رواية من انت لتكون انا الفصل الخامس وخمسون 55 - بقلم حسين

فردوس- صعدتني نجمه فوك لبيتهم والهوسه جوه اباوع هالبيت يخبل مال اهل قبل بسيط وبنص البستان وهاديء حيل وعالمي صعدتني للبلكونه اللي تطل عالمي مخلين مرجوحه وميز
لج هاي شن المكان يخبل

بعدمكملان لو يكمل يخبل يصير بس اخويه وشل فليساته

خطيه الله يرزقه زين هناي شنو الهيكل
بيت ابو سكينه هاي جاي يبنون بي

يا ىهذا كله الكم

لاخطيه شيخ يعرف اخوي كاله خلي يزرعو كله وماريد اجر عليه بس كون مايبقه بور

بور شنو
يعني ارض بور مامزروعه وابو سكينه كيف جايب ولد اخو ويشتغلون ليل نهار شون صار يخبل دتشوفينا
اي ماشاء الله يعني انتو بس فدان

بلي بس فدان والباقي بيت شيخ عارف بس هيج تاركينه
الله يرزقهم
اروح ابدل واجيج ماجيبلج غيار

لا هسه نروح معوده شبدل
ماترتاحين بيها

لا شعدي مرتاحه خليني اتفرج عالشط
تفرجي اخذي راحتج
بقيت اتفرج باوعت اكو غرفه بصف غرفه نجمه البلكونه بيها باب لخ اذاافتحهازتطلع هاي الغرفه مشيت فتحت الباب علكيف راسن انفتحت غرفه صاج. جديده تخبل ناعمه مو ضخمه والغرفه مساحتها جبيره معلك عالتعلاكه بدله مال جيش عرفتها غرفته باوعت للفراش مخربط الغطا كزبر حلدي احس بردت مشيت على كيفي باوعت بمرايه ميزه صوره عائليه قديمه مشط وعطر بسيط  فتحت الجرار على كيفي اول واحد كله اسلحه وسبطانات بعلبهن  مرتبه واحد بصف اللخ سديته فتحت الثاني ملابس داخليه فانيلات بيضه سديته وتلفتت بلازما صغيره عالميز يمها لاب توب تلمسته باوعت شحاطه بباب الغرفه منزوعه بطريقه بسيطه ومرتبه  طلعت من الغرفه جلبت الدكمه بالبرده لان كيبور مخرم عتيتها وطلعت بالبلكون توني  اسد الباب باوعت من الجامه شفته فات للغرفه رفع راسه باوعلي فاك عينه واني جمدت من وره الجام اباوعله تقدم واني رجعت وكفت يم المحجر مال بلكون فتح الباب وكلبي راد يوكف طلع بهدوء اخاف اباوع لصفحته توترت حيل وارتبكت بقه ساكت وكف بموازاتي ببعد كم متر يباوع من السياج رد افوت لغرفه نجمه داانزل كطع طريقي وبعد ه يباوع عالشط.
وكفت بمكاني خايفه شبي ميريدني انزل رجعت لمكاني التفتت باوعتله ميباوعلي بس مضيك عينه. يباوع عالمي ولازم المحجر بايده الاثنين

باوعلي رافع حاجبه وعيونه مضيقها بقيت اباوعله اليوم مانزل عيني داشوف ليوين  يوصل. بقيت اباوع بعينه ذبلت عيني بنضرته وعيونه ذبلت وجهه عركان ونفسه يرفع صدره ويخفضه دقيقه دقيقه ونص احس العرك كام ينكط مني نصيت  راسي احس ذبت كلي  بقه ععينه بعيني يتحداني واتحداه اخرتها نصيت راسي جر نفس بغمج   عفته ونزلت ركض جوه صارت بوجهي نجمه
عذريني تاخرت عليج والله نزلت وي عمتي ونسيتج يله تعالي نساعدهم لزمت ايدي

هاي شبيج ترجفين يولي خاف مريضه

لالا ااجوعانه

يا يموت الجوع  كون تعاي

نزلت وياها عمي كال

ها عمو وين رحتي

داشوف البلكون  يخبل المنضر احجي ونبرتي بيها رجفه

ها شفتيها
اي تقربت اخذت باسم من حضنه شلته وافتر بي وكلبي موكف دكته السريعه نزل طب لبيت سدرا صاح
يا الله

