رواية من انت لتكون انا الفصل الخمسون 50 - بقلم حسين

سيدرا-  لحضات جند كلشي بيه.   عقلي

كلبي احس مديدك

ولساني. ودمي اللي بعروكي.  بس احساس حليب باسم البده يدر وينغزني احس بي واتخيل صوته يبجي جوعان.  اباوع لضياء

رافع يلاحه ايده ترجف وعيونه حمر مدمعه يصرخ. بقهررر

جننت شاااااك. والله جنتتت شاكك. كلما تنزل عيونك ونضراتك وحجيك وابتساماتكم والهدايا وتوصيلها لابن عمتها.  لج تغششميييني لج زعطوطططططط انييي  
اوس- ضيياء ذبه للسلاح لتتخبل افهم. هييييي

انت حسابك بعدينن. بعدددين. بس اصطبرلي.

سيدرا-  باوعلي مخنزر بغضب ضرب السلا ح براسه دكه بقوه. كال

مووو اغبر كلت مااامن بمره لج انتي شنووووووو   مو حذروني من خرب عقلي

فكيت عيني مداصدك شكه بيه   اوس صاح
لك لشووووكت تصدك بحجي النسوااان انت لك شبيك خبببل

انت انجببب عازجر مو سمعت باذذني سمعت كلشي

لك شسمعت اثوولللل لك كذب اذنك وعيونك وصدك كلبك.

لتلغيييييي

اباوعله يركع براسه بالسبطانه مال سلاح وايده ترجف اوس تقرب جر السلاح بسهوله ودفعه عالحايط صاح
اهددددددده خل افهمككك تره واكع بلعبه وصخه
ماشوفه اله دفعه بقوه ووصلي سحلني من شعري ديجرني للباب مال بيت صاح

امشي اطلعي كلشي ماالج عندي

ضياء اوكف بس اسمع يصيح اوس ورايه لك ضياءءءءء

العجيبه  بامري بس صافنه فصلت عن الدنيا  انجر ضياء مني وصاح بي اوس

لك بابا فك بابا فك عقلللك. شوف الداير مدايرك.  فك عقللك تره راح تخسر كلشي  

دفره ضياء بايده دفعهبقوه  ووكعه  بالكع راسه انركع بمحجر الحديقه ورجع عليه بقوه يركض ديريد يضربني وصاح اوس
للك لتضربهااا وركض عليه تعاركو كدامي يتضابون واوس يصيح
لك اهده خلل افهمك وضياء يضرب بي  بوكسات وتدفر واوس مقصر طلعت امل تركض. وتصيح

عوفه عوفه معلللليه والقران معليه هي مرتك عار واللله هي هي الترسله. تكوله اصعدلي هي التستعرض كدام الشباك. هسسس عوف رجلي
سيدرا- ضياء هنا جمد واوس يضرب بي صاح بامل لج بالقررران اذا مسكتين لا اطلكج. هسه. امشي ولي ام المشاااكل فوتيي جوه

مافوت مااافوت ضياء والله رجلي معليه هاك هاك باوع هاي الاثبات كله عدي الرسايل الدازتها
سيدرا- انزويت بالزويه اتهزم منهم زين لمحته يبجي ولا زمته ضحى اباوع وجهه قلق. يا ابشع وجه شفته بحياتي صياح ضياء واوس وامل كمت مااسمع بس عيون زين الاخذتني من العالم يبجي حبيبي وياشر عليه تعاي فززني لزمه ضياء لكتف دشداشتي وجره قوي انشكت بيده راد يطلعني بالشارع. واني اردد
جهالي عفيه بس جهالي

لج ياااجهااال ماالج جهال عدي والله لاخليج تحلمين تشوفييهم بعدد

مجنت اباوع بوجهه بس بوجه زين صاح على امل. اني بهالوضع بس لازمه شك دشداشتي خاف يبن من جسمي شي دفعه اوس لضياء وضربه ويصيح صعدي سيدرا اصعدي وقفلي الباب عليج  روحي بسع وخابري بهاء

