رواية من حضرتك عشان قلبي تذله الفصل العاشر 10 - بقلم ام عوض

معاذ دخل البيت وهو يدور بعيونه نور دخل المطبخ ما لقاها دور كل مكان وما لقاهاا هنا فعلآ خاف هو تركها عند المطعم وهي ما تدل الطريق بالمدينة ولا تعرف شيء مسك راسه وهو يقول يا ربيي انا وش سوييت الحين وين ادورهاا
طلع من البيت وهو ينزل تحت يدورها واصلآ ما يدري وين يدورها و وين يلقاها هنا حس بالمسؤولية ابوه امنه على نور كثيير و وصاه انه عيينك ما تغيب عنهاا
وقف بمكانه يوم شاف وحدة لابسة نقاب من بعيدد قاعدة فوق الكرسي بالحديقة قرب وهو يتمنى انها هي نور
وفعلآ كانت نور الي اول ما شافته صدت وجهها عنه
معاذ بخوف:ويين كنتيي لي ساعة ادور عليتسس
نور طنشته وما جاوبت
معاذ مسكها من يدها:اكلمتس اناا ما تسمعيين
نور لفت له بعصبية:ويين كنت يعني يا معاذذ توقع يعنيي اكيد ما كنت عند صاحبيي المس كتففه
معاذ مسك راسه لانهم رجعو لنفس السالفة مرة ثانية :انتي وشتبيين والله ما فهمت عليتس
نور :مابييك تطلع مع البناات فاهم
معاذ تنهد :ابشري وش بغيتي بعد
نور :ولا شيء سلامتك
معاذ :تعالي نرجع البيت
نور مشت عنه لقدام وهي للحين مقهورة

من يوم ركبت السيارة وهي ساكتةة
و زين بعد ساكتت ومو معها ابدد يفكر كيف انه هو ولد غانم عروسته تهرب منه بيوم زواجه مهما كان اي شخص بينجرح كبريائه
وصلو واخيرآ ونزل هو ونزلت روزا وراه دخل لداخل وهي دخلت وراه وهو ولا مهتمم فيها ابدد ولا كنه الحين روزا صارت زوجته هو منقهرر من الي صار للحين مو مستوعب كيف صار كذا وليه
دخلت لغرفة النوم وعلق بشته وطلع قعد بالصالة
وهي للحين واقفة بمكانها ما تدري وين تمشي وين تقعد وين تنام توها جاية جديدة بالبيت دخلت داخل الغرفة وهي تناظر ارجائها غرفة واضح تحضر لها من القلب في شموع ومجهز كثير اشياء
فصخت عبايتها وقعدت فوق السرير بهدوء وهي تناظر لو زين بالصالة ولا قام وهي متوتررة
بس زين شغل التلفزيون وقعد يتفرج فلم رعب ولا كنه اليوم هو عريس

دخلو كلهم للبيت وام عنان تقول :ميين كان يقول انه بنتي بتروح الزواج وهي وحدة من المعازيم وتطلع منها عروسس والله انه السالفة ما تدخل العقل
خلود تقعد وهي تبكي :ايه والله وانتي صادقة يمه
لفت لها ام عنان :وانتي علامتس تبكيين
خلود:اختي راحت عشان كذا يمه
ام عنان:كل يوم تتهاوشين معها بسبة المواعين والحين جاية تبكين عليهاا معليتس بعد كم يوم انتي تعرسين بعدد
خلود بصدمة:هااه؟ منهوو ولييه
ام عنان :لا مو صاحية انتي اكيد قومي لغرفتس نامي وانخمديي
قامت خلود وهي للحين تبكي
حنان بحضنها ثامر نايم:وانا رايحة انوم ثامر
ام عنان :طيب يا قلبي روحي
راحت وجويريا بعد قامت ومشيت لغرفتها
قعدت ام عنان وهي تمد رجولها
عنان ابتسم وقعد يهمز لها رجولها :تعبتي؟
ام عنان:ايه والله تعبت من زود الرقصص انا ام العرووس ولازم ارقص موو
عنان:ايه صح عليتس
ام عنان :اخخ يا عنان انزاح احد همومي بيزواجهاا
عنان :بس يمه الاهم انها تكون سعيدة بحياتهاا وانتي تدرين زين وهي يبغون وقت عشان يتقبلون بعض شفتي وشصار وفجأة كذا تزوجو
ام عنان :وانت صادق
عنان تثاوب:انا قايم انام تبين شيء يمه
عنان:سلامتك يا روح امك
قام عنان متوجه لغرفته وقف قدام غرفة جويريا وهو يقول اروح عندها ولا عند حنان
لف لغرفتها وهو يقول حنان اكيد نامت خلني اروح عند جويريا
دخل عندها وهي كانت واقفة قدام المراية وتطلع اكسسواراتها اول ما دخل لفت له :خير وش جابك عندي ما تروح عند حنان
عنان جا يحضنها من ورا :ابيتس انتي مابي حنان
جويريا تبسمت من داخلها وقالت بعناد وهي تلف :بس انا مابيك روح عندها.
