رواية من حضرتك عشان قلبي تذله الفصل الأربعون 40 - بقلم ام عوض

نزلت حنان وبحضنها ولدها :ما شاء الله جويريا بعد هنا
جويريا :ايه موجودة ولا ما كنتي تبين تنزلين لو عرفتي انها موجودة
حنان :لا مين قلتس كذا
جويريا :مدري عنتس كلامتس يدل لي على كذا
خلود تصب لحنان قهوة :خذي حبيبتي
حنان اخذته منها :شكررآ لتس يا قلبها
جويريا تطالع لغرفة ام عنان :وينها امتس لها واجد وهي تتكلم بالجوال
خلود :افف الفضول قاعد يلعب فيني من الي يبيها و وشذا الموضوع الي قاعدة تتكلم فيه للحين
جويريا :يالله خلصت الحين بتجي ونسمع منها
جت ام عنان وهي الإبتسامة بوجهها :قومي خلوود
خلود فزت :اشفيي
ام عنان :واخيرآ فتحت الابواب بوجهتس يا بنتيي ام وسام لها فترة تدور لولدها عروسة وسمعت عنتس وبكرى جاية تخطبتس
خلود حطت يدها بقلبها :بس يممه انا مابيي
ام عنان :قومي بسس نظفي المجلس وبخريهاا من الحينن قالت ما تبي قالت اقولتس ام وسام تبي تخطبتس لولدها تقولين ما تبين والله المهبولة هي الي ترفضض
جويريا :ما تبي بنتس غصب يعنيي بعدين هاذا زواج مب لعبة يعني بتقعد معه عمر خلها تختار شريك حياتها بكيفها
ام عنان :انتي اصص ولا كلمة تفهمين ولا لا ويالله قومي يا خلوود بسرعةة
خلود :يممه تكفيين
ام عنان عطتها نظرة خلتها تقوم وهي ساكتةة
جويريا ناظرت لحنان وهي تفكر وش تسوي الحين وام عنان قعدت تشرب قهوة وهي الابتسامة شاقة وجهها

زين قعد بالصالة ساااااكت غير عن عوايده وبس يفكر بالكلام الي قالته روزا وهو ما يبي يفقدهاا مو متخيل ابدد انه يمر يوم واحد بدونهاا تعود عليها وعلى نكدها وعصبيتهاا مو متقبل فكرة انها تترك البيت وتروح
فتح عيونه وهو يقول بداخله والله ما اخليهاا تروحح والله ماا اخليهاا تروووح
قام من مكانه وراح للغرفة ودخلها وهو يمشي بسرعة كبيرة روزا كانت تحط اغراضها بالشنطة وهي ساكتة واول ما دخل وقفت بمكانها وهي تناظر فيه
زين جاء و وقف عندها وهو ياخذ نفس ومستعد يقول الكلام الي رتبهم في عقله
روزا ناظرت لعيونه محتريته يتكلم ويقول الي عنده
زين رفع راسه لها وحط عينه بعيونها
بس بهاللحظة ما قدر ينطق ضاع الكلام الي مجهزهم
روزا تبلع ريقها :تكلم وقول الي فبالك الحين لاني بكرة ماشية يا زين قول الي عندك
زين تنهد بإنكسار :تكفين لاا تروحين يا روزا تكفييين
روزا لفت وجهها وهي ما تبي تضعف
زين مسك يدها ولفها لعنده مرة ثانية :تكفين روزاا والله تعلقت فيتس مقدر اتخييل يوم وااحد يمر بدون لا اشوفتس لااا تروحيين انا مابي اطلقتسس ماابي لو تنطبق السما بالارض ما طلقتس جابتس النصيب لي وما بخليه ياخذتس منيي انا ابييتس لي زوجة ويحرم على غيرتس تصير ام لعيالي
روزا تناظر فيه وساكتة
زين بعيون كلها ترجي :تكفين يا روزاا انا احبتس والله احبتسس مابيتس تروحيين افهمييي خلاص ما بتروحيين بتقعديين هناا وما بتروحييين
