رواية من انت لتكون انا الفصل العشرون 20 - بقلم حسين

بقيت صافنه التفتت عليه

شمدريك

هههههههه حتى تصيرين لاهل المتع

جريت نفس تتذكر من حجيتلي على شهد
باوعت لوجهه تغير عكد حاجبه.

هسه عرفت ليش شهد مقبلت  تصير بس الك لو بمكانها اسوي نفس الشي ولا ابقى وياك

بقه فاتح عينه  كال
وشرفج شنو موضوعه

ساعه الذله واحد يحس روحه  ذليل يرضه بالاسوء

بقه يباوع بعيني وملامح وجهي اني صوتي كوه يطلع مخنوكه درت وجهي طيته ضهري. بقه ساكت حسيته وره شوي كام وراح للمطبخ غمضت صافنه وي روحي شون عرف اكيد مخلي تنصت داكول طاني الفون مترهي   ساعه اكثر طب والريحه تكتل

اه بس شوي انزعج راح شرب من طااح حضضك  اجه بصفي انلزك بيه دفعته الريحه راح اذب من راسي كدما قويه
لزمني قوي من كتفي وفرني عليه

وخر ريحتك نترت

غصبا عنج ترضين وتسكتين

روح على  بنات الشارع ماصيرلك مره بعد لو اموت اني موجاريه اني مربيه لزين. وبس
كمت من فراشي جرني من ايدي ويباوعني بحقد جر ني قوي. مكدرت افك روحي. اخذ اليريده واني بالبدايه جنت اقاوم شفته مرتاح بهالشي هدات وبقيت جامده ادري بي يتخبل  حاول حاول مكدر ومكدر ابتعد ديوخر بصق عليه. كال
انعل ابوج يابو اليريدج
لهنا وانتهت  وكفت لزمت الحرجف وفتت للحمام سبحت وطلعت رحت لغرفه زين دااقفل الباب ملكيت المفتاح بيها  شفته كام لحكني ديشوف شداسوي رحت لفراش زين نمت واعصابي ترجف شسوي انتحر الله يذبني بالنار شسوي انهزم وين اروح وامي جانت التكول الشارع حديقه حيوان  و.  ين اروح ربي انت الخذت  اهلي  لتذلني دخيلللك ربي. شطت حيل ومنضره من سوه هالحركه حيل وجعلي كلبي   كمت من الفراش مدااكدر نار صارت بكلبي ولااني المطفيتها بدموعي كمت اباوع الهول بطل المي ورد شلته وذبيته نضفت وجلفت المكان عبالك تواليت مو هول حسيته بحيث كعدت نكضانه وايدي ورجلي راخيه من الرجفه فجاه طك خشمي دم مدري ليش ركضت عالمغسله ملحكت عليه طلع وجهه مستغرب بقه يباوعلي
ميحجي انكطع وطبيت لغرفه زين عساني طابه بمكبره وخلصانه من جهرتك  نمت اخيرا كعدت الصبح زيون يبوس بيهفكيت عيني

صباحو حبيبي

ماما  جوعان
يموت ابجوع حبيبي كمت للمطبخ تفاجات بي كاعد قبلي. ومحضر الريوك ديخلي الجاي بالاستكان رفع راسه باوعلي ورجع نصه عالميز طلعت. كورن فليكس لزين يحبه لان البارحه اكل بيض موزين يوميه  ركض زين لابو شاله ابو وخلاه عالميز

وكعد خليت الطاسه يم زين مكدرت ابقى بعد دافوت زين كال
ماما
ها حبيبي جاوبت بتعب التفتت باوعتله ضياء باوعلي ونصه عالاكل كال

ماما بعد

اي حبيبي صبيتله مره لخ وعفتهم طبيت لملمت الغرف نزلو جوه وره الريوك خلي هو بدينه واني بديني بقيت خايفه لان كسر نذره خفت على زين حيل كملت الصلاه والشغل والغده صعدو يلعبون هو وياه جلبلي زين الا يلعب ختيلان مثل البارحه.

