رواية من انت لتكون انا الفصل الثالث 3 - بقلم حسين

كلبته للترك فقدت وامي وعلي صافنين عليه لميت كل غراضنا امي مناقشت جانت ب7 العصر صحت

يله يوم ماابقه

لج يمه دضلي

يمه اذا مطلعتي ويايه اروح ببحيدي وروحه لابويه

وين نوليي صرخت امي
كعدت بالكع نصيت رفعت راسي

نرجع لاهلنا

ماارجع للحسينيه اوديج لعمامج واروح لاخوي ترضين

اي ارضه جاوبت وادري المنتضرني شنو بس اهون عليه من هالذله
امي كالت امشي يله امشي استغفر الله صاحت وطلعت صدرها رفعت راسها للسما

ربي عجب منيتي اختبارك صعب واني حيل مابقه بيه شامل صار تسع سنين من رحت هسه بين التعب من كبرت سدورتك

بقيت اباوعلها ومهزت بيه شي لبست عباتها وطلعنا وصلنا للباب صاحت الحجيه

لج ان علي وين رايحه هاي هي ملازم قسمه ماكو هاهي.

حجيه واليرحم والديج تركيني باستها من راسها كالت
كفيتي ووفيتي ماقصرتي ويانا كعدتينا ولميتينا
ام علي شنو هالحجي حتى انتي ماقصرتي ويايه

سدره- اباوع زين جلب ببنطروني دفرت ايده بقسوه رفع راسه يباوعلي خايف رجع لزمني مبرطم درت وجهي عنه لزمني يجرني هاي طبيعته من يريد شي رديته

وخر زين روح على بيبي

ضل يبجي وتمرغل بالكع

مدرتله بال كلبي خلص الحجيه كالت

يمه سدوره فدوه لعينج الولد تعلق بيج لخاطره هذا معوق خطيه
حجيه اريد ارد لاهلي

كيفج هاهي براحتج وشوكت متردون هذا بيتكم

هزت راسها امي وطلعنا الطريق كله تنك براسي هسه تشوفين شيسوون بيج وهسه يومين وتخابريني تتوسلين وهسه تاكلين بروحج لان علي حيترك دراسته من وراج صحت

يمه اروحلج فدوه فكيني ادري شنو تورطت تورطت وصرت بنتج شعليه اني هاهي ارجع لاهلي وروحي لاهلج مو تعبتج
سكتت امي وصلنا الحسينيه ونزلت ببيت عمامي اني وعلي وراحت امي حتى مسلمت عليه كلبي انمرد من راحت علي ضل يبجي مهتميتله بس كلبي مفرفح طبيت لبيت عمي مرت عمي كلبت خلقتها. عمي كال

ها يابه رديتو

عمي انتو اهلي مالي غيركم وانتو مسوولين عني شنو نشتغل خدم

عمي كلنا عبيد الله وخدامه هاي العيشه صعبه ميهم يابه ارتاحو امج وين

راحت لاخوها

يله براحتها متعشايين

مااشتهي علي تاكل
لاماريد. اباوعله كنفد ونام على المندر ودموعه تجري غطيته. وكعدت شوي وجتي مرت عمي كالت

شنو الصار

باجي تعاركت امي وي البيت النخدم بي وطلعنا

ليش تعاركتو هاي امج متجوز من الفخفخه مالتها

باجي امي مو مفخفخه درت وجهي وفركته كمت طلعت من يمها شفت بنات عمي رتبت وياها علاقتي زينه وياها حبابات بس الولد اكرههم. رغم ولد عمي بس عينهم نكسه. اتخبل من عيونهم
مرت كم يوم اكلي قليل وعلي كوه ياكل وجبه وزعلان عليه كاضيها نوم اشتغل وي البنات وبس يجون الولد انهزم للغرفه بعد مااطلع كم مره فات جعفر سلم عليه وطلع جعفر اكبر مني اربع سنين عماله وشاغول بس عيونه نكسه وامه رايدته لبنت اختها وعلى طول تحسسني اني ميته عليه واني بس اشوفه كلبي ينقبض يطلع وج الصبح ميجي غير لليل بدت مشاكل مرت عمي ترزل ببناتها وتقصدني كلسا وكايله

