رواية من حضرتك عشان قلبي تذله الفصل التاسع 9 - بقلم ام عوض

وصلو معاذ ونور في المطعم ونور انصدمت اول ما شافت انه البنات والعيال كلهم قاعدين مع بعض بنفس الطاولة
معاذ كان يسلم على خوياه وهو فرحان
تقدمت نور وسلمت على البنات وقعدت جنب معاذ وهي مو عاجبها الوضع البنات مو لابسين نقاب الا هي لوحدها لابسة وشكلها بينهم غلط مررة
معاذ لاحظ انها ما فصخت نقابها همس لها :اشبك طلعي نقابتس
نور بنفس الهمس وهي مصدومة انه قاعد يطلب منها تطلع نقابها:تستهبل انتت؟ صاحيي؟؟؟؟
معاذ ناظرها بإستغراب :ليه
نور :ليه ما قلت لي انه الكل بيقعد سواا والله لو دريت كان ما جيت
معاذ:ليه و؛ش توقعتي؟
نور:توقعت البنات لوحدهم يقعدو والعيال لوحدهم
معاذ سكت :خلاص اجل لا تفصخي بس خلك ساكتةة ولا تفشليني
نور سكتت وهي منقهرة بداخلها شكلها غلطط وهي بينهم والبنات سلمو عليها وسحبو هم الي يسولفو مع بعضهم وساحبين عليها كنها مو موجودة
فجأة بين السوالف في وحدة من البنات حطت يدها بكتف معاذ
هنا اشتعل نار الغيرةة وهي تقول بداخلها خييير الزمي حدودتس يا بنت ابوتس اكسر يدتس وراستس بعدد
بس الي صدمها انه معاذ عااادي عنده
بلعت ريقها وهي تاخذ نفس عشان ما تسوي شيء اخذت كاسة الموية وشربت لانها معصببة و ودها تقوم من عندهم بس ماحبت تفشل معاذ قدامهم ومسكت نفسها
وفجأة معاذ سوا نفس الحركة وضرب البنت بخفة ومزح
هنا ما تحملت حطت الكاسة فوق الطاولة بعصبية
وقامت
ومعاذ استغرب وتعذر منهم وقام وراها وهو يمسكها :وشفيتس ليه قمتي كذاا من عندهم
نور :ليه جيت ورااي ،روووح اقعد مع الي يسلونكك
معاذ:وش تقولين انتي ليه زعلتي ماا سويت شيء والله
نور توخر يده عنها :اناا رايحةة اذا ما تبي تجي معي برااحتك
معاذ استغرب من كلامها الي مو راضية تقول اشفيها ومعاندة :طيب قولي وش الي زعلتس
نور :كل شيء زعلنيي مو حلو يا معاذ مو حلوو اشلون تحط يدها بكتفك وانت تلمس يدهاا انت كبروك اهلك ب كذاا
معاذ ضحك :يعني غرتي علي؟
نور:ما غررت بس حركاتهم تقهر يا معاذذ تقهرر
معاذ :نحن كبرنا وتربينا بالديرة ما انكر بس خلاص يا نور انا وياك الحين بالمدينة والمفروض تتعودين لانه الي هنا مو زي الي هناك
نور انصدمت:وش تقول انتت صاحيي؟ يعني يرضيك عادي انه زوجتك تطلع مع واحد وتلمس كتفه
معاذ:عادي اشفيها مو شرط اول شيء يجي ببال الواحد الحب يمكن صديقك
نور مشيت وهي مو مستوعبة الي يقوله :لا لا انت يا معااذ مو صااحيي والله مو صااحي
معاذ:نورر تعالي وين رايحةةة
نور مشيت وهي للحين مصدومة منه
معاذ وقف بمكانه ولا كنه قالها شيء وهو انسان ما  يحب انه احد يقول لا تسوي ذا وسوي كذا وذا اكبر سبب خلاه يجي للمدينة
نور مشيت لطريق البيت تدله لانها تحفظ الأماكن بسرعة وهي منقهرة منه ومن كلامه ومن حركته

