رواية من انت لتكون انا الفصل الاول 1 - بقلم حسين

مريم السعدي
#بارت١
ﺑﻐﺪﺍﺩ -- ﺣﻲ ﺍﻟﺠﺎﻣﻌﻪ --- 3-22 - -2012 ﺍﻟﺴﺒﺖ . ﺍﻟﺴﺎﻋﻪ 9 ﺻﺒﺎﺣﺎ
ﺻﺒﺎﺡ ﺍﻟﺨﻴﺮ ﺣﺠﻴﻪ ﺷﻮﻧﺞ ﺍﻟﻴﻮﻡ
ﻫﻠﻮ ﺍﻡ ﻋﻠﻲ ﻫﻠﻮ ﻋﻴﻨﻲ ﺯﻳﻨﻪ ﻳﻢ ﺍﻟﻠﻪ ﺑﻌﺪ ﺍﻟﻌﻤﺮ ﺍﻟﻪ ﺣﻮﺑﻪ ﺍﻧﺘﻲ ﺷﻮﻧﺞ ﺍﻟﺠﻬﺎﻝ
ﻭﺍﻟﻠﻪ ﻳﺒﻮﺳﻮﻥ ﺍﻳﺪﺝ ﻭﺭﺍﺳﺞ -- ﺍﺍﻧﻲ ﺍﻟﻴﻮﻡ ﻣﺎﺍﻛﺪﺭ ﺍﺑﺎﺕ ﻋﺪﺝ ﺷﻮﻱ ﻋﻠﻲ ﻣﺎﻟﻪ ﺧﻠﻚ
ﻳﻠﻪ ﻋﻠﻰ ﺭﺍﺣﺘﺞ ﺷﺒﻲ ﻋﻠﻲ
ﻭﺍﻟﻠﻪ ﺣﺠﻴﻪ ﺍﻟﺮﺑﻮ ﺩﻳﺎﺫﻱ ﻭﺍﻧﻲ ﺑﻌﺪ ﻣﺎﻟﻲ ﺧﻠﻚ ﺍﺩﺍﺭﻱ ﻭﻫﺎﻱ ﺍﺧﺘﻪ . ﻣﻦ ﻳﺼﻴﺮ ﻫﻴﺞ ﺗﻜﻮﻟﻲ ﻟﺘﻮﺭﻃﻴﻨﻲ ﻳﺮﻭﺡ ﻳﻤﻮﺕ ﻭﺗﺎﻛﻠﻴﻦ ﺭﺍﺳﻲ
ﻫﺬﺍ ﺷﻮﻥ ﺣﺠﻲ ﻋﺠﻐﻴﺮ ﺍﺧﺘﻪ ﺍﻟﺠﺒﻴﺮﻩ ﺗﺪﻳﺮ ﺑﺎﻟﻬﺎ ﻋﻠﻴﻪ
ﻭﺍﻟﻠﻪ ﻫﻲ ﺗﺪﺍﺭﻱ ﻭﺗﻮﻛﻠﻪ ﺑﺲ ﻣﻦ ﻳﺘﻤﺮﺽ
ﺗﻜﻮﻝ ﻣﺎﺍﻋﺮﻑ ﺷﺴﻮﻳﻠﻪ ﻣﻦ ﻳﺨﺘﻨﻚ
ﺍﻡ ﻋﻠﻲ ﻣﻮ ﺩﺍﻛﻮﻟﺞ ﺟﻴﺒﻴﻬﻢ ﻭﻛﻌﺪﻭ . ﻫﻨﺎ ﺑﺎﻝ ﺗﺮﻙ . ﺍﻗﻠﻬﺎ ﺍﻱ ﺷﻲ ﺍﺻﻴﺤﺞ . ﺍﺿﻞ ﻳﻮﻣﻴﻪ ﺩﺍﺯﻩ ﻋﻠﻰ ﺍﺧﺘﻲ ﻭﺗﻀﻞ ﺗﺘﻄﻠﺐ ﻭﺗﺸﻜﻲ ﻭﻋﻴﻨﻬﺎ ﻣﺘﺸﺒﻊ ﺷﻜﺪ ﻣﺘﺎﺧﺬ ﺍﻧﻲ ﻣﺎﻋﺪﻱ ﺍﺣﺪ . ﺷﻮ ﺍﻟﺒﻨﺎﺕ ﻭﺗﺰﻭﺟﻮ ﻭﺍﻟﺒﻴﺖ ﺷﻜﺒﺮﻩ ﺍﺫﺍ ﺭﺍﺩﻭ ﻳﺒﺎﺗﻮﻥ ﻋﺪﻱ ﻫﺬﺍ ﺍﻟﺘﺮﻙ ﺻﺎﺭ ﺳﻨﻪ ﻣﺤﺪ ﻓﺎﻳﺘﻪ
ﺣﺠﻴﻪ ﻫﺬﺍ ﻣﻮ ﺑﻴﺖ ﺍﺑﻨﺞ ﻭﻣﺮﻩ ﻛﺘﻴﻠﻪ ﻭﻣﻘﺒﻞ ﺍﻧﻲ ﺍﺧﺎﻑ ﻳﺴﻮﻳﻠﺞ ﻣﺸﺎﻛﻞ
ﺍﻱ ﻋﻮﺩ ﻣﻦ ﻳﺠﻲ ﺍﺑﻨﻲ ﺍﻟﻠﻪ ﻛﺮﻳﻢ ﻫﻮ ﻭﻳﻨﻪ ﺍﺑﻨﻲ ﻫﻮ ﺷﺎﻳﻔﺘﻪ ﺍﻧﻲ ﺑﺲ ﻛﻞ ﺳﺒﻮﻉ ﻛﻢ ﺳﺎﻋﻪ ﻳﺮﺗﺎﺡ ﺑﻴﻬﺎ ﻭﻳﻄﻠﻊ .
ﻭﺍﻟﻠﻪ ﺣﺠﻴﻪ ﺍﻧﻲ ﺗﻌﺒﺎﻧﻪ ﻣﻦ ﺍﻻﺟﺎﺭ ﻭﻫﻲ ﻏﺮﻓﻪ ﻭﻛﻠﺴﺎ ﺻﺎﻳﺤﻴﻦ ﻟﺘﻄﻠﻌﻮﻥ ﺻﻮﺕ ﺷﻨﻮ ﻫﺎﻟﺼﻴﺎﺡ ﻭﺑﻨﻴﺘﻲ ﻛﺒﺮﺕ ﻭﺣﺪﻳﺜﻪ ﻭﺍﺑﻮ ﺍﻟﺒﻴﺖ ﻋﺪﻩ ﺷﺎﺏ ﺍﺧﺎﻑ ﻋﻠﻴﻪ ﻭﺍﻟﻠﻪ ﻣﻴﺖ ﻗﻔﻞ ﺗﻘﻔﻞ ﺍﻟﺒﺎﺏ ﻋﻠﻴﻬﺎ ﻣﻦ ﺍﻃﻠﻊ
ﻳﻤﻪ ﺩﺟﻴﺒﻴﻬﻢ ﻫﻨﺎ ﻛﺪﺍﻡ ﻋﻴﻨﺞ
ﻳﻌﻨﻲ ﻣﺎﻛﻮ ﺍﺷﻜﺎﻝ
ﻻ ﻣﺎﻛﻮ ﻣﻌﻠﻴﺞ ﺍﻧﻲ ﻭﺍﺑﻨﻲ ﻧﺘﺼﺎﻓﻰ
ﺍﻟﻠﻪ ﻳﻨﻄﻴﺞ ﺍﻟﻌﺎﻓﻴﻪ ﺣﺠﻴﻪ ﻭﺍﻟﻠﻪ ﻻﺷﻴﻠﺞ ﺑﻌﻴﻮﻧﻲ
ﻣﻤﻘﺼﺮﻩ ﺍﻡ ﻋﻠﻲ ﻣﻤﻘﺼﺮﻩ ﻭﺩﺍﻋﻪ ﺿﻴﺎﺀ
ﻣﺎﺷﻲ ﺣﺠﻴﻪ
ﺍﻟﺤﻴﺎﻩ ﻣﺮﺍﺣﻞ ﻧﻮﺑﺎﺕ ﺗﺨﻠﻴﻨﺎ ﻣﺴﻴﺮﻳﻦ ﻭﻧﻮﺑﺎﺕ ﺍﺣﻨﺎ ﻣﺨﻴﺮﻳﻦ ﺍﻟﻠﻲ
ﺍﻧﻲ ﺳﻴﺪﺭﺍ
ﺍﻣﻲ ﺗﺴﻤﻴﻨﻲ ﺳﺪﺭﻩ
ﻭﺍﻟﺪﻱ ﺳﻤﺎﻧﻲ ﺳﻴﺪﺭﺍ ﻋﻠﻰ ﺍﺛﺮ ﻣﺴﻠﺴﻞ ﺗﺎﺭﻳﺨﻲ ﺷﺎﻓﻪ ﻭﻓﺴﺮﻧﺎﻩ ﻃﻠﻊ ﻣﻌﻨﺎﻩ ﻧﺒﺎﺕ ﺍﻟﺴﺪﺭ ﺑﺎﻟﺠﻨﻪ
ﻋﻤﺮﻱ 17 ﺳﻨﻪ . ﺗﺎﺭﻛﻪ ﻟﻠﺪﺭﺍﺳﻪ . -- ﺍﻟﻤﺮﻳﺖ ﺑﻲ ﻣﻦ ﺿﺮﻭﻑ ﺭﺍﺡ ﺗﺘﺴﻠﺴﻞ ﺑﺎﻟﻘﺼﻪ
ﺍﻟﻴﻮﻡ . ﺭﺍﺡ ﺗﻜﻮﻥ ﻛﺎﻣﺮﺗﻨﺎ ﺍﻟﺨﻴﺎﻟﻴﻪ . ﺧﻄﺎﺭ ﺑﻴﺖ . ﺍﻟﺤﺠﻴﻪ ﺍﻡ ﺿﻴﺎﺀ . ﺍﺗﻤﻨﻰ ﺍﻛﻮﻥ ﺍﻭﺻﻞ ﺍﻟﻘﺼﻪ ﻧﻔﺲ ﺍﺣﺴﺎﺱ ﺍﺻﺤﺎﺑﻬﺎ ﻣﻦ ﺣﺠﻮﻫﺎ
ﻣﺘﺎﺑﻌﻪ ﺷﻴﻘﻪ
ﻛﻮﻣﻲ ﻣﺎﻣﺎ ﺳﺪﺭﻩ
ﻫﺎﻳﻮﻡ
ﻛﻮﻣﻲ ﺧﻞ ﻧﺮﻭﺡ ﺑﻴﺖ ﺍﻟﺤﺠﻴﻪ
ﺍﻧﺘﻲ ﻣﻮ ﻛﻠﺘﻲ ﺍﺑﻨﻬﺎ ﺣﻘﻨﻪ ﻣﻴﻘﺒﻞ
ﻳﻤﻪ ﻋﻴﺐ ﻫﺎﻟﺤﺠﻲ ﺩﻛﻮﻣﻲ ﺧﻠﻒ ﺍﻟﻠﻪ ﻋﺎﻟﻤﺮﻩ ﺍﻟﻘﺒﻠﺖ ﻛﻮﻣﻲ
ﻛﻤﺖ ﻛﻤﺖ ﻛﻤﺖ ﻣﺎﺍﻟﻠﻠﻪ ﻳﺎﺧﺬﻧﻲ ﻻﺑﻮﻳﻪ ﺩﺍﺍﺭﺗﺎﺡ
ﻳﻤﻪ ﻟﻴﺶ ﺗﺤﺠﻴﻦ ﻫﻴﺞ ﻟﻴﺶ ﺗﺎﺫﻳﻦ ﻛﻠﺒﻲ
ﻳﻤﻪ ﻭﺍﻟﻠﻪ ﺣﺮﺍﻡ ﻋﻠﻴﻨﺎ ﻧﻌﻴﺶ ﺍﺣﻨﺎ ﻟﻮ ﻧﺮﻭﺡ ﻳﻢ ﺍﻟﺮﺣﻴﻢ ﺍﺣﺴﻦ ﻫﻮ ﺍﺭﺣﻢ ﻣﻨﺎ ﻋﻠﻴﻨﺎ
ﻳﻤﻪ ﻫﺎﻱ ﺍﻟﻠﻪ ﻃﺎﻧﻪ ﺣﻴﺎﻩ ﺻﻌﺒﻪ ﻭﻳﺸﻮﻓﻨﺎ ﺷﻮﻥ ﺣﻨﺘﺤﻤﻠﻬﺎ ﻫﻞ ﺭﺍﺡ ﻧﻜﻔﺮ ﻣﺜﻞ ﻣﺪﺗﻜﻮﻟﻴﻦ ﻭﻧﻀﻞ ﻧﺤﺠﻲ ﻟﻮ ﺭﺍﺡ ﻧﺼﺒﺮ ﻭﻧﺴﻜﺖ ﻭﻧﺘﻮﻛﻞ ﻋﻠﻴﻪ
ﺳﻜﺘﺖ ﻗﻠﻴﻠﻪ ﺩﻳﻦ ﻟﻼﺳﻒ ﻭﻗﻠﻴﻠﻪ ﺍﻳﻤﺎﻥ ﻭﺍﻟﺼﺎﺭ ﺧﻼﻧﻲ ﻗﻠﻴﻠﻪ ﺣﻴﺎﺀ
