رواية من انت لتكون انا الفصل الرابع عشر 14 - بقلم حسين

-- شو شوي كومي نمل جسمي

اخخخخخ خرب اهلكم
صاح بنتره  وهو يوكف

ذوله بعد لتنيميهم بفراشي 

اي ماشي كمت اباوع وجهي بالمرايه ماخذ اثر معقج مال نومه طبيت للغرفه زين رجله يم راس انو خربت ضحك  عليهم سويت ريوك وضياء نزل جوه طول هواي يله رجع يصعد الدرج ويحجي وي اوس ل امل ويضحك  وذاك يرد عليه طب للترك بيده صمون
تريكنا سوه عيونه متلتقي بعيني رغم شكد خبيت نونتي بحضنه البارحه  بس هو بالساعه ميت مزاج متقلب تركته  كملنا ريوك كعدو الجهال وخله زين بحضنه لللللضهر واني اروح واجي اوكله انضف اركب غده وزين ميباوعلي ولا صاح ماما مكيف بابو   جتي فردوس اخذت انو شوي وصعدت ندى بت رفل عبالها مموجود خالها هي كلش تستحي منه من موجود متصعد ولو هي صعداتها قليله بس كل متجي تصعد لو تسالني عن وصفه كيك لو تريد الصاجيه مال امي الحجيه لان مخليتها. يمي ميحتاجوها ومن ينجمعون البنات ياخذوها من يردون يسوون شي هاي اذا عايف الباب مفتوحه وموقافلها طبعا وي طكاته

صعدت طبت تبتسم من شافت خالها راحت الابتسامه

اا هلو

هلو خالي تعاي. فوتي

ها لا عبالي انت بالشغل

واذا مو بالشغل تعاي ردتي شي

لالا خالو سلامتك يله باي سيدرا

همست ردتي شي
لا بس ردت احاجيج بس مو شغله مهمه ضايجه وماما راحت للزياره وكتلها ذبيني بيت جدو

ها اوك عود تعالي صعدي اني هم اضوج وحدي

اي هسه اصعد

تحجي وتباوع لخالها اللي ديباوعلها مستغرب من جوه ليجوه   نزلت.

ضياء- شنو تصعد يمج دائما نداوي

ابتسمت. نوبات تصعد حبابه وكلش احبها
ورده ندى احسن من اختها
حجاها وشال زين على كتفها ونزلت رجله على كتفه الايمن والايسر طاير من الفرح ضل يفتر بي باوعلي كال

ماما بباي

وين بباي حبيبي
باوعلي ضياء كال
هذا ضايج حاخذه افره شوي تردين شي من بره
ااابس شامبو
ها اي بعد

ومسواك راح يخلص  مخضر بقه شوي

اي فد مره اتسوك بعد اسواق رايده شي
بس معجون كلتها وابتسم
وشنو المعجون هيج دمه خفيف يضحكج

لا هه بس مادري نصيت راسي احب من يسالني شمحتاجه للبيت رفعت راسي بعده يباوعلي مبتسم من صارت عيني بعينه جر نفس ودار وجهه شحتغدينا اليوم

