رواية من انت لتكون انا الفصل السادس وخمسون 56 - بقلم حسين

سيدرا- صباح العرس جان المتفق عليه بالقاعه  كعدت الصبح سبحت زين قبل جتى لا اريكه خاف يثبرني وسبحت باسم رضعته ونيمته وطلعت اريك زيون طبيت للمطبخ الحجيه دتصلي عالطبله

راح زين عليها حضنها من وره فدوه حبيبي شون متعلم باوعت  على باب الهول انفتحت طلع ضياء يحك براسه ويتثاوب شافني وكف تثاوب باوعلي مبتسم

صباح الخير

صباح النور
ها تريكتو زيون بابا تريكت
لا
يله تعال
بقيت اباوعله خله الطاوه عالنار والتفتت
تتريكين ويانا

اي اوك حضرت الطماطا والزيتون سمعت اخد دينزل من الدرج مديت راسي شفت امل شنو مو مسافره هاي  طبتللنطبخ شافتني انصدمت كالت

شعدها جايه هايه
صفنت عليها ضحكت بارعت لضياء كلت بداخلي هاي فوكاها

ضياء- املللل شطلعت هاااي

صرخ صاحت

من وراها كل الصار من وررراها
سدي حلكج  بسسس  لتحملين غيرج اغلااطج

لا ماحمل لو ماااشوفها تستعرض كدامه
قاطعها كمز على حلكها عصر فكها  وسد حلكها الحجيه كطعت الصلاه  
بقيت صافنه هاي مخبله رسمي النوب  هي المراضيه

طبت عطور وبيدها. الجنطه مال فندق مال ندى باوعتلها وهاي بعدها تصيح وضياء بعده ساد حلكها بقت صافنه عطور طب بهاء
صاح شكووو هاااي املل نعللل تاليها شووون يوميه مشاكللل
دفعت ايد ضياء وختلت وره امها كالت

هاي اذا بقت اني ماابقه. ام المشاكل من  وراها

ضحكت باوعت لعطور جرتني وطبت طبيت للغرفه خربانه ضحك

لج هاي مخبله بت عمج

شششش سدي حلكج
لج شسد هههه هههاي لج سويج بعرضي

لج ثوله هاي تريد البيت الها حتتخبل شون رفل انتقلت لذاك البيت وكعدت بي تكول هالبيت كله الي لج تريد تزوج اخرها غبرهههه
هاااه مجازت

لا متجوز ابشرج هي هاي طبيعتها حتى لبهاء حاولت تفره تغااار افتهمي

حاله نفسيه ومحمد

اي وانتي ضلي تعززي والولد يضل يلوب واخته تاخذه

خلي اذا هوو خرخاشه خلي تفيده همست

لج بابا هاي تضل تنك براسه باع هاي وباع ذيج وشوف ذيج تخبلت عليك وشوف هاي وهو رجال محتاج لايب عليج دضلي
ماريد راحد يمشي بكلام النسوان

لج ثوللله افهميييي احنا حصتنا بيتييي وضياء هاي حصته بيت ابو والبنات ذاك البيت حصتهم كلمن نص هي دترسم على هذا البيييت افهمي ام عقلين.  تكوله لضياء ماعدي سند وحصتي قليله ورجلي علفني دتبجيله الحزينه تكوله انت عدك كاع والترك وراتبك حتى لو تتعاقد اني منو الي لج ثوله ضياء كلبه فطير هسه يكتبه باسمهاا هاي مكيفه بطلعتج

بقيت صافنه عطور اني متهمني الفلوس
عوبه عدج ووولد باجر يردون يتزوجون وين تكعديهم  بالخمسين متر خليهم يتجالبون

ابوهم موجود

لج عوبه باع الله شون بيج اني لج عوبه وكتنا اغبر منو يكدر يشتري بيوت. بعد

سكتت صافنه على كلامها كالت

ابقي هنا على خوانيكها واذا حاجتج كرليلها بيت جهالي فهمي لضياء انج مراضيه هذا بيييت ولدج سيدرااا اني ماريد لقهرج بس لو عدكم بيت ملك قبل  مجان احد كدر يمسج بكلمه الدنيا متتامن محد دام لاحد امني مستقبل ولدج مثل ما الخاتون دتتامن مستقبل بتها ومستقبلها عشتو
شنو طلكها

