رواية من انت لتكون انا الفصل التاسع عشر 19 - بقلم حسين

سيدرا-لثاني يوم سمعته الصبح كعد وسمعته طكطكه بالمطبخ عرفته ديتريك بس ردته يطلع وفعلا طلع انسدت باب الحديد وراح خفه وراحه كمت من غرفه زين  طبيت الهول لملمت الهوسه شفت مسويله بيض  وجاي باوعت عالباب قافلها. يعني سبوع حتى ندى ماشوفها  شكد حقير   يووو ام زين اذا جتي شون هذا غير مخبل يا الله.  اوي شسويله يطبك طوب   كضيت يومين  وجتي ندى بثالث يوم  صعدت كتلها ولج الباب مقفوله كعدت بالباب وبقينا نسولف

شفتي لاحمد

اي البارحه جان ديقره بالحديقه الوره البيت

اي سوده عليه بلكن ينجح

وانتي دتقرين
اي والله مكطعه روحي شبي وياج خالو

ندى هاي امل وحده  حقيره.  --- حجيتلها الكالت عليه لاخوها بقت صافنه
عاي شبيها خالتي تدرين متعاركه وي عيالها ذيج العركه المرتبه وطلعت من البيت ومتقبل ترجع وعمو اوس اجه علمودها ويوميه اسمعهم يتعاركون من ابات. بيت جدو تكوله اهلك مينعاش وياهم والفهمته  انه هي متعاركه وي اخته وضاربتها ومتعاركه وي امه هم وابو طاردها من البيت

عزه بعينها محد سلم منها

سكتي وخليها   وخطيه عمو اوس ايس  منها ولعبت روحه فاجه هنا  علمود بنته ويحبها تره يموت عليها

شعليه منهم بس ليش تلفق حجي اصلا الولد محترم ليش تكوله لاخوها هيج وهذا چنه خروف النذر

هههه والله لو يسمعج

اي هاهي اكولج  تشربين  عصير مسويه كوكتيل لزيون وصار هواي بس كلش طيب
وشون اشربه منين تطلعي الكلاص بله

امدلج الكصبه هههههه واشفطي

خرب يومج سيدرا.  خرب ببليسك خالو جان بتت يمج
افرشي بباب الترك
هههه قيس مسواها لليلى

    ندى راحت ومرت اربع ايام وخابرتني الحجيه كالت. يمه ام زين جتي

حجيه الباب مقفول

كتلها كالت بس اصعد اشوفه احاجي وانزل
خل تصعد  عادي
شوي وصعدت وكفت زين يم الباب باوعتلي امه ابتسمت نصيت راسي خجلانه

شونج سيدرا

هلو عيني ام زين.  زين كول هلاو

زين بس ساكت خجلان

حبيبي فدوه لكلبك

بقت تحاجي من وره الباب من الشباك الصغير اللي بالباب لزمت ايده جايبتله تلوين واصباغ كيف بيها زين  وبقت تحجي وياه ساعه  عفتهم شوي وصاحت
سيدرا بس ممكن كلمه

نعم تفضلي

طبعا مشكوررره كلش  والله يدري شكد ادعيلج وفعلا الام التربي مو التخلف بس خليني ولو عالهامش الله يبارك بيج ويهدي رجلج عليج

لا عادي انتي امه واني اريد يعرفج زين ويميزج. ماريد يضل يكبر وميعرف منو امه

رحمه الله والديج 

بقيت اباوع للبسها مرتبه كالت
انتبهت على زين. الحروف ضابطها والارقام حافضها

اي درستها اله ويحفظ بسرعه رهيبه

يعني هو هسه 3 سنين ونص تكدروت تخلو بحضانه

بقيت اباوعلها صافنه عليها

والله يتعلم يتآلف وي الاطفال. وهو موموذي نفس اطفال جنسه

اي فعلا كلش عاطفي بس اخاف عليه

هو اني جيت افتح وياج هالموضوع اني كلت لام بهاء وهسه داكولج عفيه الله يخليج اني اشتغل بروضه اهليه هنا بعد فرعين عن فرعكم  وياريت تسجلون زيون بيها والله يتونس ملاعيب ومسبح واني وياه ويتعرف عليه اكثر  ويتعلم  والله ومن ال8 لل2
بقيت صافنه الفكره تخبل 

