رواية من انت لتكون انا الفصل الثالث والعشرون 23 - بقلم حسين

سيدرا- غريبه الدنيا من تحسيك انك تملكها مكتفي متريد شي بعد راضي بكلشي بس خلي يبقى الوضع هيج. ---

مر سبوع وضياء منزل ملتهي بالشغل مال ترك هاديء ومبتسم نضراته تلاحكني وين ماروح. رجع مثل قبل اذا ميحصرني بحضنه مينام بسس!!!!!

امل بقت قريبه منه مشاوراتهم عالمرجوحه ومن اجي يسكتون تلفوناته البره بالطرمه او رسايله الباسوورد المخلي عالفون قلقني بس شلته من بالي اريد اعيش يوم بله قلق تعبببت بت امل. اني كمت اداريها البيت اني لزمته اوس وشقاه ونضراته الكلها عاطفه نضرات اخ موغير شي من يشوفني قلقه من اباوعلهم يكولي
مرده الج لان محد يتحمله غيرج

جنت اسكت مبتسمه بس داخلي نار خوف انه ينباك مني الاحساس الدااحسه

كمل البيت وجابو الغراض ورتبوها بالترك واجاني ضيا بليل ووجهه مترب هو وبهاواحمد باوعلي كال

يله شسمج سيدراا

نعم

يله يابه خلصنا امشي هناك بعد طلابه
الحجيه- يمه دباتو هنا وبتجر روحو

ماريد منيتكم. ذليتونا منريد عمي

عابت هالشكول ولي يله وليي

ههه يله بابا زيون

اي بابا.

ضياء اخذ غراضي

لا عوفيها بس الضروريات شيليها
اوك دااصعد امل صاحت

ااسيدرا هسه شون بتي باجر

بقيت صافنه چني تعكلت بيها بقيت اباوع بوجهه باوعت لضياء محجه ملصوم كالت

ادزلجياها الصبح تكمل نومتها لان امي ضهرها فد نوب انجبيت وسكتت وصعدت عالدرج كتله

هاي وكحه. راسن نتر

انتي ليش محجيتي

خجلت
اي هاهي لتضلين تنكين بكلبي انتي صوجج
سكتت بس شلت هم بعدها كلت يابه خليها بلكن يغزر بعينها. صعدت واشوف البيت يخبل باوعت لضياء ابتسم كال
شونه

عفيه يخبل

تعاي اشوفج المطبخ

طبيت للمطبخ الكاونتر مقجثل مااني احبه سواه والفرن والطباخ يخبل والغساله حولها بالمطبخ باوعتله يبتسم كال

عجبج

يخبل عاشت ايدك

تعاي اشوفج الغرفه زين وين زيون ببا شفت غرفتك جاوبه زين ايي
رحت وراه الغرفه تجنن صابغها ازرك. والبردات سمائيه الكنتور شكل كارتونات الولد ووياه راهمه الجربايه وميز تواليت هو مكتبه وهو ميز. يخببل والزوليه وياه كمت اتلفت صافنه بالحلم مجنت اتخيل هيج بيت كال

تعاي شوفي الغرفه

طبيت وراه متلهفه وهو مكيف بلهفتي كال

هذا موطننا طبيت وسد الباب

لالا زين
ديلعب بايباده

بقيت اباوع عليه شغل الضوه الاضاءه سقفيه تخبل فكيت حلكي عالغرفه تخبل اثاث صاج بس فصال تركي كمت افتر واتلمس باوعتله كال
فتحي الكنتور

فتحته مليان هدوم بجياستها واحذيه وجنط غطيت وجهي بيدي ابتسم طفه الاضاءه العاليه خلاه عالناصيه كال بهدوء

تعاي اشوفج شي

كمت وياه كال

باعي مديت راسي عالحمام بيه جاكوزي مربع والباب سلايت شفاف كال مبتسم

تداريني بي هذا
هزيت راسي تدلل

عجبج

كلش

حسبي روحج عروس وتوج تزوجتي

بقيت اباوع بوجهه بحيره اريد اكوله وتلفوناتك. وامل وصديقتها مكدرت مكدرت. حسيت شي اكبر مني واني هنا انفذ وبس حسيت صاحب فضل عليه وكافي عليه هالشي كال

