رواية من حضرتك عشان قلبي تذله الفصل الثاني والثلاثون 32 - بقلم ام عوض

ام عنان واقفة. وشابكة يدينها فبعضهم توها تستوعب وش سوت هي وتوها تستوعب بعد انه الي فبطنها يصير حفيدها بعدد قاعدة ومتوترة وقاعدة على اعصابهاا
وخلود تمشي قدامها بتوتر وخايفة :يمه تخيلي لو مات الولدد
ام عنان بخوف  :لا لا وش تقولين ان شاء الله ما يصير له شييء
خلود قعدت جنب امها وهي تدعي :يا رب ترجع وهي مافيها شيء ولا الولد
ام عنان :قومي يمه ،قومي جيبي لي موية نشف ريقي
خلود:طيب يمه
قامت خلود وام عنان تمسح على وجهها الي عرقت وتفكر الحين وش يصير لو جويريا عرفت هي الي حطت لها السم بالشاي
دخلت حنان بهاللحظة توها جاية من بيت عمها  وهي بحضنها ولدها قصي وجنبها ثامر
الي اول ما دخل راح عند جدته وقعد جنبها
ام عنان ناظرت فيه ومسحت براسه وهي تدعي اكثرر انه الي فبطن جويريا ما يصير له شيء
حنان:السلام وعليكم
ام عنان تنهدت:وعليكم السلام حنان
حنان استغربت مو من عوايدها كذا :اشفي يا خالة صاير شيء
خلود جت بهاللحظة وشافت حنان رجعت:هلا حنان
حنان :اهلين فيتس
وخلود عطت الموية لامها
حنان اشرت لها بمعنى وشصاير
خلود راحت عندها وقالت بهمس :جوييرياا طاحت علينا فجأة وتوه عنان اخذها للمستشفى وخايفين لا يصير شيء بالولد
حنان :وشهوو؟؟ يعني بتولد ولا وشهو
خلود:ما ادري والله بس ام عمار كانت عندنا وقالت متسممة بالاكل
حنان عطت ولدها لخلود :الله يستر لا يصير لها شيء شكثر كانت مستانسة بالولد
خلود :وانتي صادقة

جويريا متسطحة وتحتري الدكتورة تطمنها ومتوتررة
جويريا :وينهاا ذييي وين راحتت ليه ما تقولي ولدي بخير. ولا لااا
ام عمار:استهدي بالله يا جويريا بتجي الحين راحت تجيب التحاليل وترجع شبلاتس
جويريا :والله لو يصير لولدي شيء ما اسامحهمم والله ما يصيير طييب
ام عمار:اذكري ربتس ما يصير له شيء
جويريا تنهدت وهي تحس نفسها مقطوع شوي وبتنهبل
دخلت الدكتورة واخيرا و فزت جويريا :هاه يا دكتوورة كيفه ولدي بخيير مافييه شيء
الدكتورة ابتسمت:مافيه الا كل العافية لا تخافين
جويريا تنهدت بإرتياح
ام عمار :تأكدتو زين يا دكتورة الولد بخير نبضه وكل شيء تمام؟
الدكتوره :ابد لا تخافون كل شيء تمام وصحة الام برضو تمام وهي تسممت بالاكل وبس والحمدلله الحين هي زينة
جويريا :شكرآ لتس يا دكتوورة والله شكرا لتس الله يبشرتس بالخيير يا ربب
ام عمار :طيب نقدر نخرج الحين ؟
الدكتورة :ايه طبعآ "ومدت لها ورقة" اشترو لها هالادوية وان شاء الله تنفعها
ام عمار:شكرآ لتس يا دكتورة ما تقصرين
جويريا نزلت من مكانها وهي تتوعد في ام عنان وحالفة ما تمشيهاا :يالله يا ام عمار خل نمشيي
ام عمار :يالله
ساعدت جويريا عشان تنزل
وجويريا بعدتها :اقدر امشي لوحدي ما تقصرين وهاذي ام عنان والله حسابها عنديي وقسم ما بيمشي السالفة بالطييب بغت تذبح ولديي
ام عمار :اذكري ربتس اكيد مب هيي
جويريا :والله انها هي يا ام عمار والله هيي الي سوتهاا اندريي
ام عمار تنهدت منها:تعالي نطلع بس
طلعو اثنينهم برا وعنان على طول جا عندها ومسكها :وش قالت الدكتوره
جويريا :الحمدلله مافي شيء يخوف
ام عمار:قلت لكم بس ما تسمعون منيي
عنان :طيب يالله نمشي للبيت