دتريد تطلك وقافله  عشتو فوك كواه عينها شايفه روحها

سكتت طلعت عطور وغمتني. بقيت صافنه كلسا وجتني الضحكه والله مخبله طب ضياء مباوع بوجهي طلع قاطه من الكنتور رافع تك حاجب ومدلغم تقربت على باسم غير لو الضحكه تروح شلته خليته علىى رجلي التفت عليه كال بنتره
على شنو تتمضحكين
لا والله ضحكت لا لا والله مو يمك
لا دتضحكيين عليها. موو لان رجلها تزوج

راحت الضحكه وكفت ذبيت باسم وجيت يمه باوع بوجهي وقره ملامحي صدك صرت اعصاب باوعتله بجمود

تتوقع اني من الناس اللي اتشمت. يعني

شمدريني شوفي وجهج. وحكمي

كيفيي اضحك اصنف عليها بكييفي تكدر تكول لااا
نترت

طبعا اكولج لا واوكفج عد حدج هم

همم يعني نفس الشي بعدك على طبعك واني دافكر ارجع عود لا عيني خليتي بمرامتي ماريد انهان من وره اختك وخليها هي تمشيك

شنو قصدددج تمشيني لج شو صايره تخربطين بالحجي

مكلت شي غلط درت وجهي عنه اقترب ديجر شعري التفت رفعت تك حاجب
هااا شحتسوي همست ببرود مبتسمه قبض ايده وكام يركع بالكنتور الورايه بعصبيه واني غمضت ببرود انتضر يخلص عافني وطلع كعدت عالجربايه هادئه حلوه الدنيا من تفتر وابن ادم يضا يصفن وين صار وشون جان ربك مايضلم بشر بشر ضلام نفسه بايده دارضع بسوم وطبت وامها تجر بيها كامت تصيح

لج. رجعي لبيتكم وبيتي متطبي بعد نصيت على باسم الضحكه على وجهي
امها تجر بيها وترزل وهي عتت ايدها من امها خل تطططلع من وراها تزوج عليه. وكفت اعدل بدشداشتي وذبيت باسم وكفت كدامها

مااطلع حبيبتي هذا بيتي وبيت جهالي فاهمههه مااطلع الحجيه فكت حلكها وامل تخبلت واني فتت من يمها بهدوء وطلعت صارت بوجهي نجمه منحرجه وميته فشله كالت
اني حروح خابرت حمزه
تنجبين وتكعدين مالج دخل
عفيه سيدرا استحي
داااكولج متروحين بليل يجي حمزه للزفه وتروحين وياه
لعد وانتي

اني ابقى اباسمت واباوع عالبيت هذا بيتي وبيت جهالي وذاك رجلي ماعوفه لهاي اباوعله ديرش بالحديقه والفلاح ينضف بيها باوعتلها فردوس راحت

اي راحت كالت نلتقي بالقاعه

تريكتي

لا
تعاي طلعته سم علينا تعاي

كعدنا نتريك ببرود طلعت امل بعد،ما امها ساعه تحجي وياها جوه باوعتلي بجمود تخزر بيه تروح وتجي تالي كالت
حتبقين يعني
مجاوبتها ابد نصيت مبتسمه عالاكل صاحت ويييياج ودفعت الاستكان عليه اندار الحاي وكفت انصمت جد جدي عطت

منجويه طب ضياء بهالاثناء صاح
امللللللللل وباوعلي وباوع لرجلي لان شلت طرف الدشداشه اغسل بمي السنك ببرود اندار على امل صاح
عدي اليوم على خيير لا ابتلي بيج

