رواية من انت لتكون انا الفصل الحادي والعشرون 21 - بقلم حسين

ادعي يجون الولد مابي شي بس

دفعني وراح وزين مفرفح والصياح بالبيت مال حارس راسي حيطك كلسا وعيني تغوش. والحجيه بصفي وتردد ربي اني مسني الضر وانت ارحم الراحمين. بقيت اباوعلها ابتسمت وعيونها خايفه كالت امي اكعدي بقيت اتلفت حتى امل ساكته خايفه. اخر شي اجه اوس بالفانيلا والشورت كال

يابه. البيت مابي شي بس الفوك احترك وطفو الاطفائيه امشو هناك بس كهرباء تره ماكو بينما ما اسوي الوايرات. والكهرباء امشو يله
باوعلي كال
سيدرا لتخافين تره مبي شي

هزيت راسي ماريد احد يصيحني بسمي خلوني بين النايمه والميته. والله هيج احس روحي وجع جسمي ورخاوته و صوت اللي دااسمعه مثل الصدى صراخه براسي وهو يستنجد بيه كلسا افز وافرغح ابجي اتخيل دييحترك ويستنجد بيه رجعنا لبيتهم. ندى كعدت يمي تهدي بيه وحتى رفل جتي شوي وطبو بهاء واحمد وضياء بهاء جان بالشغل بس من سامع راحله كبل للمستفى. وكفت ركض لمحت ايد زين ملفوفه كلها ونايم على كتف ابوه. اريد اوكف روحي مكدرت ركضت عليه
زين

اجاني ضياء مسنتر. كبل من باب البيت يمشي سريع تجاهي. عيونه مخوزره وحمر دم وزين نايم على كتفه ميتحرك غافي من التعب مال بجي وصللي ضياء وراسن ضربني راشدي صاح

رابطته بت. القندرررره رابطططته. حتى يحتترك زززين

من ضربني انركعت بحايط الطرمه النثر كلها
صاحت ضييياء عوفها
محددد يتدخل

رجعت جيت عليه

طينيا

وخررررري. عننه بت المصمووط.
باوعت بعينه مدمعه وصايره حمر بهاء جره نفره صحت بعلو صوتي

من ورااك كل الصار. من وراك. انت النذرت وحلفت لرب العالمين متعيدها ورجعت عدتها. انت من وراك هيج صارر. بابنك
لزم فكي قوي وركع راسي بالحايط جره اوس قوي ووكفت بوجهه خلاني وراه اني لزمتي الدوخه وعيني على زين اللي نايم

اوس- وخرر عنها شنو متخاف الله

انت مالك دخل محد يتدخل

بها- ضياء. اذكر الله واحمده وشكره واستحي انت القافل الباب عليهم وهامل الوايررات صارلها كومه اكولك بدلها بدلها

واني عدددددي علم الغيب حتشغل السبلتتتت عالتدفئه. بعده الجو مباررد هي الهاملللته مكيف بروحي جايب مربيه لابني وتزوجتها وكعدتها ببيت لج اليوم احركج احركج
رجع. تقدم وكلهم صاحو عليه كمت اباوع بالوجوه حتى امل ميته خوف وساكته وتتوسل بي يهده. لزمني من فكي ديجرني بهاء حسيت جسمي حيلي راح انهديت دخت ووكعت بيد بهاء كمت مااسمع شي

حسيت نايمه بفراش غرفه ضياء القديمه ومتغطايه فكيت عيني ضياء نايم بالكع وزين نايم يمي اريد افتح عيني كلها مااكدر. شخير ضياء عالي. جسمي مبنج رجعت نمت حسيت بالليل باوعت لزيون يشرب حليب من ايد ابوه ضياء بعده ببنطرون الشغل وملابس فانيلا واني بتراكسود اوس وكلشي ملابسه جواه

جسمي مديعينني اكوم حتى اروح الحمام
باوعلي ضياءودار وجهه رفع تك حاجب. زين كال

ماما
مكدرت ارد رجعت غمضت كال

ماما چو

اختنكت كلش ردت ابجي حتى وجهي انعصر بس مطلعت دموع اشهك ودموع ماكو مكدرت افتح عيني واشوفه متاذي من ورايه