روزا لفت وجهها للجهة الثانية وهي تمشي بخطوات ثقيلة لشنطتها وقالت وهي تناظر ازرار الشنطة :صدق تحبني يا زين ولا تقول كذا بس عشان ما اروح!؟
زين انصدم من سؤالها :لا والله يا روزاا مب عشان كذاا صح ما تقبلتس بالبداية اعتررف، بسس والله مع الوقت تقبلت بس معرفت اشلوون اصارحتس واعبر لتس والله احبتسس لا تروحيين تكفيين
الرجفة بصوته والصدق كانت كافية بإنها تخلي روزا تغير رأيها :طيب
زين ما صدق انها قالت طيب :تكفيين صدق ما بتروحين
روزا لفت له : لا بروح بس راجعة
زين بحدة :لا ما اخليتس تروحين
روزا :اقولك راجعة مرة ثانيةة
زين :وش يضمن ليي انتس ما ترجعين؟
روزا ناظرت فيه :عمري كذبت عليك؟
زين يناظر لعيونها الي صادقة وقال بإبتسامة :ما كذبتي ولا بتكذبين
روزا ابتسمت :تطمن اجل
زين راح عند شنطتها وفتحها وقعد يرجع اغراضها
و روزا تناظر فيه وهي بداخلها تقول صدق تحبني ولا لانك ما تبيني اروح اخخ منك يا زين احس اني علة عليك وانت مجبور فيني ومرات احس اني مثل العسل على قلبك ابي اعرف الصدق هلكتت
زين حط الشنطة فوق الدولاب بعد ما رجع اغراضها :هيا الحين اشوفتس اشلون تطلعين الشنطة من فوق الدولاب
روزا ضحكت :يعني تحسب مقدر انزله من فوق واحط اغراضي فيهم مثلآ يعني؟
زين قعد يناظر لطولها ولطول الدولاب :ايه صح والله تقدرين
روزا رفعت حاجبها له وهي مبتسمة
زين ابتسم :بس ما تسوينها ادريي
روزا تمشي عنه :شعرفك يمكن اسويها؟؟
زين سكت ورجعت له الشك بقلبه انها ممكن تسويها صدق وتروح والحين سكتته وبس
روزا :احط لك عشى؟
زين صحي من افكاره:هاه؟ لا لا مو جوعان
روزا :اجل بحط الاكل بالثلاجة اذا جعت سخن الاكل وكل وفي شاي برضو اذا بغيت تشرب سخنه واشرب وانا الحين بنام بصحى بدري عشان تاخذني عند اهلي من زمان ما رحت عندهم
زين سكت وهو يفكر بكلامها وكنها قاعدة توصيه وبتروح للابد
روزا راحت المطبخ وشويات ورجعت وراحت تسطحت فوق السرير وغطت نفسها بالبطانية
و زين ناظر فيها لوهلة وبعدها راح للكنبة وقعد وهو يفكرر تسطح فوق الكنبة وهو يناظر السقف
ويقول بداخلها تسويها؟؟؟؟؟؟ ؟
لا لا ماا تسويهاا اشلون بتروح ومين يوديها اصلا
ويرجع يناظر فيها وهو يقول بس عادي تقدر تتصل على اخوها ويجي ياخذها مو مستبعدة!!!
قام من مكانه وراح عند السرير وهو يحط مخدته وبطانيته وقرب من روزا وهو يحط يده بكتفها وهي معطية ظهرها له :روزاا. صاحية؟؟؟؟
روزا صاحية بس ما ردت عليه
زين يهزها :روزييي رز رز رزوزيي قومييي
روزا قامت له بصوت عالي شوي : هااااع
زين بوجه بريئ:ما بتروحين صح؟
روزا:بروح بس برجع مرة ثانيية، والحين خلني اناام ولا تزعجنيي
ورجعت غطت نفسها
زين يبعد البطانية عنها :قولي والله طيب انك ما بتروحين!