قيمه

اخ تعرفين تسويها مثل مال توزيع

لا موهالحد بس نحاول
يله خل نشوف ديله طالع
الله وياك

طلع وي زين كملت تنضيف سبحت والاكل على نار هاديه طلعت ضفرت شعري هنديه  باوعت من شباك غرفتي لوره البيت الحديقه والكراج.   الوره البيت جبير حديقه مرتبه مابيها اشجار بس ثيل مخلين بي ميز وكراسي نايلون مومثل اللي كدام البيت واكو بالكراج اول متنفتح الباب مال بيت طرمه صغيره وكراج نزله مثل الزحليكه سرداب يخلون بي السيارارت ومن السرداب يطبون للمنور لداخل بيت ابوهم  بيتهم فصاله يخبل السرداب ياما وياما منضفته قبل زواجي. من ضياء جبير يستوعب 3 سيارات من غير اعلى صفحه اكو بالحايط مثل البوفيه بناء بيها كل مواد التصليح مال سياره وجكات وهالسوالف وسباين ودهن جنت من انضفه ينشلع كلبي وهو جبير رغم فتحه بابه. صغيره بس من واحد يفوت ينصدم بكبره  البيت بي بابين باب البيت الاصليه اللي بيها الكراج الجبير والثانيه ام السرداب كعدتهم دوم بحديقه البيت ام الاشجار اللي بنهايتها درج الترك اللي ساكنته اني  هم مخلين قنفات خوص يوميه العصر يكعدون يشربون جاي ويشتمون هوه.    بس احمد يقره بذيج الحديقه الهادئه حيل    
داباوع من الشباك شفته دخل بسيارته هو وزين. عرفته اجه كملت بسع  وكعدت بالهول اتفرج طب وزين يصيح ويحجي عالشافه بره وابو مشتري سياره راسي انسطر من صياحه  وضياء مبتسم واني ساكته اباوعله احاول افهم.
طلع وي زين كملت تنضيف سبحت والاكل على نار هاديه طلعت ضفرت شعري هنديه  باوعت من شباك غرفتي لوره البيت الحديقه والكراج.   الوره البيت جبير حديقه مرتبه مابيها اشجار بس ثيل مخلين بي ميز وكراسي نايلون مومثل اللي كدام البيت واكو بالكراج اول متنفتح الباب مال بيت طرمه صغيره وكراج نزله مثل الزحليكه سرداب يخلون بي السيارارت ومن السرداب يطبون للمنور لداخل بيت ابوهم  بيتهم فصاله يخبل السرداب ياما وياما منضفته قبل زواجي. من ضياء جبير يستوعب 3 سيارات من غير اعلى صفحه اكو بالحايط مثل البوفيه بناء بيها كل مواد التصليح مال سياره وجكات وهالسوالف وسباين ودهن جنت من انضفه ينشلع كلبي وهو جبير رغم فتحه بابه. صغيره بس من واحد يفوت ينصدم بكبره  البيت بي بابين باب البيت الاصليه اللي بيها الكراج الجبير والثانيه ام السرداب كعدتهم دوم بحديقه البيت ام الاشجار اللي بنهايتها درج الترك اللي ساكنته اني  هم مخلين قنفات خوص يوميه العصر يكعدون يشربون جاي ويشتمون هوه.    بس احمد يقره بذيج الحديقه الهادئه حيل    
داباوع من الشباك شفته دخل بسيارته هو وزين. عرفته اجه كملت بسع  وكعدت بالهول اتفرج طب وزين يصيح ويحجي عالشافه بره وابو مشتري سياره راسي انسطر من صياحه  وضياء مبتسم واني ساكته اباوعله احاول افهم.

كعد زين يتفرج عالكرتون وضيا تمدد عالقنفه كال

جاي بقه

لا اسويلك

لاسوي كهوه

كالها وابتسم يترسني فرح من يباوعلي هيج خليت الدله عالنار حسيته طب للمطبخ بهدوء همس

هاي شلابسه
شنو
منيلج هذا الثوب

نصيت راسي على ثوبي الاخضر الحشيشي رفعت راسي باوعتله

مشايفه قبل كلتها ودرت وجهي ---كمت اضوج من سالفه اخذ من خواته هدوم ولاهو الديحس ويشتريلي صارلنا سنه متزوجين مدري شون ركضت الايام وخلصت بعركات بسوالفه المكسره وبسوالفه التفرحني نوبات

ثوب منو
يعني ثوب منو اكيد ثوب خواتك نترت
وليش صايره عصبيه

صاح وشمر باكيته عالميز فارغ.  نتر هو اني صوجي احاجيج
سكتت. مرديت
صبيت الكهوه اله كعد على ميز الطعام بالمطبخ جر فنجانه دااطلع نتر