اجه يمي ضياء كله

تعال بابا يمي عوفها
بجه وضل يردد
ماما ماما
تقرب مني كلش اخذ ايدي خلاها على اذنه مكدرت افتح عيني كمت العب باذنه رجع غفه من تغيير صوت نفسه اسمع تخركات ضياء الهادئه بالغرفه سمعته طب سبح بحمام الغرفه وبعدها خسيت بغطه صار علينا اني وزين غفيت ومدااكدر اشيل راسي نار احس تطلع من جسمي ومنمله اطرافي حسيت نام يم زين بهدوء فكيت عيني شفته جر ايده المحروكه وخلاها مرفوعه حتى ميطخ بيها ونام يم زين عالجربايه خليناه بنصنا رجعت غمضت عيني

ضياء- حسيت صوت بره بليل نزلت عطور جايه باوعتلي كالت

حمد الله عسلامتك

الله يسلمج

الحجيه- يمه حرام عليك. قابل هي شمدريها. رابطته حتى ميروح على جدر الضغط

منو كلج انتي

ندى- خالو اني حجتلي كلشي من رحتو للمستشفى كعدت اهديها كتلها احجيلي شصار حجتلي
ايييي

اي خالو والله كالت زين خار بجدر الضغط شكله غريب نيمته بس نومته موثكيله وفتت للحمام دااغسل خفت ليروح عليه وربطته بينما ماخلص غسل وصار اللي صار

فركت وجههي ورفعت راسي ليفوك احجي بداخلي ادري عقاب منك لان كسرت نذري بس الطفل شنو ذنبه يتعذب

امل- يابه هي صغيره مو مال تدير بالها على طفل
بها- امل سدي حلكج دديري بالج انتي على بتج اول
دايره بالي والله
لا والله خلف الله على امي مره شكبرها تضل يم بتج من تروحين للدوام. ولو ما نوبات عطور سكتي عمي خافي الله خلو الله بين عيونكم

لك ضياء لو مالبنيه انت وين جان خليته متتذكر شون اجه من يم امه نسييييت

لا منسيت. بس هي منوره اهمالها الولد احترك

مهاملته الولد حرش ميكعد وانت تدري بس ديكولولك فايته تغسل وخايفه ليروح على جدر الضغط هسه موضوع وخلللص حرام عليك البنيه يتيمه لو لان مالها احد تطيح حضها والله العضيم ادز على اهلها ياخذوها اذا بعد اذيتها
سكتت بقيت اباوع بالوجوه امي لازمه السبحه وكاعده تباوعلي باتهام. نصيت راسي دافوت للغرفه اوس صاح توه طاب

ها يابه ضياء

ها بقيت اباوعله واتخيله يلبس مرتي نار صارت بضلوعي درت وجهي لعبت روحي من كلشي كال
وصيت ابو محمد من باجر يبلش بالترك.

هزيت راسي تعبان بقيت اباوعله فهمني من نضرتي. كال

يابه مديت الدرج اني واحمد اخذناه من الاطفائيه. صعدتوكسرت شباك المطبخ احمد واكف كدامك ساله اخذت زين من ايدها ومقبلت تطلع كالت عوفوني بقيت احاجيها كالت. --- ملابسه
ةكالها ونصه راسه. اريده يسكت مسكت.
عاد نزعت هدومي وطيتهيا الله يشهد عليه نضره منضرتلها حالها حال اختي والله لبست بسع واني الدخان عماني واخذتها ونزلتها القران لو مره غريبه هم نفس الشي لسوي

هزيت راسي بتعب عفتهم وطبيت اباوعلها بتراكسوده نايمه اريد املخها املخ روحي تقربت يمها اباوع وجهه مصخم بعدها بتراكسود اوس تخبلت اريد تنزعه بس مكدرت ولا تجرات اتقرب والمسها كاره كلشي

