رواية من انت لتكون انا الفصل الثالث عشر 13 - بقلم حسين

ايام مرت. واني اصبح بوجهه تعلم يحضنني وينام.  مرت 3 ايام. مطلع لباب البيت كانما توني تزوجت. انيم زين الضهر. والكاه منتضر بالغرفه 
ينتضرني اجي لو يدور بكنتوري ومن افوت يكول

لبسي هذا اريد اشوفه عليج

والله. اخجل شوي شوي اتعود

احب اشوفج خجلانه

جان كلامه. بهداوه وتوسل يخليني احس روحي. اميرته المدلله. ابتسامته. وتاملاته لحركاتي.  دلالي لزين وشسويله كال

اني هم اريد  هيج
لحد ما مرت اربع ايام وبده يلوب اشوفه يروح ويجي نزل يم الحجيه وصعد. عطور حاله ابوها موزينه وامل واوس بس يتعاركون

فجاه ب10 بليل طب بدل جنت اغسل الحمام. رفعت راسي شفته كال

راح اطلع شوي

بقيت اباوعله حك راسه كال

مدااكدر راسي انسطر اشرب وارجع

مجاوبته نصيت راسي اكمل جلف طلع وسد الباب شمرت الفرجه وكعدت بالحمام بنص التايت عجززت عجززت شسويله شراب سكير لعبها لروحي شنو الحل تعبت ربي دخيلك عينني والله صلاتي مكاطعتها ودعائي اله بالهدايه امي الحجيه طتني  شي مثل  الدعاء اقراه ومستمره عليه
والله شفت نتيجه يوميه اقره عالمي سوره الحمد لحد مااوصل لايه
اهدنا الصراط المستقيم اكررها ميه مره واكمل سوره الحمد  وانطيهيا  يشربه لو بعصير لو بلبن.  ادري شسوي بعد بقيت دقايق  صافنه كملت شغلي وسبحت وبقيت انتضر ساعه ساعتين مرجع طكت روحي سمعت صوت عطور جوه لبست ونزلت اسلم عليها اسال على ابوها عيب

- نزلت وصار بدايه الدرج احمد كال مبتسم
- شونج مرت عمي عمي وينج شو متنزلين لاكيكه لا حلويات شدعوه يابه مدتكولون هذا ديقره خطيه مهندس عمي يجوز بعدين نفيدكم

- هه لا والله بس مشغوله امك وين

توها طبت جوه عمي فوك

لا طلع يم صاحبه
آخر تحديث في: اليوم
ها ماشي

ذات شعبية الآن في غموض / الإثارة
طبيت من يمه واعدل بحجابي دكيت باب المطبخ وطبيت لكيت عطور تبجي وبهاء حاضنها ويهدي بيها اوس وامل كاعدين وامي الحجيه طبيت

السلام عليكم
جاوبو وردو السلام تقربت يم  امي الحجيه  بستها من راسها ابتسمتلي باوعت لعطور باوعتلي وعيونها مليانه دموع تقربت بثكل خجلانه

شونه ابوج
رجعت بجت حضنتني واهدي بيها كالت
موات ماله جاره اليوريا صاعده

الله يساعده ويريحه من الالم خطيه  ادعيله يرتاح

ولج والله حتخبل. مااعرف شدعي ادعي على ابويه يموت

الله يساعدج ميخالف عطوره انتي مومنه
والله العضيم حتخبل والله رغم بعيده بس ادري بي مرتاح  وعايش مكتفيه

الله يساعدج ياعيني  بقيت اطبطب عليها بهاء كال
يابه ام زين تبقين اليوم يمها لازم اروح لبيت عمي ----رفعت راسها فازه كالت

صدك بهاء حتروح

اي حبيبي لازم  ميصير رغم المشاكل بهالوكت لازم يرجع المي لمجراه وهذا امر امي ها يوم

امي الحجيه ردت
اي يوم روحو يبقون عمامكم  حرام ويبقه جد جهالك وولده خوال جهالك وعطوره تستاهل