تعااي

نعم
كعدي داحاجيج

تنهدت كعدت كدامه

رفع عينه ويشرب بالفنجان بارزه بس عيونه نضراته تخوف
انتي ليش من تحجين تشمرين

نصيت راسي

وينه لسانج شو سكتتي

مرديت

شتردين ملابس هسه اوصيلج رفل تتسوك وي متتسوك لبناتها وبعد لتلبسين من خواتي من يجيبوها الهدوم

بقيت ساكته منصيه

متحجين شبيج
رفعت راسي همست اي هاي هي. كلبي انقبض  احساس النقص هذا ميفاركني احساس الاختلاف الطبقي  شكد احتقره

لايكلج الاخضر   مسويه كمين للخروف
كالها وغير مزاجي  ضحكت وهو هم ضحك دار وجهه على زين ورجع باوعلي متكوليلي شنو يعني.  سباك خبصني سباك وسباك

عكدت حاجبي باوعت لزين ابتسمت ورجعت باوعت لضياء

شببباك ههه يريد يكعد بالشباك مو هو يحب يتفرج هاي من انو ماكو بس يخلص اكل ووسبح يخبصني يكعد بالشباك ينتضرها
هممم ههه ارعن

باوعله يضحك ياكل بالبسكت ويتفرج 
كال

وصيتله على  جربايه تره وكنتور

صددك تحجي.   كلتها بفرح نسيت كونه ابنه جاوبني مستغرب

اله اله مو الج

ههه ادري شون خلو بس وين اخليها الغرفه متكفي
لا نسويله المخزن غرفه

لا الغساله بي والمنشر

اي عادي ماعليها شي

وومينام يمي باوعت لزين ورجعت باوعتله

لا يتعلم ينام وحده احسن

بقيت ساكته باوعت لضياء يهز رجله مبتسم ويدخن يباوعلي كال
الاكل جاهز

اي اصب
لاياب شنو السالفه ب9اكلت

همم
شعدج بعد

ليش باوعتله ابتسم غمز جر نفس داس على رجلي جوه الميز بهدوء همس

تجين شوي للغرفه

نصيت وجهي احس صار احمر سبحان الله حتى المشاعر والاحساس عدي مكلوبه فيوزاته  بدايه زواجي مجنت اخجل هسه كمت اخجل   باوعت لزين كال
عوفي ديتفرج اه كام يتثاوب تمدد بابا تمدد عالقنفه وتفرج
وزين مكذب خبر تمدد ويباوع باوعلي كال

ناني

اي ماما هسه

ضياء- ناني شنو بعد هاي هذا يحجي سنسكريتي

ههه لابطانيه مينام اذا متغطى بيها الخفيفه  مجلب بيها

هاا ديله جيبيله الناني كمت جبتها اله وطفيت الضوه بقه يتفرج ويغفي صفحه ضياء كمت اخجل اباوعلها وهو ينتضر مني اكوله يله كملت فرغتلك بس مكدرت بقيت اباوع لزين واكفه يم النقطه مال اضويه  حتى اخجل اروح للغرفه   وادري بعين ضياء تترقبني
سمعته كام اتجه ناحيتي وصللي مد ايده اخذ ايدي بهدوء واخذني للغرفه طبينا وسد الباب بهدوء  وارتجه. عليها رفع راسي من حنكي بهدوء  خصلات من الضفيره  مطلعتها ملفلفه نازله على وجهي بعدها  بيده بهدوء تنهد كال