روزا تأفتت :والله بروح وبرجع اشبكك
زين ابتسم :خلاص الحين بنام وانا مرتاح
روزا :حلوو ناام
زين غطا نفسه بالبطانية :تصبحين على خييير يا حرمتي
روزا تدف رجله :بعد رجولك عنيي
زين يبعد رجوله :بعدتهم خلااص
ابتسمت روزا وهي تعض شفتها وتقول بداخلها معقولة صدق يحبني وما يبيني ارووح؟؟
و زين غطس بالنوم لانه نعساان هاذا وهو مخطط اليوم بسهر ويفلها بالفلم بس نسى ام الفلم مع روزا

جويريا تدلك اكتاف عنان :عنان
عنان مغمض عيونه :روح عنان
جويريا ابتسمت :فديته عنان و روحه، ابي اطلب منك طلب صغيييير
عنان :عيوني لتس
جويريا تعض شفتها بإبتسامة :ابي تجيب لي خداامة
عنان فتح عيونه :خدامة؟ وش جاب الخدامة ببالتس الحن
جويريا :والله زعلانة على خلود مسكينةة ظهرها يعورها من شغل البييت وفوق ذا كلله انا وحنان تعرف انا عندي طفلة صغيرة وهي عندها بعد مشغولين معهم فقلت حرام لازم نجيب خدامة ما يصيير خلود للحينها صغيرة نكسرها مع شغل البيت
عنان رفع حاجبه :الحين تبين تقنعيني انتس تبين خدام عشاان خلوود؟
جويريا :اييه ليه لا مب خلود زي اختي؟؟
عنان :طيب طيب يصير خير
جويريا كشرت و قعدت تدلك اكتافه بقسوة
عنان بآلم : شوييي شوي علي بتذبحينيي
جويريا :تستااهل لانك
عنان ضحك وسحبها وقعدها جنبه وهو يحط يدها بقلبه :وانا اقدر على زعلتس يعني
جويريا ابتسمت ب شر:يعني موافق؟؟
عنان يبعد شعرها من وجهها :وانتي احد يقدر يقولتس لا
جويريا ابتسمت بفرحة :ويلومووني بحبك ويلومووني بحببك
عنان ضحك عليها وهو يناظرها بعيونه ولا وده يبعد عيونه عنهاا مو مصدق هاذي نفسها الي دخلت المجلس وهي تصارخ جذبته بقوتها وجرأتها الي محد يوصل لها
جويريا تذكرت سالفة خلود وقالت بسرعة :بطلب منك طلب ثاني بس مرررة صغيير
عنان :قولي جعل ما يقول حد غيرتس
جويريا تلعب ب زراره :تعرف زبير؟
عنان رفع حاجبه :ايه؟
جويريا :تذكر يوم جا هو وامه خطبو خلود.
عنان للحين مستغرب :ايه؟
جويريا بخوف من ردة فعله :وقتها امك طردتهم
عنان انصدم:وشو تقولين؟ امي طردتهم؟ لييه طردتهم وليه ما قلتو لي بوقتهاا؟؟
جويريا :يعني وقتها انشغلنا وكذا وبرضوو عشان ما تعصب
عنان يمسح جبينه :الله يهديها دايم تتصرف كذاا وانا اقول الرجال اشبه ما عاد يجي للدكان الله يهديك يا يمه الله يهديييك
جويريا :وانا ما قلت لك الحين الا لانه خايفة تصير بينك وبين زبير مشاكل ولا انا مالي مصلحة اقولك وافتن بينك وبين امك
عنان تنهد :معليه بكره اكلمها واشوف
جويريا :يصير خير بس انت لا تضييق صدرك السالفة ما تستاهل تراا
عنان سكت وهو ضايق صدره من امه واساسآ للحين الشك بقلبه من سالفة تسمم جويريا

جو وليد ومحمد وهم يركضون عشان مين ياخذ اجوان اول
محمد يبعد وليد :اذلف هنااك والله جيت قبلكك جود هاتي اجوان انا جيت قبله
وليد يبعد محمد :انقلع هنااك انا قببل بعددد محمدوو
جود تضحك:شوي شوي ما بعطيكم بنتي وانتو كذا تتهاوشون لا تعورونها
محمد كان يبي يشيلها بس دفه وليد وشاله هو
