رواية من حضرتك عشان قلبي تذله الفصل الرابع والأربعون 44 - بقلم ام عوض

اسيل راحت لجامعتها والهنوف شافتها فرصة عشان تاخذ عصافيرها وتلعب معهم حطت الكرسي ونزلتهم من فوق وهي تقول بإبتسامة :بطلعكم شوية برا تشمون هوا نظيف احسن من انه يجيكم عقدة نفسية بذا الغرفة الي حابستكم فيه ذي المهبولة اسيل
نزلت وطلعت ل صالة وحطت القفص فوق الطاولة جت جود بهاللحظة وهي تعقد حواجبها :وش جاب عيال اسيل هنا
الهنوف بإبتسامةة : انا جبتهم الصراحة احب العصافير بس ذي اسيل لو تموت ما تخليني المسهم شفتها اليوم فرصة اخطفهم شوية
ضحكت جود :ايه العبي معهم بس لا تنسي ترجعينهم مرة ثانية لانها لو شافتس بتذبحتس
الهنوف:معليتس برجعهم قبل تطلع من الجامعة حتى ما بتحسس ابد اني لمستهم حتى
جود ضحكت وهي تتذكر امس :مهبولة امس قعدت تزن عند وليد لين اكلت من الكنافة
الهنوف :عاد الصراحة تستاهل محدن قلها تفصل بوجهه
جود:وانتي صادقة
الهنوف ابتسمت :صح مجنونة بس بنفس الوقت حنونة
جود:اذا على هاذي اوافقس الرأي فعلا حنونة تحن على الكل. و وقت الفزعة تفزعلك
الهنوف ابتسمت وقعدت تلعب مع العصافير وهي مستانسة

عنان طلع لدوامه وجويريا توها تطلع من غرفتها والتقت في حنان اول ما طلعت من الغرفة
حنان :خير اشوفتس اليوم متاخرة بالنزلة عسى ما شر
جويريا :ما شر يا بعدها ما شر بس امس قعدنا انا وعنان سهرااانين ونمنا متأخرين عشان كذاا
حنان ضحكت:ايه واضح
جويريا :وش الي واضح مو مصدقتني ترا تصالحناا
حنان :الحين بيقعد يومين عندي لأنه امس وقبله كان عندتس
جويريا تخصرت:لا ياا حبيبتيي قبل امس كان دوري وامس كان دورتس انتيي بس انتي طردتيه وجا عندي وعشان كذا ماا تنحسب هاذيي
حنان :بكيفتس هو ولا بكيفتس يومين عنديي وخلص النقااش
قاطع عليهم صوت دق الباب
جويريا :يمه منهو يجينا ذا الوقت؟؟ تعالي تعالي ننزل نشوف منو
حنان :يالله
نزلو اثنينهم تحت وشافو في حرمة دخلت
جويريا رفعت حاجبها بإستغراب :منهي ذي
حنان:علمي علمتس
خلود مستغربة من هي
سلطانة انحرجت وقالت :انا ام عمار رسلتني
توسعت الابتسامة بوجه جويريا وهي تقول :هلا والله هلااا ايه انا طلبت منها تدور لي على وحدة تشتغل تفضلي داخل حبيبتي
دخلت سلطانة وفصخت النقاب والطرحة وهي تمد يدها تسلم بإبتسامة :انا اسمي سلطانة
جويريا سلمت عليها:اهلين فيتس يا سلطانة وانا اسمي جويريا
طلعت ام عنان وهي تلبس طرحتها :من الي بالباب يا خلوود
و وقفت مستغربة وهي تشوف سلطانة
خلود ابتسمت :يمه هاذي الي قالت عنها ام عمار
ام عنان كشرت وراحت قعدت :ايه زيين
سلطانة :وش تبوني ابدأ فيه او وش اسوي "وضحكت بخفة" آسفة بس اول مرة اشتغل وما ادري وش المطلوب مني
جويريا :معليتس معليتس انا اعلمتس يا روحي
ام عنان :خلود ادخلي سوي لي شايي وهاذي خلوها تروح تنظف المجلس أبشوف شغلهاا لو ما عجبني شغلها والله ما تقعد
سلطانة :لا لا ان شاء الله بنظفها زيين وبيعجبتس شغلي
جويريا تأفتت منها وقالت لسلطانة :طيب خلاص انتي ابدأي بالمجلس زي ما قالت لتس
سلطانة :طيب
جويريا اشرت لها للمطبخ :خذي المكنسة من المطبخ خلود تعطيني هي
سلطانة مشيت للمطبخ وجويريا لفت لأم عنان :اندري بتدورين عليها ب غلطة بس والله ما بلتقين منها غلطةة وبتشتغل هناا وبتشوفين
ام عنان سكتت وما ردت عليها