يايوووم لك يايوووم اني ماطيق اكعد وي هاي يوم واحد النوبه تريد تبقى تعيش هنااا
التفت عليه متفاجا وباوعلها كال
امشي لغرفتج فوتي لتخليني اهينج
طبت وضلت تتبجبج كعدت اكمل ريوكي بقه واكف يباوعلي واني منصيه عالريوك اكل ببرود وساكته ونجمه انحرجت منصيه راسها باوع لنجمه وطلع مكدر يحجي شي طبيت رتبت الغرفه وحضرت كلشي ثوبي المستر والحجاب كويته كويت هدوم زين وحضرت حتى حذائه داامشح بحذاء ظياء ومادري شفكر بس ببالي اني مرتاحه طب كعد عالجربايه يم باسم باوعلي كال
شنو باقيه

رفعت راسي ليش تريدني اروح
دااسال

اي راح ابقى

ابتسم وجر نفس بقه يباوع بوجهي كال

تردين نضل بهاي الغرفه لو نصعد فوك
نصيت راسي اكمل مسح حذائه هاي للجهال نخليها واني اصعد فوك

همم يعني وحدج قصدج
اذا تريد نام فوك واني انام يم الجهال شو الحربايه سفينه نوح
مجاوب سكت باسم يناغي شاله خلاه على صدره وتمدد وضل يمسد بجسمه ويبوس براسه
حبيبي ببا ياعمر ابوك انت نام باسم على بطنه على صدر ضياء
تره غفه اخذه

خلي نايم مرتاح
زين غطي

غطينا خاف اتحرك ويكعد

غطيتهم نزل شعري على وجهه بقه يباوع بعيني همس

شكرا

على شنو عكدت حاجبي مبتسمه بقيت بهالوضع جر نفس

لانج محرمتيني منهم مجرد تفكير انه يوميه حشوفهم ترس كلبي حماس لجيه البيت
هههه الجهال ديردوك حتى باسم بعد فتره يبدي يتعلم على شكلك باوعله وهمس

ياعمري انت يروح ابوك وكلبه. هذا حزامي هذا راح يشيلني بكبرتي
تحبه

متتصورين شكد احلى شي بي انه منج

شال ايده تلمس اطرافه شعري النازله وقربها لخشمه وجر نفس وعيونه ذبلت. كال

اذا بقيتي بهالوضع دقيقه لخ يمكن افقد وارجع. لضياء القديم فاذا شتاقيتي اله ابقي على وكفتج واذا متريديني بعدج ابتعدي عني اني مو حجاره
كالها وصوته راح

ابتعدت بهدوء وشمرت شعري ورايه كملت تحضير ضل يلاحكني بعينه بنضرات عتب واني ماباوعله لل5 تحضرنا كلنا امل مجتي همزين اصلا برجوازها كام يمنعها تواجه العشيره شون تبين مكسوره بس تكسر غيرها عادي. اخذت الجهال وصعدت بسياره ضياء امي الحجيه كعدت ليكدام واني ونجمه ليوره ميت مره خابر حمزه على نجمه وخابر حتى على ضياء جاوبه
ها ابو اسد. يابه روح كدامنا اي هي وي سيدرا اندليت القاعه اي هاذ هو حتى لو متعرف احد سلمان هناك هسه تلكه بهاء يمكن جاي
ديله

سده منه باوعلي بالجامه عكد حاحبه يمكن لان مخليه مكياج خفيف وكفنا بالازدحام جر كنينس ومده ايده ليوره طانياه

شنو كتله بهدوء عاكده حاجبي كال

مسحي الحمره مدام

ابتسمت باوعتله بالمرايه مسحتها بهدوء ونضراتي باغراء فك حلكه وعيونه راسن تغيرت اباوع ريكه من يبلعه تفاحه اذم تصعد وتنزل مشو السيارات وهو واكف ورانا واحد ضرب هورن فز كال
وووجععع وسم وطلع باوعلي مره لخ درت وحهي عالشباك زيون كاعد بحضنه وصلنا للقاعه يمكن لبسنا جان ابسط لبس كلها لابسه لبس ضخم ومبالغ بي بس اني وفردوس ونجمه فردوس جانت لابسه فستان زيتوني طويل مكسم نوعا ما من فوك ومن جوه كلوشه متلونه عيونها وياه ونجمه تقريبا نفس الفصال بس لون برونزي والشال مشجر جوزي وبرونزي واني لبست فستان صماكي قطعتين يسمو قفطان بس مال حجاب كلش شيك لكفته امي من سوك الطياره كالت
فصاله غريب فعلا حان يخبل عليه ومبينه بطني ولا عبالك مال 3شهور يمكن لان بطن فوك بطن ضياء كدامنا يمشي كلسا يلتفت ويباوعلي ويجر نفس صاير عصبي طببنا للقاعه وكعدنا كال

