رواية من انت لتكون انا الفصل الثلاثون 30 - بقلم حسين

ضياء- متوصلت لاي نتيجه. صعدت بعد مراحت عمتي وكالت عوفها عليه اني احلها. همه وين يحجون واني وين همه حايرين بالبنيه واني بسلمان الي خسرته سيدرا. جانت تنتضرني طبيت تعبان تمددت عالقنفه زين يلعب بالطياره ويباوعلي يريدني اشاركه وسيدرا تباوعلي صافنه
سيدرا- سارح تعبان واني خايفه هذا احساسه الشعور بالذنب لان يحبها شون حتنحل السالفه اريد افكر عقل مبقه براسي نام زين وجيت كعدت يمه مغمض بس منايم تلمست لحيته البدت تطلع فتح تك عين كال

نام زين

امم

يله خل نروح ننام احنا هم

باجر ماعدك دوام
لالا الخميس

خوش كمت وياه نام على ضهره وايده على راسها لزمت ايده الثانيه تلمستها جر نفس جرها على صدره واندار عليهيباوعلي بقلق
شبيك
تعبان شوي
اوك تجرات تلمست شعره غمض كال

اذني

تلمست اطراف اذنه ووجناته.
سيدرا.
نعم
مااسمحلج تعوفيني

جمدت ايدي

انت حتعوفني
سكت

اذا رحت يم غيري مااكدر ابقى وياك
فك عينه مستغرب

ليش اذا منقصر
كعدت عدل
ضياء شناوي

لزم راسه وكام بقيت صافنه عليه راح نام يم زين. ادري بي من يوكع بمشكله يدور على ابسط حل ويخلص روحه جربته بسالفه زين من تمرض خلاها براسي ومكال من وراه هواي شغلات انتبه عليه جبان مادري هو هيج ويدور ابسط حل ندى حجتلي كل السالفه وداانتضر شيسوي وبعدها اقرر راح اتفرج عليه واسكت اشوف ليوين توصل وياه
ضيا- تعبت انهد حيلي سلمان من حجه هالكلام. سجينه وخلاها بكلبيي خنت ثقته من وره نسوان اتصل عليه ميرد تالي وكتي مرت يونين ورجعت داومت علاقتي بسيدرا صارت عاديه تقربت منها الفجريه قبل لاروح لشغلي جنت احس بعينها حيره وخوف مو طبيعي.

شبيج خايفه منيش

اكره شي اسمه فرح وراحه لان ادري وراها طيحان حظظ

شبيج شكو

ماكو شي لحد الان

شدتلمحين سيدرا شبيج

ماكو شي ضياء احضرلك ريوك

اي يله اريد مخلمه
اوك

فتت للمطبخ حضرت الريوك لبس واجه تريك ونزل جان متوتر افكار شاغله باله جنت توني ناضفه من شهريتي وتقرب مني يمكن هاي اول مره ميرتاح بيها ويايه وهو السبب باله مو يمي ابد تقرب فقط بس لان صارله 8 ايام ممتقرب مني. راح وعافني بحيرتي. ندى مجتي بعد بس بيننا تلفونات دتروح وتجي للجامعه احمد كم مره مرلها وطلعو تغدو ورجعها جانت فرحانه كلش واحجيلها اني اخليها تتكاب وتخاف مثلي زينه على طول تتصل بيه تتشكرني على زين. متفاجاه من كم المعلومات العده جانت تكول
خبلها للمعلمه تكول مستحيل هذا سليم مستحيل عده متلازمه داون ذكي وراين يلكف وخطه واضح اكثر من الروضه والتمهيدي. جنت افرح حيل انجاز احس روحي مسويته خصوصا من تكول
والله المديره كالت لو تجي تدرس الخاص تفيدني

كضت الايام اربع ايام واجه ضياء تفاجات بطبته الايام هاي ابد متصل فمن طب تفاجات كلش

