رواية من حضرتك عشان قلبي تذله الفصل الثالث والأربعون 43 - بقلم ام عوض

وصلو هيام وسعود البيت وهي ساكتةة وتفكر لدرجة ما حست انهم وصلو البيت
سعود استغرب وعقد حواجبه منها ومد يده وهو يلمس كتفها :انتي بخير يا هيام؟
هيام فزت من لمسته وقالت :ايه بخير بس شردت شوي
سعود :سلامتس ب وش شردتي في شيء صاير؟
هيام سكتت للحظة وهي ترجع لها كلام جويريا
سعود :لا تخوفيني يا هيام تكلمي
هيام تنهدت :تطمن مو صاير شيء بس كنت افكر بالكلام الي قالته اختي عن عمي وخالي واحس صدق كلامها بكل حرف قالته عمي ظلمنا واجد والي سواه ما يغتفر هاذا غير عن الي سواه قبل يموت ابوي الله يرحمه
سعود :مهما كان الي سواه يا هيام دام الحينه ندمان سامحوه واجركم لله وانا لاحظت تغييره هاذا  يا هيام وصاني عليتس واجد وعلى ياسر كان يوصيني عليكم وهو خايف
هيام ناظرت لياسر الي نايم بحضنها :تغير بعد ما ولد ياسر
سعود :مهما كان الانسان قاسي وصلب مع مرور الزمن القسوه هاذي تطيح
هيام :وانت صادق
سعود :يالله ننزل
هيام :يالله
نزلو اثنينهم ودخلو البيت وهيام نومت ياسر بمكانه وهي فصخت عبايتها وعلقته بمكانه ورتبت المكان شوية
سعود جا وهو ينزل كمه لانه توه توضى:نصلي العشا مع بعض لانه فاتني بالمسجد كنت بالطريق
هيام:طيب بس ثواني اتوضى واجي
سعود:طيب احتريتس
راحت هيام وتوضت ورجعت وكان سعود فارش السجادات وهيام لبست جلالة الصلاة وبدأو اثنينهم الصلاة وبعد ما خلصو لف سعود لهيام وهو يقول :اقري آية الكرسي والمعوذات الثلاثة
هيام ابتسمت لانه يذكرها بعد كل صلاة :طيب
بعد ما خلص هو لف لها وقال :خلصتي؟
هيام:ايه
سعود :سبحان الله والحمدلله و الله اكبر كلهم ثلاثة وثلاثين مرة
هيام :طيب
راح وقعد قبالها وهو يرفع يدها :وعشان ما تتخبصين اقريها باصابعك وما تضيعين وتنسين كم قريتي
وقعد يعلمها ويقولها بين خطوط أصابعك كلها اقريه وثلاث زيادة
وهي تناظر فيه بإبتسامة ولا ودها انه يخلص
سعود :فهمتي الحين؟
هيام نزلت نظرها :ايه فهمت
سعود ابتسم لها وقام وطبق السجادة حقته وراح عند سرير ياسر عشان يقرا عليه
وهيام كملت تقرا وبعدها قامت وطبقت سجادتها وهي تحس براحةة ومبتسمة
سعود خلص القراية على ياسر ونادا هيام
هيام راحت وقعدت جنبه تدري انه عشان يقرا عليها
وفعلآ بدا يقرا عليها وهي تناظر فيه والابتسامة مو راضية تفارق شفايفها يوم عن يوم تحب وتتعلق بسعود اكثر بس بنفس الوقت الخوف كل ماله يكثر بقلبها انها تفقده مثل ما فقدت تميم مو واثقة بالقدر

الهنوف جابت صينية القهوة وحطته فوق الطاولة وقعدت تصب لجود واسيل وهي ترفع كمها كل شوية عشان يشوفون ذهبها الي جابه محمد لها
جود تمرجح سرير اجوان وهي مبتسمة
واسيل بيدها الكتاب
الهنوف مدت الفنجان لجود :تفضلي يروحي
وتحرك يدينها عشان يسمعون الاصوات
جود لاحظت  وضحكت عليها
بعدها مدت الفنجان لاسيل :تفضلي
اسيل قفلت الكتاب ومدت يدها وهي تاخذ الفنجان من يدها وشافت البناجر وفطست ضحك  :وانا اقوول وشذا الصوت الي صرعني من الصبح طلع صوت بناجرتس
