رواية من حضرتك عشان قلبي تذله الفصل الثامن والثلاثون 38 - بقلم ام عوض

صحيت جويريا من النوم واخيرآ ناظرت حولها شافت شموخ نايمة حدها ابتسمت وهي تتذكر كيف بكو اثنينهم وضحكت على نفسها كيف صارت حساسة فجأة
دخل عنان الغرفة وهو لابس عشان يرجع لدوامه يوم شافها صاحية ابتسم :توك تصحين
جويريا تقعد وهي تبعد شعرها :ايه توي اصحى،
قرب عنان وهو يقعد جنبها ويضمها بكتفه وهم اثنينهم عيونهم في شموخ :ما ودي ابعد نظري عنها ما اشببع منهاا
جويريا :حتى انت؟ والله ودي اقعد عندها وبسس وجهها حكايية انا اعسق خيالها
عنان:يا حبيبة قلبي افديها بروحي والله قالت حنان انها بكت واجد
جويريا سكتت بحزن:ايه بكت واجد لين رضعتها حنان وسكتت
عنان :يعني الحين حنان صارت امها بالرضاعة؟
جويريا ضحكت:ايه
عنان ضحك وقام :انا راجع لدوامي انتبهي لنفستس ولشموخ
جويريا :بعيوني هي والله
عنان باسها وطلع وجويريا قامت من مكانها وهي تمسك بطنها ناظرت لنفسها بالمراية وهي تحس فقدت رشاقتها طلع لها بطن بعد الولادة
دخلت الحمام "وانتو بكرامة" واخذت دوش على السريع وطلعت وهي ترجع تناظر نفسها بالمراية وتحس مو متقبلة نفسها طلعت من الغرفة وهي متوجهة لغرفة حنان فتحت الباب وشافتها تنشف شعر ولدها ثامر توه مروشته ابتسمت لثامر وهي تدخل
حنان:هلا
جويريا :اهلين فيتس
حنان:بغيتي مني شيء؟
جويريا :ايه بغيت منتس مشد حق البطن مو عاجبنيي بطني كذاا
حنان:ايه عندي بس ما يصلح تلبسينه بعد الولادة على طول خل يمر اسبوع اسبوعين بعدين الحين ما يصلح
جويريا :هاتي ومعليتس يا بنت الحلال
حنان تقوم وتروح عند الدولاب :اذا صار لتس شيء انا ما دخلنيي تفهمين ولا لا بعدي ما يصلح تقومين من السرير من اول يوم وغطي راستس لا يجيه البرد وتمرضيين
جويريا :معليتس افهم افهم
ومسكت خدود ثامر :كيفك حبيبي ثامر اشلونك
ثامر:الحمدلله بخيير
جويريا :تبي تشوف اختك؟
ثامر هز راسه
وحنان مدت المشد لجويريا:تفضلي
جويريا شالت المشد منها وهي تمسك يد ثامر:تعال نروح نشوف اختك
ثامر:يالله
مشيو اثنينهم لغرفة جويريا وثامر صعد على السرير وهو يمسح براسها بحنان
جويريا شالت شموخ وحطته بحضن ثامر
وثامر مستانس بأخته
جويريا ابتسمت لفرحته باخته :تحبها؟
ثامر مستانس :اييه
جويريا :تحب اخوك اكثر ولا اختك؟
توهق ثامر وبعدها برجع ابتسم وقال:اثنينهم
ضحكت جويريا :حبهم اثنينهم زي بعض ولا تفرق بينهم طيب حبيبي اثنينهم اخوانك وانت اخوهم الكبير
ثامر ابتسم وهز راسه
وجويريا عندهم وهي مستانسة
دخلت خلود الغرفة :صحيتي واخيييرآ وينها بنت اخوي فديتهااا
جويريا :تعالي تعالي موجودة هنا
نطت خلود عندهم وهي تشيل شموخ بحضنها :يماااع مو مصدقة للحين اخوي صار عنده بنت بغيت ثامر يكون بنت وجا ولد وبعده قصي وجا ولد
جويريا :حنان مغسلة يدي منها انا جبت البنت الي تبينها
خلود :والله انتس كفو
جويريا :اقولتس امتس وينها من يوم صحيت ما سمعت حسها بالبيت
خلود : راحت عند ام صويلح
جويريا :احسن واخيرآ صباح بروق فيه
خلود ناظرتها
جويريا :لا تلومييني سمعتيها وشقاالت اليوم
خلود تنهدت :ايه سمعت وش قالت بس الي يصير بينكم انا مالي دخل فييه زيك انتي وحنان مشاكلكم لكم وانا مالي دخل فيه
جويريا :زيين خليتس كذاا
دخلت حنان وتوجهت للدولاب وهي تطلع ثوب عنان
جويريا :هيه هيه خير ماخذة ثوب رجليي وين ماخذته
خلود:ترا رجلها بعد
جويريا :انتي اصص، جاوبي اكلمتس اناا
حنان لفت لها وهي مستغربة :باخذه عشان اكويه له بعدين انتي هالايام تعبانة اكيد ما بتكوين له ليه تصارخين
جويريا :انتي شعلييتس لو تعبانة ولا لا ورجعي الي خذيتيه بسرعةة
حنان طنشتها وطلعت
جويريا :تعاليي تعاليي يا بنت الذيينة
خلود :لو مكانتس انا افرح اني خلصت من شغلة يالغبية
جويريا :اندري ليه تبي تكوي ثوبه عشان هاذا الفترة بيقعد عندها لين اخلص الاربعين وتبي تسحبه لصفها
خلود :حتى ولو سحبته لصفها انتي مين ينافستس شيطانة والله
سمعو صوت الباب يندق
جويريا :قومي قومي افتحي بس جت امتس تخرب علي وتزوود
قامت خلود تفتح
و ثوااني رجعت وهي معها ام عمار ابتسمت جويريا وقامت تسلم عليها
ام عمار تبوسها :اقعدي اقعديي يا روحي انتي نفااس لازم ترتاحيين
رجعت قعدت جويريا :اشحاالتس يا ام عماار وينتس من زمان عنتس
ام عمار :الحمدللله يا عيني وانتي اشحالتس اخبارتس وينها بنتس
جويريا بعدت عشان تشوفها وهي مبتسمة
ام عمار :ما شاء الله ما شاء الله تشبه امهاا
جويريا بفخر :اييه اكيد امها وتشبهني
ام عمار تقعد :بس المفروض ولد اشلون هاذي
جويريا تضرب يد بيد :والله المفروض انا الي اقول ذا الكلام انتي قلتي ولدد طول شهر تجين وتقولين ولد ولد
ام عمار :مدري والله توحمتي على المالح وما كنتي معصبة واجد بوقت الحمل وش يعرفني
جويريا :وانتو للحين تصدقون الاساطير حقتكم هاذي
ام عمار :معليه وينهاا حنان ما تنشاف
خلود :معليه الحين تجي قلت لها
ام عمار:زين، وامتس وينها
خلود :راحت عند ام صويلح ولدها صويلح فتح دكان وراحت تبي تعرف دكان وش فتح وتستفسر تعرفين امي
جويريا :ايه حشرية ما شاء الله
ام عمار:ايه دريت صويلح فتح دكان طباعة وكتب بس لو فتح له دكان قماش او دكان خضروات احسن له
قطعت عليهم حنان وهي توها تجي و تسلم على ام عمار
ام عمار :وينتس يا بنت مختفية
حنان:معليه معذوره كنت بكوي الملابس بس يوم سمعت انتس جيتي قلت ما يصير والا اقعد مع ام عمار لها وحشة
ام عمار:يعمريي فدييتس يا حنان والله انتس تنحبيين
حنان قعدت وهي ولدها بحضنها
ام عمار تلاعب ولدها :فدييته كبران حبيبي
حنان ابتسمت
ام عمار لفت لجويريا:اقول جويريا
جويريا :هلا
ام عمار :رجلتس ما زعل لانتس جبتي بنت؟
جويريا ناظرت لحنان الي مبتسمة :لااا ما زعل ابدد فررح فديته وقال الفرحة بالبنت غيير وتدرييين وش قال بعدد
حنان ترفع حاجبها :وش؟
جويريا :قال البنات نعمةةة من ربيي والي ما عنده بنات ما ذاق طعم الحياة
حنان تبسمت وهي ترفع ولدها وتلاعبه :تقولتس ام العيال يا جوييرياا بشروني بالولد وبه افرحت وقلت لهم
بحضني ادفيه وبكرى بظلاله يدفيني
ومن العطش ب كوب بيته. يرويني
لا اشتد الجيب فيني بفلوسه يغنيني
من وحدة الدنيا و ظلمتها ولدي يقويني
>A

