سيدرا- الايام تمضي تقربت من علي اكثر من قبل
علي اخويه عمره عشر سنين. بس هواي يصنف يضحكني حشاش.
علي يله كوم نتريك
اي ماما وين
ماما جوه يم الحجيه
وانتي ليش مارحتي
كالت ابنهم موجود والبارحه اني منضفه يله كوم
اوك شحنتريك
بيض وبتيته تاكل
اي يله
سويت الريوك وداره على افلام كارتون. يتفرج كدامي صبينا وكعدنا ناكل كال
مشتاق لعمي تدرين
شنسوي غير صارت مشاكل وهمه البيت متروس والا منو يحب يعوف اهله والله اني من اشوفه اتذكر ابويه
ابويه شو جان شكله سدره
ابويه هه باوعتله باوعلي. يتامل ملامحي جاوبت بابتسامه
نسخه منك بس على عده شارب ولحيه
زين وبسام
بسام يشبهني كلش
جنت اتمنى اشوفهم
بسام حتى صوته يشبه جعفر ابن عمي كمال
ههه تتذكرين لمن ضربج جعفر لانج اكلتي حصته بالغده
اي واني مادري لو ادري ماكليتها بس كالولي كلها اكلت اسكت لاتذكرني عوذه من ايام
بس هم نشتاق لاهلنا حتى لخوالي اشتاقيت
اليوم شبيك كبت الحنيه فد نوب
والله مادري
اكولك ماعدك دراسه امي تكول سبوع اليجي تداوم بهاي المدرسه بت الحجيه ساوتلك واسطه
اي ادري كالتلي امي البارحه
بعد شتريد مدرستك صارت ارقى
شلفايده وماعرف احد
هاي شنسوي مو كدامك اني كاعده بالبيت بيك خيو واسالني عن اي فلم واجاوبك تدري تقنت الانكليزي من وراها
سيدره- ايام مرت واني بين يوم ويوم انزل انضف الجوه واصعد امي بكت الموجود ابنها للحجيه. مانزل جوه ماترضه واني اكيف انضف الفوك واضل اتفرج لوين ميجي علاوي يدرس واسوي عشه وتجي امي وانام
ايام عاديه بارده تافهه ماالها معني مجرد عمر. وديمشي اليوم صار عمري 19. صارلنا سنتين احنا بيت الحجيه مرتاحه بس من يجون بناتها البيت ينكلب ومن يطلعون انزل اكربه ابنها مره وحده شايفته من فات علي للشقه مالته ادري بي شالع كلب امه وعده ولد منغولي خطيه شايفته مره لو مرتين بس حيل وكح حتى بالحجيه يضرب وهي تستغفر جنت اتلافاه دائما مالي خلك احد
مرت كم يوم وصعدت ماما كالت
يمه هذا ابت ضياء حيجيبه هنا مرته تريد تتزوج
واني شعليه دتكوليلي
يمه الحجيه وحدها متكدرله تديرين بالج عليه
شنو يمه شنوو شايفته انتي شونه مخبل يوم بس يضرب وعلي اهفه بعجل اصحي لا اخلي يحجي فرنسي
يمه خطيه وين يروح والمره مفضله علينا
يووووو مفضله عليج مو عليه يمه لخاطر الله شنو شعدي
لج يوم غير ويايه تساعديني
وانتيوين ترحين بله
اني بنتها دبرتلي خوش شغل عد عيالها يوم هنا ويوم هناك يمه لخاطر علاج علي وعيشتكم.
وبعدين تخوصرت
هاذ هوه. انتي بيوم الاني مهنا تديرين بالج عليه
بقيت اباوعلها مسحت كصتها وكعدت فاحطه مردتلي كلبي
يمه ليش منرد لاهلنا
يمه وين نرد مرت خالج جلبت لابن اختها تريدج وذاك سكط مايخلف
وعمامج. نسوان عمج شفتي شسوو بيه شفتي ولد عمج شون عاملوج
استغفر الله يمه ليش احنا نذلينا بعد ابوي ليش ماناخذ حصتنا ببيت ابوي ونشتري شي صغير يلمنا
يمه ابوج بايعها لعمج من زمان واني متنازله لان اخويه طاني حصته واشترينا بيها الكوستر وانتي تدرين بباقي القصه
استغفر الله صار يمه هاذ هو. بس شنو اكله شربه
هو وياج شتاكلين وكلي بس هااا اذا اجه ابنها تصعدين وتعوفين كلشي حتى لو اني مهنا
ووين اعوفه
اني كايله للحجيه
اي يمه زين نزلت اني يم الحجيه واني كعدت عالمسلسل اتفرج
مرت كم يوم وامي صارت تداوم عد عيال بت الحجيه واني اكعد الصبح امد راسي اشوف السياره موجوده لو لا اذا موجوده ماانزل واذا لا انزل راسن انضف واكمل وحتى اركب وارجع اصعد جنت ادوخ من افتح ثلاجتهم من الغراض البيها. مرت كم يوم ونزلت لكيت جاهل يم الحجيه توه يخطي
صباح الخير حجيه
هله يمه سدوره. هذا زيوني
ها جابو
اي والله انتي ديري بالج عليه وشتردين تدللين.