سعود رجع من الدوام وهو يدور بعيونه على هيام بس طاح عينه على ياسر فارشة له بالارض ويلعب وسمع صوت حركة بالمطبخ عرف انها مشغولة بالمطبخ قرب من ياسر وهو يلعب معه شاله وحطه بحضنه وياسر يلمس لحيته بإستغراب وهو يضحك على شكله
فجأة سمع صوت صراخ بالمطبخ وعلى طول رجع ياسر لمكانه وقام بسرعة وتوجه للمطبخ وانصدم يوم شاف الارض كله زيت وهيام واقفة يدينها انحرقو بالزيت
راح بسرعة عندها وهو يمسك يدينها وبقول بفجعةة:بسم الله عليييتس يا هياام، انحرق يدتس تعالي بسرعةة
واخذها عند المغسلة وطلع علبة موية باردة وهو يكبه فوق يدهاا
وهيام تتأوه من الآلم يدينها الثنتين احترقو بالزيت ومغمضة عيونها من الآلم
وسعود مو عارف يتصرف :اجيب مرهم و لا ؟ لا لا نرووح المستشفى بسرعة الحرق مب بسييط شوفي اشلون احمر
هيام وقفته وهي يدينها يرجفوو :لا لا مابي مستشفى حرق بسيط ويطيب
سعود :وش الي حرق بسيط الله يهدااتس شوفي يدتس انحرقتت وتقولين حرق بسييط
هيام ما قدرت تتحمل الآلم وقالت :ط طيب
وسعود بسرعة راح يجيب عبايها وهي تحس شوي وبتموت من الآلم