اجه وكوه يمشي دايخ ووجهه احمر كلش اول مطب صاح

حبايه وجع راس راسي حيطك كالها بالكوه

خفت ركضت جبت من الباب مال ثلاجه رجعت انطيهيا شفته متخربط بالكع تخبلت
ضياء فدوه باوعلي ضيااء
ماكو فاصل ركض لبست ونزلت جوه على اوس بهاء اي واحد شفت اوس ديحجي وي امل طبيت ركض للمطبخ باوعولي

شكو شبيج

عفيه اوس ضياء متخربط ماعرف شسويله

هسه ليضل بالج شبي هو

يحجي ويمشي سريع ديصعد

وامل وراه

مادري اول مطب كلي حبايه وكه راس طبيت لكيته متخربط

شنطيتي ماكل شي
مجاوبتها نترت
مووييياج

ملحك توه طبب صعد اوس ركض للغرفه صحه بي ماكو حاول يشيله مكدر خابر بهاء شوي وصار يمنا هو واحمد اخذو للمستشفى وهو فاصل محاس على روحه ردت اتخبل خابرت ماما على تلفونه اللي عافو عالميز رديت

ها ماما حبيبتي

ها امي شونج

ماما اني --- حجيتلها كلشي بقت تندعي وتتوسل بالامام وكالت
ماما حبيبتي ادري بيج عاقله وفاهمه. بس نفس الوكت اني مجايزه منج مبقالي غيرج ولو ادري اموتروحي من التعب ولا اخليج بذل ومهانه

ماما شسوي

ماما سدوره الضره متاكل بشر. وهو الولدممقصر ليش الفقدتيهم اعز منه

لا والله يوم

خلص امي تحنا ناس انكتب علينا القهر بس اذا شفتي روحج بمهانه ومتكدرين اني موجوده اني ادري بيج موزعطوطه وتتدللين وادري شكد عانيتي ولافد مره كلتي يوم لحكيلي ادري بي ماينجرع وشراب بس تحنلتي وتحملتي ابنه
امي تحجي واني نار صرت يعني حيتزوج هاي هي سكتت واردد

اي ماما. اي ماما
دروحي ماما حبيبتي هسه يجيج مريض حضريله شوربه طماطا على الكسور شوربه شبنت اي شوربه يرد بيه عضمه

اي هسه اسوي

راحت اني واني اتصبر بكلامها واكول اشوف روحي اذا مكدرت اروحلها لا ماتحمل مو بيدي يعني شن. قابل هو باسمي تسجل موزين منه قابل بيه
بس مادري شبيه يتكسر ويرجع يتعمر تفكير ايجابي وسلبي

عدي بيت وابني موجود
هيه هاي عيشه عايشتها محبوسه وهسه اذا اكوم اشوفه بالاسبوع او كل عشر ايام مره هسه حتصير كل شهر او اكثر يجوز ماشوفه بعد. يربي ش ووون

الله لاينطيج امل. سويت الشوربه دااقره عليها سوره يس والكرسي للعافيه وانفخ اقره وانفخ سمعت صوت ورايه.

هاي دتسوين مو عرفت وحذرته كتله شغلها بالسحر هاي
التفتت باوعتلها امل ابتسمت ودرت وجهي كالت

الا اكوله. ادبسز دمرتي لاخويه وكع من طوله

حبيبتي نزلي جوه الولد نايم جاي من الروضه

انجبي بيت الخلفج موو

اي بيتي اصلا الي بي اكثر من ما الج

كلت هيج لو تخبلت واني هاديه البيه كافيني كامت تصيح
اني ادري تخويه ميدور الا اللي مثله عرفت مشيته وياج اصلها اعمال شوفي شغده

شغده شغده شرب وترك لو مااني ويا ومكسراته بطلهن لو مكيفه بي هيج مدتحملين ميباوع لغيري بابا لزمي بيتج وبتج مو الله يشوفج الداشوفه. كلتها وضربت على صدري

