رواية من حضرتك عشان قلبي تذله الفصل الثالث والثلاثون 33 - بقلم ام عوض

معاذ :بسرعة لي ساعة محتري هناا
نور:جييت جييت يا شيخ كلها خمس دقاييق وبس
معاذ :اقولتس
نور لفت له :هلا
معاذ :شرايك ننزل ونشوف ولد اختس اشتقت له
نور :حررك بسرعةة بتشوفه بعدين ترا اهلك من يوم جينا ما رحت عندهم واليوم بعد اتأخر عليهمم اقابلهم بأي وجه هااه
معاذ :ليه كم وجه عندتس عشان محتارة
نور :معاااذ
معاذ لف وجهه للسيارة:طيب طيب بنمشي وشفيتس معصبة
نور لف نظرها علبة محطوطة مسكته :حق منو ذا؟
معاذ :اتركيها ذي حق انايا قلت لها المرة الماضية بجيب لتس هدية غالية
نور:نعم؟ ومتى شريتهاا ما قد شفتها
معاذ :شريتها قبله بيومين زين اني تذكرت ولا كانت بتاكلني بقشوري
نور لفت وجهها :زيين
معاذ لفت لها وهو يضحك:وشفيتس زعلتي لييه
نور:ما زعلت بس ما قد شريت لي هدية اليوم اسيل جت ورجلها كان مشتري لها هدية وانا مالت على حظي
معاذ :اشلون ما اشتري لتس اخذتس السوق وتشترين نص السوق ما شاء الله وش تبين بعدد
نور:لا ابيك تجيب لي من نفسك مو انا اشتريي
معاذ:خلاص ابشريي من عيوني والله
نور:ايه الحين بعد ما قلت لك
معاذ :يا ربي وش يرضيكم انتو البنات ودي اعررف والله
نور تذكرت ولفت له بسرعة:ايييه صح
معاذ:وشهو؟
نور:ابغاك بكرى تاخذني عند اختي جويريا
معاذ :ما ادل بيتها
نور :تعرف عنان؟ بيته هو اكيد تعرفه
معاذ:ان شاء الله
وصلو بعد دقايق طويلة
ونزلو وكانت بإستقبالهم انايا الي حضنت نور :وحشتييني ياا نوور وينتسس من امس وانا احتريتس
نور :يا بعد عمري والله وانت بعد وحشتيني بس معذورة اختي ولدت ومحدن حدها قعدت عندها لين تجي وحدة من خواتي وتقعد معها
انايا تبوسها :معذورة يا روحي
جت ام معاذ :هلاا هلاا والله ب نوور
سلمو على بعض
نور:أهليين فيتس يا روحي
ام معاذ :متغيررة يا بنتي وينكم ما تنشافوون
نور ناظرت لمعاذ :والله يا عمتي معاذ شغله ما بسمح وانتي تدرين الاجازة الي خذاها اخر مرة
ام معاذ :معذورين يا روحي معذورين، تعالي تفضلي لداخل وسلمي على الحريم
دخلو لداخل وقعدت تسلم على الحريم
معاذ قرب من انايا وهو يدينه في ظهره:خمني وش في بيدي؟
انايا تحمست:يمه وش؟
معاذ طلعه من ظهره :جبت لتس شيء يعجبتس
انايا اخذته وهي فرحانة :هاذا لي اناا؟ شكرآ لكك يا معااذ
معاذ حضنها:تستاهلين يا روحيي والله تستاهلي
انايا بعدت عنه وفتحته بحماس :الله يهببل يا معاذ والله يهببل
معاذ :غالي ويليق فيك
انايا باسته :والله انك اطلق اخ احسن من سالم يالله يالله يروح لي للبقالة
سالم جا من وراهم:اشفي وش تسولفون عنه سمعت اسمي بين كلامكم
انايا ورته الاسورة:شف ذا جابه لي معاذ يهبل صح
سالم :ايه يهبل بس مفهمت شدخل اسمي بالسالفة
