رواية من انت لتكون انا الفصل التاسع وأربعون 49 - بقلم حسين

سيدرا-   صدك مصدومه  يعني بشر ماينعرف بس والله عمره منضرلي بنضره موزينه استغفر الله بعد معليه من عده  شكد جنت احترمه بعد كد السلام ماريد اخسر حياتي بعدما ارتاحيت  وي ضياء اباوع لباسم على صدري جريت نفس. الحمد لله ربي دخيلك ادفع البلاء عني وعن اطفالي وبيتي اني قايمه بكل فروضي وواجباتي دخيلك ساعدني ولتكسرني بيهم.  ---  يومين ضياء  بالشغل وباليوم  مخابر  مرتين او تلاثه مره يتغزل مره شكو ماكو مره الجهال ديسوون وهكذا زينه ام زين جتي زارتني خطيه ونطت واجب وراحت احترمها لهالبنيه  مااذتني بس بعد مالي علاقه باحد زايد عن اللزروم عليه ببيتي وجهالي وبس.   اليوم الثاني صعدت ضحى رادت باسم تشيله جانت تجي بلهفه غريبه واني اعطف عليها بس انتبهت وجهي ثكيل مطولت نزلت رغم حاولت تفتح مواضيع  مغايره بس شافتني مارد وماباوعلها تركتني شوي ونزلت.   ونزل ضياء جنت محضره روحي اكله ونفسي والجهال والبيت ينتضره

تلكيته بلهفه كانما خايفه من العالم

شبيج حبيبي ليش هيج تحضنين بيه عبالك حسافر

بقيت اباوع بوجهه اكوله خايفه ياخذوك  مني اكوله خايفه من اختك لتاذيني. 

شبيج سيدرا ليش صفنتي احد غثج بحجايه

لا
لعد شبيج شو تعاي

ذب اللي براسه والتلفون والسويج وكعد عالقنفه وجرني يمه
منو ويه عيونج

تعبانه شوي نصيت راسي

دشو باوعيلي عليه ولج من النضره اعرف مجرمين شضامين. مو عاد اللي كلبي يدك باسمها

والله تعبانه بقيت اباوع بعينه اخاف اكوله ويشك لو يسوي مشكله لاوس يزيد الطين بله بس كون اخذه وانهزم وماخلي امل تاثر عليه
سيدرا شبيج حبيبي

مخنوكه.

بقه صافن جر نفس ودار وجهه كال وحك كصته بحيره

تردين نطلع
فكيت عيني كلها ابتسمت

نصه راسه ابتسم 

صدك تطلعني

هز راسه وباوعلي تلمس خدي

ميخالف خل ارتاح شوي ونطلع وين تردين اوديج
اي مكان ههه اي مكان بس كون اني وياك

ماشي نروح منتزه حتى الجهال يلعبون
اي اي ههه واخذ جاي وكليجه وكرزات وجبس نشتري واخذ بايسكل  زين
بقه يهز برجله مبتسم بتعب جر نفس وجرني على صدره حضنني قوي
واذا واحد باوعلج  شسوي اقتله

باوعتله ابتسم عدي حل

شنو
متاخذ سلاحك

هههه هههههه
كرصني من حنكي همس

صبيلي حبيبي ميت جوع شمسويه

مفاجئه

اوف يمفاجاتج اه عاط باسم افندي خل اروح اشوف بلكن كبر شوي

هههه لا بعده

راح جان يصيح
لج الحكي كيمياوي ه
شكو

ولج الريحه فد شي خوجرب يومك شمنطيته  رب الحلو لك شنو هالجيفه البيك

شايله ووجهه منقرف  خربت ضحك صحت
تعال اكل اخذت منه باسم وركض زين عليه كعدو ياكلون كلسا وصاح
يله يابه تعاي عاد

حبيبي ديرضع هسه يغفه واجي

كملت وجيت جان دياكل على كيفه ينتضرني
دتنتضرني اكل

هو اني بالسنه حسنه اكعد اكل كدامج

اوك يله تغدينا بهدوء بعدها زين نام وهو طب سبح وطلع نام يمي  يحضن بيه لحد مغفه اول يوم من يجي يكون تعبان كلش من يكعد من النوم  يله  يكون شوي مرتاح.  جنت  متشوقه  للطلعه ماكو  شي يضايقني وارجع اصفن اتذكر امل واشيل هم   للعصر حسينا وكمت راسن حضرت جنطه صغيره خليت بيها تركز صغير مال جاي  وكليجه جنت متلهفه. كرزات وفاكهه وجرجف وكعدت زين حضرته وبدلت لباسم الصار عمره 50 يوم ركض ركض بدلت اني هم  ورحت لضياء
حبيبي
هممم
يله كوم
زين كال

