رواية من حضرتك عشان قلبي تذله الفصل الحادي والأربعون 41 - بقلم ام عوض

قاعدين سوا ام عمار وام عنان وجويريا وحنان
ام عمار:والله كنت طفشانة قلت امر اشرب شاي عندكم
ام عنان:والله زين سويتي يا ام عمار ومنه اشوفتس لي زمان ما شفتس
ام عمار:يا قلبي انتي
خرجت خلود من المجلس :يمه خلص نظفت المجلس وش تبين مني الحين
ام عنان :ولا شيء يمه بس تأكدي نظفتيه زيين
خلود :نظفته نظفته
ام عنان تقوم :لحظة اشوف بس
خلود مشت لداخل المجلس بملل وامها وراها
ام عمار :ما تبي يكون في اي غلطةة يخليهم يرفضون بنتها عفية عليها والله زين الي تسوييه جايين ناس الزوينةة وذكية بنت الذكية ا الي تسوي كذا
جويريا تقرب منها:الحين معلينا منهاا ومن بنتهاا ابيتس بكلمة رااس
ام عمار:سمي
جويريا :سمم الله عدوتس، اسمعيي ابيتس تدورين لي على وحدة تعرف تشتغل شغل البييت وتعرف تسوي كلل شيء سنعةة والكل يشهد لسناعتهاا
ام عمار تناظرها بنص عين :ليه تبين تخطبين لمن؟؟
جويريا :لاا انا شعلي اخطب لحد تخيلي اخطب لحد بس انا ماخذة هم ولدي اشلون اروح اخطب له، بس ابي خدامه تشتغل هنا عندنا وهاه ما اوصيتس تكون وحدة يدها خفيفة تخلص الشغل بسرعةة
حنان تناظر جويريا :لا والله بتجيبين خدامة؟؟ وليه انا اخر من يعلمم؟؟؟
جويريا :معليه الحين دريتي بعدين افرحي يا غبية بنقعد انا وياتس ونحط رجل على رجل وهي تشتغل عننا
حنان :وعنان؟؟
جويريا ضحكت:وتهقين عنان يرفض لطلبيي"وقالت بدلع" قال ابشريي سوي الي تبيينه فلوسي و حلاالتس
حنان :مالت عليتس من حرمةة مو قادرة تسوين شغل البيت وبتجيبين خدامة
جويريا :ايه وشفيها لا حنا اول ناس يجيبون خدامة ولا اخر ناس
ام عمار صرعت منهم : خلاص صرعتونيي
جويريا تقرب منها وقالت بإبتسامة :طيب هاه وشقلتي تعرفين احد؟؟
ام عمار تفكر :ايه والله فيي واجدد بس مدري من منهم يوافق في هدى و سارة ومنال وسلطانه ونورة كلهم مساكين ويبون شغل بس خدامة مدري اذا يوافقون خبري يبون شغل يسوونه بالبيت
جويريا : ليه هاذا شغل شارع استغفرالله هاذا بعد شغل زييين وقولي الراتب الفين بالشهر
ام عمار :ايه زين بقولهم
حنان :شكلتس بتفلسين عنان
جويريا :معليه ربي رازقه من واسع رزقه ليه نحرم نفسنا
سمعو صوت التيلفون
حنان قامت بس وقفتها جويريا بسرعة:لا لا تروحين انا بروح
حنان تناظرها بإستغراب:روحي طيب
قامت جويريا وردت على التيلفون
عنان:الو جويريا
جويريا استغربت انه عنان داق :هلا
عنان :جوير جهزي نفستس
جويريا رفعت حاجبها بإستغراب:ليه؟
عنان :عمتس قال جيب جويريا والحين
جويريا :خير وشعنده
عنان:مدري والله علمي علمتس بس تجهزي بسرعة انا جاي اخذتس
جويريا :زين زين الحين اجهز نفسي
وقفلت منه وهي مستغربة
وراحت عندهم. وقالت حنان :من الي دق
جويريا :اسمعي حنان تكفين بخلي شموخ عندتس عنان قالي جاي بالطريق وانا رايحة البس على السريع وما يمديني اجهز شموخ