انايا :كنت اقول لمعاذ انت مافي منك احسن من سالم الي يروح لي للبقالة بالقوة
معاذ يرفع حاجبه لسالم وهو مبتسم :والله انا مافي زيي حنون وحبيب وقلبيي افف من قلبي الططيب صدق بالله اسألكم انتو وين لقيتوني؟ لأني انسان نادرر صدقق
سالم يخزه:اقول مو كنه صدقت نفسك بعدين كلها اسورة اقدر اجيب لها من سوق الجمعة
انايا تخصرت :احلف بسس قال سوق الجمعة قال شف شف ترا غاليي مب زي اساور سوق الجمعة حقتك ابو ريالين
معاذ يكش عليه:مالت عليك بس
سالم :المشكلة حتى اسورة ابو ريالين واجد عليتس
معاذ :سد حلقك بس، وانتي يا انايا تعالي معه اتركيه قهرااااان لاني ما جبت له شيء
ولف وجهه وهو يمشي مع انايا
سالم يرفع صوته :امحق هديية والله

صحيت روزا وهي تسمع اصوات مواعين بالمطبخ قامت من مكانها وهي رافعة حاجبها
وصلت عند باب المطبخ وشافت زين مزين الفطور ومجهزه
روزا :وش تسويي
زين لف لها :هلا والله صحييتي يا بعد عمري
روزا :بعد عمري؟ اقول وش تسوي
زين مبتسم :جهزت لتس فطور
روزا :بس هاذا شغلي مب شغلك
زين :طيب حبيت انا اليوم ازينه
روزا :طيب حلو بس لا عاد تعيده هاذا شغلي اناا
زين:طيب
روزا :انا رايحة اغسل وجهي وارجع
راحت وغسلت وجهها وللحينه جاب زين الفطور
قعدت بالارض وهي مبهورة مجهز اشياء حلوة وبشكل حلوو:حركات تعرف تسوي
زين:اييه انا طبااخ ما قالو لتس
روزا :ان شاء الله الطعم حلوو
زين:افا بسس انتي تقولين كذا يالغالية
روزا لفت :اسمع
زين:عيوني
روزا :شيء يخص ذا الوضع
زين مستغرب:وشهو؟
روزا:خلاص ابيك ترجع زين القديم تحارشني واعصب عليك كذا مب عاجبني
زين ابتسم بسرعة:صدق؟
روزا:اييه كذا احسك زين ولا لاايق عليك
زين :وانا تعبت والله بس زين انتي قلتيهاا
روزا :وانت صادق وش ذا عيوني وما عيوني
زين :انتي الزين كده اصلا ما يحتاج نقولتس عيوني عشان تدركين زينتس
روزا :ايه ورجعت تتكلم زي اول
زين:بس انا الحين صادق
روزا ابتسمت:كل كل بس
زين ضحك وقعد ياكل

جويريا كل شوية تناظر ساعتها واخيييرآ صارت الساعة 12
على طول قامت من مكانها وطلت براسها من الباب وهي تنادي حنان من غرفتها
جويريا بهمس :حناان بنتت يا حناااان
طلعت من غرفتها وهي رافعة حاجبها من يناديها بالهمس :وشفيتس  تناديني كذا خير صاير شي؟
جويريا :لا لا مب صاير شيء بس تعالي ابيتس
حنان:طيب الحين جاية بحط قصي بسريره لا يطيح
جويريا :طيب بسرعةة
راحت حنان وجويريا رجعت الغرفة
وبعد ثواني رجعت لها حنان :هاه وش تبين مني
جوييرياا قربت منها :خليتس هنا بس لين يجي عنان
حنان :طيب قولي وش بتسوين من الحين اقولتس لا تدخليني بمشاكلتس تفهمين ولا لا انا انقبر بغرفتي من ذا المشاكل ترا
جويريا :معليييتس يا شيخةة