صاح عمي فوت تعال
طب لابس دشداشه ابيض اوف وايت مكويه وعددله وشحاطته الجانت فوك مباوعلي ابد بس اني انسه عيوني بس عيونه تحجي متاكده اني صبو الغده وتغدينا وطلعو العصر للبستان الولد واحنا كملنا شغل دنشرب جاي انتبهت جنطتي ماكو
نجمه عفيه جنطتي

خاف عفتيها فوك

مادري
هسه اشوفها

شوي وجتي بيدها الجنطه
هاج جانت فوك
شكرا
سيدرا- اخذت الجاي وطلعت قدمته لضياء وابو سكينه وحمزه عيونه لحكتني يبتسم درت وجهي عنه وانهزمت ليش دااشتاقله ليش كل هذا السواه بيج واذا معتذر يرد يعيدها بيج

للمغرب اخذ امه وراح وزيون ضل يبجي عليه
حبيبي راح للشغل
ميفيد يصرخ ويصيح بابا صعد ضياء لسيارته تركه وهو فرفح بالكع رد نزل شاله
لك بابا شبيك حبيبي
ويااك يصيح ويبجي ويكول وياك
هاي يله تجي ويايه شوف باوع لتبجي زيييين صاح بي
سكت يشهك ويباوعله

تجي ويايه موتبجي بليل تريد ماما

ويااك

باوعلي كال راح اخذه ويايه اليوم

صفنت وشون شوكت تجيبه

يومين واجيبه حمزه كال

انه امر عليه اخذه من ارجع من شغلي
خوش هاذ هو باوعلي هاا خوش

اي كيفك طبيت طلعتله هدوم وطلعت طيتها لابو باوعتله
عفيه لتخلي امل تضربه فدوه

هه ماشي اني يمه دير بالج على بسوم
اوك بقيت اباوع لزين مكيف كعد بحضنه وطلع ضياء اختنكت عبالك اخذو روحي مني 
ماما ليش ضل يبجي
امي ديكبر ديفتهم الولد يتعلق بالاب اكثر من الام

صفنت خاف يكبرون ويجلبون بي
لعد شعبالج يربوني وانه وليد اهلي

سكتت وطبيت لليل معدتي كلبت هواي اكلت لحم اليوم ومي لحم خربطت معدتي كلبت حيل طبيت اذب من راسي تملخت حدما صحصحت امي حارت بيه كالت

باجر نروح للدكتورهٍ
ماما والله موحامل هاي شبيج صار 3 شهور

ميخالف نتاكد
الله كريم طلعت تمددت وباسم على صدري بالي يم زين لزمت التلفون. ساعه 12 دزيت رساله
كاعد
راسن رد

اي كاعد تردين شي
شعجب راسن رديت كاعد عالتلفون

داكلب بالفيس جنت ورسلتي الرساله
زيون نام
راح اخابرج
سكتت شوي ودك
الو

هلو سيدرا شبيج هه
لا ماما نايمه وهذا هم ديرضع خاف يكعد
هممم جر نفس
زيوني نام

جر نفس هياته بحضني
حبيبي نايم خو مبجه
چچ
بوسليا

باسه وحسيته جر نفس قوي وتنهد همس

سيدرا

ننعم

هذا شون ريحتج بي فهميني
يغسل بالشامبو مالتي
سيدرا داموت من الاشتياق
سكتت غمضت عيني

اليوم عبالك ماخذ شي منج ويايه فرحان بي كلش اشوف بي كلامج التعلمي وتصرفاتج وحبج من جبته ليهسه ابوس واشم بي

بقيت ساكته

احجي
شحجي
حسيت بيج اليوم مشتاقتلي

لا

لتكذبين
لا ممشتاقه تتوهم

ها
اي والله انت اصلا عايش حياتك
لايابه شون هيج استنتجتي بله

مبين عليك مرتاح

يجوز

اي بعد شكو
يعني قصدج راجع لمكسراتي

مادري شمدريني اني هنا وانت هناك واصلا جنت يمك وعدك ومحاسه بيك
يعني تشكين بيه عدي شي موزين

