رواية من انت لتكون انا الفصل الثاني وثلاثون 32 - بقلم حسين

بقيت عالدرج  واكفه اريد انزل املخه وهو يصيح ويتعارك  بالباب   فردوس تباوعلي واني اعض بشفتي طلعت السياره بشحطه بالشارع قويه  وركع ضياء الباب ويغلط باوعلي صاح

اصعدي لا اجي اكسر رجليج بت ال--- صعدت واني اتحلف شون.  اطلع  شوننن من الله لاينطيك. حتى تلفوني اخذه الجلب  مرت يومين اني نوم عيني مشافته الفجريه شفته ديطلع من الكراج وركضت امل تضحك فتحت باب الصدر خلتله جنطه مال سفر صغيره كالت

تروح تنساها تبقى بله هدوم هههههه

بقيت صافنه يعني هاهي حيتزوج. هاهي خلصت السالفه  لزمت راسي حيطك من الوجع منايمه يومين رفل بقت ببيتنا زعلانه وي رجلها  لل8 دزيت زين وصعدتلي ندى
شونج كالتها بقلق وخوف تتامل ملامحي

ابتسمت هزيت راسي

خالج حيتزوج مو

بقت صافنه بوجهي هز راسها اي شمدريج

شفت خالتج نطته الجنطه مال سفر

هزت راسها كالت

زفه ويطلع لا بيل لان واجبه هناك سبوعين عده واجب
يااربيل هاي العده واجب بيها شبيج ندى احنا حكومتنا مفصوله عنهم شنو متسمعين اخبار

لا والله هاي شغل بالداخليه وي البيشمركه

بابا البيشمركه ميطيقونه شدتحجين

والله مادري بس جان. ديحجي وي عمو اوس يكوله. عمليات واسعه النطاق

اي شعليه بيه عسى راح مرد

سيدرا انتي كارهتني مو
وانتي شعليج حبيبه ندى اذا تحبيني ساعديني اطلع مدااكدر بعد داموت
شون اساعدج والبومه بالباب فهميني سيدرا ابقي ام لزين انتي وهنا معززه مكرمه والله البارحه خالو كلب الدنيا على خاله انل كاللها
اذا رجعت وسمعت بيج  محاجيتها لاانتي اختي ولاعرفج

شالفايده
والله ووصه  ماما كاللها اي شي تحتاج  اي شي تريد يتنفذ يعني هو من يكول هيج غير رايد خاطرج

واني مرايده غير اطلع ماريد خدمته بعد

ماعرف شون اساعد--- جتي ماما وهدى شش

شكو صاعدين اهوو.
طبو للترك تقربت مني رفل وجهه اثار واني وجهي اثار كالت
شونج سيدرا
مرديت عليه درت وجهي رفعت تك حاجب

عذريني بس السالفه صارت جبيره وبتي اول  وحده تضررت. وسمعت كلامهم
مجاوبتها الحجي بعد ميفيد لزمت راسي كون اسمع خبر موته ولاخبر زفته  احجي وي روحي. كالت

والله  عمه هدى جتي وضلت تسمع حجي انه بتنا مقدريها وانتو تلعبون بعروضنا. ولو ما هو ناوي تره ماروح

رفعت راسي. شتردين رفل التردي شنو
ردت تبريلي الذمه اني تخاف من حوبتج
من تخافين من حوبتي ليش تاذيني مخفتي الله شوفي شون طلعت بيج.

والله العضيم علمود هدى اول مرجلها خابر يتعارك خالج هيج وخالج هيج. راسن لملمنا السالفه  وسيدرا خل نكون واقعيين.  احنا من بيئتين مختلفين لازم ياخذ وحده من بيئته

رفعت راسي ضيقت عيني

شوفي رفل بنتج   الله يحبها لو رجلها شاريها وحابها مو باول مشكله وعيرها.  وكالاها ماريدج   ووراها من ابوها ضربج كعد يعيرها.  لو بي خير. يكولها معليه بيهم اني رايدج الج. بس مابي خير مثل اخوج نفس الشي اول شي سواه ضحى بيه خلي بالعافيه عليه اني مرايده شي تردين ابريلج الذمه. طلعيني من البيت
عذريني اخاف من ضياء واللي يسوي حذرنا واذا صار هالشي البيت يحركه علينا

انتو الله مخفتو منه تخافون من اخوكم ههه عفتهم وطبيت للغرفه انام جتي ندى يمي باوعتلها ندى عوفي تلفونج اخابر  اني