بابا بيباي

وين بيباي بابا
فك عينه كلنا مبدلين وواكفين كدام الجربايه نضحك عكد حاحبه فز

هاي شكو وين

مو كلت نطلع

جنت شارب نتدرين
اوهو. ضياء

هههه   اووف اووف يحجايه ردي لمجانج
لاعفيه  حباب

ديله خل البس طلعيلي هدوم
محضره كلشي
اييي بيها تخايم

هاا يعني اني اقصر

حشاج. عمري بس دارينا بليل يابه عاد على هالطلعه
تدلل. بسته من خده زين يضحك
باع هذا الساقط يتمضحك شبيك تضحك لك

لبس ضياء وتعطر وكلسا داير وجهه يباوعلي. ويباوع لبسي  ويجر نفس كال
ماعدج اكصف من هاي الجبه

عزه والله عريضه

اني داشوفها سيت نوم

لان انت هيج عيونك ليزر

كلنا هيج تره كللنا هيج
اهو صار عصبي عني بطلنا

كعدت مبوزه كال

يله فضيهاااا

نتر  شال الجنطه ونزل كدامي وزين وراه مديصدك من داانزل وراهم كلسا يكول
ماما ويانا

اي والكعبه وياكم نزلت صارت امل بوجهي بالحديقه وكف ضياء يمها يحجي وياه باوعتلي بنضره خربطت كياني خوفتني خزرتني وباوعت من فوك ليجوه درت وجهي راسن بس كلبي راد يوكف طلعت وره ضياء  التفتت شفت ضحى تباوعلنا من شباك المطبخ درت وجهي راسن وكعدت بالسياره هادئه شغل وطلع باوعلي عمد حاحبه

شبيج
ها مابيه

وصلنا نزلنا زين انطلق بالبايسكل وضياء فرش بمكان منزوي  وخليت الغراض اباوع الحدايق وباسم بيدي باوعلي ضياء وكعد

صبي صبي جاي

اوك صبيت ونطيته

هذا شون اذا جاع
ميجوع  رضعته كلش هواي قبل لا اطلع

اممم ام التخايم
بقه يباوع بعيني عكد حاحبه
شبيج سيدرا شنو المخوفج

ها لا ماكو شي بعدت عيوني

لا اكو شو باعيني لتتهربين

باوعتله دمعت ونصيت

هاي شبييج اليوم صدك جذب اكيد اكو شي بسامير امل وعيونج من شافته ووجهج اللي انكلب شكو صعدت فووك

لا والله شنو بسمرت شون يعني

معليج خريط احجي شبيج
اي مابيه
لعد شنوووو

ماكو شي

بقه صافن  كال هاز راسه

يخبر بفلوس باجر بالشارع بلاش

تقربت منه انحشكت
شبيج منا العالم معوده عود تندري بالبيت

اوك ابتعدت زين يروح ويجي طاير وباسم نايم بالكرسي مالته  بقينا ساعه ضياء يروح ويركض وي زين يلعب طوبه كم مره شمرها عليه واني اشمرها على كعدتي و اضحك يرجعلي الضحكه بقيت اتاملهم واباوع العالم كلهم جايين عوائل حسيت روحي انسانه كامله بعد النقص الجنت اعانيه بحياتي  بقيت احمد الله واتعوذ من الحسد رجعنا بالليل  وتحضرتله جان طاير بيه حضنني قوي كال
لو بيدي اطببج بداخلي حتى محد يباوعلج
ساكته مبتسمه

مراح تحجيلي سيدرا

على شنو
البيج
مابيه لخاطر الله شبيك

جر نفس سالني

سيدرا من اطول بالشغل  هم تشتاقيلي

كللش

زين شتسوين
احضن مخدتك وانام
يعني وتكفيج لو تضلين تلوبين ترديني

عكدت حاجبي انت شنو قصدك يعني. على ذيج الشغله لا بابا هاي بس من انت تتقرب مني تتفعل

همم يعني نوبات اطول سبوعين من غير احاجيج بالتلفون وراها اروح يعني صعبه

حبيبي اني مو مثلك احنا النسوان مو مثل الرياجيل

بالعكس انتو اكثر انتو عدكم 9 شهوات واحنا وحده
صح كلامك بس ماما تكول هاي ال9  معناها مواقع مو بالكثره القصد

همم يعني متتخيلين شي وحدج

عزه بعيني هو. اني الحك احك راسي بقه يباوعلي بشك ابتسمت نمت على صدره تلمس شعري وغفينا

سكت ونام جان يوم متعب وحلو تونست حيل  ثاني يوم طلع ضياء لشغله كال  باجر ينزل كيفت وجوده يمي يامنني محد يتدكر بيه لو ياذيني لو يوصله حجي كذب