عنان رفع حاجبه وهو يقول :والله؟
جويريا تناظر نفسها بالمراية وهي تزبط فستانها بلا مبالاة :ايه
عنان لف نظره لفستانها الي مكشوف من عند الصدر وباين مرة عض شفته وهو يقرب منها ويحضنها من ورا :انتي وش سويتي فيني يا بنت ابوتس وش سويتي فيني بعنادتس
جويريا ابتسمت وهي تقول :تزوجتني عشان تكسر راسي وانا الي جبت راسك والله
عنان يحاوطها من خصرها :وانشهد جبتي راسي من اول شهر يويل حالي
جويريا ضحكت بس مو ضحكتها المعتادة هالمرة ضحكت بنعومة قاصدة تجلطه بضحكتها
وهو مقدر يتحمل وسحبها لحضنه ب حب
(انتو تتوترون مثلي بذا اللحظات ولا انا بس 😭والله عادتآ ما اكتب بذا اللحظات بس عشان تعرفون انه صار بينهم احم احم وبس والله)

سعود غطى اخوه بالشماغ شماغه الي ملا من دمهه وهيام للحين تبكي وتصارخ :ياا سعودد ذبحووه الله لا يسامحهم ذبحوو زوجيي يا سعود ذبحووه ب دم باردد زوجيي المظلووم ربي ينتقم منهمم
سعود راح عندها وهو يبعدها عن تميم
هيام قامت معه وهي تناظر بعيونه :يا سعوود ذبحووه ظلمم "وتدفه بقوة" قمم قمم خذ المسدس واطفي نار تميييم لاا تخليي حقه يضييع يا سعوود قمم خذ حققه اخوووك مات مظلوووم لا يروح دمه يا سعوود
سعود ما يدري هو يواسي نفسه ولا يواسي هيام الي منهاارة:بناخذ حقه بس الحين ادخلي
هيام مسحت دموعها الي شلال تنفست بعمق وهي تقول : كلهمم كان يناظروونه وهو يمووت ولا انقذووه كلهم خططو يذبحووونه وشذنببه يا نااس وشذننبه حسبي الله عليكم كلكممم
سعود نزلت دمعته من كلمتها ومسكها وهو يدخلها لداخل و وقف هو عند الباب وهو يناظر جثة اخوه من بعيد مغطي بشماغه

جا الصبح
وجويريا اول ما صحيت راحت تجهزت وجت عند عنان
وهي تقول :يالله انا جاهزة
عنان يناظرها من فوق لتحت:خير وين وين؟
جويريا عصبت :لا تقوول نسييت والله بتاخذني غصب عنك تراا
عنان :طيب شوي شوي عليي كنت امزح معتس وشبلاتس  عصبتي بسرعةة
جويريا :يالله بالله بسرعةة معندي وقت ابي اشوف اختيي
عنان شال شماغه الي معلق :يالله تعالي
نزلو تحت وام عنان قاعدة مثل عادتها فوق السرير الي بالحوش :خير خير وين طالعين
عنان :باخذها عند اختها
ام عنان :زيين لا تتأخر عشان بتاخذنا عند روزا حبيبة قلبي
عنان:يمه بلاها تروحون اليوم انتي عارفة بأي ظروف تزوجو هم بتروحين بكرى
ام عنان:لا كذا العادات ثاني يوم الزواج الام لازم تروح عند بنتها ولا تبي الناس تتكلم علي
عنان:ابشري يمه بس اوصل جويريا عند اختها ارجع واخذتس
ام عنان :لا تتاخر
عنان رايح :طيب
طلعت جويريا وراه وهي ساكتة من اول بس عشان لا تصير مشكلة وتتكنسل الطلعة ولا هي تحب المشاكل وتدوره بعيونها

عند سعود قاعد عند قبر تميم قلبه مكسوور انه تميم الطيب الي كان يحب الكل ويحبونه محد حضر جنازته كان هو شخص الوحيد
قاعد عند قبره مو مصدق اخوه صار تحت التراب مات مظلووم
في نار بقلبه ما بتنطفي الا بدم علي
الشخص الوحيد الي كان يحييه ويقويه ويعطيه سبب عشان يعييش الحين تحت التراب .