جود دخلت الصالة وانصدمت من الي شافته حطت يدها بقلبها من الفجعة:يويليي يا هنوووف تعااالي
الهنوف طلعت من المطبخ وهي تنشف يدينها :هلا
جود :وينن عيال اسييل
الهنوف قربت وهي تشوف القفص فاضيي وحطت يدها بقلبها بخوف و:يويلييي ويين راحوو
جود :والله انا اليي بسألتس وينهم مب انتيي
الهنوف :تحط يدها بخدها :والله مدريي انا خليتهم هنا ورحتت اغسل الفناجييل مدري وشصار فييهم يويليي اسيلوو بتذبحنيي والله بتذبحنييي
جود :وانشهد بتذبحتس
الهنوف نزلت وهي تشوف تحت الكنبة تدورهم :يا عيال اسييل وينكم تكفون اطلعو بجيب لكم الي تبونه بس تكفون اطلعوو والله بتذبحنييي
جود :لا والله كثر خيرتس فهمو عليتس ما شاء الله
جت قطوة الهنوف عندها
الهنوف:بعدين يا سوسو خلني ادورر عيال اسييل والله لو. ترجع وما تلقاهم لا تذبحنيي لسه امس مهددتها فيهم والله لتشنقني وتعلقني بالمروحة
جود انصدمت من شكل قطوة الهنوف ولمست كتفها وهي تقول:شوفي سوسو حقتس وش مسوية ياا الهنووف
الهنوف رفعت راسها وناظرت لقطوتها وانصدمت ورجعت ورا بسرعةة :يويلييي وشذااا لليه في بفمها دمم
جود :بدون غش يا قلبهاا اكلت عيال اسيل يا ويلتسس منها يا الهنوف يا ويلتسسس
الهنوف قعدت فوق الكنبة وهي تبكي :يممه يعني صرت قاتلة يا ربيي سامحني وقسم مو بقصديي
جود :بعدين ملقوفة وش الي خلاتس تطلعينهم
الهنوف :والله حزنت علييهم طول اليوم قاعدين بالغرفة خفت يجيهم عقدة نفسية هناك وش يعلمني انه يصير كذاا يا ربي والله بتذبحنيي
جود :كان خليتيهم بالعقدة النفسية حقتهم ولا طلعتيهم احسنن لهم
الهنوف قعدت تبكي زيادة :يا ربي وش اسويي
جود قامت:الصراحة انا مالي دخل شوفي لتس حل معها وانا ما دريت عن السالفه اصلا طييب؟؟
والهنوف ناظرت لقطوتها وهي تقول :هين يا كلبة بنت الكلبةة هيين والله لاطلعتس برا البيت
وقامت ومسكت جوالها وهي تتصل على محمد وتبكيي رنة ورنتين وجاها صوت محمد وهو يقول :يا مرحبااا بزينة البناات
الهنوف تبكي :الحين خلي زينة البنات على جنب والحقني يا محممد
محمد انفجع:اشفيي وشصايير
الهنوف :بموووت تكفى تعاال بسرعةة
محمد ما يدري وشسالفة بس حسب انها تعبانةوتبي تروح المستشفى وقال بسرعة :الحين جايي مساافة. الطرييق واكوون عندتس
قفلت منه وهي تحس مافي اي حل براسهاا

خلصت سلطانة من تنظيف المجلس وطلعت بالحوش وهي تدور بعيونها على جويريا
وام عنان تخزها تبي تدور عليها بغلطة عشان ما تشتغل هنا ما ترتاح لما يكون في احد غريب فبيتها:على من تدورين بعيونتس المدورة هاذي
سلطانة توترت :شسمها هذيك
ام عنان :ايه اهي جويريا قصدتس راحت فوق ترضع بنتها نظفي والحين غسلي الحووش
سلطانة :ابشري الحين اغسله
وراحت جابت سطل من المطبخ وقعدت تعبيه موية وهي ملاحظة لنظرات ام عنان لها وقعدت تغسل
وخلود فوق عند جويريا ماسكة رضاعة شموخ :يمه مو مصدقة يعني خلااص بودع شخصية ساندريلا وبقعد وانا مكيفةة بدون لا امي تقولي قومي وجيبيي ونااسة يا بنت
جويريا :اييه كل هاذا بفضلي تراا
خلود :ادري بفضلتس ولا ليه اقولتس الحين
جويريا :بس شكلو امتس ما بتخلي السالفة تمر على خير اشوفها من الصبح تدور عليها بغلطة الادمية واضح عليها مسكينة بس امتس الله يهديهاا
خلود :ايه مبينة انها مسكينة شكان اسمها؟؟؟
جويريا :سلطاانة ايه سلطانة اسمها
خلود :ايه سلطانة
جويريا :اقول وينها حنان
خلود :امس قصي ما خلاها تنام زين ونايمة الحين
جويريا :ايه مسكينة
خلود :ما شاء الله الحين صارت مسكينة
جويريا :ترا انا احبها واقدرها صح نتهاوش بس هي زي اختي
خلود : ويين ما قد شفتكم خواات
جويريا : مو شرط تشوفين المهم لنا مواقف مستورة عن الناس
خلود :ايه ما شاء الله