فزت يوم سمعت صوت الباب يعلن انه عنان رجع
قربت من الباب وهي تنتظر تسمع خطوات رجله
اول ما سمعت خطواته يصعد الدرج بسرعة جت عند حنان وهي تقول :وش اسوي هاه انتي قوليلي يا حناان اروح اقول لعنان يعنيي؟ وانتي تهقين يصدقني يعنيي هم بغو يذبحوني مع ولديي هاذا اتهام كبيرر محدن يصدقه يا حناان
حنان صدمت منها وحطت يدها بفمها وهي تأشر لها بمعنى وش تقوليين انتي
جويريا كملت:الاحسن انيي اسكت لو ما سكتت بتسوي شيء اكبرر وهي قد وهددتني اخاف تأذيني مع وليدي و
قطع عليها دخول عنان الي كان يسمع كل شيء
جويريا بصدمة:عنان؟ حبيبي جيت
عنان يناظر فيهم :عن وش تتكلموون من يبغى يذبح من؟؟؟
جويريا :السالفة مب زي ما سمعتهاا
عنان لف لحنان :تكلمي انتي يا حنان
وحنان تناظره بخوف وبداخلها تدعي على جويريا:ععنان
جويريا قربت منه :عنان اسمعني ترا ما كنا نتكلمعن احد بس
عنان قرب منها وهو يقول بعصبية :تكلمي يا جوييرياا ولا تلعبين بأعصاابي من بغى يذبحتس انني و ولدتس تكلمي
جويريا توهقت هي ما تبي تتكلم
ف الي سوته سوت نفسها دايخة وبتطيح
مسكها عنان بسرعة :جوييرياا جويير انتي بخييير تحسين بدوخة؟
جويريا مسكت راسها :لا لا بس حسيت بدوخة
عنان :خذيتي دواك حنان وين دواها
جويريا :لا ما خذيتهم لاني للحين ما تغديت
عنان :وانتي مهبوولة للحين ما تتغدين ولا تاخذين دوااتس افهمي ترا في فبطتس انساان يحتااج يتغدا وياكلل
جويريا سكتت وهي تناظر في عيونه. المعصبة
وعنان تدارك نفسه انه رجع يعصب عليها :لا تزعلين منيي بس صحتس يا جوييرياا لا تهملينها
جويريا :طيب
قام عنان :انا نازل اجيب لتس غدا وانتي يا حنان خليتس معها
حنان:ططيب
طلع عنان وحنان ضربتها لجويريا:انتي ما تستحين على وجهتس تسوين نفستس دايخة وتلعبين علييه
جويريا :ايه لو ما سويت كذا كان بياخذني تحقيق وانا مابيي اناا ابي الشك ياكله اكلل لين يقلب على امه بكل شيء
حنان :انا مابي مشاكل لا عاد تدخليني بمشاكلتس تفهمين ولا لاا انا وعيالي خليتس بعيدة عننا
ولفت وجهها عشان تمشي
جويريا قالت بسرعة:طيب اسمعيني قبل شسمه ذاا لو سألتس عنان قولي له امك سوت شيء لجوير بس ما تدرين وشهي طيب؟
حنان :لا يا شيخة؟ لين يفصل علي ويعصب
جويريا :لا تصيري خويفة ما يعصب عليتس
حنان تطلع من الغرفة :هاذي اخر مرة اسمع كلامتس والله اخر مررة

نزل عنان تحت بس عشان يمسك خلود تحقيق وهو يدري انه كل الكلام عندها
عنان :تكلمي بسرعة يا خلود ولا يا ويلتس مني
خلود:ما اعرف يا عنان اشبك غصب اتكلم بشيء ما اعرفه يعني؟
عنان:لا انتي تعرفين بكل شيء يصير واندري الكلام عندتس بسرعة هاتي قبل اعصب عليتس
خلود :وش تبغاني اقول