ادوخ ببعد عينج شو باعيني

باوعتله عيونه تخبل من يصير هاديء وصاحي همس

اني الامااسكر بالشرب. اسكر بيهن   شدعوه هلكد مفاركه

نصيت راسي بخجل

جديد عليه خجلج شنو التغير

ابتسمت ووجهي احس اشتعل

جانت ام زين كلما احجي وياها وكالت لا عفيه استحي وهي وجهه عادي ابد ممبين عليه الخجل مثلج هسه اكتسه البياض حمار وحراره بخدج احس وجهج اننفخ.
رفعت عيني باوعتله لزم وجهي بيده الاثنين كال

سيدرا ضيعيني فقديني السيطره على روحي

عكدت حاجبي همس وميل ركبته وصوته انترس بحه

تعرفين شلون
چچ هزيت راسي بالرفض تنهد وجرني لحضنه وغمض قوي عصرني بحضنه  ورفعني للفراش داامد ايد اطفي الضوه

عوفي ليش
لا مو

عوفي اريد اتفرج اليوم موكل مره

بلعت ريك باوعتله الله يخليك طفي. مااكدر. هز راسه برضا طفاه

كال

وهسه زين

امم

كم مره كتلج اعشق الضلام بحضرتج   بس احير بيش تفكرين
سكتت

سيدرا من نصير وحدنا -- لزم ايدي الاثنين يتلمسها نزلت رجلي للكع وهو. ثاني تك رحل والثانيه منزلها كاعده بصفي وصفحته عليه كمل كلام -- من نصير وحدنا بالضلمه ابقه اني هنا

تلمس شعري قصده يبقه بعقلي.  همس

لو ياخذج مني غيري بتفكيرج

لا ابقى هنا بس اخجل
زين منو قبلي  متقرب منج متحرش بيج لو بس مشتم عطرج

يعني شنو انت ممصدكني

لا عيني انتي مصدكج  بس اريد اعرف كلشي

بقيت ساكته

تلمس بشعري همس

فكي كلبج ولتخافين مني

محد
يعني محد متحرش
تحرش اي
هاه

يعني مو. تحرش تحرش بس كرصني من ساعدي وضربته بالعلاكه وانهزمت

هذا ياطايح حظ. كالها بعصبيه شغل الضوه باوعتله عاكد حاجبه

الجننا كاعدين بالطابق الثاني مال بيتهم

منو هذا

واحد ارعن من وراه ماما قبلت تجي هنا
اي وبعدين. نتر وجهه صار دم جر باكيت الجاكاير سكتت

احجي كملي

يابه هاهي عباله انطي مجال شافني فضحته وضربته وولد عمه حارو شسوو بي بعد نضره مكام يباوعلي

اممم  ووانتي شصار بيج

جسمي كام يرجف شطت  لان حسيت روحي وحدي ومستكوي عليه على ماعدها احد بس ولد عمه خوش كتله كتلو

ممم ووبعدين من شافج
بعد مشافني امي اول مجتي كتلها كالت كومي نطلع وجينا للترك

شفته يدور عالجداحه بعصبيه بالمجرات

هسه علشنو دتدور

صخام الجداحه وين راحت

لزمت الجكاره بهدوء من حلكه طلتها

عوفها ختولي همست راسن غمض لزم راسه  بايده الاثنين وكعد عالجربايه همس

همزين اني تعاركت  ويايه ومخلت امج تطلع من الترك
طفيت الضوه  وكعدت بصفه.  كلت بصوت ناصي

يعني انت تغار عليه

نتر
شي راااجع الي احب اني اول واحد يكتشفه ويشوفهههه ويلزززمه انتي انخلقتي الي وخليها ببالج تره متصيرين لغيري حتى لومتتت اموتج ويايه انتي انخلقتي لراحتي وبسسس

اني انخلقت اعبد الله همست صافنه على غروره
اي اي ومن بعدها الي وبسسسس فاهمه

امم سكت واني سكتت جد ساعدي

منين كرصج باليمنى لو اليسره

والله ناسيه كلتها ببرود

عصر ايدي قوي وجرني على صدره توقعت يحضني بس كان يفتح سحاب ثوبي بعصبيه وجهي على صدره همست