حنان :طيب بس ويين؟
جويريا وهي طالعة فوق :فبيت عمي
حنان استغربت :بتروح بيت عمها ومن صباح الله خير وشعندها ذي؟
ام عمار :مدري والله بس شكله في موضوع مهم

زين صحي من نومه وهو يشوف نفسه ضام لحافه ومبتسم لف جنبه وفز من مكانه يوم ما شاف روزا وقعد من مكانه مفجوع وهو ينادي :روزاا؟؟
قام بسرعة وهو يطلع برا وينادي :روزااا يا روزاا وينتسس
روزا طلعت من المطبخ:خيير شبلااك تصارخ انت
زين :بسم الله انتي روزا
روزا مستغربة :لا ابوها شرايك ايه روزا
زين تنهد ب راحة :خفت رحتيي
روزا :لا بلا هبالة اروح مع مين
زين :مدري كلامتس حق امس خوفنيي
روزا :طيب بسرعةة البس وخذني عند اهلي تراك تاخرت لين صحيت ما شاء الله نمت قبلي وصحيت بعدي وشذا النوم الي ما تشبع منه
زين يناظرها بإبتسامة :شلون عرفتي اني نمت قبلتس هاه؟؟؟ اكيد قعدتي كل اليل تتأملين فيني وتقولين ياااا زييين بختس لاني كنت من نصيبتس
روزا تضحك بإستهزاء :الله يرزقنيي ثقتك هاذيي
زين يغمز لها :خلاص اعترفيي انتس طحتي في حبيي وما تقدرين تعيشين بدوني
روزا : انا مقدر اعيش بدونك ولا انت
زين :اخخ يا روزا بختس يا زينه كثير تمنوني بس ربي رزقني لتس انتي لانتس ذيبةة وتستاهليني
روزا :وتغير الكلام زي ما تبغى اقول قم قم بس البس بسرعةة
زين يمشي وهو يقول بصوت عالي :طيب سوي لي شايي بشربه في طريقق
روزا :طيب طيب بس بسرعةة

وصلت جويريا
عنان :متى اجي اخذتس؟
جويريا :مدري والله بس تعال بعد ساعة اخاف شموخ تبكي مع حنان
عنان :كان خذيتيها معتس
جويريا :انت قلت جاي بالطريق ويالله يالله جهزت نفسي
عنان ناظر لعيونها المكحلة :بس هااه مو تطلعين قدام فيصلل حتى ولو يصير ولد عمتس تغطي عنه انا معنديي ذا الحاجاات تفهمين ولا لاا
جويريا :فدييت الي يغااار يا ناس بس ابشرر عيوني هاذي لك انت وبسس وما بتكون لغيرك
عنان :يالله انتبهي لنفستس
جويريا :طيب يا ابو شمووخ
ضحك عنان على ابو شموخ
وهي نزلت ودقت الباب فتح لها فيصل وفصح لها مجال عشان تدخل
جويريا فصخت الي برجلها :وينه عمي وليه طالبني اجي؟؟
فيصل مبتسم :ادخلي المجلس خواتس موجودين هناك
جويريا استغربت:خواتي؟؟ خواتي بعد هنا؟
فيصل :ايه
جويريا زاد حيرتها ودخلت المجلس الي اول ما دخلته انصدمت بالشخص الي شافته قدامها
كانو جود واسيل وهيام ضامينه ومو مصدقين انهم شافوه
جويريا بصدمة :خالي فهد؟؟
فهد ابتسم وهو حوله هيام وجود واسيل
وفتح يدينه لها عشان يضمها وهي مبتسمم
بس صدمته جويريا هي بعدت عنه وللحين مصدومة
فهد ضحك :وشفيتس  يا روح خالتس ما تبين تضميني ما اشتقتي لي؟
جويريا تناظر خواتها الي مستانسين برجعته والصدمة زادت فيها :معقولة فرحانين لانه رجعع؟؟ مستانسييين لوش هااه مستانسين لوش؟؟
جود قربت من جويريا :وشفيتس يا جويريا هاذا خالنا فهد