لتتحركون بعد بقو نجمه وفردوس يفترون بعدها تقريبا فارغه واني ولاول مره اجيب ممه ويايه خاف يجوع ولو شبعته وكعدته بالكرسي المحمول مالته جرها نومه ضياء يروح ويرجع شفت حمزه طب ابتسملي وتقرب
السلام عليكم

هلاو حمزاوي

جيبي الارعن شتاقيتله
لالا عوفه الله عليك نايم
ديله نجمه وين

ذيج يم فردوس تعرفها على بنات خالاتها

باوعلي وباوعلها كال

خوش
اجه ضياء كاله
تعال اعرفك على زوج بنت اختي هم نقيب بالجيش ابن اخو سلمان يصير

يله

بقيت اباوع عيون حمزه صارت باتجاه فردوس ونجمه وراح وره ضياء لابس قاط اسود ورباط ذهبي طالعه كشخه بقيت وحدي كاعده غير تجي ام العريس عاد شوكت يجون العرسان الحجيه تفتر عالميوزه وترحب واني اباوع على ضياء يضحك وي حمزه ورجل هدى الضاهر حمزه طلع يعرفه بقو يسولفون واخير طبت عطور وبهاء عطور طالعه تجننن وبهاء كاشخ عمي هو العريس مو حمودي جوي يمي فردوس ونجمه يضحكون نجمه جانت مرتاحه كلش وفردوس مدري شبيها
شبيج
ها لا مبيه شي حروح يم ماما

فردوس- اني شفته بالقاط لو اموري تخربطت لحد الان مشايفني فشلانه حيل منه من سالفه المخابره خجلانه احط عيني بعينه رحت يم ماما واخذت منها سواري عدلتلي حجابي وثوبي مبتسمه طايره حبيبتي ام العريس مشيت نجمه اشرتلها جتني راسن متريد تكعد جنت اتباها بيها
دكتوره ويايه بالجامعه وهي تكيف رغم سمارها الطوخ بس ملامحها تخبل بس رفعه حاحبها ورمشها بمره امر من رمش اخوها وحاجبه غير لو يباوعلي فتت من يمه ديحجي وي رجل هدى واباوع التفاته وجهه باوع ودار وجهه ورجع باوع سكت شوي صافن وكمل كلامه ورجع باوع لرجل هدى جمدت وكلبي دك يمه انثدك بجمالي مو هيج لايكلي الثوب باوعت لنجمه
نجمه حلو عليه الثوب اني طالعه حلوه

ولج غير تموتين
وكفنا يم بنات خالتي تعارفو على نجمه وضلو يحجون عالجامعه والدروس واني بالي شاططب هناك واسمع صوت بهدوء صاح

نجومه

كمزت تبتسم كالت
من رخصتكم راحت يمه تضحك باسها من راسها صار سبوع مشايفته اخذها على صفحه يحاجيها ويباوع لهدومها واني عيوني طبت بنصهم وحده من بنات خالتي كالت
منو هذا الاسمراني شون هيبه ورفعه حاحب

باوعتلها كلبي انعصر جاوبت

اخوها

اكولج عزفيني عليه--- كالت الثانيه نترت

بنات لينتبه عيب من عمي نسيبه يصير جريت نفس وذبيته كمت وعفتهم فتت من يمهم باوعتله لحكتني عيونه رافع تك حاجب مخلي تك ايد بجيبه نجمه صاحت

اوكفي فردوس جايه وياج
وكفت انتضرها اخاف اباوعله بعد بهالقرب جتي ورجعنا يم سيدرا اللي متخركت من مكانها
سيدرا- كاجلسا يجي ضياسحء يباوع بوجهي ويباوع داير مدايري ويرجع يباوعلي