جنت كلش حلو من هاديء حسيت شي جديد عليه ليش راحت حنيتك
هدا ايده العصبيه وجر نفس ترك السحاب وحضنني ويتنفس سريع   مد ايده لضهري وكمل فتحه السحاب.  بهدوء

شحسيتي شون جديد

احساس عاطفي

بهال10 شهور كومه تقربت منج

اي بس مو هيج احساس هاديء لو الشرب ماثر عليك لو مااعرف شون

شون شون كليلي

كالها بلهفه

عبالك تحبني كلتها بعفويه وكف من حركه ايده كال
اني بحياتي محبيت بس خلي يكون بعلمج مراضي عن احد غير امي  بكد مراضي عنج

لزم وجهي وهو يحجي كمل كلامه وتقرب باسني بهدوء صدك يوميه احساس شكل وياه واليوم جان اهدا شي واحلى شي احساس وداني  لغير مكان نسيت اهلي بي وكانني غير انسانه وكانني فعلا خلقت لاجله----
ضياء- حسيت بيها بهدوءها بعاطفتها وحبها حسيت روحي ملكتها فعلا  رغم انها فقيره واني المعيل الوحيد الها بس الوحيده السيطرت عليه واكره هالاحساس حيييل رغم اموت عليه من يضيعني بيها بس من اكون مكتفي جنسيا  اتخبل من اتذمر روحي ضعيف كدامها او منسيطر
مو ضياء الدين اللي تضعفه مره ابد مو هوه ---

سيدرا- اخذني لعالم وردي محجه ابد بس حنيته طاغيه فعلا انسجمت وياه ابتعد عني وجر ايدي عليه خلاني احضنه بقه يتلمس بيدي وناطيني ضهره غفيت بعدها بسرعه احلى شي من اكون مامنه هو بحضني
يومين مرت واحنا احلى من العسل وزيون ميفارك حضنه مسواك من. ينزل جوه ولمن يكعد يتفرج تلفزيون لازم زين بحضنه وكلسا مدغدغه وبايسه لو حاضنه ويباوعلي اني ابتسم من كلبي من اباوعلهم دك تلفونه من جان ديتفرج تلفزيون ورد
ها يوم. شنو ليش شعدج ها هههههه اي يله هسه ننزل منو جوه ها ماشي ديله عيني جايين

باوعلي واني صفنت عليه

شبيها امي الحجيه

تكول تعالو يمي مشتاقه لسيدرا وزين

والله اني هم واحشتي صار عشر ايام مشايفتها

دبدلي خل ننزل شوي واشرلج نصعد
اوك طبيت للغرفه لبست كلبيه مال حجاب وحجابي ونزلت وراه كلسا يلتفت عالدرج يباوعلي من فوك ليجوه ويجر نفس تك حاجب معلك ادري لو مصلخه جان شسويت كلتها بكلبي طبينا يمهم جانو البنات جايين وبهاء طالع يجيب مرته من بيت اهلها بس جهالها بالبيت وماخذ انو وياه امل ورجلها هم طبيت عيوني تدور الحجيه الصاحت من شافتنا
هلهه هله بسدوره

هلو حجيه ركضت بوستها اضحك اندارلي ضياء مبتسم وباوع لرفل

ها ام سرمد شونج

هلاو ضيو.