نمت يم زين للصبح ضل زيون يحوص

ها بابا شبيك
انوو؟
ديله كوم على انو كول لعمه عطور عمعم
ايي. ماما كوم

عوفها يابه عوفها دير بالك ايدك حبيبي

اواه

اي بابا طلع بقيت اباوع. بوجه سيدرا مصخم مكدرت انام بالي ين زين كمت سبحت ولبست من هدوم اوس وطلعت عيني على زين سويتله ريوك عطور دتشيل بغراضها تودي لبيتهم الجديد. وزين يلعب وي انو وبت امل حارت شسوت تخبث بينهم. واني ساعه افك زيون يلعب بس بس تعبان كلسا. يفز من ايده تطخ بشي ويبقى يبجي واشيله وافتر حد مايسكت. للضهر تعب امي تراقبني وتسولف ويايه تبسمر عالشرب واني مثولها امل جتي من الدوام
هلو السلام عليكم

هلاو الحكي لبتج بدليلها تره ريحتها تكتل

ليش.  سلامه مجتي يوم مجتي سلامه

لا امي مجتي والمره  هنا تنضف مو لبتج مربيه. والله دتموتيني

اي شسوي يعني شونه ابنك ضاوي

زين الحمد لله بس كلسا شايغه روحه
شو سيدرا  مويمه

لحد هسه مكامت امي تكول مهبوطه عوفها ترتاح

اي بس لتعودها. 

الحجيه- انتي مالج دخل دير بالج على بيتج بس  

ضيا-   للعصر زين خنطل.  شلت هم شون حغيرله  الضماده  ويرجع يفرفح سيدرا مكامت اروح واجي وهي نايمه حتى حمام مطبت مي مشربت

يووم
ها امي شبيك

يمه. ااتعاي  شوفيها 

استغفر الله.  جيت يمه جيت.

صعدت امي وصعدت وراها. بعدما.  بدلت ضماد زين وبهاء لزمه الي واني اسوي العلمني عليه الطبيب ونطيته الابره. وفرفح لحد ما كال يا الله بس  

يمه سيدرا سدوره لك يمه هاي غاديه نار على بختك

شسويلها متكوليلي بقيت صافن عليها وجهه احمر وشفافها مفطره
لك يوم بدل هدومها هذا نايلون اللابسته. مطري  هسه يصير بيها شي للبنيه

بقيت اباوعلها. باوعت لامي تباوعلها حايره كالت

يوم. خابر  امها. اني مالي شده والله العضيم رجلي متشيلني وانت  واحد ضالم  ميبين بعينك الزينه بروح. ابوك خابر امها

فركت وجهي والدك مال عماله يدك براسي يرممون بالترك اللي احترك بقيت اباوع لسيدرا.  مهتميت لحجي امي   زين راد  ينام تعب من البجي نيمته يمها ضل يحشك روحه بيها ويرددماما.  وهي فاصله. طلعت لامي  
يوم حروح لبيت عمار صاحبي ادز على عمته دكتوره شوف شوكت يصيرلها مجال تشوفها

اي يمه فدوه لعينك

جريت نفس اباوع. لروحي واصفن اني شسويت بيها  حابسه وهامل  الكهرباء وفوك كل هذا. اضربها واحملها ذنب ابني اللي احترك من وره كسري للنذر كرهت نفسي بس ببالي تسامح ترضى بسرعه اجتي عمه صاحبي وكشفت عليها كالت

حمى قرمزيه.  صخونتها 39
نطتني راجيته وراحت  رحت اخذت الدوه من الصيدليه ورجعت سلمان خابرني سمع بالصار وتخبل خطيه لزم بمكاني مناوبه   رجعت شفت زين محشوك بيها  ورافع ايده
سيدرا- حسيت بنغزه ابره فزيت  فكيت عيني كوه باوعتضياءديذب الابره بالزبل باوع بوجهي بقلق تقرب لزم كصتي رجعت غمضت رجعت غفيت

سيدرا سيدرا كومي بدلي. استغفر الله.  طلعت ندى بوجهي صارت كالت

خالو شونها سيدرا

والله خالو مامو فاصله فدوه نداوي فد دشداشه من امج من مرت خالج تره مبقه اي شي من الملابس

اي خالو هسه.

