبقى بنسبه كبيره ليك علاقه بموت جوزها يعني انا دلوقتي لو روحت واشتكيت ممكن تتمسك لحد ما يثبتوا عليك القضيه اللي بينك وبينها

=ادخل يا بيه وانا هقول لكم على كل حاجه

ذهبوا الى الداخل وجلسوا وجلس امامهم عم ربيع بتوتر

=احكي يا عم ربيع

=بصي يا بيه اليوم اللي اتضرب فيه جوز سوزان هانم انا شفت بنتها وكانت متشحتفه بتعيط وساعدتها ونقلنا ابوها المستشفى بعد كده لقيت الدكتور خرج وبيقول البقاء لله بصراحه انا مصدقتش لان جرح الراجل كان جرح سطحي ميؤديش للوفاه يمكن انا مش دكتور بس اشتغلت شويه في مستشفى وعارف الحاجات دي ففضلت ورا الدكتور لحد ما عرفت فعلا ان ابوها لسه عايش مماتش وعرفت كمان ان سوزان ورا كل ده فروحتلها وواجهتها

فلاش بالك

=اللي انت بتعمليه ده يا هانم انت مفهمه بنتك ان ابوها ميت وابوها لسه عايش انت ايه قلبكو مفهوش رحمه

=عايز ايه يا ربيع جاي ليه

=انت

مشفتش منظر بنتك كان عامل ازاي بنتك كانت عماله تصرخ وتعيط وانتى رايحه تقوليلها ابوكى ميت وابوها عايش انت بتعملي كده ليه

=وانت مالك بتدخل في اللي ملكش فيه ليه

=لا مالي لان انا صاحب البيت ده والبنت بصراحه صعبت عليا وانا مش هسيبها واسكت وهبلغ عنك

=بلغ بس انت لو بلغت انا كمان هبلغ انك بتاجر في جثث الميته

=مش بتاجر فيهم انا بس بوصلهم للطلاب اللي بيكونو عايزينهم عشان مشاريع ليهم

=مش هتفرق كده كده في الحالتين ده غير قانوني يعني انا لو بلغت عنك هتتحبس هتيجي معايا دغري وتسكت ولا ابلغ عنك يا عم ربيع

=انتي اى يا شيخه معندكيش قلب معندكيش رحمه انتى بتعملي كده ليه

=مالكش فيه ميخصكش

=لا ليا فيه لان انا دلوقتي صورت كل حاجه ومعايا اثبات قاطع ان انت قولتى ان جوزك ميت وهو لسه عايش هتقوليلي بقى بتعملي ايه ولا ابلغ عنك انا كمان

=وليه المشاكل اساسا طب متيجي تساعدني واهو منها انت تكسب وانا اكسب وكلنا نبقى مبسوطين

=بمعنى

=هديك مليون جنيه لو ساعدتني

=كام مليون جنيه ده انتى مكنتيش بتديني فلوس الايجار هتجيبيهم منين

=لا ما هو مش معايا انا هديهوملك من جوزي

=جوز مين يا حاجه جوزك ازاي انت جوزك اساسا كان مفلس

=اكيد مش جوزي اللي مرمي على السرير ده انا قصدي على جوزى الثاني

= انتى بتقولي ايه يا ست يا مخبوله انتى جوزك الثاني ازاي انت متجوزه اثنين

=انت تفكيرك راح فين اكيد لا طبعا اللي على السرير ده طليقي انا خلعاه من بدري من حوالي سنتين كده جوزي الحقيقي قدامك اهو حسين

=يعني انتى عايشه مع راجل سنتين من غير جواز وانت يا راجل يا محترم قابل ان مراتك تبقى مع راجل غريب

=ماتهدى على نفسك يا عم ربيع ما هو كده كده في نفس الحاله لان هو كده كده برضو مطلق مراته و عايش معاها بقاله سنتين من غير جواز

=انا مبقتش فاهم حاجه انا حاسس ان انا قاعد في مستنقع خيانه اللي انتم بتقولوه ده

=بص يا عم ربيع مالكش دعوه بكل الامور دي انت ليك دلوقتي انك هتاخد معانا جوزي الحلو اللي على السرير ده او طليقي الحلو ده وهتحبسه في البيت عندك ومحدش هيعرف بوجوده غيري انا وحسين وبس وانا كل ما اجي البيت هشقر عليه شويه وامشي وما حدش يعرف اي حاجه وايجار البيت هديهولك وهديك برده نسبتك المليون جنيه اللي انا قولتلك عليهم

=انتى اكيد اتجننتي مليون جنيه ايه انت بتقولي ايه انا استحاله اشارك معاكي في الجريمه دي انتى ست مجنونه

=لسانك بدا يطول يا عم ربيع وانت كده هتزعل مني

=وانت بالرجوله مش هتقول حاجه انت كمان ولا هتفضل ساكت وتتفرج علينا كده

اجابه حسين=هجاوبك متقلقش بص يا عم ربيع كل اللي انت عرفته دلوقتي منها ده محدش يعرفه خالص وبالذات اسم حسين ولا كانك سمعته انا هنا وهناك وفي اي حته متعرفنيش واسم حسين ده ميتذاكرش ابدا على لسانك

=انت مستعر من اسمك كمان

=لا مش مستعر من اسمي بس الاسم ده محدش يعرفه غيري انا وسوزان وبس وانت دلوقتي بقيت عارفه وياريت محدش يعرف عنه حاجه غيرك لو حد عرفه هتقابل وجه كريم حلو الكلام

=اعملو اللي انتو عايزينه بس انا بره اللعبه دي ولا هساعد ولا هاخد فلوس ولا عايز اي حاجه انا ماشي

=امشي بس لو حد عرف حاجه هتندم وخلي بالك من مراتك وعيالك افتكرهم دايما قبل ما تنطق كلمه

وذهب ربيع وهو غاضب منهم

بالك

=معلش يا عم ربيع ثواني معلش يعني ابو فريد ويوسف كان متجوز خالتهم يعني اخت امهم يعني جامع بين اختين انا حاسه انا مبقتش فاهمه حاجه

=استنيي يا اميره كمل يا عم ربيع وايه تانى حصل

=مفيش حاجه تاني يا ابني هو ده كل اللي حصل وانا حكيتلك كله بالحرف الواحد وهم فعلا عملوا إلى في دماغهم اهو البيت واقف حاله محدش عايز يشتريه يمكن دى غلطتى عشان سكت بس برضو اتهددت اعمل ايه طيب عيالي ومراتي اكيد مش هسيبهم ليهم

=طب متعرفش يا عم ربيع ايه سر اسم حسين ده

=لا والله يا ابني لو اعرف كنت قولتلك بس اللي انا خدت بالي منه انه تقريبا ده ليه دعوه بماضي ليه هو تقريبا طالما في الوقت الحالي هو اصلا انسان مش كويس يبقى اكيد ماضيه سواد دور في ماضيه وممكن تلاقي الحل

=ماشي يا عم ربيع شكرا

وذهبت اميره واسر من المنزل وتوجهوا وركبوا السياره مع اسر وذهبوا الى سوزان وطلب اسر من وليد ان يرى سوزان دقائق قليله ووافق وسمح بذلك وذهبوا لكي يروها

=اهلا اهلا نورتوا السجن والله جيتوا ليه

=جينا نسالك سؤال واحد بس واتمنى انك تجاوبيني عليه

=سؤال ايه

=يوسف وفريد عيالك

=انت بتقول ايه ايه السؤال ده

=استنى يا اميره جاوبيني يا سوزان هانم يوسف وفريد عيالك

اجابته أميره=عيالها ازاي يا اسر وهي اصلا كانت عايزه تجوز حد منهم لمرام بنتها انت بتقول ايه

=انا ممكن اتوقع اي حاجه من الست دي

=لا مش عيالى انا مبخلفش اصلا

صدم أسر مما قالته= نعم اومال مرام وميار يبقو بنات مين

…..

رواية من الذي أحبه الجزء الرابع والعشرون 24 بقلم لولو وائل

من الذي أحبهرواية من الذي أحبه الحلقة الرابعة والعشرون

=لا مش عيالى انا مبخلفش اصلا

صدم أسر مما قالته= نعم اومال مرام وميار يبقو بنات مين

=يبقى بنات من الايتام اتبنتهم علشان استغلهم عشان اقدر اخذ كل الفلوس اللي مع يوسف وفريد لقيت ميار اتجوزت حد تاني وحبت حد تانى قولت اجرب مع مرام بس حتى مرام مرضيتش تاخد واحد فيهم وحبت مراد وده اللي مكنتش عامله حسابي عليه

=وانتى اصلا ليه اتبنيتي بنات عشان يتجوزوا فريد ويوسف ما انتى كنت متجوزه ابوهم حسين

=حسين مين انت جبت منين الكلام ده

=بلاش تحوير ولا تلفى ولا تدوري احنا دورنا كلنا وعرفنا ماضيكي انك كنت متجوزه حسين ابو يوسف وفريد يعني انت كنت متجوزاه تقدري انك تورثيه ليه بقى تجيبى بنات وتتبنيهم و تبهدليهم عشان تاخدي الفلوس منه

=حسين ضحك عليا كتب كل حاجه لعياله مسابليش اي حاجه فكان لازم اخذ حقي منه فخلصت عليه هو ومراته علشان رجعها ردها وطلقني غيابي مكانش ينفع اسيبه في حاله كان لازم اعرفه ان انا ميحصلش فيا كده ومبتخانش

=يعني انتى ما شاء الله عليكى قتلتى ميار وقتلتي جوزك وقتلتي حسين جوزك برضو واختك سؤال تاني انا نفسي في اجابته من غير ولا لف ولا دوران مين حسين ومين منصور

=حسين شخص ومنصور شخص تاني خالص اللي انا اتجوزته واللي هو يكون ابو يوسف وفريد هو حسين منصور ده اخوه التوأم اخوه اللي كان محبوب من اهله اكثر منه عشان كده اتولد الكره جواه وكان بيكره اخوه جدا عشان اخوه كان مصدر الاهتمام لاهله وهو لا عشان كده قرر ان هو ينتقم موت اخوه واخذه هويته وبقى من حسين لمنصور

=هو بقى متجوز على اساس ان هو كان اسمه منصور ولا حسين

=اتجوز باسم اخوه خافى اسمه الحقيقي والكل كان عارف ان حسين هو اللي مات مش منصور يعني حتى بعد ما اخوه مات مخلاش الناس تدعيله بالعكس خلي الناس تدعي عليه لان الكل كان فاكر ان حسين اللي مات مش منصور هو اللي مات واتجوز وخلف باسم منصور انا الوحيده اللي عرفت الحقيقه ولما موت اخوه موتو طبعا علشان الفلوس برضووغيره عشان كان اهله بيحب اخوه اكتر منه وعشان برضو ابوه كتب كل حاجه لمنصور فهو قرر يموت اخوه وياخد كل حاجه فلوسه وهويته حتى الدعوه اللي كانت تبقى من حق اخوه هو اللي خدها ويترحم على حسين مش منصور ده كان شيطان متجسد على هيئه بني ادم ولما اتجوز اتجوز حبيبه اخوه عشان كده اتجوز باسم منصور اما انا بقى كنت بحب حسين ولما عرفت ان حسين مات او زي ما كنت فاكره حزنت واهلى قررو ان انا اتجوز حد تاني واتجوزته بس ما عرفتش احبه بس قولت فرصه معاه فلوس وغنى بصيت لي نقطه تانيه لحد ما جه في يوم واعلن افلاسه بدات ان انا اكرهه وابقى عايز اسيبه مبقاش معاه فلوس يمكن انا اللي خلصت الفلوس او انا السبب في افلاسه بس برضو انا غصب عني محبيتوش وهو كان عارف ده كان عارف ان انا عمري محبيته وهو كان السبب ان بعد ما عرفت ان حسين عايش منعني ان انا ابقى معاه عشان كده قررت ان انا اقتله عشان كان بيفكر في نفسه مفكرش فيا مع انه كان عارف ان انا عمري ما حبيته عشان كده خلعته في السر واتجوزت حسين وهو عرف عشان كده حصلت خناقه بيني وبينه وضربته بالسكينه بس انا مكتفيتش انا كنت عايزه اعذبهم عايزه اخذ حقي منه عشان كده قولت للدكتور ان يقول لبنتى ان هو مات وخطفناه انا وحسين في بيتنا القديم بعد ما بنتي مشيت وعذبناه وبعدها سبناه كنت كل شويه اروح اشوفو شويه وشويه لحد بقى ما نسيته ومات وسبناه ومشينا ولا كأن حاجه اختي مكانتش تعرف ان منصور ليه اخ توام انا بس اللي كنت اعرف عشان كده اتجوزنا وهو طلق مراته غيابي وكان عايش معاه في نفس البيت بس عمره مالمسها ولا قرب منها وانا برضو كنت مطلقه كنت عايشه معاه عشان خاطر البنتين اللي انا اتبنتهم وهو كان عارف ده ووافقني على التبني عشان انا مبخلفش حسيت مع الوقت ان انا حبي بدا يقل لحسين وان انا بدات افكر اكثر في جهة الفلوس اللي معاه كتير جدا ولاحظت ان حسين كان فعلا بيحب اختي محبنيش انا يعني حسين ومنصور الاتنين حبوا نفس البنت وانا لا حسين شك فيا طلقني غيابي ورجع مراته وكتب كل حاجه لعياله مقدرتش استحمل ده روحتله البيت خلصت عليه هو ومراته هو عشان ضحك عليا ومراته عشان خدت مني الشخص اللي انا حبيته اكتشفت بعدها انه كتب كل حاجه ليوسف فعلا وفريد قولت بقى استغل البنتين دول وميار حبه شخص تاني وابوها وقف جنبها وصدني لحد ما اتجوزته قولت استغل مرام راحت حبت مراد اقنعتها بيوسف او فريد لحد ما يوسف راح خطب اخت مراد وفريد شكله مبيحبهاش وهي دماغها ناشفه ومصممه على مراد و بس كده انت عرفت كل حاجه يا اسر