ادورج عليج ماما
لا حباب

كام يضرب برهاوه ايده
نترت بي

ها زين كم مره كتلك عيب وخر زاعلتك كتله هيج لو انكلبت الدنيا عفته بجه بجه شوي واجه يبوس بيه معتذر حضنته وشلته باوعلي ضياء ابتسم برضى درت وجهي من صدك مطايقته  نزل جوه يم امه وبديت العب وي زين ختيلان اختل ويدورني. ويصير بيه وادور عليه بقيت مغمضه عيني  واحسب اسمع الضحك مال زين  شبي هذا
يله افتتح
لااا. جاوبني يضحك اخر شي صاح حلال

فكيت عيني ادور عليه بالاماكن المعتاده اليختل بيها مموجود خفت هو مو وين يختل قابل دورت زين ماكو  يا الله زيييين وينك ماما

ماكو حس

زيوني.  بقيت ادور فتحت كنتور ابو لكيته كاعد هو وابو بحضن ابو كاعد خربان ضحك وضياء هم ديضحك

بقيت صافنه  ابتسمت لزين كتله
لكيتك
بابا يلعب ويانا

امم ههه كال

يله بعد انت بابا

يله روحو ختلو ضياء كال يضحك

بقيت اباوع لزين فرحان اكثر من كل مره من نلعب رحت ختلت اجه زين ويايه

بعدين تركني ختل بالمكان المفضل اله  وبقيت اني بمكاني وره الزاويه انحشكت. وصاح زين
حلال ببا ويضحك

ضيا ضل يدور. ويحجي

يعني يجوز زيون جو الجرباييه. ماكو وزين يضححك. لو يجوووز  بالكنتور. لالا ماكو

بقه يدور وهو مكانه واضح  اخر شي لكفه وشاله يغرغره وجتي انو ركض زين عليها يحجيلها واني بقيت وره الزاويه  جر نفس وسد الباب تقدم حسيته يدور وره البرده تقدم يم الزاويه مد راسه شافني ابتسم كال بهدوء
لكيتج

بقيت منصيه راسي  ماريد صوته اسمعه تقرب مني انحشك وره الزويه ويايه لزم وجهي بعدت عنه

باعيلي كالها بصوت ناعم وناصي

اني مادري شون صار هيج البارحه ثكلت بالشرب حيل

اي زين دفعته داوخر

بعدني ممكمل كلام تره. نتر بصوت عالي وكفت دايره وجهي صفح
انتي هم خربطتي بالحجي زايد
.

بلعت ريك منصيه عيني ووجهي صفح

سيدرا تره جاي من الشغل تعبان اريد ارتاح

بقيت ساكته كال

الصار ذاك السبوع راح وي ذاك الاسبوع. ننساه

باوعتله ابتسمت مستهزاه. بس اني مااكدر انسى.
هيج كلبج اسود

اي واكثر من متتصور
باوعلي جر نفس

طيني مجال دفعته ووخرت صاح

ذنبي بركبتج اذا دورت مكسرات

مجاوبته ولاهمني ويطبك مرض انشاء الله يصير بيك ايدز. نزل جوه وره ساعه صعد باوعلي ودار وجهه كال

حضريلي هدوم كشخه
هزيت راسي طبيت للغرفه طلعتله هدوم سمعت صوت مكينه الزيان ديزين.  شعده. رغم كل كرهي اله حسيت بغيره بخوف انه يلزم غيري الاحساس الجان. ينطينيا اللهفه تصير لغيري وارجع واتذمر ذلتنا والله من دنعل ابوه لابو خليت الهدوم عالجربايه معدله حتى الجواريب طلع باوعلي وهز راسه. كال

شكرا هاهي  باوعلي بقلق طلعت واني.  مسطوره بين كرامتي وبين خاف صدك يسويها.  داابدل لزين مبلل روحه الجو بده يبرد حيل.  طلع هو ديلبس جواريبه مكدر يدنك البنطرون قماش بي ضيق باوعلي ورجع حاول كال

بله زحمه عليج فكيت حلكي  شنو هالاخلاق كعدت كدامه لبسته جواريبه عدلتها كال عاشت ايدج دالبسه الثانيه طبت بت امل بالبدله المنفوشه كالت
خالو ياه ماما تكول بسرعه

اي خالو كوليلها جيت

بقيت اباوع والبسه مصدومه زين كله بابا وياك

لابابا لا من اجي اخذك نطلع  باي زين ضل يتنحس ويبجي صاحت من جوه  امل

يله ضيوو.