ابوكم منيله كومه لحم براسه وتباوعلي اني اغلس ضلت تنك شهر واني هنا امي كل سبوع تخابر تحجي ويايه تسالني شوني واني شرد اكوللها زينه والله كريم تضل تحجي وي علي وعلي يكضيها مناحه يريدها وتكوله امر عليك اخذك عود. واسبوع جر سبوع مر شهر وسبوع ومرت عمي بعد مكدرت كامت تصيح

انطيني مصرف مديكفي جهال اخوك وجهالك مدااكدر والولد يريد يتزوج وين اكعده اني كلت محمد وي خواته اخلي هدومه وينام بالهول باجر عكبه شون يطب يبدل هاي بالغرفه شون يابه مترهم
اني اسمع واتكرضم اباوع لعلي وعمي يصيح وهي تصيح ضربها وصارت مصايح البنات والولد اني بقيت بالغرفه وره شوي طبو بنات عمي يتباجن باعولي وكالو

كله منكم امي راحت لاهلها وابوي ضربها

درت وجهي عنها عفيه دنيت ماخلصت ماخلللصت ربي دخلصها عاد والله روحي تطلع بذله شوي وطب عمي باوعلي كال

بابا سدره. امج خابرت عليج ترحين لخوالج

بقيت اباوعله عرفت مرت عمي الداكه عليها هزيت راسي اي اروح وداني عمي اني وعلي طبينا اباوع امي مو بالبيت
خالي امي وين

خالي نزلت لبغداد. الفجر باجر تجي كالت الحجيه ملها خلك

بقيت صافنه وبليل بدت لغوه مرت خالي

يابه ناخذها لاخويه شبي صح مايخلف بس حنين هي مال خلفه هاي والدنيا ملطشه بيها

ردت اتخبل احس الناس من كل صوب تاكل بينا لليل علي اختنك يوم العجاجه. وركضنا بي مستشفى وحالته تازمت من الفجر امي جتي. واني بتت مستشفى وي خالي حرنا بي طبت اني مفرفحه تبجي وتحضن بي وهو غادي ورقه يابسه باوعتلي كالت
لج يمه على بختج لميني وياكم مو متت تعب لاخالج يرضى تضلين 5 بنات عده وولا عمج الجاي يريدج خلينا نرجع

غمضت عيني يمه روحي بحيدج وي علي وتركيني. لزمت راسي يمه رحتلج فدوه ماريد ارد لهناك اقلها اذا الذله من اهلي ارحم من غريب روحي انتي وي علي ماعليكم مني

امي كالت

زين لعد تضلين عد خالج وترضين باخو مرت خالج

اي يوم اقبل

كلتها ونصيت راسي وتخليت عن حلم الامومه تذكرت زين راسن وشكد تعلق بيه كلبي احترك حرك راحت اني بيومها لبغداد وي علي واني ضليت بيت خالي يومين البيت حيل صغير البنات ينامن بالمطبخ والولد بالغرفه وخالي ومرته بغرفه صغيره حيل فكر ويبزر. مرت يومين وبنات خالي بس يتعاركن. واخو مرت خالي يوميه لافي واني وين اختل عنه اذا قبل جنت اختل بالغرفه هسه الغرفه للولد اطب يم ابن خالي ابقى كاعده وهو يباوعلي وعيونه نكسه روحي بزعت ومرت خالي مكيفه كالت
الباجر تعقدون وامج تجي

بقيت صافنه هزيت راسي استسلمت بعد. خابرت امي العصر

الو هايمه

يمه شونج

زينه الحمد لله جريت نفس كالت مرت خالج شونها

باجر اعقد يوم

ولج يمه تضلين طول عمرج تتحسرين على طفل تعاي شوفي حال زيوني جابوله اربع مربيات وهو مديكدر وياهن فاحط منتهي صاير جلد وعضم
سكتت كملت حجي كالت

يمه الحجيه تكول خل تجي موضوع وسديناه ومنرجع نفتحه خل ي بس وياها توالم زين

يمه شجي حتى ذتك كل حجايه وكال موزين ملفيكم ببيتي خليني مذله اهلي ولاغرب هلي اوله بيه