الهنوف تتدلع:اييه جابهم رجلي حبيبيي
اسيل :حبيبتي انبعد جابلي وليد خاتم ذهب وعندي طقم ذهب بعد وبنجرتين وسلسالين
الهنوف :كل ذا وما قد شفت بيدتس ولا رقبتس شيء
اسيل توريها الخاتم :وهاذا وشهو يا روحي
الهنوف تناظر خاتمها :الله ذا ذهب والله حسبته ابو ريالين
اسيل تناظرها بحدة :احترمي نفستس انتي الي ابو ريالين
جود تبعد شعرها من وجهها :وانا ما البس الا السلسال ما احب باليد
الهنوف ناظرت سلسالها :صدق ايه ما لاحظتس لابسة بناجر او خواتم طلع لأنتس ما تحبين وانا عبالي يمكن معندتس
اسيل تناظرها بنص عين :حبيبتييي اذا انا وياتس خذينا عيال الحكومة هي خذت الحكومة نفسه عندهاا اكثر مني ومنتس تراا بس تخااف نصقها عين ما تلبسهم
جود ضربتها :استحي على وجهتس تقولين عن ابو محمد الحكومة بعدين ايه عندي ما قلت ما عندي بس ما احب البس
الهنوف :ايه ويوم ولدت جاب لها طقم ذهب ما شاء الله
جود :شكلو صدق بتصقوني عين
الهنوف:قلنا ما شاء الله
قاطعهم صوت رنة الجوال طلعتها الهنوف من تحت المخدة الي وراها وهي تناظر الاسم
اسيل :يمه جوالي ذا هاتي من يتصل؟
الهنوف عقدت حواجبها وهي تقرا الاسم :مين؟ الشااارع؟؟؟ منهو ذاا الشاارع
اسيل :اييه ذا وليد هاتي افصله بوجهه احسن يستاهل محد قله يزعلني
الهنوف و جود ناظرو بعض وفطسو ضحك
اسيل تناظرهم بإستغراب :اشفي تضحكون؟
الهنوف :الحيين من صدقتس رجلتس وليد مسميته الشااارع لا عاد هاذي ما صارت قبلل
جود للحين تضحك :هاذا لانه كنا بالسيارة وشافت انه مسميها هو البيت وتوعدت عليه بس ما توقعت تسميه الشارع صدق مهبولة هههههههههههههههه
اسيل :احسسن لاني قاعدة  بالبيت مسميني البيت هو بالشارع عشان كذا سميته الشارع
جود :لا لا صدقق مهبوولة والله خايفة بكره لا جبتي بزران وش يصير فيهم من هبالتس يموتون من اول يوم
اسيل :اصلا من قال بجيب بزران
جود تضحك:نفس كلام جويريا هههههههههه
الهنوف :ولا كنها ذي نفسها الي قبل كم يوم جت وهي تقول حامل ومستانسة
اسيل :هين الهنوف تطقطقين علي اجل هين بس لا اضرب سوسو حقتس "قطوة الهنوف"
الهنوف :زيين وتشوفين وش بسوي في عيالتس الي بغرفتس معلقتهم فوق تحسبي مقدر اوصلهم
اسيل :يدتس هاذا اكسره لو تلمسين عيالي
الهنوف :ماا لمستهمم لاكن لو لمستي سوسو لتس مني الي ما يسرتس
جود :خلاص انتي وياها بتصحون بنتيي بعدين اقعدكم انتو الاثنين معها وانا اروح انام
قاطعهم وليد وهو داخل ويقول :السلام عليكم
الهنوف وجود لبسو طرحاتهم بسرعة :وعليكم السلام
وليد :وينها اسيل وراها ما ترد بجوالها
اسيل كانت قاعدة بكرسي فهو ما شافها رفعت يدها :انا هنا
وليد: اتصلت عليتس ليه فصلتي بوجهي
اسيل تناظر الكتاب :لانك تستاهل
وليد ابتسم ب شر  :ايه زين اتصلت عليتس عشان اسالتس لو تبين اجيب لتس كنافة معي بس دامتس ما رديتي ما شريت لتس
فزت اسيل وهي تقول :صدقق
الهنوف وجود فطسو ضحك عليها وهي قامت بسرعة وهي تروح عند وليد :تكفى وليدد  والله احببك و ترا طاح الجوال من يدي وفصل مدري كييف الجوال شكله فييه خلل