ليش هيج تباوعين
لاهيج

اكو شي هنا

اشر على راسي باصبعه

لا جاوبت ودرت وجهي عننه

جبتلج شامبوومكيف وهالسوالف مال ليل. كامله رفل جابتهن باعيهن بالميز

فتحت الميز تخبلت ركضت عبجليه حضنته

هاي شنووو لالا مداصدك. ههه كليوباترا. نتازلت واخيرا وحضنتني بنفسها
ليش ببدايه زواجنا موجنت احضنك

عمي مره وحده وراها بطلتي

باوعت بعينه يعني مسويت شي ومن وحدي بطلت

اهووو سدي الموضوع ام زين.
كرصني من خدي يله نيمي زيون خل ارتاح باجر اطلع تره ها صدك بدلتي وين

جبتها بس دااكويها

اوك باعي ياب هذا السبلت من الريموت تشغلي وتطفي معليج بالجوزه
ماريد عمي خلينا ميتين برد
هههه لا يابه بدلنا تاسيس كامل. للكهرباء

اوك يعني بعد ميحترك

هههه لا ميحترك لتخافين

ماشي فوتت زين لغرفته نيمته وطلعت شفت ضياء ديرتب بالمسواك بالثلاجه باوعلي ابتسم. كال

لبسيلي شي من الجابتهن رفل حتبقين بالكلابيه

اوكطبيت سبحت بسرعه ولبست ملابس نوم بس كانت مستوره وفوكاها روب مكيجت خفيف وطلعت جان دشرب لبن ويتفرج باوعت عالقنفات عريضه تخبل طلعت للهول بقه يباوع جر نفس. مد ايده ياخذ ايدي كال
تعاي خل اتفرج

لا

تالي وي هالخجل
لا درت وجهي مخجلانه اصلا

لا اني الخجلان باعي غمضت عيني دتعاي عااد نتر

تقدمت. جر ايدي بهدوءكال كعدي يمي

عيونه ذبلت تقربت كعدت بحضنه بقه صافن عليه ابتسم

والله لو ادري البيت هيج يسوي عمي ابدل من زمان
ابتسمت مو شغله بيت والله

لعد شغله شنو ممكن اعرف
كرصني من حنكي نصيت راسي جاوبته

الشغله ومابيها انك متغير ويايه كلش

وانتي هم متغيره

انت من تصير هيج روحي انطيكياها

بقه يباوع بوجهي متفاجا.
سيدرا تحبيني ساليباوعلي باستفهام وحيره
بقيت اباوع بوجهه ماعرف شجاوب كال

جاوبي براحتج مااضغط عليج

انت كلش حنين صاير

اممم ويعني

وو اتي احب هيج تصير

هههه جريتها لحضني ادري بيها خايفه واني مغلس ضحى من تحجي واعيه. تتفهم. مثقفه. تفهمني وتفسر حالتي بعد مرشده اجتماعيه مكدرت اعوفها ونفس الوكت مكدرت احسبها حبيبه ولا حتى اي شي اله علاقه بالجسم والجسم مجرد تقارب فكري. شهوتي ورغبتي حصريه لسيدرا. رغم انه ضحى جانت تحلف بانه تموت عليه بس مكان يهمني تتغزل واكيف بغزلها توصفني باجنل صفات واني افرح بس ادري بروحي ميشتغلن وياي لواكتها جانت تعرف عني كلشي ومن اسالها تكولي حسيت جنت انبهر باحساسها. شغلات حتى امل متعرفها خاصه بعملي وتكوين شخصيتي بالعمل وتعاملي وي المجرمين. جانت تكول احسك قاسي وياهم وبس وياك يعترفون واني اكولها شون عرفتي تكول احساسي جانت تبهرني. باهتمامها وكلامها وتفسيرها للامور المحيرتني
بس سيدرا. الكه يمها نفسي الاصليه ضياء مو نقيب ضياء ضياء اللي بكد زين. اللي يتهرب من اي شي يزعلها ويحاول يرضيها باي شكل لكونه ميمدر يغفى اذا مو بحضنها ضياء. اللي يصنف ويحاول يمشي صح حتى متزعل منه امه. جانت تساعدني اترك المشروب رغم حاجتي اله عصبيتي التاخذها. بهدوء بقبله على ركبتي تهديني اولمسه باذني تنسيني ام الدنيا. او بحضن هاديء او بلعبه وي زين كانت تتفنن شون تلهيني يوم سهره ونركيله كرزات. وكيك وكاستر هالسوالف الاحبها ويوم مقبلات ولبن والنركيله والفلم. جو البيت الهاديء اللي احبه مهيا الي دوم محد يصدك هالبيت بي منغولي. زين سجلناه روضه اللي تشتغل بيها امه مكيف بيها ومن يرجع يضل يحجي يسطرنا وبعدها سيدرا تدرسه وتفهمه وتلعبه. بت امل سجلناها وياه رغم تعب سيدرا وياها وامل اللي داست بالبطن تعوفها يمها لليل يله تدز عليها وسيدرا ساكته. وامل مكلفت روحها بهديه بسيطه او حتى شكرا وكانما تكولها غصبا عنج هاي شغلتج وكانما تستمتع بكونها خدامه. ومرت شهرين وضحى متاركها بس كلام لغوي كمت اختصر بسبب مللي منها ولود العمل. بمكالمه وحده وبعد الحاحها انه تتصل وماارد كمت ابينلها يابت الناس اني متزوج متفهم ياابويه ماريد شي يلهيني اكثر. ميفيد وصلت حد تكولي. خليني مره باليوم اسمع صوتك