عنان:امي وجوير متى تهاوشو؟ و وش صار امي وش قايلة لجوير عشان هي خايفة
خلود :ما ادري
عنان رفع حاجبه لها وهي كملت شغلها ولا كنها تعرف وهو لف وجهه :بسيطة رايح عند ثامر حبيبي اهو يعرف بكل شيء
خلود ب راحة:روح هو ما كان موجود يومها
رجع عنان مرة ثانية :اي يوووم؟ تكلميي بسرعة يا خلود ولا تجننيييينيي
خلود توهقت وعرفت مافي مفر : بقولك بس لا تعصب ططيب ااخر مرة تهاوشو يوم رجعتو من المزرعة وبعدها اتوقع تهاوشو لمدري وش وبعد ما تهاوشو لمدري وش ذا امي عصبت على حرمتك وهددتها وبعدها صار الي صار امس وطاحت علينا حرمتك وهي صارت تقول لامي انتي الي سممتيني بالشاي ومدري وشهو بس انت تدري امي ما تسويها صحح
عنان انصدم و وقف ساكت وهو يفكر ويسأل نفسه
خلود:عنان صدق تراا امي ما تسويهااا لا تقلب عليهاا وتصدقهااا
عنان لف لها وهو ساكت :هاتي الغدا
خلود مدت الصينية له:تفضل
وعنان للحين يفكرر ويحس السالفة مو داخلة مخه بين نارين يصدق امه ولا يصدق جويريا والاتهام اتهام كبير

طلع عنان فوق ودخل بإبتسامة
جويريا ابتسمت له و ونزلت وتربعت بالارض:يا زينك وانت تجيب لي غداي لي
عنان :عاجبتس الوضع يعني؟
جويريا :اييه الاهتمام الي تجي من الشخص الصح تهببل
عنان جا عشان يقعد هو بعد
بس وقفته جويريا :لحظة بتتغدا عندي؟
عنان مستغرب:ايه اجل وين؟
جويريا :لا لا ما يصير لازم تنزل وتتغدا مع امك
عنان رفع حاجبه:ليه؟
جويريا :حرام لوحدهاا ومن امس ما شافتك روح تغدا عندهاا احسنن
عنان تنهد منها :طيب
وطلع برا
وجويريا ابتسمت وهي تقول اسفة يا روحي بس المفروض تتغدا عندها وتناظر بعيونها ويزيد الشك الي بقلبكك اكثر واكثر عليها

نزل عنان وخلود كانت توها ماخذة صينية لغرفة امها
رفعت حاجبها:ما بتتغدا مع حرمتك؟
عنان :لا
دخلو اثنينهم لداخل وام عنان ما لاحظت لعنان كانت حاطة يدها براسها ورابطة راسها بطرحة :جيبي ليي الحبوب يا خلود راسي مصددعع
خلود حطت الصينية :طيب ابشري يمه
ام عنان رفعت راسها وشافت عنان قدامها
عنان قعد جنبها :سلامتس يمه شبلاها راستس
ام عنان زبطت قعدتها وهي تتأكد لو يدري بالسالفة ولا لا :هاه لا يولدي ما به شيء بس مصدع شوي
عنان :اخذتس الطبيب يمه
ام عنان :لا لا ما يحتاج يمه، بتتغدا معي يمه؟
عنان :ايه
ابتسمت ام عنان وهي مرتاحة انه ما يعرف
وبدأو ياكلون وعيون عنان في امه يسأل نفسه مليون مره
مرة يقول امي عادي تسويها ومرة يقول لا ما تسويها هاذا حفيدهاا
وفعلآ الشك الي دخل بقلب عنان كان اسوء من انه يعرف السالفة بذاته

انايا وهنادي يسولفون ويتمشون بالحوش
انايا :طيب لو يحبني ليه ما يخطبني ومخليني اتعذب هنا واكرف في وسخ عماتي
هنادي :بيخطبتس ان شاء الله بس صبر شوي
انايا :ما عندي صبر انا ابي اتزوج