وليد رفع الكيس عشان ما تاخذه :ايه ما شاء الله فصل بنفسه اول مرة ادري انه الجوال يفصل بنفسه
اسيل تنط عشان تاخذ منه الكيس :تكفى ولييد والله احس مشتهيةة كناافة
وليد يمشي عنها :ايه خلي الطيحة هذيك تجيب لتس كنافة الي مشتهيتها
واسيل تلحقه وهي تقول تكفى
والهنوف وجود يضحكون عليها

زين واقف قدام البيت وطلع عطره وبخ نفسه وبخ السيارة ورتب شعره وثوبه وهو منتظر روزا تجي ويحس كنه ذي اول يوم لهم
وروزا بالداخل تودع امها
ام عنان :هاه ما اوصيتس يمه زي ما قلت لتس تروحين عند الشيخ وتخلينه يقرا عليتس دعاء العين والحسد اندري هاذي عين هذيك وبناتها لانه بنتها ما تزوجت زين وانتي تزوجتيه عينها عليكم من يوم تزوجتو عشان كذا للحين ما حملتي
روزا تنهدت من توصيات امها :ان شاء الله يمه
ام عنان :يالله يمه لا تتاخرين على رجلتس
روزا:مع السلامة يمه
ام عنان باستها:مع السلامة يا قلبي
وابتسمت روزا وطلعت برا وهي تاخذ نفس بتوتر وكنه اول مرة رايحة فبيت زين
مشيت بخطوات ثقييلة وركبت السيارة و زين قال ب لهفة :مرحباا يا الي تحرييتس عمر
ابتسمت روزا بخجل :اهلين فيك
زين يناظر فيها بإبتسامةة وهو مو مصدق انه بيبدأون حياة جديدة هم الثنتين مع بعض
روزا توترت من نظراته :يالله حرك
زين لف نظره للطريق وهو ياخذ نفس :تصدقين ما ودي ابعد نظري عنتس لأنتس لوحة جميلة ما وده العين يبعد نظره من جمالتس
روزا توترت زيادة وشي طبيعي منها لانها ما تعودت على زين الرومانسي تعودت على زين الي يحارشها ويخالفها الرأي بكل شيء
و زين عرف انها توترت واستحت وابتسم لها لانه هو اصلا منصدم من نفسه كيف مو قاعد يحارشها زي كل مرة
وصلو البيت واخيرآ ونزلو اثنينهم ودخلو البيت
و روزا على طول راحت الحمام "وانتو بكرامة" وهي تطالع نفسها بالمراية وتبتسم وتقول معقولة ذا زين الي اعرفه لا لا اكيد في احد لاعب بالاعدادات هاذا نفسه الي يحارشني كل شوية؟؟ :معقوولة؟؟
و زين قعد فوق الكنبة وهو يتذكر اول يوم لهم كيف كانت مشابهة لذا اليوم دخلو اثنينهم وهي توجهت الغرفة وهو قعد بالصالة وتفرج التلفزيون
ضحك على الذكرى ومسك الريموت وفتح التلفيزون وتوسعت ابتسامته وهو يشوف نفس الفيلم الي انعرض بذاك اليوم حط يده بعيونه وهو يسنده بالكنبة ويضحك ويقول كنه الزمن قاعد يعيد نفسه والله
طلعت روزا واخيرآ وهي تحس جديد عليها زين الرومانسي
طلعت برا وهي تشوفه قاعد قدام التلفزيون كشرت وهي تقول ما بغيت اصدق انه تغير ورجع يتفرج في الرعب حقه ماالت
وقالت :احط لك عشا؟
زين لاحظ لها وقام :لا مو جوعان تعالي اقعدي هنا
راحت روزا وقعدت جنبه بس بمسافة وهي عيونها بالتلفزيون بس زين يتأمل فيها وقال وهو مبتسم :تصدقين ذا الفلم نفسه انعرض في يوم زواجنا
روزا :صدق؟
زين :اييه
روزا :هاذا الفلم الي تركتني عشانه بيومها اجلل
زين ابتسم ابتسامة نذلة :ليه كنتي تبيني انام معتس بيومها
روزا لفت له :ايه عشا "وسكتت يوم شافت ابتسامته وعرفت وش يقصد" لااا مب قصدي كذاا استغفرالله خلاص انسى وش قلتت
زين ضحك وقرب منها وهو يقول :تكفيين ارجعي قولي احبتس احس مو مصدق واخيرآ قلتيهاا كني بحلمم والله