متاكده اصلا

ممم زين لعد يله روحي نامي
باي
الله وياج
سده راسن واني اختنكت نيمت باسم وطلعت للبستان افتر بجيت علما كلت كافي الهوه يخبل بس اني مخنوكه رفعت راسي للسما لمحت حمزه بالبلكون يدخن صافن عالسما ويذب الدخان بحسره صفنت عليه سلامتك من الالم حمزه يامن وكفت ويايه وكفه اب واخو الله يوفقك ويشيل من كلبك كل حسره الهي بحق كل مضلوم دعوه يتيمه نصه راسه لمحني ابتسم شال ايده سلم ابتسمتله تحرك اشرلي اوكفي ونزل بقيت انتضر
نزل من بيتهم رافع دشداشته اجه يبتسم وصلي كال
شلي مكعدج

مامو شي شوي مخنوكه

زيون مو
هه اي والله

حقج عمي اصلا البيت فلا ينجرع كلسا اكول شنو هاي شو صنطه واتذكر هو مموجود الله يحفضه
تسلم بقيت اباوع بوجهه ابتسم نصه ورفع راسه

شبيك انت ليش سهران مو مفروض تنام ترتاح
هههه سافر النوم من عيني
ليش خو مبيك شي خاف علمود دينك

مو انه الاخاف من دين سيدرا ماجيت هالجيته اذا مامدبر كل اموري لتخافين
لعد شبيك شلت همي ووكفتلي خليني اساعدك
بعد وكت يابه بعد وكت وانتي شونج
شبيه الحمد لله فوك النخل

والله كله كذب جوه التراب وروحه لاخيج

جريت نفس ودرت وجهي
تره ضياء ذهب ماتدرين شجنت اسمع منه بس لمن نزلت بغداد وسالت كلها تحمد بي ماتدرين شون واكف وكفات ابسط شي عدهم سجين موبد وعده كومه لحم تصدكين الحوافز كلهن ينطيهن لاهله
شمدريك انت منو كلك

سلمان كايلي قبل فتره
شون حجيتو بهالموضوع
مو حاي نستلم رواتب من المصرف رحنا سوه شفته شال الحوافز وخلاهن بيد سلمان كاله وديهن لان همه قريبين علىبيت اخوسلمان فاخو يوذيهن

صفنت عليه باوعلي ابتسم كال

بعد وبعد ما تدرين لا تشوفي شربه ومكسراته بس كلبه طيب ويريد يتغير اليوم بالضحك جاي اكوله كوم صلي ضحك يكلي خاف اخاف اوكف عالسجاده وتنكلب بينا كتله ليش كال انه مصخم وملطم. خلي الله يرضى عني بعدها اكدر اوكف بين ايده
انسان من يعترف بغلطه معناها يريد يتغير سيدرا
جريت نفس تعبني حمزه
اي ماكولج اهو ماغلط لابل خاش بالغلط لراسه بس جاي يحاول عيني والج اجرج بت عمتي

مااكدر بعد تعبني وشمرني

انه كتلج اخر مشكله حقه وغيرته طغت بويه سامعج باذنه من غير الاثباتات
واني اضل هيج  يوميه  مديريلي موامره ومطروده بفضيحع
لا اله الا الله الولد جاي يكولج امشيها عالورد بس ترد مامعناه مايريد غير رضاج ومايضيعج بعد من ايده
سواها وكالها قبل ومشاني عالنار
كيفج وحكج بالتحجي

تصبح على خير

هله ياب باعي ام زين
انداريت نعم
لاتزعلين مني اخيتي انتي

هزيت راسي ازعل من الكل وماازعل منك يابخت نجمه بيك

انتي ونجمه واخد بت عمتي

رحمه الله والديك متقصر

الله يريح بالج
عفته وطبيت نمت تعبت والصبح كعدتني ماما واخذتني للدكتوره عفت بسبس يم خاله زهره ام سكينه وطبيت للدكتوره اول وحده حجيتلها كالت صعدي سونر اخذلج وانصدك من كالت