=هو انتى مش حاسه بندم زعل اي رياكشن

=انا بس ممكن اقولك سر السر ده مدفون جوايا من سنين والسر ده هو السبب اللي بيخليني انا مبخلفش دلوقتي لان انا فعلا عندي ابني بس ابني ده انا معرفش عنه حاجه خالص بقالى سنين لانه اتخد مني

=ابن ايه انتى مش قولتى انك مبتخلفيش

=مش كل عدم خلفه بيبقى وراه سبب انا بقى عدم خلفتي كان سببها ان انا خلفت طفل وبعدها شلت الرحم وجيه بمعجزه بس مبقاش معايا خدوا مني زي ما انت شايف كده مش معايا غير بنتين واحده قتلتها والثانيه هربانه مني وسلمتني للبوليس بايديها

=لا معلش انا حاسس انك بتحوري عليا عامله حوار صح انا بجد دماغي لفت انت بتتكلمي بجد ولا بتهزري

=هو غريب ان انا بدات اعترف او اتكلم بحاجه بس انا مريضه يا اسر من كم يوم روحت المستشفى وطلعت مريضه يعني يعتبر في اخر ايام وعملت حاجات كتيره اوي غلط في حياتي وعارفه ان محدش هيسامحني على اخطائي بس اهو ربنا بياخد حقكم مني طلعت مريض بالمرض الخطير وفي مرحله متاخره كمان وكان طالبى الوحيد ان انا اشوف ابني ده قبل ما اموت

=ابنك مين

= ادهم

=لا معلش بالراحه عليا ادهم مين معلش عشان انا اعرف كذا حد بالاسم ده وخايف يكون اللي في دماغي صح ادهم مين

=ابني ادهم كل اللي انا فاكره عنه ان وهو صغير قبل ما ياخده مني كان ابني مريض نفسي عنده حاجه شبه

الانفصام كده

=لا ده انتى تحكيلي الموضوع ده من الاول وبالراحه عشان انا كده بدات اتوه منك

=بص يا سيدي زمان قبل ما اشوف حسين ده خالص انا كنت متجوزه اتجوزت من ورا اهلي محدش كان يعرف عنه اي حاجه هو مكنش حب هو كان اعجاب والموضوع بدا يزيد واحده واحده لحد ما هو جه قالي ان احنا نتجوز في السر مع اني كنت عايزاه يبقى معلن واعمل فرح بس هو قالي لا مش هينفع في الوقت الحالي وشويه وقت وهنعلن سمعت كلامه واتجوزنا في السر وبعد فتره من الجواز اكتشفت ان انا حامل ولما روحت للدكتور عشان اكشف قالتلي الحمل ده خطير ولو كمل هياثر على الرحم بنسبه كبيره بس انا قررت ان انا هكمل فيه عشان انا كان نفسي يبقى معايا حته عيل وفعلا ربنا رزقني بادهم من بعد ما جبت ادهم معامله جوزي بدات تتغير معايا 180 درجه بقى بيزعق كثير مش يضربني انا بس كان بيضرب ابنه اللي لسه صغير كان بيزعقله ويضربه 24 ساعه لدرجه ان الولد انا حسيت ان هو ما بقاش طبيعي مع الوقت كل ما ده بحس ان هو بشخصيه غير التانيه خوفت على الواد اوي ورحت للدكتور وعرفته على كل العنف اللي كان بيحصل ومزعلتش ان الدكتور بهدلني لان برضو انا مكنش في ايدي حاجه اعملها وعرفت ان ابني عند اضطراب الهويه الانفصامي زعلت اوي فكرت في الطلاق وان انا اواجه اهلي بالحقيقه عشان حاله ابني متبقاش سيئه اكثر من كده مرضيش يطلقني زاد العنف كل يوم اكتر من الاول ادهم بقى عنده خمس سنين من كتر العنف اللي بقى فيه الواد بقى يقولي انا اسمي مش ادهم انا اسمي دياب اقولو يا ابني دياب مين انت ادهم يقولي لا انا دياب قررت ان انا لازم اخلع جوزي لان ابني حالته بدات تبقى اصعب واصعب وخلعته وعرف وضربني لحد ما اغمى عليا وخد ابنى مني وسابني مبقتش عارفه حاجه عنه دورت عليه كتير بس معرفش عنه اي حاجه ساعدنى يا اسر اشوف ابني قبل ما اموت بالله عليك حاول تدور عليه وتوصله

= انتى فنانه انتى اتجوزتي واحد و اتجوزتي حسين واتجوزتى ابويا واتجوزتي ابو مرام اتجوزتى اربعه انا مش فاهمك اقسم بالله انتى عملتى زي الحاج متولي ايه يا حاجه ده

=مش مهم دلوقتي انا اتجوزت كام مره المهم دلوقتي انا عايزه اشوف ابني قبل ما اموت هتساعدني ولا لا

=حاضر هساعدك بس هطلب منك طلب

=اطلب

=هتروحي وتعترفي بكل جرايمك قدام الظابط

=وانا موافقه

وبالفعل نفذت سوزان وعدها لاسر واعترفت بكل جرائمها امام وليد وبدا وليد باخذ اجراءاته وذهب اسر هو واميره تحت صدمه مما استمع من سوزان وذهب الى البيت مره اخرى وعندما دخل وجد مراد ومعه الماذون ليكتب كتابه على مرام

=انت بتنيل ايه يا مراد وقف يا مولانا

=فى اى يا اسر قولتلك ده الحل الوحيد

=حل ايه يا مراد خلاص كل حاجه خلصت وسوزان اعترفت بكل حاجه وانا عرفت كل حاجه واقف كل ده

=يعني ايه اعترفت بكل حاجه واعترفت ازاي بالسهوله دي

=ربك لما يريد انت عارف ان احنا كنا مجهزينلها بلاوي وعايزين نعمل ونعمل ربك عاقبها باسوء مرض ياكل فيها يعني عقاب ربنا طبعا اكبر من عقاب اي بني ادم وهي تستاهل العقاب ده عشان كل الجرائم اللي هي عملتها واقف اللي انت بتعمله ده يا مراد انت كده هتخسر كل اللي حواليك واولهم البنت اللي انت حبيتها

نزلت اميره لمراد بغضب وقالت=روح فين وديتها فين

=انا هنا اميره كنت بجهز الشنط عشان نمشي دورنا هنا خلاص انتهى لازم نمشي

=تقدر انت تتفضل يا مولانا ومحدش هيمشي غير لما اخلص كلامي معاكم كلكم بس استنوا شويه عشان انا كلمت حد جاي في السكه

=كلمت مين يا اسر

=هتعرف لما يجي

=انا مش هسامحك يا اسر على بوظانك لجوازي مش هسامحك ابدا

=اتنيلي اتكتمي بدل ما اسيب عليكى اميره

=سكت اهو

ذهب الشيخ وبعد قليلا من الوقت اتى ادهم برفقه دعاء

=انت جبت ادهم هنا ليه يا اسر

=اصبر انت اى يا حاج ادهم انا قولتلك تعالى انت جايب دعاء معاك ليه

=احنا كنا في الشغل وهي قالتلي اجي معاك قولتلها تعالي اكيد مش هقولها لا

=ما علينا من كل ده ادهم هسالك سؤال مهم جدا انا عارف ان ممكن ياثر عليك انت شخصيا بس هيفرق كتير اوى لانى انا وعدت شخص ولازم أوفى بوعدى

=قولي اللي عندك

=ادهم انت عارف ان الست اللي انت عايش معاها دي مش امك

=عارف

=وعارف مين امك

=لا دي الحاجه الوحيده اللي لسه موصلتلهاش سالت ابويا لما كبرت قالي امك ميته والست اللي انت عايش معاها دي هي امك اللي هتربيك وتبقى معاك بعد كده انا مصدقتش كلامه وحاسس ان هى عايشه بس معرفش هي مين دورت كتير بس ملقيتهاش فقدت الامل

=ولو انا وديتك لامك هترضى تقابلها

=وانت عرفت امي منين بقى

=صدفه يمكن ربنا اراد ان انا ازورها النهارده واعرف منها انك ابنها

قاطعه مراد=مين دي يا ياسر

=سوزان تبقى ام ادهم الحقيقيه والطفل الوحيد اللي هي خلفته ولا مرام ولا ميار يبقى عيالها

=انت بتقول ايه انت اتجننت ازاي متبقاش امي لا اكيد في حاجه غلط استحاله

=امك اتبنتك انت واختك عشان تستغلكو وكل حاجه فشلت دلوقتي قررت انها تكفر عن ذنبها وقالتلي اخر طلب ليا انها تشوف ابنها وانا كنت عايز اخدك معايا يا ادهم الزياره الجايه عشان تشوفها اخر امنيتها انها خلاص وهتواجه رب كريم

=وانا هاجي معاك بكره

وحكى اسر ايضا كل ما قالته له سوزان فى السجن

=واخر حاجه بس كنت عايز اقولها ان يعتبر كده خلاص المشكله اللي كانت منعانه عن الشغل وعن حياتنا يعتبر خلصت فهنبدا ننزل شغلنا وهنرجع المستشفى تاني وكل واحد هيرجع لبيته تاني وحياته الطبيعيه تاني واللي حصل ده حاولوا تنسوه واعتبروا انه محصلش وانت يا مراد رجع امك واختك البيت ورجع يوسف وفريد من السفر وانتى يا روح انت وسلمى هترجعو المستشفى وانا هرجع المستشفى وكلنا هنروح المستشفى تاني

=على خير ان شاء الله انا همشي دلوقتي انا وسلمى يلا يا اميره يلا يا سلمى

=ممكن اتكلم معاكى شويه

=مفيش كلام بينا تاني يا مراد خلاص الكلام بينا خلص وانتهى وقبل ما انسى خذ دبلتك اهي انت مفكرتش فيا انا كنت غلطانه ان انا وثقت فيك يلا يا سلمى يلا يا اميره

ذهبت روح وسلمى واميره الى منزلهم مره اخرى وذهب الجميع كل منهم الى منزله شعر مراد بالحزن بسبب ما فعله وانا روح تركته وتحدث مع يوسف وفريد لارجعهم و اخته ووالدته

ايضا في اليوم التالي توجه اسر مع ادهم الى قسم الشرطه فتحدث اسر مع وليد لانها ستكون اخر مقابله ووافق وليد بعد الحاح شديد من اسر وتوجهوا الى سوزان

خرجت لهم سوزان والمرض بات يظهر عليها =فين ابنى يااسر

=ابنك اهو

نظرت له سوزان بصدمه وبدات الدموع تتساقط من عينها واخذته بين احضانها كانت تبكي ولكن هو لم يظهر اي رده فعل بل كان ساكنا وحسب

=وحشتني اوي يا ابني انا امك الحقيقيه يا ادهم خدوك مني حاولت اخدك منهم بس مادونيش فرصه قفلوا كل البيبان قدامي حاولت اعمل كل حاجه عشان اخليك معايا بس مقدرتش

=حتى وانتى في اخر ايامك بتكدبي بعتيني بكام

=انت بتقول ايه

=بعتينى بكام متحاوليش تحوري عليا انا عارف كل حاجه انتى بعتيني بفلوس كتير اوي دلوقتي عامله فيها الحنينه ووحشتني يا ابني انت ازاي كده

=اكيد ابوك هو اللي عمل كده و قالك كده صح انا ماخدش حاجه ضحك عليك

=ضحك عليا هو برضو يعني ربنا يعمل فيكى ايه تاني عشان تبطلي كذب

=انا كان عامينى الفلوس بس دلوقتي انا ندمانه مش عايزه حد غيرك

=انا امي ماتت ومليش غير ام واحده بس اللي ربتني وبس لكن انتى انا معرفكيش ومش عايز اعرفك يلا يا اسر انا مش هقدر اقعد اكثر من كده هنا

=هو انت يا ابني مش قولت انك كنت بتدور عليها

=كنت بدور عليها عشان اعرف هي ليه باعتني بفلوس انا مكملتلكش الحكايه امبارح ابويا لما قال انها ماتت انا قعدت ادور كثير لحد ما واجهت ابويا ومسكتش الا لما قالي الحقيقه وقالي انها طلبت منه فلوس كتير مقابل انها تسيب ابنها الوحيد لواحده تانيه واداها فلوس كتير وصرفتها وخلصتها يمكن انا مكنتش اعرف شكلها بس دلوقتي لما عرفتها بقيت بكرهها اكثر

=بالله عليك يا ابني سامحني انت ابني الوحيد

=معلش لو بقطعك يا سوزان هانم يعني انت عايزه ابنك الوحيد اللي انت خلفتيه يسامحك وبناتك اللي انت اتبنتيهم عادي واحده قتلتيها والثانيه كسرتيها وتحت الصدمه دلوقتي لما عرفت انك مش امها دانتى جاحده اوي بصراحه انا هاخد ادهم ونمشي انا عملت اللي عليا وجبتلك ابنك بس الظاهر ان انتى معملتيش حاجه عدله في حياتك سلام يا سوزان هانم