عفيه حاولي تقنعي ولو الداشوفه جرت نفس كالت الله يساعدج انتي اهلج وين

ماعدي احد غير الله وامي هاهي الحمد لله

الله يساعدج ويباركلج ويهدي عليج  

ممنونه على هالدعوه

والله اني الممنونه من راسي لرجلي يله حبيبتي اني اترخص زيون حبيبي كوله لباباتجي يمي تلعب وي الجهال وتسبح
زين باوعلي وابتسم كال

وانو هم

هزيت راسي اي حبيبي هسه نكول لباباراحت امه شوي وصعدت عطور توها راجعه من اهلها

ها ولج عصفوره القصر

هههه خرب يومج شونك كلبي

عذريني ملتهيه عنج حايره بامي والله مالها خلك

شبيها خطيه
هي اللي يوكع سكف بيتها تبقالها عافيه

الله يساعدها اي والله

الله يسلمج شبي هذا وياج

شبي يمعوده هو بليه شي لاعب جوله منا وحده تنحش براسه يصير توب بعد

سيدرا   خل اكولج سالفه.  داري وراعي ولتديريله بال

هههه شون بله

يعني ادي كل واجباته بس ببرود ولا مبالاه تره ضياء حابج ومهتم لامرج من عيونه عرفته
اي صح هه

والله شبيج. وين مترحين عيونه تلحكج وي ام زين مجان هيج والله

بقيت ساكته اباوع بعينه دمعت جرت حسره كالت

والله لو بيدي شي

نصيت راسي وغمضت مرتاحه بدونه تدرين

ادري ومن غير متحجين والله احمد راد يحاجي ذيج المره وابوه مقبل كاله ميصير تتدخل مره ورجال وسيدرا بميت  مره سبعه
جريت نفس  بتعب. الله كريم  

ديله حروح باعي اني شهر اليجي اشيل هايه شيبت كلبي تعوف بتها يمي وتروح للوضيفه وبتها الله ميجرعها وتكعد من الصبح.  تلعبها لروحي النوب متكعد راحه بس تنغبش المهم حاجيت بهاء كال نطلع نكعد بالبيت النطانيا ابويه. خليها ببالج خاف يكولج ابقي بتي يمج لتقبلين تره تشلع كلبج

لا والله عوزه اخليها يمي دتجي تلكاها مذبوحه

هههههاي خرب يومج
والله العظيم

ههه ماشي ديله حروح انزل احمد خطيه يريد اكويله هدومه

اوك

باي عصفوره

هلاو هه راحت وبقيت اني وزين رجعنا نقره ونتعلم.  نلعب  ونكمز  مرتاحه وياه  دك تلفوني باليوم الخامس باوعت امي يابه روحي ردت

ماما حبيبتي
هله اني كلبي شونج
مشتاقتلج اني كلش زينه

ماما حبيبتي ردت ابشرج تره. مشولنا راتب ونطوني مال 5 شهور واني ضامتها   اجمعها الج

لا ماما اني ممحتاجه شي  حبيبتي

يمه اني شسوي بيها  
ماما يصير اشتغل وياج كلتها بهدوء 

وين هنا لايمه لا اني مره شكبرني.  والعيون تاكل اجيبج هنا شنو ليش ممرتاحه وي ضياء ماما شبيج
لا بس شتاقيتلج. غمضت عيني هيج داشوف

ماما حبيبتي ميستقبلون عمرج هنا لان يصير بيها مسائله  واني بس تصيرلي  ركسه اجيج واجيبلج ويايه اللي تردي حبيبتي
حبج ماما

يمه اني منو عدي غيرج بعد

سكتت جريت نفس 

ادعيلي

ووالله ليل ونهار ادعيلج الله يسترها وياج ويهدي رجلج عليج ويترس حضنج امين ربي
سكتت كالت