اسيل صفقت :كفوو هاذا زوجيي الذييب
الهنوف راحت عند محمد وهي تقومه لانه طاح فوق الكنبة :بسم الله عليك حبيبي تعورت؟
محمد قام وهو يسب وليد :كل تبنن انا اخوك الكبيير استح على وجهك
وليد شايل اجوان ومبتسم له بنذالة
دخل ابو محمد بهاللحظة وهو يدور بعيونه بنته واول ما شافه بحضن وليد جا بسرعةة وهو يشيله من حضنه وهو يقول : يا حبيبة ابوهاا يا روح ابوهاا
محمد ضحك على وليد وهو يقوم يروح عند ابوه ويبوس راسه :كيفك يبه عساك طيب
ابو محمد :حتى ولو مو طيب اطيب لما اشوف هالوجه الزين بسم الله عليهاا حبيبة ابوهاا
وليد وقف جنب ابوه وثلاثتهم يناظرون لاجوان الصغيرة الي خطفت قلوب كل الي بالبيت
وجود تناظرهم وهي الفرحة مو سايعتها اكتمل فرحتها مع ابو محمد بعد اجوان وش تطلب من الدنيا اكثر من كذا
وليد :يبه
ابو محمد لف له :هلا يبه
وليد بإبتسامة عريضة وهو يأشر على وجهه :تشبهني صح؟؟
محمد يناظره :قال تشبهني قاال انت شايف نفسك بالمراية؟
ابو محمد قعد يضحك وهو يقعد فوق الكنبة : ما تشبهك لا انت ولا هو تشبه لامهاا
جود استحت
اسيل :ايه بتطلع مزيونة زي امها ان شاء الله
ابو محمد : اقول قومو من جنبي وروحو جيبو الاغراض الي جبته خليتهم عند الباب
وليد يقوم:ابشر
وقام محمد وراه عشان يدخلون الاغراض
وجود قامت وقعدت جنب ابو محمد وهي تناظر لاجوان بإبتسامة وابو محمد ناظرها بإبتسامة
ما توقع بعد كل هالسنين ربي بيرزقه بالبنت الي قطف قلبه عليها بكل السنوات الي مرت
والهنوف حطت راسها بكتف اسيل وهي تقولها بشويش :يممه ابي بزر يا نااس
اسيل تناظرها بنص عين :روحي جيبي من ماسكك
الهنوف :ربي يرزقنيي طييب ادعي لي تكفين
اسيل ضحكت لها :طيب ابشري من عيوني
الهنوف تمسح بكتفها بحنية :والله انتس طيبة وحبيبةة صح مرات تغثين بس قلبك طيب والله
اسيل ابتسمت لها

سعود توه خلص من قيام اليل وسلم
وهيام واقفة وتهز في ياسر الي تقريبآ نام
سعود اشر لها تعالي وهو يستغفر بصوت واطي
هيام راحت عنده لانه بعد قيام اليل يقرأ عليها وعلى ياسر
وقعدت قدامه فوق السجادة وهو بدأ يقرأ
وهي عيونها فيه تتأمل ملامحه حركاته وتصرفاته كل شي فيه يحبب الواحد فيه وتسأل نفسها معقولة في انسان زي كذا بهالزمن
ارتسمت الابتسامة بوجهها وهي تشوفه ينفخ بياسر
وبعدها نفخ فيها هي
وهي للحين تتأمل فيه
خلص سعود ومسح ب راس ياسر بحنية وهو يقول بضحكة :نوميه بسريره لا يصحى الحين ويسهرنا معه
هيام هزت راسها وقامت ونومت ياسر بمكانه وسعود قام وهو يطبق السجادة وتوجه بعدها لسرير
وهيام فصخت جلالة الصلاة وراحت للسرير هي بعد
سعود لف لها وهو يقول بإبتسامة :هاه جاهزة بكره تبداين؟
هيام ابتسمت :ايه طبعآ جاهزة
سعود ابتسم وتسطح وهو يغطي نفسه بالبطانية
هيام قالت بتردد :سعود
سعود لف لها :هلا
هيام ناظرت لاصابعها :شكرآ لك
سعود رفع حاجبه :على وش تشكريني؟
هيام:على كل شيء
سعود :معني ما سويت شيء بس العفو