ماما انتي بالشهر الثالث وعدج ولد ضربت على وجهي باوعت لماما ضحكت مكيفه

شوون ماما شسوي ادري مخليني اربيله جهاله وانطيهميا عالحاضر

يا امي خير وبركه علاوي جايينا

تبجي وتحجي وتبوس بيدها وجه وكفه سكتت والزم ببطني اول موصلت لكيت ابو زين وزين وياه امي ميته بجي سكتت من شافته باوعلها مستغرب وباوعلي
حجيه خيرج خو ماكو شي

صاح حمزه
عمج شجاج  شصاير
يمه خير وبركه

شكو حجيه
باوعلي عكد حاجبه ماما كالتله

يمه سيدرا حامل وهم بيها ولد
اباوع ضياء غمض وجر نفس مبتسم ودار وجهه لحمزه كال

مو كتلك

والله توه كلي حلمان علي جاي علي ومكعده وباسه من راسه يكوله كوم امي تريدك يكول اخذت زين وصعدت سيارتي وجيت ركض
امي زادت بالبجي تقرب منها يبتسم حضنها وباسها من راسها
خاله اله اسمي علي

يمه  بروح ابوك تدير بالك عليها

باوعلي ابتسم

غير لو ترضى ترجع عمي مرايدين شي بس هذا ديريدني باوعت لزين يباوع بالوجوه حضنته كال

اروح وي بابا باي

حبيبي متبقه يمي

لا وي بابا
واخوك
اخذه ويايه
ذبيته وعفتهم وفتت للبيت تعبت ماريد واريد حتى من روحي تعبت شسويي اخاف ارجعله والله اخاف هذا الوجه متكرر عليه كبل وبس حركوه انكلب طنطل

ذب زين وراح طبت امي كالت

يمه راح كال لحد يضغط عليها  شتردين حاضر

سكتت رضعت باسم للضهر وزين كعد متنحس ضل يبجي للمغرب زهكني

لك ماماااا شبييك
بابا
خرب حضي بابا راح للشغل

بيبي يحجي ويبجي هسه حبهم لاهله هسه صارو عزاز  لبسته لبسته وهو ممل اله شويه اضربه عطت بي عيطه فز وزاد بجي اخذته امي مني وطلعته بالبستان ساعه ورجعوا. شوي ورد بجه يريد يخابر ابو
خابرته وطيتهيا
ها سيدرا

هذا يزيدك نترت
زين وليش هالعصبيه

تعببت تعبني

اجي اخذه
لعد شكو عفته
ها تعبج حقج عليه اني هم غلطه مني لاهو ابنج واني معكلج بي ولااني الاخذته واهلي حارو بي

هاي شبيك ليش يايوم اني حاسبته مو ابني
لا مو دااحس تعبانه

اي بسس يبجي خبلني
هسه التردي شنو طيني داحاجي

بقه ساعه يحجون سوه لحد مااجه وذب التلفون راح يم ماما لثاني يوم الصبح اجه احمد وندى كيفت بيهم تغدو عدنا ومن ديروح كال

سيدرا حضريلي هدوم زين

ليش

مو عمي كال جيبه يم بيبيتي
بقيت صافنه كمز زين كمت وياه حضرت هدومه بعصبيه وراح باسني كومه قبل ليروح وويحضن ويكول  حبج ماما   راح وانعصر كلبي عصر
بقه 4 ايام اني تقصدت ماخابر عليه مر اسبوع وروحي طلعت خابرت على ابو راسن رد
الو
هلو ضياء
هلو عيني شونج

موزينه زيوني شونه

زين ديداوم وي انو وهنا يم امي ليضل بالج ارتاحي

بجيت متحملت بس مبينتها
بقه ساكت شوي همس

هسه ليش دتبجين

مدابجي

ليش شنو ماعرفج

اي متعرفني لو تعرفني متشك بيه
استغفرر الله سيدرا شتريدين عيني انتي
ليش مديريدني ليش نفر مني

سيدرا الولد يتعلق بابو ديكبر ويريد بالروضه وي تكه. لاعبالج مديسال يوميه بليل يتنحس ويبجي واني اهدي بي
ليش انت مدتروح للشغل
لا داارجع للبيت

ليش شنو صار شغلك يوم بيومه

اي مو اخذت الترقيه

صدددك عالخيرر والله فرحت

ههه علي وجهه خير عليه
سكتت وجريت نفس مشتاقه لزين وداضوج من نفر مني احس مالي حق بي لان مو امه