روزا تجرأت واخيرآ وقالت :منتى بحلم يا زين صدق
زين بعد خصلات من شعرها بحنية :والله احبتس وامووت فيتس احبتسس اكثر من اي شيء ثاني ودي كذاا اترك العالم كلهه واعيش بقلبتس انتيي المفروض اصلي صلاة شكر لأنه ربي كتبتس من نصيبي احبتسس احبتسس  يا الهنوف والله احبتسس
روزا استحت وفجأه تداركت الاسم الي قاله وناظرت فيه بجدية :وش قلت؟؟؟؟؟
زين توه يستوعب انه نطق الهنوف مب روزا وسكت لثواني وبعدها ضحك وهو يقول :لا ماااا قلت شيء قلت احبتس
روزا تعدل جلستها وقالت بنبرة عصبية  :لاا سمعتتك قلتت اسم الهنوف
زين ضحك وهو يضرب فخذ روزا بخفة :ما سمعتي زيبين شكلتس كنت اغنيي الشيلة هذيك  الي تقول وكم الهنووف قاالت ياا لييتني مكانهاا
روزا تقوم من عنده  :تبغاني اكذب اذوني وأصدقك الحين يعنيي  اذلف بسس
زين قام بسرعة وراها :روزا حبيبتي والله احبتسس مدري اشلون طلعت من فمي وقسمم كنت بقول روزا بس قلت الهنوف الشيطان وسس لي ولا حاجة زي كذاا  استهدي بالله ولا تخلين الشيطان يخرب بيننا
روزا ضحكت بإستهزاء: الشيطان قاعد ويصيح بزاوية من كذبتك يا زيين
زين :تكفيين والله احبتتس لا تخلين اول يوم حب بيننا تسذا
روزا :حبك القرد والبرص ضف وجهك الغلط مني انا مقابلة وجهك المخيس اذللف بس
زين :طيب الحين زعلتي لاني نطقت اسمها بالغلطط والله ترا ما يستاهلل بعدين هي صفحة سودا وشقيتها ليه ترجعينها لحياتنا
روزا :قال صفحة سودا قال شكلي انا هي الصفحة السودا بحياتك اصلا تدري ما الومها هربت بيوم زواجكم على الاقل افتكت منك ومن وجهك المخييس
سكت زين وما رد على كلامها و وهلة و تداركت الي قالته ولفت له ببطئ وهي تقول :والله مكنت اقصدد
زين رفع اصبعه بمعنى ولا كلمة :خلاص وصل الي كنتي تبين توصلينه
ومشي من عندها وهي قامت وراه بسرعة :زيين والله مكنت اقصد آسفةةةةة والله آسفة مدري اشلوون طلعت من فميي بس والله لحظة غضب وطلع من لساني بدون لا يسمع اذني وش اقول تكفى لا تزعلل وقسم ما يهون علي زعلك
زين راح الصالة وقعد فوق الكنبة ومسك الريموت وهو يبدل بالقنوات وروزا قعدت عنده وهي ندمانة من الكلام الي طلع منها مسكت يده بترجي :تكفى لا تزعل وقسم ما قصدت
زين بداخله مستانس انها قاعدة تترجاه وما هان عليها زعله واصلآ ما زعل لأنه مرت على السالفة واجدد ونساها وتخطاها وما صارت تحز بخاطره زي قبل
روزا حطت راسها بحضنه :والله احبك يا زيين بس مدري وش صاار لي يوم ذكرت اسمها ب لسانك الشيطان الي وسوس لك انك تقول اسمها نفسه وسوس لي اني اقولك كذا ولا انا ترا والله ما يطلع مني كلام زي كذاا لو بودي اخبيك بقلبي من العالم كله معقولة تهق اني اجرحك قاصدةة يعني
زين ابتسم وهو يحس ما يقدر على ذا الكلام الحلو
روزا قامت من حضنه وقالت بصوت شوي عالي :وانت بعد زودتهاا معي ما لحقت افرح لانك اعترفت لي الي بقلبك تقوم تقول اسمها وتخرب علييي
زين يأشر على نفسه :و رجع الغلط علي مرة ثانية يعني؟
روزا :ايه الغلط عليك اصلا بس مدري اشلون صارت علي انااا