اوك حبيبي هيانه يمج اني حنزل اقره

اوك.
نزلت ندى لزمت الجهاز رقم ام زين عدي خابرتها
الو
ها سيدرا
زينه ساعديني

شبيج شكو

اريد اطلع من البيت شون طلعتي كوليلي
اهلي جوي عليه شنو الصار

سالفه طويله. بس اريد اطلع وحتى ماعرف وين اروح بس اطلع اخابر اهلي انتضريجون

شصار بينكم مادري شون متحملته. هالسنتين ونص
بس الله يدري شتحملت منه تالي تزوج
تزووووج عزه بعينك هذا شنو من بشر. همزين الله خلصت منه
ساعديني شسوي اريد اخلص مثل واحد ديضيق كبر عليه دااختنك ماريد ابقى خدامه اله بعد
باعي سيدرا بس اطلعي.  من البيت والباقي عليه لتشيلين هم

بقيت ساكته شون حطلع شوون بقيت اباوع عالباب كاعد ابو الحسن ومخلي السلاح بيده مكام اذا كام افتر شوي ورجع كعد واذا افتر يفتر مترتين 3  يربي شون باوعت منا سياره مال سيطره  واكفه مهواي فرق عن بيتنا. استغفر الللله رفل طلعت وامل وندى اجه خطها داباوع اوس ديغسل بسيارته  وينضف زواليها  يعني منو بقه بالبيت بس هدى سادس عطله الستين يوم  شون انهزم لمحت بالباب مرهلابسه اسود منو ماما هاي لا باوعلها ابو الحسن ونصه راسه فتحلها الباب طبت تذكرت هاي سلامه الخدامه مبوشه شفت اوس باوعلها ودار وجهه كلبي دك طبت وسدت باب البيت اوس طلع سيارته بره حتى تنضف وتمشى عالشارع وصل داراقب كل الحركات  اللي دتدور بالبيت نزلت من طلع اوس شفت سلامه فاتحه الصونده  دكيت الباب صاحت
استاذ دانضف
ااني سيدرا

ها دقيقه العفو فتحت الباب بالقفل كالت
اسفه عبالي استاذ اوس

ها لا طلع بقيت اباوعلها كالت محتاجهشي

لا هيج ضايجه جيت هنا

ماكواحد

اي عادي اكعد اندارت. رجعت تشتغل كالت

شنو حتنتقلون هنايا
ها ليش
لا كالولي نضفي غرفه  الفوك ونزلو بيت ست املل.  ليجوه

ها اي تحجي واباوع لبوشيتها. فاتت للحمام وتحجي رجعت صعدت فوك اخذت تلفون ندى واخذت الفلوس النطتها الي الحجيه باوعت لملابسزينكلبي انقبض حبيبي  راح اشتاقلك بس مدااكدر بعد.  رجعت نزلت.    لابسه صايتي. كالت

ها. شو لبستي

ها خاف يجي استاذ اوس

اي لا هو خطيه يدك الباب ادمي. حيل.        هالاستاذ. من يشوفني.  يطلع منالبيت
اممم طبت تمسح وتحجي اني جريت بوشيتها بهدوء وطلعتواباوع ورايه. لبستها وعدلتها ونزلت حتى الفوك العين جلبت السبحه النطا نياها. ضياءكانما اشاره وكانما حس بيه دااطلع.  نزعتها. من ركبتي وعدلت روحي. دااطلع. صار صوت ورايه

سيدراا.  وين رايحه  

التفتت مخروعه

استاذ اوس

وين. ترحين تعوفيها خضره الهم

استاذ عوفني

تغلطين وتخسرين كلشي سيدرا افهميني والله جان اني ساعدتج بستخسرين سيدرا
احسن مااخسر روحي استاذ.  اني دااكل بروحي وروحه لابويه دااكل بنفسي داخلي محترك
نطاني مجال كال وجر نفس

الله يساعدج. تخوف حوبتج. وين حتروحين كوليلي واني اديج

مااحتاج اشكرك ماريد اسويلك مشكله

اني حطلع. انتضرج عالشارع. مستحيل اخليج وحدج لحد ميجون اهلج.

بقيت اباوع بوجهه رحمه الله والديك اشرفهم انت

اطلعي وانياطلع وراج بشويه طلعي كبل  وفوتي بفرع المطعم اسمه.  --- اني جاي وراج
اوك يحجي ويتلفت عالباب وعلى باب المطبخ

طلعت امشي بخوف وكف ابو الحسن ونصه راسه كال

من وكت اليوم  ام غايب

غيرت صوتي جاوبت

كملت ركض عدي شغل هاي.    طيها.   لابوزين.  لكيتها بغرفته
طيته السبحه كال صاركثر الله من امثالج.  مشيت من يمه.  سريع واعدل. ببوشيتي. احسن العالم كلها تلحكني.  وصلت للفرع باوعت لكيت المطعم الكلي عليه وكفت يمه عشر دقايق الناس كلها تباوعلي مدري اني دااحس هيج  هناك خسيت سيارهثكلت يمي من اباوع استاذ اوس كال
صعدي يابه صعدي

صعدت ميته خوف باوعتله

خو محد حس

لحد هسه لا وين تردين اوديج.