جويريا تناطر خالها : اييه ادري هاذا خالنا فهد بس جاوبيني قبل وين كاان كل ذا الوقتت وين كاان لما كنا بحاجته وندق علييه ليل ونهاار وما يردد اي خاال هاذاا ما جا وتطمن علينا حتى من يوم درا بوفاة ابوناا ما سأل نفسه ابدد بناات اختي وشصار علييهم وين راحوو وين قعدوو شبعانين ولا جوعانين؟؟ هااه وين كان وقتهااا
فهد نزل راسه بأسى وما قدر يجاوب
وابو فيصل سكت وهو يحس الندم قاعد يشيب راسه يوم عن يوم من الي سوااه
هيام :استهدي بالله يا جويريا الرجال توه راجع من السفر خله يقولنا يمكن معذور
جويريا :هاات نشوف وشعنده بأي كذبة بيمشي السالفة عليناا
فهد رفع راسه وهو يقول بتبرير:صدقيني والله كنت بالسجن وما دريت عن وفاة ابوكم حتى واول ما طلعت من السجن ودريت على طول ركبت اول باص وجييت ب وش احلف لتس عشان تصدقيني
جويريا ضحكت بإستهزاء :ودخلت السجن لييه مب عشان الكحول والممنوعات؟؟ مو دخلت السجن بيدك ونفسك. ودامك من البداية ما دريت عننا الحين لييه جايي خلاص روح عننا كل وحدة فيناا خذاها زمنها ونصيبهاا هذانا شووف كل وحدة شافت حيااتها بكينا يوم يومين ثلاااثة بعدها تقبلناا "ودمعو عيونها" لا خال ضمنا ولا عم خفف عننا تخطينا بدونكم طحنا و رجعنا وقفنا برجولنا الدقة الي كسرتنااا رجعت صلحتنا و خلاص الحين ماله داعي وجودكم لا الحين ولا قبله كان لكم داعي اصلا
سكتو كل الي بالمجلس لانه كل الي قالته صح اول ما مات ابوهم عمهم زوجهم ولا سأل عنهم كل همه كان يتخلص منهم وخالهم محد درا عنه كانو يدقون فيه وجواله مقفل مثل العادة متورط وطايح بالسجن تخطو احزانهم والامهم بدونهم وكل هاذي تبقى بذكراهم لين يموتو ومستحيل ينسون
لفت وجهها وطلعت جويريا برا وفهد سكت لانه ماله حق يتكلم حتى
وفيصل كان واقف عند الباب وهو ما يلوم جويريا ولاا شيء من الي قالته انظلمو كلهمم بعد وفاة ابوهم كل وحدة تزوجت بدون رضاهاا وفي اشخاص يجهلونه وباعهم عمهم مثل كنهم يبيع حيوانات ويبي يتخلص منهم
بعضهم زين النصيب بوجيههم وبعضهم ظلمهم الحياة
طلعت جويريا من الغرفة بعد ما رمت كم نظرة على خالها وهي بداخلهاا كلها كره وحقد لخالها وعمها الي ما ساندوهم ابد
هيام طلعت ورا جويريا ولحقتها الغرفة
جويريا قعدت فوق الكنبة ومسحت دمعتها
هيام قعدت جنبها وهي تحط يدها بظهرها بحنية وتمسح عليه :ما الومتس يا جويريا والله ما الومتس، وصح كلامتس في الي قلتيه ،محدن يلومتس ،كلنا يا جويريا كلنا تعذبنا بعد ابوي الله يرحمه وما انكر يا جويريا انه عمي غلط،و غلط وااجد معنا وزوجنا رغم عننا بس شوفي يمكن كل ذا صار كان خيرة لنا حناا قلنا جود نصيبها مب زيين خذت واحد كبير وشايب اكيد بيقعدها وينومها على الكفوف
بس لاا ما طلع مثل الي قلناه طلع طيب وحبيب مع جود وهي مستانسة معه الحمدلله ،وشوفي اسيل كانت مخططة تهرب اذا حد خطبها بس وشصار؟ تزوجت واحد يدعمها عشان تكمل احلامها ونور يا حلا الي خذته كل البنات كانو يبونه وتزوجته وراحت معه المدينة وهي مستانسة هناك ،وانتي تزوجتي واحد متزوج وظنينا بتعيشين حياة دعيسة بس لا حبتس ودافع عنتس عند الكل وحبتس اكثر وحدة وهاه الحين جاكم بنوتة شحلاها وزينها اسم الله عليهاا