عطوره- والله يمه  توسل بيه  كال   شيريد يتدلل بس خلي يبريلي الذمه خاف اخويه يعتب عليه
الله يهدي النفوس

سيدرا- اباوع لبهاء جر نفس مخنوك فرك وجهه كال    و باوعلي رافع تك حاجب كانما يعرف اجابه سواله  ابو زين وين يابه

ااا راح وي صاحبه

ها وي صاحبه وي صاحبه ماشي

شفته طلع  تلفونه  وطلع بالطرمه صوته عله وصللنا بقيت واكفه امي الحجيه اشرتلي اكعد يمها كعدت يمها شاورتني
سويتي الختمه
ذات شعبية الآن في غموض / الإثارة
وشرب بعد

باوعتلها وجريت نفس كالت

مو من اول مره ضلي مره وره مره وهسه تشوفي باذن الله من وحده يتركه

الله يسمع منج

امل- زين نايم

اي جاوبتها ودرت وجهي اوس كال

كومي نيميها لبتج انتي هم
عوفها شرايد منها ذاك خبل بس ينام

رديت
بس زين تره موخبل  والله

اي منغولي

بقيت اباوعلها تباوعلي مبتسمه عبالك مستصغرتني عفتها  كالت

كومي ويايه خل ننضف المطبخ  مااكدر وحدي  

بقيت اباوعلها شفت الحجيه محجت بس جرت نفس كمت ساعدتها.  وكلسا تكول
الطباخ من يمج
الكاونترات

الثلاجه فد مسحه هاج هاج هاي الصينيه دااغسل لبتي

كملت الهوسه وهي طبت شوي وطب بهاء باوعلي كال

مكالج ويامن طالع

ااكال وي صاحبي

ها

ميجوز  من سوالفه احنا بيا حال

شوي وطب احمد كال
امي وين

يمه عوفها صارلها يومين منايمه خل ترتاح -- جاوبت امي الحجيه

بيبي  جوعان

باوعلي ابتسم كال

اي شي عمي

اي هسه همست باوعت للحجيه

يمه عدكم شي لو انزل كبه

مرت عمي نزلي حتى لو اكو اريد من يمج  والله مطيب يجيبون من بره وامي مسجليها غياب صار سبوع
اي عادي صعدت نزلت كبه وكليتها جوه سويت لفات حتى اوس اكل وفردوس وانو --- وبهاء يروح ويجي والفون بيده   طب  ضياء واشتغل الصياح بين الاخوه بالطرمه. وطبو جوه شافني ضياء فك عينه بغضب  درت وجهي عنه عيونه حمر دم وبي ريحه. ضل بهاء يتعارك ويا وهو ساكت كال

ماروح بيت عمي

يابه موات

اي هاذ هو ماروح تريد روح انت

ضياء فضني اسبح خل نروح لو يصبح صبح عليه لو لا

وليصبح
ضياااء
الحجيه كالت- يمه بروح ابوك تروحله ترضاها يروح لابوك يكوله  ابنك زعلان عليه روحله يمه
استغفر الله

سدره- باوعتله وكف فرك وجهه باوعلي بغضب  باوع عليهم جانو . يتعشون كال

امل وين

دتنيم بتها

ووانتي شون تعوفين زين  وتنزلين

دداشوف عطور ارتبكت خايفه بعدها اتزنت الوش خايفه شمسويه عشتو 
دمشي يله حضريلي هدومي داشوف تاليتها

كالها بصياح صعدت  فوك كدامه وهو ورايه بس طبينا للشقه لزمني من كتفي بقوه كتفي انخلع دفعته عني صاح

شننزلللج بت المصموط
لتحجي على ابويه همست وعفته وطبيت ادري مو بوعيه لحكني  ويصيح

شكو نازله متحجين لو عجبج تفترين. تكسرين حجايتي لان رحت شربت عناد بعناد موو عناد بعناد بسيطه تخلين راسج براسي
انداريت عليه باوعتله كمل صياحه عفته ورحت معديتها بمزاجي بس روحي طافره