ركضت بكل مابيه من قوه وضياء يصيح. تخاف عليها مووو لك اني شملفي ببيتي ----
سيدرا- ركضت عالدرج وصعدت طبيت وقفلت الباب عليه وطبيت لغرفه زين وقفلت الباب التلفون بيدي ايدي ترتعش دكيت على بهاء رد

الو ها ام باسم

بهاء الحكلي حبموتني والله ممسويه شي الله يخليك الحكلي

شبيج شكو
بس تعال لبيتنا الله عليك لتعوفني

جايج لتخافين هياتني وصلت

سديته منه والصياح مال امل واوس وضياء والضرب هناك واسمع اطلاق نار جمدت راسن دكيت  لحمزه رد
الو
حمزه الحكلي حيطلعوني بفضيحه حيموتني والله ممسويه شي

جايج هنا اني جايج انتي وين احجيييي

صاح

ااني بالغرفه والباب ققافلتتتها. احجي وارجف

جايج بعده ممكمل حجي واسمع الباب تتركع ركعتين والثالثه الحام تطشر وصياحه يرج البيت باسم يصرخ جوعان واني قافله باب غرفه زين عليه وهو يمي لبست جبتي واردد
هسخ يجي حمزه هسه يجي وياخذني اني وجهالي  ماريد احد بس جهالي هسه يجي
الباب مال غرفه زين كام تندفر بقوه ويصرخ بغلط مااكدر افسره    الرجفه البيه على جهالي مو على روحي الا اني من زمان ميته باسم يرضع بصدري واني ارجف والباب تتكسر بالضربات ضربه ضربتين دتنكسر  صار صوت بهاء بالترك

لك ضيييييياء عوفهاا

عوفوووني انضف عاري بيدي.  لك تصعددده لللترك
. اهده  وسد حلكك

صياح وعياط والباب تندفر  وانكسره اباوعله مدمه رجعت ليوره بهاء جره

مووو ويياك

مااحد الخ دخل
داكوللك عوفها.ااا

دفعه بقوه وخلاني وراه اندار كال نزلي لسيارتي بسع. بسسسع.

باسم  بيدي داانزل

قطع الطريق عليه ضياء
صاح على جثتي تطلع ذبي ابني وروحي لو تموتين لو تموتين متاخذي

جر ه بهاء وايده انضرب بخشمي بقوه هذا اللي لحك عليه نزف خشمي راسن اباوع بهاء لزمه من ايده الاثنين  ربطه وضياء ينافخ ويهددد ويصيح على غفله صار صوت سياره شرطه. شوي وطبو مسلحين. ضياء صاح محد يبقى انزلو عرفو ونزلو عرفو مشكله عائليه نزلو منا  ووراهم حمزه طب  يدور بوجهه بخوف باوعلي همس
امشي وياي امشي 
ضياء صااح
اخذذها اخذها وخل تعوف الجهال لا افضحها فضيحه جايبلي الشرطه مووووفوصخام وجهها

حمزه- مو اني الجبتهم هم الاجوي احنا ناااس مندور فضايح امشي سيدرا

جهالي عفيه

عووفي ابنيي ذبي تطلعين مثل مطبيتي بطرك العبايه بت الفكررررر

بس بسام الله يخليك بعده طفل اباوع لبهاء مجتفه بايده وهو ماضل بي حيل   واني لازمه ابني بقوه وابجي ماانطي ماانطي
اباوع ضياء كام مثل الاسد عليه ونفر ايد بهاء وصاح

مثللللل مطبيتي تطلعين دفعه حمزه وكال بهدوء

حبيبي اكو قانون الحضانه للام

لك يااقانون.  لك خااينه لك هسه اذا قتلتلها اطلع برائه لان خاينه  يحجي
وييريد يلزمني واني ختلت وره حمزه  اللي وكف بوجهه ببرود يحجي

حمزه- ماتطلع من بيتي العيبه بعد اخوك  حجي بهاء  هدي اخوك وتعالم  نتفاهم
مااكو تفاهم داكووولك اثبااتات عددي   بالقران افضحها بالمحاكم لتتدكر اخذها واطلع ببحدها

سيدرا- اباوع لحمزه بلع ريك باوعلي كال ذبي ابنج وروح باسم ارده الج بس طيني صبر خل افهم