ﻟﻤﻴﻨﺎ ﻏﺮﺍﺿﻨﺎ ﻭﺍﺧﺬﻧﺎ ﺍﺧﻮﻳﻪ ﻭﺭﺣﻨﺎ ﻟﻬﺬﺍ ﺍﻟﺒﻴﺖ ﺍﻧﻲ ﺭﺍﻳﺤﻪ ﻟﺒﻴﺖ ﺍﻟﺤﺠﻴﻪ ﻗﺒﻞ ﻣﻦ ﺗﻌﺰﻡ ﺑﻨﺎﺗﻬﺎ ﻧﺴﺎﻋﺪﻫﻢ ﺑﺎﻟﺸﻐﻞ ﺍﻟﺒﻴﺖ ﺣﻠﻮ ﻭﺟﺒﻴﺮ ﻭﺍﻟﺤﺠﻴﻪ ﺣﺒﺎﺑﻪ ﻣﻊ ﺍﻟﻌﻠﻢ ﻭﺣﺪﻩ ﻣﻦ ﺑﻨﺎﺗﻬﺎ ﻋﺪ ﺑﻨﺎﺕ ﻛﺪﻱ ﻣﺘﺨﻠﻴﻬﻢ ﻳﺤﺎﺟﻮﻧﻲ ﺗﻜﻮﻟﻠﻬﻢ ﻟﺘﺤﺎﺟﻮﻥ ﺍﻟﺨﺪﺍﻣﻪ . ﻣﺠﻨﺖ ﺍﺩﻳﺮ ﺑﺎﻝ ﻟﺤﺠﻴﻬﻢ ﺍﺳﺎﺳﺎ ﻣﻀﻠﺖ ﺣﺠﺎﻳﻪ ﺗﺎﺛﺮ ﺑﻴﻪ . ﺍﻟﺒﻴﺖ ﻭﺍﺳﻊ ﻭﻧﻔﻪ ﻭﺣﺪﺍﻳﻘﻪ ﺟﺒﻴﺮﻩ . ﺣﺘﻰ ﻣﺴﺒﺢ ﺑﻲ ﻭﺍﻧﻲ ﺷﺎﻳﻔﻪ ﺑﺲ ﺍﻟﻤﻄﺒﺦ ﺷﻜﺪ ﺣﻠﻮ . ﺑﺲ ﻣﻌﺎﻳﺸﻪ ﺑﻲ ﻭﺍﻟﻴﻮﻡ ﻃﺒﻴﻨﺎ ﻭﻱ ﺍﻣﻲ ﻭﺍﻟﺤﺠﻴﻪ ﻧﻄﺘﻨﺎ ﻣﻔﺘﺎﺡ ﺍﻟﺘﺮﻙ ﺑﻴﺖ ﻣﺜﻞ ﺍﻟﺸﻘﻪ ﺻﻐﻴﺮ ﺑﻲ ﻏﺮﻓﺘﻴﻦ ﻭﻣﻄﺒﺦ ﺩﺭﺝ ﻃﺎﻟﻊ ﻣﻦ ﺍﻟﺒﻴﺖ ﺍﻟﺪﺭﺝ ﻣﻐﻠﻒ ﺑﺸﻲ ﺍﺧﻀﺮ ﺣﺘﻰ ﻣﻴﺒﻴﻦ ﻋﺎﻟﺸﺎﺭﻉ ﺍﻟﻌﺎﻟﻢ ﻣﻦ ﺗﺼﻌﺪ ﺻﻌﺪﻧﺎ ﺍﻧﻲ ﻭﺍﻧﻲ ﺍﺑﺎﻭﻉ ﺍﻟﺒﺎﻳﺎﺕ ﻣﺮﻣﺮ ﺗﺨﺒﻞ ﻓﺘﺤﺖ ﺍﻣﻲ ﺍﻟﺒﺎﺏ ﻃﺒﻴﻨﺎ ﻭﺍﺷﻮﻑ ﺍﻟﺒﻴﺖ ﺍﻟﻔﻮﻙ ﺷﻜﺪ ﺣﻠﻮ ﺻﻐﻴﺮ ﺑﺲ ﻣﺮﺗﺐ ﻛﻠﺶ ﺍﻟﻤﻄﺒﺦ ﺣﺎﺭ ﻭﺑﺎﺭﺩ ﺑﺲ ﻣﻠﻴﺎﻥ ﺑﻄﺎﻟﻪ ﻣﺎﻝ ﻋﺮﻙ ﻟﻌﺒﺖ ﻧﻔﺴﻲ ‏( ﺑﺎﻟﻨﺴﺒﻪ ﻟﻠﻐﻪ ﺍﻧﻲ ﺩﺍﻭﺻﻠﻬﺎ ﻧﻔﺲ ﻟﻬﺠﻪ . ﺍﻟﺒﻨﻴﻪ ﺍﻛﺪﺭ ﺍﻛﻮﻝ ﺷﺮﺏ ﺍﻭ ﻣﻨﻜﺮ . ﺑﺲ ﺣﺒﻴﺖ ﻭﺍﻗﻊ ﺗﻜﻮﻧﻮﻥ ﺩﺗﺴﻤﻌﻮﻥ ﻣﻨﻬﺎ )
ﻳﻮﻡ ﺷﻨﻮ ﻫﺎﻱ ﺍﻟﻠﻌﺒﺎﻥ ﺍﻟﻨﻔﺲ
ﻧﻀﻔﻲ ﻭﻟﺘﺤﺠﻴﻦ
ﻛﺒﻮﺭ ﺍﻱ ﻭﺍﻟﻠﻪ . ﻟﻤﻴﺘﻬﻦ ﺗﺮﺳﺖ ﻛﻮﻧﻴﻪ ﻭﻛﺮﺯﻟﺖ ﻛﻮﻣﻪ ﻭﺟﺒﺲ ﺑﺎﻟﻤﻮﺍﻋﻴﻦ ﻋﻠﻲ ﺩﻳﻤﺪ ﺍﻳﺪﻩ ﻳﺎﻛﻞ ﺻﺎﺣﺖ ﺍﻣﻲ
ﻻﺍﺍ ﻛﻠﻪ ﻧﻜﺲ ﻋﻴﻔﻪ ﻳﻤﻪ
ﻋﻴﻔﻪ ﻳﻌﻨﻲ ﻋﻮﻓﻪ ﺑﻤﻌﻨﻰ ﺍﺗﺮﻛﻪ
ﻳﻤﻪ ﺑﺲ ﻭﺣﺪﻩ
ﻭﻻ ﺭﺑﻊ ﻫﺬﺍ ﺍﻟﻠﻪ ﻳﺤﺎﺳﺒﻪ ﻋﻠﻴﻪ ﺍﻧﻲ ﺍﻟﻴﻮﻡ ﺍﺷﺘﻐﻞ ﻭﺍﺟﻴﺒﻠﻚ ﻳﻤﻪ ﺑﺲ ﻃﻴﺐ ﺗﻌﺎﻝ ﻫﻨﺎ ﺍﻛﻮ ﻣﻜﻴﻒ ﺗﺨﺘﻨﻚ . ﺗﻌﺎﻝ ﺑﺎﻟﻐﺮﻓﻪ ﺍﻟﻠﺦ
ﺳﻴﺪﺭﺍ - ﺟﻨﺖ ﺍﻧﺘﻘﻞ ﻭﻱ ﺍﻣﻲ ﺍﺑﺎﻭﻉ ﻟﻠﻐﺮﻓﻪ ﻏﺮﻓﺘﻴﻦ ﻣﺠﻬﺰﻩ ﺑﻐﺮﻓﻪ ﻧﻮﻡ ﺗﺨﺒﻞ ﺑﺲ ﻓﺎﺭﻏﻪ ﻣﺒﻴﻬﺎ ﻫﺪﻭﻡ ﻭﺍﻟﻬﻮﻝ ﺑﻲ ﺗﺨﻢ ﺍﺛﺎﺙ ﻭﺯﻭﻟﻴﻪ ﻭﺍﻟﻤﻄﺒﺦ ﺑﻲ ﺑﺲ ﻛﻼﺻﺎﺕ ﻭﻣﻮﺍﻋﻴﻦ .3 ﻭﻛﻢ ﺧﺎﺷﻮﻛﻪ ﻭﻗﻮﺭﻱ ﻭﺷﻜﺮ ﻭﺟﺎﻱ ﻧﻀﻔﺖ ﻛﻠﺸﻲ ﻭﻛﻌﺪﻧﺎ ﻳﺨﺒﻞ ﺍﻟﺒﻴﺖ ﻣﺪﺍﺻﺪﻙ ﺟﺎﻥ ﺍﻛﻮ . ﺗﻠﻔﺰﻳﻮﻥ . ﺟﻨﺖ ﺍﺷﻮﻓﻪ ﺑﺲ ﺑﺎﻟﻤﺴﻠﺴﻼﺕ . ﺑﻼﺯﻣﺎ ﺷﻐﻠﺘﻬﺎ ﻭﻛﻌﺪﺕ ﺍﻛﻠﺐ ﺑﺎﻟﺮﻳﻤﻮﺕ ﺍﺣﻨﺎ ﻋﺪﻧﺎ ﺳﺘﻼﻳﺖ ﻫﻨﺎﻙ ﺑﺲ ﻣﻮ ﻣﺜﻞ ﻫﺎﻝ ﺑﻼﺯﻣﺎ ﻭﻭﺿﻮﺣﻬﺎ ﻭﻣﺘﺎﺑﻌﻪ ﻛﻞ ﺍﻟﻤﺴﻠﺴﻼﺕ . ﺗﻘﺮﻳﺒﺎ ﻃﻠﻌﺖ ﺍﻣﻲ ﻣﻦ ﻳﻢ ﻋﻠﻲ ﻛﺎﻟﺖ
ﻳﻤﻪ ﺍﺭﻭﺡ ﺍﺟﻴﺐ ﺩﻭﻩ ﻭﺍﺟﻲ ﻫﺬﺍ ﺻﺪﺭﻩ ﺗﻨﻚ ﻛﻮﻩ ﻳﺠﺮ ﺍﻟﻨﻔﺲ
ﻛﻴﻔﺞ
ﻋﻴﻨﺞ ﻋﻠﻴﻪ
ﺍﻱ ﺍﺣﺠﻲ ﻭﺍﺑﺎﻭﻉ ﻋﺎﻟﺒﻼﺯﻣﺎ ﻃﻔﻴﺖ ﺍﻟﻀﻮﺍﻳﺎﺕ ﻛﻠﻬﺎ ﻭﻛﻌﺪﺕ ﺍﺗﻔﺮﺝ
ﺗﻤﺪﺩﺕ ﻋﺎﻟﻘﻨﻔﻪ ﺍﻭﻳﻠﻲ ﻋﻠﻰ ﻣﻨﺪﺭ ﺍﻟﻜﻄﻦ ﺍﻟﺠﻨﺖ ﺍﻧﺎﻡ ﻋﻠﻴﻪ ﻣﻜﻌﺒﺮ ﻳﺴﻮﻱ ﺿﻬﺮﻱ ﻓﺼﻮﺹ
ﻓﻠﻴﺖ ﺷﻌﺮﻱ ﻭﺍﺗﻔﺮﺝ ﺍﻧﻔﺘﺤﺖ ﺍﻟﺒﺎﺏ ﺑﺎﻟﻤﻔﺘﺎﺡ ﻋﺒﺎﻟﻲ ﺍﻣﻲ
ﺑﺎﻭﻋﺖ ﻋﺎﻟﺒﺎﺏ ﺷﻔﺖ ﺷﺒﺎﺏ ﺛﻨﻴﻦ ﻃﺒﻮ ﻭﻳﺎﻫﻢ ﻧﺴﻮﺍﻥ ﺛﻨﻴﻦ --
ﻟﻚ ﺿﺎﻭﻱ
ﺍﺍﺷﺸﺶ ﻭﻗﺰﺭﻗﻂ ﻟﺘﺴﻤﻊ ﺍﻣﻲ ﺍﺑﻦ ﺍﻟﺰﻣﺎﻝ
ﻟﻚ ﺩﺑﺎﻭﻉ ﻗﻄﻌﺘﻲ ﺍﻣﻮﻭﻭﻭﺕ ﻋﺎﻟﻜﻴﻤﺮ ﻋﺮﺏ
ﻭﺍﻟﻠﻪ ﺍﻧﻌﻞ ﺍﺑﻮﻙ ﻻﺑﻮ ﺍﻟﺠﺎﺑﻚ ﻟﻠﺸﻘﻪ ﺍﺧﺬﻫﺎ ﻭﺍﻃﻠﻊ ﻭﻟﻚ ﺍﺫﺍ ﺩﺭﺕ ﺍﻣﻲ ﺗﺴﻮﻳﻨﻲ ﺧﺎﺛﺮ ﻣﻮ ﻛﻴﻤﺮ ﻋﺮﺏ ﺍﻣﺸﻲ ﻃﺐ ﻟﻠﻐﺮﻓﻪ ﻭﺣﺴﻚ ﻣﺎﺳﻤﻌﻪ ﺩﻳﺮ ﺑﺎﻟﻚ ﺑﺎﻟﻘﺮﻳﻮﻟﻪ ﺍﻧﺘﻲ ﻫﻴﻲ ﺑﻠﻪ ﺿﺤﻚ
ﺍﻧﻲ ﻭﻳﺎﻙ ﺍﻃﺐ ﻟﻮ ﻭﻳﺎﻩ
ﻭﻳﺎﻩ ﻣﻮ ﻫﻮ ﺩﻓﻌﻠﺞ ﺍﻧﻲ ﻫﺎﻱ ﺗﻄﺐ ﻭﻳﺎﻳﻪ
ﺳﻴﺪﺭﺍ - ﻭﻛﻔﺖ ﻣﺴﺘﻐﺮﺑﻪ ﺷﻔﺘﻪ ﺑﺎﻭﻉ ﻟﻠﺒﻼﺯﻣﺎ ﻣﺴﺘﻐﺮﺏ ﺷﻐﻞ ﺍﻟﻀﻮﻩ ﻓﻚ ﻋﻴﻨﻪ ﻣﺴﺘﻐﺮﺏ
ﻣﻨﻮ ﺍﻧﺘﻲ ﺷﺸﺸﺸﺶ ﻋﻤﺮ ﺍﻭﻛﻒ ﺍﻭﻭﻭﻛﻒ
ﻫﺎ ﻣﻮ ﺩﻧﻄﺐ ﺷﻮ ﻃﻴﺮ ﺍﻟﺸﺮﺏ ﻣﻦ ﺭﺍﺱ ﺍﻣﻲ
ﺍﻧﺘﻲ ﻣﻨﻮﻭﻭ
ﺑﻘﻴﺖ ﺻﺎﻓﻨﻪ ﺍﻟﻮﻳﺎﻩ ﻗﻤﻴﺼﻬﺎ ﻳﻼﻟﻲ ﻣﻼﺑﺴﻬﺎ ﺍﻟﺪﺍﺧﻠﻴﻪ ﻣﺒﻴﻨﻪ ﺍﺳﺘﻐﺮﺑﺖ ﻛﺎﻝ