يمه والله هو الكال خل ترجع حتى راتب اخليلها ولج يمه زيوني مريض ومجاي يسيطرون عليه والحجيه كالت شتريد حاضرين
بقيت مغمضه عيني همست واذا لغه زايد ابو

لا والله زين من تجين حاجي وكوليله عدي شروط خوش حجي

اي ماشي علي شونه

زين ها يعني اجيبج

اي يمه تعاي اخذيني امري لاللله اريد اشوف ليوين يله يفرجها و يباوع لحالنا

دتعاي يمه والله هنا مو اريحلج عليج الله
بقيت ساكته مااكدر اتنازل

ها سدوره

اي يمه هاهي كتلج تعاي سديته منها وطبيت خليت تلفون باجي عالميز. بقيت انتضر امي ساعتين واجت وي علي وكبت مرت خالي

شنو زعاطيط كدامكم ها لعبنا ها بطلنا

فدوه لكلبج ام عباس بنتي اريدها يمي مااكدر عذريني واخوج الف وحده تتمناه
طلعنا من البيت ومرت خالي تدعي وتكول
تردله وكولي كالت ترده تتوسل هي لاكيه مثله
طلعت امي مثل الشارده بينا واني كلما قرب الطريق روحي اختنكت بالزايد لحد موصلنا لبيتهم طبينا ورجلي ثكلت

امي كالت تعاي يوم فوتي لتخجليني وي الحجيه طبيت شفت سيارته بالبيت. دنيا ليل شعجب باقي داافوت سمعت الحجيه فكت الباب كالت

ام علي جيتي
اي حجيه جيتج جبتها وجيت

وكفت منصيه بانكسار والحجيه جتي يمي بوستني وكالت والله يمه من يوم الرحتي زيوني. لعب بينا طوبه باوعت بعينها اباوع وراها ردت اشوفه كالت
هيانه متمدد مصخن سوده عليه

باوعتلها بحيره جنت مشتاقتله كالت
فوتي شوفي. طبيت شفته متمدد على قنفه المطبخ

زيوني التفت بهدوء من شافني ضحك والممه بحلكه ضحك وراها بجه حضنته ابتسم وابوس بي. بقه مجتف بيه باوعت لاحجيه تضحك

حجيه خلي يمنا اليوم

زين يمه اخذي غراضه هم

اخذت غراضه وصعدت للترك جريت نفس شكد جنت مرتاحه هنا بس الذله كتلتني ذبيت زين خطيه جر الخيط من رجل القنه وطانيا يعني ربطيني متت قهر حضنته اضحك
لا ماربطك انت عاقل

من جنت اباوعله مو منغولي عادي لا اهدا واعقل ذكي كلش ولغته زينه وميلوص مثل ميكولون ويكسر مثل بقيه الاطفال المثله باوعت لعلي ديدرس

ها ولك رجعت

اي همزين قبلت المعلمه ارجع

همزين باوعت لامي طلعت كاره شكبرها من الغرفه مكيفه كالت

يمه سدوره هاي الحجيه دزتها كالت صغرانه عالبنات هزيت راسي اي مالي واهس بشي ادري هنا راحتي واعرف محد راح يكولي كومي منا وكعدي هنا بس متحملت المذله فوك تعبي وي ابنه عيرني شوي وجهاز الاتصال طلع منه صوت رجال
ام علي موجوده

عرفته صوته زين رفع راسه اشر عالجهاز كال

بابا نعم ابو زين

دزيلي زيوني اذا منصير زحمه

لا يابه رحمه دقيقه

رجع سال

بتج رجعت

اي كتلها ابو زين كال ترجع والموضوع ينسد
زين دخلي تجيب زين وتجي واذا تردين تعاي وياها

صار ابو زين

اشرتلي امي بلهفه كومي يمه كومي
يمه ماريد انزل روحي بحدج

لج يوم كومي

باوعت الوش خجلانه اني المتفضله عليه لبست بلوز من بلوزات الجابتهن امه وي البنطرون وعدلت شعري شلت زين ونزلت وامي ورايه. شفناه كاعد بالحديقه بصف الحجيه مخليه جوه كتفي يتشاقى وياها ويضحك وهي تضحك
انت واحد حيال تقشمر عليه. بمالاتك وراها تغب وترجع لمكسراتك