لا لا لا

ذبي سيدرا واعدتج انه ذبي خلي
اخذه مني وخلاه عالقنفه. واني اباوع عليه يدور حليبي روحي انعصرت عفيه دنيا شكد اخذت مني عزاز مكتفيني. بعدني بضهري حمزه وكلما ينقرب ضياء يوكف برجهه  يكوله
حاجييني اليي. الي حاجيني رحال لرجال لا تطلع مراجلك  عالمره
ضيا- امشي اطلعي امشيييي 

حمزه- امشي سيدرا
سيدرا- مشيت خطوه واباوع لباسم  صاح ضياء

بس دقيقه دقيقه التفت. اشهك ميته بجي بلكن يكول يريد يفتهم يريد يحجي كال متقرب وبهاء لازمه ويغلط عليه يكوله
اهدا خل نفتهم

بس دقيقه عوفني بهاء  لالتخاف مانكس ايدي وامدها عليها بعد متسوه
سيدرا- رفعت راسي مسحت دموعي كال مضيق عينه

هسه عرفتي الفرق شنو   عرفتي شنو الفرق بين الخدم اللي عايشين بغرف نزل  عن بنات الاصول عرفتي هسسه حتى بعد متكولين شنو فرقي عنكم هسه عرفتي

سيدرا- فكيت عيني بغضب. تقربت عبالك جنت فارغه وانترست  مثل الصبه من تنصب  هيج انصبيت قوه. قربت وجهي وفكيت عيني بغضب وبهاء يجر بي وهو يريد يهجم عليه كتله
اسمعني زين خليها ببالك ضيياء الدين.
وحق اخر نضره لباسم وحق الله الرزقني بابني. لا اضوكك المر مثل مضوكتك الشهد لا اخليك تمشي وتبجي بالشوارع اني مو بت شامل. روح روح وره النسوان وشوف اللي راح يجرالك الغيمه راح تنكشف لان الله ميرضه بالضلللم ياضالم. بس قسما بالله لو تبوس رحلي بعد ماارجعلك

امشي اطلعيييي  امششي اني السويتلج قدر ام الغرف. صاح وجر بهاء

شبييك تخبببلت تخبببلت انطي مجال افتتهم الصارر انطي مجاال

سيدرا- جرني حمزه وطلعت وروحي كلها بين جدران هالبيت من ساعه السوده بجيوم الحابتني امي بييي  وصلت للباب واسمع صياح اوس
ماااضل. ماضل هناا تردين تجين ويايه امشي متردين اني راجع لاهلي  وورقتج توصلج من باجر اتزوج  من دنعل ابو الحب اللي علموده اهين روحيييي

التفتت شفته قميصه مشكوك ومدمه فات من يمي باوع لحمزه وطلع وصل لسيارته الطابكها عالرصيف بره ورجع التفت عليه كال

سيدرا اي شي تحتاجي شهاده شي اني حاضر لتخافين.

سيدرا- بقيت صافنه حمزه نتر

صعدي كافي فضايح

صعدت وطلع بسرعه سياره الشرطه طاب،ه بالباب وجريديه ضياء بيها باوعت لحمزه
الشرطه شجابها

سامعين اطلاق ناري التفت عليه

احجيلي شصار بالتفصيل

حجيت من البدايه كلشي ودموعي تجري اباوع ايده تنقبض عالستيرن وتفك ويلم بشفته ويهز راسه متحلف واني دمرعي منشفت لحد موصلنا طبيت البيت فارغ امه مو بالبيت باوعتله نزل كال

فوتي اجيب بت عباس واجي

هزيت راسي وفتت لبيتنا بجيت بجي بحياتي مباجيته عيون زين وباسم كطعتني ونضرات ضباء والرعب العشته مدااكدر انسه موقف واحد كلمه وحده مناسيه انهاريت. شوي وسمعت صوت بت عباس وهو يحاجيها محد طب عليه وهذا الردته  وردت امي شون والتلفون هناك عفته ربي دخيلك بس باسم لتحرمني منه لليل اندكت  الباب كمت وكفت فتحتها بعدني بهدومي حمزه ووراه بت عباس كال
تعاي يابه اكلي