ام عمار مدت له الورقة :خذ واشتري ذا
عنان شاله من يدها :طيب
ونزلو كلهم وركبو السيارة
جويريا :وصلنا البيت وبعدين روح اشتري الدوا
عنان يناظر فيها:ابشري
لحظات طويلة لين وصلو البيت وجويريا تشد بعبايتهاا لا تنفلتت ومعصبةة
نزلت ام عمار وساندتها وهي تهمس لها:لاا تسوين شيء يا بنت انتي مو متاكدة لو هيي ، لا تحطي الزيت بالنار
جويريا :والله ما بيصيير طييب والله ما امشيييها لهم
ودقت الباب بقووة
وفزت ام عنان من صوت دقة الباب ومسكت قلبها وهي تحسبه عنان جويريا قالتله كل شيء
قامت خلود وفتحته بسرعة ودخلت جويريا وهي معصبة راحت و وقفت عند ام عنان وهي الشر يتطاير من عيونها  :تبيين تذبحيين حفيدتس تبين تذبحيينه وهو للحين ما ولدد اي انسانة انتيي من وش مخلووقة هاااه اشلوون تسوين شيء زي كذاا ما تخافين الله ماااا تخافين اللله يالظاالمةة بغيتي تذبحيين ولديي بغيتي تسمميني وتسممينه لهدرجةة حارقة دمتس تبين تحرقين روحي بولديي
ام عمار :خلاص اسكتي يا جويريا وش تقوليين انتي
جويريا :بعديي عنيي يا ام عماار انا عااارفة انها هيي هيي الي حطت السم بالفنجاان والله هييي خلها تتكلم وتقوول مب هيي لييه ساكتةة بأي وجه تقوول مب هيي كل شيء وااضح اصللآ
ام عنان ساكتة ناظرت فيها وقالت وهي تبلع ريقها:مب اناا
جويريا بصوت عالي :وتكذبيين بعدد، تسمعييين زيين "وقربت منها وهي رافعة اصبعها" واللله الي سويتييه ما بمشييها لتس كلل شيء الا ولدييي والله ما يمسسه شيء وانا موجوودة وغصب عليكم كلكمم بيجيي عنااااد فيكم تفهمين ولا لااا بيجيكم ولديي وهو أقوى من امه جعلكمم تنحرقوون بنار جهنممم
سحبتها ام عمار لفوق وهي للحين تصارخ وتهدد في ام عنان قعدت فوق السرير وهي ساكتةة وهاذا الي صدم الكل انها ساكتة
خلود عطت ولد حنان لها وقربت من امها :يمه وش تقوول
ام عنان ما جاوبت
وخلود ناظرت لحنان وهي ما تدري وشصاار وما متوقعة ابد انو امها تسوي كذا
حنان خذت ولدها وطلعت فوق

منتظرة وليد يجي وياخذها من الدوام وهي تهز رجلها
واخييييرآ لمحت سيارته وراحت بسرعة. وركبت
اسيل:وينك من زمان وانا احتريك هناا بغيت اذوب من الشمس
وليد يحرك السيارة :ليه شمعة ولا ثلج عشان تذوبي بالشمس
اسيل :انت وش عرفك ترا انا نعومة ورقيقة ما ينفع اقعد تحت الشمس اكثر من خمس دقايق
وليد فطس ضحك:انتيي نعومة. ورقيقة لا لا صدقيني لااا
اسيل تناظره بنص عين:انت شكلك للحين ما تعرفني والله، تشوف الطير الي يطير فوق هاذا لو شافني وشاف نعومتي بيطيح من سماه بالارض ويقول مت بحبتس يا اسيل بنت يااسر
وليد :لا لا ثقتس فوووق
اسيل :انت شعرفك انت مقربع وربي زرقك فيني شيء طبيعي ما تقدر النعمة الي انت فيها
وليد طلع عيونه  وهو ياشر على نفسه:انا مقرربع؟؟ اقوول تدرين كم بنت تتمنى نظرة وحدة من عيونيي تركت الكل وخذيتس وانتي ما تستاهليني والله
اسيل :ويقولي انا ثقتي فوق، اسمع انا بقعد عند هيام وكل صبح تمرني تاخذني الجامعة
وليد :انا مقربع مو خلي الاصيل ياخذتس
أسيل:اشبك زعلت ما دريت انك حساس زي كذا
وليد :ايه الحين صرت حساس
اسيل لفت وجهها:مثل الطير يزعل بسرعة
بعد دقايق طويلة. وصلو البيت واسيل لفت وجهها عشان تنزل بس وقفها صوت وليد :اسيل!