ام عنان تناظرها وتأشر لها :نظفي هناك زين في وسخ
سلطانة :ان شاء الله
ام عنان :لتس ساعة تقولين ان شاء الله وما تنظفين زي الناااس يعني بالرايحة والجاية بعلمتس اناا
سلطانة سكتت وهي تقول بداخلها مب هينة ذي
بهاللحظة دخل عنان من برا وقفل الباب وراه واول ما لف طاحت عينه على سلطانة الي رافعة جلابيتها وتشطف
تجمد بمكانه
ام عنان لفت نظرها وانصدمت يوم شافت عنان موجود والاكثر انه قاعد يناظر في سلطانة بدون وعي منه
فجأة لاحظ على نفسه وبسرعة لف للجهة الثانية وهو يستغفر ربه وقال بصوت عالي شوي :طرييق يا ولدد
واول ما سمعت سلطانة صوته فزت من مكانه وغطت نفسها بسرعة وجريت ودخلت المجلس بسرعة
وام عنان ابتسمت من الي شافته وقالت :راحت يمه تعال
لف لها وهو يطالع لو موجودة ولا لا وقال :اشذا يا يمه ليه طالعة بدون غطا براسها ومنهي ذي اصلا
ام عنان :هاذي سلطانة يا يمه الي جت تشتغل عندنا
سكت عنان شوية وبعدها قال :اهاه
ام عنان :ايه يمه مسكينةة وانجبرت تشتغل
عنان طرد كل شيء من راسه وهو يتذكر ليه كان جاي :معلينا، يمه وينها خلود خلها تجيب دفتر الحسابات حق الدكان
ام عنان : :طيب "ونادت بصوت عالي" خلووود يا يممه
خلود طلت من الدرج :هلااا يممه
ام عنان :جيبييي دفتر الحسابات حق الدكات لاخوتس
خلود :حاضر يممه
مرت ثواني وجت خلود وهي بيدها الدفتر:خذ
عنان اخذه منها ولف وجهه وطلع وهو للحين منظر سلطانة مو راضية. تطلع من باله ويحاول يطردها من باله
ام عنان :روحي نادي لسلطانة دخلت المجلس يوم جا اخوتس
خلود :طيب
راحت نادتها وطلعت سلطانة وهي للحين حاطة يدها بقلبها مفجوعة من الي صار
نزلت جويريا وهي تقول :وينه عنان وليه رجع؟؟
خلود:اخذ دفتر الحسابات وراح مرة ثانية
جويريا :يوه كنت ابي اشوفه
ام عنان :وش تبين فيه ليه الصبح ماا شفتييه
جويريا تخصرت:زوجي وابي اشووفه وين الغلطط؟؟
ام عنان بهاللحظة ابتسمت لها ابتسامة مستفزة وهي تقص وتفصل بعقلها خطط
وجويريا ما عطتها اي اهتمام ولفت لسلطانة بإبتسامة :وانتي يا سلطانة خلصتي
سلطانة :اييه خلصت من المجلس والحوش بعد خلصت
جويريا :زين امممم الحين اطلعي ونظفي غرفتي والمراية لا تنسينها الله يسعدتس مبقعة واجد
سلطانة اخذت المكنسة وبطريقها اخذت خرقة معها وهي تقول :طيب
جويريا :الغرفه الي على اليمين طيب
سلطانة وهي تطلع الدرج:طيب
جويريا قالت وهي رايحة . المجلس :تعالو نشوف نظافتها
وخلود لحقتها بحماس
و وقفو اثنينهم عند باب المجلس يناظرون
جويريا :ايه نظيفة والله
خلود :والله مافي فرق واصلا المجلس كان نظيف قبل تنظفه مدري وش نظفت يعني
جويريا :الفرق يا عيوني انتيي تنظفين بدون نفس ما سلطانة واضح عليها من القلبب تنظف
خلود :لا لا قولي انتس تبينها من الاخر وخلاص مب تقولين انا ما انظف من قلبي الا هاذي ما ارضاها ترا لا تشكين بنظافتي محد يجي قديي تراا
جويريا تكش عليها :مالت عليتس وعلى نظافتس امحق نظافة
ودخلت داخل المجلس وهي تشوف كل ركن منها