ام عمار :ما شاء الله ما شاء الله على الدرر الي تقولينها يا حناان ما عرفتس والله
حنان ابتسمت وهي تناظر جويريا :تسلمين يا ام عمار تسلمييين
وخلود ناظرت لجويريا الي ابتسمت وهي تقول :وتقولتس ام شيخة كل البنات يا حنان ،
بشروني بالبنية ب وجه مسود وقالو عااار
اشلون عار وهي عن ظلم الدنيا تنور ايامي
اليوم بالمهد تسهرني وبكرى بحنيتها......تنسيني
لو زاحت طرحتي مني لقيتها وقفت وسترتني
اليوم بتعبها تبكيني وبكرى بكفوف يدها تداويني
لو المرض استواني في راس سريري احترتني
يا ويل ويل الي قالت ببشارة الولد ربي رحمني
بكرى بعجزتك تحسرتي وقلتي لييت ربي رزقني
<A
خلود :الله يا جوييرياا الله كل ذا وحنا ما نعرف صدمتييني والله صدمتييني
ام عمار :بس وانتي صادقةة البنت نعمةة من ربي محدن يقدرها الا فقدها
حنان شالت ولدها وقامت :انا رايحة وراي كوي وشغل
ام عمار:اقعدي ما قعدتي يا روحي
حنان تناظر جويريا :معليه يا ام عنان معذورة
ام عمار :طيب يا قلبي خذي راحتس
قامت حنان وطلعت
وجويريا مبتسمة
ام عمار :والله والله صدمتييني يا جوييرياا
جويريا :هي الي تبي الرد الي زي كذا عشان تسكت وتنطم من يوم ولدت وهي مو تاركتني بحالي بنت وبنت ايه بنت وانا مستانسة فييها اشفيهاا
خلود :وانتي صادقة والله الكلام الي قلتييه صح مية بالمية
جويريا :يا ويل لو يطلع الي قلته انا ما احبب والكلام ل اثنينكمم
ام عمار:افا بس ما يطلع ان شاء الله
خلود :انتي تعرفييني يا روحي ما اقول لاحد شيء
جويريا :ايه ايه والله انتس اكثر وحدة ما يقعد الكلام بفمها بس معليه اهمشي خذت الدقة خلها تسكت وتنطمم