عنان نادى امه وقالها تعالي شوي ابيتس
جت ام عنان :هلا يولدي وش بغيت
عنان :يمه روزا معكم؟
ام عنان بإستغراب :ايه معنا خير وشصاير
عنان :البشارة يا يمه هاتي البشارة
ام عنان فرحت انه في احد خطبها يعني :انت قول ولك مني البشارة هاات
عنان:زين قال ابي اخت عنان
انصدمت ام عنان من قوة الصدمة حطت يدها بفمها:تتكلم جدد ،ي يعنيي زيين ولد غاانم؟؟
عنان:اييه يمه شفتي تأخير نصيبها كانت خيره لها
ام عنان للحين مو مصدقةة:والهنوف؟؟
عنان :مدري عنها والله راحو يدورون عليها ما لقوها
ام عنان مو مستوعبة تحس الارض مو شايلتها :انا رايحة اقول لاختك.
عنان:يعني موافقين؟
ام عنان:ايييه اكيد موافقيين رووح قلهم بسرعةة زينن رجالل ما ينرفض والتيسة الي مثل الهنوف هي الي ترفضه مو روزا
وراحت وهي تدور بعيونها لروزاا الي فتح بيبان حظها مرة وحدة وبتاخذ واحد كل البنات تحلم تاخذه والاكثر انه هو اختارها بنفسسه
شافتها واخيرآ ترقص مع البنات واضح عليها مب دارية عن الدنيا
راحت عندها وهي تسحبها عندها :تعالييي يا بنتت تعالي واسمعي السمعة الزينة والبشارة
روزا :وشهو يمه؟
ام عنان:الهنوفف انحاشت
روزا صدمت:وشهو؟ليييه انحاشت يممه و ويين راحت فييه اليوم عرسهاا
ام عنان:معلينا منها جعلها تطيح بحفرة هي وامهاا  وما ينلقى لهم اثرر ،المهم الحيين انه زيين بيعرس عليتس انتيي
روزا سكتت وهي تأشر على نفسها :بيتزوجني اناا؟؟؟
ام عنان:اييه ليه وش ناقصتس يا عمري شفتي يا يمه شفتيي كيف ربي ما ينسى احد قبل اسبوع جت امها للمقرودة وهي تمدح في نصيب بنتها سبحاان الله نصيب بنتها صار نصيبتس انتيي
روزا منصدمة:لاا يمه كييف ، مو مستوعبة انا كيف صار كذا وليه اناا اتزوجه
ام عنان:اسكتيي وتعالي معي هنا
وسحبتها معها غصب عنها وروزا للحين مصدومة ومو مستوعبة

لحظات لين ما الكل سمعع انه الزواج ما بيوقف ب هروب الهنوف بيستمررر والعروس صارت روزا
كانت صدمة للكل انه زيين ياخذ روزا محد تووقع ابدد انه ياخذها والاكثر جت تحضر زواجه وصارت هي العروسة
جويريا تدور بعيونها لخلود تبي تعرف لو الخبر صح لانها مو مصدقةة للحين
واخيرآ لفتها وراحت عندها بسرعة:اقولتسس يا خلوود
خلود :هاه
جويريا:صح الي سمعته اختس روزا صارت العرووس
خلود :توي سمعت وادور امي عشان اسألهاا وشذا الكلامم وينها الهنوف طييب
جويريا :هذيك انحاشت الله معها بس ابي اعرف لو الخبر صح ولا لاا وينها امتسس
خلود:علمي علمتس والله
وراحو يدورونها ،وهي بالغرفة العروس مع ام زين
وام الهنوف للحين تبكي وتتحسر على حظها الي انقلب عليها مرة وحدة بسبب الهنوف
ام زين ما تدري تبارك لحرمة ولدها الجديدة ولا تواسي ام الهنوف ولا وش تسوي حالتها حالة
جت عنود وهي تقول بخوف:يمه ابوي يبغاتس
ام الهنوف قامت وهي خايفة منه عارفة الحين بيصارخ ويسب فيها وفي بنتها
ويوم طلعت قالت ام عنان :هاه الحين وش بتسوون
ام زين محتارة مع الاوضاع ذي مو عارفة تتصرف :معرف يا ام عنان معرف الله يسامحهم غصبو البنت وفشلونا قدام العرب
ام عنان فرحانة من داخلهاا مررة
ام زين ابتسمت لروزا :بس النصيب انه روزا الي تصير حرمة ولدي
ام عنان ابتسمت وهي بداخلها انتصاار انه بتسكتت كل اليي تكلمو على بنتهاا
ام زين اتصل احد بجوالها تكلمت وبعدها قفلت ولفت لام عنان وهي تقول لروزا :قومي ي بنتي طالبين موافقتس
قامت معها وهي ترجفف جت تحضر زواج وفجأة صارت هي العروس شيء مب عادي ابدد