اهلي هسه بس اخابر امي عفيه طيني تلفونك

هذا هاج
شلته ودكيت على امي.  شوي وردت مستغربه

حجيتلها وصوتي يرجف كالت
لتخافين امي لتخافين هسه ادزحمزه عليج. منو وياج وين واكفه ماما

ماما. اني يم مطعم --- واستاذ اوس ويايه

الله ينطي العافيه يمه كوليله يوديج لاهله بينما يجيج حمزه ساعه ونصفي عساس انتي جايه تنضفين لتجيبن. حجايه. للرجال

اي يوم باوعت لاستاذ اوس يباوعلي بقلق
ها شكالت

تكول اخذني لاهلك بس ساعه علما
اي اي قاطعني وطلع كال

امج تعرفها امي اصلا ودوم تكولي دز عليها بالعزايم بس امج تركت

بقيت ساكته بعدما اتفقت وي امي تدك على رقم الاستاذ اوس من يوصل حمزه

رحنا لبيتهم. كال

بس حطب لامي ابلغها  انه يعني انتي شسمه.

حك بحاجبه ويباوع عالشارع
لتخجل استاذ فوت كولها جبت منضفه ماريد اشكال الك
اوك. وواني اسف   سيدرا حتى موقفنا ميصير بيه تساول علمودج وعلمودي  هم 

اي عادي

نزل شوي وكال فواي امي تنتضرج جوه عود علساس خلصتي البيت مال عمي وجبتج لهنا ماشي
اي اي ماشي

طبيت بثكل بيتهم مرتب وحلو دكيت الباب الداخلي صاحت مره

تفضلي ابويه تفضلي
شونج حجيه

صلوات على محمد.  هله يمه تفضلي هاي منين لاكيتج ام بهاء

نصيت راسي اني بيا حال كالت

يمه. اذا تكدرين بس المنور نضفي لان  اوس كال ساعه وترجعين لاهلج. 

اي والله حجيه هسه بعيني اشوف الاكدراسوي

طبيت لكيته مكلوب الملم حيل مبيه. يربي وي ماروح خدامه  نضفت بطيب خاطر والمره تحجي وتدعي شكد حبيتها جنها الحجيه ام بهاء مدري ليش متوالمت وي امل ولو امل ياهو التتوالم وياها  كملت تنضيف ركضركض خطيه شالت 50 ونطتني
حجيه هواي والكعبه هواي

لا يمه تستاهلين حتى متنسينا بعد ودوم تمرين

جريت نفس بستها من راسها وطلعت  اذب الغراض بباب البيت اجه اوس  بالسياره مد راسه من الشباك راسن كال
اصعدي

ها اجه

اي اجه خابرني كال رحمه على ابيك جيبها

صعدت وطلع  وداني للمكان لكيت حمزه بيده الجكاره يروح منا ويجي منا بس شافنيذبالجكاره واجه ركض عليه كال
خلي البوشي خلي   رحمه الله والديك خويه مقصرت الله يكثر من امثالك. واي شي تحتاجه رقمي يمك  

اوس اقترب تسالم وياه اجه يمي كال

سيدرا خلي هاي جوه ايدج اني هم مثل اخوج الله يرحمه

والله ممحتاجه والله امكطتني والحجيه طتني الله عليك  لتحرجني

حمزه- يله سيدرا مستوره. خويه متقصر انطيها للمحتاجيها ياب بت عمتي مامحتاجه واذا احتاجت انه كفاي ووفاي
الله يخليك الها سند سيدرا حلليني واوهبيني

استاذ هو انت اكو منك الف رحمه على ذاك الاب الطيب
  سيدرا- طلعنا ولشتي ترجف بس اريد اطلع من المنطقه. وحمزه مالف ويدخن بغضب. بس طلعنا طوق بغداد التفتلي كال
اخذي راحتج خويه

ذبيت البرشي بقيت بالحجاب ميباوع بوجهي. رزن مو مثل اول ابد كال
شسوالج. الناقص غيره شسوه
لزم الستيرن قوي جاوبت

تزوج ورايدني خدمه.

احجي والحجي بحلكي هواي   بس مابيه.  حجي     احجي بداخلي

كال

عمتي وصلت لاهلنا

هزيت راسي

بويه من هسا جاي اكولج. البيت الج نصه امج اشترطت علي اسجله باسمج يعني 100 الج
سكتت جريت نفس كال

والتردي انه حاضر

اني ارد اتطلك
هاذ هو الباجر طالعين  لصاحبي محامي بالمحموديه

هزيت راسي

خما ضاربج

رجف صوتي

لايابو

والله لانعل ابهاتهممم. النوب صايرلي رجال يتحامى بالحرس والله  لو ما.  بنت اخو البجت من الخوف انه ماهدده