اسيل تناظر نفسها بالمراية حق السيارة و وليد للحين مو مستوعب انه ذي اسيل سوت له فطور وجابتله لين غرفته واكلو اثنينهم مع بعض واول مرة ياكلون بدون مناقرات اسيل
اسيل حست لنظراته ولفت له :خلاص لا تطالعني ترا استحيي
وليد حك راسه بفسلة. وبعدها قال :أسألك بالله صدق انتي اسيل؟ الي كل صباح تضربني وتصحيني بفجعة؟
اسيل:ايه خلاص تعود كذا بكون بعد اليوم وحدة سنعة تجيب لك الاكل وتودي وتنظف وتكرف زي كل حرمة متزوجة وابطل حركات البزران
وليد ما صدق:بالله بتسوين كذاا؟
اسيل :اييه ترا انا عاقلة بس مدري وشصارلي اخر فترة بس انت كنت تغث الواحد عشان كذا
وليد :معليه اهمشي تبين تصيرين زينة
اسيل ابتسمت وهي ترمش بدلع مو متعود عليها وليد
وليد وقف السياره وهو يناظرها بإبتسامة:وصلنا
اسيل :هاه
وليد:اقولتس وصلنا
اسيل وهي تنزل:مسرع ما شاء الله
وليد :اا متى اجي اخذس
اسيل :انا اتصل عليك
وليد :طيب
راحت اسيل و وليد تنهد بفرحة وهو يتخيل حياته الجاية مع اسيل