طبيت للغرفه طلعتله هدوم خليتها عالقنفه مال هول حتى الجواريب  جان بالحمام من طلع طبيت للغرفه انام يم زين كال بنتره

تعاي هنا

وكفت نعمم باوعت بوجهه متخوصره

مو اجي  اشك حلكج

شتريد مو كتلي حضري هدوم هاي يمك
تعاي لبسيني
شنو ماعدك ايد

غصبا عنج. خدمتي شغلتج

ليش يابه خدامه

لعد شنوو.  تعرفين شنو المره لو متعرفين

المره مو خدامه

لاخدامه لرجلها  وبيتها وبس

استغفر الله. دافوت صاح

تعاي داكولج
يوووو همست دايره وجهي فركت وجهي بيدي. كال
تعاي دخلي الحزام بالبنطرون  
كالها صوت ناصي وهو ينصي عالقميص

تقربت جريت نفس مالي خلك عركه والله يلبس بالقميص كدام المرايه واني ادخل الحزام بالحلقات  كملت رفعت راسي باوعلي بطرف عينه بغضب   ورافع راسه وايده ويدكم بردنه

جيبيلي عطري والساعه

اوك

طبيت جبتهن خليتها عالميز دافوت كال

الوش مستعجله عالنومه شو جنتي جوه  منعسانه فجاه نعستي
باوعت بعينه مستغربه

تعاي لبسيني الساعه
تقربت لبسته الساعه

عطريني

استغفر الله كلت بكلبي رشيتله عطر بركبته وذبيت الشيشه كال
تقربي شمي بيه ريحه شرب ادري بيج بوليسي تشمي ببعد كيلو متر

تقربت شميت ركبته دار وجهه قرب نفسه ابتعدت

هاي شبيج عيني لتخافين مرايد شي ها بيه ريحه
چچ

امم ديله حذائي وين

هذا جو رجلك

مسحي
ماسحتتته كلت من بين سنوني كانه ديتمتع بذللي.   كعد عالقنفه وجر بنطرونه دينصي كال
بنطروني كصيف حينفتك لبسي جواريبي. وروحي انطمري

نصيت لبسته رفعت راسي باوعلي بعتب لبسته الثانيه وعدلتها زين جريت حذاءه لبسته باوعتله كال بعتب

ليش نزلتي

كتلك داشوف عطور

بس اني محذرج

شسويلك يعني عيب من البنيه

حجايتي اذا انكسرت متدرين شسوي بيج
عافني دينزل شال فونه

اوكف اوكف بس سوال

التفت رافع تك حاجب ويمشط كدام مرايه الهول.
هممم

ليش متريدني انزل

محد يشوفج ولا تشوفين احد هالمره حجيت مره لخ ايدي التحجي فاهمه

بقيت ساكته نار تطلع من صدري سجن سجن ساجنيي عفته وطبيت نمت يم زين حسيت تقريب ديكبر الفجر كمت توضيت وصليت مو كل يوم اكعد هالوكت بس اليوم كعدت مصحصحه دااصلي حسيت الباب انفتحت اني بالغرفه كملت صلاه سمعت شي انكسر بالمطبخ فزيت ركضت بالجادر مال صلاه طبيت العول شفت كاعد بالكع بالمطبخ ومرتجي عالثلاجه والكلاص يمه مكسور وديشرب بالبطل شنو اول مطب ركض عليه مديت راسي وره الحايط الفاصل الفصال الحار. البارد رفع راسه باوعلي عيونه حمر ووجهه تعبان حيل بقيت صافنه بقه يباوعلي ونصه راسه
لعبها لروحي ادري مو بليل متزفنب تركته توني اطب للغرفه همس بتعب