ويوم هم طلعو جو جويريا وخلود وهم مستغربين وين ماخذة روزا
خلود:يمهه صح الي سمعته؟؟؟
ام عنان فرحانة:صح الي سمعتييه
جويريا :يعني روزا بتتزوج ولد الشيخ غاانم؟؟
ام عنان بفخر:اييه
جويريا مو مصدقة:اصبرو علي بسس لاقهرهم
ام عنان قاطعتها:تكفين اصص ولاا تسوين مشاكل ولا تقهرينهم ولا تسوين شيء مابي تنكدين عليي وانا مستاانسة تسمعيين؟
جويريا :ما بتنكد عليتس تطمنيي هاذي ساعة السعدد قومو نطلع براا ونهز الخصرر لفرحة روزاا انها بتتزوح ولد غاانم
خرجو خارج وخلود ترقص مع جويريا فرحانين
وشوي كذا جت روزا مع ام زين متوتررة وراحت قعدت ب كرسي العروس
وجويريا وخلود راحو عندها وهم يبوسونها ويباركون لها
ومو مصدقين الي صار و روزا قلبها طبوول
جويريا تناظر لأم صلاح وام الهنوف الي توها داخلة
جويريا قالت لروزا بصوت عالي عشان يسمعون :قومييي يالعروس وارقصيي انتي القمر الليلة والحظوظ بأمرتس انتيي تدللي واختااري ،اخذتيي ولد الشيووخ ولد العز والكرم قالو نصيبهاا ،والله نصيبها من الزيين وحقه اذا تأخرر جيييتي تحضري وصرتي العروس والله انها ما صارت بالديرةة كلهاا
خلود ترمي لها بوسة من بعيد :احب راستس على كلام الزيين يا الزين كلله
ام زين قربت عشان تلبس روزا العقد والذهب الي كانت ل الهنوف بس الحين قاعدين يلبسونها لروزا
والفرحة مو سايعة ام عنان وحنان وجويريا وخلود الي اغلب الحريم انقهرو انه ترك بناتهم الصغار واختار روزا

هيام تربط الشاش في يد تميم :الحمدلله صارت احسن من اول الحين
تميم :كيف ما يصير زين وانتي الي تداوينه
هيام ابتسمت وخلصت من يده وقعدت بحضنه وهي تقول :تدري وش ودي اليوم
تميم:أأمري وتدللي
هيام:ودي ننام بالسطح
تميم :الي تبيينه يصير
هيام :ايام البرد انا وخواتي كنا كلنا ننام السطح ويا زييين زينات السوالف الي نسولفهاا بالسطح
تميم ضحك:تحشون؟
هيام ضحكت :يعنيي شوية نحش وشوية نسولف
تميم ضحك معها وهو يقول :الله يحفظكم لبعض يا رب
وهيام كملت وهي تتنهد :يا زين الاخوات يا تميم كنا خمسة خوات وكل وحدة تحب الثانية اكثر من الثانية لهم وحشة
تميم:تبين اخذتس عندهم بكرى؟
هيام كانت تبي تقول ايه بس تذكرت انه خطر عليه يطلع برا فقالت:لا يوم ثااني مو بكرى
تميم:ابشري يا عيني متي ما بغيتي اخذتي
دق جوال تميم وشاف المتصل سعود رد وهو يقول :هلاا والله سعود، وين الناس؟
بس ما سمع صوته
بعد الجوال وهو يشوف بس لسه المكالمة مفتوحة وهو ما يتكلم وفجأة تقفل الخط من نفسه
تميم استغرب وهو ينزل الجوال :غريبة
هيام:اشفي؟
تميم :اتصل وما تكلم وقفل الخط فجأة من نفسه
هيام تقوم :اتصل عليه طيب وشوف
تميم :يالله الحين اتصل
واتصل عليه

عند سعود كانو ماسكينه علي اخذ الجوال من يده وهو يقول :تبي تنبه انه اليوم اخر يوم لهه اليوم هو ميييت يعني مييت لا تحااول يا سعود لا تحاول اليوم بينطفي النار الي بقلبيي
ماسكين سعود بقووة مو قادر يتحرك ويحرر نفسه :اتركك تمييم والله انه مظلوم حرام علييك خااف رببك يا عليي والله مظلووم هوو يا ويلكك لو تمس شعرة وحدة من راسسه يا علييي
اندق جوال سعود
وعلي شاف المتصل تميم ضحك ورمى الجوال بالارض وهو يقول :ما تتركونه لين ابلغكم
سعود يصارخ بصوت عالي :لااا ياا علي لا تسويهاا حرام عليييك والله انه مظلووم"ودف الي ماسكينه بس هم اقوى منه" عليييييي لا تسويهااا تكككفى يا علييي لا تقربب من اخوييي تككفى حررام علييك يا عليي واللله العظييم مالي غيره بالدنياا تكفى لااا تسوي له شيء
بس علي ركب السياره هو وعيال عمامه وخوياه رايحين لبيت تميم ومو ناويين على الخير