يله حبيبتي روحي ولتخافين اني موجوده ماماتي  والله هم موجود

اوك ماما
بوسيلي زيون شون تعلك كلبي بي

ههه ديتعلم يقره حبيبي

عفيه عليج والله محضوض بيج هالزين

هه اني هم محضوضه بي راحت ماما ورجعت لشغلي.   سويت العشا اني وزين بيتزا وحبيبي يشوف بالايباد اكولعبه مال مطعم شيخلي بالبيتزا الشيف يخلي مثلها هو  ومكيف  خليتها بالفرن وفتت سبحته وبدلتله واني هم بدلت من كملتله لبست دشداشه قصيره من الدشاديش الجابتهن رفل العيرني بيها كمت اشوف كلشي. ماله قيمه  غمضت عيني وطردت الافكار ماريد اتذمر شي ارتاحي هو مو هنا  طلعت شفت الفرن بعد يرادلها تكسيب  شسورت شعر زين. وكعدنا بالهول ننتضر تابعت كارتون وياه شسوي  بس الكرتون يخرب ضحك وصارت البيتزا خليتها توني اقسمها سمعت صوت المفاتيح بالباب
كلبي انقبض ورجفه صارت بجسمي زين كمز صاح
بابااا اني جمدت ضهري عالباب والله اخاف اندار

هلو باباتي حبيبييي شاله يفتر وزين خبصه يكوله سويت البيتزا  مشه كم خطوهوصللي باوعلي ابتسم بمكر

السلام عليكم
بقيت اباوعله بلعت ريكي وعليكم السلام كوه طلعت باوع لزين وباوع عالبيتزا. كال

اللله هاي شون بيتزا مسوي
وزين يصفك ويكمز مكييف بقيت اباوعله  لزيون ضياء كال بنبره هادئه
حضريلي هدومي. بقيت واكفه واباوع على زين

سيدرا.  كالها بهدوء

باوعتله ابتسم جر نفس ودار وجهه

حضري هدومي دااسبح

هزيت راسي حصره بكلبي تفزز ابويه العافني وراح للكبر  حسره تشك الكاع وتطلع اخويه الماجان يخلي احد يمد ايده عليه. 

طبيت وحضرتله وطلعت شفته فات للحمام. قسمت لزين بيتزا حتى نفسي انسدت مو بس عن الاكل لا والله حتى عن الهوى والنفس والكلام
كعدت وزين ينتضر ميقبل ياكل الا يجي ابوه. طلعتله عصير  خليته كدامه اشرب حبيبي

بابا من يجي

اوك كعدت باوعت لرجلي الدشداشه فوك الركبه  مابيه حتى ابدلها ولا ريد يشوف شي مني كعدت مالي خلك لشي يربي كون باجر يروح. طلع من الحمام شوي وطلع بالشورت ينشف بشعره وبيده الفانيلا لان الجو بده يبرد لبسها وكعد جر نفس

يله وينها البيتزا مالتك.

كالها وباوعلي صافنه عالطبله اللي بالنص.  جر نفس بصوت مسموع وذبه  كال
كصيلي قطعه كمت من مكاني جبت ماعون  وقطعتله وقدمته اله

كتشجب مايونيز ماكو
ركض زين جاب

عفيه بابا حبيبي.
كعد ياكل وزين بصفه محشوك بي بقيت اباوع لزين لو شكد ما اونسه يبقه ابوه غير شي 
مكدرت اكل ولاكدرت اتنفس عدل كلسا ضياء يباوعلي واني عيوني عالكاع صافنه اخر شي تعبت كمت من يمهم لميت الغراض اللي عالطبله باوعت ساعه عشره
زين يله حبيبي فرش اسنانك

كمز زين باس ابوه وحضنه كال

بونوي ببا

اووف يابه اوووف بونوي بعد ابوك ههه

تقدم زين ركض للمغسله فرش اسنانه واني اراقبه اوجه

بعد منا عفيه ومنا هم حباب زيون عاقل حتى تكوم تلمع مثل الشمس انداريت شفت ابوه ورايه يباوعله مبتسم. كشرله زين بسنونه
باوع بابا

عفييه باباتي. 