بيني وبين نفسي همزين الفلوس بقاصه ضد الحرق جان راحت حتى فلوسي  الله سترهم والله جان راحو   الف الحمد لله خجلان حتى احمد الله واشكره.  خجلان حيل جتي مدى تركض وبيدها الدشداشه اخذتها منها
وفتت عليها  بقيت اباوع عليها نزعت كلو التراك. وفتحت السحاب بعدوء كلشيييي ملابسه جواه تركتها مدري شصار بيه وخيالي يكول اوس شافها هيج ناس بضلوعي سرت رجعت عليها نزعتها راسن ولبستها ونزلت البجامه   وغطيتها وتركتها.  شعرها مبلل منده وميبس والريحه مال شامبو  قويه     البس وهي روحها سايحه ماكو  استجابه شنو من صخونه.   رجعت نمت حتى متغديت عالريوك.  نمت يم زين لزمت ايده خاف يحركها بله ميدري  وتشوغ روحه شوي وردت اغفى اني ومخلي ايدي على عيني وسمعت صوتها

زين. زينوينك ماما لتحترك ززين

فكيت عيني وخرت ايدي من عيني بقيت صافن نقاط عرك على كصتها متوزعه كمت اباوعلها لزمت كصتها نار خليت الكماده الحاهزه. الاخذتها من الصيدليه. اباوعلها تبلع ريك وشفافها حمره مفطره من الصخونه. شربتها مي شوي رطبت شفتها. شربت وكحت وتردد

زين ماما وخر تحترك
جريت حسره. تندمت عالضرب  الضربته  الها  رجعت فقدت ورجعت نمت   حسيت الفجر تتحرك وتتغطى باوعتلها ترجف لا يا الله شبيها هاي غطيتها زين بقت ترد.
زيوني ماما

زين فز اجه يمها

تعال ماما بحضني

تقرب يمها حضنته ويرد

ماما اواه ايدي.  سيدرا لكت بزين كل الحنان الفاقدته تخاف يصير بي شي  ومتكدر  تعيش  وراه. فقدت هواي بحياتها وتخاف تفقد بعد. زين حاسبها امه وهي حاسبته كل  حياتها  اني شون حملتها ذنبه.  الجزء الحي من ضميري انبني. اكو شي بكلبي جبير ناحيتها  مراقبتي الها واشتياقي خلاني  اخلي  كامرات مراقبه  خلتني استمتع بمراقبتها. تفتر بالبيت وتلعب وي زين وتوكله تاكل تنضف تمسح كله تحت عيني تغني من تنيم زين   شي بكلبي دك شي بداخلي. تكون الها   خلاني اشتاق ولو مااكدر اعبر علاقتي باختي القويه خلاني  وخلاها من تتوضف تسولفلي كلشي عن مجال عملها والدائره  التشتغل بيها من ضمن البنات كانت اكو بنيه تعرفني. وبس عرفتها اختي دبكتلها صادقتها   كامت تدز صور. الها حتى تشوفها الي وتكوللها بالقلم العريض
وحده لو تتزوج مثل اخوج لو تكعد بله زواج اني ميته على اخوج من سنين بس اخجل افتح وياه موضوع
تفاجات كلش من جراتها ومن كلت لامل شون تمولج هيج. كالت احنا صديقات. و واثقه بيه  ما اكولك.  هالكلام.    جنت متاكد انه اني شايفها بمكان مااعرف وين شايفها بس المتاكد منه انه اني شايفها. البنيه حلوه حيل.  رحت لعرس صذيقتهم ويه امل  والتقينا هناك تبادلنا ارقام تلفون وشفتها شكد مستقتله.  نضرات ابتسامات ارتباك رغم رقيها وكشختها  بس. حيل ذبت روحها.  بقينا على اتصال رسايل. وسوالف بس اني كلما داحاجيها بالرسايل كلما.  صعد الجالي عدي  حجيتلها عن سيدرا وكتلها السبب اللي تزوجتها علموده. كالت
مترهم الاختلاف الطبقي جبير انت نقيب لازم وحده ثوبك مو خدامه جنت اسكت واكولها

بس هي ممقصره بشي اللي اريد من المره مسويته.