ثاني يوم الصبح. عزلت البيت فتحت كل الشبابيك حتى يتشمس كلت ساعه واسدها احنه الترك عدنا ميشرف بس على بيت عمي واعلى من بيت عمي يعني غرفتي واصله لسطح بيت عمي ومحد يصعد للسطح فبراحتي افتح الشبابيك خصوصا وره الحريق من فتحهن الي ضياء واحمد كام ميكعد بالحديقه يدرس وره مشالو فمطمن ماباوع لاحد منها   كملت شغلي ونيمت باسم طبيت سبحت وطلعت واني لافه الخاولي عليه الشباك مفتوح والبرده بس محد بسطحنا  زنودي وركبتي وبدايه صدري كله ضاهر طبيت لغرفه نومي الكنتور كبال الشباك فتحته اطلعلي هدوم سمعت حركه ورايه باوعت واشوف اوس ديحرك براوتر بيتهم يسوي شمس بعينه اريد اوصل للشباك رجلي رخت. اريد اسد البرده شافني فك عينه رجع ليوره بقه يباوعلي مستغرب. شوي يله دار وجهه عود شكد كرهت نضرته وكرهتهركضت سديت  سديت البرده بعصبيه. وداخلي يرجف اريد املخه طاح حضضك   ضلت نفسيتي متعكره حتى اكل مااكلت اتذكر شون نقذني بالحريق وشون وداني لحمزه بيوم النهزمت واكول حرامات والله شكد جنت احترمه

تقريب الكم ساعه وكبت العيطه جو بين امل واوس شوي وهدو شعليه اني ليش خايفه خاف عرفت لا اني شكو قابل

زين اجه من الروضه وتغده ونام وكعد نزل جوه يلعب بالكراج. عيني عليه من الشباك كلسا اباوع وضياء بعده مجاي خابرته كال على جيه شوي ويطلع من المركز نيمت باسم   واسمع صوت ضحى

لكمم لتطبوون للكراج   عمكم رافع الجك عالسياره لتوكع عليكم. وراها كالت
اووي شعليه امهاتكم موجودين
تخبلت خفت اذري بزين ميكعد تخيلته جو السياره ديلعب  وواكع عليه الجك مجرد الخيال فززني ركض لبست كلبيه وحجابي ونزلت صحت زين ماما وينك طبيت لكراج السيارات الداخلي ادور ملكيته نصيت جوه السياره لمحت اوس طلع باوعلي عكد حاجبه

ها سيدرا

زين عبالي هنا دااطلع صاح
سيدرا بس حجايه

ماريد ماريد بقيت امشي وصلت للباب كال

سيدرا سمعيني اني من اول كتلج انتي اختي يمكن فهمتيني غلط
وكفت التفتت عليه عدلت حجابي شنو غلط انت الفاهمني غلط عمي اذاعالقلم ذبه بالزبل
عككد حاجبه يتامل مستغرب
اكو شي مع الاسف والله ولا ضنيتك هيج

سيدرا شنو قصدج 
اوس جنت اشوفك اخويه

يعني مو انتي الدتدزين الرسايل

يارسايل

لج بابا رسايل. تخزي

من تلفوني
اي

وكف مسح الدهن بيده وتقرب

شدادز كال
حجي مينحجي.  حجي ممربط اني شاك باخد ادري مو سوالفج واشوف وجهج ملامحه متتوالم وي الرسايل
اني مراسلتلك اصلا رقمك ماعدي منيلك رقمي يجوز مو اني شمدريك اني
انتي مره خابرتي على امج من تلفوني وبقه رقمها كتبت عليه ام  سيدرا وراها كامت توصلني رسايل منه
صح اني اخذت خط ماما بقيت صافنه عليه كال

رسايل تخل بالشرف تره اذا وصلت لضياء وسكت جر نفس باوع بعيني ونصه

والقران مو قصدي اباوعلج وانتي ممستوره اليوم والقران  حتى مضلت ببالي صورتج

يعني منو يدزها باوعت ورايه وباوعتله خاف احد يشوفنا. اكولك خاف امل كال

امل دتشك بيه عدي شي وياج وكلسا تاخذ التلفون وبقت الرسايل عدها اثبات خاف تنطيها. لضياء بس اني خذرتها
فكيت عيني عفيه والله يذبحني

لا لتخافين. ماتحجي وانتي لتخلين احد يلزم تلفونج

تذكرت من كام يضيع على غفله عرفت ضحى اكيد باوعتله

خوومكتلها عاليوم عفيه

نصه راسه كال

حانت واكفه ورايه وشافتج سيدرا شافتني باوعت عليج وانتي ملابسه وبقت تصيح شكت بيه عدي شي وياج  الا هددتها اعوف البيت واطلع يله هدات حلفت الها وو
سيدرا- يحجي والخوف كاتلني كتل على غفله سمعت خطوه واحد داس على شي التفتت اطلع شفت ضياء واكف منصي وضحى وراه عيونه دم  اول مره بحياتي اخاف هيج خوف مخايفه من الضرب خايفه افقده    جمدت حتى اطرافي انشليت عرفت احساس الشلل بقه يباوعلي ويباوع لاوس بنضرات  كرهتني بنفسي ضحى طلعت من الكراج واشوف ضياء طلع سلاحه وسحبه اقسام رفع ايده بغضب ويهز براسه صاح

لج انيييييي اوكع بهالمصيييده الجنت اضحك عاليوكع بيها  انيييييييي تغشمينيييي -----

متابعه ممتعه
مريم السعدي