تميم قرصه قلبه وهو يدق عليه مرة ومرتين وثلاثة
هيام :ما يردد؟
تميم :لا مايردد "وقام" انا لازم اروح عندده هوو صاير معه شيء والله صاير معه شييء
هيام قامت بسرعة :وين بترووح ؟؟
تميم يلبس ثوبه ويمسك شماغه
هيام :تمييم ويين راييح لا ترووح الحين يرد علييك بس تكفى لا ترووح
تميم :مقدرر يا هيام مقدرر هو فييه شيء والله فيه شي انا لازم اروح اشوف وشصاير معهه
قاطعهم صوت دق الباب
تميم لف عشان يروح يفتح الباب بس مسكته هيام :والله احس انه بيصير شي تككفى لا ترووح والله خايفة علييك
تميم :يمكن سعوود جا بروح افتحه ما يصير شيء ان شاءالله يا هيام
هيام مسكت طرحتها ولبسته وطلعت معه للحوش
وتميم قرب عشان يفتح الباب وهو قلبه يرجف وفتح الباب
لكنه استغرب انه مافي احد برا ،طلع برا  بخطرات هادئة وهو يطالع يمين ويسار واستغرب اكثر مين الي يدق الباب وينحاش كذاا
لف وهو يطمن هيام بمعنى مافي احد
راجع للداخل ،ولكن  شخص قفل الباب بسرعة من برا
هيام الي تروعت وجريت وهي تدق الباب من الداخل  وتصاررخ :تمييييم تميييم افتح البابب تميييم وينكك
تدق الباب بكل قوتهاا بس في احد رابط الباب من برا بسلك مو قادرة تفتحه لو تدفه لين بكرى

تميم عرف هالمرة ابدد مافي مفر رجال علي التمو  حوله واضح الموضوع مخطط له ومقفلين الباب على هيام بعد
بلع ريقه تميم وهو يشوف علي يقرب منه وهو كله كره وحقد له :قلتلك انا رااجعلك واليوم انت ميت يعني ميت لا سعود ولا حرمتك اليوم يقدرو ينقذونك انتت ميييت
تميم تنهد :اذبحني وريحينيي يا عليي ،اذبحنيي دام ذا الشي يريحكك ويطيب بخااطرك،  لو انيي ذباح اخووك كان ذبحته وانحشت ، ما كاان وقفت وساعدته ،ولو اني ذباح اخووك كان رحت من الديرة من اول شهرر ولا قعدت فييه، انت بداخلكك في شعور يقولك مب تميم الي ذبح اخوك وانت تدريي اني مب هوو لانك ما شفتني بعيونكك وانا اذبحه بس شفت المسدس بيديي وانا عندده
علي صارخ :مين الي ذبححه محد كان موجود غيرك يا تمييم ما تقدر تنكر شفناك كلنا بعيوونك ويدك ملطخ بدم اخوي ملطخ ب دم اخوي البريئ مييين ذبحه اجلل مييين
تميم سكت شوي ياخذ نفس وبندها قال بهدوء :عمك سليمان
ضحك علي :مااا تقدر تضحك عليي يا تميم عشان اتركك انت اكثر واحد تدري انه عمي سليمان شكثر كان يحبهه وهو اكثر شخص تأذى بعد مووته اشلون تجي وتتهمه كذاا صاحيي انت؟
تميم ناظر بعيونه :عشان كذا ما تكلمت لاني داري محد يصدقني"وقال بصراخ" والله العظيم ياا علي اناا ما ذبحتت اخووك عمك سلمياان ذبحح اخووك
علي صارخ بصوت عالي وهو يقول :خلاااصص

