رواية من انت لتكون انا الفصل الرابع والعشرون 24 - بقلم حسين

بنات خالي كلهن تزوجو والحمد لله مرتاحات كعدنا نسولف ونضحك بس بمجامله لليل كملنا كلشي وبقينا وحدنا البنات بالمطبخ طفينا الاضويه ولا عبالك فاتحه مكيفات مجموعين وكلمن بدت تحجي عن قهرها واني صافنه بينهن قهري يمهم. صفر عاليسره وحده تشكي من عمتهها ورجلها طابك وياها يدافه والثانيه عدها بنات ثنين وعمها يسمعها اذا مجابت الولد ازوج ابني كالو

وانتي شونج

والله اني زين الحمد لله وبديت احجي وحايره ليش ميصير طفل نطوني طرق بقيت صافنه عليهم اخر شي كتلهم اني اصلا

خارجي

مجنت اعرف معنى الحارجي وال اخلي وصفتلهم الحاله بقو صافنين كالو

هذا ميريد طفل منج. لعد بقيت اتذكر بحياتي مجنت اعرف انه هالشي اذا صار بهالطريقه ميصير طفل هسه تفطنت وفهمت كلبي انقبض ليش هيج يسوي يعني فعلا مخليني مربيه وجاريه اله ويريد يتزوج امي جانت كاعده ويانا كالت
يمه حاجي فهمي ليش هيج تسوي

اي ماما الله يسهل من ارجع اكوله يجوز علمود زين

لغمطت السالفه وبقو يسالون عن وضع علاقتي بي لكون جدا غني ومكانته عاليه ولانني جنت خدامه عدهم حجيتلهم والله وحده من بنات خالي بجت لحالتي ضحكت عليها ولكيت روحي انطلق حجيت كلشي شي بيه ارتاح من شلت الهم عني بقو يرددون بالله يساعدج امي كاعده وتسبح وتجر حسره كالت
يمه ان تزوج ومتحملتي كولي اني اشيلج بعيوني لو اعرف اخذم ببيوت العالم

بقيت صافنه. يعني معقوله يتزوج كلشي يصير بس لا هو يتخبل اذازعلت والله يدري شكد كدللته وتعبانه وياه ووي ابنه غمضت ولزمت راسي انسطرت نهينا الكلتم صارت الفجريه كمت وي امي صلينا وبقينا نسولف

سولفتلي انه حمزه ابن خالي ماشي بمعامله مال ارامل والايتام وكام يمشيلها راتب وي راتب الموسسه مال شهداء ووي راتب الخدمه بالامام وامي تجمعها الي مخليتها بالبنك شي بيه ارتاح كالت
يمه اي شي يعجبج اي شي تحتاجي اني مامنه ابن خالج بهالاثناء طب حمزه ابن خالي كبل عدلت كعدتي اني منازعه الحجاب بيجس جنت نايمه على رجل امي عدلت الكعده نصه راسه صاح

يا الله

تفضل امي. جاوبته ماما كال

شونج سدره

هلو حمزه البقاء بحياتك

حياتج الباقيه يخليلج عمتي. يابه عدي حجي وياج دامج وحيدج وي عمتي

باوعت لامي هو منصي ويحجي مو حمزه الاولى لا شاربه شثخنه وهيبه
نعم تفضل
خويه اني ردت اكولج احنا مو مثل كبل وانتي تشوفين بعينج بويه بيت خالج مفتوحاج ايمتى ماردتي

اني زينه الحمد لاه
عيفينا من سالفه زينه ما زينه خويه البيت الج واحنا العتب النا عمتي مخليتلج ضمان وانه جاي امشي بمعامله الكوستر رايد اطلع عنها تامين وترجع بحثتج بالبنك

خويه اني مامحتاجه
خويه ليش هو اليحتاج بس فلوس من دنعل ابو الدينار انه قصدي اكلج على حالتج انه ابن خالج وهذا بيت خالج واشك حلكه اليمسج بذل فاهمه
نتر بعصبيه ووجهه صار احمر بلعت ريك شكد خفت ونفس ابوكت ارتاحيت كال