شبيك اكو شي

ليش مخليه مكياج ناقصه عيونج هي

عرس اطب بله مكياج دباوعهن رايحات صالونات كلهن

بقه يباوع بعيني جر نفس صاير اعصاب كال

ادري هلكد تخلين تره طوخ والله

ضياء تره ممخليه هواي بس لان ثوبي لونه طوخ خليت فوك عيني وردي وبي لمعه
وهاي الكحله السوده

اي غير مكياج حتى الحمره مسحتها مسحتها

زين زين ديله كالها بعصبيه جر عينه والتفت داير مدايري وكف من طبو زلم هواي كال

محتاحه شي حروح استقبل الناس وي بهاء

لا ممحتاحه

لتكومين من مكانج

لاماكوم ابتسمت بقه يباوع بوجهي مستغرب كال
شبيج

مابيه شي بس اول مره اشوفك بالقاط

ههههه هههه اخبل مو

نصيت راسي مبتسمه

هز راسه مبتسم مد ايده على اصبعي الصغير كرصني قوي منه وراح زين وياه وياه وين ميروح. جتي الحجيه يمي وجوي عماته لضياء الحقن سلمو عالحجيه بطرف خشمهم اني اصلا موكفت ولاهمه سلمو عليه مو ماخذه ورث ابوهم بنات الل--
واخيرا جوي العرسان حمزه اختلط وي الزلم وسيطر عالكعده ويصنف وهمه خربانين ضحك وياه. من دخلو كلهم وكفو
فردوس- طبو العرسان فلازم نسويلهم مجال ابتعدنا اني ونجمه صفح نصفك للدخوليه ندى جانت طايره واحمد عيونه عليها يخبلون الله يحفضهم خطيه عمه رفل ماتت بجي. من شافتها فرحانه كمت ارجع ليوره من واير الكامره حسيت احد ورايه همس

انتبهي وراج فزيت هذا صوته انداريت شفته ورايه بالضبط اول مره يصير بهالقرب عيونه رافعها يباوع العرسان ويهمس

كافي تفترون اكعدو

نفسي ضاق بقيت دايره وحهي صفح اباوع لخده وشاربه وركبته وحتى كسره شعره المسحوب عيونه مو عليه بس مبتسم بخفيه بس ردت عيونه بس ردت نضره بهالقرب ببعد اقل الشبر هو ورايه ضبط ازدحام مسوين مكان للدخوليه بقه عيونه عالعرسان بس احسها فكتها ذبلت ونصه عينه عليه التقت عيوننا واخيرا نفسي وضح من تنفست من حلكي لان نسيت شون حتى اتنفسس رمش بثكل يقره وجهي بهالقرب عيوني حاوطها بعيونه يباوع باستغراب عاكد حاجبه احس يقراني بامعان جزء جزء بوجهي نزل من عيني لارنبه خشمي يتمعن لحد ماوصل . لشفافي بلع ريكه احس مديتنفس واني وياه رحت غير عالم نجمه دتصفك بس صوت صفكتها صدى كالت
فردوس ابوج دياشرلج
همس
وبعد عينه دار وجهه وجر نفس وفرك وجهه ابتعد
م خطوه ليوره كال

ابوج ديصيحج

فزيت ها شنو فركت وجهي عدلت الحجاب شنو باوعت بابا عاكد حاجبه بغضب اشرلي بقوه تعاي مشيت راسن ونجمه ورايه

نجمه كالت

شبي ابوج

مادري وصلتله

شبيك بابا
شعدك هناك انجبي يم امج.