وذهب ادهم واسر وبعد مرور اسابيع حكم على سوزان بالاعدام وعلى والد اسر ايضا بالاعدام وبدا الباقي بالرجوع الى روتينهم اليومي والى عملهم بالمشفى وراجع يوسف وفريد وكانت مرام تغلق على نفسها الباب ولا تتحدث مع احد ابدا لانها لازالت تحت تاثير الصدمه ولم يستطيع مراد ان يجعلها ترحل وفي بدايه يوم جديد كان مراد يتجهز لكي يذهب الى المستشفى ونزل الى الافطار ولكن لم ياكل شيئا بسبب حزنه على فراق روح وتركها له

وصل الفتيات الى المستشفى وتجاهلت روح مراد واتجهت الى الغرفه لتبدل ثيابها هي وسلمى

=تصدقي يا سلمى الواحد مش مصدق ان المشاكل خلصت وكل ده انتهى

=عندك حق وحشتني ايام المستشفى ومشاكل المستشفى

=وانا موحشتكوش

=لا طبعا وحشتيني والله يا دعاء ووحشتني القعده معاكي والخناقه معاكي كانت ايام لذيذه والله

=نرجع نتخانق تاني احنا ورانا حاجه المهم ان المشاكل خلصت ونرجع لايامنا الحلوه تاني و قصص حلوه كده في المستشفى

=هتفضلي ياروح كده مخاصمه مراد

=ماتذكريش اسمه قدامي يلا عشان ورانا شغل

اتجهوا البنات للخارج بعد أن ابدلو ثيابهم

=روح دعاء ركزوا معايا كويس اوي طبعا انتم عارفين ان احنا بقلنا فتره كنا ساحبين عن الشغل ودلوقتي ضغط الشغل كبير شويه عشان كده في بنت جديده هتيجي وهتساعدكم

=بنت مين اللي هتيجي متقوليش مرام

=لا يا روح مش مرام مرام استقالت من بدري بنت انا ماعرفهاش بس شويه وهتلاقيها قدامكم دلوقتي وهتشوفوها وان شاء الله تبقى كويسه وتحبوها

=ان شاء الله

وفي هذه اللحظه دخلت فتاه بملامح طفوليه ورقيقه وكانت مبتسمه ودخلت والقت التحيه على الجميع

=صباح الخير عاملين ايه

=صباح النور يا قمر اسمك ايه

=شهد

…..

رواية من الذي أحبه الجزء الخامس والعشرون 25 بقلم لولو وائل

من الذي أحبهرواية من الذي أحبه الحلقة الخامسة والعشرون

=صباح النور يا قمر اسمك ايه

=شهد

=بصو يا بنات شهد هتشتغل معاكو واتمنى ملقيش مشاكل بينكو تمام

=متقلقش يا دكتور أسر كلو هيبقى زى الفل

= ان شاء الله يا روح اتمنى ده روحى يا روح وصلى شهد للأوضه إلى بتغيرو فيها

=تمام يلا يا شهد

وذهبت شهد مع روح إلى غرفة تبديل الثياب ورافقتهم دعاء وعندما ذهبوا إلى الداخل اوقفت شهد روح

=بقولك اى انا سمعت أن فى ولد كمان شغال معاكو هنا كان اسمو باين ادهم

أجابت دعاء على شهد بضيق= مالو ادهم انتى تعرفيه

=مش بالظبط بس أنا جيت هنا بمساعدته وكمان معجبه بيه اوى وكنت عايزه اشتغل جنبه

اجابتها روح = بس ادهم شغال فى التيم التانى مش معانا هنا

= مش مهم المهم ابقى قريبه منه وعايزاكو تساعدونى

نظرت روح لدعاء التى كانت تشعر بضيق شديد وتركتهم وذهبت

=طب بصى غيرى هدومك وانا هجيلك تانى

= ماشى

وتركتها روح وذهبت مسرعه الى دعاء

كانت تتحدث دعاء بغضب بمفردها =كانت ناقصنا البت دى بصراحه الواحد مبيعرفش يرتاح ابدا

= مالك يا دعاء مضايقه من اى

= ولا مضايقه ولا غيرو انا مش عجبانى البت دى

= متأكده انك مش مضايقه

= لا انا زى الفل بس زى ما بقولك محبتهاش

= متتعمليش معاها وانا إلى هتعامل معاها ياستى متزعليش نفسك خالص

= بقولك اى ياروح

= اى

= هو انتى هتساعديها تقرب من ادهم

=مش عارفه بصراحه بس بينى وبينك لو هو بيحبها زى ما هى بتحبو ليه لا

= طب لو هو مش بيحبها

= اكيد مش هساعدعم اديكى شوفتى مرام كانت بتعمل اى

=مم انتى هتفضلى زعلانه من مراد كدا كتير

= الفكره مش فكرة زعل قد ما هى فكرة أن هو مفكرش لحظه وواقف على عرض مرام مع أن أسر حاول وعرف كل حاجه لكن هو متعبش نفسه

=بس هو بيحبك اوى والله جربى تديه فرصه تانيه

= لا ولا تانيه ولا تالته

= يعنى خلاص كده كل حاجه بينكو انتهت

=حاجه زى كده يلا بقى نشوف شغلنا

= يلا

وذهبت روح برفقة دعاء وكان مراد قد أستمع إلى ما قالته روح وشعر بالحزن الشديد وذهب إلى عمله مره اخرى

كانت روح قد انهت الحاله التي امامها ووقفت قليلا لكي تستريح وشردت بعض الوقت الى ان اتت اليها شهد وقاطعت شرودها

=مالك سرحانه في ايه شكلك بتحبي حد من اللي موجود هنا قوليلى وانا مش هقول لحد

=مش حكايه تقولي لحد او ما تقوليش لحد المكان هنا مكان شغل ما فيش في حب

=ليه بتقولي كده ده حتى ما شاء الله الدكاتره اللي هنا كلهم حلوين يعني

=شهد هو انتى جايه تشتغلي ولا جايه عشان تشقطي حد وتتجوزي عشان ابقى فاهمه بس

=بصراحه هي الفكره مش كده خالص انا كنت جايه اشتغل عادي طبعا ان انا مكنتش لاقيه مكان خالص اشتغل فيه وادهم ساعدني تعرفت عليه في كافيه بالصدفه كانت في مشكله وهو ساعدني فيها فلما تعرفنا على بعض سالته على مكان مستشفى اشتغل فيها وهو ساعدني بصراحه بعدها بدات ان انا اعجب بيه وحسيت ان انا عايزه اقرب منه عشان كده طلبت مساعدتكم يعني انا مكانش قصدي حاجه ان انا جايه اشتغل بس في نفس الوقت يعني اكيد لو انتى عجبك حد هتحسي انك عايزه تبقي قريبه منه صح ولا

=ما انتى لو عجبك حد وقربت منه وحبيتيه هيجي فى يوم وهيسيبك ممكن يسيبك ويدعي موته ويسيبك فى اهم يوم في حياتك او ممكن يبيعك في اقل لحظه ما يفكرش فيكى عشان كده انا بقولك المكان ده مكان شغل مش حب

=انتى شكلك اتخنتي

=ولا تخنت ولا غيره روحي شوف شغلك

=ماشى

وبعد مرور ساعات انتهى اليوم وانتهت سلمى من عملها وذهبت الى روح بعد ان ابدلوا ثيابهم وكانوا سوف يخرجون

=روح وانا ممكن اتكلم معك شويه

=عايز ايه

=روح ممكن تسمعيني روح انا عارف ان انا غلطت بس اديني فرصه اصلح الغلط ده متنهيش كل حاجه بالسهوله دي

=انت لما مرام طلبت منك تتجوزها فكرت فيا لا نهيت كل حاجه بالسهوله دي ورحت جبت الماذون عشان تتجوزها وما فكرتش فيا ولا لحظه وبعد كل ده عايزني انا اديك فرصه طب ازاي ده انت نفسك ما فكرتش فيا ما فكرتش في البنت اللي انت حبيتها وهي بتحبك انت ما فكرتش دقيقه واحده على راي اميره انت نسيتني انت نسيت كل اللي حواليك انت طلعت اناني

=والله العظيم ما فكره انانيه انا كنت عايزه اجيب حق ميار وحق الناس اللي ماتت ما كانش قصدي حاجه وما كنتش شايف ان كان في حل تاني غيره

=ما عملتش زي اسر ليه شفت راح ودور وعرف كل حاجه في لحظه من غير حتى ما يتجوز مرام لكن انت ما فكرتش لحظه انت فكرت في مرام و بس فكرت في نفسك لكن مفكرتش فيا اديك فرصه ازاي انسى كل حاجه انتهت خلاص

=روح بالله عليكى اسمعيني اخر مره على الاقل

=ولا اول ولا اخر مره

وذهبت روح برفقه سلمى وتركت مراد دون الاستماع له

وفى طريقهم للعوده للمنزل

=سلمى انتى شايفاني غلطت

=هو انتى ما غلطتيش بس اللي حصل ده ما كانش صح كنتى سمعتي

=انتى شوفتي هو عمل ايه كويس اوي اسمعه ازاي مش قادره اشوف وشه حتى

=طبعا انت لكى حق في كل اللي انت بتعمليه انا مش معترضه في ده وانا متضايقه من اللي عمله بصراحه مفكرتش ان مراد يطلع منه حاجه زي دي انا دايما كنت بشوفو احسن من اسر بس طلع اسر احسن منه مليون مره ما تزعليش يا روح ربنا يعوضك خير

=فكك دلوقتي من موضوع مراد شوفتى البنت الجديده اللي اسمها شهد دي

=ما لحقتش اتعرف عليها هي كويسه ولا ايه دنيتها

=دي جايه منمره على ادهم وايه دعاء بتولع كده لما بتشوف شهد قدامها

=الله ده ادهم طلع ليه معجبين هي دعاء بتحبو

=بحبوا بس شكلها بتموت فيه يلا بقى ربنا معاها

=وانت ما سالتيهاش بتحبي ولا لا

=سالتها وانكرت

=مش وش خير بس تعرفي لما تشوفوا بدا يقرب من شهد هى كمان هتقرب منه مش هتسيبه

=تفتكري ممكن تعمل حاجه زي كده

=والله انتى نموذج قدامي

=ما تجيبيش سيرتي القديم تاني بعد اذنك يا سلمى عشان ما ارمكيش قدام اي عربيه

=لا وعلى ايه خلينا نروح البيت عايشين

=جدعه

وصلوا الى المنزل واستقبلتهم اميره بابتسامه

=مالك يا اميره مبسوطه كده ليه في حاجه حصلت ولا ايه

=فريد رجع

=هي سر الابتسامه اللي على وشك دي ان فريد رجع

=يعني هو

الفكره مش عارفه

سلمى بضحك=طالما بتقولي اي كلام يبقى شكلك في قصه حب كبيره

=لا لا لا لا ما فيش الكلام ده انا وفريد مجرد صحاب بنساعد في الخير

نظرت روح لاميره نظره هي تعرفها جيدا=خير ايه اللي بتساعده بعض فيه يا اميره

=بنعمل اعمال خيريه وانتى عارفه طبعا الخير ما بيتقالش بيتعمل في السر صح ولا انا غلطانه يا سلمى

=ماشي يا اميره هعديهالك بمزاجي اما اشوف اخره الخير اللي انت بتعمليه ده

=ثقى فيا انت عارفاني بحب الخير اوي

=يا رب يطلع خير ما يطلعش حاجه تانيه

صعدت روح الى غرفتها وظلت سلمى تضحك على اميره

=ما تبطلي ضحك يا سلمى الله وانا قولت ايه بيضحك

=بذمتك يا شيخه انت فرحانه اوي كده عشان فريد جه وعشان بتعمله خير انت شايفاني هبله يا اميره

=عايزه ايه يا سلمى

=اى الي بينك وبين فريد يا اميره

=ما قولت بنعمل خير

=افضلي كده استهبلي يا بتاعه الخير

=انا طالعه اوضتى

=اهربى اهربى

صعدت اميرة إلى الاعلى فى خجل بسبب سلمى وكانت سلمى تضحك كثير على اميرة

فى مكان آخر فى كافيه كان يجلس ادهم فى انتظار شخص إلى أن أتى هذا الشخص

= كل ده عقبال ما تيجى

=كان ورايا مشوار وبخلصه الله فى اى

=اى الدنيا عملتى إلى قولتلك عليه

=زى ما طلبت بظبطت وهى كانت متعصبه وعلى أخيرها

= حلو ده

= قولى يا ادهم انت ليه مواجهتهاش بدل كل ده

= علشان عارف انها بتحب حد تانى وعايز اتاكد هى لسه بتحبه بعد ما سبها ولا لا

= واتأكدت

=اه الحمدلله انا عايز اعرف شعورها لما تعرف أننا اخوات

= هتنفخك

=بالله عليكى يا شهد بلاش تتغابى قدمها

=عيب عليك انا هبهرك

= ربنا يستر منك

= بقولك اى انا هروح اجيب حاجات واروح روح انت

= ماشى بس اياكى تتأخرى على امك

= عيب عليك

ذهب ادهم وذهبت شهد لشراء الاغراض وصدمت بشخص ما بالخطاء

=انتى عاميه

= انت الى اعمى علشان عينك على التليفون ومش نبص قدامك

= لمى لسانك يابت انتى انتى عارف انا مين

= حتى لو كنت مين طظ

= ليلتك معايا سودا

ونظر لها بغضب شديد

=ليلتك معايا سودا

…..