سيدرا

وكفت التفتت عليه كال

تعاي شوي

ماريد هزيت راسي بالرفض ورجعت انداريت صاح بتعب

سيدرا تعاي

رجعت وكفت وانداريت مشيت لناحيته
شتريد ضياء نصيت صوتي شتريد متكولي رفع البطل يشرب غمض عينه ونتر راسه بلع ريك

ادري واحد راح شاف انسان مريض غير يتعض يخاف الله احجي وهو مدنك راسه ويشرب كوه بقه منصي كال بتعب

مات سيدرا مات

فكيت عيني صارت كبالي عطور شصار بيها خطيه

بقيه بحياتك

سيدرا مو ذاك عمي الگاصي موذاك الخذت منه القساوه منتهي خلصان رايح
حاجيته

اي جرر نفس. ايي حاجيته وبريتله الذمه

الحمد لله بقيت اباوعله منصي والبطل بيده مرجي ايده على صابونه رجله الثانيها لصدره

ليش دتشرب كوم حرام عليك

باوعلي ونصه كال

معليج مني ششليفه روحج لو شفتي نفسج اثرتي بيه شختي عليه
براحتك تركته رجع صاح

وين رايحه

مجاوبته كملت مشيتي همس

سيدرا اخذي مني.

التفتت عليه نزعت الجادر ورجعت للمطبخ نصيت لمستواه منصي راسه خجلان اخذت من ايده البطل بهدوء رفع راسه باوعلي ورجع نصه

كوم ارتاح

لازم اروح وياهم للدفنه والتشييع
لعد ليش جاي سيده عالشرب اصحى ضياء

ماريد اصحى

جريت نفس كوم اسبح

عبس وجهه وداره عن وجهي مابيه حيل

سندته عليه وكفته

مسكران تره

اي اعرف امشي اسبح ريحتك مال شرب عيب كدامهم شيكولون ابن محمد جاي لتشييع شارب
مابيه حيل وروح ابوي انهد حيلي

باوعتله --- هيج جنت تحبه ضياء

لا مو شغله احبه بس انسان جنت اشوفه وحش ومينكسر واتمنى اشوفه مكسور من شفته اليوم ماعرف شصار بيه

الله يرحمه

سكت مرد صافن عالكع

امشي اسبح
تعبان سدره

اني اسبحك باوع بعينه بقه يباوعلي فاتح نص عينه كال بتعب

مثل متسبحين زين

امم يله تعال طببته للحمام كعد على دجه البانيو صافن عليه ويفتح بدكم القميص نزعه واني فتحت البانيو نزع بنطرونه وساعته والجوريب باوعلي

خاف تعبانه

لا متعبانه --بقه بالشورت وطب للبانيو
المي بي بروده

هسه ادفي كاسرت المي رجع راسه على دجه البانيو واكتافه على الحواف ممددهن منا ومنا باوعلي فاتح نص عينه شلت طاسه مي على راسه درتها بعيد عن عينه وذبيت شامبو وبديت افرك براسه بخفيه غمض براحه

شكلك عمك شكتله لعمك من شفته
تنهد

من شافني بجه ومد ايده ترجف يريد ايدي يلزمها لزمت ايده وجرها يبوسها يستسمح مني
خطيه

نصيت على راسه بسته كال
عمي حللني واوهبني ابريلي الذمه اذيتكم وضلمتكم

وكتله مبري الذمه

زين سويت

جر حسره. تدرين القهر وين

ممم وين

القهر انه من ديموت كال. هذا محمد اجاني يريد اروح وياه كلهم كامو يبجون الا اني وبهاء بعد هالعذاب الشفناه منه كله يجي ابويه ياخذه
الله يحاسب

بس اني مرايد اذيته سيدرا

لعد شتريد

مادري والله مادري الله يرجمه

هو شسوالكم هيج حاقدين عليه

ااخ حاقدين عليه لا الشفنا منه يخلينا اكثر من حقد نشيل

شنو شسوه

هاهي روحي سيدرا عاشت ايدج
بعدت ايدي كام على حيله تعله جو الدوش اندار فك عينه ومسح المي
اطلعي دااغسل
اوك طلعت بره غسلت ايدي صاح