مومو جنت داحاجي بنات خالتي

لتضلين تفترين بابا مو صغيره انتي مو بكد انو العيون عليج

اي بابا همست كعدت يم سيدرا ونجمه يمي كالت

اخوي هم رزلني بس من كتله وي البنات سكت
شمدريني اني يعني همه كلهم عشيرتنه بس لان اكو غربه شنو فستاني كصيف

لا والله ابد حتى حمزه تعجب عليهن كال خوش فساتين مرتبات وشيك ومستره
هي سيدرا امها شافتهن وماما وصتها لان مضل مجال وهي مثبوره باحمد وندى

بقيت بمكاني بعد متحركت بس كلبي يدك سريع مداسيطر كلسا وخانكتني العبره ليش هلكد احبه. اسدي هذا والله يحبني والنبي. كاعده صافنه وفززني سرمد

لج هلو فردوسه شطالعه كمرر
صوت ورايه عموضياء

تعال لك لوكي امشي يله منا
خالي شبيك ويايه خرب حضي عفت العرس كله لحكتني

امشي منا لاادفنك
مو اني طالع عليك مو ثلثين الولد عالخال

انعل ابوك لابو خالك امشي

سيدرا- خربت ضحك عليه وفرودوس صافنه
شبيج

ها لا مابيه

اسمع الضحك التفتت شفت حمزه ملتمين يمه ابويه وابو سرمد ورجل هدى ويضحكون لنهايه العرس اجه حمزه وي عمو ضياء اني نصيت راسي لان عيوني فضحتني كال
يله يابه نترخص هم ياله

ضيا- معود بعد وكت

لايابه خل اروح باحر دوام من الفجر يله نجمه ابو زين عالاحد بربك تعالو من وكت احنا نتغده ب2 حتى نلحك نفتر شوي محضر الماطور مال مي اني من الخميس والاهل هم شوي يغيرون جو هسه الجو طيب ومدام ابو سكينه كمل بناء والبسات بدت يخضراثماره

اي اي نجي انشاء الله حتى ابو سرمد شفته شون جلب
كل الهله بيك وبخطارك يله اترخص يله نجمه سيدرا لعد متجين
سيدرا- باوعتله ضياء جاوب راسن

لالا ضاله طلابه بعد

ها هههه الله يصلح اموركم يله شايفين كل الخير

فردوس- يحجي واتي عبالك احفظ كل كلمه وكفت بوست نجمه وعلى نصيتي اباوعله ديباوعلي لو لا بس جان ابد مديباوع راح سلم على بابا وخوالي ورحل عمه رفل وطلع منصي راسه كمل العرس زفيناهم وراحو

سيدرا- رجعنا للبيت ضياء مرتااح جان حيل مبتسم وزين موكع من ايده وضهره لعب بي طوبه ومحجه بس يضحك اخذته منه ورحت نيمته بالي يم ندى كد مافرحانه الها  خايفه عليها طب ضياء واني ارضع باسم باوعلي ودار وجهه مبتسم
اكولك شبي حمزه

شبي هاا عزمنا الاحد بالبستان  كال مركب على روح ابويه قيمه وتمن يا ريت  تنوروني

ومنو ومنو يجي

شو هو وكف بنصنا وكال كلكم تجون   وطلع رجل هدى يعرفه

ديحجي وغفه باسم خليته بفراشه وتربعت كعدت بالفراش كعد عالقنفه الكدامي ويحجي
رجل هدى نفس قطاعه طلع وهو سواله النقل مال بغداد
اي زين
اي وابو سرمد تخبل عليه عبالك متريش ميدري بي بسيط ضل يساله
زين بستانك شكبره حمزه كاله هو جبير ب12 فدان بس اني الي

واني لزمت ايده اسكته  كتله

هو عده 12 فدان شتريد

ابو سرمد كاله ماشاء الله وشتزرعه  وشكد اجوره وبيش اخذته وشكد تحصل بالسنه بهاء ضحك كاله ها المشروع الحديد بستان موو

وكمنا نضحك حمزه بس صافن ممفتهم السالفه المهم من عزم ابو سرمد كاله للا نجي انشاءالله هو ضل صافن عليه كله هله بيك
يعني بين قوسين عزم روحه بالكوه