ضحكت بوجهي كالت

اصطبري عليه لعد
نزلت واني متت خوف حقيره ادري بيها شناويه هاي. شناويه. ساعه وطب ضياء كوه يمشي وبهاء لازمه ميحاجي عاكد حاجبه. بقيت واكفه بالزاويه امل صعدت جايبه سوب
سويت شوربه كالت بنتره

ماريد اكلج المليان سحر باوعت لضياء اللي معكف وجهه متالم كالت

لتاكل من اكلها تره شفتها دتقره عليه ضياء غمض عينه كال

روحو اريد ارتاح

طلعت من الغرفه وامل هم طلعت وبهاء بقه شوي وطلع كال

صبيله شي ياكله وهذا علاجه يباوعلي ويباوع لامل جرته امل منه الدوه
هاي شبيج
اخويه اني اداري ماريد شكول زفره

درت وجهي وطبيت لغرفه زين سمعته رزلها حسها مطلع بقت فوك يم ضياء تداري بالغرفه واني الوب وروحي طلعت لليل يله نزلت طبيت للهول لكيت ضياء متمدد يتفرج باوعتله

شون صرت

هز راسه ميباوعلي كال

شحاجيه وي امل

هيج تلاغينا تقربت امسد على راسه لزم ايدي قوي خزرني
شبيك
شنو تكوليلها لو ما اني بيقو شراب وابو نسوان جنج شفتج رووحج

بقيت ساكته

كايله هيج لو لا

اي كايله

شنو دتقرين عالاكل
ااايات قرانيه نترت ايدي منه على شنو خايفه اني

ايات يعني مو غير شي
كعد عدل صاح

اني شكيتت من شفت رووحي مدااكدر وي غيرج
ششكيت اسوي سحوره يعني هذا الكدرت عليه هو انت يكدرلك سحرر صخام يرادلك شيخ بالبيت اربع وعشرين ساعه بابا انت هالسوالف متشتغل وياك كتاب الله شكبره ختمته ختم يله شوي بين بيك
بقه يباوعلي صافن اني محتركه وهو شاك كال

يعني مادري شون انغشيت بيج هيج اني غشيم اني ابو النسوان شون كدرتي  تجريني

شنو قصدك وكفت باوعتله يعني صدك انت مصدك اني اسوي سحوره وروح لبابا هاي ايات ومومجبوره احلف

اي زين  دروحي تعبان
دار وجهه  عنني رحت للمطبخ صافنه عليه صبيت شوربه اني وزين اكلنا باوعلي ودار وجهه كال
تلفوني وين

كمت جبته اله ونطيتياه كال

منو خابر

ماما  وحاجيتها

ممم شحجيتو اخذتي راحتج خو

قابل اني شعدي  حتى دااخذ راحتي

اشششش شكد تلغين

مرديت بس عرفت رده على كل تساولاتي اللي بداخلي اللي كدامي مو رجال مجرد جبروت وداخله خرخاشه بيد اخته  كمت  انضم اولوياتي ارجع وين بيت خالي وشالو باعو البيت عباس اخذ حصته وحمزه  من طلعت فلوس تامين الموستر والموسيه وفلوس حصته اشتره بيت صغير وكعد امه وياه ووحده من خواته الممتزوجات  لو اروح يم ماما اخدم وين يخلوني وين يقبلون يربي دخيلك واعوف زين شون حكدر. اروح برجلي قبل لا انطرد. واعوف هالسجن الذهبي وانعل ابو هيرهم صارت كبالي الحجيه
وام ضياء شون