هيام :لا صدق انت سويت وسويت واجد ما قصرت معي ولا مع ولدي ياسر واولهم الي سويته انك تزوجتني ورضيت فيني وبولدي وهاذا الشيء محدن يسويه بهالزمن وتحب ياسر وكنه ولدك واكثر بعدد
سعود ابتسم :صدقيني اني ما سويت شيء وياسر مثل ولدي واكثر والي قاعد اسويه يسويه اي واحد بمكاني ولا عاد اسمعتس تقولين كلام زي كذا لاني بزعل منتس ياسر ولدي وانتي حرمتي وهاذا واجبي
هيام ابتسمت له وهي تحس بدت تميل له وتحس انه العوض من ربي واساسآ اي شخص بمكانها ب يحب سعود لانه انسان يخليك تحبه غصب عنك
سعود :ويالله الحين نامي عشان بصحيتس الفجر
هيام مبتسمة :طيب

في صباح اليوم الثاني
ام عنان قاعدة تشرب شاهي علت صوتها وهي تقول :دلكي النحاس زي النااس خلها تنظف وادخلي بعدهاا شوفي المجلس لو ثامر راح و وسخه اخبر فيييه يعاندنيي مثل امه
وجويريا تنشر ملابس شموخ :لا ما اصدق حنان تعاندتس؟؟ هي مسكينة ما درت عنكم
ام عنان :انتي محد كلمتس خليتس بحالتس انتي وبنتس
جويريا :ايه قلت الحق ما عجبتس يعنيي
ام عنان :خلي الحق لتس انتي ما نبيهاا
جويريا تاخذ السلة :ايه زين
مشيت للمطبخ وخلود اول ما شافتها تركت الي بيدها وهي تنشف يدها بالمنشفة الصغيرة :جويير تكفيين
جويريا تحط السلة فوق الطاولة :ادري ادري وش بتقولين معليتس مفكرة لتس بكل حاجة
خلود بفرحة :احلفي؟؟ طيب وش بتسوين تكفين مابيي ولد هذيك ابغى زبير
جويريا :معليتس انتي تكشخي وسوي كل الي يلزم والباقي خله عليي انا انا اتصرف
خلود بخوف :طيب قوليلي عشان اتطمن
جويريا :افاا ما تثقين فينيي؟؟
خلود:لا والله اثق فيتس وخلاص سوي الي تبينه اهمشي انهم ما يقبلون
جويريا :من ذا العين قبل ذاا
خلود :ويلوموني بحبتس يا شيخة
جويريا :وابشرتس يا خلوود
خلود :وش بشريني والله محتاجة بشارة اروق من صباح ربي قوولي
جويريا :تخيلي عناان وافق نجيب خدامة كلمته امس
خلود :احلفيي؟ تكفين واافق يعني خلاص بفتك من شغل البييت؟؟ لا ما اصدقق
جويريا باإبتسامة:اييه بتحطين انتي رجل على رجل وهي تشتغل عنتس
خلود :اح واخيرآ بجرب اكون اميرة
ام عنان بصوت عالي :خلود يمه خلصتيي؟؟ اذا خلصتي روحي المجلس تكفين
خلود :ابشريي يممه
مشيت خلود وجويريا ابتسمت ب شر وطلعت برا وهي تمشي للتليفون رفعت السماعة وهي تدق في دكان زبير رنة رنتين وجاها الصوت
زبير:السلام عليكم
جويريا :وعليكم السلام دكان ال****
زبير:ايه تفضلي اختي
جوي ابتسمت :ابي اطلب صحن معجنات وصحن حلويات وما اوصييك تغلفهم زي النااس عشان في ناس جاية تخطب وما نبي نتفشل عندهمم
زبير :صحن معجنات وصحن حلويات تم هاتي العنوان يا اختي
جويريا مبستمة :مافي داعي اعطيك العنوان تعرفه انت بيت عنان
سكت زبير للحظات وهو يستوعب
جويريا تلعب بالسلك وهي مبتسمة :عرفته؟؟
زبير:هاه ايه ايه عرفته
جويريا :زيين لا تتاخر عليناا جايين نااس يخطبون اخت عنان وما نبي نتفشل قداامهم
زبير بان الضيق بصوته :ان شاء الله
جويريا :مع السلامة
زبير:مع السلامة