اسيل رجعت:هلا
وليد طلع من الدرج هدية ومده لها :خذي
اسيل مو مصدقة:هاذا لي؟
وليد :لا لابويا اكيد لتس انتي
اسيل تاخذه من يده :والله شكرآ لك بس ليه يعني
وليد :اجيب لتس هدية تقولين ليه؟ من جدتس ، كذا جبته  من طيب خاطري
اسيل تفتحه :والله انك طيب
وليد مبتسم ويحتري تفتحه
فتحته اسيل وشافت ساعة :الله يهببل والله
وليد مبتسم :يليق عليتس
اسيل :اف وليد  والله  شككرآ لككك والله انك صادق ما استاهلك
وليد :يعني تعترفيين
اسيل :ايه اعترف والله مجننتك ومكرهتك بحياتك وكمان تجيب لي هدية ، خلاص بصير طيبة معك واخليك تتفرج التلفزيون براحتك وملابس اكويها لك وما عاد احط لك مكياج وانت نايم
وليد :الحمدلله، اجل نجيب لتس كل يوم هدية
اسيل :الله يعني تجيب لي عادي؟
وليد:ايه تستاهلين
اسيل تناظره ب حب :والله انك طيب
وليد ابتسم
اسيل :يالله انا نازلة
وليد:انتبهي لنفستس
اسيل :ايه ان شاء الله
نزلت وهي تقول بداخلها يحليله يجنن

جويريا قاعدة فوق السرير وتهز برجلهاا وتشد بالبطانية وهي تتنفس بسرعةة وتصر بسنونها بقهر
ام عمار:يا بنتي يا حبيبة قلبي مو بس لانها قالت كبي الشاي يعني هي حطت لتس سم يمكن كليتي شيء وتسممتي مو شرط مريم سممتس
جويريا :ابي افهم انتي ليه مو مصدقتنيي هاذي وحدة شيطاانة شيطااانة كللل شيء منها جاايز اقولتسس هددتني قبلل ودعت على ولديي مو ببعيدة تسممني والله هيي يا ام عماار وبتشووفيين
ام عمار تنهدت وقعدت جنبها :طيب خلاص هي، بس وش بتسوين الحين بتقولين لعنان يعني؟
جويريا :لا مب غبية عشان اقوله واندري ما بيصدقنيي اصللآ
ام عمار :اجل وش بتسوين
جويريا :معلييتس بيعرفف بس حببة حبببة وقتها والله ما يصير طييب الا ولديي تخطو هم الخط الاحممر
ام عمار تنهدت وقامت:انا رايحة بيتي تأخر الوقت ما اوصييتس انتبهي لنفستس
جويريا :شكرآ لتس ما قصرتي لولاتس كنت ميتة ذلحين
ام عمار ابتسمت لها وطلعت برا الغرفة
ونزلت تحت وشافت ام عنان قاعدة بمكانها وساكتةة وتفكرر و واضح عليها الخوف
وقفت بمكانها وهي تسأل نفسها  معقولة صدق كلامها هي الي سممتها؟؟
كملت طريقها وصحت ام عنان من تفكيرها يوم شافتها
ام عمار تسلم عليها:اشوفتس بوقت ثاني يا ام عنان  انا رايحة بيتي تأخرت واجدد
ام عنان قربت منها وباستها :الله معتس يا ام عمار وشكرآ لتس ما قصرتي اليوم تعبتي معنا واجد
ام عمار :تعب وشهو ما سويت شيء
سلمو على بعض وراحت تبي تطلع بس وقفت وهي تتذكر انه ام عنان نادتها :الا اقولتس يا ام عنان انتي ليه ناديتيني
ام عنان مسكت راسها:نسيت مع الي صار والله
ام عمار:طيب وش
ام عنان قربت منها وقالت بهمس :بغيتس في طلب
ام عمار:تفضلي
ام عنان :ابيتس تمدحين خلود عند ام خالد وام فارس وام ضاحي فهمتي علي يعني ابيتس تممدحينها عند العوايل الزوينة وجيوبهم ميانة فلوس