ماريد شي حجيه بقيت اباوعله يباوعلي مستغرب جريت نفس وبديت انضف البيت صعدت فوك الحجيه وكت تنضيفي تطب بغرفتها لو تسمع قران لو تقره دعاء جنت اسمع صوتها يكزبر الجلد. صعدت انضف والولد جوه متحرك من مكانه دانضف بغرفه الفوك جنت دائما انضفها كلها هدوم رجالي والريحه كلش قويه. ريحه طيبه ارتب الميز واعدل الكنتور وشيل الهدوم الوصخه واكوي النضيفه واغسل الوصخه. وافرغ الزبل بمره من النرات واتي افرغ الزبل لكيت بيها سبحه صغير بيها ليرات ذهبيه. حبيتها كلش ولانها بالزبل تكهنت مايردوها ضميتها بجيبي كملت تنضيف ونزلت. لكيت الولد مسويه على روحه والريحه تكتل بقيت صافنه هاي الماحسبت حسابها بقيت اباوعله يحك ووجهه معصور تقربت من يمه طلعت الحجيه تمشي على كيفها كوه كالت
هايمه عاشت ايدج
حجيه هذا وين جنطته
يمه هاي بغرفته
كلت بكلبي والله يابه عده غرفه طبيت لكيتها مجهزه تخبل اول مره افوتلها جانت قبل يخلون بيهازالفرش. اخذت حفاضه اله وطبيت للحمام نزعته بقه صافن عليه جريت الحفاضه وسديت نفسي استغفر اللله راسن خليت الصوندر بقيت موجهتها لحد ما نضف المكان عاد غسلتله احساس حلو بس كون يبقى عاقل نشفتله وطلعته شايلته وفتت لغرفته بدلتله وكف يحك باذنه نشفتها زين امشطله واباوعله يباوع بعيني ماعرف شصار بيه خطيه هذا بقيت اباوع بعينه
حالتك احسن لو حالتي شتكول لزمت ايده وطلعت وكلته جان ياكل بنهم الحجيه تباوع وتردد
عفيه يمه الله ينطيج العافيه الله يستر عليج
واني ساكته. مارد غسلتله وسمعت صوت الباب الخارجي ينفك كمزت اباوع عالكامره ابو اجه ركضت باوعتلي الحجيه كالت
ها
حجيه رايحه اني مترضى طلعت راسن فوك قبل ليفوت السياره وصلت للدرج يله هو فات تذكرت من طب لهنا لخاطر الله شكد نكس مادري شون يدافع عن الدوله هذا كبرر حتى كبور
بقيت كاعده كليت البتيته علاوي على جيه طبيت للحمام غسلت وتذكرت زين ههه نياله محاس بالدنيا شكو تقريبا مثلي طلعت ارتب بشعري طب علي يكح
ها علي
هلو سدره
شبيك
صدري قبط
وكح بقوه حنه جسمه. اباوع عالساعه امي بطت هواي غديته وكلسا يكح بقيت اباوعله زرك وجهه للمغرب صار احسن وطبت اني تعبانه بس وجهه يضحك كالت
سدره يوم
ها يوم
هاج باعي شجبتلج علي وين
نام يمه شوي ماله خلك
هسه اشوفه البنطرون ويطيب
بقيت اباوع شجايبه شفتها جايبه ملابس قياسي وقياس علي مستعملات بس يخبلن بقيت اكدر والبس بس المن البسها البسها لروحي وشنو يعني علي كدر بنطرونه مكيف وكعد يحجيلنا عن الولد بهالمدرسه الجديده وشون سوالفهم ولبسهم وحجيهم واحنا نتصنط وكلسا مخنوك وامي تدك على ضهره وتنطي بهالدوه وترجع ليوره وعلي يزيد مينكص ثاني يوم صببح احسن راح للدوام بيومها اني منزلت للحجيه امي النزلت لان ابنها موجود بقيت فوك شوي وجابت امي ابنه كالت سبحي وريكي
اخذته وسبحته وبدت خبالاته
كام يضرب ويصيح بقيت بس صافنه عليه ضربني دفعته قوي خزرته ضل يبجي وكعدته عالكاونتر اهدد بيه بالجفجير بقه صافن كملت تركيب وهو يخاف يتحرك ليوكع اني المنغوليه مو هو شون ذكي
ساعه واندك جرس الترك باوعت من الشباك اباوع سياره واحد يدك الجرس منو هذا من اركز زين هذا علي بالسياره كاعد نزلت زين نزلت ركض فتحت الباب واحد كال
بيت علي
اي طلعت فتحت باب السياره شفته روحه غايبه كال
دفروتي الجهال ونامو علي واختنكت
سوده بوجهي اكثر من ماهو اسود شلته على جتفي رغم طوله بس اني قويه وصعدت بدرج الترك
---
ضياء- بالحديقه كاعد وامي تنك براسي انزوج ووحده تدير بالها على ابنك وهالسوالف واني. ر ااسي صار شكبره ورثت جكاره شفت وحده نزلت ركض من الترك وره شوي صعدت شايله ولد يطلع بالابتدائيه شايلته بتك ايد وصعدت لابسه تراكسود يمكن مال امل شايفه عليها عكدت حاجبي وكفت. امي كالت
يا سدوره شبي علي.
