رواية من انت لتكون انا الفصل الحادي وثلاثون 31 - بقلم حسين

سيدرا- شال ايده  ديضرب شلت المواعين اللي عالسنك هطرتها بالكاع وصيحت
ماااابقه  تقدم بسرعه ضربني  على وجهي زدت مقليت  كمت اصيح واشمر واملخ بروحي وهو فقد يضرب  ويايه اني مدداحس بالضرب اي شي  الكلام اللي سمعته موت شكو احساس بيه بس احساس الكرامه صاحي  كمت اشرمخ بي وجها وايده ركبتها واضرب فاقده

يبقيني شنو  خدامه صدك يسووني حتى  وذيج شارطه عليه انه ميوصل لعد اني شعدي هنا. شعديي

كمت اصيح واحجي ابتعد كعد تعبان بالكع ثنه رجله لصدره وايده على راسه  ميباوعلي بس يغلط  انتبهت على نفسيثوب العليه مشكك كد مجرني منه كاعده مقرفصه بالزاويه ايدي كلها دم وايده هم  وبعدني احجي ممسووله عن تصرفاتي
كلاب حقراء ناس رحمه مبقه بكلبهم من عساها بعرضك ربي هالمهانه. وهو يحجي بهدوء

بس انجبي

ماانجب

شتردين كولي بس سدي حلكج

اريد اروح لاهلي

وين عدج اهل انتي

ابقه بالشارع ولازهالمذللللله صحت بعلو صوتي

سكت ايده ترجف غمض عينه
انت جبان انت ماعرف شون تحامي عن بلدك انت واحد ذره رجوله  مبيك  احجي وهو ساكت.
بيد اختك. وتتهزم من افعالك  كل الصار من وراك عد ك. مره وبيت وممقصره وياك بشي.  الوش تركض  عالنسوان بعععد

سكتييي عاد

اعتقني خليني اروح بروح ابوك سوي شغله زينه بحياتك

متروحين  شحدج توصلين لباب البيت رجليج اكسرهن

شنو جاريه اشتريتني. عبده عدك  بابا اني ملك روحي. 

مرتي

شكرتك بابا مرتك شنو اني خدامه  بلا راتب هم كلشي ماكو اني هناا كلشي ماكو.  اعتقني خل اروح ومتنازله عن كلشي  حتى موخري اخذه محلل وموهوب بس خل اطلع من سجنك من ساعه السوده احجي وصوتي يرجف وهو يرد وميباوع عليه
سيدرا الصار صار ابقي هنا حالج حالها انتي تعيشين بالترك

منو حالي حالها وابقى اني بت الفكر وهي بت العز لك امك امك اخر امل جان الي تخابرني تبجي تكولي يمه من وكتي واني  بيدهم  ومصدكت خلصت منهم هسه رجعو مسيطرين  امك الجابتني وكفلتني   تكولي طلع الموضوع من ايدي مابيدي شي. ومحد ياخذ بكلمتي   سامحيني. تتوسل بيه اسامحها. منو الي بعد هنا  من. اليوكفلي انت انت الاقل شي شربت وعفت الدنيا لو اختك اللي متخاف الله. انت بعد شفت حياتك عوفني
ماعوووفج ترحين. موكيفج انتي صرتي شغله راجعه الي لتتوقعين اخليج ترحين لو اتنازل عنج

بقيت اباوعله شكد ضعييفيا الله

مااصدك اني بيوم جنت فرحانه بعلاقتي بيك. مداصدك. انت مورجال انت بلا سيطره حتى على ذاتك

انجبي عاد بله تفلسف متعلمتلي كم كلمه  وجاي تطكطكها عليه

هالاثناء طب زين من الروضه وكفت بقه صافن عليه وعليه فتت للغرفه بدلت واباوع لوجهي خدي ازرك صاير ويم عيني شك وشعري مخربط كلش طبيت غسلت وجهي ولبست دشداشه وطلعت اوكل زين وضياء على كعدته كام بهدوء. طلع من الترك وقفل الباب وراح. واخذ تلفوني وياه طببت زين للغرفه انيمه. واني هم نمت كوه صافنه شسوي.  وين اروح الحجيه دزت بيد ندى فلوس كالت
خليها جوه ايدج من احسبها  تطلع مليون وربع.  نمت يم زين وكانما اريد اشبع منه وافكر بباب الترك شون افتحه لليل طب سمعت صوت فتحه الباب  طب للغرفه مال زين نصه على زين باسه  مغمضه عيني وماتحرك وريحه الشرب تكفخ هذا الكدر عليه   امداك اي والله.   طلع  وسد الباب  بقه يومين ينزل جوه اكله وشربه كله ماشوف خلقتهبس وكت النوم وبس اسمع خطواته اروح لغرفه زين انام يجي هو يبوس زين ويروح ينام لو بالغرفه. لو بالهول  ثالث يوم كاعده الفجر زردومي  متجرح من الصياح الكحه نازله لصدري شكلت عدي  وكت نومتي كمت اشرب مي دافي  طلع من.   الغرفه.   لابس بنطرونه. بوصاخته حتى مغسلته. طب للمطبخ. باوعلي واني مطايقه اشوف وجهه كال