هنادي تضربها:استحي على وجهتس يا شيخة ميتة تتزوجين
انايا :مو ميتة اتزوج انا ابيه هو ما ابي غيره يخطبني وابتلش
هنادي :معليتس حتى وان خطبتس الغريب هو اولى من الغريب
انايا ضحكت:هاذا الشيء الي يفرحح
هنادي ضحكت: مجنونة والله
انايا ناظرت لورع رمى كيس الشيبس راحت عنده بسرعة:هييييه اقوول شيل شيل بسرعة الي رميته لا اهفك ب كف الحيين
سامر ناظر فيها بنذالة ولف وجهه
انايا مسكته من ثوبه ورجعته :لا والله بتشييله يعني بتشييله تفهم ولا لااا
سامر :ما بشييله
انايا :طييب تبي انادي لك ادهم يعنيي؟ طييب "وقعدت تنادي" ادهممممم يا ادهمممم تعال شف ذا الوررع ما يسمع الكلاااام
ادهم من وراها :هلا
انفجعت انايا :يمممه ، انت هنا
ادهم ضحك:ايه هنا وش بغيتي
انايا :شف ذا الورعع ما يسمع الكلاام رمي الوسخ بالارض رغم اني نبهته
ادهم رسم ملامح حدة بوجهه وقرب من سامر وهو يمسك اذنه:ما تسمع الكلاام هااه يورعع ما تسمعع؟
سامر:اي اي خلااص والله بسمع
ادهم لف وجهه عند انايا :بسرعة قول آسف عمتي
سامر :يع اقول لذي عمتي تخسي والله
ادهم شد باذنه وقال بسرعة:خلاص اسف عمتييي
ادهم:كذا زين ولا عاد اشوفك تراددها تفهم ولا لاا
سامر:افهمم
ادهم:ضف وجهك عند امك وشيل زبالتك معك
سامر شال وسخه ومشى
وهنادي ناظرت انايا بضحك
ادهم :هلا ببنت العم
هنادي:اهلين فيك
ادهم:وشلونتس اخبارتس عساتس طيب
هنادي:الحمدلله والله وانت كيفك اخبارك
ادهم:الحمدلله بخيير، يالله انا ماشي تأمروني على شي
هنادي:سلامتك
راح ادهم وانايا قربت من هنادي :شفتي وتلوميني بحبه
هنادي:لا لا ما الومك اخوي فعلا ينحبب
انايا :فديته

في صبح
هيام قاعدة وبحضنها ولدها وهي تطالع فيه وتفكر في حياتها الجاية محتاارة توافق ولا لا تخاف تندم بعدين انها وافقت وبنفس الوقت تخاف ما توافق وما يجيها الي يرضي بولدها وهي كل شي عندها عادي اهمشي ولدها يكون معها
اسيل جت وهي لابسة عبايتها :انا رايحة الجامعة تبين مني شيء؟
هيام :لا يروحي سلامتس
اسيل قربت منها وشدت بخدود ياسر بخفة :فديته بشتاق له لين نرجع
هيام ضحكت:روحي لا تتأخرين ويعصب عليتس رجلتس
أسيل :يخسي يعصب علي
هيام:روحيي
اسيل:طيب رايحةة
شالت شنطتها وطلعت لوليد وركبت السيارة
وليد:صبحك الله بالخير
أسيل :صبحك الله بالنور والحيين هاات وشعندك؟؟
وليد استغرب:كيف وشعندي معندي شيء!!
اسيل لفت له :اعترف ليه جبت لي الساعة امسس
وليد :قلت لتس من طيب خاطري وشفييتس !
اسيل طلعته من يدها وحطته بالدرج :خله عندك ما ابيهاا
وليد:طيب قولي ليه يعني ما عجبتس اجيب لتس غيرها ولا وشهو؟؟
اسيل :ما عجبتني وما ابيها ولا عاد تجيب شيء
وليد:خير شصار امس كنتي مستانسة فيها وشصار!