تخربط حجيه التفتت اباوعلها وعلي بيدي هلى جتفي صوت صافوره صدره واصله. لاذني من اباوع الولد ابنها يباوعلي بخزره مدرتله بال طبيت اني شعليه امك مكعدتنا ومو بلاش هم ابنك الخبل وهم بيتكم عوذه شون عالم. امشي ابو العرك
طب علي وراسن خليت الجدر عالنار مالي مي حتى علي يتنفس بالبخار شوي وفار وكام يحر النفس كوه واني وياه
ها احسن
ويرجع ينصي. يجر ويرفع راسه
ها شونك
ماجاي اكدر
اباوعله وجهه ازرك شوي وطبت اني تركض
يمه علاوي شجاك
يوم اختنكت فدوه
امشي يوم امشي. ابن الحجيه كال اودي مستشفى. اخذته امي نزلته من الدرج بيدي شايلته. رفع راسه. ابو زين. زنزع نضارته باوعلي وكال
علكيفج زيوني فوك
هزيت راسي مزلت علي ورجعت صعدت باشاره من امي. بعيونها طلعت وياه امي وراحو. بقيت يم زين كلسا صايح لو يضرب اخر شي زهكت شديته بحبل حتى ليتحرك وكعدت يمه احجي وياه على كيف وهو يضرب لزمت ايده ضربتها ضل يبجي ويصيح. عفته ويطبك طوب تمددت عالقنفه اكلب عالمسلسلات وهو يصرخ
بسسسسس انجب عاااد. يبجي ويجر بالخيط دنجب لك كلبته للبيت كلاب
وهو يعيط بالزايد واني اكلب طلعت اكو قناه اطفال اغاني سكت راسن عبالك يعرفها وكفته عليها وبقه ساكت غمضت عيني اهز برجلي متوتره بالي يم علي غفيت للمغرب طبت امي وعلي وياها يمشي وكمامه على وجهه رايح خطيه منتهي
ها علي شونك
الحمد لله
ها يمه الله يساعدج
يمه هذا الولد نام
اي خرب يومك شك حلكي
خطيه يمه هذا مضلوم
كلنا مضلومين يمه درت وجهي كالت
والله هالضياء وكفته حلوه زلزلها المستشفى حرامات هالاخلاق والعالم تحترمه هيج شراب وابو نسوان
مهتميت غطيت زين وتمددت كالت
مااكلتي
لا مشتهيت
كيفك راح اصب انخرط كلب الولد من الجوع.
شكال الدكتور
يمه زمايل حشه اليسمع ميفهمون شوي والحجيه دكت على تلفون الترك
ام علي زين متجيبي لعد
اي حجيه صار نايم خطيه
ها ميهم جيبي حتى ينام بغرفته
صار اخذته امي لفلفته بالغطا ونزلت فتحتلها الباب اباوع شفت ا ابو واكف بالحديقه ينتضر اني اخذه من ايدها وطب صعدت امي وتفر بيدها
الله يهدي
ثاني يوم امي نزلت من الصبح وعلي نايم بقه ساعه وصاحتني امي من عالدرج
سدره يوم
ها ماما
البسي ونزلي الحجيه رايدتج
اجيت لبست واباوع السياره موجوده شعجب امي حتنزلني وهو موجود اكيد علمود زين
نزلت جوه ارفع بشعري اعدله طبيت المطبخ جانت الحجيه وامي
ها يوم صباح الخير حجيه
هله امي شونج
الحمد لله. يمه ردتيني احجي واباوع عالبيت نضيف شعجب صاحت شفت زين توه كعد اجه عليه يلعب بمداليه السويتر وخرت ايده ورجعها خزرته وخرها
امي كالت
يمه انتي منضفه غرفه ابو زين
اي على طول انضفها. اباوع لاحجيه واباوع لامي امي كالت
يمه لاكيه سبحه على الميوزه سبحه زغيره زمرد وبيها ليرتين ذهب
راسن رديت
اي عدي اني خذيتها
توني احجيها بثقه امي فكت عينها شهكت وضربتني راشدي لزمت خدي متفاجاه رجعت ليوره فكيت عيني كلها بغضب. امي صاحت
اول تالي تمدين ايدج ولج تعرفين شنو حساب السارق ولج قطع اليد