شبيج تكحين

لعبت نفسي  منه كمت افوت للغرفه كال

اني رايح. والباب اقفلها

انداريت عليه خزرته. اباوع وجهه مال اضافري مشخط  بقه يباوعلي بحيره ميدري شون يتصرف احسه. كال مره لخ

راح اقفلها متردين شي تسوكت كلشي
بالقررران والنزله.  خاف ذيج المره البيت احترك واحنا ممحروكين. وروحهلابويه هالمره اني احرك روحيي واحرك ابنك ويايه وكفت كدامه بشموخ.  

بقه ساكت يراقب ملامح وجهي  مد ايده بهدوء  يريد يتلمس وجهي لزمتها ونترتها بغضب. بلع  ريك هز راسه جر نفس كال

رايح اني لتنزلين جوه. مشيت للغرفه مجاوبته صاح

مووووياج. نزله جوه ماكو

طبيت للغرفه وركعت الباب ورايه ثاري كادرعليه مرت يومين وهو كلسا يتصل واني مارد       لاعدي واهس ولا بيه حيل وجسمي يون عليه بس ردت استعيد نشاطي وتجي ندى حتى اخابر امي واطلع مستحيل ابقى  اخر شي وصلت رساله منه كاتب
اليوم راح انزل

سويت غده عادي   زيوني ابد ممهتمه بي لادراسه ولاشي وكلما يجي يمي اكوله
روح ماما دايخه  يتنحس يبجي مااهتم    داابدله واسمع صياح جوه صياح نسوان من اركز هاي صوت رفل  تبحي وتصيح شبيها هاي  باوعت من الشباك مال الهول اشوف رفل مدمايه وبناتها يتباجون  وبهاء يريد يطلع وهي تصيح خايفه متخلي

ولج وخرري خل اعرفه  اصله وهي تصيح عوفه.  الله يخليك
ولج لييش ماوراج احد هيج يضربج لج ابنج بطولج.  
بقيت صافنه  عليهم ملخها لروحه بهاء وهي تتوسل وتبوس بيه هي وعطور تكوله لتروحله سمعت صوت سياره ضياء طبت للكراج الداخلي باوعتله من شباك المطبخ طب للهول وطلع للطرمه الخارجيه  شافها صاح

ولج شبيج هاي شبيها
ووندى تخربطت مكدرت ابقى بمكاني  بعد.  نزلت راسن واعدل بالحجاب بس اخذ ندى يمي ولو جرتها فردوس وعطور واباوع الولد صارو مذابح وضياء يصيح

لج اني يمد ايده على اختي اليوم  احرك   ----  وخرررري عن الباب. باوعي وجههج ليش ولج ليش

اسمعني الله يخليك لتتهور على بختك. بهاااء
ليش احجي ليش هيج سوه

اباوعها تتبلعم وتحجي وجهه صاير ازرك واحمر ودم بخشمها كالت
اني تجاوزت عليه ماخذ قرض بكفالتي ومديقبل يدفع خسر بمشروعه وماعده وانعرريت بي كمت اخربط وضربني   بهاء مكعد همزين الحجيه موموجوده. طب احمد شاف عمته هيج هم تخبل. بقو يحجون بالطرمه واني يم ندى شوي صحصحت وهدى يمي تبجي وترجف  هناك سمعت صوت سياره والباب انفتحت وطب يمكن هذا زوجها شنو حايط خرب  غيرتك بيخوف    
طب لنص الطرمه. وصاحت هدى
ماما ماما حبابه اجه بابا
اجه يريد يسحلها من بين اخوتها دياخذها وتكومو عليه.  ملخو مضارب واحمد اكثر واحد ضربه وطلعو من البيت وضياء يصيح

والله لاوديك رجوره الشمس والله متدري بيمن انطخيت وهو يرد

بسيطه رفل.  بسيطه اني اعلمج.