رواية من الذي أحبه الجزء السادس والعشرون 26 بقلم لولو وائل

من الذي أحبهرواية من الذي أحبه الحلقة السادسة والعشرون

ونظر لها بغضب شديد

=ليلتك معايا سودا

=انت هتتحول ولا اى خلاص ياعم حقك عليا انا

=مش كان مش همك من شوية

ابتسمت شهد بخوف=من شوية بقى الوضع اختلف

=جبانه

=انت اسمك اى يا كابتن

رفع أحدى حاجبيها عندما استمع لما قالته له=كابتن

=هى كابتن شتيمه ولا اى

=ولا شتيمه ولا حاجه أسمى وليد

=وانا شهد اتشرفت بمعرفتك ومشوفش وشك تانى سلام

وتركته وذهبت على الفور ونظر لها وهو يضحك=هبله والله

فى منزل سلمى كانت اميرة قلقه مما فعلته وان تكون اختها قد فهمت شئ ولكن حاولت الهدوء وإقناع نفسها بأنه لم يحدث شئ إلى أن اتت روح إليها

=مالك يا اميرة خايفه من اى

=انا خايفه لا طبعا

=بطلى استهبال

=عايزه اى يا روح

=اى إلى بينك وبين فريد

=ولا حاجه

=اميرة بطلى استهبال قولت

=احنا مجرد صحاب وبس حتى اسأليه

=ماشى يا اميرة هصدقك بس لو عرفت فى مره انك بتحوري عليا هتزعلى جامد

=انا مش بعرف اكدب خالص

=عليا الكلام ده برضو

=متردى على تليفونك إلى عمال يرن ده طبعا مراد الى بيرن مش كده

=ولا مراد ولا غيره نامى

=انا عارفه انه غلط وانا زيك عايزه اتخانق معاه بس انتى عارفه الفتره إلى مر بيها مكنتش سهله وكلنا اتبهدلنا

=حتى لو مكنش يعمل كدا

=بصى يا حبيبتى الفتره إلى عدت مكنتش سهله على حد فينا وهو اكتر لانه هى من عيلته وقتلت بنت خالته إلى زى اخته وقتلت خالته وجوز خالته وكمان جوزها هو خدت صدمات كتير من خالته و مش قادر يفكر علشان كدا كان عايز يخلص من المشاكل دى وعايز يلاقى حل علشان يخلص من الكابوس إلى هو فيه انا عارفه انه حتى مخدش وقت يفكر بس هنعتبره كان مغيب واديله فرصة تانيه كلنا بنغلط ياروح

=جبتى العقل ده منين

=مش من حد بس هو صعب عليا بصراحه ولو فكرتى فيها هتلاقى أنه اتعرض لضغط نفسى كبير اثر عليه وخلاه مش قادر يفكر

=عندك حق طب والعمل

=لما تروح بكره اسمعى إلى هيقولو واحكمى بدل كل ده

=حاضر

=اى إلى انا بسمعه الاخت الصغيره بتنصح الاخت الكبيره اى إلى حصل فى الدنيا

= انتى بتتريقى يا سلمى

= عندك شك فى كده تعالى عايزاكى فى موضوع بره

= وانا مش هتقوليلى الموضوع

=نامى يا اميرة

= حاضر

وخرجت روح وسلمى خارج الغرفه وذهبو للاسفل للتحدث

=فى اى عايزانى فى اى يا سلمى

= مش أنا إلى عايزاكى ده إلى عايزك

واتى مراد وصدمت روح من وجوده فى هذا الوقت

= اى إلى جابه ده

=اميرة قالتلك اى اديله فرصه اسيبكو انا بقى وهدخل المطبخ اعملكو حاجه تشربوها

ذهبت سلمى إلى المطبخ وكانت تنظر روح لمراد بحزن وعتاب

= هتفضلى تبصيلى كده كتير

= عايز اى يا مراد

= انا اسف يا روح انا عارف انى غلطت بس والله مكنش قصدى اعمل كل ده إلى حصل مكنش قليل وانتى عارفه ده وانا كنت عايز اعمل اى حاجه علشان اخلص من سوزان ومفكرتش فى الصح والغلط ساعتها وكنت عايز اخد حق الناس إلى ماتو وكمان كنت عارف انك زى وعايزه كده علشان كده كنت اول ما اعرف كل حاجه واخلى سوزان تعترف كنت هسجنها وأطلق بنتها

= طب ما اسر عمل كل ده من غير ما يتجوز بنتها

= عارف ومكنتش اعرف ان سوزان بتصارع الموت ساعتها انا اسف سامحيني يا روح وادينى فرصه واحده بس وانا مش هعمل كده تانى

= ماشى يا مراد هديك فرصه ودى هتكون اخر فرصه

= وانا موافق

= روح بقى علشان الوقت اتأخر

= ماشى بس قبل ما أمشى عايز اقولك كلمه

= اى هى

= انا بحبك ياروح

= امشى يا مراد

= طب مش هتردى قوليهاو انا همشى

= وانا كمان بحبك روح بقى

= حاضر يا قلب مراد

ذهب مراد وكانت اميرة تقف على الدرج وتضحك بصوت عالى وقالت بسخريه= مش ده إلى كنتى مش هتديله فرصه تانيه

= مخلاص يا ظريفه

= هموت منك بجد من دقيقتين بتكرهيه ودلوقتى بحبك

=اطلعى يا اميرة بدل ما اضربك

= طالعه اهو مش عارفه اى ده

صعدت اميرة واتت سلمى بالمشروبات

= اى ده فين مراد

= مشى انتى لسه فاكره

= مشى اى انا قولت هتقعدو لبكره تتصالحو

= ريحى بقى ويلا نطلع ننام

= طيب

فى اليوم التالى تجهز الجميع وذهبو إلى المستشفى

تعجب أسر من من ابتسامة مراد = شكلك رايق على غير العاده

=وانت بقى ناوى تعكر مزاجي

= دانا برضو

=عايز اى يا اسر

= عايز اعرف مالك مبسوط كده ليه شكلك اتصالحت مع روح صح

= يعنى حاجه زى كده

واتى الباقى من الخارج واتت شهد مع ادهم وتفاجئ الجميع من ذلك

= صباح الخير

اجابتها روح= صباح النور كل حاجه تمام يا شهد

= اه كلو تمام

نظرت روح إلى دعاء التى كانت تشتغل من الغضب وذهبت على الفور

= طيب يا جماعه انا هروح اغير بقى

وذهبت روح مسرعه خلف دعاء ولاحظت هذا سلمى ومنعت شهد من الذهاب وظلت تتحدث معاها حتى لا تراها دعاء

= دعاء ممكن تستنى شويه وتهدى

= اهدى اى يا روح انتى مش شايفه دول جايين مع بعض يبقى فى علاقه بينهم اكيد انا مش عارفه هو انا ليه لما احب حد يسبنى هو انا مليش نفس احب او حد يحبنى

= اهدى يا دعاء الفكره مش كده اكيد في حاجه غلط

= وبعدين هما لحقو حبو بعض فى يوم وليله ازاى يعنى نفسى اعرف دى لسه جايه امبارح اى السرعه دى

= انا نفسى برضو مصدومه زيك بالظبط ازاى بقو مع بعض بسرعه دى مع انها كانت بتطلب منى مساعده امبارح وانا والله مساعدتهاش فى حاجه اكيد فى حاجه غلط خلينا طب نعرف الاول قبل ما نحكم

= طب والعمل انا مش هقدر اشوفهم مع بعض

= خلاص يبقى انتى كمان تخليه يغير

= وده ازاى بقى انا مفيش حد بيحبنى اصلا

= ومين قالك كده

= هو فى حد بيحبنى

= بصى احنا هنلعب لعبة صغيره وأميرة هتساعدنا

= واى هى بقى

= طبعا شهد هتبقى عايزه تسألنى اى سبب انك اتعصبتى ومشيتى ليه هنقول ان فى مشكله بينك وبين خطيبك وانتى هتكلمى اميرة فى التليفون وهتعملى انك بتكلم خطيبك وانا هقول للأميرة تعمل اى بالظبط

=ماشى بس فكرك هتجيب نتيجة

= عيب عليكى طالما اميره فيها يبقى هتجيب

وابدلو ثيابهم وذهبو إلى عملهم وارسلت رسالة لاميره وبعد ساعات فى العمل جاء وقت الراحه وذهبت شهد إلى روح

=ممكن اتكلم معاكى

= اتفضلى يا شهد

=ممكن اعرف دعاء كانت مضايقه من اى انا حتى ملاحظه انها مش طيقانى خالص من ساعت ما جيت هو فى اى اى السبب

=مين

قال انها مش طيقاكى الموضوع مش كده خالص هى بس في مشكله بينها وبين خطيبها وانتى عارفه مشاكل المرتبطين بقى وكده

= هى مخطوبه حصل امتى ده

= من فتره بس هى مقالتش لحد وعملته على الضيق انا وسلمى بس إلى نعرف

= الف مبروك طب ينفع اروح ابركلها

=استنى هى دلوقتى بتتكلم مع خطيبها

وكانت دعاء فى هذا الوقت تتحدث مع اميره فى الهاتف

= بقولك اى يا دعاء انتى شكلك هتتعبينى معاكى

= انا غلطانه أنى فكرت أنى اخليكى تبقى خطيبى

= متخليكى رومانسيه شويه يا وليه الله

= وليه

=بقولك اى يا دودو دلوقتى انتى لازم تقوليلى يا روحى ويا قلبى مش كل شويه يا خطيبى يا خطيبى مقفوشه اوى

= اومال عايزانى اعمل اى

= يعنى تدلعينى وتقوليلى يا حبى وحقك عليا كأن كان فى مشكله وخلصت

= ماشى اشطا

= يلا ابدأى

= انا اسفه يا حبيبى حصل خير

= الله على الأداء تحفه خطيره يا بت يا دعاء والله

= بت

= لا بقولك اى مش كل لما اقول كلمه تعلقى يلا اقفلى بقى وقتى من دهب وانا مستعجله يلا سلام يا خطيبتشى

= خطيبتشى اى البت دى

وأغلقت دعاء الهاتف وذهب لكى تكمل عملها

وذهبت شهد إلى ادهم فورا وذهبت روح إلى دعاء ولتكمل عملها أيضا

= اى الدنيا كلو تمام

=هو تمام وكل حاجه بس اختك بتقولى يا وليه وبت وخطيبتشى اى اللغه دى

= لا متاخديش فى بالك المهم أن كلو زى الفل

= اه فل بس اى الدنيا شهد راحت تقولو

= اه راحت أهى هنتسلى اوى

= المهم بس الخطه تكمل

=بقولك ايه انتى فكرك اني ممكن الخطه دي تمشي فعلا وتنجح وادهم يرجعلي بقى ويسيب شهد

=قولتلك طول ما اميره الى فيها يبقى هتنجح

= يارب بجد اتمنى اوى

=خلينا بقى نكمل شغلنا وبعد كده نبقى نتكلم في الموضوع ده بعد الشغل يلا بسرعه

وبعد ساعات انتهى وقت العمل واتجهت روح ودعاء وسلمى لتبديل ملابسهم للذهاب الى المنزل وبعد الانتهاء من تبديل ملابسهم اتجهوا للخروج من المستشفى ولكن اوقفهم مراد

=قبل ما تمشو انا عايزكم في موضوع مهم

إجابته=فى اى حصل حاجه

= انا وأسر قررنا أننا نقدم معاد الفرح ويبقى الاسبوع الجاى

= نعم مش بدرى اوى

= ولا بدرى ولا حاجه يا سلمى كفايا بقى على فترة الخطوبه حاسس انها طولت بصراحه خلينا نبقى مع بعض وكفايا بعد

= بس انا مش هسيب اميرة لوحدها فى البيت

=ومين قال كده اميرة هتبقى معانا لما نتجوز يا روح هتقعد هى مع ماما لأن مى هتسافر

= ماشى ممكن نمشى بقى نجهز اى حاجه قبل الفرح

= اه طبعا يلا روحو

وذهبت سلمى وروح ولكن ادهم اوقف دعاء بعد ذهاب الجميع

= ممكن اتكلم معاكى

= بسرعه علشان مستعجله

= انتى مخطوبه بجد

= فيها مشكله دى

= اه فيها مشكله يا دعاء مش هسيبك ليه

= هو اى إلى مش هسيبك ليه انت ليك حياتك وانا ليا حياتى

= هقولهالك تانى مش هسيبك ليه يا دعاء انتى ليا انا وبس فاهمه

= انت عارف انت بتقول اى

= اه عارف يا دعاء انا بحبك ومش هسيبك تبقى مع حد غيرى ومش هعيد غلط زمان ابدا

= انت بت اى

اقترب ادهم ونظر لها عن قرب= انا بحبك يا دعاء ومش هسيبك لغيرى

وتركها وذهب وهى لازالت مصدومه

= هو قال إنه بيحبنى بجد ولا انا بحلم

وذهبت هى الأخرى ولكن شهد استمعت لكل شئ وكانت فرحه للغايه لأخيها وذهبت لكى تسير قليلا

= ممكن اقف معاكى

= انت مين

= انتى لحقتى نستينى

= ااه افتكرتك جاى تاخد حقك

= لا مش جاى اخد حقى ولا حاجه اصل ده مكانى المفضل وبحب اتمشى فيه على طول واستغربت لما شوفتك

= اى ده وانا كمان ده مكانى المفضل

= طلعنا فى حاجه متشابه بينا تعالى نتمشى مع بعض لو معندكيش مانع

= لا معنديش

وكانو يسيرون فى صمت ولا يتحدثون إلى أن قاطع وليد الصمت

= انتى لسه زعلانه منى

= لا مش زعلانه ولا حاجه انا تمام بس لازم اروح علشان أهلى ميقلقوش عليا

= استنى يا شهد

…..