لج يوم والله اموت عليج

بس شفته مدري شصار بيه رجعت صعدت رفعت اني راسها. مستغربه اشرتلها ماريد طبيت للترك زين رجع فوك سمعتهم يحجون وصوته واصل ليمي من كدما ما عالي كال

كوليلها متمد ايدها علي وتدير بالها منا وهيج مسووله منه واي تقصير تتعاقب وخل تعتبره اجار البيت الكاعدين بي واذا تريد راتب هم اخليلها.

اسمع ومدي انزل املخه واني تهدي بي كالت
صار استاذ اي راح اكوللها اي هو متعلق بيها حتى هي تحبه
ديله عوفيها موضروري تنزل وتشوفلنا الطلعه البهيه يله يوم اني رايح

يا انت مو كتلي معطل يومين

اشوف جماعتي واجيج بليل

دروح الله وياك استغفر الله

سدره- سمعته راح زيوني يمي يلعب بالتلفون وعلي ديقره راح يم علي جر الدفتر بقوه انشك عاط علي

لك عوفه تقربت عليه تريد دفتر. كام يضرب لزمته من ايده خزرته استمر صحت بي
هاااا ضربته على ايده ضل يبجي ويصرخ تركته وجبت غير دفتر اكتب بي انتبه عليه تقرب وهو يبجي رفعت راسي باوعتله كتله

باوع هذا مربع.

مسح عيونه وكعد والشهكه بصدره رديت رسمتله مربع مربع واردد قلدني بصوته ولهجه الطفوله

باوعتله ابتسم عفيه زيوني شاطر الته ويايه ساعه وشويه احنا نكتب ونلعب. حتى صواريخ سويتله ونشمر ويركض يجيبها ويرجعلي بيها نزلنا للحديقه. لعبت ويا بيها جبيره ونفهه والحجيه كاعده تبتسم بقينا لليل. وامي ببيتهم تنضف تعب زيوني
وانجطل يريد ينام بقه يبجي سويتله مميته باوعت ساعه تسعه جنت مفكره اسويله نضام طببته لغرفته غيرتله صارت عدي شغله عاديه التغيير خليت المميه يمه غرفته دافيه وحلوه تمددت يمه وهو يلعب بشعري ويرضع لحد ما غفه كمت على كيفي غطيته وطفيت الضوه بقيت الخفيف بقه ببالي خاف يكعد بليل جوعان لالا وكلته شوربه بعد ميجوع سديت الباب على كيفي البيت سنطه بس صوت قران الحجيه بالغرفه والباب مسدوده رجيت راسي عالباب اسمع روحي سكنت تذكرت السبحه صار كومه ممسبحه طلعت من بيتهم رحت للترك شفت سيارته فاتت سرعت بمشيتي باوعتله شفته ديباوع صعدت ركض كام يفر بيده مستهزا كال

خبله هاي بيها شي والله

من يوم الراحت وزين تدهورت اوضاعه خليتله مربيه خبلته اكثر ليل ونهار يبجي صوته انببح وامي كلسا مخابره عليه الحك ابنك حيموت لو ضربته المربيه لو بس يبجي لو كسر الغراض مدتسيطر عليه خليت غيرها ونفس الحاله خبلته وخبلها مدري شون هاي كدرتله مدري جيف من هو صغير تعلمت عليه يسمع كلامها حضي المصخم ويخاف منها بخزره وتفتهمه. طبيت للبيت شفته نايم بقيت اباوعله
عبالك ملاك شيصير لو متعافي شيصير لو انت انسان عادي ماخاف عليك من باجر. استغفر الله تركته وصعدت نمت عدي دوام الصبح وبعد سبوع يله ارجع.