يله ماما ننام

ركض زين كداميبالبدايه عاند يريد التابوضل يلح اخر شي عفته زعلت منه تخبل رجع وذب التاب وكال

ناني مالتي وينه

هيانها طلعتها من الكنتور طيتها اله تغطى واشرلي انام يمه تمددت غطاني. طفيت الضوه اخذ ايدي لاذنه كمت العب بيها واغني بهدوء غفه بقيت نايمه بصفه والعب بشعره واباوع لبراءه ملامحه. ربي اشرح صدري دخيلك   لخاطر هالطفل مدااكدر اشوف وجهه  هنه كم يوم يكضيها ويروح صبرني ربي. غمضت حسيت.     طكه بالباب عرفته.    فات  بقيت مغمضه   طب نصه على زين. تلمس  شعره  وجر نفس.   باسه  انفاسه صارت بوجهه عرفته قريب مني  كلش.   بقيت.  مغمضه.  عيني
حسيت بدفو اصابع ايده على حافه شفتي بعدت وجهي رجعته ليوره وبقيت مغمضه كال

غسليلي. بدلتي قبل لتنامين

كالها بهدوء. ونفس يرجف  

هزيت راسي بله صوت. طلع من  الغرفه. شوي وكمت. هاي اكيد باجر يروح.  البيت صنطه يمكن نام. اخذت البدله وخليتها بالغساله. مطبيت للغرفه بعد كلت نام كملت فره الغساله وطلعتها اكويها سمعت الباب  الحديد انفكت عرفته جان جوه طب للبيت كبل لغرفه زين ابتسم نصيت راسي كال بهدوء
شنو امه جايه لهنا

هزيت راسي بله صوت واباوع عالبدله دااكوي.  تقرب ابتعدت مرتبكه وكف بمكانه كال

اي شسوه وياها والباب مقفوله شون طبت

احم. بقت تحاجي وره الباب
اممم. ابتسم من حجيت وياه بس عيوني مدااكدر اخليها بعينه  ماريد اتذكر شي من الصار قبل سبوع   كال

اي بعد شكالت مكالت
هاهي. اريد يسكت كال

لعد شنو سالفه الروضه
باوعتله عرفت الحجيه حجتله

هو كالت خلو يمي

وانتي شنو رايج

مجاوبت اخذت البدله اعلكها بغرفته اجه ورايه وطفه ضوه غرفه زين

طب للغرفه وسد الباب سديت باب الكنتور اجه يمه كال

اي بعد ابتسم
باوعتله  ببرود ودرت وجهي

كال

يعني اسجله وي انو وبت امل شتكولين حتى ترتاحين شوي

متعبانه منه اني تريد تسجله سجله لتحملني منيه

كلتها بكل برود بقه ساكت جر نفس افتره وره الجربايه. وكعد ومددرجله ورث جكاره    دارتب جنطته. واطلع الغيارات الوصخه. كال

خليها هسه
مو باجر تروح باوعتله ابتسم سكت شوي وكال

لا لا باقي 3 ايام اغثج بيها

مرديت ذبيت الجنطه دااطلع كال

ويين

انام محتاج شي بعد

وين تنامين

يم زين بقيت لازمه. يده الباب واباوعلها  وين انهزم منه. كال

تعاي هنا  نامي 
ماريد خليني براحتي

وكف وزفر الهوه.  بده صبره ينفذ  اجهيمي قفل الباب وشال المفتاح  كال

داشوف شون حتطلعين
ورجع لمكانه كعد

كعدت عالجربايه نطيته  ضهري   كلت شيسوي خل يسوي. دنيا وكاضيه كمت فتت للحمام فرشت اسناني باوعت روحي بالمرايه ملامحي شكد تغيرت من اجه مثل الصوره بله الوان صرت.  شلت شعري وطبيت للغرفه  جان مشغل التبل لام. مشيت.  فات هو للحمام.  تمددت راسن وتغطيت.  شوي وطلع  ينشف وجهه اجه بصفي جر الغطا بهدوء. كال بسخريه
تردين ترحين تخدمين بالامام. مو