رواية من الذي أحبه الجزء السابع والعشرون 27 بقلم لولو وائل

من الذي أحبهرواية من الذي أحبه الحلقة السابعة والعشرون

= استنى يا شهد

=في ايه

نظر اليها واقترب منها ولكن كانت هي تتراجع قلقا منه الى ان توقف هو=في ايه ما تخافيش مش هعمللك حاجه

=امال بتقرب ليه

=شايفه المجموعه اللي وراكي دول حاولي تشوفيهم من غير ما ياخدوا بالهم مستنيين تمشي عشان يمشو وراكي عشان كده كنت بحاول اقرب بس عشان خاطر يفهموا ان انتى معاكي حد لحد ما يمشوا وهسيبك تمشي

=تقرب بس مش تقرب اوي كده يعني بيكون في مسافه على الاقل

=خلاص هم مشيوا تقدري دلوقتي تمشي ومتمشيش في الوقت ده ثاني

=حاضر

وذهبت شهد وعادت الى منزلها ووجدت ادهم بانتظارها

كان ينظر لها في غضب شديد=ايه يا هانم التاخير ده كنتى فين

=كنت بتمشي شويه والوقت خدني

=متعديهاش تاني

=مبروك عرفت ان انت النهارده اعترفت

=الله يبارك فيكى بس حتى لو انا اعترفت هي مخطوبه يعني حتى مفيش حاجه في ايدي اعملها

=ازاي بقى ده انت اعترفت وقولتلها ان انتى ملكي يعني تقدر بكل سهوله انك توقف خطوبتها دي اذا كانت مخطوبه اصلا

=مش فاهم قصدك

=هو انت مخدتش بالك كل ده ان مفيش حتى دبله في ايديها وغير كده في يوم وليله من بعد ما شافتني انا و انت مع بعض بقيت مخطوبه فجاه طب ازاي

=قصدك ايه قصدك ان انها ممكن تكون عامله حوار عشان اغير

=لاما هي اللي عامله الحوار ده او لاما حد هو اللي عمل لها الخطه دي وهي ماشيه عليها عشان تتاكد من ده في الوقت اللي هي هتكلم فيه خطيبها اسحب التليفون واعرف هي بتكلم مين وهتعرف ساعتها اذا كانت مخطوبه ولا لا بس انا احساسي بيقولي ان كل ده حوار معمول علينا

=ماشي نشوف بكره مش هنغلب

في منزل مراد كان الجميع مجتمع بامر من مراد وجلس الجميع بانتظار ماذا سيقول

حاول يا مراد تهدئه من حماسه وفرحته=طبعا انتو مستغربين انا مجمعكم ليه في الوقت ده

=انا قلقت يا ابني في ايه

=مفيش حاجه تقلق يا امي الحوار وما فيه ان انا قدمت ميعاد فرحي وبدل ما هيكون بعد سنه هيبقى الاسبوع الجاي

صدم الجميع واجابته والدته=الاسبوع الجاي ازاي يا ابني انت عارف الفرح بيبقى محتاج تجهيزات وترتيبات كتيره جدا انت كده بتعجزنا احنا مش هنلحق نعمل اي حاجه

=هنلحق ان شاء الله كلنا مع بعض هنلحق انا واسر قررنا ان احنا هنقدم فرحنا الاسبوع ده و كنت جاي اشوف راي يوسف لو عايز يقدم معانا او يخليه على الميعاد القديم زي ما هو

=وانا كمان هقدم انا كنت بفكر في الموضوع ده بصراحه عشان كنت لازم انقل في اقرب وقت واسافر عشان الشغل كتير هناك وكنت هسيب فريد في الفرع اللي هنا بس كنت الاول عايز اتكلم معاك عشان موضوع تقديم الفرح بس اديها جت منك انا كمان هقدم

=خلاص يبقى دلوقتي احنا كلنا هنقدم ميعاد الفرح وكلنا مع بعض هنقدر ان شاء الله نعمل ليله كويسه لينا من غير ضغط ولا اي حاجه لان كفايه بعد لحد كده وسنه كتير بصراحه يعني انا كبرت بقى و محتاج اتجوز وابني عيله واسره ولا انتى رايك ايه يا امي

=كبرت ولا مش قادر على البعد يا روح ماما

=والله مش هتفرق كتير بقى يا ست الكل المهم ان احنا نتجوز عشان ميحصلش مشاكل تاني او الاقي حاجه توقف الجوازه دي

=خلاص يا ابني ما دام انت شايف كده ماشي اللي فيه الخير يقدمه ربنا

=يا جدعان وانا كمان عروسه من حقي اتكلم وابدي بقراري وابدي برايي صح ولا ايه

=وايه بقى قرارك يا استاذه مي

=قبل ما اقول اي كلمه خلي يوسف يبطل يبرقلي عشان بدات اخاف

=ما تبصلهاش يا يوسف عشان الهانم ما تخافش اخلصي يا مي عايزه تقولي ايه

=كنت هقول بس هنزل اجيب فستان الفرح امتى بالظبط

=يعني انت كل ده اللي موقفك فستان الفرح هاتي وقت ما تجيبيه يا مي انا طالع انام عشان عندي شغل الصبح عشان مش ناقصه يترفع ضغطى على المسا

وذهب مراد الى غرفته ولكن استمع الى طرقات على الباب وظن ان والدته او مي وعندما فتح وجد مرام امامه

=خير يا مرام عايزه ايه

=عايزه امشي

=امشي يا مران بس هتروحي فين

=مش مهم بقى مش هتفرق لكن انا مش هقعد في فرحك هنا يا مراد ولا اشوفك بتتجوز حد تاني غيري

=انتى لسه في نفس الموضوع ده يا مرام ده انا قولت ان الصدمه خليتك تعقلي بس الظاهر ان انا غلطان هتفضلي زي ما انتى

=انت ليه مش فاهم ان انا بحبك ليه مش فاهم ان انا عاوزاك ليه كلكم شايفينى وحشه محدش حاسس باللي جوايا ولا حد شايف مشاعري او انا حتى بحس بايه او انا عايزه ايه

=اللي انت عاوزاه يا مرام انا مش عايزه انا مش عايزك انا ما بحبكيش الحب عمرو ما كان بالعافيه

=ماشي يا مراد اعمل اللي انت عايزه عايز تتجوزها اتجوزها بس انا ما ليش عيشه في البيت ده تاني

=مع الف سلامه اعملي اللي انت عاوزاه

واغلق مراد باب غرفته واتجهت مرام الى غرفتها وجهزت اغراضها وذهبت من المنزل ولم يوقفها احد

في اليوم التالي تجهز الجميع وذهبوا الى العمل وذهبوا الفتيات وابدلوا ثيابهم وذهبوا الى عملهم كان تقف دعاء بجانب روح ولاحظت هذا شهد وكانت لا تريد ان تقترب منهم حتى لا يشعرون بالانزعاج منها

=بقولك ايه يا روح ما تعرفيش حد تاني يمثل غير اختك اختك دي شلتني امبارح

=بس فادتك

=هي من ناحيه فادتني هي فادتني كتير بصراحه

=شكل في حاجه حصلت امبارح عشان كده وشك منور كده النهارده

=بصراحه اه

=طب ايه احكيلي

=هو اعترف امبارح بس انا خايفه لما يعرف ان احنا بنعمل عليه حوار كل ده يروح

=احنا كنا بنهزر يعني الموضوع مش كبير وبعدين ما تخافيش ممكن يعني يطلع اعقل من كده و ميزعلش منك المهم هتكملي في الموضوع ده تاني النهارده ولا هتقولي الحقيقه

=بفكر نزود يوم زياده يعني جرعه زياده كده نشوف هتعمل ايه

=على راحتك عايزه تكلميها في الاستراحه كلميها هي جاهزه على رنه التليفون

=ماشي

وذهبت دعاء ولاحظت روح صمت شهد واقتربت هي منها خوف من ان تكون تضايقت منهم

=مالك يا شهد

=مفيش هيكون مالي يعني

=ملاحظه ان انتى انهارده مش بتضحكي زي كل يوم وواخده جنب لوحدك في حاجه حصلت

=لا مفيش حاجه بس انا بعيده عشان عارفه ان دعاء ما بتحبنيش

=دعاء مش بتكرهك والله هي بس ممكن تقولي متضايقه

بس شويه من حاجه معينه فالضيقه دي مثلا بتظهر على وشها فتحسى ان هي مش طايقاكى بس لا بالعكس هي دعاء كويسه مش كده خالص

=ولا قصدك ان هي غيرانه

=بصي يا شهد انا ما اقدرش اقول حاجه زي دي قدامك بس لو انت شايفه ده فهو اه وهتفهمي بعدين ليه

=لا ما انا فاهمه وعارفه كل حاجه من غير ما تقوليلي عارفه ان دعاء بتحب ادهم وغيرانه عليه من وجودي وانا مش زعلانه من ده

=ازاي بقى مش انتى بتحبيه

=احب مين ادهم يبقى اخويا اخويا من الاب امي لما اتجوزت باباه مجابتش غيري فبدات تقربنا انا وادهم من بعض عشان نبقى اخوات و سند لبعض على طول وادهم لما جه هنا بعد طبعا علاقتكوا باظت بفتره كبيره حب دعاء بس عرف انها كانت بتحب اسر عشان كده طلب مني مساعده اننا نجرب نشوفها بتغير ولا لا وبتحبه ولا لا ويكتشف مشاعرها وانا حاولت اساعد بس عشان كده كنت بعمل الشويتين دول لما جيت مجرد ان انا كنت بحاول اساعده واديه اعترف امبارح وانا اعترفتلك بالحقيقه دلوقتي عشان عارفه انك كويسه يا روح لانك لو مكنتش كويسه مكنتيش هتسامحي اخويا على اللي عمله فيكى زمان

=والله كنت حاسه ان الموضوع ده في حاجه غلط بس ايه العمل بقى كل واحد بيلعب على التاني

=يعني دعاء مش مخطوبه

=ما هو زي ما اخوك بالظبط كان عايز يعرف مشاعرها هي كانت عايزه تعرف مشاعره الاتنين ما شاء الله تفكيرهم زي بعض اوي

=طب والعمل بقى

=ولا حاجه هنقعد ونتفرج ونشوف هيحصل ايه

=ربنا يستر

وذهبوا لاكمال عملهم وبعد فتره في وقت الاستراحه في منتصف اليوم ذهب الدعاء وقامت بالاتصال باميره

=عامل ايه يا حبيبي

=فى اى يا دعاء هو كل يوم على الهم ده انا زهقت

=هو انا موحشتكش

=انتى ملبوسه يا بنتي يعني امبارح كنتى دبش والنهارده سبحان الله قلبتى رومانسيه انتى ادهم واقف جنبك

=اه واهدي بقى واتكلمي عدل قفلتيني

=كملي يا اختي في التلزيق سمعاكي

=تلزيق اميره هو انتى طبيعيه بجد

=والله يا اختشى انت قفلتيني من صنف الرجاله كلهم انتى واختي كل واحده بتعمل حيل عشان تقرب واحد منها مش عارفه انا العبث اللي انتم عايشين فيه ده

=عبث

=لا بقولك ايه يا دعاء انا مش كل ما اقول كلمه هتعلقي عليها خلصينا انا ورايا اشغال مش هفضيالك انا اربعه وعشرين ساعه قولي الكلمتين خلينا نخلص

=حاضر انت اخبارك ايه

=انا تمام يا اختشى والله انتشى ايه اخبارك

=انا تمام مش هنخرج النهارده

=وماله نخرج على حسابك

=عيله نتنه

=دي اقل حاجه عندي

وذهب اليها ادهم في غضب واخذ منها الهاتف وقام هو بمتابعه الحديث

=بقولك اى ملكش دعوه بيها تاني اللي بينك وبين دعاء ينتهي ودلوقتي

ولم يتلقى الرد من اميره وحاول مره اخرى الحديث حتى يتلقى الرد منها =مش بترد ليه خفت ولا ايه انت ليلتك معايا سوداء لو شفتك هموتك

=لا لا بقولك ايه يا باشا انا ما ليش دعوه بالحوارات دي انا واحده كنت بعمل عمل خيري وبساعد ما ليش دعوه

=مين معايا

=انا اميره اخت روح طلبوا مني ان انا امثل دور خطيب دعاء عشان نخليك تغير ونتاكد اذا كنت بتحبها ولا لا ده كل اللي اتطلب مني اديني اعترفتلك بكل حاجه انا براء اهو يلا سلام عليكم و عليكم السلام

واغلقت اميره مسرعه ونظر ادهم الى دعاء بغضب

=اللي انا سمعته ده صح

اجابته دعاء وهي متردده وخائفه=كنت اعمل ايه يعني ما انا شايفاك رايح جاي معاها قولت اكيد انت بتحبها كنت عايزه اتاكد بس عشان لو مكنتش بتبادلني نفس المشاعر اكيد كنت هوقف