سدره-
مرت ايام امي بدت تتعب وي علي اللي بليل يختنك وبالنهار مبي شي. خبلنا. كمت الزم البيت الجوه انضفه بالاسبوع مره لان محد يوصخ وامي تركب وتنضف المطبخ وتصعد ماعدنا شي زيوني يااما فوك يمي لو جوه بالحديقه نلعب كمت ادورله العاب بس كان يفضل الورق. لو صواريخ لو اسوي زوارق واخليها بطشت المي ننفخ عليها وتمشي. ومن بعد منكمل لعب يستمتع من يشكها بقوته ويضحك يقهر يا الله يباوع بعيوني من يشكها خاف مااقبل جنت ابتسم. راضيه. اخر لعبه جلب بيها الفراره. سويتها ويركض تفتر وهو يضحك صوت عالي واني كاعده اتفرج عليه زين اخذ كل وكتي حتى من انشف مجلب بيه هواي متعلق بس احسه ميحس بالامان اله ويايه وهم تجي نوبات يتخبل يكوم يضرب اخزره لو اضربه على ايده لو اهدده بالحبل يجر عدل
داسويله المميه وكت نومته ساعه تسعه. شفت كتاب عالمكتبه مالته اليم راسه مكتوب

كيفيه التعامل مع متلازمه داون. بين قوسين المنغوليه كيفت لان تجي نوبات يطول ساعه ساعتين على فد بجيه. شفت قلم بنص الكتاب يمكن تكون حد لاحد قاري ومنو غير ابو. هو متمدد دينام ويلعب بشعري واني اقره استفاديت هواي وتقريبا كلهن مطبقتهن بس امو شغلات نوروني بيها شفته غفه نزعت الماشه من راسي خليتها كحد بالكتاب وسديته غطيت زيوني زين وطلعت داامشي بهدوء شفت الحجيه تغسل وجهه
ها حجيه محتاجه شي

ها ماما لاحبيبتي روحي نام زيوني

اي نام

نوم العافيه الله ينطيج الصحه والعافيه ويستر عليج بنيتي

ابتسمت تركتها اصعد اباوع مسلسلتي سمعته بجه رجعت عليه جلب بيه فاز

لك يابه شبيك شلته باوعت للحجيه

راح اخذه يمي
اخذي يمه اخذته وصعدت فرشتله جان مجلب بيه مادري فاز حلمان تمددت اتفرج وهو يلعب بشعري امي وعلي جانو نايمين واني اكلب بالتلفزيون الافلام كلهن شايفتهن. بقيته على قناه اباوع صارت ب11. وزين نام واخيرا وخرت ايده من شعري. وانفتح جهاز الاتصال صوت ابو

ام علي موجوده

مرديت

ام علي دزيلي زين

مرديت

ام علي يمعوده دزيلي زين ليش منيني يمكم

مرديت دك تلفون امي مكتوب ابو زين مرديت وزيوني كام يحوص خرب ببليسك رجع دك بجهاز الارسال
ام علي. وينج بس دزيلي زين

رديت

نايم

رجع رسل

من انتي كاعده ليش متردين

مرديت

كال

نزلي اريد اشوفه

غافي
نتر حتى لو دزي
امي نايمه

نزلي انتي

بقيت ساكته كال

لتتاخرين

طلعت امي عالصوت باوعتلها

هذا يريد ابنه

اي يمه هسه اخذته هو ونايم غطيته زين ونزلت اسمعها تتعذر لان مردت وهو يعتب

ميت مره كتلج ينام بغرفته هو اني بالاسبوع مره اشوفه ياام علي
والله استاذ جلب بسدره مقبل ضل يبجي

بقيت اسمعهم وبجه زيوني كدر يسكته

لا بابا حبيبي هاي اني هياني

اخذه وفات رجعت تمددت اكلب بالتلفزيون علي كحته تازمت فد مره شرب علاجه ورجع كوه نام

ثاني يوم الصبح صعدلي زيوني فزيت شصعدك حبيبي

ضل يضحك داسد باب الترك شفت ابو وخر من يم الدرج وكعد يم امه بالحديقه. ريكت زيوني وبدلتله صار عدي هدوم بالترك وهدوم ببيتهم. بقينا نلعب شوي ونزلت امي ركبت وصعدت كالت
ابو يريده

اخذته مني وبيده الفراره ضل يصيح وراها سكت يمكن من شاف ابو كمت نضفت الترك سمعت السياره طلعت باوعت راح الشفيه نزلت ببيت الحجيه لكيت زين ديلعب بالعدس مطشره خرب رجعت لميته ونضفت المكان باوعت للبيت يرادله تنضيف نضفت ونطيته ماسحه خلصت منه كملت تنضيف والحجيه كالت

يمه اذا متصير زحمه عليج غرفه ضياء وصخه حيل.