باوع لسرمد شونك لك مطي

هله خالي الحمد لله شونج مرت خالي

اهلا جاوبت  مبتسمه وباوعت لضياء الدار وجهه باوعلي وجر نفس اوس رجل امل كال
يابه البارحه ريحه الباميه سطرتني  اكولها لامل صعدي نزليلنا فد ماعون مو انسطرنا  ومتقبل

سيدرا- لا والله لو بس دار فردوس ادزلكم الجدر كله

ضيا- باوعلي  معاجبه

اهووو يعني شون اسكت مااحجي لو روحي طكت حيصير بيه توحد احجي وي روحي طب بهاء كال

سلام علييييكمممم جرها يبتسم هاي شنو اليوم منور بيت الحجي.  ركض زين على انو وكمت سلمت على عطور هطيه صايره فلم بوستها بس الحمد لله مبجت طبت للغرفه مالتها ترتاح  جتي ندى كعدت يمي  احمد جان مموجود ورفل تباوع لاخوتها مادري شون  عبالك مرتبكه
بهاء - شونج ام زين

الحمد لله جاوبت مبتسمه  

بهاء- امل شعدج عشا اجيب شي من بره صمون شي

عدنا كبه جابت المره  بس صمون يمكن ميكفي

خل اخابر احمد بطريقه يجيب

سدرا- باوعت لندى عيونها. لمعت من جاب اسم احمد وسرمد يباوع لفردوس مبتسم ساله ضياء
شونك بالجامعه ولك

زين خالي الحمد لله

صعب عليك لو مدبرها

لا سهل هو تكنلوجيا بعد واني احب هالقسم
اممم ديله شدنا حيلك

الله كريم
سيدرا- امل وكفت تكلي وكامت رفل وياها اشرتلي الحجيه اكعد يمها كعدت وبقت تتبشبش ويايه

شونج سدوره
الحمد لله زينه ابتسمت كرصتني من خدي كالت

شونه ضياء وي السم

والله احسن من اجه من بيت عمه مشرب واني ابد ماذكره بي

سباعيه حبيبتي فدوه لهالخد الحلو

نصيت راسي خجلانه كالت

نزلي يمي دائما هاي اموله توضفت بعد ابقى وحدي بالنهار ضايجه
انشاء الله هسه اشوف
دتصلين مانا

اياي الحمد لله مكاطعتها والله مل ماصلي ادعيلج

فدوه لعيونج الحلوات  امج مجتي لعد كال ضاوي راح تجي

اي الاحد تجي والسبت الوره يوديها
خوش شبعي منها سبوع

اي والله حيل واحشتني

دك مي ماما وي البنات هذا هم بيتج
اوك كمت من يمها طبيت المطبخ جانو ديتبشبشون عالبيت ماعرف شنو وحصه من طبيت سكتو كالت امل بفضاضه

هااه

اامي الحجيه كالت ساعدي البنات

رفل- تعاي حبيبتي سوي الزلاطه

اي تقدمت بثكل يعني حيل احس روحي طينه هنا ثكيله حيل سويتها بسرعه وسويت اللبن وكعدت همه حضرو السفره  وفرشو طب احمد وبيده العلاكه والسوالف والضحك باوعلي ابتسم
هاي ام زيون هنا. شونج مرت عمي

الحمد لله

بالجذب ماعون باميا منززلي ليش هيج ليش

ضياء- اويلي عالباميا منفوسه واني اكول شبيه من البارحه منهضمت اثاري النفس بيها ولك امك رجعت روح لامك

عمي الله وكيلك امي طبخها مطيب

ها مو اكوللها
لا دااشتقه معود جدي ميت وبس يراد اطخها وتبجي استر عليه ابويه يبيتني بالحديقه
هههه دكعد اكعد

سيدرا- جو البيت حلو هوسه وحجي وسوالف يضحكون الكه روحي مبتسمه بله وعي كعدت يم ضياء وبصف ضياء كعدت امل شاورته ضحك باوعتله راسن مدري ليش اخذ على روحي رفل وجهها يضرب الوان والحجيه كاعده عالميز متكدر تكعد بالكع تاكل. ياكلون ويحجون صاح سرمد