اللي توصلتله من علاقتي بيها بس حجي وحتى هي متنفذه بس لك لك وحكم ونصايح وهي نفسها متاخذ بيها. تفسيرات تتفلسف بيها وهي اساسا ممطبقتها اللي توصلته من خلال علاقتي بيها بانها داخلها مو مثل ضاهرها فعلا كم مره طلعنا وطبينا وحدنا ومره وي امل اللي حاولت تقرب بيننا وعماتي اللي بكل جيه النا يجرحون امي بانه سيدرا مو كفو تصير جنه النا. بت خدامه وصارت جنه لبيت محمد امل كانت دائما تكولهم كدامي وورايه
يابه عده وحده دنريد نخطبها مدرسه واهلها احسن ناس

بحياتي متوقعت هالكلام بيوم حيصير صدك. بقيت بعلاقتي بيها بس عالهامش نوبات ضايج حاجيتها نوبات ماعدي شي خابرتها وبس تلعب نفسي او مااقتنع بكلام تكوله اسوي نفسي الخط ينكطع واسده. واخابر سيدرا اللي يترسها الخجل من احاجيها غزل ان كان بموقع شامه بجسمها الاعشقه او تفصيل عن شكلها. الكاها تسكت خجل ونفسها يتغير سيدرا عشت وياها بنفسي اللي مومتكلفه اللي اعيشها بالمركز
او كدام اهلي او كدام حتى اصدقائي

انسان واضح جددا. وياها تعرفني زين صارت اكولها بوضوح

اريد اشرب او ماريد اصلي مالي واهس. او خايف على زين من باجر او زين جزاء اغلاطي. اكولها بلا تكلف والكاها تشجع. وتصبر بيه انه اللي جاي احلى من الراح وتعني من تكول

انت اصعب شي تغلبت عليه لعد شكد عدك اراده نادرا ما الشخص يترك الشرب بعد الا مان بس انت من خوفك من ربك تركته لتتوقع ان رب العالمين مراح يغفرلك بعد ماتبت
جنت ارتاح من اسمع هيج واخذها بحضني دللتها ودللتني كانت ترضى بالشي البسيط وبس اشوفها ضايجه اتخبل اضل احاول اراضيها ترضى بسع متطول بزعلها وهالشي خلاني اسوي اللي يعجبني واحجي اللي يعجبني حتى لو متاكد وراها حتزعل ترضى بسرعه مرت اربع شهور ودك تلفوني باول يوم مناوبه الي بعد النزله كنت داافكر باللي سويته وياها قبل يوم. بدلالها الي بالجاكوزي بسوالفها بالشموع والحمام الدافي وبهدوء البيت. ودك تلفوني

الو

هله يمه ضياء شونك

هله ام علي شونج شون صحتج

والله الحمد لله يمه ادك على سدره مترد مغلق

والله ام علي تلفونها اخترك يله ميهم من ارجع اجيبلها تلفون

زين باوع يوم خالها انطاك عمره فلازم تجي ميصير
ها زين هسه اشوف

اذا متكدر اني الباجر ماره عليها اخذها

لالا اني اشوف شون اجيبها

رحمه الله والديك يمه

البقيه بحياتج

حياتك الباقيه يمه والله فكدته عزيزه بس مو اعز من الراحو هاهي الحمد لله

الحمد لله
راحت ان علي واتي انسطرت لازم اوديها يعني مو اليوم مناوب للعصر اجه سلمان عده شغله بالمركز جلبت بخواني،ه