حجيه مااصعد فوك
يمه لخاطري والله مابيه اصعد

باوعتلها هزيت راسي موافقه صعدت نضفتها ونزلت الهدوم الوصخه يابه ريحتهن كلها مال شرب شهاللعبان النفس ذبيتهن بالغساله وطبيت لغرفه زين بقه يتفرج عالتلفزيون واني اقره بالكتاب. واركز وي كل كلمه كملت الغساله طلعت شريت الهدوم. ووكلت زين ورجعنا نلعب كلسا جايبلي صاروخ يكولي شمري حتى يركض يجيبه طبينا للبيت درته اله عالقناه مالته ردت ارتاح شوي عليت الصوت وبقه يكمز وياهم واني اباوعله دايره وجهي عالبلازما اجه زيوني يمي بسرعه وضربني على خدي شون راشدي لزمت خدي وصوت ابو ورايه كال
لااا. بابا عيب
التفتت فازه جان توه طاب كمت من مكاني مجرد شوفته كفيله تنرفزني يومي كله مشيت سريع اطلع من البيت كال

مناكل اوادم تره

مهتميت رجع كال

هاي لو متضربين بي ميعرف يمد ايده بس معلمته عالضرب

لهنا وخلصت طاقتي وكفت التفتت عليه شفته دار كتفه رفع تك حاجب منتضر ارد بقيت ساكته كال بحقاره

اكو شي

نترت اني مماده ايدي عليه
لعد شون يتعلم يضرب

بقيت اباوعله بغضب كال.

تعاي اخذيلج راشدي وارتاحي

مرديت عليه اريد فد رد يشفي الغليل مداالكه كال
خليها ببالج اذا حسيت او سمعت او شكيت مجرد شك انج ماده ايدج عليه متعرفين شيصير لج

جان يحجي بتهديد وكلمه كلمه ويبين سنونه من يحجي رديت

والله اني مااضرب. بس يجوز. اكو منو اليشرب ويضرب وميحس على روحه

فك عينه شال ايده يريد يضربني انهزمت منه ومي بارد على كلبي بقيت فوك لل9 وشويه وسمعت صوت زين يبجي وانفتح جهاز الارسال

تعاي اخذي ديريد ينام

مهتميت
رجع رسل

مووياج ادري دتسمعين

جتي امي تركض
اي اي استاذ ضياء
لج يمه ردي عليه لتخبليني

دخلي يولي وج الطاوه

نزلت امي جابت زين وصعدت اجاني ركض سويتله منه وبدلتله ونام وشعري بيده لحد ماغفه سمعت السياره طلعت كبور حتى كبور ابو العرك نزلت زين لغرفته والله انشلع كلبي غطيته وصعدت فوك نمت جنت تعبانه
بيومها علي تازمت حالته حيل للصبح يله نام مداوم وامي تبهذلت وياه نزلت جانت السياره مو بالبيت زيوني بعده نايم رتبت البيت مابي وصاخه وركبت بمكان امي خطيه تعبت البارحه الحجيه طلعت كوه تمشي كالت

ها ماما ركبتي عاشت ايدج

كعد زين بينما ريكته وبدلتله شغلت التلفزيون مالي خله ابد اليوم كعدت اقره بالكتاب انتبهت بمكان الماشه فلوس من احسبها ميت الف كلت يجوز مالته مخليها كلبت الورقه شفت كاتب

هذا الراتب مال زين

بقيت صافنه شون عرف دااقره بهالكتاب كتبتله
راتبي ايجار الترك

سديت الكتاب بعصبيه وذبيته

ضياء - دااكلب بالكتاب واتفاجا بوجود ماشه بداخله طلعتها شميت ريحتها نفس ريحه شعر زيوني عرفتها دتقره. كيفت كلت تستفاد وتطبقه عليه وبعد اللي شفته من ترتيب لزين قررت امشيلها راتب رمزي بس هي شايله خشمها مدري على شنو. كلت اخلي الراتب حتى من تداري بذمه وضمير اقلها الفلوس تشجعها كتبتلها بمكان الوصلتله هذا راتب زين