=واتاكدتى دلوقتي

=والله العظيم ما كانش قصدي اعمل كده كنت هقولك بس انت اللي اجبرتني على ده

=وانا اسامحك ازاي بقى على اللي انتى عملتيه ده

واتت روح في هذه اللحظه واجابته=متعملش فيها ملاك وكأنك مغلطتش يا ادهم زي ما هي بالظبط مثلت عليك انها مخطوبه انت كمان جبت اختك عشان تخليها تغير يعني انتوا الاتنين متعادلين

=هي لحقت فضحتني يا بنت ال

=يعني شهد تبقى اختك ضحكت عليا

=اتصفوا بقى مع بعض وحلوا مشاكلكم بسرعه علشان الاستراحه قربت تخلص

وذهبت روح ونظرت الدعاء الى الاسفل بحزن والقلق

=انا والله مكانش قصدي اعمل كده بس انت اللي اجبرتني على ده

=خلاص يا دعاء زي ما انتى غلطتي انا كمان غلطت متساويين اتمنى ما تكرريهاش تاني

=والله ما هعملها تاني وانت كمان ما تضحكش عليا تاني

=وبعدين يعني انت ملقيتيش غير اميره هي اللي تمثلك وتساعدك

=عندك حق والله دي تمثيلها هباب دي بهدلتني

=البنت اعترفت عليكى من اول قلم يلا حصل خير خدي ميعاد مع اهلك بقى

=نعم ميعاد مع اهلي ليه

=هروح اعمل لهم زياره ايه السؤال ده واحد بيحب واحده بيقول لها خدي ميعاد مع اهلك هيبقى ليه يا دعاء

=انا رايحه اشوف شغلي

=استني يا دعاء هو انا كل ما اقول كلمه تجري مش كده يا ماما

=هاخذلك ميعاد مع اهلي حاضر هروح اشوف شغلي عشان الاستراحه خلصت ونبقى نتكلم بعد الشغل

=ماشي اللي انتى عاوزاه

وذهبت دعاء مسرعه الى العمل تحت ضحكات ادهم من خجلها

بعد ان اغلقت اميره الهاتف ذهبت لكي تقوم بعمل شيء لشوربه ولكن استمعت لطرقات على الباب وقلقت قليلا

= مين اللي هيجيلي دلوقتي ده ده عمر ما حد رن عليا جرس او حتى خبط عليا ربنا يستر

وذهبت لكي تفتح الباب وتفاجات عندما وجدته امامها

=فريد

=معلش لو كنت جيتلك في وقت ازاي ده بس انا كنت قايل لاختك انها ترن عليكى وتبلغك قبل ما اجي

=محدش رن عليا اااه ده انا عامله تليفوني صامت طب هو انت كنت عايز حاجه

=انا كنت جايه اخدك عشان تكوني في البيت معاهم في التجهيزات عشان اختك قالتلى انك هتساعدى في التجهيزات معاهم

=اه اه طب استنى هروح بس اغير هدومي بسرعه واجي وراك

=ماشي وانا هستناكى هنا

وذهبت اميره مسرعه وابدلت ثيابها واخذت هاتفها وارسلت لاختها رساله بانها سوف تذهب مع فريد وذهبت وركبت السياره وتوجهوا الى منزل مراد

=هو انتى هتعملي الفرح في البيت

=لا هنعملو فى فيلا جدي بس احنا جينا البيت هنا عشان نشوف هناخد ايه وبعد كده هنروح على فيلا جدي

=تمام ماشي

=استني هنا انا ثواني وجاي

وذهب لكي يأخذ بعضا من الاغراض وانتظرته اميره حتى اتى شخص مجهول الهويه واتجه الى اميره

=سلام عليكم

=عليكم السلام ورحمه الله وبركاته اتفضل مين حضرتك

=هو ده بيت مراد المحمدي

=ايوه هو كنت عايز حاجه

=انا من المستشفى وكنا جايين نبلغه بوفاة سوزان

نظرت له اميره في صدمه=اى

………

(زعلتو على وفاتها ولا عادى🤔 )

(اميرة تتألق مره اخرى فى فضح الآخرين😂)

…..

رواية من الذي أحبه الجزء الثامن والعشرون 28 بقلم لولو وائل

من الذي أحبهرواية من الذي أحبه الحلقة الثامنة والعشرون

=انا من المستشفى وكنا جايين نبلغه بوفاة سوزان

نظرت له اميره في صدمه=اى

=طب هو موجود في البيت ولا مش موجود

=لا هو مش موجود هو دلوقتي في الشغل بس انا هبلغه يعني

=ما هو لازم يكون موجود عشان تصريح الدفن

=هو ينفع يعني حد تاني غيره اللي يكون موجود

=لو انتم قريبها ماشي عادي مفيش مشكله

واتى فريد في هذا الوقت وراى الرجل يقف مع اميره وذهب مسرعا اليه اللي كان يعرف من هو

=انت مين

=ده يا فريد من المستشفى وكان جاي عشان تصريح دفن طنط سوزان

=لا حول ولا قوه الا بالله طب انا ممكن اجي معاك عشان الدفن

=هو احنا كنا عايزين مراد بيه بس المدام بتقول ان هو في الشغل فادلوقتي لو انت من قريبها ممكن تيجي انت معانا

=تعالى انا وانت يا فريد نروح معاهم ونخلص الاجراءات دي والدفن وهنبقى نقولهم لما نرجع

=عندك حق مش ناقصين توتر زياده اكتر من التوتر اللي احنا عشناه ماشي هنيجي انا والمدام معاك

وصعدوا الى السياره وذهبو مباشرة الى المستشفى وانهي فريد كل الاجراءات المطلوبه لدفن خالته واخذوا ساعات كثيره حتى تم دفن سوزان وذهب الجميع وظلت اميره واقفه هي وفريد

=اى يااميره هتباتى اليوم كله هنا ولا ايه

=تصدق يا فريد بعد كل اللي هي عملته ده والله هي صعبانه عليا ربنا يرحمها ويسامحها

=يا رب يلا يا مدام

=استنى هنا بقى معلش عشان منعملش خناقه مع بعض انا ملاحظه انك عمال تقول مدام مدام من الصبح مدام مين معلش

=مدام فريد

=انت لما حطيت اسمك الوضع اختلف يعنى انت عارف ان انا مش مدام

=يا ستي ولا تزعلي نفسك انسه حلو كده

=طبعا انا انسه مش مدام بعد اذنك في فرق عشان منتفهمش غلط عشان اختي لو سمعت الكلام ده هتعلقني انا وانت

=طب ما تيجي نحولها من انسه لمدام

=يلا يا فريد نروح نشوف اللي ورانا يلا الله يهديك

=انتى اللي خسرانه يلا

وتحرك بسيارته الى منزل جده ليبداوا بتجهيزات زفاف مراد واسر ويوسف

في المستشفى بعد انهاء يوم طويل وشاق في العمل اجتمعوا جميعا خارج المستشفى توجهت روح الى سلمى لكي تذهب لكن اوقفتها دعاء

=استني ياروح عايزاكي في حاجه

=طب انا همشى انا ياروح شويه قدام عقبال ما تخلصوا

=لا خليكى يا سلمى انا عايزاكى انتى كمان عايزاكم انتم الاتنين

=في ايه يا دعاء

=مفيش هاجي معاكوا هقعد معاكم طول الفتره دي لحد ما تتجوزوا واسلمكم لعرسانكم بايدي

=يا سلام ده ايه الدلع ده كله

=اصلك متعرفيش اللي حصل يا سلمى اقولها يا دعاء

=طب ما تستني لما نروح عشان هو واقف

=ماشي يلا يا بنات

وذهبوا الفتيات معا ولكن اوقف مراد ادهم وقال ادهم لشهد ان ترحل هي لان هناك عمل ما سوف ينجزه وسوف ياتي وراءها

=استنى يا عم ادهم رايح فين احنا لسه كلمنا معاك مخلصش

=هو احنا بدانا كلام عشان يخلص

اجابة اسر=لا ما احنا هنبدا دلوقتي الكلام اهو يا عم ادهم من امتى بقيت روميو

=روميو مين روميو ده

=سيبك من روميو من امتى بقيت رومانسي

=رومانسي مين رومانسي ده

=هو انت معدل الغباء عندك ارتفع ولا ايه سيبك من رومانسي من امتى بقيت شخص حبيب

=حبيب مين حبيب ده

=خلصت استهبال ولا لسه احنا عارفين كل حاجه وشفنا كل حاجه بعنينا لخص الكلام بقيت مع دعاء من امتى

=يا عم ما تقول دعاء لازم يعني شغل الالغاز ده

=بقيت مع دعاء امتى يا استاذ ادهم

=طيب مبدئيا هي بقتش اسمها دعاء كده حاف اسمها المدام دعاء تاني حاجه احنا لسه مكملناش يومين اصلا

=طبعا لسه بقى فتره خطوبه وبعد كده فرح ده انت معاك ربنا

=لازم نعرف بعض كويس مش عايز يحصل نفس الغلط اللي حصل بيني وبين روح يتكرر تاني

=لا ما هي مسمهاش روح برضو اسمها مدام روح او اقولك مدام مراد اشيك برضو

=ماشي يا عم مراد حاجه تانيه ولا اروح البيت

=لا احنا قلنا نرخم عليك شويه بس وخلاص

=طيب انا ماشي

=متنساش تيجي الفرح كلها كام يوم

=طبعا ده انا من اول المعازيم

=بس اتمنى تيجيلنا بشخصيه ادهم مش بشخصيه دياب

=ان شاء الله هاجيلكم بشخصيه ادهم مش ملاحظين ان في تحسن طيب فيا ولا انتم محدش لاحظ حاجه

=انت بدات رحله علاج ولا ايه

=اكيد ملحقتش ابداها يعني بس الحب بيغير برضو وبيدي نتيجه ايجابيه

=يا ولا يا ولا احنا نتعلم منك بقى

=هبقى اديكوا دروس بس مبديش حاجه بالمجان

=امشي يا ادهم بدل ما نحولك لدياب

=يلا سلام عليكم

وذهب الجميع الى منازلهم ودخلت روح وسلمى ودعاء الى المنزل وكانت روح تنادي على اميره ولكن لم تجد رد

=شكل الهانم لسه مرجعتش هروح اتصل بيها

وقامت بالاتصال باميره ولكن لم تجيب في المره الاولى ولكن اجابت في المره الثانيه

=انتى فين يا هانم

=لسه مخلصين شويه حاجات اهو وهركب وجايه

=ماشي يا اميره متتاخريش

=حاضر

خرجت اميره وانتظرت بجانب السياره كما امرها فريد كان ينهي شيئا في يده ثم ياتي ليوصلها ولكن شعرت اميرة بالدوار قليلا وجدت فريد امامها

=طبعا دايخه عشان حضرتك مكلتيش من الصبح

=ما تكبرش الموضوع اوي كده

=هو ايه اللي مكبرش الموضوع انتى مش شايفه منظرك عامل ازاي

=انا لما بكون مركزه في حاجه بنسى الاكل والشرب لما اروح ابقى اكل

=اروحك لاختك وانتى بمنظرك ده استحاله تعالي اوديكي تاكلي الاول

=لا بالله عليك اختي قالتلى متاخرش ولو اتاخرت هتعلقني على باب البيت

=مش هنتاخر او على الاقل اجيبلك سندوتشات تاكليها في الطريق

=اذا كان كده ماشي

وراكب السياره وذهبو ذهب فريد الى المطعم واحضر الطعام لاميره وذهب مره اخرى الى السياره

=تاكلي كل السندوتشات كلها و تخلصيها

=انت بتهزر ولا بتتكلم جد هاكل سبع سندوتشات

=يمكن تتخني شويه

=في ايه انت بتقول ايه ممكن اكل سندوتشين مثلا

=اربعه مش هتنازل عنهم

=ماشي ارحم من السبعه

=بقولك ايه يا مدام قصدي يا انسه هتقولي لاختك على وفاه سوزان ولا نقفل الموضوع

=بعيدا عن المدام دي انا رايي ان احنا ما نخبيش يعني هنستفاد ايه لما نخبي خليهم يعرفوا خلاص

=ممكن يبوظوا الفرح ويوقفوه

=لا مش للدرجه دي ما كانش في حد فينا اصلا بيحبها ممكن يترحمو عليها لان مهما كانت برضو هي خالتكم بس مش لدرجه ان ممكن يوقفوا الفرح وبعدين ما انت خالتك عرفت وما عملتش حاجه

=خالتي عرفت منين

=مني طبعا قولتلها وقولت لمي ومعملوش اي رده فعل

اللي هو يعني الله يرحمها وخلاص في فرق بين شخص مقرب ليك وبتحبه جدا وبتزعل فعلا على فراقه ممكن توقف كل حاجه عشان انت زعلان عليه وبين شخص عمل كل الغلط اللي في الدنيا ودمر اللي حواليه عشان خاطر انانيته ولما بيموت هتترحم عليه لانه مهما كان راح او جيه قريبك بس مش هتزعل عليه لدرجه انك ممكن توقف كل حاجه عشانه يعني

=عندك حق ماشي خليهم يعرفوا بعد الفرح احتياطي وخلاص

=ماشى و بطل تقول كل شويه يا مدام يا مدام انا واخده بالي على فكره

=وماله لما تكوني مدام فريد هي دي حاجه قليله

=مدام فريد ايه انت بتقول ايه انا مجرد بساعدكم فتره ان هم يتجوزوا و خلصت قلتلك احنا اصحاب مفيش حاجه تانيه موجوده