جويريا ناظرت لعيونها :وانتي يا هيام؟؟؟؟
هيام سكتت بحزن وبعدها قالت :وانا يا جويريا ،انا مثلكم بعد تزوجت شخص ماابيه بس زينت الدنيا بوجهي لما دريت انه احن والطف شخص بالدنيا يمكن لو تزوجت واحد برضاي كان ما بيكون نفس حنيته وحبه وطيبته "ودمعو عيونها وهي مبتسمة" من زود طيبته يا جوير خذاه ربي عنده لأنه شخص بريئ مثله المفروض ما يكون بين الظالمين عايش، طيبه يا جوير طيبته الي ظلمه للاسف الشخص الطيب دايم حظه قليل بالدنيا وسببها راح هو ضحية
جويريا مسحت بكتفها بطبطبة
هيام مسحت دموعها وابتسمت :و رزقني ربي ب ياسر يجبر كسري ويقويني و رزقني ب سعود الي هو العوض على كل الي ذقته وبالنهاية يا جويريا كلن منا خذا نصيبه لو وش ما سوينا كنا بنعيش كل ذا هاذا قدرنا صدقيني لو انحطت الاقدار قدامنا لاخترنا الي اختاره لنا ربنا، لا تلومي احد وتزعلي وتضيقين صدرتس سامحي واجرتس لله
جويريا :اسامح يا هيام بس مستحيل انسى، مستحيل انسى
هيام ابتسمت بخفة لها وضمتهاا وهي تدري جويريا من يومها كذا تسامح بس مستحييل تنسى ولو بعد سنواات تقعد تذكرك باللي سويته
وقامت هيام وقومت جويريا معها:يالله تعالي نروح المجلس يا روحي والله ترا ما يسوا
جويريا صدت وجهها عنها
هيام بترجي :يالله تكفين يا جوير لا تسوين كذا لو عنديرخاطر لتس قومي وتعالي المجلس
جويريا :انتي روحي وانا لاحقتس
هيام ابتسمت :طيب

وصلو ولفت روزا عشان تنزل بس وقفتها صوت زين
زين :بترجعين صح
روزا تنهدت منه وهي مبتسمة :كم مرة اقولك اييه برجعع اشبك انت
زين سكت شوي وبعدها قال :خايف ما ترجعين
روزا :والله راجعةة وانا اقدر اعيش بدونك عشان ما ارجعع
زين ابتسم :صدقق؟
روزا سكت شوي وقالت :ايه
زين زبط قعدته وهو يحس خلاص لازم يتشجع اخذ نفس وهو يقول :طيب اسالتس بالله يا روزا والله اني اسال نفسي داايم هاذي السؤال والقى جوابهاا وارجع اضيعهاا والف وادور والف وادوور وانا اسال نفسس السؤال وهلكتت وما لقيت جواابه
روزا قالت بصوت متوتر وكنها تدري وشهي السؤال قبل يقوله حتى :تفضل قول
زين تشجع واخيرآ قالها: انتي تحبيني مثل ما احبتس ولا لاا؟؟
روزا سكتت ومقدرت تجاوب كانت مجهزة الجواب قبل بس ضاعتت من كلمة "احبتس"
زين بخوف:جاوبيني يا روزا
روزا غمضت عيونها من التوتر ورجعت فتحته وهي تحس شلل لسانها من الي تبي تقوله وقالت بسرعة :وانا بعد احبك واموت فيك يا زين
زين مو مستوعب الي سمعه وقال بفهاوة وكنه ما سمع :صدقق؟؟؟؟ تكفين ارجعي قوليها مرة ثانية ما سمعت زي النااس
روزا ما درت اشلون طلعو الكلام من فمها وهو يبغاها تعيد ف رجعت قالتت بإستعجال:احبك يا زين واموت فييك