الحياه مو بس بيت الحياه مجتمع وانت مجتمعك راقي تكدر تكشف عن هويتها كدام ناسك وعشيرتك

فعلا بوقتها مجاوبت بس عرفت تضرب عالوتر الحساس

----
  اباوع لسيدرا واتذكر الكلام   اللي حان يربطني بضحى. وسيدرا كدامي حضنت زين ونامت واني رجعت غفيت توصلني رسايلها.  واتي مارد مالي خلك ابد للصبح كعد زيون بقو يحوص
ها بابا شبيك

انو؟
اويلي على انو. كوم بس دير بالك.   سمعت صوت عطور تحجي تطمنت انه  موجوده تدير بالها عليهم بعدني نعسان كلش. طبت فردوس كالت

عمو بابا  يكول. بدلت لزين ضمادته

اي عمو  بدلتها بس كولي لامج تدير  بالها على زين فدوه

اي عمو ميخالف. رجعت خليت ايدي على عيني شفتها كامت تحوص تلمست كصتها بارده شلت الكماده ذبيتها. كالت
زين ماما

تقربت منها على نومتي بصفها توني اكولها طلع يم انو. خلت ايدها على راسي مغمضه  عيونها جرتني لحضنها حضنت راسي   واني

هديت حيل خدرت ركبتها المكان اللي الكه بي راحتي الريحه الاحبها مخبوطه بريحه دخان. حصنتني لدرجه عصرت راسي بين ايدها.

سيدرا- حسيت بزين يمي حضنته. ماريد يروح اخاف عليه يصير بي شي واني مااكدر احمي كمت احضنه قوي حسيت بخشونه شارب هذا مو زين هذا ضياء فكيت عيني باوعتله فاتح عينه نص فتحه ويتنفس سريع نفسه بركبتي. من شافني اباوعله بقه يباوع بعيني حمار عيونه ونضراته المااعرف شون افسرها
قلق

اتهام

لو شفقه.

شون تحسين روحج

هزيت راسي بدون صوت

كومي اكلي  تلمست شعرها

غمضت بتعب
زين وين

بره يم عطور غمضت عطرها سكر انفاسي فكيت عيني قربت شفافي من ركبتها دفعتني بهدوء
مكدرت اطاوعها   لحيت مشيت انفي على ركبتها من اذنها  لعضمه كتفها  كلشي بيه رادها لفيت ايدي عليها دفو جسمها  وعدم مقاومتهـا الي دمر مقاومتي

سيدرا كلتها بهدوء فتحت عيني سكران بعطرها. لكيتها مغمضه قوي

شبيج

راسي حيطك لزمت راسي

رفعت جسمي وكمت طلعت جبت اكل عطور مسويه سوب صبت وخلته بصينيه وجبته الها

كومي اكلي
زين تغده

يابه امل وي انو دكومي اكلي

كعدت اريد لشيل راسي رجعت هليته عالمخده

هاشطلعت

مداكدر راسي ثكيل

هذا اكلج كومي اكلي اذا تردين تطيبين. عفتها وطلعت كعدت بالمطبخ تغديت وياهم وزين بحضني صبو جاي واني بالي يم سيدرا شوي وطلعت تمشي بهدوء وشايله بيدها الصينيه كالت
السلام عليكم

بها-عليكم السلاام هله بام الزين.  شونج يابه

اوس- شون صرتي احسن انشاء الله

سيدرا-هزيت راسي بتعب ادور زين باوعت لعطور تبتسم كالت

بره بالمرجوحه ديصارح انو هههه

ضياء - اخذي دواج

اخذته حجيتها وباوعتله كاعد بصف امل ديسولفون بس عيونه تلحكني. بترقب  باوعت للحجيه تبتسم كعدت يمها لفت ايدها عليه وباستني مابيه حيل ابد شوي وطبت رفل وي بناتها فرحت بندى حيل اجتي ركض يمي تبتسم
هلو
هلو ندى برطمت اريد اشكي ومااسمت وادري بيها تطول خلك بسماعي

كالت

لتحجين بعد ارتاحي هسه بس تطيبين كلشييصير سوالف والله

لو صاير بي شي

الحمد لله مصار لابيج ولابي

تشاورني وتحجي تتلمس خدي بيدها كالت

كومي جبتلج ملابس داخليه وهدوم
اي حبابه

كمت وياها للغرفه طلعتلي غراض كومه كالت
خالو نطه لماما فلوس وراحت اشترتلج

عاشت ايدها

لج لوتشوفين خالو شسوه شصار بي تخبل لان عمو اوس شافج وعمو اوس كله والله لو غريبه هم احسبها اخاي مو عاد زوجتك