ماريد هزيت راسي بتعب

كال

عمتي الفجر عدنا. توني خابرتها تعاي كوي روحج بلكمه
المن اكوي روحي بعد المن جهالي واخذوهم

بت عمتي انه طيتج حجايه وكتلج بشاربي لا تخافين بعد بس انطيني صبر لاارده لحضنج واخذج حكج مربع انه مو صياد الاسود
يحجي متحلف ودك تلفونه رد وباوعلي مبتعد
نعم

اسمعه يصيح انه مامخليكم يوم بعازه ورايد وكفتكم وادريكم ماتردوني

بقيت صافنه امن شي بيه رجعت طبيت للغرفه طفيت ابضوه وسديت اذني وصوته براسي يبجي. وحليبي يدر يمه ياعمري جوعان يربي شلوووون يربي دخيلك ابني حيموت جوع

بقيت الوب وي روحي هناك فصلت رجعت لنقطه الصفر لباسم لذيج النضره لذاك الشارع  لذيج الوكعه طلعت من الدنيا صدك حسيت بايد تلامس خدي جانت بارده بعدها حسيت ببروده بكصتي وعقلي وكف بذيج اللحضه ينعاد بهدوء وترجع تنعاد احس بغرزه ابره الم بسيط بكلبي وارجع لنفس المنضر وفجاه فزيت على صوت ندى
خاله فدوه طمنيها كوليلها يودو بالحضانه  ودايرين بالهم عليه واني باجر اجيكم

يمه صارلها يومين فاقده  ام بهاء ترضاها مو هي الكالت بركبتي اريد اجي اعاتب والله رحت لبو فاضل كتله. اربع ايام واريد بتي حقها يوصل اني خادمه عدك وتدري بيه بايعه الدنيا كلها بس هالبنيه واخرتي اريد

خاله والله لو تشوفين حالته  حتى للشغل مديروح   مريض وبالمستشفى وبابا صارله يومين بايت يمه
  بعده ماشايف شي. بنتي مضلومه بس اريد ربي يبينها كووون وينه ابو فاضل وييينه ابو الغيره وين اخو زيينب.
صيحت ماما فززتني همست

ماما

ركضت عليه

حبيبه يمه يابعد روحي

ماما باسم

يوم حبيبتي كلشي مبي كومي بسلامه واخذلج حكج ياامي ابنج ينتضرج

ماما منو ديداري مجوعان

كوه احجي والعبره تخنك حيل
يمه مودي حضانه وذيج الجلبه هم تدير بالها عليه وعمته يمه بس كومي بسلامه

ماما خاف تاذي  اريد ابني ماما

يمه اخذه من عيونه اطلعه بس انطيني مجال بعدج ماتعرفين امج شنو

رجعت نمت مابيه حيل لليل حسيت امي نايمه كمت كوه مقاومه سبحت بمي بارد وطلعت من الغرفه مللتنا.  شفت نهى بت عباس تقره سالتها

عمج وين
بره. بالصبه

طلعت لكيته كاعد بالزويه يدخن صافن صحت بهدوء وتعب
حمزه
ذب الجكاره من ايده كال

تعاي بت عمتي ها شون صرتي
الحمد لله

المغذي  وكفج على حيلج تعاي يابه بيج حيل تسمعين

اي بيه اريد ابني حمزه

بس طيني صبر كتلج بشاربي
شسويت

اسمعيني

نعم

انه هاليومين ماخليت شي اول مارحت لبيت ابو احمد طبيت سلام عليكم-----
حتخلي حمزه يحجي لسيدرا واحنا نسمع من فردوس احسن

فردوس-    العصريه وره يوم من مشكله عمه سيدرا والاوضاع بالبيت متازمه عمو بالمستشفى  وبيبي ضغطها صاعد   وعمه امل جتي كملتها تبجي وتشوفنا بالرسايل ماما تهز راسها وتكول مستحيل  وعمه امل متيقنه انه بينهم شي  عمو اوس عايف البيت ومخابرها كايللها
متجين اليوم يعني

وين اجي اوس شبيك

يعني مصدكه ومكذبتني امل مو

اوس انت مكتلي واني لكفت الرسايل وانت تمسح وترجع ليوره عبالك مادري  شون تريد اصدكك
زين هاذ هو يعني مراح تجين

كل عقلك افوت لبيت اهلك وانزل على راس امك فوك سوايتك حتى لو انت معليك وهي الادبسز انت مكتلي
شكولج حتى ترحين تفضحيها ليش اني ماعرفج امل
يعني عدك شي وياها
تجين لو لاااااا

لاا

هاهي لعد سمعي باجر ماشي لبت عمي  اني وانتي التردي يجرالج تطلكين تبقين كيفج.