ﻣﻮ ﻭﻳﺎﺝ ﻭﻃﺮﺭﺭﺵ
ﻫﺎ ﺟﺎﻭﺑﺖ ﺑﻨﺘﺮﻩ
ﺍﻧﺘﻲ ﻣﻨﻮ ﻭﺷﻌﺪﺝ ﻫﻨﺎ
ﺍﻭﻛﻒ ﻟﻚ ﺳﻠﻤﺎﻥ ﺍﺷﺘﻌﻠﻮ ﺍﻫﻠﻚ ﺍﺫﺍ ﺻﺪﻙ ﻟﻚ ﻧﺎﺱ ﻏﺮﺑﻪ ﺑﺎﻟﺸﻘﻪ
ﺍﻟﺤﺠﻴﻪ ﻛﺎﻟﺖ ﺗﻌﺎﻟﻮ ﺍﺣﻨﺎ ﺷﻌﻠﻴﻨﻪ ﻓﻮﻙ ﻣﻤﻨﻀﻔﻴﻨﻬﺎ
ﻭﻣﻦ ﺻﺨﻢ ﻭﺟﻬﺞ ﻭﻛﺎﻝ ﻧﻀﻔﻴﻨﻬﺎ ﺍﻧﺘﻲ ﺑﺖ ﻣﻦ
ﺍﻧﻲ ﺑﺖ ﺍﻡ ﻋﻠﻲ
ﺍﻡ ﻋﻠﻲ ﺍﻟﻤﻨﻀﻔﻪ ﺍﻭﻭﻭﻛﻒ ﺳﻠﻤﺎﺍﺍﺍﻥ ﻟﺘﻄﺐ ﺍﻣﺸﻲ ﻧﺮﻭﺡ ﻟﺸﻘﺘﻚ 
ﻳﻮﻝ ﺍﻟﻤﺮﻩ ﻫﻨﺎﻙ . ﻳﺎﺷﻘﺘﻲ ﻭﻫﺎﻱ ﺍﻟﻔﺴﺘﻖ ﻣﻨﻴﻦ
ﻟﻚ ﻳﺎﺑﻪ ﻫﺴﻪ ﺍﻣﻲ ﺗﺪﻛﻠﻲ ﺍﻧﺬﺍﺭ ﺷﻴﺨﻠﺼﻨﻲ ﺍﻣﺸﻲ ﻧﺮﻭﺡ ﻟﺒﻴﺖ ﺑﻬﺎﺀ ﻓﻀﻨﻲ ﺍﻧﺘﻲ ﻟﺞ ﺍﺫﺍ ﺣﺠﻴﺘﻲ ﻛﻠﻤﻪ ﺗﻨﺸﻤﺮﻭﻥ ﺑﺎﻟﺸﺎﺭﻉ ﻓﺎﻫﻤﻪ ﺍﻧﻲ ﺍﺫﺍ ﺩﺭﺕ ﺗﺮﻩ ﺗﻨﺸﻤﺮﻭﻥ ﺑﺎﻟﺸﺎﺭﻉ ﻭﻣﻦ ﺍﺟﻲ ﺍﻧﻲ ﺍﻋﺮﻑ ﺍﺗﺼﺮﻑ ﺑﺴﻴﻄﻪ ﻳﻮﻡ ﺑﺴﻴﻄﻪ ﺍﻣﺸﻲ ﻟﻚ ﻣﻦ ﺍﺷﺘﻌﻠﻪ ﺻﻔﺤﻪ ﺍﻣﻚ
ﺍﻱ ﺟﺎﺍﺍﺍﻱ
ﺷﻴﻞ ﺍﻟﺒﻄﺎﻟﻪ ﺍﺧﺬ ﻋﻼﻛﺘﻚ ﻳﻮﻝ ﺍﻭﻫﻮﻭﻭﻭﻭ
ﺳﻴﺪﺭﺍ - ﺍﻟﺘﻔﺖ ﻋﻠﻴﻪ ﺑﻐﻀﺐ ﺍﺧﺮ ﻣﺮﻩ ﻭﻃﻠﻊ ﻭﺭﻛﻊ ﺍﻟﺒﺎﺏ ﻳﻐﻠﻂ ﻭﻳﺸﺘﻢ ﺑﺎﻋﺼﺎﺏ ﻓﺎﻳﺮﻩ ﺭﺟﻌﺖ ﻛﻌﺪﺕ ﻭﺍﺗﺬﻛﺮ ﺍﻟﻤﻨﻀﺮ ﻣﺎﻝ ﺑﻄﺎلة ﻭﺍﻟﺒﻨﻴﻪ ﺍﻟﻮﻳﺎﻩ ﻳﻌﻨﻲ ﺻﺪﻙ ﻳﺴﻮﻭﻥ ﺷﻲ ﻣﺼﺨﻢ ﻭﻣﻠﻄﻢ ﺑﺎﻟﻐﺮﻓﻪ ﻃﺒﻴﺖ ﻟﻠﻐﺮﻓﻪ ﻭﺍﺗﺨﻴﻠﻪ ﻛﻞ ﻭﺍﺣﺪ ﻭﻱ ﻭﺣﺪﻩ ﺑﺎﻭﻋﺖ ﻟﻠﻔﺮﺍﺵ ﻛﺒﺮ ﺷﻨﻮ ﻫﺎﻟﻠﻌﺒﺎﻥ ﻧﻔﺲ ﻫﺎﻱ ﺍﻣﻲ ﻭﻳﻦ ﺟﺎﻳﺒﺘﻨﺎ ﺑﻴﺖ ﻣﺎﻝ ﺩﻋﺎﺭﻩ ﺍﻟﻨﻮﺏ ﺗﺤﺠﻲ ﻋﻠﻰ ﺑﻴﺖ ﺍﻡ ﺣﺴﻦ ﻭﺣﺴﻦ ﻭﺍﻟﻮﻟﺪ ﺑﺲ ﺟﺮ ﺷﻌﺮﻱ ﺯﻓﻴﺘﻪ ﺯﻑ
ﺭﺟﻌﺖ ﺍﻣﻲ ﻓﺎﺣﻄﻪ ﻣﻦ ﺻﻌﺪﻩ ﺍﻟﺪﺭﺝ . ﺍﺧﺬﺕ ﺍﻟﻤﺴﻮﺍﻙ ﻣﻦ ﺍﻳﺪﻫﺎ ﺭﺗﺒﺘﻪ ﺑﺎﻟﺜﻼﺟﻪ . ﺟﺎﻥ ﺑﺼﻞ ﻭﺑﺘﻴﻪ ﻭﺑﻴﺘﻨﺠﺎﻥ ﻭﻃﻤﺎﻃﺎ ﻭﺑﻄﻞ ﺯﻳﺖ ﻛﺎﻝ
ﻳﻤﻪ ﻫﺬﺍ ﺻﻤﻮﻥ ﺳﻮﻱ ﻋﺸﺎ ﻻﺧﻮﺝ ﻫﺎﻱ ﺷﻨﻮ ﻫﺎﻱ ﺍﻟﻌﻼﻛﻪ
ﺑﺎﻭﻋﺖ ﻧﺎﺳﻴﻦ ﻋﻼﻛﻪ ﺑﻴﻬﺎ ﺟﺒﺎﺳﻪ ﻭﻣﻘﺒﻼﺕ ﺑﺎﻭﻋﺖ ﻻﻣﻲ
ﻳﻤﻪ ﺍﻧﺘﻲ ﻭﻳﻦ ﺟﺎﻳﺒﺘﻨﻪ ﺷﻨﻮ ﻫﺬﺍ ﺍﻟﺒﻴﺖ ﻣﺎﻝ ﺩﻋﺎﺭﻩ
ﻳﺎﻋﺰﻩ ﺑﻌﻴﻨﺞ ﺷﻤﻌﺮفج ﺑﻬﻞ ﺍﻟﺠﻠﻤﻪ ﻭﺍﻟﻠﻪ ﺟﻴﻞ ﻫﺎﻟﻮﻛﺖ ﻳﻨﺨﺎﻑ ﻣﻨﻪ ﻣﻨﻴﻦ ﻫﺎﻟﻌﻼﻛﻪ
ﻳﻤﻪ ﺍﺟﻮﻱ ﻭﻟﺪ ﻭﻳﺎ ﻫﻢ ﻧﺴﻮﺍﻥ ﻣﺎﺩﺭﻱ ﺷﻮﻧﻬﻢ ﻭﺑﻴﺪﻫﻢ ﺑﻄﺎﻟﻪ ﻋﺮﻙ ﻭﺭﺍﺩﻭ ﻳﻔﻮﺗﻮﻥ ﻟﻠﻐﺮﻓﻪ ﻭﺍﻟﻮﻟﺪ ﺷﺎﻓﺘﻲ ﻛﺎﻝ ﺍﺫﺍ ﺣﺠﻴﺘﻲ ﺗﻨﺸﻤﺮﻭﻥ ﺑﺎﻟﺸﺎﺭﻉ ﻭﻫﺪﺩ ﺑﺼﻴﺎﺡ ﻛﺎﻝ ﺍﺟﻲ ﻭﺍﺷﻮﻓﻠﻲ ﺻﺮﻓﻪ ﻭﻱ ﺍﻣﻲ
ﻳﺎﺍﺍ ﻋﺰﻩ ﺑﻌﻴﻨﻲ ﻫﺬﺍ ﺑﺲ ﻻ ﺿﻴﺎﺀ
ﻻ ﻭﺍﻟﻠﻪ ﺻﺪﻭﻙ
ﺗﺎﻟﻲ ﻟﺞ ﺧﻮﻣﺎﺳﻮﺍ ﻟﺞ . ﺷﻲ
ﻻ ﻳﻤﻪ ﻣﺴﻮﻩ ﺑﺲ ﻛﺎﻝ ﻋﻠﻴﺞ ﺧﺪﺍﻣﻪ
ﺍﻱ ﻟﻌﺪ ﺍﻧﻲ ﺷﻨﻮ ﻳﻤﻪ ﻣﻮ ﺧﺪﺍﻣﻪ ﺧﻞ ﻧﺸﻮف ﺍﻟﺤﺠﻴﻪ ﺷﺘﻜﻮﻝ ﻣﺴﺘﻘﺒﻠﻮﻧﺎ ﻛﺎﻉ ﺍﻟﻠﻪ ﻭﺍﺳﻌﻪ
ﻫﺰﻳﺖ ﺭﺍﺳﻲ ﺟﺮﻳﺖ ﻧﻔﺲ ﺑﺤﺴﺮﻩ ﺟﻨﺖ ﺑﻮﻛﺘﻬﺎ ﺍﻛﻔﺮ ﻫﻮﺍﻱ ﻭﻣﺎﺍﻋﺮﻑ ﺷﺪﺍﺳﻮﻱ ﻛﻠﺖ ﻭﻱ ﺭﻭﺣﻲ ﺍﻟﻠﻪ ﻟﻴﺶ ﺗﺎﺭﻛﻨﻪ ﺑﻬﺎﻟﻮﺣﻞ ﻣﺪﻳﺸﻮﻓﻨﺎ . ﺷﺪﻳﺼﻴﺮ ﺑﻴﻨﺎ ﺑﺲ ﺍﻧﻲ ﻣﺎﺿﻞ ﻋﺪﻱ ﻛﻠﺐ ﻣﻮ ﺍﻛﻮ . ﻧﺎﺱ ﺗﻜﻮﻝ ﻛﻠﺒﻬﺎ ﻣﺎﺕ ﺍﻧﻲ ﻛﻠﺒﻲ ﺭﺍﺡ ﻣﻨﺘﻬﻲ ﻋﺎﻳﺸﻪ ﺑﻠﻪ ﻛﻠﺐ
ﻟﺜﺎﻧﻲ ﻳﻮﻡ ﺍﻟﺼﺒﺢ . ﺍﻣﻲ ﺭﺍﺣﺖ ﻟﻠﺤﺠﻴﻪ ﺗﺸﺘﻐﻞ ﺷﻮﻱ ﻭﺻﺎﺣﺖ ﻋﻠﻴﻪ ﻣﺪﻳﺖ ﺭﺍﺳﻲ ﻣﻦ ﺷﺒﺎﻙ ﺍﻟﻬﻮﻝ ﻳﻄﻠﻊ ﻋﻠﻰ ﺣﺪﻳﻘﺘﻬﻢ ﻣﺎﻝ ﺑﻴﺖ ﺍﻟﺠﺒﻴﺮ ﻣﺎﻛﻮ ﻓﺎﺻﻞ ﺑﻴﻦ ﺍﻟﺒﻴﺖ ﻭﺍﻟﺪﺭﺝ ﻣﺎﻝ ﺗﺮﻙ
ﻫﺎ ﻳﻮﻡ
ﺗﻌﺎﻱ ﻧﻀﻔﻲ ﺍﻟﺒﻴﺖ ﺟﻮﻩ ﺩﺍﺭﻛﺐ ﻭﺍﻋﺰﻝ ﺍﻟﻤﻄﺒﺦ
ﺍﻋﻴﻒ ﻋﻠﻲ
ﻧﺎﻳﻢ ﻫﻮ
ﺍﻱ ﻳﻤﻪ ﻧﺎﻳﻢ
ﺍﻱ ﻋﻴﻔﻲ ﻭﺗﻌﺎﻱ
ﺟﻴﺖ . ﻧﺰﻟﺖ ﻃﺒﻴﺖ ﻟﻠﺒﻴﺖ ﺑﺜﻜﻞ ﺻﺤﺖ
ﻳﻮﻭﻡ
ﻫﺎ ﻳﻤﻪ ﺗﻌﺎﻱ ﻓﻮﺗﻲ ﺳﻠﻤﻲ ﻋﺎﻟﺤﺠﻴﻪ
ﺍﻟﺴﻼﻡ ﻋﻠﻴﻜﻢ ﺷﻔﺖ ﻣﺮﻩ ﻳﻄﻠﻊ ﻋﻤﺮﻫﺎ ﺑﺎﻝ 60 ﻣﻦ ﻋﻤﺮﻫﺎ ﺿﺤﻜﺘﻠﻲ ﻣﻦ ﺷﺎﻓﺘﻨﻲ ﻛﺎﻟﺖ