يمه اني. مبايكتها اني لكيتها بالزبل وعبالي ميردوها. صرخت صوت ورايه كال
هاهي تركيها ام علي مالها قيمه
انداريت شفت ابن الحجيه عاكد حاجبه يباوع لامه نترت بي
تره اني مبكتها شفتها بالزبل من دافرغ الزبل وشلتها كلت ميردوها هسه اجيبها معايزه عليها اصلا لو ادري بيها الك مااخذها شلي بهالنكاسه ابتعدت من يمهم موجره اول مره امي تضربني وكدامهم النوبه تخبلت اباوع الولد فك حلكه خزرني مهتميت ركضت جبتها وجيت خليتها عالكاونتر
هاي سبحتكم واني مو بواكه والبيت بعد مافوته رد كال
تعاي هاي ويامن تحجين ويايه لو وي الحجيه
التفتت عليه عيونه تخوف. جاوبت لامي العبالها بكت بقيت فاكه عيني بعصبيه
عمي منو كال بكتي توني اكول لامج اني ذبيتها بالزبل تذكرت. وبعدين شنو تكولين استنكس
تقرب وهو ياشر بيده رجعت ليوره اباوع لامي. وامي تاشرلي اسد حلكي سكتت امي شكد ما حنينه بس اني مافد يوم كسرتلها كلمه مو خوف لا بس شافت ضيم هواي بحياتها ماريد ازيدها عليها
كال
مو زين ملفيكم ببيتي غصبا عنج تجين وتنضفين وتديرين بالج على زين لان كاعده ببيتي فاهمه اعتبري اجار
رفعت عيني بعينه خازرته. عكد حاجبه صاح
نزلي عينج شنو هالصلافه
باوعت لامي اريدها تحجي ماكو اخرست. حسيت احد يجر ببنطروني من وره. التفتت زين باوعتله جر ايده رجع يضرب هاي عادته من يريد شي نصيت عليه شبيك نترت اشر عالكورن فليكس
ابو بعده واكف صبيت الكورن فليكس ىدرت حليب تحت انضاره العصبيه واني والحجيه ساكتين شلت زين كعدته ياكل وعفت البيت وطلعت اسب بروحي وابويه واخويه وحتى امي شوي وصعدت امي عاد اني انفجرت بيها
يمه هيج تسوين بيه وروحه لابويه ذاك البيت مااوصله
يمه كعدي خل احاجيج
ماريد احجي
يمه بس دافهمج
داكولج ماريددد مااوصل بعد وزين جيبي هنا ادير بالي عليه امي الت
اي هذا هو
بقيت اباوعلها بغضب كالت وتباوع بعيني
يله هاهي ميخالف
شنو الميخااااالف تضربيني كدامهم وهذا السكير ابو النسوان تخلي يصيح عليه كالت
يمه ضربتج اكسر عينهم خجلت منهم
ها وتخجليني. اني عادي
عذريني يوم
تقربت باستني بردت حضنتني كالت
يمه تخبلت من عرفت ماخذتها
هو طيتيني مجال انتي
ولج هو مدوخن مال شرب صفن كال ام علي تره اني صح ذابها بالزبل بتج مبايكه
بقيت ساكته طلع علي يكح وكوه يجر النفس طته امي دواه شوي وفك كعدت اتفرج مسلسلات حد وكت النوم وزين يمي يلهب بالعابه وكلسا يريد يكوم واهدده اربطه ويرجع يكعد اخرتها بجه. طكت روحه درته عالقناه مالته وسكت تمدد يتفرج ساكت موقف اليوم هزني كرهني بيهم كلش بس زين ماله ذنب البيه كافي فوك قهره شوي ودك جهاز الاتصال الحجيه
كالت
ام علي وينج
ها حجيه كولي اني راحت نامت
يمه زين وبن
حجيه نام عوفي مرتاح
ابو يريده قبل ليطلع للشغل يشوفه منا لسبوع اليجي يله يرجع ينزل
حجيه غافي
ها يله تركي
باوعت من الشباك شفته طلع بزي عسكري فاتح ساده يمشي بثكل وصعد بسيارته العاليه بيكب عاليه وطلع.