بقيت ساكته وضربته مكدرت انساها تاكل بيه اكل لااني امه ولااخته وشايلته هو وابنه بغيوني تالي هيج يعامل بس خلي اتقوى  والله الضاهر اكو عالم حرامات تسامحهم
احجي وي نفسي واباوعلها

طب ضياء للغرفه وكفت كالت

حروح يم عمو اوس يدرسني رياضيات

اوك

طلعت رفعت راسي شفت ضياء يباوع عالغراض كال

كومي سبحي  ارتاحي

نبقى هنا باوعتله بتعب باوعلي هز راسه بموافقه كال
سبوع ويخلصو العماله 
جر نفس وكعد كمت اخذت هدوم من الحديدات وفتت للحمام سبحت وطلعت عافيتي صفر كوه اجر  بروحي  طلعت اتشف بشعري وهو بعده بمكانه ديراسل بالفون باوعلي  وذب الجهاز كال

اني طالع اجيب وي بهاء

مباوعتله اريد اسرح شعري مدااكدر تقرب ورايه بالمرايه يباوعلي كال

سمعتيني
اي

اخذ من ايدي المشط ونزل شعري  بهدوء  بقيت اباوعله كال

لو شايفه زين من ديكشط ن الجلد المحروك جان عذرتيني  وعذراي  رده فعلي
كله من وراك كلتها بهدوء

تكذب على الله. كده انت توعد وتنكت بالوعد هذا الله شكبره

شششششششش

كال بعصبيه جر شعري سحبه عليه

راسي راسييي اي

ششاف منج

كلشي مشاف نترت

لتكذبين لابسه هدومه حضنننج
شدد لزمه شعري حسيت روحي تطلع مقاومه مابيه بس قاومت وعبالك خلص الباتري وكعت اغمى عليه حسيته يصحي بيه

سيدرا سيدرا كومي انرفعت خلاني عالسرير ويردد

سيدرا شبيج هسه شمسوي مااذيتج قوي سيددرا

ربت على خدي حسيت فكيت عيني شهكت وكحيت بقوه ابتعد وكف  يباوعلي بقلق

كال

طالع اني.
راح بعد مكال  هالكلمتين طلع شوي وطلعت وراه كعدت بالمرجوحه وي ندى وزين وانو وبت امل  شوي واندكت الباب كامت ندى تفتحها سمعت تحجي
هله هله  عمه تفضلي

كمت اني هم عرفت خطار طبو نسوان سمان 2 ووياهم ام خسين اخت الحجيه  الجانت تساعدها وتنطيها كومه فلوس ومرت عمهم نفس الوكت.  بقو يباوعولي صافنين. وطبو طبيت وراهم امل انثبرت بيهم  ورفل هم وعطور بقيت صافنه منو ذوله من طلعت الحجيه  وسلمت عليهم  دافوت صاحت عطور

تعاي سيدرا
جيت كعدت زين يمي وبقو يحجون

ادري شون احترك وينه وينه ابنه.

الحجيه- هذا باعي ايده

ياعيني اكولج ام بهاء شو هذا وجهه عبالك خبل

امل- هو عمه خطيه منغولي

يا سمله ياستار عليمن طالع

اهل امه هيج عدهم واخذ وراثه هذا حظ ضياء شنسوي
ياعيني  عليك ضاوي
ام خسين- اكول ام بهاء منو هاي البنيه شكلها مو غريب عليه

دباعيها زين معرفتيها

سيدرا- ابتسمت مجامله. نصيت راسيكالت

والله معرفتها بيضه حمره والوجه متلفخ صلوات شحلوه

يا شبيج ام حسين معرفتيها

والله عبالك مشبهه عليها

ام حسين هاي سيدرا صدك معرفتيها
ياسدره  بت ام علي ياعيني حبيبتي كبرانه. شنو باقيه هنا عدكم