محمد واقف عند باب غرفة جود :تكفيين الهنوف والله احبتس اناا اموت فيتس ليه تسوين تسذا
الهنوف :اذلف مابي اسمع منك اي كلمة
محمد :جود انتي الكبيرة والعاقلةة فهميهاا
جود :لا تدخلوني بينكمم بعدين كنت فكر قبل تعلق الصوره
محمد:لي ساعة اقولكم مب اناا والله مب انا الي علقته
جود فتحت الباب :زين منهو اجل؟ تستهبل عندي انت من له مصلحة عشان يخرب بينكم بالصورة هاه
محمد :اسييل
جود ضحكت:واسيل ليه تسويها يعني؟
الهنوف :لا تصدقيه يا جود ترا يكذب ما يدري كيف يرقع حبه لها خلاص اعترف وقولهاا انك تحبها للحين
محمد :والله اسيل ترااا ليييه مو مصدقييني هي قالتلي بنفسهاا حتى
جود وقفت زي الناس :انزين وش سوت؟ نسمعك ما ورانا شيء
محمد ما صدق انها قالت نسمعك :والله والله امس انا و وليد كنا نتكلم وانا قلت له تزوج عليها بالمزح مو حقييقيي وشكلها سمعتنا وحسبت حقيقي وفي صبح حطت الصوره الي مدري من وين جابتها حتى
الهنوف :الحين تبغاني اصدق كذبتك هاذي واجي اقول اسفة ما صدقتك؟
محمد :والله يا الهنوف مااا كذبت بحرف من الي قلته ليه ما تبين تفهمين
جود تفكر:والله تصير من اسيل المهبولة
محمد :هاه شفتيي حتى اختها صدقتني وانتي مو راضية تصدقيني
جود لفت لمحمد :الحين انت امشي و لو رجعت اسيل حسابها عندي
محمد :طيب وحرمتي
جود :اقولك روح خلاص
محمد ناظر الهنوف نظره اخيره ومشى
الهنوف :ما اصدقك انتي صدقتيه يعني
جود تقفل الباب :والله كل شيء جايز من اسيلو تراا هاذي راسها يابس ما تفكر وشتسوي لو يجون يقولون لي اختس ذبحت واحد عادي اصدق يطلع من ذي الغبية
الهنوف مترددة تصدق ولا لا :طيب تهقين صدق كلامه ولا لا
جود:مدري نتأكد اذا جت اسيلو
الهنوف تنهدت
جود ابتسمت وطبطبت بكتفها:لا تفكرين اندري محمد رجال عاقل معقولة اي رجال عاقل يعلق صوره حرمته المتوفية وهو توه معرس لا هاذا المجنون حتى ما يسويها ولو صدق كلامتس ويحبها اكيد يحبها بينه وبين نفسه مب تسذا
الهنوف :وانتي صادقة بس يا ويييلها سواد ليلها لو اسيل ورا هالسالفة والله لكسر قرونها الثنتيين هيين بس يا اسيلوو

هيام رتبت اغراضها بالدولاب وهي تناظر ارجاء الغرفة وتلمح سعود يضبضب في صالة وتسمع صوت حركته خلصت و راحت تشوف ياسر لو صحي ولا للحين بس شافته نايم رجعت مكانها وهي مترددة لو تطلع برا ولا لا
بعد صراع مع نفسها قررت تطلع اكيد ما بتقعد بالغرفة طول اليوم
مسكت طرحتها ولبسته وطلعت برا وهي تشوف سعود يصلح في مسجل
قربت وقعدت وهي ساكتة
سعود اول ما حس لوجود حط المفك الي بيده ورفع نظره لها بس سرعان ما نزله مرة ثانية
واخذ نفس وهو ما يدري كيف يكلمها ما قد عمره شاف بنت قدامه ف شيء طبيعي يتوتر مو عارف كيف يتكلم بس تشجع وتكلم وهو يقول بتوتر واضح عليه :مبروك علينا يا ام ياسر ان شاء الله اكون الزوج الي يصونتس ويسعدس واندري عمري ما بقدر اخذ مكان تميم بس بحاول اكون ابو ياسر وما احسسه بالنقص ويكون مثله مثل غيره ما ينقصه شيء ولا ينقصتس انتي بعد
هيام سكتت وهي منزلة راسها :ان شاء الله
بهاللحظة رفع صوت الاذان وقطع بينهم
وسعود ناظر لوهلة وبعدها قام :انا رايح المسجد تعالي قفلي الباب من وراي
قامت هيام معه :طيب
قام سعود وطلع وهيام قفلت الباب من وراه