ﻣﺎﺷﺎﺀ ﺍﻟﻠﻪ ﺣﺪﻳﺜﻪ
ﻧﺼﻴﺖ ﺭﺍﺳﻲ ﻛﺎﻟﺖ
ﻣﺎﻣﺎ ﺍﻧﺘﻲ ﻳﺎﺻﻒ
ﻣﺒﻄﻠﻪ ﺑﺎﻭﻋﺖ ﻻﻣﻲ
ﺣﺠﻴﻪ ﺍﻧﻲ ﺑﻄﻠﺘﻬﺎ ﺍﻟﺸﺎﺭ ﻉ ﻣﺎﻳﺮﺣﻢ . ﻭﻋﻼﻭﻱ ﻣﺮﻳﺾ ﻭﻳﻦ ﻳﻀﻞ ﻭﺣﺪﻩ
ﺍﻡ ﻋﻠﻲ ﻣﺴﺘﻘﺒﻠﻬﺎ ﻟﻴﺶ ﻫﻴﺞ
ﻣﺎﺍﻛﺪﺭ ﻭﺍﻟﻠﻪ ﺣﺠﻴﻪ
ﺍﻟﻠﻪ ﻛﺮﻳﻢ . ﻳﻠﻪ ﻣﺎﻣﺎ ﺭﻭﺣﻲ ﻋﺎﻟﺒﻴﺖ
ﺧﺎﻟﻪ ﺷﺴﻮﻱ
ﻫﻪ ﻳﻔﺪﻭﻩ ﻟﺤﻠﻜﺞ ﻛﻮﻟﻴﻠﻲ ﺣﺠﻴﻪ
ﺣﺠﻴﻪ ﺷﺴﻮﻱ ﺑﺎﻭﻋﺘﻠﻬﺎ ﺑﺨﺠﻞ ﻛﺎﻟﺖ
ﻳﻤﻪ ﺷﺘﺸﻮﻓﻴﻦ ﻭﺻﺦ ﻧﻀﻔﻲ ﺍﻣﺞ ﻛﺎﻟﺖ ﻋﻠﻴﺞ ﺍﻡ ﺑﻴﺖ
ﺍﻱ ﺣﺠﻴﻪ ﺑﺲ ﻭﻳﻦ ﺍﻟﻮﺻﻞ ﻭﺍﻟﻤﺴﺎﺣﻪ
ﻫﺎﻱ ﺍﻟﻤﻨﻀﻔﺎﺕ ﻭﺭﻩ ﺍﻟﺒﻴﺖ
ﻣﺎﺷﻲ ﻃﺒﻴﺖ ﻭﺭﻩ ﺍﻟﺒﻴﺖ ﻭﺗﺸﻠﻬﺖ ﻭﻛﻤﺖ ﺍﺟﻠﻒ ﺍﻟﺒﻴﺖ ﻣﺮﻣﺮ ﻭﻣﻦ ﺍﻧﻀﻒ ﻳﻜﻮﻡ ﻳﻠﻤﻊ ﺍﺧﺬﻧﻲ ﺍﻟﻮﺍﻫﺲ ﻭﻟﻜﻴﺖ ﺭﻭﺣﻲ ﺑﺒﺎﺏ ﺍﻟﻜﺮﺍﺝ ﻣﻜﻤﻠﻪ ﻭﺭﺍﻫﺎ ﻣﺴﺤﺘﻪ ﻛﻠﻪ ﺑﻮﺻﻠﻪ ﻣﺴﺢ ﻛﺎﻡ ﻳﺒﺮﺝ ﺗﻔﺘﺮ ﺍﻟﺤﺠﻴﻪ ﻭﺗﻜﻮﻝ ﻋﺎﺷﺖ ﺍﻳﺪﺝ ﺍﻟﻠﻪ ﻳﺴﺘﺮ ﻋﻠﻴﺞ ﻃﺒﻴﺖ ﻟﻜﻴﺖ ﺍﻣﻲ ﺑﻌﺪﻫﺎ ﺗﺠﻠﻒ ﺑﻔﺮﻓﻮﺭﻱ ﺍﻟﻤﻄﺒﺦ . ﻋﻔﺘﻬﺎ ﻭﺻﻌﺪﺕ ﺗﻌﺒﺖ ﻟﻜﻴﺖ ﻋﻠﻲ ﻣﺘﻤﺪﺩ ﻳﺘﻔﺮﺝ ﺗﻠﻔﺰﻳﻮﻥ ﺳﺒﺤﺖ ﻭﻃﻠﻌﺖ
ﻭﺑﺪﺕ ﺣﻴﺎﺗﻲ ﻣﺎﺑﻴﻦ ﺍﻟﺘﻨﻀﻴﻒ ﻭﻋﻠﻲ ﻭﺍﻟﺘﻠﻔﺰﻳﻮﻥ ﻭﺍﻣﻲ . ﻣﺮ ﻏﻔﻠﻪ ﺍﺳﻤﻊ ﺻﻴﺎﺡ ﺟﻮﻩ ﺟﺎﻧﺖ ﺩﻧﻴﺎ ﻟﻴﻞ ﺗﻘﺮﻳﺐ ﺍﻝ 11 ﺻﻴﺎﺡ ﺍﻟﺤﺠﻴﻪ ﻭﻭﻟﺪ ﻭﻳﺎﻫﺎ ﻃﻠﻌﺖ ﺍﻧﻲ ﻣﻦ ﻓﺮﺍﺷﻬﺎ ﺗﺮﻛﺾ ﻛﺎﻟﺖ
ﻫﺎﻱ ﺷﻜﻮ
ﺷﻌﻠﻴﻨﺎ ﻳﻤﻪ
ﻳﻤﻪ ﻫﺎﻱ ﺍﻟﺤﺠﻴﻪ ﻋﺎﻓﺘﻨﻲ ﻭﻧﺰﻟﺖ ﺭﻛﺾ ﻣﻬﺘﻤﻴﺖ ﻛﻤﻠﺖ ﺍﻟﻤﺴﻠﺴﻞ ﺷﻮﻱ ﻭﺻﻌﺪﺕ ﺍﻣﻲ ﻛﺎﻟﺖ
ﻛﻮﻣﻲ ﻟﻤﻲ ﻫﺪﻭﻣﺞ ﺩﻧﻄﻠﻊ ﻫﺬﺍ ﺍﺑﻨﻬﺎ ﻣﺴﻮﻳﻠﻬﺎ ﻫﻮﺳﻪ
ﺍﻫﻮﻭﻭ ﻟﻌﺪ ﺷﻜﻮ ﻛﺎﻟﺖ ﺗﻌﺎﻟﻮ ﺷﻨﻮ ﻟﻌﺒﻪ ﺑﻴﺪﻫﻢ
ﺍﻣﺸﻲ ﻟﺘﻠﻐﻴﻦ ﺯﺍﻳﺪ
ﺍﺟﻴﺖ ﺗﺠﻴﻴﻴﺖ ﻣﺪﺭﻱ ﻭﻳﻦ ﻣﻀﻴﻌﻨﺎ ﻋﺰﺭﺍﺋﻴﻞ ﻛﻤﺖ ﺍﻟﻢ ﺑﻬﺪﻭﻣﻲ ﻭﺍﺩﺭﺩﻡ ﻭﺍﺧﻠﻴﻬﺎ ﺑﺒﻄﻦ ﺍﻟﺠﻴﺲ ﺍﻻﺳﻮﺩ ﺍﻟﺠﺒﻴﺮ ﻣﺎﻝ ﺍﻟﺰﺑﻞ ﻛﻌﺪﻧﺎ ﻋﻠﻲ ﻭﻧﺰﻟﻨﺎ ﺟﻨﺖ ﻻﺑﺴﻪ ﺑﻨﻄﺮﻭﻧﻲ ﺍﻟﻜﺎﺑﻮﻱ ﺷﺘﺮﻳﺘﻪ ﻗﺒﻞ ﻓﺘﺮﻩ ﻣﻦ ﺑﺎﻟﻪ ﺍﻟﻜﺎﺿﻤﻴﻪ ﻭﻋﻠﻲ ﺳﻮﻳﺘﺮ ﻳﻀﻢ ﺍﻓﺨﺎﺫﻱ ﻭﺟﺴﻤﻲ ﻣﻦ ﻭﺭﻩ ﻛﻮﻧﻲ ﻣﺘﺮﻭﺳﻪ ﺍﻃﺮﺍﻓﻲ ﻓﻴﺒﺮﺯ ﺟﺴﻤﻲ ﺣﺠﺎﺏ ﺍﻣﻲ ﺣﺎﻭﻟﺖ ﻭﻳﺎﻳﻪ ﻫﻮﺍﻱ ﻭﻟﻮ ﺍﻣﻮﺕ ﻣﺎﺍﺗﺤﺠﺐ . ﺍﻛﺮﻩ ﺷﻲ ﺍﺳﻤﻪ ﺍﻟﺘﺰﺍﻡ ﺩﻳﻨﻲ ﻟﻼﺳﻒ ﺟﻨﺖ
ﺍﻛﻮﻝ . ﻫﻮ ﺍﻧﻲ ﻭﻳﻦ ﺷﺎﻳﻔﻪ . ﺍﻟﺮﺣﻤﻪ ﺍﻻﻟﻬﻴﻪ . ‏( ﺍﺳﺘﻐﻔﺮﻙ ﺭﺑﻲ ﻭﺍﺗﻮﺏ ﺍﻟﻴﻚ )
ﺣﺘﻰ ﺍﻃﺒﻖ ﺍﻟﺪﻳﻦ ﻧﺰﻟﻨﺎ ﺩﻧﻄﻠﻊ ﻣﻦ ﺑﺎﺏ ﺍﻟﻄﺮﻣﻪ ﻭﺑﻌﺪﻩ ﺍﻟﺼﻴﺎﺡ ﻣﺴﺘﻤﺮ ﻋﻠﻰ ﻏﻔﻠﻪ ﺻﺎﺣﺖ ﺍﻟﺤﺠﻴﻪ
ﺍﻡ ﻋﻠﻠﻠﻲ ﻟﺘﻄﻠﻌﻴﻦ ﺍﻭﻛﻔﻲ ﻋﻠﻴﺞ ﺍﻟﻠﻪ ﻟﺘﻄﻠﻌﻴﻦ
ﻭﻛﻔﺖ ﺍﻣﻲ ﺍﻧﻲ ﺯﻓﺮﺕ ﺑﻤﻠﻞ ﺷﺤﻴﺨﻠﺼﻬﺎ ﺍﻟﻤﺴﻠﺴﻞ ﺍﻟﺨﻠﻴﺠﻲ ﺑﻘﻴﺖ ﻭﺟﻬﻲ ﻋﺎﻟﺒﺎﺏ ﻭﺿﻬﺮﻱ ﻋﻠﻴﻬﻢ ﻣﺎﺭﻳﺪ ﺍﺣﺲ ﺑﺎﻫﺎﻧﻪ ﺍﻛﺜﺮ ﺑﻌﺪ
ﻛﺎﻟﺖ ﺍﻟﺤﺠﻴﻪ
ﻣﻌﻠﻴﺞ ﺍﺗﻲ ﺍﻧﻲ ﺍﻓﻬﻤﻪ ﺍﺻﻌﺪﻱ ﺭﻭﺣﻲ
ﺣﺠﻴﻪ ﻣﺎﺭﻳﺪ ﻣﺸﺎﻛﻞ ﺑﻴﻨﺞ ﻭﺑﻴﻦ ﺍﺑﻦ . ﻓﺪﻭﻩ ﻟﻌﻴﻨﺞ ﻋﻴﻮﻧﻲ ﺍﻟﺞ ﻭﺍﻧﺘﻲ ﻣﻤﻘﺼﺮﻩ
ﺍﻡ ﻋﻠﻲ ﺗﻌﻠﻤﺖ ﻋﻠﻴﻜﻢ ﻧﻔﺲ ﻭﻳﺎﻳﻪ ﺑﺎﻟﺒﻴﺖ ﻓﺪﻭﻩ ﻟﺘﻄﻠﻌﻴﻦ ﻣﻌﻠﻴﺞ ﺑﻲ ﺍﻧﻲ ﺍﺣﺎﺟﻲ
ﺳﻴﺪﺭﺍ - ﺷﻔﺘﻪ ﻃﻠﻊ ﻣﻦ ﺑﺎﺏ ﺍﻟﻤﻄﺒﺦ ﻛﺎﻝ ﺑﻌﺼﺒﻴﻪ
ﻳﻤﻪ ﺍﻃﻠﻊ ﻭﺍﺭﺟﻊ ﺷﻔﺘﻲ ﻓﺎﺭﻏﻪ
ﻛﺎﻟﺖ
ﺍﻟﺒﻴﺖ ﻛﻠﻪ ﻳﻔﺮﻍ . ﻣﺎﺭﺍﺡ ﺍﻛﻌﺪ ﺑﻲ ﺑﻌﺪ
ﻭﻛﻒ ﻭﺍﻟﺘﻔﺖ ﺑﻐﻀﺐ ﺍﻧﻲ ﻃﻠﻌﺖ ﺑﺎﻟﺒﺎﺏ ﻟﻌﺒﺖ ﺣﺘﻰ ﺭﻭﺣﻲ ﺳﻤﻌﺘﻪ ﺻﻴﺢ
ﻳﻤﻪ ﺷﺒﻴﻴﻴﻴﻴﺞ ﻭﻳﺎﻳﻪ ﺷﺒﻴﻴﺞ ﺑﻬﺎﺀ ﺳﺎﻓﺮ ﻭﻫﺞ ﻭﺧﻠﺺ ﻭﻭﻛﻌﺖ ﺑﺮﺍﺳﻲ
ﻫﺎ ﻳﻌﻨﻲ ﺻﺮﺕ ﺍﻧﻲ ﻣﺼﻴﺒﻪ ﺩﺭﻭﺡ ﻻﻛﻠﺒﻲ ﻭﻻ ﺭﻭﺣﻲ ﺭﺍﺿﻴﻪ ﻋﻠﻴﻚ ﻟﻴﻮﻡ ﺍﻟﺪﻳﻦ
ﻟﺞ ﻳﻮﻭﻭﻡ
ﻭﺣﻤﻤﻪ ﺍﻣﺸﻲ ﻭﻟﻲ ﻟﻠﻤﻜﺎﻥ ﺍﻟﺠﻴﺖ ﻣﻨﻪ ﻣﺎﺭﻳﺪ ﺍﻧﻜﺲ ﻟﺴﺎﻧﻲ .