انتي امه وميريد غيرج ام بس هو تعلق بيه هالفتره

انت علمته من وراك حتى تضغط عليه بي وارجع

سكت

مو صح

يعني ابني مو من حقي اعوضه البعد اللي ابتعدت عنه بسبب شغلي اللي هسه يله انتضم

بقيت ساكته
سيدرا ارجعي صدكيني مااتقرب منج مو هذا التردي

ماريد ارجع

بيتج هذا سيدرا ارتبط دمي وي دمج بطفلين
3
3 ولا يهمج

اخاف
جر نفس لتخافين
ماريد بالترك لعبت روحي

ملازم بيت شكبره غرفتين فوك و3 غرف جوه ياغرفه تردين تدللي
وامل
شعليج منها اختي قابل اطردها

تدخل بيه

محد يتدخل بيج هي ويايه مو وياج اذا تدكرت بيج اني اعرف اتعامل وياها

تدخل بيك عادي يعني

شون يعني

مادري
قصدج تزوجني يعني

سكتت
ليش انتي يهمج اذا تزوجت يعني

مجاوبت

باعي يعني اني انتهيت بالنسبه الج واني مواعدج مثل متردين بعد شكو اتزوج ماتزوج ميهمج يجوز اكعد بالترك

لزمت راسي ماارريد ارجع صحت

كيفج كتلج هذا بيت جهالج وبيتج  يبه راح اروح زيون ديريد اطلعه

وحدكم
لا وي بيت بهاء
سكتت
يله تردين شي

لاا نترت
باي

الله وياك سديته وشمرته ولطم لطم مادري شسويي شكد دااكررهك شكد

فردوس- رجعنا بيومها من البستان وبكلبي كومه مشاعر من اتذكرها اطير لعالمه بليل حضرت هدومي فتحت جنطتي والكع بيها ورده حمره توها متفتحه ريحتها تخبل يممه كلبي حيوكف يمه كلبي اخ ربي منه والله من عذه  داومت للكليه وشفت نجمه جنت كلش طايره بقيت كم يوم اداوم كلش مرتاحه مكتفيه بنضره وورده اصلا زايد نجمه انتبهت كالت
الضحكه صلوات من الاذن للاذن ضحكت شكوللها ميته باخوج النقيب. اسدي اي هو اسدي الي وبس مر سبوعين وواكفه اني وياها دااحجي وياها منفعله اقشب على خالاتي اباوع وجهه تغير ضحكت راسن دك كلبي التفتت راسن مبتسمه وشفته مجان لابس لبس الشغل جان لابس مدني يخبل بسيط ومرتب تيشرت اسود وبنطرون كتان وحذاء هاف بوت وشايل القمصله الجوزيه يمه اخذ روحي باوعته بلهفه عمي ياعيب درت وحهي لزمت روحي ضل يحجي وي نجمه ببعد مترتين عني كلسا يباوع ببوبو عينه تصير عليه وينزله تقربت منهم اكول لنجمه فايته ملكيت غير هالحجه
السلام عليكم

هله يابه
كال هيج ونسيت اكول حروح للمحاضره
جاوب ودار وجهه ورجعه على نجمه كال
يبه محتاجين شي

كلبي دك بسرعه محتاجين محتاجين يعني ثنيناتنا يعني اني هم ضحكت باوعتلي نجمه كالت
لاخويه سلامتك عفيه لاتقفل خطك يضل بالي
باوعتلها وجهه تغير
لا لاليضل بالج خليج بدروسج وادعيلي ياله فيماللا ولاتنسين اذا اجت امي ديري بالج على عمتي خاف يصير بينهم لغوه

لالا خليها علي بس دير بالك عروحك.
صاردراستج ماوصيج دكتوره
من عيوني
يله فيماللا وباوعلي ابتسم ودار وجهه

ياالللله اندارت عليه نجمه مبرطمه

شبيج

ماكو شي راحت للحمامات ركض

لج نجمه قمر نجوم غيوم تعاي شبيج لحكتها طبيت وراها غسلت وجهه
شبيج مخبله اول مره اشوفج تبجين