يتمنى هو تحت التراب ولا تميم
قال بداخله لانه خانته لسانه من التعبير :يا اخويي ليتني مكانك نايم تحت التراب ليتك موجود وسط احبابك وانا الميت ليتك ما تركت الي يحبونك ورحت يا تمييم تركت وراك الطيب ورحتت وش يصير له من بعدكك يا اخوي من يقويه ويطبطب علييه اخووي يا اخوييي خليتني اصير يتيم مرتين بعد فقدك وينك انت و ويني فرقو بيني وبينك حسبي الله عليهم يا تميم حسبي الله عليهم
هنا تذكر هيام الي تميم كل يوم كان يوصيه عليهااا الحين ما عاد له سبب يعيش بس وصايه تميم هي هيامم المفروض الحين يكرس حياته كله عشانهااا وصاه اخو عليهاا مستحيل يتركهاا
قام من مكانه وهو رايح عندها لا يتركها وحدها وقلبه مكسوور فقد ظهره وسنده ماله بالدنيا سبب الا وصاه المفروض هو يقوي نفسه بس مو قادرر مو قادر ابدد
قام يمشي وهو يردد بحسرة :خذاه الله بالليلة قبل ما يوادعني
وخذا بهجة مبسمي معه وخلاني
فقدت حسه وفقده حييل يوجعني
ولا جا طاريه دموع عيني تغشاني
ما هقيت انه قربه كان حيل ينفعني
الا يوم غديت لحالي بالدنيا اعاني
يبتدي ليلي وادعيله ليته يسمعني
لكن عبرتي تقواني وتربط لساني
دخل البيت وهو كل شيء قاعد يذكره فيه الغصه ذابحه تنفس بعمق وهو يقول :حكمك اللهم ولا اعتراض صبرني يا ربي على فرقاه والله ما اقواهاا
تنفس عشان يدخل عند هيام وهو مو ضعيف ما يبيها تضعف زيادة وهي تشوفه ضعيف المفروض هو يقويها ويطلعها من البيت لا يأذيها احد لانه الناس ما بهم مأمن الحين
دخل لداخل وشافها تبكي للحين ما غفى عيونها عن البكي من امس وهي تردد جملة(حسبي الله عليكم يا ظالمين) وضامة بصدرهاا شماغه الملوث بدمه
وتضمه لصدرها وتشد عليه اكثر واكثر
سعود نزل راسه بحزن هو كيف يبي يكون قوي قدامها وهو لا شافها بذا الحالة خانته دموعه
سعود قرب وهو يقول :قومي شيلي اغراضتس ونمشي من هنا
هيام ناظرت فيه :انا ما بمشي لمكان هاذا بييتي ببقى هناا
سعود :ما اخليتس هناا يا هياام احتمال يرجعون ويأذونتس لا تسوين كذاا
هيام قامت وجت وقفت قباله وهي تقول بين دموعها :بتاخذ حق اخووك اطفي الناار بالناار ودمه لا يروح يا سعوود اخووك دمه لا يرووح"وتضرب صدرها" قلبي بداخله ناار ما بتنطفي الا بدم ذباح تميم يا سعوود اطفيي نار بالنارر ولو النار هاذي بتحرقني المهم حقه ما يضييع اخووك مات وهو يصرخ انه مظلووم وبريئ
سعود قوا نفسه وناظر لعيونها :وانتي يا هيام وش يصير فيتس تميم مات وهو يوصيني عليتس تبيني اخذ حق تميم يا هيام وانتي وش يصير لتس هاه وش يصير ما فكرتي بنفستس؟