زين :يعني انتي الحين زعلانة
روزا قعدت في ركن الكنبة وهي تناظر التلفزيون :ايه
و زين :رجع نظره لتلفزيون وهو يقول :طييب براحتسس
و روزا قعدت تتفرج وهي منقهرة
و زين يناظرها كل شوية وهو يقول بداخله اف ليتني رضيت بوقتها وش الي خلاني اكااابر يا ربيي استااهل محد قلي كابر شوية الله ياخذ الشيطان
وناظر فيها شافها مو مهتمة وتتفرج
وبحركة سريعة منه نط وقعد جنب روزا وبعدها لف نظره لها وهو يقول بلا مبالاة :ليه جيتي جنبي ما قدرتي تستحملين بدوني هااه
روزا ناظرته وضحكت بعدم استيعاب : ههه لاا شكلك. تمزح معي انا الي نطيت عندك ولا انت
زين :انتي الي نطيتيي انا من يوم جيت وانا قاعد هناا
روزا :طيب بسيطة انا بقوم وانت خلك قاعد هنا
وقبل تقوم وقفها  زين وهو يقول :لاا اقعديي تكفيين
روزا ابتسمت ب نصر ورجعت قعدت
زين :خلاص انا بنسى الي قلتيه وانتي انسي الي قلته معنه كلامتس جرحني بالعميييق  بس لانتس غاالية بسامحتس هالمرة
روزا ابتسمت لانه ما طولت اول خصام بينهم :تمم
و زين رجع قعد جنبها ومسك يدها بحب وهو مبتسم وضمه لصدره وهو للحينه يحس نفسه بحلم وهاليلة غييير عنده عن كل اليالي اليوم اعترف بحبه لروزا الي ابد ما توقع بيوم انه يتقبلون بعضهم كازواج ومميز اليوم لانه اول ليلة لهم وكل واحد يعرف بشعور الثاني والي حلاها اكثر هوشتهم الصغيرة الي ما طولت وتصالحو بسرعةة

عنان دخل البيت وهو داري اليوم صاير في هوشة بالبيت لانه الجيران دقو عليه وقالوله في اصوات عالية فبيتكم لو سمحتو وطو اصواتكم
دخل ما لقى احد بالحوش توجه لغرفة امه
فتح الباب وشافها قاعدة فوق السرير وتشرب شاهي
ويوم شافته حطت فنجان الشاي بالصينية وهي تقول :شرف ابو حرمتيين تعال حبيبييي واسمع فضايح حرمتك الي تعزها وتحبهااا
عنان :ادري يمه ادري بكل شيء
ام عنان :يعني رحت وخذيت العلم منها قبل امك ايييه مهو من يوم تزووجت وانت بصفهاا وحبة وحبة شفتك سحبت على امك المسكينة الي مالها بهالدنيا الا ولدهاا بس وش نقوول الله فووق وما يضيع حق احدد
عنان يحس طفش من ذا الكلام وهو فعلا طابت خاطره وتغير على امه بعد سالفة التسمم وسحب عليها حبة حبة وقدرها  عنده ما صار زي قبل :يمه تكفيين خلااص اندري جوير ما تقصر بالمشاكل معتس بس من هاذي الناحية انتي بعدد مو مقصرةة ،وعلى كل صغيرة وكبيرة اشوفتس تكبرينهاا وتزودينها حطبب
ام عنان تقوم من مكانها :انا امكك تقولي ذا الكلاام
عنان :هاذا الصدق يا يمه "وسكت شوي وبعدها قال" و دعاويس لبنتي وهي ببطن امها مانيب ناسيها يا يمه للحينها تترادد في اذني كنه امس سمعته مب مر عليه شهور
ام عنان سكتت هنا وما قدرت تنطق بهاللحظة
الي قاله عور قلبها
عنان تنهد ولف وجهه عشان يمشي
بس وقفته صوت ام عنان وهي تقول :عنان
قاطعها عنان : تكفين يمه لا تقولين شيء، بقلبي عليتس شك لا تخليه يزيد نار بخلي ذا الشك بقلبي حتى لو هي جمر تحرقني لاني مابي اصدقهاا
وتنهد وبعدها مشي وخلا امه وراه وهي ندمانة على الي سوته بحركاتها المتهورة
نزلت دمعتها وقعدت فوق السرير بإنكسار