باعي اكلج تردين تعيفي انه وياج حتى وضيفه دبارها يمي انه وياج بالتردي تحسين نفسج ذليله بعده يعايرج كون عمتي اشتغلت عزهم انه موجود ولا عيشه الذله

والله خويه زينه

رفع راسه عيونه نار باوعت لامي شبي هذا كالت اسمعي منه يوم اسمعي

باع اكولج انه الرجال اعرفه وسائل عليه. عده مكسرات من ابشع صورها شعر راسي وكف وجيت كبيت بعمتي بنص حرم الحسين خليت العالم صافنه وانه ارجع واكولج يبويه انه العتبه الي وادار الج بس ماينلاح عرضي فاهههمه لو ماحاي نفهمين
بقيت صافنه ماما شيقصد همست صاح من بين سنونه

يعننني مايفررج غيرره عللليج

لا عززه بعيني شنو هالحجي لا والله هو اصلا يتخبل كلش يغار عليه

اي هاذ هو يجوز الله عفه عنه بس هو سمعته طاش صيطها واذا داسلج عطرف او حاول يذلج او استغفررر الله افهمي يبت عمتي

فتهمه فاهمه وروح ابوي فاهمه رجلي ماعده هالسوالف
اي زين انه شرايد جا هاذ هو بويه. هاي امج كدامج الله يطول بعمرها وانه موحود اخوج باسم جعليتي

اختنك حتى الهوا بصدري بس اهز راسي عصبي وصاير نار شن الحجي الواصله وهيج روحه لايبه كمل كلامه كال

هو لساته معتبرج خادمه لو

لالا والله مدللني اخر دلال اباوعله واكول بكلبي وينك لعد من زمان هسه تذكرت وينك مجان محد كدر يدوسلي على طرف بس الحمد لله اني زينه هسه كال
هاذ رقمي عد امج تلفون واحد تكيني فوك راسج لا تخافين انه مو مثل الاول انه وصلت ولله الحمد صح مو كثر وصلته بس العافيه درجات المهم عدي عرضي ماينداس

لا والله وروح ابويه هو هالشوالف ماعده

اهم كالو جاز بس احنا مانعرف داخل حيطان البيوت اشيصير

اوك هزيت راسي انتبهت على روحي واكغه من يحجي فعلا اكو شي اسمه يفرض هيبته طلع من يمي مترخص من ماما باوعت لماما

صدك جذب

والله يمه عالم تحجي وهو شغله حاجي وسائل وكايليه اني كتله هو من مشتملهم مايخليها تنزل يفرجها على جماعته انت شجاي تحجي ورجع وكال حجي هذا ناس تلغي. 
ماما شون خاف يتزوج

يمه اذا حافظ كرامتج خلي يتزوج وانتي بمكانج وهي بمكانها

عزه اموت والله

تحبي سدوره

باوعتلي تبتسم

نصيت راسي هو كلش حباب هالفتره يعني شيصير لو يبقى هيج واعيش كل حياتي هيج
عد الله مو بعيده.
يعني يتزوج وابقى شون

ماما حتى لو حمزه كلج هيج مو معناها. اقل شي   وتهجين بيت صار عدج  وشون حلو شفتي شون غيره الج بس مال تبقين للخدمه من يتزوج لا هاي مترهم

يعني شنو
يعني اذا رجع ذللج  وبقيتي بس للخدمه تذكري صار عدج ضهر

بقيت صافنه على حجي ماما  دك تلفونها باوعت ساعه6 ضياء عزه بعيني رديت راسن
الوو

ها سدرا كاعده
اي

شعجب ويامن

هه وي ماما ومنمت

مم اني هم منايم هسه طلعت من المركز بالطريق  اني جايج

اوك

تحضري

امم
شبيج تعبانه

شوي

ديله من نرجع ننام مدام زين وي امه

اوك

كمت تحضرت ماما خطيه كومه شغلا طتني دبس وطرشي  ومربى مسويه بيت العلويه تكولهم هاي لبنتي ومسويه تمر وسمسم وراشي شكد قهرتني متعرف شون تدللني اخذتها وبوستها واجه ضياء دك طلعت راسن وبيدي العلاگه كال
هاي شنو

ماما خطيه باوعتله خازرني

يعني اذا ارجعها تنقهر
جر نفس كال

ديله امشي دااصعد طلع حمزه من بيت نسيبه التفت باوعله كال

هذا منتسب

من
ابن خالج حتثولها فد نووب

ها اي بالجيش
وشبي هلكد شايف روحه باع شون يخزر

ديباوعله بالمرايه الجانبيه تقدم حمزه تجاهنا نزل ضياء من السياره باوعلي وباوعله عرف ديسلم عليه مد ايده حمزه رافع تك حاجب كال

شونك استاذ ضياء

اهلا هله بيك حضره الضابط. 