شكد چلب
ثاني يوم توسلت بيه امي قبل لتطلع بيت العلويه. انزل جوه انضف ونزلت كربت البيت الحجيه تقره قران بالغرفه كملت وريكت زين وراها سبحته. طلعت الحجيه كالت
عفيه يمه عفيه اكول سدوره
نعم حجيه
اكولج يمه انتي ليش متتحجبين
حجيه اني بالبيت مطالعه وماحب الحجاب حجيتها ووكلت زبن لكمه كالت
انتي تصلين
رفعت راسي باوعتلها جانت لابسه جادر الصلاه وبيدها السبحه نصيت مجاوبت كالت
داانطيج سبحه بعد احلى من مالت ضياء
بقيت منصيه كلت
حجيه اني مبكتها
ادري يمه ادري
ماريد سبحه لخ
زين براحتج. طبت سمعتها تقره دعاء صوتها جان كلش حلو بقيت اليوم بهذا البيت السكير مراح يجي اسمع صوتها وترتاح اذني صوتها حنين كلش شوي وكالت
سدوره
هاي حجيه
تعاي عبالي رحتي
لا بعدني هسه اروح
لا ضلي هنا علي وبعده مجاي من الدوام
اي اوك كالت
هاي امل جابت تراكسودات وملابس صغرانه عليها كالت انطيها واني ضميتهم الج
بقيت اباوع بعينها جريت نفس هزيت راسي اوك اباوعلها ومكان صلاتها ابتسمت كالت
كعدي ماما اذا تردين كعدت اباوعلها وزين لاطش بيه ويجر خزرته هد هدومي وعافني رجعت باوعت للحجيه
كالت
شبيج
حجيه انتي هم تشوفين منامات
هه شون يعني
مادري جان اكو بالحسينيه وحده مثلج تصلي هواي تشوف منامات انطيها شي من اثر ابويه وتشوفه بالنوم
تردين تشوفين ابوج
سالتني وتحجي بهدوء
اي اريد اعرف مرتاح لو لا
زين اقري قران واهديله
هزيت راسي استمع مالت
انتي تفرحين اذا احد جابلج هديه بقيت اباوع بعينها حايره
كالت
الميت يفرح بالهديه وخصوصا اذا جانت تلاوه قران
اني اهديله الفاتحه يوميه قبل لانام
اي زين هسه انطيج قران وسبحه جديده جبتها من بيت اللله
بقيت صافنه عليها فكت الكنتور مالتها وكبت ريحه تخبل باوعتلي كالت تعالي
تقربت بثكل يمها كالت
اختاري وحده من ذني السبح. ذني كلها من رحت للحج جبتها
بقيت حايره الوانها تخبل كالت
باعي هاي اللي بالقوطيه هاي من تسبحين يطلع منها عطر بس كون ترجعيها لقوطيتها لانها تنشف
هزيت راسي واباوع كالت
هاي زمرد نفس الحجر مال سبحه ضياء
اريدهاي باوعت بعينها ابتسمت هزت راسها
اخذيها بالعافيه بس واعديني تسبحين
هزيت راسي كالت
استغفار وتهديها لابوج
ادري امي تسويها
لعد انتي ليش متسوين
هزيت كتفي مادري
سويها وهسه يجيج للمنام يتشكرج وكولي الحجيه كالت
هزيت راسي اوك
عدج جادر صلاه ايزار يعني
بقيت اباوع بعينها كالت
هذا هم ايزار حتى تصلين بي تعرفين الصلاه
بقيت اباوع بعينها هزيت راسي اعرف بس مضابطتها
تردين اعلمج
لا ماريد
كيفج مسحت على راسي هدات اعصابي باوعتلها
حجيه انتي ليش ساعدتينا
يمه شمساعده لا مساعده ولا شي انتو مساعديني شو اني كاعده ملكه وانت احسن من بزرتي تداروني وهالولد انتي شايلته مخلصتنه من هوسته ووصاخته بعد شكو حتى هو يخاف منج لا مساعدتكم ولا ابد واذا عالبيت الكاعدين بي. شو هي غرفتين وصاله وهو جان متروك. للمكسرات اقلها انتو كاعدين بي مونسيني معليج بحجي ابني هذا مخربط
هزيت راسي كالت
هذا ديلعب بالكاونتر الحكي ركضت صحت
زيوني فز وبجه رجعت الغراض شلته نفسيتي ارتاحت باوعت للحجيه تبتسملي وتهز راسه بالموافقه طلعت من يمها. وصعدت فوك صافنه بحجيها واباوع للسبحه وزين يصيح. شغلتله تلفزيون كعد يلعب ويتفرج وكلسا يلعب بشكله واعيط بي اخر شي تعبت ربطته بجه وضل يبجي اخر شي طلعت اغنيه. بقناته يحبها ونسه الحبل اجه علي تغدينا
وعدت الايام واني نفس الحاله. بس تغير بيه شي واحد كمت اسبح يوميه واهديها لابويه واخويه قران مقريت بس من اسبح دموعي تجري اني ابد مكمت ابجي من وفاه ابويه شو من لزمت السبحه وهديتله بجيت اخجل اطلع السبحه كدام امي ضامتها جوه المخده كم يوم وحلمت بابويه يحاجيني واني فرحت حيل ابوس واحضن بيه مشتاقتله وهو يبتسم كعدت من النوم الفرحه مسايعتني نزلت جوه الصبح انضف بيت الحجيه باوعتلي كالت