ودخلت خلود بهاللحظة وهي مستغربة انه عنان كان عندها وبذا الوقت وانصدمت يوم شافت امها تبكي وجت عندها بسرعة وهي تقول بخوف :يمه اشفيتس ليه تبكيين
ام عنان مسحت دموعها :لا يمه مافيني شيء
خلود :يمه عنان قلتس شيء يزعلتس؟
ام عنان ناظرتها وحطت يدها بخد خلود بحنية :يمه والله انا احبكم ما عندي بالدنيا احد الا انتم ابي من من الدنيا  الا سعادتكم وفرحتكمم
خلود ناظرتها وابتسمت لها ب حب :صدق ؟
ام عنان :ايه يا يمه الام وش تبي اكثر من انه يكونو عيالها مستانسين وفرحانين
خلود ترددت في الي تقوله بس تشجعت وقالت :طيب  وانا  سعادتي عند زبير يا يمه ويشهد علي ربي اني احبه يا يمهه احبه من كل قلبيي وابيه بالحلال وان حاولتي تزوجيني غيره  والله بذبح نفسييي
ام عنان قالت بسرعةة :بسم الله عليتس يا يمه بعيد الشر عنتس
خلود ضمت يدها بترجي :طيب تكفيين يممه وافقيي اذا جو مرة ثانية وافقيي ولا تسوين مشااكل هي خصام بينكم صارت من زماان وخلص انسو الي صار وارجعو زي قبل اصحاب واحباب
ام عنان تنهدت :يصير خير يمه يصير خير، قومي شيلي الفناجيل وتعالي ننام عشان نصحى بدري
خلود ابتسمت وقامت تسوي الي قالته عليه وهي مستانسة انه تكلمت مع امها بشيء زي كذا

عنان صعد عند حنان بس ما قدر ينام عندها لانه قصي كان يبكي ف طلع من عندها و توجه عند جويريا الي كانت تمرجح بنتها ويوم شافته رجعت نظرها لبنتها وهي تقول :شموخي يا حبيبةة امتس قولي لابووتس يرجع من مكان الي جا منه لأني مانيب طايقة اشوف رقعة وجهه
عنان ابتسم لزعلها وقرب من سرير شموخ :شموخ يا حبيبة ابوها قولي لامتس انه ابوي يعتذر منتس ويقولتس آسف و ما يعيدهاا
جويريا قامت من عنده ب زعل :حط آسفك بجيبك مانيب حاجتهاا
مسك يدها عنان :تكفين جويريا مقدر انام وانتي زعلانة منيي
جويريا لفت له وهي ترفع حاجبها له بدهشة:والله؟ ما تقدر تنام لاني زعلانة؟؟؟ ولا من ازعاج ولدك؟
عنان سحبها عنده :خلاص جوير لا تطولينها وهي قصيرة تكفين
جويريا :ضف وجهك بس تصارخ علي وانا مب ناقصني الا صراخك مدري القاها من عمي ولا من خالي ولا من رجليي السنع والزيين
عنان :آسف يا جوير والله آسف وش اسوي عشان ترضين
جويريا قعدت لثواني وهي تفكر
عنان لقاها :تبين ذهب؟
جويريا تناظره بإنبهار :تفهم والله
عنان :ابشريي من عيونيي يا جويير كم جوير عندي انا
جويريا :بس مب ليي اناا
عنان :تبين لمنهو طييب؟
جويريا :ابي لبنتنا شموخ
عنان ابتسم :فديتهاا حبيبة ابوهااا تستاهل الي اكثر من الذهب والله
جويريا :ابيك تشتري لها حلق كذا صغار وحلوين 
عنان :ابشري من عيوني الثنتين
جويريا تفكر:ولا اقوولك اشتري لها سلسال احسن من الحلق
عنان :ما طلبتيي
جويريا ابتسمت :زيين هالمرة رضييت بس عشان بنتي بس المرة. الجاية ما برضى بالسهولة تفهم ولا لاا
عنان:افهم يا بعده افهمم
جويريا تلف وجهها عنه :زيين يكون الدقة لك عشان ما تعييدها

هه

نهاية البارت
اشوفكم بالبارت الجاي باذن الله
وترا البارت حق اليوم طوييل 2760 كلمةة رضاوة للسحبة الي صارت امس

تشااوو