اسيل :ما صار شيء
وليد تنهد من البزرة ذي :طيب شرايتس بعد الجامعة اخذس مطعم سمك ناكل وتقولي لي وش الي مزعلتس
اسيل :اطفح بالسمك بروحك مااابي
وليد صرخ :خلاااص قولي وشعندككك
اسيل:تخوني صح عشان كذا كنت مستاانس امس تروح وتجي برااحتك
وليد رفع حاجبه :اخون منو؟ اخونتس انتي؟ "وضحك" ليه انتي مخلية لي مجال عشان اخونتس
اسيللفت وجهها :اذلف بسس
وليد رجع توهق :يا ربي جيت اكحلها عميتها يا امي انتي ترا والله انا رجال ما عندي ذا الحركات بعدين من قال لتس اني اخونتس ترا والله عيني ما شافت وحدة غيرتس
اسيل :احلف؟
وليد:والله
اسيل :اجل خلاص هات الساعة
وليد شال الساعة وعطاه لها :خذي
اسيل ابتسمت :بتاخذني مطعم السمك؟
وليد ضحك:من عيونيي

جويريا بالمطبخ وتسوي شاي وهي مبتسمة وتغنيي
حنان عندها بعد :ادخلي اقعدي الحين لو نزل عنان وشافك تسوين يا ويلي انا وياتس
جويريا :ما يصير شيء يا شيخةة انا بخيير
حنان :ما همتني تكوني بخير ولا مب بخير انا خايفة عنان يعصب من صباح الله خير
جويريا :اجل روحي اقعدي برا وسوي نفستس ما تدرين عني
حنان لفت وجهها وهي تقول :لو قال شيء انا ما دخلنييي تفهمين ولا لاا انااا شعلي منتس اهتم بوليدي احسن لي منتس
جويريا :فكة والله
وكملت تسوي الشاي حطت الفناجيل بالصينية وحطت الدلة وطلعت برا
ونزل عنان بذا اللحظة
جويريا بإبتسامة:تعال اشرب شاي قبل تمشي
عنان طلع عيونه :تعباانة وتدخلين المطببخ
جويريا تروح وتحط الصينية فوق الطاولة :معلييه لازم اتحرك شوي في اخر الشهور ما يصير كذاا
عنان :قبل امس تعبتي تبين تتعبين مرة ثانيةةة يا ويلتسس لو تدخلين المطبخ تفهمين ولا لااا
جويريا تناظر حنان :ابشرر يا تاج راسي
وقعدت وقعد عنان بعد وهو يلعب ولده قصي
حنان ناظرت جويريا بإبتسامة
جويريا :جعلك عن قريب تلعب مع ولدناا
عنان:امين يارب
حنان :وش الي مخليتس متأكدة انه ولد يمكن بنت
جويريا تصب شاي :ام عمار قالت لي ان شاء الله ولد
حنان :واهي نفسها قالت لي وقت ثامر بنت وجا ثامر حبيبي
جويريا :طيب نشووف
عنان:بنت ولا ولد كل شيء من الله نعمةة
جويريا مدت له فنجان الشاي :تفضلل يا عيوني
عنان:شكرا لتس
ام عنان طلعت من غرفتها وهي تناظرهم كلهم مجتمعين مع بعض بالحوش
عنان:صبحك الله بالخير يمه
ام عنان تقعد وهي للحين رابطة راسها :صبحك الله بالنور يوليدي
جويريا تناظرها مبتسمة :سلاماات يا خالة ما تشوفين شرر رابطة راستس؟؟؟!