طلعي هدومي السود

اوك

حضرت هدومه شوي وطلع بالخاولي باوعلي كال

حضريلي غيارات ارجع لبيتهم علمود الفاتحه ابقه هناك

تبات يعني

امم ماعده ولد بس بنات والنسابه من هسه كامو يتقاسمون الورث
الله يساعدهم اخليلك داخليات ومال بيت

اي من كلشي غيار واحد اووو ب5 ونص يله يابه تاخرت عالتشييع

اي هسه حضرتله كلشي بجنطه ولبس هدومه السود باوعلي كال

باجر ادزلج المسواك بيد ندى بت رفل لتنزلين جوووه يحتاج اعيد الحجي

لالا اوك

يله محتاجه شي
لا سلامتك مد ايده على خدي تلمسه هز راسه راضي واخذ الجنطه ورجع طب للغرفه طلع فلوس من الكنتور وطلع---

بقيت وحدي وي زين     رجعنا ندرس صرت اجزم زين انسان عادي  فهمه وعقله وتطبيقه السريع والله انسان عادي    مجرد شكله متلازمه داون ونطقه الثكيل   يومين وصعدت ندى جابت المسواك. خلتها عالكاونتر

شونها عطور شفتيها ببيت ابوها  طمنيني

عمه بس تبجي خطيه تكول مشبعت منه.
الله يساعدها منو دز المسواك

خالو  ضياء خابر بيبي يوم  كاللها من يتسوك الحارس يتسوك للفوك وياكم وبيبي دزتها
هممم

التفتت عالحديقه الداخليه وباوعتلي

عمه احمد اليوم طلع يقره

لا بقيت اباوع بعينها الحايره. . لا مطلع     يمكن بيت جده. باوعتلي  خجلت ونصت

يله حروح
اوك

نزلت ندى وتباوع على ميز كعده احمد الحب مبين بعيونهم  من يمي كلبي دك لليل صعدت فردوس بت بهاء. شايله بيدها انو

هلو عمه

هلو حبيبتي بقيه بحياتكم

شكرا عمه ماما تكول تكدرين تبقين يمج انو  بس اليوم ملختنا هناك جوه الرجل
اي عادي  خليها اكيف وي زين
وعمو ضياء راد غيارات ودز هاي الجنطه

بقيت اباوع للجنطه اخذتها منه صارله 3 ايام الفاتحه هناك خليتله غير غيار  وهدوم طلعه ورتبتها وطيتها لفردوس وراحت طلعت وراحت بقت انو هي وزين بس شنو خبلوني طلعو روحي وكحين يصيرون من صارو 2 سويت كيك  ومعكرونه ادري بيهم يموتون عليه انو اكبر من زين بسنه . ---

لليل نامو واني غديت جنازه سبحت وتمددت بالهول لان حاجزين . السرير ثنينهم توني اغفه وانفتح باب الشقه بهدوء سويت روحي نايمه لان صدك قافله مطفيه طب بهدوء سد الباب خطيه مشغل الضوه تقرب حسيته قرفص كدام القنفه النايمه عليها مد ايده تلمس جبيني بهدوء جر نفس وفات سمعته فك الدوش راحت ام النومه كمت عدلت شعري وذبيت هدومه الوصخه الجاي بيهن بالغساله وشغلتها. وحضرتله هدوم طلع ينشف بشعره من شافني وخر المنشفه ابتسم تك خد
كعدتج؟

لالا توني جنت انام ووراحت النومه بقيت اتامل ملامحه شكد شتاقيتله بقه يباوع بوجهي

شبيج؟
مابيه
شو تباعيلي مادري شون. -- يحجي ويفرك بشعره ذب الخاولي ومشط شعره بمرايه الهول ورجع المشط عالمرايه واني واكفه لازمه الخاولي واباوع انعكاس وجهه بالمرايه التفتت عكد حاجبه مبتسم
شبيج