خايفه علي اذا صار بي شي اموت

منو ليش شكو وين رايح

للغربيه حموت خوف عليه جاه ودعني وراح
نشف دمي غسلت وجهه ومسحته كالت
ياله فايته لامتحاني مع السلامه

الله وياج همست والدنيا حسيته وكعت عليه خفت عليه كلش طبيت امتحنت وطلعت حرام اذا جاوبت جواب بي حظ طلعت شفتها عالمصطبه كاعده  صافنه جيت يمها كعدت بصفهاباوعتلها تطوي حافه الدفتر وتفتحها جرت نفس ورفعت راسها للسما
نجمه هو شوكت يرجع

عساس سبوعين
هو دائما يروح
لا شغله هنا ليجاي التاجي بس هالنره عدهم تدريب لان ترقى. صار ملازم اول
واني عبالي مثل عمي نقيب
لا ملازم اول بعده توه ترقى دزو للغربيه والانبار عالكه خايفه عليه

كلبي لزمني متت خوف اختنكت حيل كالت
انه اليوم كملت امتحانات مااجي بعد للسبوع اليجي كولي لابو عمر
مترجعين ويايه

لا يجون علي ابو سكينه لان عده مسواك من سوك بغداد

ها زين تسالمت وياها وراحت واجه ابو عمر ورجعت كبل لغرفتي غده متغديت بجيت مو بيدي من اخاف  عليه مادري شون توغل كلبي لليل طلعت لان ماما خبصتني مااكلت طلعت واكلت بابا انتبه عليه
شبيج يابه

تعبانه
خلصتي امتحاناتج
اي
زين هسه ارتاحي
اي
احجي واكل بلا واهس كام بابا نام وعاف تلفونه عالشحن بقيت وحدي ماما كالت غسلي المواعين عود ماشي رديت ببرود نضفت المطبخ طلعت قهري بي تقربت من تلفون بابا فتحته دورت دورت بالاسماء طلع اسمه حفضت الرقم ورجعت لغرفتي سيفته بتلفوني  مادري ليش هيج سويت بس احساسي انه موجود رقمه بفوني يدفي كلبي  بعد سبوعين عرس حمودي تحضرنا. واني واهس ماعدي كلش صار سبع ايام مامو خبر عنه اخابر نجمه تكولي مغلق هو من ينزل لشغله يغلقه  ردت اتخبل هي تبجي واني ابجي امها يمها سمعتها تكوللها
خلي يجي الا ازوجه واريدن واحد يكول لا

هنا ووكف كلبي خرسيت راحت نجمه ودموعي عشره عشره ردت اتخبل اباوع للورده الذبلت واكول معقوله يتزوج والله هو مخلي الورده هالمره مدااتوهم والله العضيم  ماما مخبوصه بالهدوم الالبسها بالعرس والحنه واني مالي واهس ولاجن اخت العريس  مخبوصه بالبيت والتعزيله وال تنضيف والتحضير واني بغير عالم اساعد وانضف ساكته مااحجي بالي مو يمي بابا انتبه وحتى ماما كلسا وكالت
حالتج معاجبتني خل اخلص من اخوج وافرغلج

عكب باجر عرسهم  خابرت نجمه كالت بس خلي يجي اخوي والله اجيج جانت ميته خوف ويمكن اني اكثر راحت وتمددت من المغرب بفراشي لليل منايمه صارت ب3 الفجر وروحي اختنكت كلش مدااكدر انام لزمت التلفون اكلب بالصور طلعت رحت لاسمه تذكرت نجمه من كالت تلفونه مغلق طلعت رقمه بقيت صافنه عليه دست اتصال سكت سكت كلت هسه حيكول الجهاز مغلق صدك ويدك فزيت اريد اسده التاج وكف من دموعي تبللت الشاشه. عزه بعيني حيرد دكه لخ دك رد بصوت مليان تعب
الو
الو غمضت عيني قوي سكت شوي  وجر نفس كال بتعب

شيسوي رقمي عدج
فكيت عيني يممممه شمدري اريد اسده مدينسد خرب راح اركعه بالكع طفيته من الدكمه. وكمت من الحربايه اباوع عالتلفون صافنه عليه عبالك حيطلع  من التلفون شون عرفتي شون عزه ماما شسوي هسه