بغرفة جويريا دخلت سلطانة اول شيء وقعدت تناظر ارجاء الغرفة وهي تقول بيتهم حلوو وكبير وحتى غرفتهاا حلووة وش يبي الانسان اكثر من حياة زي كذا مسكت الخرقة وقربت من المراية عشان تمسحها وشدها الدرج الي كان نصه مفتوح والاكثر الي شدها هو الي بداخل الدرج كانت سلسال حق جويريا حاطته باهمال برا العلبة
فتحت الدرج وطلعت السلسال وقعدت تتأمل فيه
وبعدها ابتسمت ب شر وهي تقول عندها واجد اكيد ما بتلاحظ مدت يدها لجيبها وحطته
بس قطع عليها صوت من وراها
ام عنان : وش تسويين؟؟؟
لفت بسرعة وشافت قدامها ام عنان وتوترت وقالت وهي تحاول تكون طبيعية :ولا شيء كنت انظف المراية
ام عنان:صدق؟
سلطانة مبتسمة :اييه
ام عنان ضحكت وقربت خطوتين ودخلت يدها بجيبها وطلعت السلسال
وسلطانة. غمضت عيونها بإستسلام. وقالت بعدها بتبرير :والله اخر مرة ما عاد اعيدها بس تكفين لا تعلمين عليي لا تطلعوني من الشغل وقسم ذي اخر مرةة
ام عنان :له له له اكيد ما بعلم عليتس يا سلطانة بزااد فداتس السلسال ذا وان تبين زيادة بتاخذين والله
سلطانة وقفت بمكانها متجمدة من نظراتها الجدية لانها اصلا ما فهمت وش تقصد
ام عنان تحط السلسال بجيب سلطانة :الصراحة لو كنت مكانتس كان ما سرقت من اول يوم كنت احتريت كم يوم وبعدين سويتها حركة غبية منتس بس معليه بعلمتس انا وش تسويين
سلطانة بتبرير :والله معندي فلووس وعندي بنتي بالبيت و
قاطعتها ام عنان :معليتس  معلييتس من بنتس صدقيني ما بتشتكين بعد اليوم اذا سمعتي كلامي تصيري انتي هنا حرمة البيت مب خدامة
سلطانة ساكتة وتناظر فيها لوين تبي توصل
ام عنان قعدت فوق السرير:ارملة ولا مطلقة؟
سلطانة نطقت :لا لا ارملة وعندي بنت
ام عنان سكتت شوي وبعدها قالت :معليه مافي مشكلة ما يأثر
سلطانة رافعة حاجبها بإستغراب :وش قصدتس بكلامتس؟؟؟
ام عنان ابتسمت ب شر وهي مو ناوية على خير

محمد دخل البيت منفجع وقابل الهنوف بوجهه وبسرعة مسكها وهو يقول :اشفيتس وش يوجعتس يا بعد قلبي
الهنوف تبكي :يا محممد الحقنيي
محمد :اشفي يروحيي
الهنوف تأشر للقفص :ماتوو
محمد استغرب :من ماات؟؟
الهنوف :بتذبحنيي اسييل يا محمد
محمد :هدي وقولي بس بالهداوة من مات وليه اسيل بتذبحتس؟؟؟
الهنوف :طلعتهم من غرفتها عشان يشمو شوية هوا وما لاحظت وبنت الكلب سوسو جت اكلتهم
محمد :قصدتس على الكناري؟
الهنوف :اييه
محمد مسح بوجهه لانه ظن صاير شيء كبير
الهنوف :بتذبحني اسييل يا محمد تكفى قول وش اسوي
محمد قرب منها :معليتس الحين نروح ونشتري وش كانت الوانهم؟؟
الهنوف فزت :صدقق؟؟؟ وهي بتصدق انه ذول العصافير حقها
محمد :اييه اكيد انتي متذكرة الوانهم؟
الهنوف :اييه وحدة بيضا والثانية صفرا وخضرا
محمد ابتسم :ايه زيين نروح نشتري زيهم
الهنوف قعدت تبكي مرة ثانية :بس ماتوو بسببييي
محمد :خلاص مو بقصدتس عادي يعني
الهنوف :لا يا محمد ماتو بسبيي ليتني ما طلعتهمم
محمد :اييه دام كانت نيتس انهم يشمون هوا
الهنوف سكتت وهي للحين حزنانة على العصافير الي ماتو
ومحمد حضنها وهو معطيها على قد جوها وبنفس الوقت فيه ضحكة منها