شونك

زين الحمد لله. ايه شونج انتي زيوني شونه واحشني الحيوان

نامو خرب يومهم
هههههه ها خبلوج بالاتحاد قوه

اسكت فركت وجهي

هههه

ضحك من كلبه كال

شعدج شي يناكل
اكليلك

لالا مو هالحد

لعد فاكهه

مالي خلك اكل بس بطني فارغه

حسويلك كوكتيل

اي خوش

طبيت المطبخ هو طب للهول تمدد التفت عليه كال

شكو ماكو
ماكو كاعدين وساكتين ملتهيه وين زيون

ممم وبعد

هاذ هوه

خابرتج امج

وكع من ايدي الكلاص

للا التفتت عليه بلهفه ابتسم كال

اتصلت ردت تتفاجئين

اي شكالت

حتجي السبت تبقى يمج ومن ارجع ترجع ويايه لان عدي طلعه لليوسفيه السبت
صدك تبقى يمي سبوع

اي على منو تقصدين تبقى يمي سبوع اني لو امج

ااانتو ثنينكم

ههه اني اي للسبت اللخ يله اداوم وامج هم للسبت اللخ يله تروح
تلهفت وكملت الكوكتيل صبيتله كلاص جبيره وقدمته كعدت بصفه

يعني هي خابرت كالت راح اجي نصه عالحلاص يشرب ويرد ببرود
لا خابرت تسال عليج كتلها تعاي ابقي يمنا فد سبوع واني ارجعج من اداوم كالت لا ما لا لحيت عليها قبلت

الله ينطيك العافيه ويخليك لامك وابنك ياربيي فك حلكه صافن

شنو شبيك

بعد شويه تكدين.

لا والله مشتاقتلها كلش

ممم

رجع نصه عالكلاص خلصه وجر نفس اخذته منه اودي تمدد عالقنفه وشغل التلفزيون بالريموت كعدت كدامه كال
ذوله نايمين بفراشنا

اي بقيت احجي قصه لحد ماغفو اخاف اشيلهم ويكعدون بقه يباوعلي مبتسم بهدوء وعينه مذبله جاوب

مممم واحنا اليوم ننام. هنا

شسوي مهجرين

هههه
بقت اباوعله راجع حيل مرتاح كال

تعرفين ام حسين خالتي
باوعتله يسال باهتمام اي اعرفها جانت تجي تساعد امي الحجيه ومن نجي احنا ن.   تروح

اممممم تعرفج يعني اذا شافتج

خو طبعا كم مره شايفتني وتعرفني باسمي هم

هاا

جر نفس وباوع للتلفزيون

ليش تسال

مرت عمي الصغير هي عدج علم

لا مادري وشنو يعني
لا هيج. مو يمج
هزا راسه مبتسم جر نفس رجع راسه عالقنفه وايده وره ركبته

اييي خو محتاجيتي شي مسواك بغيابي

بس شامبو خلص
باجر اجيب

اوك خلص الحجي بقينا ساكتين وكلسا عيونه تباوعلي وقابض ايده جوه خده يباوع عليه مبتسم بهدوء يترسني خجل يجر نفس من انصي راسي لو ادير وجهي عالتلفزيون كال

شتتمنين
باوعتله متفاجاه بقيت صافنه مستغربه وعيونه كلها استفهام

شنو

سالتج شتتمنين

ماتمنى شي نصيت راسي العب بيدي باضافري جر نفس طفه الضوه الفوك راسه وطفه البلازما كال

تعاي شوي يمي

البيت صار اضلم كمت متردده مشيت كم خطوه وصلتله جرني من ساعدي كعدني صرت يم رجله ثنه رجله كال
شنو امنيتج سيدرا