ام عنان ناظرتها :الله يسلمتس
جويريا :صبي لها فنجان شاي يا حنان خل ترووق
ام عنان لفت نظرها عنها
جت خلود :وش ذا الخيانة كلكم مجتمعيين وما تعزمووني
جويريا :اقعديي هنا حدي يروحي
خلود ناظرتها وراحت قعدت جنب امها
جويريا عرفت انها زعلانة منها بسبب ذا السالفة
ام عنان تشرب شاي وجويريا تناظرها مبتسمة
ام عنان :وش ذا الشاي الي مسويتها يا خلوود السكر مررة شوي ما تنبلعع
خلود :لا يم مب
قاطعتها جويريا بسرعة :لا مب هي الي سووته انا الي سوييته ما عجبتس؟؟
ام عنان كانت تشرب وشرقت بالشاي
بسرعة قامو لها حنان وخلود وعنان
خلود:اسم الله عليتس يمه وشبلاتس
ام عنان بسرعة قامت من مكانها وهي تروح عند المغسلة عشان تغسل فمها
وخلود لحقتها
وجويريا ضحكت منها ومن تفكيرها انها هي بترد عليها بنفس الحركة
رجعت ام عنان وهي تمسح فمها
عنان :اسم الله عليتس يمه سلامتس
ام عنان :شيلو الشاي من وجهي
عنان اشر لها تشيله وقرب من امه :سلامتس يمه
ام عنان ناظرت لجويريا بقهر
وجويريا مبتسمة
وعنان كنه فهم الي صار بس سرعان ما طرد الي فباله وقام وهو يقول :يالله انا اترخص اشوفكم على خير
قام وطلع
وجويريا تناظرهم بإبتسامة
وحنان هنا تأكدت انه الي صار شرح كمية الخوف الي حاسة فيه ام عنان من الي سوته
جويريا قامت وهي تقول:انا طالعة غرفتيي اريح شوي عشان بتجي اختيي تمر عليي
ولفت وجهها وطلعت ويوم خلود طلعت من المطبخ شافت جويريا راحت لحقتها بسرعةة وقبل تدخل غرفتها مسكتها ولفتها عندها وهي معصبة :اسمعييني زين يا جوير الي تسوينه انا ادري فييه ليه تسويينه تزوجتي اخوي وحبيتيه معليه رجلتس ما قلنا شييء، جرجتيه وصار خاتم في اصبعتس برضو معلييه رجلتسس اهو وما علينا منكم، بس انتس تحرضيينه على امي ذي انا ما اسكت عليها تفهمين ولا لاا واذا تحسبين امي ساكتة لتس يعني تسويين الي تبينه لا يا حبيبتي لاا امي مب ساكتة الا عشان ولدهاا ولا هي عندها لساان تتكلم فييه
جويريا ناظرتها بصدمة وبعدها ضحكت :معقولة انتي خلودو الي تتكلمين لا ما اصدقق صدقق هههه
خلود شدت بيدها :تحترميين نفستس واقصري شرتس
ولفت عشان تمشي بس رجعت مسكتها جويريا وقالت بجدية :انا يوم جيت قد قلت شيء لامتس؟ سويت لها شيء؟ اذيتهاا وضريتهاا بشيء؟ لاا بس هي وش سووت! اذتني بولدي الي ماله ذنبب، اندريي انتي مو مصدقةة ولا بتصدقيين بس الي صار الحين تحت ثبت لنا كلنا شكثر هي خايفةة الحينن لانها تدري صحت الوحش الي كان نايم تدري الي سوته شكثر كبيير واذا انتي مو مصدقة عادي لا تصدقيين برااحتس بس الحقيقه واضحة عندةس انتي الي مو راضية تفهمين
وناظرت فيها نظرة اخيرة ولفت وجهها ودخلت الغرفة
وخلود وقفت بمكانهاا وهي رافضة رفض تام انها تصدق جويريا على امها لو كانت الحقيقية واضحة قدامها زي وضوح الشمس

نهاية البارت
اول شيء اعتذر عن التأخير الي صار بالبارت بس ما كان عندي نت والله وعشان كذا تأخرت عليكمم
وعوضتكم ببارت طويل 😭❤️

اشوفكم على خير

تشاووو