اي يابه هاي شكوو

صعدت واني امسح بحذائه اباوع كشختها ومكياجها وبتها ويايه باوعتلي باستهزاء كمت اني كال ضياء
عاشت ايدج شال سترته باوعلي  بقلق ودار وجهه شنو هيج وجهي مبين علي مصدومه وضايجه وعلى شنو داانصدم بقه زين يبجي شلته لك ماما شبيك نترت بي باوعلي ضباءعكد حاجبه

هايشبيج على كيفج وياه. نتر

عفته واخذتزين وطبيت لغرفته طلعت ملاعيبه وكعدنا ونلعب وهو مرغل روحه باي وي بابا لان شاف الحوبه وبتهاطالعين وياه وين يعني. قابل ديتزوج تذكرت كل حجيه وياها من حنت انزل جوه

شو عبالك مدري وين شايف شكلها

منيلج هاي
شتريد خطيه

معقوله موديته لصديقتها شكد حقيره اذا صدك بس لا اكيد عدهم عرس ورايحه خو تروح وي اوس انتبهت الباب مفتوحه مقفلها وزين بعده متنحس اذا اني مهاضمتها السالفه موعاد هو طفل. ومدلله ابوه. بدلت ونزلت يم امي الحجيه اقلها يلعب وي انو لكيت احمد موجود واوس وفردوس توكل بانو كاستر كعدت بالغرفه يم الحجيه تونست بس الفها ونصايحها التخرب ضحك
يمه من يغثج حكري

ههه شنو يعني

يعني كانما مموجود بس داري
اي ههه ماما هم كالت

تره هو متغير يعني ينزل جوه يم امل يضل يسولف ساعه ساعتين بعدين يجي يمي يحجيلي عليج وعلى زيون وشون متونس وياه يكول مونسني

امم ابتسمت بتصنع ودرت وجهي سمعت صوت اوس صاح  على احمد ديضحكون
شبيهم ذوله كالت الحجيه.  ديتداهرون بينهم
اي زين بجه كمت راسن اشوفه شبي طلعت. اوس كال

مبي شي سيدرا هيانه ديلعب آن اركعت براسه بله متدري  يابه شعجب نزلتي. 

سكتت دااصعد اخذ زين واطفر طبت عطور من بيت اهلها  ضحكت لج هلاو

هلو عطوره

شعجب عيني
بقه الباب مفتوحه كيفت نزلت طكت روحي وهذا  ضل يتنحس
حقه عيني انو بنيه وتكلب الدنيا اذا مطلعت مو عاد هذا ولد
شمدريني

وكفت تكلي خبصها احمد جووووعااان  يمعوده حتكعد تسولف

اييي اميييي. سيدرا فدوه ابقي سولفي. اني اكلي

اسوي زلاطه
ياريت والله

ديله فتحت الثلاجه طلعت الغراض وبديت اسوي وعطور تسولف وفردوس تلعب الجهال فات اوس
ام احمد لبن اكو لو اجيب

لا يابه عدنا ببسي البارحه كومه متسوك

ميهم بيت واحد باوعلي ابتسم   راح اجيب حلويات للجهال حاخذ زيون ويايه. وان

ايييي ياريت جاوبت عطور

بقيت صافنه

ادير بالي عليه كعدي ارتاحي

كعدتباوعت لعطور
عفيه شون خاف يكمز منه يندعم
بابا احمد وياه شنو صغير يندعم بيده طفل

سكتت وبقت تسولف عالبيت اشتريت هيج وسوت هيج وانطيها اراء وتاخذ بيها تكول خوش فكره نطيتها كومه اراء كيفت من اخذت ونطت كالت

هاي منيلج هالافكار
متابعه برنامج مال تصميم منازل عالتلفزيون والله ببساطه بس تخبل

فعلا مو على بالي بس خوش افكار
يوم الترتبين بيتج

عدي بيت هه. طب اوس وبي ه العلاكه ويصنف وي احمد وزين مكيف وي انو وكفت

يله عطوره حصعد وكت نومه زينو

يله عيني الله يهدي عليج لتضوجين هو عرس مال فايخين كله تصنع ومضاهر

ههههه اي والله  اخذت زين  دااطلع وكفني اوس كال
يابه هاي غراض زيون حلوياته
لا والله موزين عليه صدره يكح

يابه لياكلها كلها دااخذ العلاكه منه مبتسمه. فتح ضياء الباب شافنا بقه يباوع عكد  حاجبه. ونزلت امل باوعتلي كالت