ﺣﺠﻴﻪ ﻓﺪﻭﻩ ﻋﻠﻰ ﻛﻴﻔﺞ . ﻛﺎﻟﺖ ﺍﻣﻲ ﺻﺎﺡ
ﺷﺘﺮﺩﻳﻦ ﻓﻬﻤﻴﻨﻲ ﺷﺘﺮﺩﻳﻦ
ﺍﻧﺘﻮ ﻋﺎﻳﻔﻴﻨﻲ ﺧﻮﺍﺗﻚ ﺗﺰﻭﺟﻦ ﻭﺍﺧﻮﻙ ﺳﺎﻓﺮ ﻭﺍﻧﺖ ﺑﺎﻻﺳﺒﻮﻉ ﻣﺮﻩ ﻋﺪﻱ ﺍﻟﺘﺮﻙ ﺍﺭﻳﺪﻩ . ﻣﺘﻔﻮﺗﻪ ﺑﻌﺪ ﺗﺮﻳﺪ ﺗﺒﺎﺕ ﺗﺒﺎﺕ ﺑﺒﻴﺖ ﺍﺑﻮﻙ ﻣﻴﻌﺠﺒﻚ ﻟﺘﺠﻲ ﻫﻮ ﺍﻧﻲ ﻭﻳﻦ ﺷﺎﻳﻔﺘﻚ ﻭﻋﺎﺏ ﻫﺎﻟﺸﻮﻓﻪ ﺍﻣﺸﻲ ﺍﻃﻠﻊ ﺳﻜﻴﺮ . ﺍﺑﻮ ﺍﻟﻨﺴﻮﺍﻥ
ﺷﻌﻠﻴﺞ ﻣﻨﻲ ﺍﻧﺘﻲ ﻣﺎﺫﻳﺞ ﺑﺸﻲ
ﻟﻚ ﻳﻮﻡ ﺍﻧﻲ ﻭﻳﻦ ﺷﺎﻳﻔﺘﻚ ﺧﻠﻒ ﺍﻟﻠﻪ ﻋﻠﻰ ﺍﺧﻮﻳﻪ ﻛﻠﻤﺎ ﺗﺨﺮﺑﻄﺖ ﺍﺟﺎﻧﻲ ﻳﺮﻛﺾ ﺑﻴﻪ ﺧﻠﻒ ﺍﻟﻠﻪ ﻋﻠﻰ ﺍﻥ ﻋﻠﻲ ﻭﻳﺎﻳﻪ ﻭﻳﺎﻳﻪ ﺍﻧﻲ ﺍﺭﻳﺪﻫﺎ ﺗﺒﻘﻰ
ﺧﻞ ﺗﺒﻘﻰ ﺧﻞ ﺗﺸﺒﻊ ﺑﺎﻟﺘﺮﻙ . ﻭﺍﻧﻲ ﻫﻢ ﻣﺎﺍﻭﺻﻞ ﺑﻌﺪ
ﻭﻋﻨﻚ ﻣﺎﻭﺻﻠﺖ ﺍﻣﺸﻲ ﻳﻠﻪ
ﺳﻴﺪﺭﺍ - ﻫﻮﺳﻪ ﻭﺻﻴﺎﺡ ﻃﻠﻊ ﻣﻦ ﺍﻟﺒﻴﺖ ﻻﺑﺲ ﻟﺒﺲ ﻋﺴﻜﺮﻱ ﺧﺎﻛﻲ ﺳﺎﺩﻩ ﻭﺍﻟﻨﺴﺮ ﻋﻠﻰ ﺟﺘﻔﻪ ﻃﻮﻟﻪ ﻣﻨﺎﺳﺐ ﺑﺲ ﺟﺴﻤﻪ ﻣﻌﻀﻞ ﻭﻋﺪﻩ ﻛﺮﺵ ﺻﻐﻴﺮ ﺑﺎﻭﻋﺖ ﻟﺴﻴﺎﺭﺗﻪ ﺍﻟﺠﺎﻧﺖ ﻋﺎﻛﺴﻪ ﻭﺟﻬﻲ ﻣﻦ ﺍﻟﻀﻮﻩ ﻣﺎﻝ ﺑﺎﺏ ﺍﻟﺒﻴﺖ ﻃﺐ ﺑﺎﻟﺴﻴﺎﺭﻩ ﺑﺴﺮﻋﻪ ﺷﻐﻠﻬﺎ ﺍﻟﺘﻔﺖ ﺑﺎﻭﻋﻠﻲ ﺩﻙ ﻫﻮﺭﻥ ﺍﻭﺧﺮ ﺭﻓﻊ ﺗﻚ ﺣﺎﺟﺐ ﺭﺟﻌﺖ ﻟﻴﻮﺭﻩ ﻃﻴﺘﻪ ﻣﺠﺎﻝ ﻃﻠﻊ ﺑﺎﻟﺴﻴﺎﺭﻩ ﺑﺴﺮﻋﻪ ﺍﻣﻲ ﻛﺎﻟﺖ
ﺍﻣﺸﻲ ﻳﻮﻡ ﺧﻞ ﻧﺼﻌﺪ
ﻣﺤﺠﻴﺖ ﺷﻲ ﺻﻌﺪﺕ ﺩﺍﺧﻠﻲ ﻓﺎﺭﻍ ﻣﺎﻛﻮ ﺷﻲ ﺍﺳﻤﻪ ﻣﺸﺎﻋﺮ ﺍﺑﺪ ﺑﺎﺭﺩﻩ ﻣﻦ ﻛﻠﺸﻲ ﺑﺲ ﻣﻦ ﺍﺷﺘﻐﻞ ﺍﻧﺴﻰ ﺭﻭﺣﻲ . ﺳﺎﻟﻔﺘﻲ ﻏﺮﻳﺒﻪ ﺍﺫﺍ ﺻﻔﻨﺖ ﻭﺑﻴﺪﻱ ﻭﺭﻗﻪ ﻭﻗﻠﻢ ﺍﻭ ﻣﺎﺷﻪ ﻭﻃﻴﻦ ﺍﻭ ﺍﺑﺮﻩ ﻭﺣﺎﻳﻂ ﻭﺑﺎﻟﻲ ﻳﻄﻴﺮ ﺍﺭﺳﻢ ﺷﻲ ﻏﺮﻳﺐ ﻣﺎﺍﻋﺮﻓﻪ ﺷﻨﻮ ﺍﻻ ﻣﻦ ﺍﺭﺟﻊ ﻟﻠﻮﺍﻗﻊ ﺍﺷﻌﺮ ﺑﺮﻭﺣﻲ ﺷﺮﺳﻤﺖ ﻣﺎﺩﺭﻱ ﺍﻟﻪ ﻋﻠﻘﻪ ﺑﻴﻪ ﻣﺎﺩﺭﻱ ﺑﺮﻭﺣﻲ ﻫﻢ ﻣﺎﺩﻱ ﻏﺎﻟﺒﺎ ﺗﻄﻠﻊ ﺍﻟﺮﺳﻤﻪ ﻣﺮﺗﺒﻪ ﻭﺩﻗﻴﻘﻪ ﺑﺲ ﻣﺎﻋﺮﻓﻬﺎ ﺷﻨﻮ ﺻﻌﺪﻧﺎ
ﻋﻠﻲ ﺭﺟﻊ ﻧﺎﻡ ﻭﺍﻧﻲ ﺗﻤﺪﺩﺕ ﺍﻛﻤﻞ ﻣﺴﻠﺴﻠﺘﻲ ﻃﺒﺖ ﺍﻣﻲ ﻟﻠﻐﺮﻓﻪ ﺗﺴﺘﻐﻔﺮ ﻭﺗﻨﺪﻋﻲ ﺟﺎﻭﺑﺖ
ﺍﻟﻠﻪ ﻣﻴﺴﻤﻊ ﺍﻟﻤﺜﻠﻨﺎ ﻳﻮﻡ
ﺳﺪﻱ ﺣﻠﻜﺞ ﺍﻧﺘﻲ ﺍﻟﻠﻪ ﺍﺭﺟﻢ ﺍﻟﺮﺍﺣﻤﻴﻦ
ﻟﻌﺪ ﺍﺣﻨﺎ ﺷﻤﺴﻮﻳﻦ ﻭﻫﻴﺞ ﻳﺼﻴﺮ ﺑﻴﻨﺎ
ﺷﺒﻴﻨﺎ ﻛﻮﻟﻲ ﺍﻟﺤﻤﺪ ﻟﻠﻪ ﺍﻟﻠﻪ ﺩﻳﺴﺨﻴﻠﻨﺎ ﻫﻴﺞ ﻋﺎﻟﻢ
ﺑﻴﻬﺎ ﺍﻟﺨﻴﺮ ﻃﺒﺖ ﺍﻧﻲ ﻭﺑﻘﻴﺖ ﻟﻠﻔﺠﺮ ﻛﺎﻋﺪﻩ
ﺗﺠﻴﻨﻲ ﺍﻳﺎﻡ ﺍﺗﻤﻨﻰ ﻭﺟﻮﺩ ﺍﺑﻮﻳﻪ ﻣﻦ ﺟﺪﻳﺪ ﻣﺠﻨﻨﺎ ﺍﻏﻨﻴﺎﺀ ﻭﻻﺍﺣﺐ ﺍﻟﻔﻠﻮﺱ ﺑﺲ ﺍﺣﺐ ﻛﻮﻧﻲ ﻣﻜﺘﻔﻴﻪ . ﺑﺴﺎﻡ ﺍﺧﻮﻳﻪ ﺟﺎﻥ ﺧﺮﻳﺞ ﻣﻌﻬﺪ . ﻳﻌﺮﻑ ﺑﺎﻟﻜﻬﺮﺑﺎﺀ ﻭﻳﺸﺘﻐﻞ ﻭﻳﺨﻠﻲ ﺑﻴﺪ ﺍﻣﻲ . ﻣﺠﻨﻨﺎ ﻣﺤﺘﺎﺟﻴﻦ ﺍﺣﺪ ﻭﻻﺍﻓﻜﺮ ﻭﻳﻦ ﺣﻨﺎﻡ ﺍﺑﻮﻳﻪ ﻭﺍﺧﻮﻳﻪ ﻣﻜﺘﻠﻔﻴﻦ ﻛﻠﺸﻲ ﺩﺭﺍﺳﺘﻲ ﺍﻟﺠﻨﺖ ﺑﻴﻬﺎ ﻳﻌﻨﻲ ﻣﻮ ﻣﺘﻔﻮﻗﻪ ﻛﻠﺶ ﺑﺲ ﻫﺴﻪ ﺷﺘﺎﻗﻴﺖ ﺣﻨﻴﺖ ﺍﺻﻴﺮ ﺣﺎﻟﻲ ﺣﺎﻝ ﺍﻟﺒﻨﺎﺕ ﺍﺣﺲ ﻓﺎﺗﻨﻲ ﻫﻮﺍﻱ ﺷﻐﻼﺕ
ﺑﺲ ﺣﻠﻢ ﺗﺮﺟﻊ ﺳﻨﻴﻨﺎ ﻋﺸﻨﺎ ﺑﺬﻟﻪ ﺑﻌﺪ ﺍﺑﻮﻳﻪ ﻭﺍﺧﻮﻳﻪ ﻭﺍﻟﻀﺎﻫﺮ ﺭﺍﺡ ﻧﻜﻀﻴﻬﺎ ﺫﻟﻪ ﺑﺬﻟﻪ .
---
ﺿﻴﺎﺀ ﺍﻟﺪﻳﻦ ﺍﻟﻌﻴﺴﺎﻭﻱ ‏( ﺍﻻﺳﻢ ﻗﺮﻳﺐ ﻻﺳﻢ ﺍﻟﺒﻄﻞ ﻟﻜﻦ ﺍﻟﻠﻘﺐ ﺣﻘﻴﻘﻲ )
ﻋﺴﻜﺮﻱ ﺑﺮﺗﺒﻪ ﺭﺍﺋﺪ ﺑﻌﻤﺮ 37 ﺳﻨﻪ ﺣﺎﻟﻴﺎ . ﺍﺣﺠﻴﻠﻜﻢ ﻋﻨﻲ . ﺳﺎﺑﻘﺎ ﺑﺼﺮﺍﺣﻪ ﻣﺎﺧﺬ ﺍﻟﺪﻧﻴﺎ ﻃﻮﻝ ﻭﻋﺮﺽ ﺭﺍﻓﺾ ﻓﻜﺮﻩ ﺍﻟﺰﻭﺍﺝ ﻛﻞ ﺍﻟﻴﺘﺰﻭﺝ ﻣﻦ ﺟﻤﺎﻋﺘﻲ ﺍﺧﺮﺗﻪ ﻃﻼﻕ ﻳﺎﺍﻣﺎ ﺧﻴﺎﻧﻪ ﻣﻦ ﻃﺮﻓﻪ ﺍﻭ ﻣﻦ ﻃﺮﻑ ﺍﻟﺠﻨﺲ ﺍﻻﺧﺮ ﻭﻫﻨﺎ ﺗﻜﻤﻦ ﺍﻟﻤﻌﻀﻠﻪ . ﺟﻤﺎﻋﺘﻲ .12 ﺷﺨﺺ ﺑﺮﺗﺐ ﻣﺨﺘﻠﻔﻪ ﻣﻦ ﻧﻠﺘﻢ ﺑﻠﻴﻞ ﺑﻮﻛﺖ ﻓﺮﺍﻏﻨﺎ ﻣﻦ ﺍﻟﻮﺍﺟﺐ ﻧﻜﻌﺪ ﻛﻠﻤﻦ ﻳﺤﺠﻲ ﻋﻦ ﻧﻔﺴﻪ ﺑﺲ ﺍﻧﻲ ﺑﻴﻬﻢ ﻣﻤﺘﺰﻭﺝ ﻭﻛﻠﻬﻢ ﺣﺎﺳﺪﻳﻨﻲ ﺳﺒﻌﻪ ﻣﻨﻨﺎ ﻣﻄﻠﻘﻴﻦ 4 ﻣﻨﻬﻢ ﻣﻨﻌﺮﻑ ﺍﻟﺴﺒﺐ ﻭﻋﺎﻻﻏﻠﺐ ﺧﻴﺎﻧﻪ ﺍﻟﺰﻭﺟﻪ ﻭﺍﻝ 3 ﺍﻟﺒﺎﻗﻴﻦ ﻣﻜﺪﺭﺕ ﺗﺘﺤﻤﻞ ﺧﻴﺎﻧﺘﻪ ﻭﺣﻴﺎﻩ ﺍﻟﻠﻴﻞ ﺗﺮﻛﺘﻪ ﻭﺍﺣﺪ ﺑﻴﻬﻢ ﻋﺎﻟﺤﺎﻓﻪ ﻭﻋﺪﻩ ﺧﻤﺲ ﺍﻃﻔﺎﻝ ﻭﻳﺤﺐ ﻭﺣﺪﻩ ﻳﺮﻳﺪ ﻳﺘﺰﻭﺟﻬﺎ ﻣﺮﺗﻪ ﻣﺘﻘﺒﻞ ﻛﺎﻳﻠﺘﻠﻪ ﺑﺲ ﺗﺮﺗﺒﻂ ﺑﻴﻬﺎ ﺍترﻛﻚ ﺍﻧﺖ ﻭﺍﻃﻔﺎﻟﻚ ﻭﺍﻟﺜﺎﻧﻴﻪ ﻣﺘﺮﻳﺪ ﺍﻃﻔﺎﻟﻪ ﻭﺩﺍﻳﺦ ﺑﺎﻟﺴﺎﻟﻔﻪ ﻣﻦ ﺍﺑﺎﻭﻋﻠﻬﻦ ﺍﺣﺲ ﺭﻭﺣﻲ ﻣﻠﻠﻠﻚ ﺯﻣﺎﻧﻲ ﺑﻄﺮﺍﻧﻪ ﺍﻣﻲ
ﺍﺯﻭﺟﻚ . ﻭﺟﻬﺎﻟﻚ ﺑﻄﻮﻟﻚ ﺟﺎﻥ ﺻﺎﺭﻭ ﺑﻄﺮﺍﻧﻪ اﻣﻲ ﺣﻴﻞ ﺑﻄﺮﺍﻧﻪ . ﺍﻋﺰ ﺻﺎﺣﺐ ﻭﺍﻗﺮﺏ ﺻﺪﻳﻖ ﺍﻟﻲ ﺳﻠﻤﺎﻥ ﻫﺬﺍ ﺍﻧﻲ ﻭﻳﺎﻩ . ﻣﻦ ﺻﺪﻙ ﺭﻭﺡ ﻭﺣﺪﻩ ﻳﻌﺮﻓﻨﻲ ﻣﻦ ﻧﻔﺴﻲ ﻭﻣﻦ ﻋﻴﻮﻧﻲ ﻭﺍعرﻓﻪ ﻣﻦ ﺣﺮﻛﻪ ﺍﻳﺪﻩ ﻭﺣﻜﻪ ﺣﺎﺟﺒﻪ ﻭﻛﺼﺘﻪ ﺍﻗﺮﺍﻩ ﻭﻳﻘﺮﺍﻧﻲ ﺳﻠﻤﺎﻥ ﻣﺘﺰﻭﺝ ﻭﻋﺪﻩ ﺍﻃﻔﺎﻝ ﺛﻨﻴﻦ ﺍﻟﻮﺣﻴﺪ ﻣﻦ ﺍﺻﺤﺎﺑﻲ ﺍﻓﻮﺕ ﻟﺒﻴﺘﻪ ﺍﺗﻐﺪﻩ ﻳﻤﻬﻢ ﻳﺜﻖ ﺑﻴﻪ ﻟﻼﺧﻴﺮ ﻣﺮﺗﻪ ﺣﻴﻞ ﺣﺒﺎﺑﻪ ﻭﺑﺖ ﺍﺻﻮﻝ ﻋﻤﺮﻫﺎ ﻣﺒﺎﻭﻋﺖ ﺑﻨﻀﺮﻩ ﻟﻮ ﻃﻠﻊ ﺣﺴﻬﺎ ﺑﻮﺟﻮﺩﻱ ﺣﻴﻞ ﺍﺣﺘﺮﻣﻬﺎ ﻻﻥ ﺗﺴﺘﺎﻫﻞ ﺍﻻﺣﺘﺮﺍﻡ
ﺑﺲ ﻟﻼﺳﻒ ﻫﻢ ﻳﺨﻮﻧﻬﺎ ﺷﻜﺪ ﺣﺎﺟﻴﺘﻪ ﺣﺮﺍﻡ ﻋﻠﻴﻚ ﺍﺷﺮﺏ ﻭﺭﻭﺡ ﻟﺒﻴﺘﻚ . يكوﻟﻲ
ﻻ ﺍﺣﺐ ﺍﻧﻮﻉ ﺧﺎﻳﻒ ﻋﻠﻴﻪ ﻻﻥ ﻓﻄﻴﺮ ﻫﺬﺍ ﻣﻮ ﻣﺜﻠﻲ ﺻﻌﺐ .