بقيت ساكته فعلا ماعدي اماني غير الوكت يرجع مرديت

ليش متجاوبين من اسالج؟ كالها همس

مادري شتمنى ماعدي اماني

ليش كل انسان عده امل واماني

ماعدي اني

سدرا ليش مكملتي دراستج

بقيت ساكته.
احجي الينحجي هسه ينسي باجر

مو شاطره جنت ماافهم الدروس

بس ذكيه انتي وعدج اصرار زيون خليتي يحجي باصرارج وكام يكتب شفت اوراقكم تخبلت تدرين لو لا. الطفل العادي بعمره كوه يلزم القلم انتي الدتسوي انجاز الشي الوحيد الصح بحياتي تعرفي شنو

بقيت ساكته استمع همس صوته -- شنو
اني تزوجتج زيون جان محتاج وحده مثلج او يمكن جان محتاجج انتي بالذات لان متيقن يقين انه ماكو مثلج الها خلكج

بقيت ساكته بهالاطراء نسيت كل تعبي

شون تردين اكافئج امشيلج مرتب

وين اصرفه جاوبت راسن

عذريني مااكدر اخليج تطلعين اتخبل اذا شافج احد

كالها بنتره سكتت شوي ورديت

ليش جاوب وجر نفس
لان --- والله ماعرف بس ماكدر اطلبي التردي بس هاي لا

بقيت ساكته

ورجعت سالته

زرت ابوك من رحت دفنت عمك

بقه ساكت جر نفس رد اممم

قريت الفاتحه لعلاوي كلبي اننفض من ذكرت اسمه اتمنى ازوره بقه ساكت شوي وحسيت بحراره جسمه بصفي واشتغل ضوه الموبايل خله عينه بعيني يباوعلي يقره وجهي نصيت راسي. التفت عالتلفون كلب كلب واني وي ايده اباوع طلع فديو بس مشغله باوعلي كال بصوت ناصي
صورت علمودج بس اذا تتاذين ماشغله

شنو عكدت حاجبي

ردت اشوفج كبر اخوج

بلعت ريك بحياتي متخيلت علي نايم بالكبر جنت اتخيله روحه ططايره نسيت الجسد خفت من هالاحساس باوعتله جان منتضر ردي هزيت راسي

شغله اريد اشوف

هز راسه شغله صوت القران واحد يقره شوي وطلع قبر صغير نوعا ما وعليه صوره علي مبتسم واسمه جسمي كله قشعر. ورجفه صارت بيه بقيت اباوع بكل عيوني شوي وطلع ضياء بالفديو شايل بطل مي ورد وداره عالكبر واندار عالكامره والجكاره بحلكه كال
صورت -- وجاوب شخص ثاني

اي اي صورت

كمل الفديو وطفاه باوعلي وبعده ضوه الموبايل ماطافي حسيت بصدمه يمكن لان اول مره اشوف اسم احد عزيز عليه بكبر اخويه بسام وابويه ملكينالهم اثر --كال

سدرا
فزيت همم

طفه ضوه الموبايل وذبه كال

شنو التردي بحياتج
مرديت

نحجي وباجر ننسى ومداشوف وجهج ولا تشوفين وجهي

ماعدي شي اريده

مكتفيه بهالشي العدج

اني شنو عدي

يعني شقتج وزيون وواني مثلا جاوبت

ايام وداعيشها لحد متخلص -- بقه ساكت جر نفس كال
شنو هوايتج شنو جنتي تحبين تسوين قبل لتجون ؟

ماسوي شي بس اركب وادير بالي على علي لحد ماتجي امي واعيفهم واكابل التلفزيون

همم يعني الرسم الراسمته وره البرده. مو شي تحبين تسوي لو شون سويتي

يا رسم الحفر بالحايط

اممم.

لا مادري بس من اصفن اكوم احفر واسوي نقشات
كلش حلوه تدرين.