خير انشاء اللهشو واكفين هنا وحدكم

اوس- واكفين وحدكم شنو لج   عرفي شون تحجين البنيه دتصعد وداانطيها غراض زيون
باوعلي ضياء مدرت بال وهاي ضلت تتغامز وي وتخزر وي رجلها ومبينه عالمه بينهم صعدت شكلها يمي هم راح تعلك.  طبيت لبيتي شوي وصعد ضياء. ركع الباب وراه كال
شعدددددددج. نازله جوووه

باوعتله ببرود رديت

زيون ضل يبجي وراك ونزلته يم انو

وشعدج واكفه يم اوس لج انتي شبيج صار كم مره كتلج لتثخنين وياااه

ممسويه شي عفته داروح صاح

بسيطه بسيطه الباب اذا خليتج بالحلم تعدي اني مو ضياءالدين

مجاوبته طببت زين للحمام يباوعلي بقلق يخاف صاير من ابو يصيح فرش اسنانه بهدوء مناقش شاف الوضع متازم ونام راسن نمت ييمه ساعه وطب ضياءونفس الحاله شارب  كعدني كمت خاف زين يخترع طلعت
نعم شتريد

تعاي يمييي

يحجي وعيونه  تعبانه. جاوبته بنتره
ماررريد

اي لو اوس افتدي جان كعدتي تطكين وياه سوالف

شفايتلي لو جنت مثله شو يباوع على حلك اختك وهي بس ترزل بي كملت حجي كمز على ركبتي خنكني دفعته. بكل قوتي
ولج بت الشوارع

اني مو بت شوارع اني بت اشرف نسب

لعد شعدج قافله عالولد عاجبج موو

بقيت اباوع وجهه تغير صار ازرك من العصبيه ابتعدت اذا قتلني ميحس على روحه طبيت بغرفه زين ركض لحكني يصيح. ويركع بالباب يكولي فتحيها واني دافعتها بجسمي كلسا اندفع وي الباب شوي وسمعت تركع بباب الحديد صاح منوو
بهاء - افتحها ووجعه امي

شبيك شكو صوتك ليجوه انت صاحي من خرب تفكيرك غيره مضلت مو بقيت تبجي وتتوسل بربك يكوم ابنك سالم وتتوعد تتركه اذا طاب مو عيب عليك تواعد وتنكر مو هذا ربك ميضرب بحجار افندي
لا هيج شوي شربت

يا شوي مشيتك موعدله دباوع روحك تطوطح من خرب شرفك اذا ضللك شررف

ايييي بسسس شصار
وين جنت طالع وي امل شناوي عليه

هيج عرس. صديقتها

اي. وتالي هاي صديقتها واللخ منو تذكر انك متزوج واللي دتلعب عليها تره بت عائله مو بت ليل يابه افهم وراها عشيره لتصخم وجهنا

ممسوي شي هي مجلبه شمسويلها
حتى لو الله طاك عقل تفكررر بي دير بالك عروحك وبيتك. استاذ مصدكنا وحده تحملت تبقى وياك وتربيلك هالمكرود
سيدرا- واكفه وره الباب اسمع كل حجيهم صح بهاء يتبشبش بس دااسمعه والله عرفت وره امل الحقيره بنيه بس كون الله يفضحها وتصير بالنار الاني بيها

بقه يحجون اني دخت.  وكلبي انقبض اني ليش ضايجه هو اني ششفت منه عود كم شهر حلو لان اني  ماشيه عدل   وياه. وقابله بالذله. بس والله جنت احس بحنان واني بين احضانه اوووي   والله تعبت ذبيت هدومي لبست خفيف ونمت يم زين لل2 ونص يله الباب انسدت شكد حجه وياه بهاء كومه وهو يحترمه بس مياخذ حجي. الصبح سمعته طلع كمت نضفت الهوسه  وصليت ورجعت نمت مر يومين الباب مقفوله جان جايب باجه مخليها  بالفريز منضفه.  خابر وره يومين رديت من شفت اسمه
الو