طميت روحي ونمت

سيدرا- عكب باجر عرس ندى واحمد خبصتني تعاي من وكت وتعاي من وكت تحضرت شتريت قفطان مال حمل وشسورت شعري ولبست ذهبي البسيط ماخليت مكياج كلت ببيتهم لبست عبايتي ورحت بهالفتره زين اجه يمي سبوع ورد راح ورجع اجه يومين وهم راح وهسه اني الراح اروح وصلني ابو عمر اني ونجمه اللي قفلت يجي حمزه يله تجي وفعلا اجه ب12 بليل شبعت بجي حاضنها ويهدي بيها ولج مامتت وهي تبجي بالزايد  واخيرا قنعت تجي ويايه وصلنا لبيت عمي الحالفه مافوته بعد بس حنه ندى سووها بي طبيت للبيت ركض زين عليه مبدل لابس قاط حبيبي
ياعمري منو بدلك

اني سويت حمام وبيبي لبستني

فدوه رحت للرياجيل  طبيت بثكل تلكتني الحجيه كدام الكل
هله هله بام باسم هله بالغاليه خجلت حضنتها بوستها عطور كيفت جتي كالت

والله لو مجايه جان ابتليت بيج
لاشون مااجي ابنج ونداوي عفيه وينها

رفل كالت
بعدها بالعرس شونج ام باسم
اني ام زين شنو هاي
يله عمي ام زين بوستني سلمت على حمواتها ونسوان حموينها لان صرت اعرفهم نزعت الحجاب والعبايه علكتها وفتت مكيجت ونجمه ورايه مستحيه تحس روحها غريبه واقل منهم  مع العلم فستانها كلش حلو ببساطه  زيون يكمز بالبيت وي انو وهاي الادبسز لابسه بدله تخبل طالعه فردوس وين

مدت راسها كالت
هلاوووو ههه عبالي متجين جان زعلت

لالا مو اجه البارحه بليل وجيتج مو واعدتج انه
فدوه اروحلج والله بقيت وحدي تعاي اعرفج على بنات خالاتي

سيدرا- اخذت نجمه وراحت طبيت امكيج بالغرفه مال زين القديمه لكيت هدوم ضياء مطشره وهدوم زيون هم ابتسمت ذاك الشبل من هذا الاسد لملمتها وعدلتها وطلعت الوصخات مدري ليش اخذتني ايدي عدلت الفراش والكه ثوبي الابيض جوه المخده  ابتسمت رجعته وكمت عدلت بدلته ريحته بيها  اوف ربي رتبت كلشي مكيجت وطلعت عطور صاحت
يله بنات ويايه انتي كعدي شوكت ماشفتج حامل تعاي نجمه عفيه وياهم

اي خاله كالتها وباوعتلي تبتسم على بساطتها مثلي اول متزوجت من عرفتها تعجبت عليها وجتى ندى بس شفتها خنكتني العبره. خجلانه وفرحانه تدور بالوحوه لمن شافتني وكفت راسها تقربت عليها حضنتها عشنا سوه ماسات وموامرات قشبه ونميمه وسوالف وضحك وفساد اطيب كلب  بالعائله الحمد لله اخذت التحبه غننالها وركصنه بهدوء اباوع لاركان البيت واتخيل وجود ضحى بي واشتعل غيره وحجايه ضياء براسي
بيتج وبيت جهالج هذا زيون اللي انقسم نصين بيني وبين ابوه وميعرف المن يشتاق وين يبقى والمن يحب اكثر هناك واتذكر
امل ماكو مشفتها بس بتها تفتر وتلعب وي ان وزين وحده من النسوان سالت
امل وين لعد مشفناها جاوبت امي الحجيه