سيدرا- باوعت لعماتهم وام حسين ونسوان عمهم الحجيه وطريقه اللي ترفع بيها ولدها وبناتها وتتباهه باوس وابو سرمد وعطور وجهالها مبينين هواي متكلفين وكلمن يتباها ويبالغ بالمضاهر

ام حسين- شنو باقيه وحدها امها وين لعد

صاح زين ماما.  عمعم

بقو صافنين الحجيه كالت
هاي مرت ضياء
همست ام حسين قريبه من اذن الحجيه

ام حسين- ياصدك تحجين ام بهاء اخذتي بت  الخدامه  لابنج النقيب

سمعتها وغلست وبدو العمات يحجون

شون يصيروبقو يتغامزون كمت ميته خجل عفتهم لعبت نفسي چلب زيون بيه يريدني اشيله شلته كوه سمعت امل تكول

اخويه مغلطان وياها يابه شون حجي هذا اخذناها اله علمود زين مربيه لزين بس.  وهم تداري ضياء بس هذا ابنه خبل منو تتحمله فهاي محتاجه متحجي وتتحمل
نار صرت وارجع واكول كل كلامها صح ليش مقهوره مكذبت   بقيت عالدرج اسمع وزين صعد فوك يلعب بايباده

يعني صدك تحجين ام بهاء تزوجي الخدامه

اي لعد شسوي ابنه منو تحنله

ادري خدامه خدامه طول عمرج متعرفين تتصرفين الناس اذا درو ابن محمد متزوج خدامه يكلون غلطان وياها وساتر عليها

البنيه خوش بنيه وبت عالم بس الدنيا جارت عليها
يوووو من حجيج الماصخ تضلين طول عمرج تصرف متعرفينتتصرفين واني اكول ليش من كتله فد يوم جيب مرتك وتعال وجهه ضرب الوان وخجل الولد خجلان منها ومن اصلها انتي صدك تحجين هاي شون رهمتيها شون كادر يتحمل يعني فلا مقتنعه بتفكيرج والله الله يرحمه جان يكول عليج عقل طفله منصدك هسه اقتنعت
حيلج حماتي الجبيره وعمه الولد على راسي بس لتغلطين محمد طول عمره ياخذ بكلامي وميكسره ويكول مافد يوم اخذت بحجايتج وخسرت ولا فد يوم استخف بعقلي

اي داشوف زوجتي خدامه للنقيب

امل-عمه اخذها علمود تخدم ابنه وتخدم امي  شاف ابنه تعلق بيها وهي يتيمه مالها احد جانت كاعده بغرفه اجار وي امها حتى امها هسه تخدم بالامام فكسب بيها اجر

يا اموله صدك تحجين هاي انتي التفتهمين وباجر من يخلف منها شيكلون على جهاله  جهال الخدامه.  اصلا مبينه مو ثوبكم من حجيها
عمه هو مهلي عينه على وحده مثقفه. ومرتبه يرفع راسه بيها وعود يخلي ذيج لتربيه ابنه وهاي ام بيته وشريكه حياته

هذا حجي هو من عده مره بالبيت ميدور بعد ومبينه فلفوز تعرف شون تجيبه مراح تخلي يباوع لغيرها وذنه معروفات انهات سحوره اذا مشفتي  ابنج مثل الطلي يمشي بشورها تعاي عاتبيني عفيه ام بهاء مايوم طبيتلج اذا مطلعت مغثوثه من تصرفاتج ميلام ابويه من منطاج املاك الولد راسن

سيدرا- اسمع واتكرضم

يكسب بيها اجر محد يعرف شكد دااتعذب وياه يكسب بيه اجر وينك يابه السكاره كامو يكسبون اجر بجهالك  صفنت عالحجيه حسها مطلع هلكد تخاف منهم لو شنو متريد مشاكل عيطه  وحده واطردهم بس كلام امل صدمني صدك يتزوج اذا تزوج بعد ميصعد فوك اصلا شيسوي ببت الخدامه وبت العز عده واكيد مثل امل مثقفه مو يصتصغر حجيها وعدها ضهر تستند عليه مو مكفخه وماعدها بيت تروحله اااااااااخ ربي  كون محتركه بالحريق ولا هالذله شبعتتت

هزيت راسي