ها سيدرا شونج
هلو  كلتها مرتبكه

زيون شونه

زين الحمد لله

امم وانتي

زينه الحمد لله جر نفس كال

شوي مالي خلك يمكن حرجع   تسوين الباجه تعرفين لو لا

لا ماعرف والله
باعي جدر الضغط.  موجود فوك الكاونتر مره صعدته لو نزلو

لا موجود

لعد نزلي وخلي الباجه بي بس يفور المي فرغي  ورجعي ترسي وخلي بس كركم وبصله حبيره وخلشوكه ملح وسدي الجدر ومتلعبين بي ابد

اوك

دير بالج من تديري لينجب على رجلج
اوك. همست
شبيج شو هه شو صوتج

مبي شي
لعد شو على غفله نصه

مادري

لا يكتلج الدشداشه  البينسل

بقيت صافنه على روحي رفعت راسي انت  شمدريك
ها لا هه مو داحاجي امي وسالت ندى عليج كالت  كالت لابسه دشداشه بينسل تخبل عليج

ها بقيت صافنه فعلا ندى جانت يمي بس مو طبيعته يسال عني اي هاهي
زعلانه  بعدج

سكتت
ميهم اجي وارضيج
بقيت ساكته كال

مشتاق للبيت وللهدوء القديم
مرديت

خو هالنزله ولافهمت شي بس مشاكل وانتي تعاندين

موحقي من ادافع عن روحي

طولتي لسانج هواي  لتنسين

اذيتني.  كلتها وسكتت
كتلج من اجي اعرف شون اراضيج

سكتت سمعت صار حجي يمه كال
يله العصر اجي عينج عالجدر خاف زين يجي يمه تره خطر بس يفور نصي وعوفي
اوك
لتفتحي
د
هيج تخاف عليه

من اجي اكولج.

باي
هلاو
سديته منه رحع كلبي دك حجايهً من اجي ارضيج مااعرف شسوت بيه وارجع اتذكر ذلته ااااوف   سيدرا ماعدج غيره لتتعززين مالج اصلا فرصه  ومدام يريد يرضيج انتي هم ارضيه ولتخلين امل   تكيف من ينزل جوه يمها وتاخذه على صديقاتها

سبحت زين باوعت لجدر الضغط   ديفور نصيت العين وزين حار بشكل الجدر بي دكم كلسا يريد يدوس يشوفه واني اتخبل. كملت شغلي  وديت زين انيمه لغرفته الغرفه ثلج لان مو مسقط شمس شغلت السبلت اللي بغرفتي عالتدفئه. وبقيت انيم بي بالكع  مكدر ينام بس يتكلب تعبت رجلي وضياء على جيه. باوعتله ديغفي صارت ريحه شعواط هاي وين عزه الباجه احتركت طلعت لا والله مو بالمطبخ الريحه طبيت للغرفه فتحت الشباك من بره ياحافظ  يارب ريحه حرك باوعت لزين نام خفت لتفوت للحمام ويطلع عالجدر نومته موثكيله طلعت الحزام مال روب وربطت رجله وخليت الشريط جوه تاج الجربايه اذا كعد ميكدر يروح للمطبخ بس خل اجلف الحمام واسبح وافتحه اخذت الخاولي المنشفه مالتي وفتت للحمام دايخه بالريحه منا مال باجه ومنا مال حرك شعواط سبحت والشامبو براسي داافكر شلبس الثوب الاسود لو الجوزي القصير واخلي تاتو برجلي اي مدام السعر بعده مطالع والبس الجنجل مال نداوي خوش على غفله سمعت صراح زيون بس مو صراخ عادي فززني ديبجي كمت اجلف براسي اريد الوغفه تروح وصيح
اي ماما حبيبي جيتك كملت مكدرت بعد بس غسلت وجهي لفيت الخاولي اشوفه شبي خاف جيف مشدود. لفيته على جسمي وطلعت رككض فتحت الباب وانصدم بالنار مقندله البرده والزوليه واصله لفراش زين وحبيبي زين منهزم منها والخيط مربوط برجله صرخت

زززين يمه. زيون ركضت شلته اباوع ايده محترك قميصه يابس عليها يابه تخبلت ماعوجرف شسوي ركضت اطلع نسيت روحي والرباط برجله اسحل بيها وهو يصرخ يمه سوده عليه اباوع النار وصلتلي جريته قري الرباط طلع من جوه الجربايه ركضت عالمطبخ شفت الباب الحديد تندك بقوه ويصيحون