هيام تضرب صدرها :النار الي بقلبي يا سعود ما بتخليني اعيشش تميم مااات وهو ينطق انه مظلووم عاش وهو يعيد ويكرر انه مظلوووم يا سعوود مظلووم  اشلون بقوا اعييش واندريي مات مظلووم قوليي اشلوون 
سعود :وعد مني لتس يا هيام حقه ما يضيع اخوي حقه ما يضييع
هيام مسحت دموعها وهي تبلع ريقها
سعود :جمعي اغراضتس وتعالي المكان خطر عليتس
هيام لفت وهي تمشي لفوق تجمع اغراضها وهي تناظر البيت الي ما عاشت فيه كثير ترملت من اول شهر ما تهنت بحبيبها والا تفقده
نزلت ونزلت اغراضها معها وسعود مسك الشنطة عنها وهو يقول :هاتي عنتس
وهي للحين الشماغ بيدها
سعود طلع شنطتها وحطه بالسيارة ولف لها
شافها تعلق الشماغ عند الباب
استغرب من حركتها والناس صارت تناظرهم
وهم يهمسون انه بعد موت تميم حرمته ماشية تاركة البيت والي يقول زين افتكينا منه والي يقول يستاهل الموتك الي ماتها كلام كثيير
وهي علقت الشماغ ولفت وهي تصرخ بحسرة وتأشر لشماغ تميم : تشوفوون هاذااا تشوفوونه ، هاذا بيبقى هنااا كل يوم، كلل يوووم تمرون من حد بيته تتذكرون انه كان طاييح قدامكم ويمووت ولا ساعدتووه، هاذاا دممه دمه الي انسال قداكمم ولا تحرك لكم جفن "اخذت نفس وهي تمسح دموعها" انتوو قلوبكم من وششش قلوبكم اقسى من الحجرر لو كان حجرآ لانسكر من قسووته ،ربي ينتقم منكم كلكم حسبي الله عليكممم حسبي الله عليكمم حقه ما يضييع وبتشوفون والله ما يضييع بيظهر الحق وقتها تعرفوون"وقالت وهي حيلها مهدود من كثر ما رددت الجملة" انه تميييم مظلوووم
بهاللحظة وقفت سيارة عنان وجويريا طلعت من السيارة بسرعةة يوم شافت هيام براا وتبكيي وحالتها حاالة
راحت عندها وهي تمسكها :هيام حبيبتي وشصايرر ليه تبكييين وشصااير "وتناظر سعود ومو عارفة وشصاير"
هيام ضمتها وهي تقول بين دموعها:ذبحووه يا جويريا ذبحوووه ذبحو زوجي يا جويرياا
جويريا ناظرت لسعود بصدمة وهي مصدوومة كيف ذبحو زوجهاا ومن هم :مين الي ذبحووه؟؟
هيام منهارة:ذبحووه الظالميين الله لا يسامحهمم ذبحووه وهو مظلووم
كانت هيام منهاارة مو بوعيها تقول الكلام بين دموعها وتتنفس وكنها في احد خانقها
جويريا مسكت وجهها بكفوفها وهي تناظر لعيونها :اسمعيني زيين يا هياام انتي قويية وتقدري تتحمليين تقدري تتحمليين لانك قويية فااهمة
هيام هزت راسها :مقدر يا جويريا والله مقدرر قلبيي مكسوور احس بنار بقلبيي ذبحو زوجيي ذبحووه قدام عيوني اشلونن بغمض عيونيي وانا شفته يمووت قداميي يا جويرياا
جويريا دمعو عيونها من بكائها الي يقطع القلب وبلعت ريقها عشان ما تبكي :لااا انتي قوية وتقدريين لا تشمتين الناس عليتسس اوقفي على رجلينتس و وريهم انك قويية الحين"وقومتها معها" قومي معي يا قلبي قومي معي
هيام هديت شوي من كلامها ومسحت دموعها