ركبت السيارة اسيل وقابلت وليد الي مبتسم لها
وليد :مسااااااااااء الوردد للورد
اسيل ابتسمت :مساء النور والله
وليد :جبت لتسس هدية
اسيل تدور حولها :وش؟
وليد مد يده للمقعد الخلفي وهو يجيب قفص عصافير
اسيل وهي تناظر العصافير:الللله يهببلووون هاذا حقي انا؟
وليد:اييه حقتس انتيي
اسيل دمعت
وليد :يويلي لييه تبكيين قلت اييه اييه حقتس حقتس
اسيل :لا ما ابكي عشان تسذا بس طول عمري ودي احد يجيب لي عصافير اربيهم وانت اول واحد تجيبه لي
وليد ضحك:مجنونة اجل لا تبكيين افرحي
مسحت دموعها اسيل وهي مستانسة :طيب هذول الثنتين ذكر وأنثى؟
وليد يحرك السيارة :ايه ذكر وانثى
اسيل :الله فلة شرايك نزوجهم ويجيبون لي حفيد
وليد فطس ضحك :هم متزوجين اصلا
اسيل :يمه صدق؟ اجل ابيهم يجيبون لي حفيد
وليد يضحك :ان شاء الله بيجيبون لتس حفيد
اسيل مستانسة وتلعب معهم
و وليد مبتسم لفرحتهاا مو مصدق انه شيء صغير زي كذا يفرحهاا وفعلآ كنها طفلة اصغر الأشياء تفرحها واتفه الأشياء تبكيها
لحظات و وصلو البيت
اسيل شالت القفص :انت ما بتنزل؟
وليد:لا بروح الدوام
اسيل :طيب والغدا؟
وليد :بتغدا هناك
اسيل :طيب
وليد :انتبهي لنفستس
اسيل مبتسمة :ان شاء الله وانت بعد
نزلت من السياره وهي تراقب سيارته لين اختفى عن الانظار
وتنهدت بفرح وهي تلف وجهها و تدخل البيت وتغني
احبه واحب الي يحبه
فديته وهو كله فداني
نصيبي ياليته من نصيبي
لو الناس لأجلي يسحدوني

ما كملت جملتها وطلعت لها الهنوف
اسيل انفجعت ومسكت قلبهاا :يويليييي فجعتيينيي وفجعتي عياليي
الهنوف :اسم الله على عيالتسس سلامتهم ما يشوفون شرر
اسيل تناظرها بإستغراب :وشعنددتس واضح محتريتني من اول
الهنوف :تكلمي بسرعةة انتي الي علقتي الصورة ولا لاا؟
اسيل تمثل :يمه اي صوره؟؟
الهنوف تقلدها :يمه اي صورةة، صورة جدتيي صوره حرمه محمد المتوفية الي علقتيهاا في المراية
اسيل تسوي نفسها متفاجئة :يمه محمد علق صوره حرمته بالمراية امبيييه ما اصدققق وقح مرره
الهنوف لفت نظرها منها ومن تمثيلها الواضح
اسيل :بس تبين رأيي الواضح انه يحبها للحين وقلبه متعلق بها وتدري هو كان رافض يعرس ليه عشان للحينه يحب حرمته مدري اشلون رضي فيتس يمكن لانتس تشبهينها
الهنوف رجعت نظرها لها وهي تناظرها بتمعن
وبسرعةة شالت القفص من يدها وهربت للمطبخ
اسبل تلحقها وهي تصارخ :يممه عيالي جيبيييهم يا ***
الهنوف دخلت المطبخ ومسكت السكين :تقولين لي ولا بذبح عيالتسس؟
اسيل وقفت بمكانها :يا قاتلةة هاتي عيالييي
الهنوف :بسرعة تكلميي
اسيل :اقولتس مهوب انا غصب يعني اناا
الهنوف تفتح باب القفص بشويش:ترا اذبحهم ومعلي والله
اسيل :خلاص خلاص والله اناا ومهو محمدد هو ماله دخلل
جت جود من اصواتهم :وشصاير هناا
اسيل :جوود شوفيها بتذببح عياليي
جود تناظر العصافير :ما شاء الله جبتي عيال
الهنوف :شوفي اختس يا جودد طلع صح كلام محمد وهي الي معلقة الصورةة هييين يا اسيلوو تبين نتهاوش من اول ييوم حراام عليتسس تفرقين بين زوجيين
اسيل :يستاهل محدن قله يعبي وليد علي
الهنوف :وانا شدخلنيي بينهمم نجي تخربين عليي
اسيل :انتي مالتس دخل صح بس هي دقة لمحمد عشان يبطل يقول لوليد يعرس علي
جود تحط يدها بفمها :يعني انتيي يا اسيلوو والله ما بعدتها من يوم قال محمد
اسيل قربت من الهنوف وشالت القفص منهاا :اييه احسن يستاهل
وطلعت برا
الهنوف تمسك قلبها :شكلها بتذبحني هاذيي
جود ضحكت :بس والله مجنونة اشلون سوتها
الهنوف ضحكت بخفة :وانتي صادقةة لو انا مكانها انطم وانقهر بمكاني مب اسويي شيء زي كذاا
جود :ما ينخاف عليها والله
الهنوف:الا قولي ينخااف منهاا
جوي وانتي صادقةة

نهاية البارت

اعتذر لكم عن التأخير بس معذوورة والله رمضان قرب والاشغال لين فوق راسي