سيدررا. زين بس جاوبي ويغلطون على ضياء صوت اوس واحمد
صحت اووس فدوه وزين يصرخ
لك ماما اوكف اباوع ورايه بس الغرفه تحترك والاطفائيه ديصعدون من الشباك مال غرفه مالتي من طرمه الوره البيت نصيت راسي مشلحه دخيلك ربي استرني وزين يصرخ

حبيبي امي انت بس اهده اريد افكر شون طك الشباك الفوك راسي وصوت اوس لج سيدددرا اطلعي ويغلط

اوس فدوه هاك زين ايده احترركت

جيبييي لتصيحين بسرعه الغاز انابيب تعاي تلفتت النار وصلت للمطبخ والاطفائيه ديريدون يكسرون الشباك مال غرفه القافله ضياء داباوعلهم من شباك المطبخ الصغير اللي عالسنك يطل عالطرمه الوره البيت ويطل على شباك غرفتي هم صدك روحي رجفت النار واني مصلخه بطرك المنشفه رجلي اكتافي شعري كله طالع واوس يصيح هو واحمدد
لج سيددددرا فضيها الغاز انابيب والناس تصرخ طلعوهاا وصوت الحجيه جو بالحديقه
ولكم يمه البنيه على بختكم رفعت جسمي بين بس راسي شفت اوس فات من الشباك شافني منصيه جوه رازونه الشباك كاعده ارجف

صاح مذهب الحلو مو دااااصيح كومي داعبرج فضيها

اوس روح حباب عوفني

لج كووومي

يصيح ويجر بيدي حتى مباوع لجسمي ويباوع عالنار الدتاكل الريحه خنكتني صاح وعتني قوي

كومييي حتكتركين
اوس ملابسه شون انزل شووون

باوع لجسمي فك عينه وكح الدخان المتصاعد مديخلي يركز نزع ستره تراكه كال لبسيها. بسرعه. لبستها ونزع بجامته. ويصيح بسرعه ركض لبست تك ووكعت ورجعت وكفت لبست طلع من الشباك وجر ايدي كال يلللللله. لج حينفجر البيت الغاز انابيب صاح

لبسي الكلو لبسته واباوع الناس متجمهره بالباب مالتنا ويباوعون صاح احمد لازم الدرج
  بسع اوس

الدرج ابو طلاكتين الدفاع مدني عالحيطان صاعدين ويصيحون بالعالم ارجعو جرني اوس عالدرج من الشباك شبخت شبخه عالدرجه خليت رجلي وجسمي كله رخه سمعت شحطه سياره قوي  اريد اوكف حيلي انهد اوس يصيح بيه

سندي روحج عليه لج سيددددرا

اوس مابيه كلت كوه

جري نفسسسس
اختنكت فد نوب صاح تعاي خرب. اهلج حضنني ولف ايده على خضري دفعته
دتسوي  اريد اوخره الدرج كام يهتز

نتر
لج بابا اني مثل اخوج بس خل نطلع البيت حيوكع علينا اذا انفجر الانبوب  استسلمت شالني بتك ايد ونزل الدرج اخر درجتين كمز ووكفني عالحديقه اريد اوكف ماتكدر بس اردد وارجف

زين زين

مابي شي مابيه شي صاح بعلو صوته  لج بابا قوي نفسسسج واخذني جوه  جتفه وغطه وجهي بالكلو صاح
اخوااان مشكول الذمه اللي صور هاي عروض عالم

رفعت راسي والمح ضياء يركض ناحيتنا صاح

زين وييين

ويباوعلي غادي نار
جاوب اوس مكطوع نفسه ببيت الحارس روح شوفه ايده.  بيها حرك الحك قبل ليتسمم

اني كال هيج وكعت على ركبي شالني ضياء من جتافي بقسوه ونار احس تطلع من عينه  طببني لبيت الحارس كلها تتباجى على زين المفرفح ميت بجي ويهز براسه مثل الكتكوت المفرفح يمه شفته ركضت عليه حسيت حيلي تجدد

يمه حبيبي اخذه ضياء ركض هو واحمد. وزين يصيح مامااا ركضت عليه

اخذني وياك فدوه لزمت بياخه ضياء اتوسل وجسمي كله يرجف
لزمني من فكي قوي ودفعه لوجهيي بقسوه

امشي.  من وجهي اندعي ميصير بالولد شي  -------