نمت يم زين بيومها ثاني يوم سويت الريوك شفت ضياء جيب بطل تخبلت يربي بس لا يرجع للشرب رجعت من جديد.  وسويت الزعفران والمي وقريت عليه سبعين مره الحمد مثل معلمتني الحجيه. صفنت على روخي بعدني.  بعدني اخاف عليه من خرب يومي ذبيت الكلاص بالكاونتر جوه عود من اطبك تمن ارشه عليه ومعليه بي بعد نسيت الورقه مال سوره الحمد يمه والارقام الدااكتبها ليوين وصلت اشهط لحد ماكمل 70 مره سوره الحمد. كملت تنضيف سمعت هوسه جوه بقيت اتصنت سمعت مره جبيره مو صوت الحجيه تكول
رحت خطبتها من اهلها وامل ويايه. ورفل وحسك ماسمعه 

عمه انتي شدتخربطين

يمه متريد ترجع علاقتك بسلمان هيج ترجع تكوله داخل بالحلال عليك اني وقصدي شريف جان وياها وخلصت القضيه

سيدرا- لزمت كلبي مدري شبيه ووجعني وين اني منهم ويني وين مكاني  فعلا فعلا اني مجرد خادمه   خطبوله وهو سكت كال

سلمان جان يمهم جاوبت
اي بلي عدهم ورجب بينا الولد ولبنيه طارت

عمه وين اكعدها انتو شسووويتو هاي شون حتتحمل

غصبا عنك تجر عدل وياها هاي مو خدامه هاي بت اصول ونسب فاهم  احنا نسبان بت رفل رجلها  يصير ابن ابن عمها ماما غلط تهجم بيوت هاي سوالفك كافي جوز وهاي هي التتباها بيها تكول مرتي كدام العالم مو خجلان ومختلها بالترك حتى محد يعرف ماخذ خدامه. واحنا فهمناها انت متزوجها علمود تربيه زين وبس
شنو يعني شوون بله شوون

اي انت زوجتك ضحى وبس

شنو انشاء الله حتجبروني مااروح يم ابني

خبيبي منو المانعك منه ابنك هذا بس مرتك ضحى بس هذا كان شرطها

والله ثنينهم نسواني واعدل لو حلال الله وحرامه متعرفو الله هم متعرفو

اي هاي عود بعدين انت تاخذها بالمسايسه. حبيبي
ضياء- بقيت صافن اني شسويت اني هاي كوه عايش وياها وكوه تحملتني وتحملتها شون حتحمل نسوان ثنين  لزمت راسي طلعت امي باوعتلي كالت

اني الديصير معليه منه  مراضيه عنه

عزيزه- بله ام ضياء سكتي انتي بحياتج معرفتي تلزمين شغله واسويها عدل هاي ركض ركض زوجتي زواجتين طيحت حضه اخرتها خدامه

ضياء- عمه رجاءا امي مااقبل احد يسمعها حجايه

ام ضياء- خل تاخذ راحتها وانت هم اخذ راحتك اني رايحه لبيت بهاء تعبانه  صيحلي سيدرا داحاجيها
ضيا- يوم شبييج طيني صبر خل افتهم لبج لبج سويت. السالفه طوني مجااال

ماما اني معليه  السالفه جبيره خواتك تضررو  اني شنو بيدي لسوي بعد الزك وارجع ليوره تالي طلعت مااعرف اسوي شغله عدله تاني تالي عمري انهان

ينكص لسان اليحاجيج بحجايه حجيه

يمه سوي التشوفه عدل اني تعبت منك عوفني ارتاح يم بهاء ارجع لبيتي با ادتي عوفني فدوه لكلبك
ضيا- تحجي وامشي للغرفه ولازمه ضهرها كوه تحجي واني انسحن سحن  محد وصل لا بهاء ولا عطور بس رفل. امل حايرين بقضيتي واني مثل المدوهن صعدت لكيت سيدرا واكفه عالسنك يم الشباك فاكه عينها كلها باوعتلي كالت

ماابقه

تنجبييين وتسكتين حسج ميطلع
مااااابقهههه صحت بعلو صوتي وكسرت المواعين.  تقدم  ناحيني شال ايده  -------

متابعه شيقه
باجر اعوضكم ببارت خنفشاري

من هنا بدات حكايه سيدرا