وجهج منور اليوم
بقيت اباوعلها بخجل كتلها
اليوم شفت ابويه بالنوم. كلتها بخجل. فكت عينها
عليج الله
والله ابتسمت ونصيت كالت
باعي وصله التسبيح والقران
مدااقره قران
ليش يله براحتج اني اليوم اهديله جزء شسمه شامل ابن منو جاوبت بلهفه
ابن فتحيه
الله يرحمه
نصيت راسي كالت
يمه اهديله الضاهر محتاج لدعاكم وامج خطيه متعوبه تركض لعيشتكم
هزيت راسي اي كملت تنضيف دااصعد كالت
تعالي سدوره
نعم حجيه
هاج هاي الج باوعت بيدها خلتلي 25 رفعت راسي جريت ايدي
حجيه ماريد موزين منج مكعدتنا ببيتج ماريد ممحتاجه امي ممخليتنا محتاجين شي
بقت فاتحه حلكها طلعت من بيتها وزين ورايه صعدت فوك مريت بحاله عايشه وي ابويه اكثر من بالواقع كمت على طول اشوفه بالنوم زيدت تسبيحي واني خطيه تطلع الصبح ترجع. بالليل نكضانه وكلشي تجيب وياها شامبو جانت متجيبه كلمت تجيبه ريحته تخبل شعري ملفلف صار نااعم عليه نساتل حلويات. تابعت قناه مال طبخ كمت اتعلم اسوي كيك وهالسوالف ومطبخنا بي فرن ومن تصير تعلمت اكول هاي هديتها لروح ابويه واخويه
وانزل منها للحجيه وناكل احنا هم امي مكيفه بيه ومن تطلع تكولي
شجيب ويايه
وانطيها قائمه بس ماضايقها. ادري بيها عالكد مر شهر على هالحاله ابن الحجيه من يجي مافوت لبيتهم وزين يبات عدنا لحد ماتجي امي تنزله لو. علي ينزله شوي ويصعد تعلم يمشي وحتى كلامه عبالك بده يحجي صح بثكل بس مفهوم يكول بيبي يكول سدوره بس بلغه اطفال ومن تركز بيها تفهمها كمت افتهمه واحب اكعد وياه وكل يوم الصبح علمتني الحجيه اكول
ربي اهدي ثواب تعبي بيومي الى روح والدي
كمت من اداري زين ادراري من كلبي احس ابويه يباوعلي واكول وي روحي بلكن يجي يوم وياخذني. يمه واكيد يعرف بيه شكد درت بالي على هالمعاق لاجل اجره هدايته اله
جنت اهدي لبسام اخويه هم مرت كم يوم وجتني امي تباوعلي وتتصفن
كعدنا نتعشى لان بس بالعشا نلتقي كالت
يمه سدره اريد اكولج شي
علي رفع راسه باوعلي وباوعلها
ها يمه شبيج احجي
يمه متردين تتزوجين
شنو شتزوج يمه
عادي البنات اللي بعمرج جهالهم بيدهم
بقيت اباوعلها عاكده حاجبي
كالت الحجيه كالت
جايبتلها نصيب
فكيت عيني باوعت لعلي يضحك كال
حتعرسين ويركص بحاجبه
انجب يمه. وين اروح اعوفج
ماما هاي سنه الحياه
بقيت ساكته كالت بحيره
عرفتي منو
منو بقيت صافنه كالت
لضياء ابنها
اووع هذا شنو سكير اسكتي يمه الله عليج سكتي اني من اشوفه حشه اليسمع. يكرم الله اتفل صفح يلعب روحي
يمه شون ميكون سند اني مدايمتلج وهو شوفي شكد اخلاقه سكط بس ممقصر وي ابنه وامه رغم كلشي
ها وتنطيني لسكير يوم لاعيني ماريد مو بعيده يجيبلي وحده للبيت يمه لخاطر الله صدك تحجين
يمه المره كالت ام لابنه تصير وزين تعلم عليج
هو اني عايفته ماريد يمه وكوليلها مو لان احنا فكر نقبل بهيج شكول
يمه هو يشرب ميضر غير روحه واني قبلت حتى يكون عدج علم
بقيت فاكه حلكي
كالت
لتصفنين ولاابد اصلا الرجال بالاسبوع يومين بهالبيت والناس شايلينا عيب يمه
يمه اني مقصصررره صرخت مو اكرب كراب الزمال وزين لاطش بيه تدرين موريني الويلات
هاي يمه شنسوي لعد تحملي وسكتي
ماريددد صحت
لعد نرجع لاهلنا احسن شي واني تعبت بعد
بقيت صافنه وين نرجع بيت خالي
لا اوديج لعمامج واني اروح لاخويه
تعوفينه يوم
يمه تعبت مابيه شده بعد والبني ادم عضمه ثكيل
بقيت ساكته حيرتني كالت
خلصي وننزل جوه الحجيه تريد تحجي وياج
بقيت ساكته ونار بكلبي صارت ربي مدتشوف دخذني لابويه وخلصني
---- ضياء.