رفل تبجي واصيح عوفو على بختكم يمه اخوتي خيروحون من ايدي

بقيت صافنه اباوع بالزاويه وندى لازمه ايدها  واني صافنه على خوالها. لو عدي اخ وضهر مجان وكفلي هالوكفه مجان خله  احد يدوسلي علىطرف  اباوع لضياء ينافخ محروك دمه كسر جام السياره عليه وطلع ذاك مرعوب. واني من يوكفلي ربك من ضربتني دزلك اخاك مضروبه بس عي عدها سند اني مالي غير الله الماخفت منه صافنه اباوعله التفت لناحيتي شافنيبقه عينه بعيني ونصه راسه
كانه عرف بيش افكر مكدرت بعد ابقى صعدت بيها حسرره بس الله يعرفها شنو بيه نار وبجي بس مديبرد كلبي ويطلع الشهكه بكلبي وروحي متكدره  بس مدااكدر اضهرها تبقى تحرك بكلبي  ضياء مصعد بيومها  بقو جوه هوسه بهوسه  وبجي وصياح  واني ووجع كلبي نمت بحسره يمكن اكبر من حسره رفل  نفسها  بس اسمع صوت بهاء يصيح

داكول ساكت. داكوول هذاليش سكت عن الورث اثاري العينتين ناطيته قرض ب20 مليون لج بابا رجلج صاييع مو مال مشاررريع

وصوت رفل تبجي غمضت عيني ونمت. اربع ايام ضياءمصعد حتى مدز على زين يشوفه لليلاخر يوم اله قبل ليروح. دزفردوس اخذته

ساعه وصعد وصعدت فردوس وياه مسواك  جنت خلصانه ماريد اشوفه وكانه فهم الاريده
ضياء- مكدرت اصعد واحط عيني بعينها. نضراتها اذتني رغم ماعدي احساس بس صرت بيومها دم من شفتها تباوع بحسره ادري شتفكر اعرف الله بالمرصاد ودعوه يتيمه. بس. جفصت  بعد   والكالته كله صح جبان اني اي يمكن جبان   سلمان صالحته وحسنت نيتي بكذبه جنت داخل بالحلال سالني مو متزوج وليش تثني ومرتك ادميه جاوبت باكبر كذبه بحياتي

ممتوالمين اني من بيئه. وهي من بيئه  خليها ام لزين وبس

متدخل بس وجهه ثكيل  كال

لو عليه مااقبل بس هي الرايده  وكتلت روحها عليك

مرديت عليهاحسيقراني من ملامحي كال

اني اعرفك تره اعرفك كلش زين

بقيت ساكت  ايام مرت عقدنا شيخ ومحكمه  جنت محذر هلهوله محد تهلهل بالبيت بالذاتامل ومحذرها متطلع لطابق الفوك ضحى تخابر مارد مالي نفس داصحح غلط بغلط. اكبر منه    حتى زين ابني احس تجاهه بتانيب ضمير
سيدرا-وره هالاربع ايام منزل ولاندى. صعدت يمي.  واني هم ماريد اشوف شكول الجوه بقيت.  اريد اخااابر.  اهلي. مادري. شسوي.

سبوع ونزل صعد فوك على زين ملهوف يباوعلي بشوق واني يبست.  ورقه. خضره ويبست. لاكامت تاثر بيه عيونه ولا لهفته كلك على بعضك كذب   طبيت للغرفه وسديت الباب.  سمعته رجع نزل.

مر سبوع. وصعدت ندى اخيرا حضنتهاضلت تبجي  

كافي حبيبتي هاهي خلصت

ردت اموت من شفته هيج يضرب بيها
خطيه متستاهل

لا تستاهل موهي المشت لخالو على مود بتها مو هي البنت سهادتها على سعادتج. وانتي يتيمه هاي صربه رب العالمين

جانت تبجي وتحجي وتحضن بيه واني بعد مااهتم لاي شي
اخذت تلفونها ودكيت لامي ردت راسن

نداوي وينج ياامي صاركومه اخابر

ها ماما حبيبتي
ها امي شونج كلبي يمج احلامي كلها بيج

ماماتعالي اخذيني تعبت.