ولفت وجهها بسرعةة عشان تنزل وهي تحس نفسها مخنووقة من التوتر
بس وقفها زين بسرعة وهو يقول : بترجعين؟؟؟
روزا ما لفت له غمضت عينها وهي مبتسمة منه :شلون تبغاني ما ارجع وانا لي وليف
زين ابتسم من جملتها وحس انه اسعد انسان بالدنيااا بعد الي قالته واخيرآ تزين له وهو كان يظن انه روزا مستحيل بيوم تحبه
وروزا نزلت من السيارة بسرعةة وهي ترسم ايامها الجاية مع زين الي جمعهم القدر بطريقة غريبة جدآ عاشو مع بعض شهوور بس محد تقبل الثاني كشريك وكل واحد كان واقف بحيرة من شعور الاخر بس نهاية المشوار كل واحد عرف بمشاعر الثاني وطولت المشوار لين اخر العمر لهم
دخلت لداخل وهي تدق الباب وتناظر سيارة زين الي للحين واقف منتظرها تدخل
خلود فتحت الباب لها وهي دخلت
خلود تبوسها تبوسها :اهلين روزا حياك تفضلي يالقاطعةة
روزا تضحك :اهلين فيتس يا بعدها
خلود قفلت الباب من وراها :شلون اخطيتي وجيتي عندنا
روزا :والله كنت مشغولة عشان كذا قطعت بس معليه الحين كل يوم بجيكم، وينها امي
خلود :بغرفتها تجهز نفسها
روزا رفعت حاجبها :ليه من جاييكم؟
خلود كشرت:ام وساام
روزا :خير ان شاء الله ليه جاية عندها ذي عمرها ما طبت رجلها فبيتنا
خلود :جاية تخطبنيي لولدهاا
روزا ابتسمت :صدقق ما شاء الله مبروووك يا قلبيي تستاهلين يا خلود والله تستاهلين
خلود :على وش يا حسرةة على اني باخذ ولدها الجربوع ايه والله ما يستاهلني ولدها المعفن
روزا :اسكتيي عيب تتكلمين كذا عن الرجال بعدين وش تبين ادب واخلاق وجمال وش تبين اكثر هاه
خلود :روحي روحي لامتس انتي بعد ما تدرين
روزا تمشي لغرفة امها :يالله انا رايحة اشوف امتس
خلود :زيين

انايا بالمطبخ تدلك النحاس سمعت صوت زغاريط
استغربت وتركت الي بيدها ومسحت يدينها وهي تطلع برا لقت امها تزغرط وجنبها سالم
سالم :خلاص يمه يسمعونا الجيران
ام معاذ :ايه خلني من فرحتي
انايا :اشفي ليه تزغرطين
ام معاذ لفت لها :تعالي يا روح امهاا كبرتي وصرتي عرووس
انايا تسوي نفسها متفاجئة :وشهو؟
ام معاذ :ايه خطبتس ادهم ولد عمتس يا يمه
انايا استحت صدق ولفت وجهها عنهمم وهي مستحية :صدق؟
سالم يناظرها بنص عين :يعني مستحية قلك
ام معاذ تضربه بخفة :انت اسكت، هاه يمه وش قلتي موافقة ولا لا
انايا غمضت عيونها بفرحة وقالت وهي مستحية :ايه موافقة
ومشيت بسرعةةة وهي تحس شوية وتموت من الحيا
وام معاذ رجعت تزغرط وهي مستانسة
سالم :يممه خلاص يا يمه والله سمعونا الجيراان
ام معاذ :ايه خلني مستانسةة
سالم:على وش مستانسة يمه مستانسة لانك بتفارقين بنتس
ام معاذ سكتت بحزن :مستانسة لأنه جا نصيبها بس وانت صادق بتفارقني بنتي
سالم :شفتي
ام معاذ مشبت من عنده وهي كاتمة بكيتها
وسالم لحق انايا
دخل الغرفة بحماس وهي يجري عند انايا :انااايااا
انايا لفت له بإبتسامة :هلاا
سالم قعد عندها :ما اصدق انخطبتي يا اناياا
انايا سكتت وهي مستحية
سالم :يعني بتفارقيناا