مرت ايام وامي مشت على غير مره ومقبلو بيه ومشيت على وحده لخ كالت مالي دخل بابنك ومقبلت على شروطي جنت مرتاح للسالفه ومنا امي لكت وحده تضل يم زين مرتاح حيل ام زين تزوجت وتركته ومن اباوعله روحي تلوب وكانما ضريبه اغلاطي يدفعها ابني
بعدني كل اسبوع شرب ونسوان اروح بيت بهاء وكل ميخابر اكوله متاجر بعده واني مرتاح بي حتى القطعه شايلها وفجاه رجعت للبيت لكيت العينتين لاميتلي خوش سالفه وامل ورفل جانو عدنا
وانفتح الموضوع
يمه مدام خواتك هنا اريد احاجيك
ياستارررر باوعت لامل ببختج اموله
شبيج يوم توه جاي
يمه مكلنا شي هو اني وين شايفته هسه يسبح ويتحضر للكوا-- ويطلع ميجيني الا باجر
شتردين يمه كولي نترت
يمه لكيتلك التتحملك
اهووو هاي مراح نخلص احنا
دسمع مني
نسمع يمعوده
باوع انت مو تريد وحده ام لابنك
اييي باوعتلها معاجبني
واني لكيتها وبعدها صغيره وحلوه وام بيت وشتريد تقبل
وهاي منين نازله من الجنه
لا من الترك هههه انول عليك ضاوي
باوعت لامي وباوعت لامل امل كالت
يوم بس لاقصدج على الخدامه
مو خدامه هي جانت مدلله ابوها بس الزمن فرهم وبس هاي التكرص وي اخوج
يوم تتشاقين مو بابا هاي خبله ولسانها شطوله
انت العاقل سكير ابو النسوان.
صيحت
يمه شتردينننن اطلع من البيت ماارجع بعد فهمينيييي كمت لزمتني من ابدي كالت اكعددد
كعدت على اعصابي امل ورفل نصو راسهم فشلو من تصرف امي ومن صحت البنات مقبلو .
امل- يمه صدك تحجين يعني
اي وشبيها رفل ستكولين
يمه هاي خدامه تزوجيها لابنج شون يصير باجر عكبه يصير عده اطفال منين من بت الخدامه
وشفادته بت العز عيني شي ثاني هي البنيه مجانت تخدم بس غير الدنيا لوتهم
يمه ابنج نقيب تعرفين شنو نقيب تره ميصير
اوهووو واذا مو نقيب وشربه ومكسراته هاي منو التتحمله
امل- والله العضيم اذا طببتيها للبيت بعد مافوته
ولتفوتين شكو عليكم كلمن مرتاحه ببيتها واني لايصه بزين وابو
ضيا- بقيت اباوع لامي جريت نفس وتذكرتها شون متعلق زين بيها وشون تعرفله تذكرت من تهموها بالبوكه وراسن كالت اني اخذتها مكذبت وارجع واكول خدامه صفنت بيني وبين روحي كمت فتت للغرفه افكر
هاي لو شماسوي متكدر تحجي تنجب وتسكت منو تحلم بهيج عيشه وهي جانت ميته جوع اخذها شو هي حلوه وصغيره وجسمها مال نسوان تتحمل امي وزين وشما اسوي متحجي متضل تهوبز وين جانت تحلم بهيج عيشه وره ساعتين تفكير طلعت من الغرفه
يوم
ها يمه
ها راحو خواتي
اي راحن
يمه اني قابل على بت ام علي بس لازم احاجيها
اي شكو منها هسه اكول لامها بس منهسه اكولك موافقه على كل شروطك
وشون عرفتي باوعتلها مضيق عيني
لان اصلا هي لباب البيت متطلع ابد وابد متتدخل ولا تحجي تجي هنا النهار كله حسها ميطلع.