هيام توجهت فوق وطلعت المسدس وهي تقول والله ما اسمح لهم يذبحونه والله ما ب اسمح لهمم ونزلت تجري عند الباب الوراني الي تميم دلها له قالها اذا هجمو بيوم انحاشي من الباب ذا
فتحت الباب بسرعة وقبل تخطي خطوتها وقفت تجمدت بمكانها وهي تسمع صوت طلق النار مسكت قلبهاا وهي تتسارع نبضات قلبهاا
بلعت ريقها وهي تردد بداخلها لاا
جريت بسرعةة وبينما هي تركض سمعت صوت طلقتين ثانية وهي تصاررخ وتقول :لاااا ياا ظالمييين لاااااااا لا تذبحووووه تميم مظلوووم
وصلت عندهم وهي تشوف مجموعة كبيرة من الناس واقفة منهم من الجيران ومنهم من رجال علي جريت بسرعة وهي تبعدهمم تبي تشووف وينه تمييم وشصار علييه
وجمدت بمكانهاا لمن شافت تميم طايح بالارض وهو الدم يملاه وعلي واقف عنده
صرخت بأعلى صوت عندها وهي تركض عنده حضنته بسرعةة وهي تصحيي :تميييم ، اصحى حبيبي تميييم اصححى تميييييم تكفي اصحى"وناظرت في علي وصرخت" وش سوييتووو فييه يا ظالميييين ذبحتووووه ذبحتووووه حسبي الله علييييكمممم
تضرب بخده وهي ما تدري هو عايش ولا ماات ثوبه الابيض صار لونه احمر من الدم ما تدري كيف تتصرف وش تسويي
قعدت تصارخ وهي تقول :اتصلوو بالاسعااف بسرعةة اتصلووو زوجي بيمووت يا نااس اتصلوو عليييه بسرعةةةة تكفوون اتصلوو علييه بسرعةةة
محد تحرك الا رجال علي  والتي مشيو لسياراتهم خلاص ما عاد في داعي لوجودهم ذبحو الي جو عشانه
والجيران كلهم يتفرجون وهم ما يبون يتدخلون ثأر بينهم وانتهى بكل بساطة ولا كنه قدامهم انسان بريئ مات
هيام مسكت شماغه وهي تمسك جرحهه عشان يتوقف النزيفف ثلاث طلقات اطلقو عليه ما تدري تداري اي جرح وتمسح على ايهم
يدها ترجفف ومو عارفة وش تسويي وتميم بين يدينها مات خلاص تأكدت انه مات بعد تفقدت نفسه
تعالت صرخات هيام وهي تقول : لااا تميييم تكفى لا تموووت تمييييم حبيبي اصحى تككفى "وصرخت بصوت عالي" حسبييي الله عليكممم يا ظالميين حسبي الله عليييكم ذبحتووه يا ظالمييين ذبحتوووه وهو بريئ والله تميم مظلووم يا قاتليين مظلووم والله مظلووم حسبي الله عليكمم
حضنته وهي تبكيي من كل قلبهاا وتصارخ الناس
جا سعود من بعييدد وهوو يجريي ونفسه متقطع يبي يلحق تميم
بس  وقف بمكانه من الصدمة وهو يشوف تميم طايح بالارض وهيام ماسكته وهي تبكيي
طاح يد تميم بالارض بين التراب وبين دمه الي ملا المكان وكله دمم
طاح بالارض وهو يشوف خويه بالوضع ذا منظره وهو غارق بولدم ما كان يوحي ابد انه عايش هو مات خلااص ثلاث طلقات بالصدر كفيلة بأنه تموته
حط يده براسه وهو يبكي مو مستوعبب الشخص الوحيد له من الدنياا ماات كله دممم ثوبه الابيض تحول لللاحمرر ما رحمووه الظالميين
سعود صررخ بأعلى اصواته وهو يقول :لااااااااااااااا يا تميييم لاااا

عند روزا انزفت وهي للحين مو مصدقة انه هي تزوجتت جت تحضر الزواج وصارت هي العروس الموضوع ما يتصدق ولا يدخل للعقل لاي شخص
جت ام زين وهي تقول :روزا البسي عبايتس رجلتس برا ينتظرتس
روزا صارت يدها ترجف مسكت يد امها بخوف وتوتر
ام عنان ضحكت بخفة وقالت:الحين تلبس وتطلع
ولفت لها وهي تقولها بهمس :لا تخافيين ما ياكلتس ترا
روزا:يمه خايفةة مابي اروح خلاص بطلت مابي اتزوج
ام عنان:اقول عن الدلع عاد قومي بسرعة البسي عبايتس انتي تزوجتيي زين ولد غانم تدرين وش يعني يعني لا دخلتي المجالس يقوم الكل لتس قومي يالله
روزا قامت مع امها وهي متوتررةةة وقلبها يدق بقوة
راحت ولبست عبايتها

نهاية البارت
يالله مع السلامة حبايبي اشوفكم بكرى باذن الله ❤️❤️
تشاوو✌️❤️ه