مسافره امل وي عمتها  لايران

درت وجهي صافنه عايفه بتها هنا عمات ضياء اجوي كصوني كص واني زدت غنه وركص وابين ببطني تخبلوا حسيت ومبطلو حجي بس خليهم  الحجيه اساسا مكعدت يمهم سلمت بثكل وكعدت يم عمه رفل جنت مقرره ابات علمود الزفه بس من صار الليل بديت عبالك اخاف خلصت الحنه وانخبصنا نلم بالغراض وننضف خطيه نجمه مكعدت هي وفردوس كربو البيت ويسولفون ويضحكون  كعدت ارتاح امي الحجيه شايله باسم بيدها تباوع لبطني تبتسم كالت
يمه وراح ينكسر خشمه  يمه ولا يهمك بيبي اني ادللك معليك من امك ابقه يمي
ههههه  حجيه انتي الخير والبركه
والله يمه من شفتج شفت الخير كله
نصيت راسي بخجل كالت

فوتي يمه ارتاحي كربتو للبيت وتعبتو هاج هذا رضعي
اخذته منها وطبيت الغرفه سالت فردوس

شنو عمج وين

عمو بحنه احمد هسه يجون بليل
ها زين يعني ينام هنا
هو اي بس اذا هاي هسه ينام بالهول
ها
اني ونجمه ننام بغرفه بيبي حتى تحجيلنا شون علاقه حبها وي جدو هههه
اي بالسطوح

هاي حتى انتي سامعتها

اي حجتلياها
ديله حنفوت ننام
جرت نجمه وطبت واسمع ضحكهم الرعنات نيمت زين واباوعله عينن نومه ابو باسم ديرضع  بيدي بدلت دشداشتي فتحت السحابه وخليته على صدري تمددت ورجيت ضهري عالجربايه وجلب مديكدر ينام بس اطلعه بجه وفز خرب اممك وارجعه ضل يرضع تعبت غفيت مكدرت اقاوم حسيت احد فتح الباب الدنيا ضلمه شغل الضوه الاصفر الخفيف اسمع نفسه وحسرته بقيت مغمضه همزين مغطيه صدري بخاولي اني دوم هيج حتى كدام امي اخجل اغطي حتى امي تكول موحلو تطلعي بدون متغطي  تعلمت على هالشي -- حسيته بصفي وكف كلبي كام يدك سريع اخذ باسم مني بهدوء وهذا تنحس يريد حليبي
شششششش لاحبيبي همس وشمه من ركبته وباس ايده ياعمري انت يرددد ياعمر ابوك خلاه بالمهد القديم ماريد اكول اسمها خلاه بمهدها وهزه بقه يباوعله غطاه والتفت عليه اني فاتحه عيني شوي مسويه روحي نايمه جريت دشداشتي وسديت السحاب تقرب مني فتحت عيني ابتسمت مكدرت اخفي ابتسامتي وانعجابي بوسامته لمعت خده وشعره الطولان وشاربه الاشكر ونضراته المنعجبه بيه
شونج

زينه الحمد لله هزيت راسي بخجل وكفت بقه يباوعلي ذب سترته عالكرسي  الرباط  والقميص التفتت عليه كال
اخذي راحتج نامي يم ولدج
هزيت راسي اوك توقعت حينام يمي بس نضراته جانت تحضن وتبوس بيه  وركبته المايله باشتياق لبس شورته وفانيلته واخذ مخدته وطلع فكيت عيني مردت يتقرب مني بس توقعت حينام عالجربايه ولو نفس الغرفه على قنفه الغرفه  بس راح بره سمعت رنه تلفونه غمضت عيني
مصادق رجع لسوالفه طلعت بس ردت اشوفه انه اني سمعتك طبيت الهول سمعته ديحجي بالتلفون بهدوء

لا وين اجي اكوله عرس احمد ناوب بله لغوه يللله ناوب رائد على روحك امشي ابو الوصخ وسده داارجع قبل ليلكفني كال
محتاجه  شي خرب شون شافني

لا بس ديريالك للتطب بغرفه امي اااتره نجمه جوه

اي اعرف خابرتني امي
كالها وباوع بتلفونه شلت شعري المسشور باوعلي ورجع نصه بقيت واكفه كدامه هو يباوع لشاشه التلفون تالي طفاه وتمدد عالقنفه كال
من تطلعين طفي الضوه وياج اذا متصير زحمه
بقيت صافنه طلعت بعصبيه وطفيت الضوه وفتت للغرفه تمددت اكيد عده شي والا ليش هيج بارد شبعان عمي هسه اني ليش مقهوره مو ماريده مو ماريده شيريد يسوي خلي يسوي -----