ونزلت السماعة وهي تقول انا سويت الي علي والباقي عليك انت لو تحبها بتقنع امك مرة ثانية وتخطبها وانتي وحظتس يا خلود
ومشيت وهي تغنيي

هيام وسعود خلصو واخيرآ من الفجر وهم الاثنين يقرأون وسعود يحاول يحفظ هيام الي مع الايام نست السور
سعود حط القرآن فوق الطاولة
وهيام قامت عشان تجيب لهم موية
وبهالحظة دق جوال سعود طلعه من جيبه وهو يشوف اسم ابو فيصل رسم ملامح الاستغراب بوجهه وهو يقول خير ان شاء الله ورد
ابو فيصل :السلام عليكم ورحمة الله وبركاته
سعود ابتسم :وعليكم السلام كيفك عمي اخبارك عساك طيب
ابو فيصل :والله الحمدلله والشكر لله بخيير وانت كيفك اخبارك وكيف اخبار ياسر الصغير وبنتي هيام
سعود :الحمدلله كلهم طيبين
ابو فيصل :اسمع
سعود:سم
ابو فيصل :تقوم الحين وتقول لحرمتك تجهز نفسها وتجي عندي بسرعة
سعودد :خير صاير شيء عمي؟
ابو فيصل :مو صاير شيء يا ولدي مو صاير الا كل خير بس جيبها معاك والحين
سعود:ان شاء الله عمي ان شاء الله
قفل ابو فيصل ورجعت هيام وهي تمد الموية لسعود
سعود :اقولتس هيام
هيام: سم
سعود: سم الله عدوك، عمتس توه اتصل ويقول خلي هيام تجهز نفسها وتجي الحين
هيام حطت كاسة الموية فوق الطاوله وقالت بخوف :ما قالك ليه؟
سعود:سألته وما جاوبني بس ان شاء الله كل خير قومي جهزي نفستس عشان اخذس
هيام انشغل بالها :حاضر الحين اجهز نفسي

اسيل قاعدة بالصالة لوحدها وبحضنها اجوان تلعب معها ناظرت حولها مافي احد وابتسمت ب شر وقربت وهي تشد خدود اجوان الي اول ما شدت خدودها بكت وليد جا بسرعة وهو شافها يوم شدت خدودها وقال بشوية عصبية :مهبولة انتي تشدين خدودها للحينها صغيرة عشان تشدين خدودهاا يا ويلتس من جود الحيين بتذبحتس
اسيل عطت اجوان لوليد وهي تبكي
وليد شال اجوان منها وهو منصدم ليه تبكي وقال بسرعة :خلاص شدي خدودها بس لا تبكيين ليه تبكين الحيين
اسيل : جود الحين بتعصب علي
وليد سكت اجوان وهو يقول :خلاص ما بقولها لا تبكيين مسحي دموعتس
اسيل مسحت دموعها:صدق مابتقولها
وليد :ايه خلاص بيني وبينتس وها سكتت اجوان نقولها بكت من نفسها
جت جود وهي بيدها الجوال وتنادي اسيل :اسيييل يا اسيلووه
اسيل تخبت ورا وليد : يويليي شكلها سمعتنااا
جود دخلت الصالة :هاه انتي هنا اتركي الي بيدتس وقومي بسرعةة وتجهزيي
اسيل استغربت :يمه وين؟
جود :لبيت عمتس يالله بسرعةة عمتس قال تعالو كلكم الحين الحين
اييل استغربت :ليه؟؟ وش يبي فيناا؟؟
جود :ما ادري والله بس بلاا كثرة حكي وقومي بسرعة اعرفتس تتأخرين
اسيل :طيب طيب رايحة
جود :هات اجوان بغير لها واخليها مع الهنوف مو لازم اخذها معي
وليد مد اجوان لها :هاه تفضلي
جود راحت وهي تتكلم معها بنتها :جوعانة يا روح الماما هاه جوعانة يا قلبيي عشان كذا كنتي تبكين ابشري يا عيوني الحين اعطيتس حليب
و وليد عض يده وهو يقول الحمدلله ما سألتني

نهاية البارت
يالله مع السلامه اشوفكم بالبارت الجاي باذن الله
تشاوووو
ههه