سيدرا بس من يمج اللبن وكفت اللكمه
ضياء باوعله ونطاهيا نتر

هاك لتضل تصخر

اي حقك خال

انجب واكل

يعني نوبات احس روحي من احاجيك اربعه ارهاب

فد يوم اسحلك لان جلدك ديحكك

ضحكو وراها سكتو انشال الاكل  وزيون ملتهي وي انو هناك عاط واجاني يركض مفرفح
شبيك ماما شبيك حبيبي اباوع ايده معضوضه يشهد الله اطراف العضه طالع منها دم يابه تخبلت مو سوالف انو هاي بت امل المسمومه

منو وياك نترت

اشر على بت امل واكفه مزنبره

ضياء فز تخبلت

باوع ايده همست بنتره

ليش خالو خطيه نطت امل

ولك ابنك ميكعد شوشسوالها وعاضته

انو ام لسان كالت
اخذ الطوبه مالته من عدها وهي عضته

كالت

هي الطوبه صارلها شهر مشموره هنا  هو مخبل شيفهمه

سيدرا- زين مو مخبل نترت مكدرت بعد الكل باوعولي مستغربين   باوعت لضياء نصه راسه خرب حضي شلته حضنته اهز بي درت وجهي عنهم ضياء اشرلي بحاجبه اصعد فوك هزيت راسي موافقه ونار بضلوعي صارت دااطلع الحجيه كالت
وين سيدرا تعاي اهوووو ياضاوي دعوفها شوي

يابه تعاي كابليها وكعدي

سيدرا- شالو السفره واني يم الحجيه واحضن بزين مقبل ينزل بعد يخاف منها وكلما اباوع لايده اتخبل كون ابقى وياها فد غرفه فد ساعه اربيها وامشيها عالصراط المستقيم.     اباوع امل جرت موبايلها وكعدت يم ضياء وحدهم على قنفه تتبشبش وياه مدري شتشوفه  ضياء عكد حاجبه وحتى لو يهمس خشونه صوته تنسمع كال
منيلج هاي
وهي مدري شتبشبش
كال

وشتريد خطيه

ومدري شكالتله وضحكت هو هم ضحك فر بيده اندار على امه باوعلي شافني مركزه وياهم نار بكلبي شبت باوعلي راحت الضحكه جر نفس واندار على امل مدري شكلها وامل باوعتلي راسن كالت

بصوت مسموع نوعا ما بس هي دتشاوره عود

بس لازعلت هم يبه الذبان
ضياء راسن باوعلي درت وجهي عنهم شوي ومكدرت بعد طبيت لعطور طبيت يمها شوي فكيت بقينا نسولف كسرت عليها وكسرت علليه شوي وعلكت صوت صياح عطور خلت ايدها على حلكها

شكو هاي

ولج ابويه نطاني بيت ورجل رفل يكولها اخوج صار عده بيت ليش ميبيع. ذاك البيت الماجري وينطيج  حصتج  فردوس سامعه رفل تحجي مرت عمي

بقيت صافنه يعني شون ابوج طاج بيت

هو مسجل باسمي بيت ورثي منه وهذا رجلها ابو فليس كلش باعي ابنها شكبره وبعدهم كاعدين بيت ابو والبيت مليان اخوته وهوستهم موماعده بس ابوفليس لج راتبها كله بجيبه جانت تجي تحجي
يا خطيه رفل  حبابه

والله بس انتي الحبابه 

زين بهاء خل يبيعه وينطيها حصتها

اولا ذاك البيت بيت ابو باسم الولد وهذا باسم البنات وخالتي وعمي موصي مينباع شي يبقى سند الهم وبهاء كال بس يصير عدي اطلع الموجرين وافصله شو هو 400 متر كل وحده 200 ويرتاحون

خطيه والله صح كلامه الفلوس تروح
اي باعي بسهو رجلها كرميده  تدرين ضل بهاء سنتين يشتغل راتبه واجار المحلات وينطي لابويه فلوس البيت عباله موبيتهم لحد ما مات جدي يله كلهم هذا البيت لولد محمد واني كرهت ابويه وكلت ليش هيج سوه واكل الفلوس وتعب رحلي وكصر ركبتي طلع ضايف عليها مشتريلي بيها بيت خطيه الله يرحمه