ﻫﺎﻟﻔﺘﺮﻩ ﺍﻣﻲ ﻭﺭﺗﻨﻲ ﺍﻟﻮﻳﻼﺕ . ﻣﺠﻠﺒﺘﻠﻲ ﺗﺮﻳﺪ ﺍﺗﺰﻭﺝ ﻟﻮ ﺍﺑﻘﻰ ﻳﻤﻲ ﺑﺎﻟﻠﺒﻴﺖ . ﻭﺍﻧﻲ ﺍﺟﻴﺒﻠﻲ ﻛﻞ ﺍﺭﺑﻊ ﺍﻳﺎﻡ ﻭﺣﺪﻩ ﻭﻳﺎﻳﻪ ﺑﺎﻟﺒﻴﺖ ﺍﻟﺘﺮﻙ ﺍﻭ ﺍﻟﻤﺸﺘﻤﻞ ﺍﻟﻤﻌﺰﻭﻝ ﻭ ﺍﺭﺗﺎﺡ ﻭﻳﺎﻫﺎ ﻭﺍﻧﺰﻝ ﺍﻟﺼﺒﺢ ﻳﻢ ﺍﻣﻲ ﻟﻠﻴﻞ ﺍﺭﺟﻊ ﻟﻠﺸﻐﻞ .
ﺩﻭﺍﻣﻲ ﺛﻼﺙ ﺍﻳﺎﻡ ﺑﻴﻮﻡ ﻛﻌﺪﻩ . ﻭﺍﻟﺒﺎﺭﺣﻪ ﺭﺟﻌﺖ ﻟﻜﻴﺖ ﺍﻣﻲ ﻣﻜﻌﺪﻩ ﺑﺒﻴﺖ ﺍﻟﺘﺮﻙ ﺍﻟﻤﻨﻀﻔﻪ ﺧﻠﺘﻨﻲ ﺍﻧﺸﺎﻝ ﻭﺍﻧﺪﻙ ﺍﻟﻨﻮﺑﻪ ﺍﻟﻔﺸﻠﻪ ﻣﻦ ﺳﻠﻤﺎﻥ ﻭﻳﺎﻳﻪ . ﻭﻭﻳﺎﻧﺎ ﺑﻨﺎﺕ ﺗﺎﻟﻲ ﺍﺧﺬﺗﻬﻢ ﺑﻴﺖ ﺑﻬﺎﺀ ﺍﺧﻮﻳﻪ ﺍﻟﻌﺎﺭﺿﻪ ﻟﻼﺟﺎﺭ ﻣﻮﺛﺚ
ﺑﻬﺎ ﻛﺎﻋﺪ ﺑﺮﻩ ﻭﻳﺎﺧﺬ ﺍﺟﺎﺭ ﺑﻴﺘﻪ ﻳﻌﻴﺶ ﻣﻨﻪ . ﻳﺸﺘﻐﻞ ﻣﻬﻨﺪﺱ ﺑﺎﻟﻤﻴﻨﺎﺀ ﺍﻟﻤﺼﺮﻱ ﻣﺴﺘﻘﺮ ﺑﻤﺼﺮ ﻫﺎﻟﻔﺘﺮﻩ ﻃﻠﻌﻮ ﺍﻟﻤﻮﺟﺮﻳﻦ ﻭﺍخذﺕ ﺭﺍﺣﺘﻲ ﺑﻲ ﺑﻴﺖ ﺟﺒﻴﺮ ﻣﺠﻬﺰ
ﻓﺪ ﻣﺮﻩ ﻋﺰﻣﻨﻲ ﺳﻠﻤﺎﻥ ﻋﺪﻫﻢ ﻃﻬﻮﺭ ﺍﺑﻨﻪ . ﻭﺭﺣﺖ . ﺟﺎﻧﻮ ﺍﻫﻠﻪ ﻛﻠﻬﻢ ﻣﻮﺟﻮﺩﻳﻦ ﻭﺍﺣﻨﺎ ﺍﻟﺸﺒﺎﺏ ﺑﺎﻟﺼﺎﻟﻪ . ﺗﻐﺪﻳﻨﺎ ﻭﺑﺎﺭﻛﺘﻠﻪ ﻭﻃﻠﻌﺖ ﻣﻦ ﺩﺍﺍﻃﻠﻊ ﺍﻛﻮ ﺑﻨﻴﻪ ﺑﻘﺖ ﺗﺒﺎﻭﻋﻠﻲ ﺍﻟﻬﺎﺍ ﺷﺒﻪ ﺑﻬﺒﻪ ﻣﺮﺕ ﺳﻠﻤﺎﻥ ﺑﺎﻭﻋﺖ ﻟﺴﻠﻤﺎﻥ ﻣﻦ ﺭﺍﺣﺖ
ﻣﻨﻴﻠﻚ ﻫﺎﻟﺼﺎﺭﻭﺥ
ﻣﻌﻮﺩ ﺍﻣﺸﻲ ﺍﺧﺖ ﺍﻟﻤﺮﻩ
ﻫﺎ ﻻ ﺧﻂ ﺍﺣﻤﺮ -- ﻫﻬﻬﻪ
ﻣﺮﺕ ﺍﻳﺎﻡ ﻭﺟﺘﻲ ﻓﺘﺮﻩ ﺗﺨﺎﺑﺮﻧﻲ ﺑﻨﻴﻪ . ﻋﻠﻰ ﻃﻮﻝ ﻭﺗﻀﻞ ﺍﻧﻲ ﺍﻋﺮﻓﻚ ﻣﺎﺍﻋﺮﻓﻚ ﻭﻫﺎﻟﺴﻮﺍﻟﻒ ﻭﺍﻧﻲ ﻣﻌﺠﺒﻪ ﺑﻴﻚ ﻣﺘﻜﻮﻝ ﻣﻨﻮ ﻭﺍﻧﻲ ﺳﻜﺮﺍﻥ ﺍﺿﻞ ﺍﺗﻤﻀﻴﻚ ﻋﻠﻴﻬﺎ ﻣﻊ ﺍﻟﻌﻠﻢ ﺍﻧﻲ ﻣﺎﺍﺳﻜﺮ ﺑﺲ ﺩﻭﺧﻪ ﺗﺼﻴﺮ ﻋﺪﻱ ﺳﻄﺮﻩ ﺍﺣﺐ ﺍﺣﺲ ﺑﻴﻬﺎ ﻟﺤﺪ ﻣﺎﻓﺪ ﻳﻮﻡ ﻛﺘﻠﻬﺎ
ﺍﺫﺍ ﻣﻨﺘﺸﺎﻭﻑ ﻛﻠﻤﻦ ﻟﻄﺮﻳﻘﻪ ﺑﻌﺪ ﻋﻼﻗﻪ ﺷﻬﻮﺭ ﻭﺳﻮﺍﻟﻒ ﺗﻠﻔﻮﻥ ﻭﺻﺨﻪ ﻭﻫﻲ ﺗﺘﻘﺒﻞ ﻣﺜﻞ ﺍﻟﻤﻄﻲ ﻭﻣﺮﻩ ﺩﺯﺕ ﻟﻠﻤﺮﻛﺰ ﺳﺒﺤﻪ ﺑﻴﻬﺎ ﻟﻴﺮﺍﺕ ﺫﻫﺐ
ﻛﺎﺗﺒﻪ ﺑﺎﻫﺪﺍﺋﻬﺎ
ﻣﻦ ﻋﺎﺷﻘﺘﻚ
ﺍﺑﺘﺴﻤﺖ ﺣﺒﻴﺖ ﺍﻟﺤﺮﻛﻪ ﻛﻤﺖ ﺍﺭﺑﻊ ﻭﻋﺸﺮﻳﻦ ﺳﺎﻋﻪ ﺍﻓﺮ ﺑﺎﻟﺴﺒﺤﻪ ﺍﻟﺼﻐﻴﺮﻩ . ﺑﻴﺪﻱ ﻣﻦ ﺍﺷﺘﻐﻞ ﻣﻦ ﺍﺭﻭﺡ ﻭﺍﺟﻲ ﻫﻴﺞ ﻋﺠﺒﻨﻲ ﺍﻟﺰﻣﻬﺎ
ﻛﺎﻟﺖ ﻻﻫﺎﻱ ﻫﻲ ﻭﻓﻌﻼ ﺗﻮﺍﻋﺪﺕ ﻭﻳﺎﻫﺎ ﺑﻤﻄﻌﻢ ﺑﻘﻴﺖ ﻭﺍﻛﻒ ﻋﻠﻰ ﺻﻔﺤﻪ ﺍﺭﻳﺪ ﺍﺷﻮﻓﻬﺎ ﻣﻨﻮ ﻭﻫﺎﻱ ﻫﻲ ﺿﻠﺖ ﺣﺴﺮﻩ ﺗﺮﻭﺡ ﺗﻄﻠﻊ ﺟﻜﻤﻪ ﻭﻫﺎﻱ ﺍﻻﺍﻟﻠﻪ ﻛﺘﺒﻬﺎ ﺑﻘﻴﺖ ﺍﻧﺘﻀﺮ ﻭﺍﺷﻮﻑ ﻃﺒﺖ ﻫﺒﻪ ﻛﻌﺪﺕ ﺑﺎﻟﻤﻄﻌﻢ ﺑﻘﻴﺖ ﺻﺎﻓﻦ ﻓﻜﻴﺖ ﺣﻠﻜﻲ . ﺍﻟﺪﻧﻴﺎ ﺍﻓﺘﺮﺕ ﺑﻴﻪ ﻫﻠﻜﺪ ﺍﺣﺘﺮﻣﺘﻬﺎ ﻫﻠﻜﺪ ﻗﺪﺭﺗﻬﺎ ﺗﺨﺒﻠﺖ ﻃﻠﻌﺖ ﻣﻦ ﺍﻟﻤﻄﻌﻢ ﺭﻭﺣﻲ ﺗﻠﻮﺏ ﺷﻮﻥ ﺍﻧﻲ ﺣﺠﻴﺖ ﻭﻳﺎﻫﺎ ﺣﺠﻲ ﻟﻌﺒﺎﻥ ﻧﻔﺲ ﺧﺮﺏ ﻟﻚ ﻫﺎﻱ ﻣﺮﺕ ﺳﻠﻤﺎﻥ ﻛﻠﺖ ﺍﺭﺟﻊ ﺍﺗﺎﻛﺪ ﺧﺎﻑ ﻏﻠﻄﺎﻥ . ﻃﺒﻴﺖ ﻟﻠﻤﻄﻌﻢ . ﻃﺒﻴﺘﻠﻬﺎ ﻣﻦ ﺷﺎﻓﺘﻨﻲ ﻭﻛﻔﺖ ﺗﺒﺘﺴﻢ
ﻫﻠﻪ ﺿﻴﺎﺀ ﺷﻮﻧﻚ
ﺑﻘﻴﺖ ﺍﺑﺎﻭﻋﻠﻬﺎ ﺑﻐﻀﺐ ﺷﻠﺖ ﺍﻟﺘﻠﻔﻮﻥ ﺩﻛﻴﺖ ﻋﻠﻴﻬﺎ ﺷﻔﺖ ﺟﻨﻄﻪ ﺛﺎﻧﻴﻪ ﻳﻤﻬﺎ ﺩﻙ ﺍﻟﺘﻠﻔﻮﻥ جاﻥ ﻋﺎﻟﻤﻴﺰ ﺑﺎﻭﻋﺖ ﻋﻠﻴﻪ ﻣﺴﺘﻐﺮﺑﻪ ﺑﺎﻭﻋﺘﻠﻬﺎ
ﻣﺘﺮﺩﻳﻦ
ﻣﻮ ﺗﻠﻔﻮﻧﻲ ﻛﺎﻟﺖ ﻣﺴﺘﻐﺮﺑﻪ
ﻫﺎ ﻫﻴﺞ . ﺑﻘﻴﺖ ﺍﺑﺎﻭﻋﻠﻬﺎ ﺑﻘﺖ ﺗﺒﺎﻭﻋﻠﻲ ﺑﺎﺳﺘﻐﺮﺍﺏ ﻛﺎﻟﺖ ﺗﺮﻳﺪ ﺷﻲ ﺷﺒﻴﻚ ﻫﻴﺞ ﺗﺒﺎﻭﻉ ﺟﺎﻭﺑﺖ
ﻻ ﺳﻼﻣﺘﺞ ﺷﺮﻳﺪ ﺑﻌﺪ ﺑﺲ ﺣﻘﻪ ﺳﻠﻤﺎﻥ ﺑﺎﻟﻠﻲ ﻳﺴﻮﻱ ﻭﺍﻧﻲ ﺍﻟﺠﻨﺖ ﺍﻟﻮﻣﻪ ﻋﻔﺘﻬﺎ ﻭﻃﻠﻌﺖ ﺍﺑﺎﻭﻋﻠﻬﺎ ﻣﻦ ﺍﻟﺴﻴﺎﺭﻩ ﺑﻘﺖ ﺻﺎﻓﻨﻪ ﻋﻠﻴﻪ ﻋﺎﻛﺪﻩ ﺣﺎﺣﺒﻬﺎ ﻫﺎﻟﻔﺘﺮﻩ ﺍﺑﺘﻌﺪﺕ ﻋﻦ ﺳﻠﻤﺎﻥ ﺍﺧﺠﻞ ﺍﺑﺎﻭﻉ ﺑﻌﻴﻨﻪ ﻭﻫﻮ ﻟﻄﺸﻠﻲ ﺑﺎﻟﺰﺍﻳﺪ ﻛﺮﻫﺖ ﻛﻞ ﺍﻟﻨﺴﻮﺍﻥ ﻭﺯﺍﺩ ﻛﺮﻫﻲ ﻟﻠﺰﻭﺍﺝ ﻭﺧﻠﻴﺖ ﺑﺒﺎﻟﻲ ﻛﻞ ﺍﻟﻨﺴﻮﺍﻥ ﺧﻮﺍﻧﺎﺕ ﻛﻠﻬﻦ ﻓﺘﺮﻩ ﻣﺮﻳﺖ ﺑﻴﻬﺎ ﺑﺮﻛﻮﺩ ﺩﻣﺮﻧﻲ ﺭﺟﻌﺖ ﻟﻠﺒﻴﺖ ﺳﻜﺮﺍﻥ ﻭﺍﻣﻲ ﺿﻠﺖ ﺗﺼﻴﺢ ﻭﺍﻧﻲ ﻣﻦ ﻛﺜﺮ ﺍﻟﺸﺮﺏ ﺷﺒﻪ ﺍﺳﻤﻊ ﻭﻛﻔﺖ ﺍﻧﺰﻉ ﺳﺘﺮﺗﻲ ﺗﻠﻤﺴﺖ ﺑﺠﻴﺒﻲ ﺍﻟﺴﺒﺤﻪ ﻃﻠﻌﺘﻬﺎ ﻭﺫﺑﻴﺘﻬﺎ ﺑﺴﻄﻠﻪ ﺍﻟﺰﺑﻞ ﺑﺼﻒ ﻣﻴﺰ ﺍﻟﺼﻐﻴﺮ ﻭﺻﺎﺭﺕ ﺣﻴﺎﺗﻲ ﻫﺎﻟﻔﺘﺮﻩ ﺑﺲ ﻟﺸﺮﺏ ﻭﺗﺮﺍﺟﻌﺖ ﺑﺎﻟﻌﻤﻞ ﻫﻢ ﻭﺗﺎﺧﺮﺕ ﺗﺮﻗﻴﺘﻲ ﺍﻧﺘﺒﻬﻮ ﺭﻭﺳﺎﺋﻲ ﺑﺎﻟﻌﻤﻞ ﻋﻠﻴﻪ ﺍﻧﻪ ﺍﻧﻲ ﻣﺘﺮﺍﺟﻊ ﻭﺣﺬﺭﻭﻧﻲ ﺭﺟﻌﺖ ﻭﻛﻔﺖ ﻋﻠﻰ ﺭﺟﻠﻲ ﻭﺍﻧﺘﺒﻬﺖ ﻟﺮﻭﺣﻲ ﻭﺳﻠﻤﺎﻥ ﻛﻤﺖ ﻣﻦ ﺍﺷﻮﻓﻪ ﺍﻏﻠﺲ ﺷﻌﻠﻴﻪ ﻭﺭﺟﻌﺖ ﻟﺴﻬﺮﺍﺗﻲ ﺍﻟﻠﻴﻠﻴﻪ ﻣﻦ ﺍﻧﺰﻝ ﻟﻠﺒﻴﺖ