وقبل يقومو حتى جت سيارة ابو فيصل و وقفت عندهم
ونزل ابو فيصل الي اوول ما سمع خبر وفاة تميم جا ياخذ هيام
جا عند هيام وهو يقول :يالله هيام جمعي اغراضتس وتعالي نرووح
جويريا وقفت قباله :وين بتاخذها هااه جاي تاخذهاا عشان الناس ما تتكلم عليك انت مثلهمم ولا عمرك فكرت فيناا  ،خليها بحالها
قرب عنان من جويريا وهو يهمس لها:خلاص يا جويريا اقصري الشر من لها غير تروح مع عمتس الحين
ابو فيصل ما رد علي جويريا وقال مرة ثانية :يالله هيام
ومد يده عشان يمسك يدها ويدخلها السيارة
جويريا اخذت اختها للسيارة وهي ساكتة وعيونها كله كره لعمها الي للمرة الثانية مجبورة ترجع لبيته

صحيت روزا وهي تفرك عيونها من ضوء الشمس ناظرت في ارجاء الغرفة فاضيي مافي احد
طلعت ل صالة بخطوات هادئة شافته نايم عند الكنب والتلفزيون شغال على نفس قناة امس
روزا :اول مرة اسمع عن عريس بيوم زواجه يتفرج فلم رعب وهاذا وقلك ولد الشيييخ
قام زين بهاذا اللحظة وهو يشوف روزا تروح وتطفي التلفزيون فرك عيونه وهو يفتح ازرار ثوبه لأنه انخنق فيه
زين:كم الساعة؟
روزا ناظرت ساعتها وانفجعت وهي تقول :يممه الساعة صارت 9
وراحت للغرفة تجري تبدل قبل يجو امها وام زين
بهاللحظة اندق الباب و زين قام يفتح ولقى امه قدامه سلم عليها وباس راسها وهو يقول:هلا يمه
ام زين تدخل وهي تناظر وينها روزا تفتح الباب :اهلين فيك ولدي وينها حرمتك تفتح الباب
زين :راحت تبدل
ام زين دخلت لداخل و زين قفل الباب ودخل
ام زين تناظر ثوبه وفهمت انه ما صار بينهم شي واساسآ توقعت كذا مستحيل مع الي صار يتقبلون بعض من اول يوم وقالت :اسمع ولدي
زين :سم
ام زين:سم الله عدوكك، ابيك تحترم روزا وتحطها بعيونكك ادري بالظروف الي خذيتها فيه بس يمه ذا النصييب وان هربت الهنوف او ما هربت كانت روزا مكتوبة لك وانت المفروض تقبل ب نصيبك و روزا بنت شحلاتهاا ماشاءالله عليها كاملة مكملة اخلاق وادب وجمال بنت اصوول
زين تنهد :ان شاءالله يمه
ام زين ابتسمت له وهي تدري انه كبريائه انجرح بسبب الهنوف الي هربت ولا فكرت في شيء
جت روزا مستعجلة وهي تبوس يد ام زين وهي تقول بإبتسامة:هلا يا خالة كيفتس عساتس بخير
ام زين ابتسمت لها :بخير يمه بخير وانتي كيفتس يا روحي
روزا :بخير الحمدلله، تعالي تفضلي اقعدي
ام زين راحت جلست
و روزا راحت المطبخ عشان تجيب لها عصير او موية
حطت لها سريع ومشيت للصالة وهي متوترة وضيفتها وقالت:هلا بك والله نورتينا
زين كان قاعد وراها ولفه شيء من ظهر روزا السحاب ناسية تقفله مسك راسه وهو يقول بداخله اخترتها لانها كبيرة وعاقلة وهي ناسية تقفل سحاب الفستان الله يعينك على اختيارك وحدة تنحاش منك والثانية تنسي تقفل سحاب الفستان