الله يرحمه خطيه الاب خيمه عطور دوم استغفريله
والله ميوكع من حلكي اش اش وج هاي كامت تبجي

اي عزه

سمعنا صوت ضياء يصيح

البيت مينباع لو اموت ابويه موصي يضل ذخر للبنات وكايل لجدو احنا من نقلنا الملكيه الهم حسب وصيته رجلللج شيريددد

خويه والله مسويلي عزه يوميه مكرع راسي
ويطبه طوب يحجي منا للصبح تردين روحي عيشي بي مال بيع مابيعه وهذا اخوج هم نفس الحجي روحي كوليله ماعدي ورث

الله يخليك بهاء حلها الي تعبت والله العضيم

رفل مثل مسمعتي من ضياء يابه قوي شخصيتج شنو الفلم صار 20 سنه متزوجه تصرف متعرفين تتصرفين

بهاء داكولك واصله للطلاك اجي تالي عمري اتطلك

اي واتطلكي اذا يبقى اعوج لتكملين حياتج وياه هذا هم راتبج هذا هم ذهبج لو السياره اللي اشترتها امي لسرمد يشتغل بيها وينهن كلها راحت خلي يتقي الله لو تردين اني احاجي واطلعي منها
لالا فدوه اروحلك اني احاجي والله يستر

يابه مرضه عوفي وتعالي رفل ابنج بطولج ولحد الان كلشي ماعدكم شوكت تخليله سند يابه مستعد ابيع البيت وانطيج حصتج بس والقران بسفره من سفرات مشاريعه الخربانه تناكل الفلوس

صح كلامك والله بس شسوي
لبسي خلي اذن من طين واذن من عجين

خوش
سيدرا- هدات العركه وضياء ضل عصبي كلسا صايح ومتعارك وغالط على زوجها  وبهاء يسكته هناك صاح

وينه هذازززين ززين امشي يله دنصعد

عرفت قصده عليه. بوست عطور وعفتها ركض طلعت منصيه همست تصبحو ن على خير جاوبني ابو احمد واوس وصعدت وره ضياء نار غادي  كبره

طب للترك وطبيت ركع الباب وراه فز زين

كال
شو بابا خل اشوف ايدك
مدله زين ايده ويباوعلي

محجيت شي خايفه لزمها وباسها كال

هسه تصير زينه حبيبي

بقيت ساكته اخذت زين شلته

حتنيمي

اي وكت نومته فات ساعه 11
ماشي

بقيت اباوع بعينه حمر وصاير عصبي ولازم راسه تركته وفتت بغرفه زين اللي جابوها من نزلت جوه وصعد شدها غرفه تخبل سرير ابو السياره وكنتوره بابتين شكد حلوه باجر ارتب هدومه بي فرشت جرجف نفر عالحربايه ونيمته عليها جان مكيف كلسا يلزم التاج مال الجربايه يكول
سياره مكيف بيها
اي حبيبي نام زين وطلعت من الغرفه اباوعله شون نايم براحه بدلت دشداشتي لبست تراكسود وضياء ماله حس شعجب يجوز نام حضرت بدلته وشلت شعري طلعت للمطبخ داشوفه ديسوي شفته ناصب المزه والبطل بيده بقيت صافنه عليه باوعلي بطرف عينه

هاي شنو رجعنا

هو منو عافه اكو قطعه كزاز من راس البطل وكعت بالكاع يمكن طارت مدري وينها ديربالج زين باجر من يكعد ليينجرح بيها

بقيت اباوعله. معاجبني باوعلي ودار وجهه

كتله

يعني عساس خايف على ابنك
اندارلي وعيونه مخنزره عاكد حاجبه

شنو كلتي بله

مرديت عليه درت وجهي داروح صاح

تعاي داحاجييييج