ههه يله ميخالف حتى رفل تجي خطيه

اي شنسوي بعد
سكت بقه يباوعلي مبتسم جر نفس كال

انتي هنا صدك

اي لعد وين
خابرتي ام علي

اممم وكيفت وهلهلت عبالك خلصت مني
هههه زيون نام غطي من يمج

غطيته ونزلت للفراش بقه كاعد عالقنفه يباوعلي

يله حروح انام تصبحين على خيرباجر ريوكنا بيت بهاء تره

هزيت راسي اتشاء الله

طلع وطفه الضوه   الصبح كعدنا ووبدلنا ركض ركض طلعت للمطبخ داانطي باسم لان هو مكمل شفت امل دتعدل بحجابها من طلعت زفرت بغضب ولا باوعتلها
تعال عدي وخلي ماما تبدل تعال اشوف شبيك البارحه تبجي ها مو عيب  شيكولون عليك طنطه كيكي

سيدرا- جوعان جان

اي اذري بي ابو بطن يله يابه تاخرنا

هاهي كملت طلعت الحجيه لابسه الهاشمي تخبل طالعه ورحنا يمه وصارت بوجهي ندى

ياعمري مبروك
حضنتني والله عبالي رجعتي

ماارجع بعد مكابلتج وكاعده

جذابهههه اخيراا
فرحانه ندى

طايره تدرين  الحمد لله والشكر والله لو متزوحه غيره ماحس بهالفرح

الله يهنيج ياربي

باركلها ضياء ونطوها فلوس بيدها جانت خجلانه حبيبتي واحمد محاوطها بعيونه كلسا ورفلدكايلتله

دير بالك عليها لك
عمه كوليلها تداريني

دير بالج عليه ندى تره احركج هذا ابن بهاء
تريكنا وساعدت عطور. بالشغل وانفتح موضوع امل الاخوه ديحجون وي الام جتني عطور

ديحاجوها البارحه مخابر اوس

اي
اي همزين سمعتي مني هاي ناويه تطلك. تره وتاخذ بيت ضياء وهو المطي كايله لبهاء انطيها نص حصتي اامن مستقبلها بهاء كالها كيفك اني عدي ولد وعدي بنات فهمه يعني تره عدك جهال وهي حصتها كافيه ورجلها  موجود وهي موضفه شكو عايفه وضيفتها بس شون تداوم والناس عرفت رجلها تزوج شكد مغروره وشخصيتها مهزوزه
اعلى غفله سمعنا صياحها وبجيها  وصياح بهاء

يعني تضلين هيييج الرجال يريدج

اني لو اموت مارجع لذاك البيت يريد  يذلني

عليش يذلج الولد ديكول اكعدها بالمشتمل ومعليها من احد

ماريدددده بعد مو تزوج بعد ماريدده هو ونعالي

احترمي نفسج امل اوس خوش ولد لتتخبلين والغلط انتي بيج حذرج كلج شهر مترجعين متزوج وانتي كعدتي تحجين على اهله
اي اني ماررريد اريد اتطلك

كطنه وطلعيها من اذنج الضاهر هواي ناطيج مجال طلاك مااكو انسي

ضلت تبحي وتصيح ضياء اسمعه يحجي بهدوء وياها كال

اكعدي رياه واحجي وشوفي شيكول انطي فرصه وهي تخبلت كامت تصيح وتبجي وتكول

ضحك عليه العالم وشمتهم بيه اني اني بت محمد يتزوج  عليه
بهاء- انتي شكد مغروره اكولج بابا تره بس الله الجبيييير زين منه صابر عليج  الولد ومامطلكج مو حب شايله كلبه مو حببب عمي

ماريده ولا ريد  حبه
ويططبج طوب بس طلاك ماكو لو تموتين

سيدرا- شوي ورجعنا  للبيت ضياء اعصابه تلف وهي صعدت فوك بعد منزلت ضياء كاعد بالهول كبال المطبخ وزين يمه يلعب بالايباد بجه باسم باوعلي داااغسل المنيه مال باسم كال

ها دتشتغلين حروح اجيبه

اوك
جابه ويتمشى بي بالخديقه مبتسم يمشي بهدوء بالشمس الخفيفه شوي وطب

تره جاع فد مره دتسوين
داسوي غده كملت طينيا

اخذته منه طبيت ارضعه سمعت الحوبه نزلت  سمعتها تبجي وتكوله ماابقى وياها فد بيت وهو يحاجيها على كيفه  عرفت يقصدوني بحياتي مكارهه احد كدها طلعت اهدي التمن شافتني نترت