بربك ابقه سالفه اربع ساعات وراجعلك

لك دكوم لكك يروح لحبيه الكلب يجيني مطكع ركبتها وجتفه كوم ابو ال---

الله عليك. سلمان بالخوه والله. عدي فاتحه

دروح من ساعه السوده على هالصداقه

ميهم ههه عفته وطلعت عصريه طبيت للبيت جانت دتمسح بت امل مكسره شيشه الدبس وسيدرا صايره اعصاب وكفت شافتني ضحك كالت
شجابك وكتك وي الدبك

ذبانه بعد هه يابه بدلي بسرعه خل اوديج لبيت خالج

شكو خليت ايدي على صدري ماما بيها شي

لااا ع خرب فالج خالج نطاج عمره

الى رحمه الله صدك توديني الله عليك
اي لعد شسوي امج خابرت كالت اذا متجيبها اجي عليها
وانت جيت بنفسك توديني صدك
لعد شونن اخليج تركبين تكاسي وكيات يله يابه يلهه
وزين شون

تخابرين امه تذبي يمها

مادري خل اشوف

سيدرا/. انقهرت على خالي ولو مشفت منه حنان بس يعني اختنكت بس موذاك الكد بدلت واخذنا زين لامه اللي صار يعرفها لان المس مالته بالروضه طلعنا للحسينيه بالطريق كلسا يباوعلي ويضحك

شنو شبيك

ادري دبجي لطمي مثلي عمي من بيت خالج
ماعرف امثل  هههه هو خالي والله انقهرت اني بس مو كلش يعني

انتي اخوج مات مبجيتي حتبجين على خالج

بقيت ساكته وجهي تغير باوعلي بعد مباوعتله

داتشاقه

مرديت عليه كمت اباوع كبل

سيدرا

همم.

انكلبت الجهره
لاعادي

لاموعادي حقج  رحت زايد
تدري شكد فرحانه لان انت دتوديني دااحس مقدرني

همم بقيت اباوعلها. شنو  البيج يختلف احس شمااسوي  مقصر حجيتها بداخلي وصلنا لبيت خالها نزلت

باعي اني باقي هنا ساعه وطلعي لتبقين.

خو فوت للفاتحه
هي وينها

هاي كدامك متشوف اللافته

واني ادري شسم خالج

هه دفوت لتبقى كاعد بالسياره

ليش عكدت حاجبي
مو النسوان رايحه جايه

حركت بحاجبي ليفوك ولج تغارين ضحكت تغارين لاوحده تبوكني وتنعجب بجمالي

اهو يله كيفك
هههههاي الا انسق وي مرت المرحوم
باوعتله هسه يا ريت  بيها شوفه.   عفته وفتت للبيت تلكتني امي تبوس وتحضن بيه يايابه شكد واحشتني وشكد اريد احجيلها كل الهموم زينها وشينها سلمت على بنات خالي ومرته وجناينه البيت هواي متغير عرفت ابنه الجبير حمزه. متعين ومبين البيت عليه قنفات وكاونترات حتى البنات الجانو صديقاتي كعدو يمي وبقينا نسولف خابر ضياء على تلفون امي امي كالتله باجر اني ادزها  كال بس صيحيها احاجيها

طلعت اول مطلعت خزرني مجان اكو احد بباب البيت كال

اني مو كتلج ساعه

عفيه باوع مو عيب ووالله صارلي كومه مشافيتهم والله روحي طاكه

بقه خازرني ويباوع يمنه ويسره اجه ابن خالي معرفني  لابس عسكري طب للبيت

نتر البيت كتررروس ولد
لا والقران امي كالت حيكعدون الولد ببيت نسيبه والنسوان بيت خالي حباب خليني اتونس

بقه يباوع بهي  كال وزين شوون نتر  شوي صوته عله طلع ابن خالي باوعله وراح شايل الجداري وداها بيت نسببهم يباوعله ويحاجيني

هذا شبي مو اروح افكس عيونه

شعليك منه حباب ضياء

باعي للج باجر من الصبح جاي اريد من الله تكولين لا ماروح

لا والله اجي وياك
دولي فوتي وابقي بالجبه لحد ماتنطمرين  واخابرج تلفون امج يضل بيدج
اوكاباوعلهخايفه وبكد خوفي اريد ابقى اتونس راح ضياء طبيت فرحانه كيفت اني بيه كملنا الشغل وراحو الغربه بقينا بس البنات خالي وجناينهم ومرت خالي وخواتها مرت خالي سالتني

اي شونج سدوره وضعيتج شونها

الحمد لله باجي
حباب رجلج لو خويطات
والله باجي الحمد لله.