سكتت ماما شوي وكالت تحضري ماما  العصر اجيج ولا يهمج

سدته امي وكعدت حيلي انهد اباوع لزين.     يلعب. وروحي. تفرفح شون راح اعوفك. ندى كالت

يعني بعد. ماشوفج

باوعتلها.
ادعيلي ندى

هزت.  راسها وعيو.  نها تجري   حشتاقلج

تلفون. موجود

ميكفي.
اريد ارتاح ندى.  كلبي يوجعني

حقج والله حقج  

حضرت غراضي  للعصر جتي امي لبست ونزلت  داروح بوست زين كلبي معصور عصر. خابرت امه تجي تاخذه. وطلعت عفته.  يم ندى. الحجيه مو بالبيت المن. اودع بعد. امي تمشي وتنهد وتتحسب وصلنا لباب البيت ابو حسن الحارس بالباب كال
هله ام علي شونج

هله عيني  ابو الحسن

ها على خير

والله رايحه كال راسن

ابو الزين مانعني ام زين تطلع

رديت

انت شعليك وي امي رايحه

لا عذريني  ابد.  لزم التلفون دك عليه واني تخبلت

انت شبيك
ام زين فوتي منا الشارع  

اريد اصيح امي اشرتلي

يمه شعلي هو شنو سجن

ام زين عذريني اني عبد مامور واذا طلعتي اني الاتحاسب عدي جهال.  رحمه لاهلج فوتي.

مو كيفك

لا كيفي لو اعرف اقفل الباب عليج

والله يلبه زين ياهو الاجه وقفل الباب
دفعني وفوتني جوه بالبيت  صعدت ماريد اشوف الجلبه تضحك عليه بس غديت نار النوبه انداريت. على  امي اصيح واعيط عليها
من وراج انتي كله من وراج. عفتيني ورحتي بي. ناس ميخافون الله.     يابه شنو ابنج مات اني شنو الاه الاخذهتوكعيني اليهم لوماخذني بداله. هم جانعفتي لعلللي احجي فهميني   اني احجي وامي تبجي لا مه كلبها واملخ بروحي

متدرين شسفت هنا من ضيم متدررررين.   يوميه ضرب واهانه يوميه انتي خدامه. شرب ومكسرات ولعببببان نفس شلت الطبله كسرتها ابتعدت امي عني.   فقدت.  كمت املخ بروحي

ادري الله ليش مخليني مياخذني لبويه وارتاااح.   عائله كامله. جننا صفيناوحدنا.   ليش شمسوين.  الدنيا هيج تفتر علينا  تخلي اليسوه والميسوه. يخربط  براسنا لان ماعدنا احد يصد عناا ليش فهميني رحمتتتك وينهااا ربييييي. رحمتك وووين مو انت الرحييم.  صرخت وشكيت هدومي
انفتحت الباب ضياء طب.   بقه. صافن عليه. وعالهوسه اللي بالبيت  باوع. لماما وخزرني كال

سدي حلكج عاااد خبصتينا امج   حتوكع
ركضت عليه خنكته

كافي عوفني شرايد بعد مو راح تتزوج

دفعني كال

انتي بعصمتي ولو تموتين متطلعين منا. الا جنازه ارتاحي  مترديني  ويطبج مووت بس متطلعين منا.  فاهمهههه

ماريد ابقى خدامه
ومنو كال خدامه كعززه مكرمه بيتج وحدج والتردي يم رجلج.

ماريد كلهذا ماريدده

هذا الموجود

عاف البيت وطلع عصبي  يومين  وامي  تهدي. بيه. وتواعدني تطلعني منا راحت بعدما. حلفت انه متبقيني تحاجي حمزه يسوي جاره  

ضياء مصعد فوك بعد مر سبوع حتى تلفوني اخذه الحقير.

وفجاءه. سمعت صوت صياح بالشارع صوت حمزه وصوته وصعدت فردوس كالت
عمه. هاي واحد من اهلج اجه

بقيت صافنه وكفت اباوع شفت سياره حكوميه لونها. جوزي باوعت لفردوس

انتي شفتي

اي عمه اني فتحت الباب ولد اسمر وشواربه ثخيه عصبي كال صيحيلي ابوزيناواي واحد منل الزلم  وطلعله عمو  وتعارك وياه. يكوله ولي منا وهو يصيح

ماروح اذا مااخذها

لبست راسن داانزل درجايتين صاح
اصعدي.  لا انززلج جنننازه اصعدددي دازتلي  هالسبع مالتها. ولج بحجايه.  انييم ه وره الشمس. ---