ام عمار :ابشري من عيوني
ام عنان :البنت كبرت والمفروض تتزوج ومابي تتزوج واحد مثل رجل بنتي خديجة منتوف ريشه ابي واحد مثل رجل روزا زوين وسنع وعنده فلوس الدنيا
ام عمار :ابشريي من بكره باب بيتكم ما يوقف دقق ان شاء الله وخلود بنت ما يعيبها شيء ومتاكده انها بتعجب الكل
ام عنان :تسلمين يا ام عمار ما تقصرين
ام عمار:يالله مع السلامه
ام عنان :يالله مع السلامه
طلعت ام عمار وام عنان راحت قعدت فوق السرير وهي تحط يدها بفمها وتسأل نفسها الحين وش تسويي لو قالت لعنان.

اسيل تحضن ياسر :هياام تكفيين ابي اخذه معيي ابيييه احبه
هيام:انتي ربي بيرزقك هاذا وليدي انا وش تاخذينه
اسيل :حبيييته والله حبيييته مو مصدقةةةةة هاذا ولدتس الحين
نور :لا ولد الجيران ايه ولدها بعدين اتركي الولد جعرجتي خدوده للمسكيين من البوسات
اسيل :هاذا ولا شيء خلي يكبر شويي بعضه
هيام:اذلفي بس قالت تعضه وامه مزهرية. هنا ولا وش والله ما تعضينه
اسيل:اشبك انفعلتي وعصبتي ويين هيام الي ما تعصبب علينا لو نكسر البيت كله، بعتينا يعني
هيام:ما بعتكم بس وليدي تبين تعضينه واسكت اي حدن يمسه يعني مسني
اسيل :معليه مب عاضته بس اسالتس بالله ابي واحد زيه وش اسوي عشان يجيني واحد زيه؟؟
نور تضربها:هاذا سؤال الحين يا قليلة الادب الي ما تستحيين
اسيل تضحك :خلااص امزح معكم
هيام لاحظت لعلبة الساعة الي حدها:وشذا
اسيل ناظرته وابتسمت :هاذا جابه وليد لي هدية
نور اخذت العلبة وفتحته :ما شاء الله ذويق والله
هيام تاخذه منها :هاتي اشوف
نور :بس معاذ ذوقه احلى والله
اسيل:اقول اسكتي بس وليد ذووقه احلى
هيام:ايه والله حلو ذوقه كنه حرمة الي مختارته مب رجال
اسيل حطت يدها بصدرها :يعني يخوني؟
هيام:لاا مب قصدي تسذا ياالغبية بس قصدي
اسيل :والله يسويهاا
نور تحط يدها براسها :يا ربي من المهبولة هاذيي ما تقصدد كذا ما تقصدد كذاا
اسيل :عشان كذا كان مستانس عشاني بجي عندكم  ويتفك منيي ويروح يقعد معهاا
هيام :يا ربيي صبرك مب قصدي كذاا لا تظلمي الرجااال
نور لفت لهيام :تكفين هذي كيف زوجناهاا مو وجه زوااج والله
اسيل شالت العلبة وناظرته وهي تفكر
اندق الباب وقامت نور :هاه اكيد ذا معاذ
هيام قامت وهي تبوسها:بترجعي تجين قبل تمشو ؟
نور:والله مدري بس جويريا للحين ما شفتها ولازم اشوفها قبل امشي
هيام :مدري والله الاحسن تروحين لها فبيتها حرام خطية. بأخر شهورها لا تتعب
نور :وانني صادقة يالله استودعتكم الله، وانتي يالمهبولة  اعقليي تراه ما يخونتس الشيطان الي راكب براستس خله ينزل
اسيل قامت وباستها :استودعتك الله لو كنتي تقعدي شوي توي جييت اناا
نور:يقلبي بس والله مقدر وحنا جايين من امس وللحين ما رحت عند اهلهم واليوم بعد ما اروح عيب