بيومها علي فد مره صارت حالته ومكدر للمغرب يبقه صعدت فوك وي زين سمعت صوت سياره ابو اجتي وكمز ينزل شفته راح عليه وشاله يله ارتاحيت شوي واختك علي حيل ونزلت امي مفرفحه جوه شوي وجتي كالت يمه نزلي اخوج مبي يمشي اودي مستشفى روحي طلعت وياه نزلته على جتفي شفت ابو زين ديشغل السياره تقربت بثكل ربي منريد منيه احد بس ماعدنا غيره
فكيت الباب مال سياره التفت عليه رافع تك حاجب كعدت علي اباوعله صار ازرك سديت الباب ورجعت للترك توني اصعد صاح من شباك السياره

روحي يم زين وحده

التفتت هزيت راسي موافقه ورحت لبيتهم راحو بقه بالي يم علي ولزمت السبحه جنت هادئه بارده حيل وبداخلي بركان خوف وقهر طولو لل12 بليل ولا امي ولا علي ولا ابو زين زيوني نام والحجيه هم تعبت من القلق ونامت كل متخابر وكال بعد

بقيت انتضر سمعت السياره فاتت كمزت اباوع من شباك المطبخ الحجيه هم كامت من نومها طب ابو زين واني اباوعله الحجيه كالت
ها يمه بشر

بيتو يوم صدره فد نوب. رفعت راسي شفتها تباوع بقلق درت وجهي شكوللها

الحجيه كالت

زين مكالو شبي

بقيت ساكت والله يمه مادري غمزتلها هاي واكفه سكتت امي

سيدرا- قلقي زاد طلعت من البيت الحجيه صاحت

يمه وين رايحه
همست

انام فوك. حجيه

يمه دباتي هنا يم زيوني.

باوعت لابو باوعلي ودار وجهه جاوبت

لا ماارتاح عفتهم وصعدت اباوع على غراض علي وكلبي ممرتاح بالي يم امي غير لو يطلع الصبح ساعه 2 تقريبا انفتح الجهاز صوت ابو زين كال

سيدرا كاعده

فزيت احم نعم
بدلي داوديج لامج

ليش شكو لزمت كلبي

بدلي بعدين تفتهمين. ركض بدلت وكلبي نار هاي ايدي ترجف نزلت راسن جان واكف يم الدرج والتلفون بيده يحجي بهدوء بقيت اباوعله بقلق باوع بعيني ودار وجهه كمل مكالمه كال

صعدي

بقيت صافنه ساعه 2 واني وحدي وياه شمدريني مو شارب جاوبت
وين نروح

اندار عليه

جاوب بنتره للملهى

احترم نفسك نترت بيه بغضب

دصعدي مالي خلكج صعدي

جر نفس صعدت وعيوني عالباب كال

اوديج للمستشفى امج وحدها محتاجتج

بقيت ساكته تحرك بالسياره واني اباوع عالطريق وكلبي ممرتاح وهو كلسا يستغفر
زين هم يعرف الله وصلنا المستشفى مدخلونا مد ايد عالخانه اليمي راسن جريت رجلي باوعلي رفع حاجب بغضب

شبيج متكوليلي متحارش بيج كبل مذهب الحلو

بقيت ساكته درت وجهي عالشباك طلع ورقه وطببونا لكيت سياره وعليها مثل التابوت خشب صغير نزل هو وتصافح وي ابو السياره. وراها اشرلي يله نزلت وراه واسمع صوت صياح كلبي وكف هذا صوت اني التفت عليه جر نفس كال

قوي كلبج امج محتاجتج
كال هالكلمتين لزمت الحايط دخت علي راح
لزمت من عكسي باوعلي وجر حسره

سيدرا قوي روحج امج تره متدمره

علي راااح نترت بي وركضت عالردهه البيها صوت اميي----------
يتبع