الله يخليك انه حمزه ابن خالها اذا ماحاي تعرفني
لا والله البارحه كالو عنك ابن المرحوم. يابه البقاء بحياتكم انت الخير والبركه
سيدرا- ضياء جان يحجي ومضيق عينه يقره وجهه وحمزه مخوزر ومتنك كال
يابه دير بالك على بتنا تره وراها ضهر لاتكول بحيدها

بعيوني

كالها رفع تك حاجب هد ايده سلم وصعد للسياره وطلع ساكت واني اباوع كبل ساكته كال

منين طلع هذا من يازرف من الحايط

باوعتله.  ابن خالي

هاا هسه صار عدج ابن خال والله يابه زين وين منتسب هذا

شمعرفني
وين جان من جنتي خدامه كالها وسكت ضرب الستيرن

مجاوبت رجع سال

مو داااحاجيج

مادري مادري هو توضف شمدريييني

وقزززرقططط مو اضربج. ضربه تفقدج الذاكره وتنسيج حتى امج مو بس ابن خالج

مجاوبت بس لشتي رجفت كال
شنو قصده يكول لا عبالك ماوراها احد يعني
قصده من جنت خدامه هسه الوضع تغير
وشنو  قابل  قصده اذا لضربج شيسوي لا الله عليج خاف يكرصني.  لا حبابه

ضياء كافي عاد كلت بصوت ناصي

مو ميعرف اذا خليته براسي شسوي

ضيلء بس

انجببي سدي حلكج

سكتت كال

هذا البارحه شافج حاجاج

ايي كتله وكف السياره شحطها غمضت عيني
اييييي سوالف تاالي الليل سدرا خانم

ماما جانت ويايه،

اي وامج تكيف ابن عمتج هي عليه شلعت كاشي

ماما مرادتك رادت اخو مرت خالي

يامرادتك غير عافتج وراحت  لتخليني احجي. ايي كملي

اي هاهي كلي شتحتاجين اني حاضر
اي كوليله والله ديعوفني كم يوم بالاسبوع تكدر تسد مكانه لججج شنووو قصده
لزمني من ايدي قوي باوعتله خزرته  وخر ايدك

لا والله حلوووو كبر راسها يابه كبر راسها

شتريد فهمني

شحجههههه وياج

هو كلي شتحتاجين اني حاضر وخلص

ممم وبعد

هاهي بالقران هاهي

طلع يسوق سريع وينفخ ويدردم
بعد عليه الكيوليه والله صايرلي ضابط  وسبع ميدري بحجايه ادوسه
كومه خرط مسكت وصلنا بغداد طبب السياره ونزلت صعدت فوك طب وركع الباب فات لحمام البيت واني فتت لحمامنا سبحنا ثنينا وطلعتارتاح اريد انام غديت فد نوب شفته كاعدعالحربايه يدخن كال

هذا جان عده علاقه بيج،ن جنتي عدهم

لا والله ابد

امم وانتي شحسيتي من كلج هيج

حسيت بسام رجع كلتها  بعفويه منصيه راسي واني اعدل الغطا دانام بقه ساكت  طفا الجكاره ونزل للفراششوي ومد ايدهعلى ايدي كال بهدوء

متحملت غيري يسندج
بقيت ناطيته ضهري كال

اريد بس اني الج

مرديت عليه بس راسي مسطور بسالفهالطفل كال. راسن تغيرتي بس عرفتي عدج احد ترحيله

مجاوبت غمضت نتر

سيدررا
نعم
مراح تتحملين من كلمه بعد مو

مجاوبت تعبت اريد ارتاح تقرب حضن ضهري ودفن راسه بركبتي وشعري ونام غفيت اني هم ---