خليها تولي هناك بالترك التفتت  عليها باوعلي ضياء لم حلكه منحرج همس وجرها نترت ايدها صاحت
شنو بيتها هووو

جاوبت بهدوء

حبيبتي بيتي وبيت  جهالي
اندارت عليه صاحت

مو جنتي هناك وشايفته جنه وممصدكه عدج بيت ملفيج. شو هسه مييعجبج

والله ياعيني البيت ميكفيني الا هو شبي يخبل بس كام ميكفيني تدرين بيه صار عدي 3 جهال وين اخليهم انتي وبتج وحدج روحي كعدي هناك وحدج
باوعلهااا باوعلهاا مو داكولك على طمع  مو داكولك لتنطيها مجال

ضياء- شششش كافييي شنو جهاال

سيدرا- التفتت عليه رفعت حواجبي ثنينهن شنو ويايه تحجي

لا لا وي روحي كال بعصبيه والحجيه حايره تعبت وفاتت للغرفه

ضياء- باعي ليش متكعدين بالترك ترتاحين محد يضوجج لاهوسه  جهال لا معارك ولاصوت بجي وتاخذين راحتج وحتى اوس اذا راد يجي يكدر يصعدلج كبل
شنووووو اني اكعد بالترك مثل الخدم ترضاها عللليه ترضاهاا ضياء ذاك الترك المن بناه ابويه. مو للخدم

بقيت فاكه حلكي نتر

كااافييي املل تعبتييني

وشنو تريد افوت اوس لهالبيت وهاي  هنااا ليش مخبله حتى خوش

دتحجي ووكفت بوجهه

اذا مالج رجال يردج اني الاردج فاهمه ديري بالج على لسانج لينكصص ضياء همس
كافي سيدرا
احتراما لمقامك ومقام الحجيه راح اسكت خليها ببالج بنت الحسب والنسب هذا بيتي وبيت رجلي وجهالي انتي تطلعين واني مااطلع الي بي اكثر من ما الج كملت حجي وكمزت تريد تضربني وتصيح لزمها ضياء جتفها وصعدها فوك تدفع وهي تغلط واصيح طبيت للغرفه. صدك رجفتني يعني المعنى الحقيقي لكلمه تخبلت من صفنت وي روحي انقهرت عليها بس هي شربتني من هالكاس  نزل ضياء تعبان طب للغرفه يروح منا ويحي منا مباوعتله بقيت متمدده اندار عليه اقترب باوع بوجهي كال

اعتذر عاللي صار تره لو الترك هيج حاسبي اني مافوته بس الله يدري عشت احلى ايام بي

هزيت راسي تره مهزت شعره مني

جر نفس هز راسه متحسف

خبلتني
يرادلها دمتور نفسي كلتها التفت راسن ونصه راسه عافني وطلع  من الغرفه للعصر راح لشغله  وبقه يومين خفر يله رجع ---
فردوس- من عرفت عازمنه  لليوم واني مسطوره سطر مخليت شي محضرته   كلبيه  بارده تخبل لونها اخضر حشيشي رهمت هيج طلعت وي ماما اشتريت وصايه خليجي وشحاطه ام الورده ام الاصبع ترهم وي الكلابيه  ماما انتبهت عليه بصفناتي كعدت بصفي

شبيج فردوسه

هيج مبيه

شعجب قبلتي عالصايه موجنتي متحبيها

ها حتى من نروح للبستان
باوعتلي بشك مبتسمه هز راسها موافقه كالت

ها هيج اي شكو منها 

واجه الاحد بيومها مكدرت انام لل9ونص خابر عمو ضياء وكال راح يطلع لان سيدرا تساعد امها بالشغل وكالنا نمر عالحجيه ناخذها يعني بيبي
بابا ليش منروح هسه

بعد وكت بابا

زين مو داريد اروح اساعد نجمه

خابري لعمج كوليله مر عليه

ماما بقت تباوعلي ركض خابرت على عمو كال تحضري ركض ركض دابدل طبت ماما كالت

فردوس ماما الثكل يلوك للبنيه يخلي الولد يتخبل ------