ﺣﻴﺎﺗﻲ ﺷﺮﺏ ﻭﻧﺴﻮﺍﻥ ﻣﺎﺧﺬ ﺭﺍﺣﺘﻲ ﻋﻤﺮﻱ ﻣﺤﺴﺒﺖ ﺣﺴﺎﺏ ﺑﺎﺟﺮ ﺍﻟﻤﻀﺎﻳﻘﻨﻲ ﺷﻲ ﻭﺍﺣﺪ ﺑﺲ
ﺍﻣﻲ ﻭﻣﻦ ﺍﺭﻭﺣﻠﻬﺎ ﻭﺗﻜﻮﻟﻲ ﻣﺮﺍﺿﻴﻪ ﻋﻨﻚ
ﺟﻨﺖ ﺍﻣﻮﺕ ﻭﺍﻟﻀﻤﻴﺮ ﻳﺎﻛﻠﻨﻲ ﺍﻛﻞ ﺑﺲ ﺍﻧﺴﻰ ﻭﺭﻩ ﻓﺘﺮﻩ ﻟﻮ ﻫﻲ ﺗﺮﺿﻰ ﺑﺠﻴﺘﻲ ﺍﻟﺜﺎﻧﻴﻪ . ﻣﺮﻩ ﻭﺭﻩ ﻣﺮﻩ . ﻣﻦ ﺍﻟﻨﻚ . ﻋﻠﻴﻪ ﻗﺒﻠﺖ ﺍﺗﺰﻭﺝ ﻋﻠﻰ ﻣﻀﺾ ﺑﺲ ﻋﺪﻱ ﺷﺮﻭﻃﻲ ﺟﺎﻧﺖ ﺗﻌﺠﻴﺰﻳﻪ . ﻭﺍﻣﻲ ﻣﻦ ﻛﺜﺮ ﻓﺮﺣﺘﻬﺎ ﻗﺒﻠﺘﻬﻦ ﻛﻠﻬﻦ . ﺍﻭﻟﻬﺎ
ﻣﺮﺗﻲ ﻟﺒﺎﺏ ﺍﻟﺒﻴﺖ ﻣﺘﻄﻠﻊ ﻏﻴﺮ ﻻﻫﻠﻬﺎ ﻭﺍﻭﻃﺐ ﺍﻃﻠﻊ ﺍﺷﺮﺏ ﺍﺻﺨﻢ ﻣﺎﻟﻬﺎ ﺩﺧﻞ ﺑﻴﻪ . ﺭﺩﺕ ﺍﻧﻲ
ﺍﻱ ﻫﺎﻫﻲ ﺗﺪﻟﻞ ﻭﻓﻌﻼ ﺷﺎﻓﺘﻠﻲ ﻭﺣﺪﻩ ﻣﻦ ﺍﻟﻤﻨﻄﻘﻪ ﻭﺗﻘﺪﻣﺖ . ﻭﺍﺟﺘﻨﻲ . ﺗﻌﺪﺩ ﺑﺼﻔﺎﺗﻬﺎ ﻣﺘﺪﺭﻱ ﺑﺎﺑﻨﻬﺎ ﺷﺎﻳﻒ ﻭﻋﺎﻳﻒ
ﻳﻤﻪ ﺍﻟﻤﻬﻢ ﻋﺠﺒﺘﺞ
ﺍﻛﻮﻟﻪ ﺣﺴﻦ ﻓﻠقة ﻛﻤﺮ
ﺍﻱ ﻫﺎﺫ ﻫﻮ . ﺑﺲ ﺭﺍﻳﺪ ﺍﺣﺎﺟﻴﻬﺎ ﻗﺒﻞ
ﺍﻱ ﻳﻮﻡ ﻧﺮﻭﺡ ﻭﺗﺤﺎﺟﻴﻬﺎ ﻭﺗﺴﻮﻟﻒ ﺑﺮﺍﺣﺘﻚ
ﺑﻴﻬﺎ ﺍﻟﺨﻴﺮ ﻋﻠﻰ ﺟﻴﺘﻲ ﺍﻟﻠﺦ
ﻣﺎﺷﻲ
ﻭﻓﻌﻼ ﻣﺮﺕ ﺍﻻﻳﺎﻡ ﻭﻧﺰﻟﺖ ﻣﺮﻩ ﻟﺦ ﻋﺒﺎﻟﻲ ﻧﺴﺖ ﺍﻟﻤﻮﺿﻮﻉ ﺑﺲ ﺍﻣﻲ ﺑﻌﺪ ﺷﻴﻨﺴﻴﻬﺎ ﻭﺍﺧﺬﺗﻨﻲ ﻭﺭﺣﻨﺎ ﻓﻌﻼ ﺍﻟﺒﻨﻴﻪ ﺣﻠﻴﻮﻩ ﺧﺮﻳﺠﻪ ﺍﺩﺍﺭﻩ ﻭﺍﻗﺘﺼﺎﺩ ﺍﻫﻠﻬﺎ ﻭﺍﻓﻘﻮ ﺑﺬﺍﻙ ﺍﻟﻮﻛﺖ ﺟﻨﺖ ﻧﻘﻴﺐ ﻭﻣﻨﻮ ﻳﺮﻓﺾ ﻭﺍﻧﻲ ﻣﺘﺮﻭﺱ ﻣﻦ ﻛﻞ ﺍﻟﻨﻮﺍﺣﻲ ﻣﻊ ﺍﻟﻌﻠﻢ ﺍﻫﻠﻬﺎ ﻫﻢ ﻭﺍﺻﻠﻴﻦ
ﺭﺩﺕ ﺍﺣﺎﺟﻴﻬﺎ ﻭﺣﺪﻧﺎ ﻭﺻﺎﺭﺕ ﺍﻟﻜﻌﺪﻩ
ﺑﺎﻋﻲ ﻳﺒﻨﺖ ﺍﻟﻨﺎﺱ ﺍﻧﻲ ﺍﺗﺨﺒﻞ ﻣﻦ ﻣﺮﻩ ﺗﻔﺮﻓﺮ ﺍﻧﻲ ﻣﺨﺒﻞ ﺗﺮﻩ ﺷﻜﻮكي ﻭﻏﻴﺮﺗﻠﻲ ﺯايدة ﻋﻦ ﺍﻟﻠﺰﻭﻡ
ﺟﺎﻧﺖ ﺧﺠﻼﻧﻪ ﻭﺗﻬﺰ ﺑﺮﻛﺒﺘﻬﺎ ﺑﻤﻮﺍﻓﻘﻪ ﻛﺘﻠﻬﺎ
ﺗﺪﺭﻳﻦ ﺑﻴﻪ ﺍﺷﺮﺏ
ﺭﻓﻌﺖ ﺭﺍﺳﻬﺎ ﻣﺴﺘﻐﺮﺑﻪ
ﺑﺎﻋﻲ ﻳﺎﺑﻪ ﺍﻧﻲ ﺷﺮﺍﺏ ﻭﺍﺣﺐ ﺍﻟﻢ ﺟﻤﺎﻋﺘﻲ ﻭﺍﺷﺮﺏ ﺍﺗﺎﺧﺮ ﻣﺎﺍﺗﺨﺎﺭ ﻣﺎﻟﺞ ﺩﺧﻞ ﺑﻴﻪ ﻣﺘﺴﺎﻟﻴﻦ ﻭﻻﺗﺴﻮﻳﻠﻲ ﻣﺸﻜﻠﻪ ﻭﺍﻧﺘﻲ ﻣﻦ ﺍﻟﺒﻴﺖ ﻣﺘﻄﻠﻌﻴﻦ ﺍﺑﺪ ﺍﻻ ﻟﺒﻴﺖ ﺍﺑﻮﺝ ﺧﻠﻴﻬﺎ ﺑﺒﺎﻟﺞ
ﺑﻘﺖ ﺻﺎﻓﻨﻪ ﻋﻠﻴﻪ ﺑﺎﻫﺘﻪ ﻛﺎﻟﺖ
ﺍﺫﺍ ﻃﻠﻊ ﺗﻌﻴﻴﻨﻲ
ﻫﻬﻬﻬﻪ ﺍﻛﻮﻟﻬﺎ ﻟﻌﺘﺒﻪ ﺍﻟﺒﺎﺏ ﻣﺘﻌﺘﺒﻴﻦ
ﺑﻘﺖ ﺳﺎﻛﺘﻪ ﻃلعت ﻭﺭﺍﻫﺎ ﺧﺎﺑﺮﻭ ﺑﻠﻴﻞ ﻳﺮﻓﻀﻮﻥ ﺍﻣﻲ ﺿﻠﺖ ﺗﺤﺠﻲ ﻭﺗﺼﻴﺢ . ﺗﻜﻮﻟﻲ ﺷﻜﺎﻳﻠﻠﻬﺎ .
ﻳﻤﻪ ﻛﺘﻠﻬﺎ ﺍﻟﻠﻲ ﺍﻧﻲ ﺍﺭﻳﺪﻩ ﻭﻣﻘﺒﻠﺖ ﺑﺸﺮﻭﻃﻲ ﺷﺴﻮﻱ
ﺍﻧﺖ ﻭﺍﺣﺪ ﺳﺎﻗﻂ ﺗﺤﺐ ﺣﻴﺎﺗﻚ ﻫﺎﻱ ﻭﻣﺘﺮﻳﺪ ﺍﺣﺪ ﻳﺘﺠﺎﻭﺯﻫﺎ ﺗﺮﻳﺪ ﺗﺒﻘﻰ ﻣﺴﻘﻂ ﻛﻮﻩ ﻫﻲ ﻣﺘﺤﺐ ﻃﺮﻳﻖ ﺍﻟﺤﻼﻝ
ﻣﺠﺎﻭﺑﺘﻬﺎ ﻟﻠﻴﻞ ﺻﻌﺪ ﺍﻟﻀﻐﻂ ﻋﺪﻫﺎ ﺧﻔﺖ ﺧﻮﺍﺗﻲ ﺟﻮﻱ ﺛﺎﻧﻲ ﻳﻮﻡ ﻳﻘﻨﻌﻮﻥ ﺑﻴﻪ . ﺳﻜﺘﺖ ﺷﺤﺠﻲ ﻳﺮﻭﺡ ﻳﺼﻴﺮ ﺑﻴﻬﺎ ﺷﻲ ﻭﻳﺎﻛﻠﻮﻥ ﺭﺍﺳﻲ
ﺛﺎﻧﻲ ﻳﻮﻡ ﺍﺧﺘﻲ ﺍﻣﻞ ﺍﻟﺼﻐﻴﺮﻩ ﻣﺘﺰﻭﺟﻪ ﻣﻬﻨﺪﺱ ﺳﺎﻛﻨﻪ ﺣﻲ ﺩﺭﺍﻍ ﺍﻟﻤﻨﺼﻮﺭ ﺣﻠﻴﻮﻩ ﺣﻴﻞ ﻭﺍﻣﻮﺕ ﻋﻠﻴﻬﺎ ﺑﺲ ﻃﺒﻴﻌﺘﻲ ﻣﺎﺑﻴﻦ ﺣﺒﻲ ﺑﺪﺍﺧﻠﻲ ﺑﺲ ﺍﺫﺍ ﻧﺨﺘﻨﻲ ﺍﺻﻴﺮﻟﻬﺎ ﺍﻟﺒﺴﺎﻁ ﺍﻟﻄﺎﺋﺮ ﺷﺘﺮﻳﺪ ﺗﺪﻟﻞ ﻭﺍﺧﺘﻲ ﺍﻟﺜﺎﻧﻴﻪ . ﺭﻓﻞ ﺍﻟﺠﺒﻴﺮﻩ ﺫﻳﺞ ﺳﺒﺎﻋﻴﻪ ﺑﻨﺘﻬﺎ ﺍﻟﺤﺒﻴﺮﻩ ﺭﺍﺑﻊ ﻋﺎﻡ ﻭﺍﻟﺼﻐﻴﺮﻩ ﻣﺘﻮﺳﻄﻪ ﻭﺍﺑﻨﻬﺎ ﺳﺎﺩﺱ ﻣﺎﻟﻲ ﻋﻼﻗﻪ ﺑﻴﻬﺎ ﻣﺘﺪﻳﻨﻪ ﻟﻠﻨﺨﺎﻉ ﻭﻣﺮﺍﺿﻴﻪ ﻋﻨﻲ ﻫﺪﻭﻣﻲ ﻣﺘﻐﺴﻠﻬﻦ ﺗﻜﻮﻝ ﻧﻜﺴﺎﺕ ﻻﻥ ﺷﺮﺍﺏ ﺍﺿﺤﻚ ﻋﻠﻴﻬﺎ ﻭﻋﻠﻰ ﺳﻮﺍﻟﻔﻬﺎ
ﺍﻣﻞ ﻣﺜﻠﻲ ﻛﻠﺶ ﺍﻧﻔﺘﻬﺎ ﻭﻏﺮﻭﺭﻫﺎ ﻋﻠﻰ ﺍﺑﻮﻳﻪ ﺍﻟﻠﻪ ﻳﺮﺣﻤﻪ ﻭﺭﻓﻞ ﻋﻠﻰ ﺍﻣﻲ ﻫﻲ ﻭﺑﻬﺎﺀ ﻭﺟﺎﺑﺘﻠﻲ ﺍﻣﻞ ﻭﺣﺪﻩ ﻟﺦ ﻛﺎﻟﺖ ﻫﺎﻱ ﻫﻲ ﻭﻻ ﻏﻴﺮﻫﺎ
ﻳﺎﺑﻪ ﻋﺪﻱ ﺷﺮﻭﻃﻲ
ﻛﺎﻟﺖ ﻓﻜﺮ ﺫﻭﻟﻪ ﺗﺼﺪﻙ ﺗﺠﺬﺏ ﻳﺠﻴﻬﺎ ﻫﻴﺞ ﻭﺍﺣﺪ
ﺧﻞ ﻧﺸﻮﻑ ﺗﻘﺪﻣﺖ ﺍﻟﻬﺎ ﻭﺧﻄﺒﺘﻬﺎ ﻭﺣﺠﻴﺖ ﻭﻳﺎﻫﺎ ﻛﺎﻟﺖ