انايا اختفت ابتسامتها وتوها تستوعب انها بتفارق اهلها
سالم يناظرها :بتفارقيين امتس وابوتس واخواانتس يا حراام مسكيينة اكيد بتشتاقين لناا
انايا دمعو عيونها
سالم مو مصدق انها صدق صاحت ويناظر دموعها بدهشة وضحكة :يمه صدق تصيحين الحين
انايا تبعده وتبغى تقوم :بعدد
سالم بعد وهو يقول :بتفارقين اهلتس وانا قاعد عندهمم بسرق كل دلعتس ودلالتس
انايا اخذت المخدة ورمته عليه وهو راح وهو يضحك وهي قعدت بمكانها تصيح

اسيل قاعدة جنب خالها فهد :طيب خالي وش كان اكلكم هناك
فهد :لا تسألين يا يبه لا تسألين اكلهم ما ينبلع الله يكرم النعمة وحتى ما تشبعتس
جود سكتت بحزن للي عاشه بالسجن وقال لاسيل :خلاص اسيل من يوم جا وانتي ماسكتيه تحقيق ما يصير كذا
اسيل :سؤال عادي اشفيه
فهد مسح براسها :كيف دراستس يبه
اسيل:الحمدلله زين
وجويريا كان قاعدة بمسافة عنهم وجنبها هيام
فهد :بس وينها نور ليه ما جت معكم
تكلمت جويريا :هي راحت المدينة ما درييت ،،واشلون تدري اصلا وانت حتى بوفاة ابوي ما دريت
هيام ناظرتها بمعنى ماله داعي هالكلام
دخل فيصل بهاللحظة وهو يتنحنح :احم احم
هيام لبست طرحتها :ادخل يا فيصل ادخل
فيصل دخل :جوييريا رجلتس توه دق ويقول جاي بالطريق
جويريا قامت وهي تلبس عبايتها :طيب الحين طالعة
لبست عبايتها وسلمت على خواتها وطلعت برا تحتري عنان
بس تأخر واجد عليها
وطلع فيصل برا عشان يدخن واستغرب يوم شافها للحين واقفة
جويريا سمعت صوت الباب ولفت له
فيصل :للحين ما جا؟
جويريا :لا ما جا انت متأكد قال بالطريق يمكن قالك تتجهز انا توي بحرك
فيصل:لا قال بالطريق
جويريا :ان شاء الله يجي بسرعة تأخرت على شموخ واجد اخاف تبكيي
فيصل ابتسم :كيف حالها شموخ ليه ما جبتيها معتس
جويريا : الحمدلله زينة وما جبتها لاني قلت مشوار ساعة وراجعة ليه اخذها معي ما دريت خاليي الي جاي ولا ما كان تعنييت وجيت من اساسه
فيصل سكت شوي وبعدها قال :صح معتس حق يا جويريا بس الرجال معذور مو لازم تضغطي عليه كذا وتقسين عليه هو بالنهاية خالكم ولو كان درا عن وفاة ابوتس كان اكيد جا بس هو قال انه ما درا
جويريا لفت له وهي تناظره بدهشة وضحكت بأستهزاء وبعدها قالت بنبرة غاضبة :انت بحد ذاتك اخر شخص يتكلمم لأنه كل الي صاار كان بسببك وبسبب ابووك،، هاذا الكلام الحكيم كان المفروض تقوله لابوكك لما كان يزوج خواتي ورا الثانية وانت ساكتت ما فتحت فمك بكلمةة وين كان فيصل وقتهاا وجودك كان مثل عدمه وقتهاا
فيصل سكتت لأنه ماله حق يتكلم فعلا
جويريا :اشوفك سكتت مافي جواب لذا الكلام مو؟؟؟
ورجعت لفت وجهها للطريق وهي تحس لو تتكلم لين بكرى ما بتقدر تطلع قهرها للي سواه عمها
سكت فيصل لثواني وبعدها قال بهدوء وعتب :لو انتس ما دخلتي المجلس بهذاك اليوم وشافتس عنان كان الحين انتي من نصيبي انا
انصدمت جويريا ولفت وجهها له على طول وهي تناظره بعيون مصدومة!!!