مادري. مابيها معنى اشوف جر نفس سمعت صوت القنفه من تمدد طلع صوت

اني اكدر اوفرلج يعني اله مال نحت اذا تحبين النحت

لا مارف

ميهم واحد يجرب كم مره وانتي موهوبه

ماعرفله وخلص

كيفج. بس التردي اشرلي عليه يوصلج ليمج ولتحسين انج تاخذين اكثر من حقج اني المطلوب الج
بقيت ساكته االضلام. الهدوء. وعطره. وصوت نفسه يا الله راح انام. كال وكسر السكوت

اعشق الضلام وياج واتعب من احير بيش دتفكرين

ماكو شي دافكر بي

همم

ضياء

نعم

انت ليش تشرب

جر نفس ورد
هسه ليش تذكريني بي

لا بس ردت اعرف

ادمان انسطر اذا مااشرب

ميصير تتعالج

هو. يصيربس احب احساس السطره ومالي خلك علاجات احس فات الاوان

همم. شومت اول مره شربت. جر نفس

جنت اول سنه كليه شرطه صاحبي وعزمنا اني وسلمان وثنينا مطفين جننا وطبينا بعد من اوسع باب بيج يا صياعه
شرب ونسوان لحد لعبان النفس

بقيت ساكته وهو هم سكت شوي و

كال

شي ماريد الوثج بي

اممم. اتمنى اكون اول وحده لزمتها كلت الحجيته وانصدمت بنفسي شون كدرت احجيها بقه ساكت شوي ورد بهدوء قاتل

لتقارنين روحج باي وحده عرفتها قبل جيتج
ليش

نكاسه سدرا

نسوان لو موونسوان. جر نفس كال

حتى ام زين مو مثلج كل التسوي جانت بتصنع

مرديت رجع سال

ليش تردين تكو نين الاولى. شنو التردين تحسين بي.

سكتت شوي ورديت
ردت اشوف احساسك.

هه شون يعني من اقترب منج متحسين بيه شكد ممسيطر على روحي

ها لا ماعرف بس بالمسلسله اابطل كال لحبيبته انتي اول وحده المسها والاحساس هذا اني موكده تذكرتك كلت يمكن عادي اني اوغيري
ضحك بقوه بحيث فزيت

ههههههههاي بابا ذوله جذايين هههه اني وي غيرج احير شسوي الفراش اكلبه ملعب عود دااوصل للذروه بس وياج مااكدر مادري اني كبرت اللي ماسيطر على روحي
بقيت ساكته

دتفتهمين

لاوالله كلشي مداافهم

ابقي هيج احسن اعلمج شغله شغله بس لو يطلع النقل افرغلج هههه

يعني شنو من تنقل شيصير

اترقى اصير رائد

وشنو يعني

يعني اكوم ابات يوم واحد خفر الباقي انزل يوم بيومه اداوم
هاا

اي

جر نفس. كال

سيدرا

نعم

انتي ليش مترتاحين ويايه

شنو يعني من تقترب مني

امم

لا عادي
عادي خرب حضي عادي

يعني اقصد ارتاح

شنو تحبين كوليلي اني رجلج شتشوفين بالمسلسلات عجبج كوليلي

احب اكثر شي وسكتت حسيت صوته قريب عليه كلش صار

احجيها عادي مداشوفج

احب الحضن همست جر نفس وجرني لحضنه يحضن بقوه ويتنفس سريع يتلمس بفروه شعري مره بهدوء ومره بقوه واني جامده كال
وانتي ليش متحضنيني

تريد

طبعا اريد طبعا

خليتي ايدي وشبكتها وره ركبته. جرني وتمدد صار نص جسمي عليها والنص ابثاني عالقنفه جر راسي على صدره وجر الجرجف غطاني وتغطى. تقرب باسني من راسي وحضنني قوي بقينا ساكتين دكات كلبه كلش سريعه

كلبك يدك سريع

احم اي عادي
بقه ساكت كال

بس كلبج ميتاثر ودكته متغيرت

شون يعني رفعت راسي

هيج جريت راسها على صدري نامي تعبانه واني هم تعبان غفينا واحنا حركه ممتحركين ضهري تكسر وضهره هم كعد الصبح
باوعلي عاكد حاجبه بعصبيه