ﺷﻠﻲ ﺑﻄﻠﻌﻪ ﺍﻟﺒﻴﺖ ﺑﻌﺪ ﻛﻴﻔﺖ ﻭﺑﻌﺪ ﺷﻬﺮ ﺻﺎﺭ ﺯﻭﺍﺟﻨﺎ ﻃﺒﻌﺎ ﺍﻱ ﻭﺍﺣﺪ ﻣﻦ ﺭﺑﻌﻲ ﻣﻜﺘﻠﻪ ﺟﻨﺖ ﻣﻦ ﺍﺑﺎﻭﻉ ﻟﺰﻳﻨﻪ ﻣﺮﺗﻲ ﺍﺧﺎﻑ ﻭﻫﻲ ﻫﻢ ﻣﻮ ﺩﻏﺮﻱ ﺗﺨﺎﻑ ﻭﺗﻠﻒ ﻭﺗﺪﻭﺭ ﻭﺍﻧﻲ ﺍﺗﺨﺒﻞ ﻭﺍﻧﻲ ﻣﻮ ﻣﻄﻔﻲ ﻣﻔﺘﺢ ﺑﺎﻟﺘﻴﺰﺍﺏ . ﻛﻠﻤﺎ ﺍﺣﺠﻲ ﻭﻳﺎﻫﺎ ﺗﻀﻞ ﺻﺎﻓﻨﻪ ﻳﻠﻪ ﺗﺮﺩ ﻃﻠﻌﻪ ﻣﻦ ﺍﻟﺒﻴﺖ ﻣﻄﻠﻌﺖ ﺑﺒﺪﺍﻳﻪ ﺯﻭﺍﺟﻲ ﻣﺮ ﺷﻬﺮ ﻭﺍﻧﻲ ﻣﺴﺎﻟﻢ ﺑﺲ ﺷﺮﺏ ﺑﻠﻴﻞ ﺍﺷﺮﺏ ﻭﺍﺭﺟﻊ ﺑﺲ ﻃﺒﻴﻌﺘﻬﺎ ﺗﻤﻮﺕ ﻋﻠﻴﻪ ﺑﺲ ﺗﻠﺰﻙ ﻭﺍﻧﻲ ﻣﻜﻴﻒ ﻋﺎﻟﺴﺎﻟﻔﻪ . ﻭﺧﺎﺑﺮﻧﻲ ﺳﻠﻤﺎﻥ ﻛﺎﻟﺖ ﺗﻌﺎﻝ ﻋﺪﻧﺎ ﻭﺟﺒﻪ ﺟﺪﻳﺪﻩ ﺑﺒﺎﻛﻴﺘﻬﺎ . ﺻﻔﻨﺖ ﻣﻮ ﻣﺎﻝ ﺍﻛﻮﻟﻪ ﺗﺰﻭﺟﺖ ﻭﺍﻟﻨﺒﻲ ﻳﺬﺑﺤﻨﻲ ﺭﺣﺘﻠﻪ ﻭﺍﻟﺴﻬﺮ ﺳﻬﺮ ﻟﻞ 4 ﻳﻠﻪ ﺭﺟﻌﺖ ﻭﻣﻦ ﻃﺒﻴﺖ ﻟﻠﺒﻴﺖ ﻭﺗﻜﺐ ﺍﻟﻌﻴﻄﻪ ﻣﺎﻝ ﺯﻳﻨﻪ ﺻﻴﺎﺣﻬﺎ ﻭﻋﻴﺎﻃﻬﺎ ﻭﺍﻧﻲ ﺍﻟﺸﺮﺏ ﺑﺮﺍﺳﻲ ﺣﻄﻴﺘﻬﺎ ﻭﻛﺘﻠﺘﻬﺎ ﻟﻠﺼﺒﺢ . ﺍﻟﻌﻴﻨﺘﻴﻦ
ﻛﻮﻣﻲ ﺭﻭﺣﻲ ﻻﻫﻠﺞ ﻋﻠﻴﻤﻦ ﺟﺘﻲ ﻋﻠﻴﻪ ﻋﺒﺎﻟﻬﺎ ﺭﺍﺡ ﺍﺗﻮﺳﻞ ﻣﺘﺪﺭﻱ ﺍﺑﺪﻟﻬﺎ ﻭﻣﺎﺑﺪﻝ ﺭﻭﺣﻲ ﺑﻄﺮﺍﻧﻪ ﻫﺎﻱ اﺳﺒﻮﻉ ﺳﺒﻮﻋﻴﻦ ﻭﺑﺪﺕ ﺍﻣﻲ ﺗﻨﻚ ﺑﻌﺪ ﻣﻮﺻﻠﺖ ﻟﻠﺒﻴﺖ ﻛﻀﻴﺘﻬﺎ ﺑﻴﺖ ﺑﻬﺎﺀ ﻭﺧﺎﺑﺮﻧﻲ ﺍﺧﻮﻫﺎ ﻟﺰﻳﻨﻪ ﻛﺎﻝ
ياﺑﻪ ﺯﻳﻨﻪ ﺣﺎﻣﻞ ﺗﺮﻩ
ﺑﻴﻮﻣﻬﺎ ﺷﻠﺖ ﻫﻢ ﺭﻏﻢ ﺍﻛﻮ ﻓﺮﺡ ﺑﺪﺍﺧﻠﻲ ﺭﺣﺘﻠﻬﺎ ﺍﺧﺬﻫﺎ ﻛﺎﻟﺖ ﻛﺪﺍﻡ ﻫﻠﻬﺎ ﺑﺼﻴﺎﺡ ﻋﺒﺎﻟﻬﺎ ﺭﺍﺡ ﺗﻜﺴﺮﻧﻲ ﺑﺤﻤﻠﻬﺎ
ﺷﻮﻑ ﺍﻧﻲ ﻋﺪﻱ ﺷﺮﻭﻁ ﺗﺘﻨﻔﺬ ﻳﻠﻪ ﺍﺭﺟﻊ ﻭﻳﺎﻙ
ﺿﻴﻘﺖ ﻋﻴﻨﻲ ﺷﻨﻮ ﻋﻴﻨﻲ ﺷﺮﺭﻭﻁ
ﺍﻱ ﻟﻌﺪ ﺷﻨﻮ ﺍﻭﻻ ﺷﺮﺏ ﻣﺎكو ﺑﻌﺪ
ﻫﻪ ﺻﺎﺭ ﺗﻮﻣﺮﻳﻦ ﺑﻌﺪ ﺧﺎﺗﻮﻥ
ﻭﻭﻣﺎﻛﻮ ﻧﺴﻮﺍﻥ ﻭﻟﻌﺒﺎﻥ ﻧﻔﺲ ﺗﺮﻩ ﺍﻋﺮﻑ ﻛﻠﺸﻲ
ﻭﻋﻨﻨﺞ ﻣﻌﺮﻓﺘﻲ ﻭﻳﻄبج ﻃﻮﺏ ﺧﺎﻳﻒ ﻣﻨﺞ ﺍﻧﻲ ﺍﺑﺎﻭﻉ ﺍﺧﻮﺗﻬﺎ ﺿﻠﻮ ﻳﻬﺪﻭﻥ ﻣﻴﺼﻴﺮ ﻳﺎﺑﻪ ﻫﺬﺍ ﻣﻮﺣﺠﻲ ﺣﻴﺼﻴﺮ ﻋﺪﻛﻢ ﻃﻔﻞ
ﺷﻨﻮ ﺗﻠﻮﻳﻨﻲ ﺑﺎﻟﺠﺎﻫﻞ ﻃﺮﺟﺰﺯﺯ ﺑﻴﺞ ﻭﺑﺎﻟﻲ ﺑﺒﻄﻨﺞ ﺷﻮﻓﻲ ﻟﺠﺠﺞ ﺗﺠﻴﻦ ﻫلة ﺑﻴﺞ ﻣﺘﺠﻴﻦ ﻳﻄﻄﺒﺞ ﻃﻮﺏ ﺷﺘﺮﺩﻳﻦ ﻋﻮﺩ ﺍﻃﻠﻜﺞ ﺻﺎﺭ ﺗﺪﻟﻠﻲ
ﺍﻧﻲ ﻣﺎﺍﺭﺟﻊ ﺍﺫﺍ ﻣﻮﻛﻞ ﺷﺮﻭﻃﻲ ﺗﺘﻨﻔﺬ
ﻭﻟﺘﺮﺟﻌﻴﻦ ﻣﻦ ﻳﻄﺒﺞ ﻃﻮﺏ
ﻣﺎﺍﺧﻔﻲ ﺍﺳﻠﻮﺏ ﺯﻓﺖ ﺑﺲ ﻫﻤﻪ ﻧﺎﺱ ﻫﻢ . ﻣﻮ ﻭﻗﻮﺭﻳﻦ ﺍﻋﺮﻓﻬﻢ ﻳﻌﻨﻲ ﻳﺨﻠﻮﻙ ﺗﻬﻴﻨﻬﻢ ﻣﺎﺭﻳﺪ ﺍﺣﺠﻲ ﺑﻴﻬﻢ ﺑﻌﺪ . ﺑﺲ ﺻﺎﺭﺕ ﻣﻮﺍﻗﻒ ﺑﻴﻨﻮ ﻋﻠﻰ ﺍﻟﻔﻠﻮﺱ ﻳﺮﻛﻀﻮﻥ ﻭﺍﻧﻲ ﻣﺎﺩﻳﺮ ﺑﺎﻝ ﻟﻠﻔﻠﻮﺱ ﺍﺑﺪ ﻃﻠﻌﺖ ﻣﻦ ﺍﻟﺒﻴﺖ . ﺍﺻﻼ ﻭﻻﻣﻬﺘﻢ ﺭﺟﻌﺖ ﻻﻫﻠﻲ ﺣﺠﻴﺖ ﻻﻣﻲ ﺑﺲ ﺻﺎﻓﻨﻪ ﻋﻠﻴﻪ ﻛﺎﻟﺖ ﻟﺘﻄﻠﻜﻬﺎ ﻫﺴﻪ ﻋﻮﻓﻬﺎ ﻟﻠﻮﻛﺖ
ﺳﻜﺘﺖ ﻭﺍﻧﻲ ﺷﺨﺴﺮﺍﻥ ﺧﺴﺎﺭﻩ ﻣﺮﺕ ﺍﻟﺸﻬﻮﺭ ﻭﻛﻞ ﻓﺘﺮﻩ ﺍﺩﺯ ﺑﻴﺪ ﺍﻣﻲ ﻓﻠﻮﺱ ﻟﺰﻳﻨﻪ ﺍدﺭﻱ ﺑﻴﻬﺎ ﺗﻤﻮﺕ ﻋﺎﻟﻔﻠﺲ ﻭﺑﻄﺒﻴﻌﺘﻲ ﺍﺿﻮﺝ ﺍﺧﻠﻲ ﻋﻠﻴﻪ ﺩﻳﻦ ﻣﺮﺕ ﻓﺘﺮﻩ ﻭﺟﺎﺑﺖ ﺯﻳﻨﻪ ﻭﺍﻟﻮﻟﺪ ﻟﻼﺳﻒ . ﻣﻮ ﺻﺎﺣﻲ ﻣﻨﻐﻮﻟﻲ ﻭﺿﻠﺖ ﺍﻻﺗﻬﺎﻣﺎﺕ ﻋﻠﻴﻪ ﻣﻨﻮﺭﺍﻙ ﺍﻧﻚ ﺍﻧﺖ ﺗﺸﺮﺏ ﻭﻫﺎﻟﺴﻮﺍﻟﻒ ﺭﺟﻌﻬﺎ ﻟﻤﺮﺗﻚ ﻭﻫﻲ ﻣﻌﺎﻧﺪﻩ . ﺍﻻ ﺍﻧﻔﺬ ﺷﺮﻭﻃﻬﺎ ﻭﺍﻧﻲ ﻣﺎﺑﺮﺩﻟﻬﺎ ﻛﻠﺐ ﻭﺍﻛﻮﻟﻬﺎ ﺻﺎﺭ . ﻳﺎﺑﻪ ﺍﻟﻨﻮﺑﻪ ﻗﻔﻠﺖ ﻟﻼﺧﻴﺮ ﺻﺎﺭ ﻋﻤﺮ ﺯﻳﻦ ﺷﻬﺮﻳﻦ ﻭﻃﻠﻜﺘﻬﺎ . ﺍﺧﻮﻫﺎ ﺧﺎﺑﺮ ﻛﺎﻝ ﻳﺎﺑﻪ ﻣﻮ ﻭﺿﻊ ﻫﺎﻱ ﻛﺘﻠﻪ ﺷﺘﺮﻳﺪ ﻫﺴﻪ ﺑﺼﻴﺎﺡ ﻭﺻﻠﺖ ﻟﻠﻀﺎﻟﻴﻦ ﺗﺎﻟﻲ ﺭﺣﺖ ﺭﻣﻴﺖ ﺍﻟﻴﻤﻴﻦ ﻭﻃﻠﻜﺘﻬﺎ ﺍﺭﺩ ﺍﺧﻠﺺ ﻭﺍﺑﻨﻲ ﺑﻘﻪ ﻳﻤﻬﺎ ﺟﺎﻥ ﻳﺤﺘﺮﻙ ﺩﻣﻲ ﻣﻦ ﺍﺷﻮﻓﻪ ﻭﻓﻌﻼ ﺍﻛﻮﻝ ﻳﻤﻜﻦ ﻣﻦ ﻭﺭﺍﻳﻪ ﻟﺤﺪ ﻣﺎﻓﺪ ﻳﻮﻡ ﺭﺣﺖ ﺍﺷﻮﻓﻪ ﻭﺍﺷﻮﻑ ﺟﻬﺎﻝ ﺛﻨﻴﻦ ﺑﻴﻴﺘﻬﻢ ﻣﺜﻠﻪ ﺑﺎﻟﻀﺒﻂ ﺍﺑﺎﻭﻉ ﻻﺑﻨﻲ ﻭﺍﺑﺎﻭﻋﻠﻬﻢ ﺳﺎﻟﺖ ﺍﻣﻬﺎ ﻛﻠﻠﺖ
ﻭﻟﺪ ﺑﻨﺘﻲ . ﺍﻟﺠﺎﻧﺖ ﺑﺎﻟﻤحاﻓﻀﺎﺕ ﻋﺎﺩ ﻧﺰﻟﺖ ﻋﻠﻴﻬﺎ
ﻫﺎﻱ ﺍﻧﺘﻮ ﻋﺪﻛﻢ ﻭﺭﺍﺛﻪ ﻭﺟﺎﻳﻴﻦ ﻋﻠﻴﻪ ﺗﻜﻮﻟﻮﻟﻲ ﻣﻨﻚ ﺍﻟﺴﺒﺐ
ﻳﻤﻪ ﻫﺎﻟﺸﻲ ﻣﻴﺼﻴﺮ ﺑﺎﻟﻮﺭﺍﺛﻪ
ﻻ ﺑﺎﻟﻠﻪ ﻋﻠﻤﻴﻨﻲ ﻟﻌﺪ ﺑﻴﺶ ﻳﺼﻴﺮ ﻋﻔﺖ ﻛﻠﺸﻲ ﻭﻃﻠﻌﺖ ﺯﻳﻮﻧﻲ ﺟﺎﻥ ﺗﻮﻩ ﻳﻜﻌﺪ ﺣﺠﻠﻪ ﺑﺲ ﺧﻄﻴﻪ ﺷﻜﻠﻪ ﻣﺒﻴﻦ ﺫﺍﻙ ﻭﻳﻨﻪ ﺑﻠﻪ ﺍﻧﻲ ﻫﻴﺞ ﺍﺑﻨﻲ ﻳﺼﻴﺮ ﺟﻨﺖ ﺍﻧﻘﻬﺮ ﻋﻠﻴﻪ ﻭﺍﺭﺟﻊ ﻭﺍﻛﻮﻝ ﻣﺎﻗﺼﺮ ﻋﻠﻴﻪ ﺑﺸﻲ -------
يتبع