و بهاللحظة جا سيارة عنان وهي ما حست من صدمتها من كلام الي قاله واصلآ ما تدري وش الدافع من الي قاله وبالوقت ذا بزبط
فيصل ناظرها لثواني وبعدها أشر لسيارة :رجلتس جا
جويريا توها تستوعب وناظرت للسياره ورجعت ناظرت فيه وهي مصدومة وتسأل نفسها سمعت صح ولا غلط؟ هو وش قاال؟؟؟
وبلعت ريقها من صدمتها وراحت دخلت السيارة
عنان الي شافها واقفة مع فيصل وفارت معه قال وهو يصر بسنونه :ليه كنتي واقفة برا هااه
جويريا للحين تفكر بكلام الي قاله :هاه
عنان يناظرها بدهشة :وينه عقلتس يا جويريا وليه كنتي واقفةة برا ومع من مع ولد عمتس بعدد
جويريا تنهدت بقلة صبر من صراخه :خلاص عنان لا تصارخ علي كذاا انا ما احب احد يصارخ علي زي كذا تفهم ولا لا
عنان :لا والله؟؟؟ الحين الي زعلتس هو صراخي موو، وعاجبتس يعني توقفين مع ولد عمتس كذاا
جويريا مسكت راسها:عنان تكفى بلا مشاكل والله راسي من أصله مصدع ومالي خلق
عنان ضغط بالدريكسون وهو يكتم عصبيته :طييب بنسكت وننطم يا جوير بس ما يصيير خيير بعديين
جويريا لفت وجهها لشباك وهي ترجع لها كلام الي قاله فيصل وتحس مصدومة من جرأته
قاطعها عنان وهو يحاول يكتم عصبيته ويقول :تبين دوا؟
جويريا لفت له مستغربة:دوا وشهو؟؟؟
عنان صرخ بغضب :حق راستس المصدعةة
جويريا بحدة :لا شكرا صراخك هاذا لوحدها دوا ما درييت؟؟؟
عنان اخذ نفس وهو يحاول ما يرجع ويصارخ وقال وهو يحاول يكون هادي :زيين وش كان يبغى منتس عمتس
جويريا رجعت لفت وجهها للشباك بلا مبالاة:خالي جا من المدينة و طلبنا كلنا عشان نشوفه
عنان :خالتس فهد؟؟
جويريا :ايه
عنان :وين كان كل هاذي الفترة طيب؟
جويريا ضحكت بإستهزاء:قلك كان بالسجن وما درا عن شيء
عنان لاحظ ضيقتها من الموضوع وهدي شوي من عصبيته وحس بالندم انه صارخ عليها وهي اصلآ متضايقة
وقف السيارة قدام البيت ومسك يدها بحنية :معليتس منه لا تضيقين صدرتس
جويريا فلتت يدها منه :ايييه معلييك من قلك اني ضيقت صدري وزعلت بزاد فرحتت لانه رجعع واستانستت وضميتته وحكينا له عن حياتنا الخطييرة واستانس معناا ماا زعلت لا منه ولا من صراخك علي شكرآ لانك زوته عليي "وقالت بحدة" مع السلاااامة اشووفك في لييل لااااا ان شاء الله ف اليل بعد ما اشوفك اليووم دور حنان والحممددلله جتت من الله
ونزلت من السيارة قبل تسمع اي كلمة ثانية
وعنان تنهد من نفسه وعصبيته

نهاية البارت
اشوفكم بالبارت الجاي بإذن الله

تشاوو
هه