سعود وهيام وصلو البيت
وهيام ربطو يدينها بالشاش وللحين تحس بشوية آلم
نزل سعود وهو بحضنه ياسر وراح عندها بسرعة ومد يده وهو يساعدها تنزل ودخلها للداخل وهيام عاضة على شفتها من الآلم يدها اليمين انحرق اكثر من يدها اليسار وتضررت واجد
دخلو لداخل وهي قعدت فوق السرير وسعود راح وحط ياسر بسريره وهو راح عند هيام :للحين يوجعتس؟
هيام :شويي
سعود راح وفتح المكيف عشان لا يتضرر الحرق من الحر
هيام ناظرت لياسر وقال :سعود
سعود جا عندها بسرعة :هلا وش بغيتي
هيام :معليش ممكن تسوي حليب لياسر اكيد جوعان حبيبي
سعود :ابشري الحين بسوي ما طلبتي
هيام ابتسمت له وسعود راح يسوي لياسر رضاعة ودقايق ورجع وهو بيده رضاعة ياسر
هيام :جيبه عندي
سعود :طيب
شال ياسر وخذاه عند هيام فوق السرير وسطح ياسر بحضن هيام وعطاه الرضاعة
هيام ابتسمت لياسر وقعدت تتأمل فيه لين غفيت
وياسر شوي كذا هو بعد غفي
وسعود حط الرضاعة فوق الطاولة وغطا ياسر بالبطانية لا يبرد وبعدها غطا هيام بعد
وقعد لحظة وهو يناظر في هيام الي نايمة وابتسم لشكلها النايم ومرت لحظات وهو للحين يتأمل فيها ويحس الفراغ الي كان بحياته ملته هيام مع ياسر كان شخص وحييد ماله بالدنيا الا تميم وبعد موته ما كان له احد ومن يوم تزوج هيام تغيرت حياته
صحيح حياتهم ما كنهم ازواج بس علاقتهم ببعض جميلة والي زادها جمال ياسر بينهم ويحس مو مستعد ابد انه يخسر هيام وياسر ويرجع لحياته السابقة
قرب يده وبعد خصلات شعرها من وجهها
وهو يتذكر كيف مرات كثيرة تقعد تتأمل فيه وهو فاهم مشاعرها تجاهه وعارف بس متجاهل ما يدري ليه كل ما حاول يقرب خطوة منها يتذكر اخوه تميم ويبعد خطوتين ورا مرة ثانية وبنفس الوقت يدري ما يقدرو يكملون بالحياة هاذي
قام من مكانه وطلع من الغرفة وتوجه للمطبخ عشان ينظف لأنه اول ما انحرقت هيام طلعو للمستشفى مستعجلين وما نظفو من وراهم
هه

نهااية البارت
اشوفكم بالبارت الجاي ان شاء الله
وشكرآ لدعمكم الحلو 🥺🥺اليوم صارت المشاهدات 140 الف واحس قلبي فراشااات من العدد الحلو ذاا وان شاء الله لتقدم الدائم يا رب🥺🥺❤️

يالله مع السلام