اسيل: يس ارجعي تعالي طيب ما شبعت منتس
نور :بحاول، يالله مع السلامه
هيام واسيل :مع السلامة

جا عنان وعلى طول توجه لغرفة جويريا
جويريا كانت قاعدة فوق السرير واول ما دخل لفت له
عنان جا عندها :كيف صرتي الحين
جويريا :الحمدلله بخير
عنان قعد جنبها :خليتس مرتاحة لا عاد تقومين من مكانتس الله يهديتس ما تسمعين الكلام
جويريا :السالفة مب سالفة اني اشتغلت
عنان:اجل سالفة وشهو
جويريا غمضت عيونها وهي تحاول ما تتهور وتتكلم :ولا شيء
عنان :انتبهي لاكلتس زين؟
جويريا تنهدت:طييب ابشر
عنان حس كنه فيها  شيء:قوليلي وشفيتس
جويريا ناظرته وهي تبلع ريقها
عنان بعد شعرها من وجهها بحنية :قولي
جويريا :محدن يحبني هنا غيرك، كلهم يحفرون من تحتي ويكرهون اي شيء يخصنيي معقولة يكرهوني لهدرجةة  يا عناان
عنان رفع حاجبه بإستغراب :وش تقولين؟ من يكرهتس ومن يحفر من تحتس
جويريا سندت راسها بحضنه :خليك جنبي
عنان مسح بشعرها وهو ما يدري اشفيها بس ابتسم وقال:والله ما بخليتس بروحي  لو امووت
جويريا :بعيد الشر عليك وس بسوي بلاك
عنان بعدها عنه وهو بيده ماسك وجهها :قوليلي الصدق في احد ضايقتس او قلتس شيء؟ قولي امي سوت لتس شيء؟؟
جويريا سكتت شوي وهي تناظر بعيونه بس بعدت عيونها بسرعة :لا محدن سوا لي شيء
عنان عرف مستحيل تتكلم وفقد الامل انها تتكلم :طيب تعالي ارتاحي لا تتعبين
جويريا سمعت كلامه وسدحت جنبه وهي مو مستوعبة للحين الي صاار ومو مصدقة انه ام عنان وصلت لهالمرحلة

في صباح اليوم الثاني
صحيت جويريا وهي تشوف عنان ياخذ محفظته ومفاتيحه رايح للدوام
جويريا ابتسمت:رايح لدوامك؟
عنان :ايه
جويريا :الله يقويك يا رب
عنان قرب منها وباسها فيي خدها :امين يا رب، انتبهي لنفستس ما اوصيتس
جويريا ابتسمت :طيب
طلع عنان من الغرفة وجويريا قامت من مكانها وراحت وقفت قدام المراية. وهي تناظر نفسهاا وتسترجع ذكرى امس لمست بطنها وهي تقول :الحين صار في عندي نقطة ضعف غير خواتي عرفو يستغلون نقطة ضعفي بس والله ما بمشيها لتس يا مريم
راحت عند الدولاب وطلعت لها ملابس ودخلت الحمام"وانتو بكرامة" تروشت ولبست وطلعت رجعت وقفت قدام المراية ومسكت الكحل وحطت لعيونها كحل لفت شعرها بالمنشفة
ولفت عشان تطلع بس قابلت حنان توها داخلة الغرفة
حنان ناظرتها :انتي ليه قمتي من مكانتس ما يصيير لازم ترتاحين
جويريا رجعت نظرها للمراية:اجل اقعد كل يومي متسطحة وافضي الساحة للي يكرهوني
حنان قربت منه وهي مترددة تسال ولا لا :جوييريا؟
جويريا :هلا
حنان:صدق الي قلتيه امس؟ خالتي هي الي سممتس؟
جويريا لفت لها وقالت بجدية :كم مرة اقول اييه انا متأكدة من الي قاعدة اقووله لا تظني فيها الخيرر تراها حية تحت التبنن
حنان سكتت وهي ما بين مصدقة. ومو مصدقة

نهاية البارت