بقيت ساكته ماعرف شكول

وياج مشيت بالردتي كتيلي نبني ببيت اهلي بحصتي وكعدت اجمع فلس فلس راتبي ماصرف واشتغل شغله لخ  واصرف بيها عليج وانتي تتدللين مره تردين سياره ومره تردين تسافرين مو موضوعنا هسه  تحملت اهانه وذل وانهزم لبيت ابويه واحلف مافوت لبيتكم وتخابرين تبجين بليل تكوليلي مدااكدر انام واجيج طاير مااتحمل دموعج خلص لهنا وانتهت وياج  اني اريد اعيش حياتي اختاريتج وعاندت اهلي الضاهر حنت غلطان
ااذا صدك سويتها وخطبت تنساني من صدك

براحتج يله فيماللا امي تريدني

فردوس- جانت عمتي تحجي بقهر وتبجي وبيبي ترد عليها تكوللها والله يمه هاي سوالفج اكليها وهي تتخبل تعصب وتلطم تكوللها انتي الطببتيها لبيتنا وزوجتيها اله

للعصر اندكت اللباب باوعت من شباك غرفتي واشوف سيارته طلع احمد فتح الباب تصافح وياه وطببه للصاله كلبي وجعني يمكن عمه سيدرا صدك انتهت قصتها ويانا   نزلت اتسمع عليهم
بها- تفضل يابه شنو السالفه تفضل

يا الله السلام عليكم

هله ياب هله بيك

حجي بهاء الله يعلم شكد احترمك بس  تعذرني لازم اتصرف غير تصرف

ابويه اني ممصدكه لاخويه والله بس لازم دليل الاثباتات كلها ضدها  اروح لاوس احاجي يكولي داكولك موهي لو امل لو ضحى زين اختي اذا سوت هيج الوش متعاركه وي رجلها زين عرفت منو المسويها ضحى اكيد غير اثبات الزمه عليها ماخلت لزمه البت الحرام
باوع ياب اني هالحجي ماريده انه بس رايد الولد واخذه اخذه وانه قدمت دعوه ووكلت محلمي صاحبي

باوع ابو اسد حبيبي اني اعرف اخويه من يعاند وبصراحه اخاف ياذيها

شيكدر يسوي يعني ابو احمد تره الدنيا مافرت بس عليه

اعرف وادري بيك كدها وجربناك. بس يايابه شسوي اقتله واخلص لك عيني اخاف من المحكمه بيها فضايح واخويه راسن ينطي الرسايل واللغوه لك ساحب السجل مال خطها من الشركه كله وروح شوف البيت شمسوي بيه لك اجه هنا كلب الدنيا  على  امي وفرفح لحد ما وكغجع وديته مستشفى
مشكلته هاي اني ماراح اعوفه للولد وكتلك وكلت محامي

اسمعني ياب بس طيني صبر اني قابل شخاش بجيبي بس تره ياذيها يفضحها والحكم يصدر ضدها اني علمودها والله وانت تعرف بالقانون

بقيت سامت ونصيت راسي اهز رجلي صرت نار رفعت راسي

طيني خل شاسوي

انطي صبر انطي مجال ابو اسد خل تهده النفوس وربك ميضلم بشر يبين حقها بس اصبر
نااضنها تصبر على بعد ابنها لعد انه مضطر احلها بمعرفتي وكفت وكف لوكفتي  الحجي

خبجليني على اتصال حمزه لتتصرف من كيفك راسن وخلي ببالك اخويه يخوف اذا انضغط يحرك الاخضر واليابس ويحرك روحه وياها هم وكوللها لسيدرا ابو احمد معايف الموضوع بس انطي صبر والولد يم ابو مو بالشارع خلي تطمن

الله يسهل اترخص

كل الهله بيك