بقيت ساكت ماشي رفعت تك حاحب ماشي خل نشوف بس لسانها تره اذا تجاوزت امصه فهميها وضعي ومكانتي
اي تدري لتخاف -----
سيدرا- نزلت وي امي لاحجيه وانفتح الموضوع واني نار واباوع لامي تضحك تكولها لتشيلين هم حجيه اني محجيت شي بس خل نشوف منو اليقبل بي
مرت كم يوم وصعدت امي متلهفه كالت جيبي زين وتعاي ابو يريد يحاجيج
شرايد
سدره لسانج تره اكصه الج اريد ارتاح تعبني حملكم والحجيه تكلفت بعلاج علي وبينا اذا صرتي يمه خليني ارتاح والله وحع بكلبي ديصير على ساعه اموت خليني اطمن عنكم
لا عدكم اهل براسهم خير وابوج عافكم وراح ريحيني يمه
سكتت بعد هالحجي شكول بدلت ونزلت جوه وي امي وشايل زين نزلته ركض جوه البيت طبيت وره اني بثكل اباوع لسيارته موجود بالبيت
طبيت الحجيه كالت
تعاي ام علي هله سدوره ماما شونج
باوعت لا رجاء الغرفه وباوعتلها جاوبت
هله حجيه كعدت مجان اكو احد غيرنا ضياء ابنها موهنا
كالت
يمه كالتلج امج
نصيت راسي
لتخجلين مني اني مثل امج
هزيت راسي اي حجيه كالت
وشتكولين
باوعت لامي وجاوبت
حجيه اني مقابله بس امي تعبت
واني احطكم بعيوني شتريدين وانتي ست العرايس
جريت نفس رفعت راسي كالت
وهاي اجه يريد يحاجيج
انداريت عليه بداخلي
والله انته ونجومك متهمني باوعلي بحيره كال
من رخصتج ام علي تعاي سيدرا خل احاجيج
وكفت جريت نفس باوعت لامي بغضب وطبيت وره للهول الداخلي كعد عالقنفه جان لابس تراكسود رصاصي واني لابسه تراكسود مال اخته. زيتوني وبي ورد اصفر بي عرض رفعت راسي ليفوك اباوع الثريه ورجعت نزلته جان ديباوعلي رافع تك حاجب
شنو
حك شاربه كال بحزم
زين تعلم عليج
هزيت راسي ونصيت
انتي شكد عمرج
19
همم زين شمكمله
ثالث وبطلت احجي ومنصيه من سالفه خجل لا بس على اعصابي داحاجي
زين وين جنتو كاعدين
باوعتله
يعني انته تعرف المعلومات كاله ليش دتسال باوعتله رفعت تك حاجب عكد حاجبه وضيق عينه كال وقرب جسمي على ركب رجله
عدج علم انتي وكحه
ادري هزيت راسي.
باعي اكولج اني شروطي اعتقد امج كالتلج عليها وصايرلكم سبوع تحجون بيها وفاهمتها زين
ياشروط هاي على كيفك ومن كالك صارلنا سبوع نحجي بيك اول بارحه كالتلي وبعد مفتحنا موضوع همست. ناطي لروحك اهميه زايد عن اللزوم
وكف بعصبيه كال
اكولج انتي شايفه روحج لو اهلج مربوج لو متعرفين تحجين لو شنو بالضبط
مشايفه روحي واهلي ربوني تره همست خفت لاامي تسمع لان هو كام يصيح كال
اولا طلعه من البيت ماكو. ابدد ومالج دخل بيه اطب اطلع ابد ما دخل بيه ومتسالين ولا يطلع حسج
رفعت عيني اباوعله معاجبني فك عينه كلها شفته راح يتخبل نزلت راسي صدقا خفت كال
مفهوم الكلاه
هزيت راسي شروطك حياتي العاديه بس اني هم عدي شروط
ههههه لا والله وتتشرط بعد
اي طبعا مو من حقي لو لان بت الخدامه
بقه ساكت يهز برجله بتوتر كال
شنيه بله
تترك الشرب باوعت بعينه اني تلعب روحي بقه يباوعلي كال
تدرين اني بحياتي مشايف هيج وكاحه لج اني خواتي اكبر مني يتراجفون مني بس امي الكادره عليه بهالدنيا زلم زلم. مرجف شواربها فانتي لو
ماعدج شي تخافين عليه لو ممتربايه لو زعطوطه متعرفين تتصرفين واني ذني الثلاثه متصرفلي مادري شون مخلي ابني يمج
ضحكت ونصيت
همس ونصه لمستوايه
علشنو دتضحكين
باوعت بعينه هو ابنك خبل رفع حواجبه ثنينهم ومد شفته بطريقه المادري كال كومي روحي اذا رايده روحج واذا عدج كرامه اخذي امج وطلعي من البيت وانعل ابوج لابو الرادج والجابج عليه اخلاق سزز
نترت لتغلط على ابويه فاهم خزرته وطلعت من البيت ركض فزت امي كالت
ها سدوره ياستار سدره لحكتني وصعدت فوك ورايه واني طلعت الجنط مثل المخبله والم بالغراض واصيح واعيط وامي تحاول تفتهم واني حتى هدوم العليه شكيتهن صرت نار -----
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!