=ممكن يبقى في في يوم من الايام

=خليها على الله بس مش كل شويه مدام مدام دي عشان اختي لو سمعتها هتعلقك وتقتلني انا

=انتى جميله اوي يا اميره انسانه مرحه وطيبه وجدعه انا مقبلتش حد كده قبل كده

=ايه الاحراج ده بقى اطلع يا فريد خلينا نروح

= كل ده عشان مدحت فيكي اومال لو قولت حاجه تانيه هتعملي ايه

=حاجه تانيه اى

=لا ولا حاجه

وانطلق فريد الى منزل اميره ونزلت اميره من السياره ولكن اوقفها فريد

=استني يا اميره

=في ايه في حاجه نسيت تقولها ولا ايه

=هو في حاجات بس كل حاجه تبقى في وقتها المناسب يعني بس انا كنت عايز اقولك شكرا على كل حاجه على وقوفك جنبنا ساعت موضوع خالتي وعلى وقفتك جنبنا في التجهيزات طبعا عشان خاطر اختك وجوز اختك عشان خاطر انك سامحتي مراد على اللي عمله وكمان على انك لما عرفتى حقيقة موت أهلى جيتى قولتيلى على طول وكنتى عايزه تساعدينى انتى فعلا انسانه جميله ومغلطش إلى سماكى اميره

=انت شكلك قله الاكل عملتلك سخنيه في سندوتشات في العربيه اجيبهالك تاكل

=مش سخن ولا حاجه انا بس عندي حاجه عايز اقولهالك بس مش دلوقتي بعد الفرح

=طب ما تقولي دلوقتي عشان انا واحده فضوليه

=لا مش دلوقتي بعد الفرح

=ماشي زي ما تحب يلا سلام عليكم

وذهبت اميره مسرعه الى الداخل

=عليكم السلام ورحمه الله وبركاته يا اميرتي

وبعد مرور ايام جاء اليوم المنشود وهو يوم زفاف روح ومراد واسر وسلمى ويوسف ومي

كان فى غرفة الفتيات فى قصر الجد يشع من البهجه والفرحه وفرحة الفتيات وهم يتجهزون لزفافهم

=انا مش مصدقه ان انا هحضر فرح اختي اخيرا

=عقبالك ما افرح بيكى انتى كمان وتعقلي شويه

=لا انا قاعده معاكوا حبه المهم بت يا سلمى هم اهلك هيجوا ولا هيعملوا زي الخطوبه

=لا جايين طبعا متقلقيش كله تمام متعطلنيش بقى عشان عايزه اخلص كل حاجه

=طب انتوا التلاته كل واحده معاها واحده بتجهزها انا مين هيجهزني

=دعاء قربت تخلص وهي هتجهزك

=ماشي اديني مستنيه

في غرفه الشباب كانوا يتجهزون بمرح وضحكات كثيره

=عشت وشفتكوا يا عيال بتتجوزوا ده انا قولت خلاص هتعنسوا

=شكلك يا فريد عايز تحضر الفرح بتاتوه على وشك تيجي

=في ايه يا عم يوسف ده انا بفرح لكم والله يعني انا اتقطم وسطي عشان اخلصلكم الترتيبات دى احنا كلنا اتبهدلنا وانتم قاعدين ملوك محدش فيكم مد ايده بدل ما تقوليلي شكرا عايز تضربنى

=شكرا يا عم فريد مش عارفين والله نودي جمايلك فين

=ابقو عارفينها بس عشان تسددوها

=ماشي يا فريد لما تتجوز متزعلش من اللي هنعمله فيك

=لا انا لسه صغير مش عايز اتجوز دلوقتي

=انت صغير لا تعليق

=في اى يامراد انت واسر ايه السكوت ده

=تقدر تقول كده مش مصدق ان انا هاخد البنت اللي حبيتها من اول ما شوفتها وبعد كل المشاكل اللي مرينا بيها دي اخيرا هنبقى مع بعض والله مش مصدق

=وانت يا اسر

=لا انا غيره انا مش مصدق ان انا حبيت اصلا وحبيت اكثر بنت كانت قدامي وعمري ما بصيتلها ولا فكرت فيها وسبحان الله دلوقتي هتبقى مراتي والله الواحد ميعرفش هيحب مين وامتى وازاي كل حاجه بتيجي بترتيبات ربنا والشخص انت مكنتش متوقعه خالص هو الشخص إلى هيبقى معاك وهتحبه

=ما شاء الله بقيتوا بتقولوا اشعار وانت يا استاذ يوسف

=لا انا غيرهم انا حب طفوله من و هي لسه بضفاير وانا محبتش غيرها وكل مااكبر كل ما كان حبي بيزيد ليها انا عمري ما هحب حد قد ما حبيت مي ومش عايز حد غيرها في حياتي

=يا سلام وانت يا ادهم مش هتزود حاجه

=لا ما هو مش فرحي ازود ايه بس انا برضو مبسوط يعني ان انا البنت اللي انا بحبها طلعت بتبادلني نفس المشاعر وانا ناوي ان انا مكررش غلطه زمان واتجوزها ان شاء الله

=ربنا يكتبلك اللي في الخير اما انا بقى فانا شكلي لسه قدامي مشوار طويل عشان اقدر اوصل للمجنونه دي

نظروا اليه الاربع شبان وقالو معاً=مجنونه

=لا متاخدوش بالكم انا بخرف انا خارج بره يلا سلام عليكم

=على فكره فريد اخوك شكله واقع بس مش عايز يتكلم ولا يقول الحقيقه عمال بس يلف ويدور

=ما انا عارف يامراد بس سيبه يمكن مثلا لسه مكتشفش مشاعره الحقيقيه لسه ميعرفش هو عايز اى واحده واحده واكيد هيظهر ده وهنعرف مين هي سعيده الحظ اللي هتبقى مع فريد بيه

=اللي فيه الخير يقدمه ربنا

وبعد ساعات كثيره انتهوا من التحضيرات والفتيات كانوا على اتم استعداد وكلا منهم كان لها جمالها الخاص وسحرها الخاص وكان تتميز روح بجمالها الهادئ والبسيط وكانت تتميز سلمى بجمالها الخلاب وجمال عيونها وسحرها خاص وكانت تتميز مي برسمه عيونها وهدوء ملامحها وجمالها الرقيق وكانت تنظر لهم اميره بفرحه حقيقيه وكانت على اتم استعداد هي ايضا هي ودعاء وكانت دعاء ترتدي فستانا رقيقا للغايه مع حجابها وزينتها الخفيفه وكانت ايضا اميره ترتدي فستاناً كان يزيدها جمالا وبريقاً مع حجابها ورسمه عيناها وضحكتها الجميله وغمازتيها وكانوا بالانتظار حتى يذهبوا الى الاسفل

ذهبوا الفتيان بعد ان اتموا استعداداتهم وكان مراد يرتدي حُلَّةً قاتمه السواد من اعلاه الى اسفله اما اسر فكان يرتدي حُلَّةً رومادية و ينسقها مع قميص اسود

وكان يرتدي يوسف حُلَّةً كحليه داكنه وينسقها مع القميص ابيض وكان يرتدي ادهم حُلَّةً رماديه وينسقها مع قميص ابيض وكان يرتدي فريد حُلَّةً سوداء وينسقها مع قميص ابيض وكانوا ينتظرون بالاسفل قدوم الفتيات

ونظر الشباب بصدمه=اى ده

…….

(اى اكتر ثنائى عجبكو وليه عايزه الكل يرد بلاش كلمة تم الى بترفعلى ضغطى دى )

( جهزتو للفرح ولا لسه هجيب عربيه ونروح كلنا😂)

…..

رواية من الذي أحبه الجزء التاسع والعشرون 29 بقلم لولو وائل

من الذي أحبهرواية من الذي أحبه الحلقة التاسعة والعشرون

ونظر الشباب بصدمه=اى ده

وضحك فريد عليهم=صدقوا تؤمنوا بايه انتم محتاجين صوره وحياة ربنا بس عندكم حق تتنحو دول برضو قمرات

نظروا له بغضب وتراجع فريد عما قاله=ولا كانكم سمعتوا اي حاجه انا ماشي سلام عليكم

وذهبوا الفتيات الى الاسفل وكل زوجه ذهبت الى زوجها وتوجهوا الى الطاوله لعقد القران

وبدأ الماذون بتجهيز اغراضه وبعدها قام بسؤالهم=مين هيكتب الاول

توجه مراد مسرعا=انا الاول

=واشمعنى انت لا انا الاول يا عم الشيخ

=ولا انت ولا هو انا الاول يا شيخنا

تفاجا الماذون بسبب الجدال بينهم=ايه الحماس اللي انتم فيه ده انا اخر كتب كتاب كان واحد مش طايق اللي معاه واثنين كل واحد كان بيزق التاني عشان يكتب الاول مشفتش ناس مستعجلين زيكم كده

= احنا غير يا شيخنا ابدا بيا انا ومحدش فيهم هيتكلم

=تعرف يا مراد لولا ان احنا لو مكناش في فرحنا كنت قمت رزعتك علقه بس ماشي جوزو هو الاول يا عم الشيخ

وعقد الماذون قران مراد وروح وبعدها اسر وسلمى وختاما بمي ويوسف

=بارك الله لهما وبارك عليهما وجمع بينهما في خير

وذهبت اميره واحتضرت اختها وهي تبكي=ياه اخيرا خلصت منك

=اميره حبيبتي في الاوقات دي بيبقى في حضن دموع حب اخوه مش خلصت منك

=انا عيني مدمعه اهو اعمل ايه تاني بس الدمعه مش راضيه تنزل بس تصدقي والله هتوحشيني عايشه معايا في الاوضه دلوقتى هتبقي في اوضه تانيه

=اوعي يا اميره الله يهديكى

وبعد انتهاء عقد القران بفتره بدات فقره الرقص بين كل ثنائي مراد وروح اسر وسلمى ويوسف ومي

=انا مش مصدق ان ده فرحي اقسم بالله

=لا صدق يا مراد خلاص بنتجوز اهو

=معقول هنبدا قصتنا انا مش مصدق والله

=تعرف يا مراد انا كنت مش هتجوزك ولا هبقى معاك ولا كنت هكمل حياتي معاك لما سبتني ووفقت على عرض مرام بس لما جيت دورتها في دماغي مع كلام اميره وطبعا مع كلامك مرضتش اضغط عليك زياده عشان موضوع خالتك وادي مرام بعدت وخالتك بعدت مبقاش غير انا وانت بس اللي مع بعض

=انا بحبك اوى يا روح

=وانا اكتر يا قلب روح

وفي الجانب الاخر كان ينظر اسر لسلمى ولكن كان صامتا لا يتحدث ابدا

=انت هتفضل ساكت كده كتير واحنا بنلعب تماثيل اسكندريه طيب ولا ايه

=والله ما مصدق حاسس ان انا بحلم اضربيني بالالم كده افوق

=انا هنديلك مراد يديهولك هو يمكن تفوق

= لا مراد ايده تقيله خلاص انا زي الفل بس بحاول استوعب اللي انا فيه

=يا حبيبي ما احنا مع بعض اهو ايه اللي يخليك مش مصدق انا قدامك بنفسي اهو ومع بعض وشويه وهنبقى مع بعض على طول فوق بقى معايا مش هتفضل ساكت وعايش في عالم الاحلام كده

=ياه حبيبي الكلمه دي مش فاكر اخر مره سمعتها امتى

=ازاي بقى مش كنت متجوز قبل كده اكيد سمعتها من رحمه

=لا ولا مره قلتهالي بس حتى لو سمعتها مفيش حد قالها بالحلاوه اللي انت قولتليها دي

=كل بعقلي حلاوه

=ماشي بس عايز عيش

=اسرررر مش وقتو خفه الدم والاستظراف ده

=خلاص يا ستي اسف وبحبك

=وانا كمان بحبك

الجانب الاخر كان ينظر يوسف الى مى ومبتسم ولكن كانت مي تضحك عليه

=انت بتضحكي على ايه

=يوسف انت لو شفت منظرك من مكاني هنا هتفطس انت عامل كده ليه

=شايف حلم طفولتي بيتحقق قدامي بس انت عيله فصيله مالكيش في الرومانسيه جاتك القرف

=مين قالك ان انا ما ليش في رومانسيه ده انا كنت هقولك يا بيبي شوفت انت قطع ارزاق

=بيبي ايه انت شايفانى طفل بيرضع اسكتي الله يهديك متفصلينيش

=خلاص بقى يا يوسف بحاول افكك بس شويه و هحاول اتعلم الرومانسيه عشان خاطرك

=هتتعلمي هي دي حاجه احنا بنتعلمها

=اومال

=اسكتي يا مى اسكتي يا اللي منك لله

=طب مش هتقولي كلمه حلوه

=بحبك يا اخر صبري

=وانا كمان

كانوا يجلسون ويصفقون لهم واتى فريد وجلس بجانب اميره

=ما تيجي نرقص معاهم

=وده باماره ايه بقى

=مش انتى مدام فريد

=فريد انا مش في المود بجد الله يهديك

=كل ده عشان اختك اتجوزت ما انتى هتعيشي معاها

=تصدق صح اقنعتنى

=اميره انتى هبله

=شكرا جدا كلهم بيقولولي كده

=حبيت واحده هبله

=مالك

=ولا حاجه

انتهت الفقره وذهبو وجلست كل فتاه مع زوجها في مكانها واتت شهد لكي تهنئهم

=الف مبروك يا روح الف مبروك يا سلمى الف مبروك يا قمر

=الله يبارك فيكى يا شهد ده انا قولت مش هتيجي

=لا ازاي طبعا ما اقدرش ده انتى عازماني بنفسك

=عقبالك يا قمر وافرح بيكي

=ان شاء الله عن ازنكم

=بت يا روح هي مالها شهد

=مش عارفه حساها متغيره مش طبيعيه

=ليكون عندها مرض نفسي زي اخوها

=لا لا هي شكلها زعلانه من حاجه

ذهبت شهد الى الخارج ووقفت قليلا في الهواء الى ان استمعت لشخص يناديها

=برضو واقفه لوحدك

=انت تاني عايز ايه

=يا بنتي هو انتى عندك حاله اكتئاب ولا انتى عندك توحد انتى في ايه مالك دايما اشوفك واقفه مكتئبه واقفه لوحدك في ايه