قام وقفل السحاب وهو يهمس لها :انتبهي ثاني مرة سحابتس كان مفتوح ترا
روزا تجمدت بمكانهاا من الصدمة
وام زين تناظرها ومستغربة وشقال باذنها عشان انصدمت كذا بس قالت وهي تبتسم عشان تغير الموضوع :اقعدي يا قلبي
روزا :هاه "واستوعبت وشقالت وقعدت وهي مبتسمة"

صحي محمد من النوم وغسل وجهه ونزل تحت
شاف ابوه و جود يفطرون سوا
جود تعطي الخبز لابو محمد :والله يا ابو محمد شيء ما يتصدقق اول مرة اسمع بنت تهربب ولا مو تهرب وبس من يوم زوجهاا بعدد ليتني سمعت منك وجيت
ابو محمد :والله كلنا مصدومين ما ندري الحين ابو زين وش يقول
جود :الله يعين روزاا مسكينة
ابو محمد :بس النصيب كذا يا جود كلن ياخذ نصيبه
جود :وانت صادقق راحت الزواج وفجاة تصير هي العروس شيء يصدم
جا وقعد محمد وهو يقول :ريحة الاكل صحتني من عز نومي
جود ضحكت :بالعافيية
محمد :يبه عرفت ابو زين وشقال
ابو محمد :للحين والله نخلص ونروح الديوانية
محمد:طيب
خلصو الاكل وقام محمد مع ابوه رايحين الديوانية
دخلو وسلمو على الكل وقعدو
وابو محمد قال لغانم :وش قررت بالموضوع يا ابو غانم
غانم :خل يوصل ابو الهنوف واقول الي عندي الله يسامحه بس
ابو محمد سكت وهو داري انه الي صار هي اهانة كبيرة لابو زين ومستحيل يمشيها لابو الهنوف
دخل ابو الهنوف وسلم وقعد وهو مستحي من ابو زين
تكلم ابو زين وهو يقول :انت تدري يا ابو الهنوف انه بنتك مو بس وطت راسنا وطت راس الي بالديرةة كلهم بنتت تنحااش و تنحاش بيوم زواجها بعدد وين حناا و وشذاا ضحك ومزووح؟ زواج هاذاا يا ابو الهنوف زوااج اشلون تغصبهاا
ابو الهنوف منزل راسه وساكت
ابو زين :الي سويته مب قليلل وبنتك وراجعة للديرة غصبب عنهااا
ابو الهنوف :خلها تجي وابشرر اذبحها واخنقها بيدي
ابو زين رفع يده له :انططم ما تقرب صووبها انا اعرف شغلي معهاا "ولف وجهه لمحمد" محممد
محمد :هلاا
ابو زين :من اليوم تروح تدور عليهاا تدور عليها وتجيبها ولو كانت تحت الارضض
محمد ناظر لابوه وهو يقول بداخله وانا شدخلنيي
بس ابوه عطاه نظرة وكنه يقول رد عليه قال :ابشرر
ابو زين :وماا ترجع والا هي رجلها برجلكك
محمد :ان شاءالله
وهو يقول بداخله والله لو كنت ادري انها حرمة زين كان وقفتهاا يا ربي وشذا البلوة انا ناقصني بزرةة اروح ادور عليهاا نلعب غميضة حناا

نهاية البارت
جد جد شكررآ لكم ولدعمكم اول مرة انزل رواية ومن بدايتها اوصل الفين مشاهدة ف جدد شكرآ 🥺❤️ والله صدق احبكممم بناتيي تجننون انتو وتعليقاتكم وقسمم🥺❤️❤️❤️❤️
يالله مع السلامةة اشوفكم بكرى ببارت جديد ♥️❤️