=بحب ابقى لوحدي مش بحب يبقى معايا حد

=امال جيتي ليه بقى طب ما انت بتحبي تبقي لوحدك

=جيت عشان روح عزمتني واليومين اللي قعدتهم في المستشفى دول حسيت ان اروح انسانه جميله اوي مرضيتش ارفضلها طلب ولا ازعلها انت بقى جاي ليه

=انا تبع العريس ابقى صاحب ادهم واسر

=مم طب واقف ليه روح معاهم جوه وارقص

=لا الجو هنا احلى من جوه

=نعم

=قصدي الهوا يعني انت فهمتي ايه

=لا ولا حاجه

=ويمكن اللي انتى فهمتيه ده صح انا هروح ارد على التليفون عن اذنك

=هو لاما عبيط لاما عبيط مفيش ثالث

اخذ فريد اميره وذهبوا للخارج مسرعين

=في ايه يا حاج فريد ساحبني وراك كده ليه في ايه

=مكنتش عايزه تعرفي انا كنت عايز اقولك اى امبارح

=تصدق انا كنت مستنيه الفرح يخلص عشان اروح اسالك كويس انها جت من عندك كنت عايزني في ايه بقى عشان انا فضولى هيموتني من امبارح

=يمكن انا معرفش الكلام ده نتيجته ايه بس كل اللي عايزه اقولهولك ان انا بحبك يا اميره اول مره احب حد بالشكل ده اتعرفت على بنات كتير اوي في الجامعه لحد ما تخرجت ولا واحده قدرت توصل لقلبي غيرك بعفويتك وجنانك تقبلي تبقي مدام فريد يا اميره

نظرت له اميره في صدمه ولم تستطيع ان تتحدث صمتت قليلا=انا مش عارفه اقولك ايه بصراحه

=قوليلي الرد اللي انا مستنى اسمعه

منك

=بص هقولك على حاجه هو صعب دلوقتي ابقى مدام فريد بس تستناني كم سنه

=انا استنيكى العمر كله بس انتى وافقي

=هتستناني خمس سنين

=ليه يا اميره

=انت ناسي ان انا لسه بدرس ولسه بعد دراستي دي هعمل دراسات تانيه وبعد كده افضالك ده لو انت موافق

=ماشي يا اميره هنعمل خطوبه واستناكي خمس سنين

=ماشي وانا اقبل ابقى مدام فريد

=كان نفسي احضنك

=بعد خمس سنين ان شاء الله يلا ندخل

=يلا مخربة اللحظات

انتهى الزفاف وكل فتاه ذهبت الى منزل زوجها واستقرت اميره في المنزل مع اختها وعائله مراد بعد مرور سنه على هذا الزفاف فى يوم جديد صباحا في العمل في المستشفى

كانت روح يظهر عليها المرض هي وسلمى ايضا ولاحظت دعاء ذلك

=ايه دنيتكم يا بنات انتوا الاتنين باين عليكم تعبانين اوي في ايه

=مش عارفه بقالي يومين حاسه ان انا مش مظبوطه

=وانا كمان يا روح حاسه ان انا مش مظبوطه يمكن من طبق الكشري اللي احنا كلناه

=لا ما اعتقدش المشري يعمل كل ده انتم الاتنين اكيد حوامل

=حوامل اى انتى كمان مفيش اي حاجه عندي بتظهر اعراض الحمل

=مش شرط جربي اعملي تست وانتى كمان اعملي تست وقوليلي النتيجه لو طلعت ايجابيه كل واحده فيكو هتجبلى حاجه حلوه

=ماشي

وذهبوا لاجراء ما قالته لهم دعاء وذهب الدعاء عندما نادها ادهم

=في ايه يا دعاء كله تمام

=تمام

=جاهزه بكره تبقي حرم ادهم

=جاهزه مش مصدقه ان احنا هنتجوز بعد سنه سنه خطوبه طارت محسيناش بيها خالص

=لا وانتى كنت عايزه تزوديها كنت عايزه خمس سنين

=خمس سنين كتير برضو عندك حق مش كفايه يعيني فريد واميره فريد متبهدل بسببها

=هو انتى بتقولي فيها خمس سنين خطوبه عشان الهانم تدرس محسسانى انها هتبقى رئيس جمهوريه

=متتريقش على اميره ما انت اختك عماله تلفف وليد حوالين نفسه مش راضيه تقبل بيه

=انا مش عارف مالها برضو بينها لسعت

=روحي شوف شغلك وانا هشوف البنات وارجع اكمل شغلي عشان اعرف اخذ بكره اجازه

=ماشي

ذهبت للفتيات مره اخرى وكل منهم كانت تنظر لاختبار الحمل وعلى وجهها ابتسامه

=انا مش مصدقه بجد

=ولا انا

=كل واحده فيكوا هتجيبلي طبق بسبوسه الف مبروك هتبقو امهات زي القمر

=والله انتى اللي قمر بنت يا دعاء ووش الخير علينا

=هتقولوا لجوازاتكم دلوقتي

=انا بفكر اعملهاله مفاجاه

=وانا كمان

=بالتوفيق ليكم يلا بقى نكمل شغلنا

=يلا

وبعد يوم شاق انتهى اليوم كانت روح تستعد لتفاجئ زوجها وسلمى ايضا ذهبت روح الى غرفتها وتجهزت وجهزت المفاجاه الى ان اتى مراد

=ايه الحلاوه دي ايه اللي حصل في الدنيا في ايه

=في ايه يا مراد وانا اول مره ابقى حلوه

=لا مستغرب بس التجهيزات اللي انت عاملاها مجهزه نفسك اكيد في حاجه في حاجات هتطلبيها

=اه عايزه خوخ لينا

=ليكو الى هو مين قصدك ليكي

=لا لينا

=بس انا مش عايز يا حبيبتي انتى كويسه

=في اى يا مراد انا عايزه خوخ لينا مش لينا انا وانت

=مش لينا انا وانت قصدك لينا اللي هو مين بالظبط اوعى يكون اللي في دماغي صح

=هو اللي في دماغك

=ليكى انتى واميره

=هو بعد الجواز معدل الغباء بيزيد عند الراجل هي اميره اصلا مش في البيت انا لوحدي في الاوضه وبقولك لينا هيكون قصدي ايه يا مراد

=انتى بس في الاوضه وانا مش هاكل وبتقولي لينا اوعي تكوني بتعملي مقلب فيا

=والله ابدا

=يعني انا هبقى اب

=واحسن اب كمان

=انا مش مصدق والله العظيم مش مصدق

وذهب مراد واحتضن روح بفرحه

=الف مبروك يا احلى ام في الدنيا

=الله يبارك فيك يا احلى اب في الدنيا

وفي مكان اخر عند سلمى واسر كانوا يتناولون الغداء ولكن سلمى لم تستطيع ان تتناول بسبب رغبتها في التقيؤ

=في ايه يا سلمى ما تاكلي

=ما هو مش عايز

=هو مين اللي مش عايز يسلمى

=هو كل ماكل حاجه يرفضها ويخليني ارجع مش عايز ياكل اتصرف معاه انت بقى

=اتصرف مع مين انتى اتجننتي

=انا اتجننت يا اسر ماشي مش هقعد معاك

=استني بس وبالراحه كده معايا هو مين ده اللي مش عايزك تاكلي

=ابنك

=ابن مين لا مؤاخذه

=ابنك انت

=ابنى فين ده ثواني معلش انت بتتكلمي جد ولا بتهزري انتى عارفه ان الموضوع ده حساس بالنسبالي

=في حد بيهزر في حاجه زي دي والله انا حامل

=انا مش مصدق ربنا عوضني بعد ابنى اللي مات والله ما مصدق

=خلاص بقى ما تفكرش في الماضي وربنا بعتلك هديه

=احلى هديه من احلى سلمى

=مبروك يا احلى بابا

قفزه اسر من مكانه وذهب واحتضن سلمى بفرحه شديده ودموع

=مبروك يا احلى ام في الدنيا وفي حياتي كلها

في اليوم التالي بدا التجهيزات زفاف دعاء وادهم وكان الجميع يتجهز وفي مكان الزفاف كان الجميع قد تجهزوا بالكامل وكانت دعاء كالملاك بجمالها البسيط والدافئ وكان ادهم كالامير وعقدوا قراناهم واصبحت الدعاء ملكا لادهم ذهبت شهد وهنئت اخيها وزوجته لانها سوف تسافر في الغد ووجدت احد يصطحبها للخارج

=انتى هتسافري بجد

=انت عرفت منين وازاي تسحبني بالمنظر ده

=شهد مش وقته انتى هتسافري يا شهد طب ليه

=فين المشكله اخويا اتجوز وكل اللي عارفهم تجوزو ومعرفش حد هنا

=طب وانا

=انت ايه

=انا بحبك

=نعم

=شهد انا بجد بحبك متمشيش يا شهد وتسيبيني انا مصدقت لقيتك

=مش عارفه مش عارفه اقولك ايه

=شهد موافقه تتجوزيني دلوقتي

=انت بتقول انت كمان

=سمعتيني كويس تتجوزيني

=ادهم مش هيوافق

=ادهم هيوافق يا شهد تعالي

واخذ وليد شهد وذهبو لادهم وقال له انه سوف يتزوج شهد الان وذهب الى الماذون قبل ان يسمع ردهم و ذهب وطلب منه ان يعقد قرانه على شهد

=وليد طب استنى

=يلا يا شيخ ابدا

=طب الشهود يا ابني

=انا هنا يا عم الشيخ

=وانا كمان هنا مش

وجلس ادهم ومراد بجانبهم وتم عقد قران شهد ووليد

=اخيرا بقيتي مراتي مش هتروحي في حته وهتفضلي معايا

=حاضر هفضل معاك على طول

بعد مرور خمس سنوات سافرت مي مع يوسف ورزقو بطفلين سيف ومالك ورزق مراد بطفلين حور وادم ورزق اسر بطفلتين فاطمه وتمني ورزق ادهم بطفلين فارس وجميله ورزق وليد وشهد طفله واسموها جنات وكان يوم زفاف اميره وفريد

=مراد مراد

=في ايه يا روح

=شوف ادم فين انا لبست حور اهو البنت جهزت وانا عايزه اجهز وابنك عمال يجري ومطلع عيني

=يا ادم باشا اخرج من تحت السرير

=وعرفت منين يا بابا ان انا تحت السرير

=كنت بعملها قبلك يلا اجهز عشان منتأخرش

=حاضر

وجهزت روح اطفالها وجهزت نفسها وذهبوا جميعا الى حفل زفاف اميرة وذهبت وجلست مع

سلمى ودعاء

=عاملين ايه يا بنات

=فين ايام ما كانت الواحده تروح وتيجي خفيفه دلوقتي بقينا كل واحده شبه الكرنبه وساحبه وراها اتنين

=عندك حق يا سلمى والله بس والله مليين علينا حياتنا

=كل واحده بتقول كلام مظبوط اما نشوف اميره بقى هتعمل ايه

=تصدقي والله فريد صعبان عليا البنت مرمطته بخمس سنين

=كويس ان هم اتجوزوا في الاخر مقالتلوش انا بعمل فيك مقلب

=يا لهوي ده كان نفخها

= انا كنت هساعده بصراحه

وعقد فريد قرانه على اميره وهو غير مصدق انها اصبحت زوجته بعد انتظار خمسه سنوات واكثر وكانوا يرقصون معا

=بقيتي مدام فريد

=مش حاسس يا فريد ان احنا استعجلنا شويه

=تعرفي يا اميره لو مكنش فيه ناس كان زماني وقعتك على الارض وقعدت عليكى فطستك ارحميني استعجلنا ازاي احنا بقلنا خمس سنين يا اميره بقولك نتجوز أو على الاقل ونقلل الفتره تقوليلي لا دراستي في الاخر تقوليلي هقعد في البيت اومال درستي كل ده ليه

=عشان عيالى يعرفو ان امهم مثقفه

=مثقفه منك لله يا اميره منك لله

=ما احنا اتجوزنا وخلاص

=صح عندك حق

=مش هتقولي بقى كلمه حلوه

=لا ما انتى هتقوليها الاول ما انا مش استنى خمس سنين وكمان منتقطيهاش من اول يوم اعترفتلك فيه وانا نفسي اسمعها منك

=طب متقولها انت الاول

=احنا فيها هوقعك وفطسك

=خلاص يا عم على ايه انا بحبك

=وانا بموت فيك يا اميرتي

تمت